Indholdsfortegnelse for May/June 2022 i SARIE

Van groen het ek nog altyd gehou. Daar was my bottelgroen bell-bottoms, vir jare my gunsteling, selfs lank nadat dit uit die mode was. Ook die uitgerafelde groengrys trui wat in af tye ’n bietjie troos kon bring. Om nie eens te praat van die Groen Gevaar nie – my universiteitskêrel se groen Volla vol nukke, maar wat ons hond en al darem elke keer besorg het waar ons moes wees. Nóú is groen meer as net ’n geit. Vandag kan jy die dieper betekenis van die skakering nie sommer miskyk of misken nie. Groen, dis die kleur van ons oorlewing en welwees. Soos maar altyd met die mensdom het dit ’n krisis gekos om die meeste van ons regtig te laat verstaan. ’n Pandemie gevra om ons besondere band…

REG VIR OPSTAAN EN AANGAAN Tussendeur groot happe mosbolletjie-met-botter-ontbyt, sê ek goeiemôre uit Kaapstad! Ek het so pas Marteni Burger se Kuberkuier-artikel (“E-pos uit Bassin d’Arcachon, Frankryk”, Januarie/Februarie-uitgawe) gelees en dit baie geniet. Sy vertel hul Afri-Franse storie so lekker. Oggendleesstof moet ’n glimlag op ’n mens se gesig sit; baie dankie daarvoor. Die pragtige foto’s en verwysings na kos en wyn en mooi dinge het my sommer weer hoop gegee vir 2022. Ek en my vennoot bedryf ’n toerisme-vervoerbesigheid hier duskant die boereworsgordyn. Ons klim nog teen die (uiters) glibberige damwal uit ná die Covid-pandemie, maar ons het dit gemaak. Dis ’n voorreg wat so baie van ons kollegas in die industrie nie gehad het nie. Dit voel bietjie soos oorbegin, maar ten minste is ons ouer en wyser…

Wonder jy oor bome wat soms in kleurryke doeke getooi is? Dit was reeds in 2008 Strijdom se kreatiewe geesteskind toe hy 393 bome op sy tuisdorp Stellenbosch met rooi doeke versier het. Dit word steeds landwyd nageboots. Van sy permanente beeldhouwerk pryk hier: Beeldepark Europos Parkas in Litaue: Catching the Wind Die regsfirma ENSAfrica in Sandton Amazwi Suid-Afrikaanse Museum vir Letterkunde (voorheen die National English Literature Museum) op Makhanda (Grahamstad) Waterkloof Wyne op Somerset-Wes Stellenbosch se stadsaal: Mandela-gedenkbeeld Voor die Ou Hoofgebou van die Universiteit Stellenbosch: Aanhef (tot die Grondwet van die Republiek van Suid-Afrika) Afrika se suidpunt by Agulhas (deel van ’n span van vyf kunstenaars en argitekte): Agulhas Icon Busan, Suid-Korea: Beeld vir SA troepe wat as deel van die Geallieerde magte in die Eerste Wêreldoorlog gesneuwel…

1 IS DIT ’N BOB? ’N PIXIE? NEE, ’N BIXIE! Daar was die klassieke bob, veertjie-bob, lob (lang bob) en boyfriend-bob. En nou, die nuutste haargier . . . die bixie. Sarah Hyland (Modern Family se Haley) het in Desember verlede jaar by die People’s Choice-toekennings almal verras met ’n nuwe, korter haarstyl. Hul weergawe van die bixie, volgens haar haarstilis, Nikki Lee. Soos die naam aandui, is dit iets tussen ’n bob en ’n pixie. Nie kort genoeg vir ’n pixie of lank genoeg vir ’n bob nie. Maar met die geveerde, amper gelaagde, skerp punte van ’n pixie. Dit bied die volheid van ’n pixie en die veelsydigheid van ’n bob. Dis nie regtig nuut nie, maar terug met mening. Tree ’n oomblik terug na die jare 80,…

SPEEL MET TEKSTUUR Verskillende teksture bymekaar sorg altyd vir ’n interessante uitrusting. Dra die winter se moethê-kniehoogtestewel saam met ’n vintage midi-rok. BLOK JOUSELF Verskaf trefkrag aan jou winterkas met die kleurblok-tendens. Dra ’n rooi broekpak saam met ’n tweedehandse hemp. Vestig aandag op die kraag met aanknipoorbelle as versiering. REIK DIE HAND Die afgelope twee jaar het die gewildheid van handskoene toegeneem en vir winter 2022 is die driekwartlengte gróót. Jy sal dié lengte veral in tweedehandswinkels vind. BLINK UIT Lank verby is die dae wat blinkers slegs vir die aand is. Skitter in die dag met ’n blinkerrok gekombineer met ’n fairisle-trui. Dis die seisoen se moethê-patroon vir informele sjiek. DROOM IN DENIMKLEURE Donker vlootblou denim-items is waarvoor jy hierdie winter op die uitkyk moet wees. Breek die…

VIR VOLLER WIMPERS + VOLUME Wees op die uitkyk vir die woord “volumising” op die verpakking. Dié formule laat wimpers dikker en weliger lyk. Dik borsels met diggepakte haartjies. Beste vir fyn wimperhaartjies. VIR LENGTE + DEFINISIE ’n “Lengthening”-formule skei elke wimperhaartjie en maak nie klonte nie. Kort borselhaartjies eweredig versprei. Beste vir kort wimperhaartjies. VIR EKSTRA KRUL ’n Formule met woorde soos “lifting” of “curling” set wimpers in ’n opwaartse krul. Borsel met ’n kurwe. Beste vir reguit wimperhaartjies.…

GEVLERKTE WIMPERS Gebruik ’n maskara wat verleng en wend die meerderheid van die produk op die buitenste wimpers aan vir ’n gedefinieerde katoog-voorkoms. BONKIGE ONDERSTE WIMPERS Vir onderste wimpers met ’n tikkie drama, soos die model Twiggy dit in die 60’s gedra het, hou die borsel vertikaal en gebruik net die punt om maskara aan te wend. SPINNEKOPWIMPERS Dié dik, klonterige wimpers (sien foto bo) was groot nuus op vanjaar se internasionale modeloopplanke. Kombineer ook met rooi lippe vir ekstra trefkrag.…

Dit was vir my baie opwindend om die Suid-Koreaanse skoonheidshuis FEEV se Hyper-Fit Color Serum in After Squat (R395) op die proef te stel. Dié produk is ’n kombinasie van ’n serum en ’n blosser wat jou vel bevog én subtiele kleur gee. Die vloeibare formule skep ’n deursigtige, blosende voorkoms met ’n douerige afwerking. Ek tik met my ringvingers ’n klein hoeveelheid liggies opwaarts vanaf die appels van my wange in die rigting van my slape aan. Die oorblywende produk gebruik ek om my lippe mee af te rond. Ek hou daarvan om eerder minder serum aan te wend en dit lagie vir lagie op te bou na gelang van die voorkoms wat ek graag wil skep. By dermastore.co.za…

PEER-ENVINKELBROOD Gedroogde pere werk baie lekker in brood en gee die deeg ’n soeterige smaak. Voeg vinkel by en jy het ’n brood wat smaak na nog ’n sny, asseblief. Ek gebruik koekmeel in die resep vir ’n fyner tekstuur. genoeg vir 1 brood 310 ml louwarm water 10 g-pakkie kitsgis 10 g sout 100 g gedroogde pere, baie fyn gekap 10 ml fyngemaalde vinkelsaad 30 ml bruinsuiker 30 ml olyfolie 450 g (800 ml) koekmeel ekstra meel vir sif en rol botter en gouestroop, vir voorsit Meng water, gis, sout, peer, vinkel, suiker en olyfolie in ’n middelslagmengbak. Voeg nou genoeg koekmeel by om ’n stywe, kniebare deeg te vorm. Knie deeg met jou hande vir 8-10 minute of tot glad. Sit in ’n skoon bak wat met olie…

Sarah Ord het eers in ’n klein huis in Kaapstad gewoon, maar met ’n tweede kind op pad was ’n groter plek nodig. Die vierjarige Charlie en sy nuwe boetie, Sam, sou ’n groter tuin en meer ruimte benodig. Die oplossing was om na die familiehuis in Claremont te trek waar haar ma voorheen gewoon het. Die gesin het skaars ingetrek, toe Sarah die kwaste uithaal. Die eetkamer, kombuis en sitkamer het ’n lewendige groen laag verf gekry. Die inspirasie hiervoor ’n antieke groen bierbeker wat altyd voor haar bed staan met vars blomme in. Die kombuis se wit kaste is ná dese helderblou en ’n ou kas knalrooi. As Sarah eers begin verf, sukkel sy om te stop, maar by erfstukke en antieke meubels trek sy die streep. Sy…

Waar het jy grootgeword? Ek is van die Strand en my man, Andrew, van Durban. Ons het ontmoet in Johannesburg, waar ons albei in die advertensiewese (reklame) gewerk het. En in ’n miljoen jaar het ek nooit gedink ons sal in Australië beland nie. Hoekom Australië? Andrew het vir ’n bemarkingspos in die Woolworths-groep aansoek gedoen. Hulle is glad nie verwant aan die Suid-Afrikaanse maatskappy nie, maar is ook ’n supermark. Ses maande later het ons sak en pak getrek na ’n land wat ons nog nooit besoek het nie. Met ’n baba. Die eerste drie jaar was ons in Melbourne en die afgelope tien jaar in Sydney. Dié twee stede is altyd aan die wedywer oor watter een die beste is. Melbourne is meer Europees en herinner my aan…

Elke generasie het sy eie probleme met fokus, dis bloot die aard daarvan wat verskil, volgens dr. Caroline Leaf, ’n Suid-Afrikaans gebore kommunikasiepatoloog en kognitiewe neurowetenskaplike wat nou in die VSA woon. Ons verander, die eise van die lewe is anders, en die dinge wat ons aandag kry, verander ook. Ons raak obsessief daaroor, soos met die tegnologie nou, en dit neem tyd om daarby aan te pas. “Wat Johann briljant uitbeeld, is só ’n aanpassingstyd. Die tegnologie is opwindend en ontwerp om ons aandag te trek. Toe TV die eerste keer verskyn het, was daar dieselfde klagtes. Net so met radio. Aanvanklik gebruik ons dit verkeerd, en kom dan by ’n punt waar ons balans kry.” Ons is dus in ’n oorgang en as ons dit behoorlik bestuur, sal…

SO SÊ HULLE OP SARIE.COM Marc-Gregory oor sy koffietafelboek In Good Company (GenGage, R690) Hoe het die projek begin? My visie om ’n visuele kunsversameling van SA ikone te skep het twee jaar gelede begin. Ek wou ons kultuur van grootsheid vier en iets positiefs in ons land doen. Die opbrengs gaan aan Reach for a Dream, wat kinders met lewensbedreigende siektes ondersteun. Om die projek tydens die pandemie te doen was ’n uitdaging sowel as ’n seën. Dis moeilik om afsprake met bekendes te kry omdat hulle altyd besig is. Met die inperking kon hulle skielik tyd inruim vir die fotosessies in die ateljee. Die pandemie het my ook gedwing om meer kreatief te wees, omdat ek nie op location kon gaan om die agtergronde…

Die verleiding van Eva de Winter , Louis Krüger (Human & Rousseau, R310) “Miskien was die belangrikste kenmerk van hul huwelik: eerlikheid.” Dié sin van die bedrieglik kort roman (125 bladsye) het my onmiddellik vasgevang in ’n web waarvan ek nie kon ontsnap nie. Ek wou terstond weet of Eva en Josua se huwelik werklik so eerlik is as wat die sin te kenne gee. Geleidelik ontvou ’n komplekse kat-enmuis-spel, met temas soos verkragting, die invloed van die sosiale media, groot data en kapitalistiese monopolieë wat aangeroer word. In ’n onderhoud op LitNet oor die kortlys vir NB se Groot Afrikaanse Romanwedstryd 2021 sit Louis Krüger die hooftrekke van sy roman só uiteen: Twee beskadigde mense (’n dataingenieur en ’n vroulike staatsaanklaer) wat verlief raak, owerspel, die wêreld van…

Langs die treinspoor lê ’n kind. Dood. Onherkenbaar, met haar gesig na onder gekeer. Haar liggaam, ’n kakkerlak wat platgetrap is. Haar verbleikte geel rok is oopgesprei onder haar, gevlek met kolle vars bloed. Kort-kort let ek haar op uit die hoek van my oog. ’n Mens kan nie anders nie as om haar raak te sien. Die plakkerskamp reik tot teenaan die tien meter hoë swart heining wat die treinspoor afsper. Die aanmekaargelapte huise staan vier, vyf, ses, sewe, agt bo-op mekaar. Tot hoog in die lug, soos blokkies wat deur ’n driejarige op mekaar gestapel is, balanseer net-net, stort soms in duie en vermorsel enigeen wat op die onderste vlakke bly. Meer as 1,3 miljoen mense bly in die vyf plakkersblokke langs die treinstasie. Die ar as buite…

Op ’n keer reis ek deur die mooi Nederlandse stad Utrecht. Dit is vroegoggend toe my trein instoom. Skynbaar slaap alle Nederlanders op ’n Sondagoggend laat, want die winkelsentrum wat die stasiegebou huisves, is bykans verlate. Ek wag vir ’n trein wat my verder sal neem, drink solank koffie. Oorkant my in die stasierestaurant sit ’n meisie. Ons is die enigste mense in die vertrek, die personeel is iewers onsigbaar bedrywig. Ek is nie daarop uit om ander mense te bespied nie, maar ek kan nie anders nie as om haar raak te sien. Sy lyk ellendig. Dit lyk asof sy enige oomblik in trane kan uitbars. En ja, sy huil wel. Nie met dramatiese snikgeluide nie, sy ween geluidloos, met die droefnis van ’n groot verlatenheid. Ek sit en…

Groen VAN LIEFDE “Ons kry ’n tweede kans op ware liefde.” Só skryf JLo (sangeres Jennifer Lopez en ster van die rolprent Marry Me) in haar nuusbrief oor haar verlowing, 20 jaar ná die eerste keer, aan akteur Ben Affleck. En wys dan haar verloofring met die groot, groen diamant. Groen is juis haar gelukskleur, sê sy. Volgens diamantkenners is groen diamante uiters seldsaam. Hulle weerkaats ’n unieke groen vanweë blootstelling aan natuurlike straling diep in die aarde se kors wanneer hulle gevorm word. Om ’n groen diamant in die werklike lewe te sien, sê die kenners, is asemrowend. Geen wonder JLo sê sy kan nie ophou kyk nie! SIMBOOL VAN AFRIKA Besies klein en groot inspireer Kaapse juwelier Anna Rosholt. Vir haar ’n simbool van haar geliefde Afrika. Die…

Die aktrise Lea Vivier het onlangs in die Maledive verloof geraak aan haar kêrel, André Wilkens. Hier is wat van ons lesers sê: Christine Steyn Ag, sy is oulik. Franci Snyders Geniet so haar spel. Baie geluk, Lea. Adam Odendaal Baie geluk, julle, die Here seën julle. Amanda Gerber Kirwin Baie geluk. Jy is so stunning aktrise. Is jy meer ’n hond-mens of ’n kat-mens? INTERESSANT: Voormalige Mej. Wêreld Anneline Kriel laat weet sy hou ook van albei.…

Chanelle de Jager is deesdae presies waar sy wil wees. Op die plaas Geelkop buite Keimoes in die Noord-Kaap waar die aktrise twee jaar gelede saam met haar verloofde nesgeskop het, lyk ’n tipiese dag dalk só: Hul agt honde maak haar om halfses wakker, dán koffie op die stoep wat uitkyk op die wingerd en haar garingboom-en-kaktustuin. Nege tot vier is “besigheidsure” in haar ateljee. Daarna kosmaaktyd. Sesuur: aandete op die stoep. En later ’n bietjie TV . . . Dis ’n bitter rustige lewe, maar dis hoe sy daarvan hou, gesels Chanelle uit die studeerkamer van die 1930’s-plaashuis wat sy en haar geliefde (sy verkies om sy naam privaat te hou) saam gerestoureer het. Haar hondjie Patat – “ons spot hy is dalk ’n kruising tussen ’n rot…

FERIAL HAFFAJEE, mede-redakteur van Daily Maverick, vra: Hoe handhaaf jy ’n balans tussen goeie en slegte nuus en verseker dat kykers geïnspireer sowel as ingelig bly? Claire: Dit sou wonderlik gewees het as ons nét inspirerende stories kon vertel. Ons [Carte Blanche se] prioriteit is egter om ons kykers in te lig. Ongelukkig neem dit dikwels die vorm aan van iets slegs wat met iemand gebeur het en die lesse wat daaruit geleer kan word. Maar selfs ná ’n slegte nuusstorie is kykers dankbaar dat hulle bewapen word met inligting . . . en op ’n manier beskerm word. Ons moet ook die narratief verander dat goedvoel-nuusstories nie regte nuus is nie. ’n Mens kan maklik oorweldig word deur die wêreld se negatiwiteit, en juis daarom is dit belangrik om…

TROFEEBLOES Ekstragroot strikke, blinkers, kant en chiffon is nie net vir wanneer die son sak nie. Vervang jou gunsteling-T-hemp met een van dié bloese vir ’n treffende 9-tot-5-voorkoms. Wenk Die geheim is om jou grimering informeel te hou BONKIGE JUWELE Die trefkrag van juweliersware, wat in ’n japtrap ’n uitrusting modern en elegant kan laat lyk, word gereeld onderskat. Die nuwe reël is: bonkig en baie. AAND-HANDSAKKE Van blinkers en klinknaels tot vere. Laat jou uitrusting deur die dag skitter met hierdie klein handsakke. Wenk As jou aandsakkie te klein is, dra twee saam BLINKERS Saam met eenvoudige daaglikse mode-items gee blinkers woema aan uitrustings vir die dag.…

Lash Lift Chemiese formules word gebruik om jou wimperhaartjies in ’n opwaartse rigting te set en die illusie van langer wimpers met ’n natuurlike krul te skep. Dit verg min instandhouding en jy kan steeds maskara dra. Die resultaat is vir ses tot agt weke sigbaar, na gelang van jou wimpers se natuurlike groeisiklus. BESTE VIR: Die behandeling is perfek as jy lang, reguit wimperhaartjies het. Dit werk ook goed om wimpers wat te veel krul meer reguit te “stileer”. GETOETS DEUR MONICA  Ek kon nie glo watter verskil hierdie behandeling aan my voorkoms gemaak het nie. Dit het onmiddellik my oë oop en treffend laat lyk. Ek het vir ses weke byna geen maskara gedra nie en gereeld komplimente gekry. Wimperverlengings Vals haartjies word op jou eie wimperhaartjies geplak…

A Accessorize accessorize.com Aldo 010 300 6888, aldoshoes.co.za @home 0860 834 834 home.co.za B Block & Chisel 011 442 0809, 010 593 9308, 021 712 5193, blockandchisel.co.za F Foschini 0860 834 834 foschini.co.za G Gluss 064 675 4085 H H&M 0860 690 707, hm.com/za I Ida-Elsjé 021 424 1101, idaelsje.com Italtile 010 271 2272, italtile.co.za K Kaap Diem 079 806 2775, Instagram @kaapdiemthrift L Lovisa 011 268 0257, 021 551 1051 Lullu lullu.co.za M Mango shop.mango/za Moroccan Warehouse 021 461 8318, moroccanwarehouse.co.za Mr Price 0800 212 535, mrp.com MRP Home 0800 212 535, mrphome.com N Nevernew 079 845 6926, Instagram @nevernewstore O Okapi okapi.com Q Queenspark 086 178 3367, queenspark.com S Sadie Bosworth sadiebosworth.com Second Time Around secondtimearound.co, Instagram @secondtimearoundct T Truworths 021 460 2300, truworths.co.za W Weylandts 0860 103…

Hoe dan só? Wetenskaplikes vermoed die oerbrein, die amigdala, het iets met vloek te doen. Daar waar die veg-, vlug- of vriesreaksie sit en pyn beheer word. Hy verduidelik: Iemand maak jou skrik. Boe! Die meeste van ons gaan een of ander nieverbale uitbarsting hê (waaaw!) en dalk dan vloek. Daar is ook ’n groepie mense wat onmiddellik ’n string kragwoorde gaan loslaat. Dit kan húlle dalk selfs laat bloos. Dit sê vir ons die “vloekmeganisme” sit in die amigdala, want dit sit by jou “skrik”. Voordat die res van jou brein kan intree en dit rasionaliseer (dis net jou verdomde boetie, die klein pes), laat die oerbrein jou vries, veg of vlug. Soos prof. Van Huyssteen sê: “Dit wil voorkom asof vloek dus amper ’n oerinstink is.” Stress minder…

NOSTALGIES OP Moedersdag Van Barbra Streisand en Frank Sinatra tot J.S. Bach en Chopin . . . vanjaar raak die pianis en Steinwaykunstenaar Charl du Plessis nostalgies op Moedersdag met die musiek wat kleintyd in sy ouerhuis gespeel het. Sy eenmalige klavieruitvoering Songs for my Mother is deel van die Aardklop Aubadereeks wat in 2020 begin is om klassieke musiekuitvoerings tydens die pandemie aan die gang te hou. Dis gewoonlik elke eerste Sondagoggend van die maand. Die spesiale Moedersdagkonsert is op 8 Mei om 11:00 by die Afrikaanse Hoër Seunskool in Pretoria. Kaartjies kos R190 by ticketpros.co.za SIEN CHARL OOK HIER Die Charl du Plessis Trio (met Werner Spies en Peter Auret) se nuwe vertoning It Takes Three is op 21 Mei in die Drostdyteater op Stellenbosch; en op 22…

Uiteet en rondkuier is twee van die gewildste aktiwiteite van enige samelewing, vir my is dit al hoe meer ’n skaarste, nie net oor ’n gebrek aan tyd nie, maar ook die krimpende behoefte. My huis en my alleentyd word daagliks belangriker. Die waarheid is dit: ek ontmoet selde nuwe mense, my gastelys vir ’n verjaarsdagete of ander feesviering lyk al vir twintig jaar dieselfde. Dus is dit ’n grootse en vernuwende oomblik wanneer ’n nuwe vriend of twee my klein bestaan binnetree. En dit was wel ’n paar maande gelede die geval. Gemasker, onseker en benoud daag ek op vir tee op die stoep van ’n vriendin. Ek ontmoet ’n egpaar en gesels heerlik, lekkerder as wat ek ooit sou verwag, my beperkte sosiale vermoëns in ag geneem. Hulle…

Met die verfilming van die kykNET-dramareeks van bekroonde skrywer Marita van der Vyver se roman Die dinge van ’n kind, het Melissa Myburgh (bo) ’n gedaantewisseling ondergaan: “As die jong Mart het dit gevoel asof die reeks in ’n mate my coming of age is. As aktrise, maar óók as ’n 22-jarige meisie wat vrou word.” Die onthutsende verhaal oor die verlies van onskuld en die oorgang van kindwees na volwassene, laat jou met heimwee na jou jeug verlang en terselfdertyd oor die groeiproses na volwassenheid besin. Mienke Ehlers (middel), wat die rol van Dalena vertolk, erken dat haar oorgang na grootmens in die bedryf baie moeilik was. “In die groter plan van my lewe word elke geleentheid mooi bestuur. Die rol was genade, want dit het op die perfekte…

Jy sit alleen eenkant in ’n restaurant waar dit lyk asof moderne liefde vandag op die spyskaart is. Jy sien ongemaklike paartjies wat duidelik vir die eerste keer ontmoet nadat hulle mekaar op ’n afspraak-app raakgevee het. Twee ander lieflinge klink weer gemaklik glasies op hul weeklikse afspraakaand. Dit is so ’n klein kamee van hofmakery en Liefde 101 vandag. Die landskap van romanse lyk soveel anders ná die pandemie. Daar word van Covid-19-egskeidings en pandemie-liefdeskokonne sowel as -hartsborrels gepraat. Maar waar is die raakpunte met die hart? Werk die ouskoolse skugter blik oor die vertrek nog om ’n vreemdeling ’n bekendeling te maak? Verhoudings vandag het beslis die vingermerke van die koronavirus se verloop van twee jaar. ’n Studie deur ’n groot farmaseutiese maatskappy wys dat Suid-Afrikaners verhoudingsvoos kan…

Skaars het sy haar internasionale debuut gemaak, of SA aktrise Thuso Mbedu is saam met een van Hollywood se groot name in ’n nuwe fliek te sien. In haar deurbraakrol in die 2021-periodedrama The Underground Railroad het sy geskitter as Cora Randall, ’n slaaf wat van ’n Amerikaanse katoenplaas ontsnap. Thuso is met ’n Hollywood Critics Association-, Independent Spirit asook Gothamtoekenning beloon vir haar spel. Eersdaags is sy saam met Oscar-bekroonde aktrise Viola Davis te sien in The Woman King*, ’n historiese prent wat handel oor die magtige Afrika-koninkryk van Dahomey in die 18de en 19de eeu. Thuso is in Pietermaritzburg gebore en het drama aan Wits studeer. Suid-Afrikaners het haar in 2014 leer ken as die joernalis Kitso Medupe in die sepie Scandal! In 2017 en 2018 is sy…

MA-ENDOGTER-SPAN SKEP VELSORGREEKS Die uitbreek van ’n wêreldpandemie het ma en dogter Charmaine van Heerden en Carla Conradie laat herbesin oor die invloed wat skoonheidsprodukte op hul vel het. Só het hulle besluit om Harvest Moon te begin. Dit is ’n natuurlike velsorgreeks geformuleer met botaniese sterbestanddele soos galambotter en kremetartpitolie, en goed vir die mens en die aarde. Probeer gerus die Harvest Moon Lustre Yield Shower Oil (R330) wat as ’n lyfwas en vogroom dien, of die Harvest Moon Lustre Yield Body Wash (R290) – ’n voggewende en antiinflammatoriese lyfwas verryk met heerlike sitrus. By harvestmoonskin.com of Takealot KULTUSPRODUK TERUG IN SA Hulle is as die oorspronklike “groen” skoonheidshuis gedoop en het sedert hul ontstaan in 1921 ’n kultus-aanhang. Nou is die Duitse velsorghandelsmerk Weleda weer in SA beskikbaar. Hul…

Die krag van lipstiffie strek verder as om ons lippe te tooi. Dit laat ons goed voel en rond ons voorkoms af. Chanel se Rouge Allure L’Extrait-lipstiffiereeks (R1 580 elk), met 20 treffende skakerings, moedig hierdie vorm van selfuitdrukking aan. ’n Hoë konsentrasie van ligreflekterende pigment skep onmiddellik intense kleur met ’n satynafwerking. Die formule bevat ’n gespesialiseerde blomolie om jou lippe te bevog en die elegante goue verpakking is hervulbaar. By Chanel-boetiekwinkels Guerlain se Abeille Royale-velsorgreeks is bekend vir die gesogte heuning van swartbye wat vanaf ’n UNESCO-biosfeerreservaat aan die weskus van Frankryk afkomstig is. Dié heuning se kragtige voedingswaarde in Guerlain se Abeille Royale Advanced Youth Watery Oil (R2 765) beloof om jou vel nege maal vinniger te help vernuwe. Die ligte, waterige tekstuur van die ryk olie…

“Ek was altyd skaam en het aan my eie vermoëns getwyfel.” Maar deesdae het Reece Chloé Lewis meer as ’n halfmiljoen volgelinge wat haar danspassies op TikTok dophou. Boonop het sy sonder enige professionele ervaring die rol van Ezra Rademeyer in die kykNET-telenovelle Arendsvlei losgeslaan. Haar passie vir die uitvoerende kunste het reeds as sewejarige ballerina vlamgevat en as hoërskoolleerder het sy haar SA kleure in hip-hop verwerf. Sy het ook as 15-jarige saam met ’n SA dansgroep by die Wêreldkinderprys-geleentheid by die Gripsholm-kasteel in Swede voor koningin Silvia opgetree. Toe sy nie tydens die inperking professioneel kon dans nie, het sy haarself uitgedaag om gewilde dansvideo’s op die virtuele verhoog TikTok so gou as moontlik te bemeester, en haar weergawe daarvan gedeel. Dis vir haar ’n prettige manier om…

My man kry chemoterapie en val emosioneel uitmekaar. Wanneer kan ek ook erken ek sukkel? Lourentia de Kock, voorligtingsielkundige van Pretoria: Die oomblik wat jy hoor jou man is siek en moet chemoterapie kry, stel ek voor dat jy by ’n terapeut/berader aanklop om jou emosioneel te ondersteun. Sulke nuus is geweldig traumaties en dit kan voel asof jou kop met jou gaan weghardloop. Jy beleef soveel emosies, soos ontkenning, woede, teleurstelling, kommer, verslaentheid, vrees, angs, onsekerheid, magteloosheid. Dis belangrik dat jy jou emosies en gedagtes met iemand deel. As jy nie daarvan ontslae raak nie, bou dit op. Dit kan lei tot emosionele uitbarstings, uitputting, paniek- en angsaanvalle of depressie. Jou man het jou emosionele ondersteuning en begrip nodig. As jou beker leeg is, het jy niks om te…

Ons leef in ’n wêreld waar ons aandag gedurig afgelei word, sekerlik meer as in enige ander tyd in die geskiedenis. Ons verdrink in keuses, toestelletjies en skerms en dit voel soms asof jy gelyktydig in ’n miljoen rigtings getrek word. Al ooit gevoel jou konsentrasiespan is swakker as ’n goudvis s’n? Die tegnologie is ook nie die enigste klip in jou aandagspan se skoen nie, volgens die Britse joernalis Johann Hari in sy fassinerende boek Stolen Focus: Why You Can’t Pay Attention (Bloomsbury, 2022). Johann het drie jaar lank dwarsoor die wêreld gereis en onderhoude met die voorste kenners oor aandag gevoer. Dis nie maar net die gewone geknies wat elke generasie beleef soos wat ons ouer raak nie, sê hy. Maar ’n aandagkrisis, soortgelyk aan die vetsug- en…

Courrèges skryf al 20 jaar vir internasionale publikasies oor Afrika-modes, en dié pragboek is die resultaat van haar ervaring. Dit dokumenteer nie die geskiedenis van Afrika-modes nie, maar reflekteer die nuwe estetika; byna ’n kulturele renaissance wat besig is om te gebeur, en die ontwerpers, fotograwe, visuele kunstenaars en bloggers wat dit dryf. Die afgelope 15 jaar was daar op die demografiese, politieke, sosiaal-ekonomiese en kulturele front heelwat verandering in Afrika, en in verskeie lande het ’n middelklas ontstaan wat trots Afrika-produkte koop. Modeweke in Dakar, Lagos en Johannesburg het gesorg vir prêt-à-porter-Afrika-modes. Wat my opval, is die inspirasie wat uit tradisie geput word en in moderne ontwerpe vorm kry, sowel as ’n etos van volhoubaarheid by die meeste ontwerpers van die kontinent. Insiggewend en ’n moet-lees vir enigeen wat…

“Die probleme van die toekoms gaan ons almal tref. Mense met geld gaan dit dalk langer kan vermy, maar ons almal gaan een of ander tyd ons oë moet oopmaak. Ons is almal in hierdie bootjie wat ons baie vinnig gaan moet omdraai. Ek glo dis moontlik. Ek is nie ’n absolute pessimis nie, hoewel dit dalk so kan voorkom,” vertel Carien uit Sheffield, Engeland, waar sy tans met haar PhD besig is. Die kortverhale in haar debuutbundel, Bot, laat jou diep nadink. Veral die rol van kunsmatige intelligensie en genetiese manipulasie stem mens onrustig. In “Agentskap” kan ouers vir hulle die perfekte kind kies. “Kry jou droomkind vandag. Vervul jou drome om ’n ma of ’n pa te wees. Kies die volmaakte genetiese kombinasie. Kry ’n Moeder saam met…