Indholdsfortegnelse for Sep/Oct 2023 i SARIE

Dis tyd! Vir Wêreldbekerrugby in Frankryk. En nou lê weke van gló en vertrou, bid, juig en asem ophou voor. Net gister, voel dit, het die bus met Siya en die Bokke met hul trofee-toer vanaf die Uniegebou in Pretoria vertrek. Oor die land heen het mense in die strate gedans, “Shosholoza” gesing en was sáám trots dat óns span die 2019-wêreldkampioen is. Soos in 1995 en 2007. Saam was ons sterker. SARIE is Bok-ondersteuners. Faf met sy SA vlag-broekie, Cheslin wat in ’n boog bo-oor ’n teenstander duik vir ’n drie in die hoek, die Bomb Squad wat op die veld draf en almal wéét, hier kom ’n ding. Ons het dan selfs vir Eben met sy troue op ons Maart/April-voorblad gehad. ’n Grafiese ontwerper (Engelssprekend) wat ’n ruk…

WOORDE WEK, MAAR VOORBEELDE TREK Dit is daardie eenkant, verstote randeiertjies wat pouses sielsongelukkig alleen hul toebroodjies in ’n wegkruipplekkie op die skoolterrein eet. Angstig op die uitkyk vir die boelies wat hulle konstant teister – hetsy oor hul voorkoms, persoonlikheid of gebrek aan sosiale vaardigheid. Die jong boelies skroom nie om openlik en luidkeels hul misnoeë met diegene wat van hulle verskil, uit te spreek of hulle selfs fisiek by te dam nie. Dit is tragies en die probleem verdien al die moontlike hulp wat ouers, onderwysers en terapeute kan bied. Maar wat net so ontstellend is, is dat volwassenes mekaar ook boelie en aftakel. Lamppale basuin hoofopskrifte van geslagsgebaseerde geweld en mishandeling uit, maar ook in die werksmilieu vind daar verskuilde afknouery plaas weens afguns. Kollegas het dikwels…

WÊRELDBEKERRUGBY ’23 • FRANKRYK Ek is nie versot op Parys nie. Glo dit of nie, maar ek swymel nie wanneer ek ’n Instagram-prentjie van ’n fotogeniese croissant met die Eiffeltoring op die agtergrond sien nie. Ek volg nie TV-reekse soos Emily in Paris nie, want dit verander die stad in stroopsoet spookasem. Ek hou van flieks soos Amélie en Ratatouille – jy moet ’n regte suurpruim wees om nie voor die sjarme te swig nie – maar ek weet dis ’n gestileerde kamma-weergawe van Parys. Nee wat, ek is nie mal oor die Parys wat ek op sosiale media, in soetsappige liefdesverhale en romantiese rolprente sien nie. Maar ek is liéf vir Parys. Soos jy lief is vir ’n ou vriendin wat jy lank genoeg ken om haar al haar…

SA is vol plantjuweeltjies – jy moet net jou oë oophou Leon Kluge, internasionale landskapsontwerper en botanis As Leon Kluge die dag “bietjie soos ’n aap” op die hoofweg ry, kan jy maar weet sy oë is nie op die pad nie – hy is besig om te kyk watter juweeltjies daar iewers langs die pad tussen die gras groei. Leon het al die wêreld se voorste internasionale landskapskompetisies gewen en vir baie beroemdes (onder wie Brad Pitt) tuine ontwerp en uitgelê, maar hy raak steeds kinderlik opgewonde oor die kleinste plantjie – of dit nou ’n fynbosblommetjie of een van ons land se vele unieke inheemse wortels (’n persoonlike passie) is. Hy móét dit van nader bekyk. En hy deel dikwels fassinerende video-stories oor sy vondste op sosiale media.…

Van kleins af, danksy haar twee stylvolle oumas, het Cyla Gonsolves geweet sy wil eendag in die modewêreld werk. Dié SARIE Voorbladgesigfinalis in 2020 het dus ná skool modeontwerp by die Elizabeth Galloway-modeskool op Stellenbosch gaan studeer. En toe nog ’n diploma aan die Cape Town College of Fashion Design verwerf. In 2018, ’n jaar nadat sy aan die SABC3-werklikheidsreeks The Intern by David Tlale deelgeneem het, het sy ’n aanlyn klerereeks vir vroue bekendgestel. Sy skep haar Cyla Gonsolves-reeks uit haar ateljee op ’n plaas buite Porterville. By die African Fashion International-modeweek het sy al met die room van die bedryf skouers geskuur. Maar vanjaar is sy by die SA Modeweek as die wenner van Mr Price se gesogte New Talent Searchkompetisie aangewys vir haar No Wasting Wonderlandreeks.…

Van die wêreld se stylvolste vroue is Frans. Dink maar aan bekendes soos Brigitte Bardot, Marion Cotillard en die weergalose Coco Chanel. Buiten hul mode-vernuf weet hulle instinktief hoe om hulself mooi te maak. Hulle kry die balans net rég: Subtiel dog treffend, moeiteloos dog afgerond, elegant dog gemaklik; die toppunt van sjiek. ’n Groot aspek van Franse skoonheid is dat hulle nooit foutloosheid nastreef nie, maar eerder hul natuurlike skoonheid beklemtoom en selfs hul sogenaamde petits défauts of “klein imperfeksies” vier. Só het Jeanne Damas, ’n Paryse beïnvloeder en skoonheidsentrepreneur, in ’n onderhoud met die aanlyn leefstylblad Who What Wear gesê. Meer as dit is skoonheid vir die Franse ’n houding, skryf Clémence von Mueffling, ’n Franse skoonheidsredakteur, in haar boek Ageless Beauty the French Way. “In Frankryk, pleks…

’n Fyngeur geïnspireer deur die Pasifiese kus van Kalifornië. Net soos die oseaan wek Louis Vuitton se nuwe Pacific Chill (R4 800 vir 100 ml EDP) ’n gevoel van lewenslus en intense vreugde. Die Franse parfumeur Jacques Cavallier-Belletrud het die essens van swartbessie, wortelsaad en aromatiese kruie vermeng om die geur-indruk getrou weer te gee. Note van appelkoos, ment, dadel en vye komplementeer die swartbessie, terwyl meiroos ’n soetigheid byvoeg wat die geur afrond. By Louis Vuitton in Sandton City en die V&A Waterfront Die ontwerp het in 2019 gedebuteer, maar reeds is dit ikonies. Met die kenmerkende goue monogram en gekwilte ruitpatroon is die Britse luuksemodehuis Burberry se Lola-leerhandsak (prys op aanvraag) ’n besonderse bykomstigheid. Prakties ook, want gewatteer en kompak (23 x 6 x 13 cm) is dit…

Peet en Mary-Jane (MJ) le Roux-Hunt het in hul studentejare op Stellenbosch ontmoet en nie net op mekaar verlief geraak nie, maar ook op die pragtige universiteitsdorp. Dis hier waar hulle nou woon en werk. Toe die kothuis langs hulle in die mark kom, het hulle dadelik ’n aanbod gemaak. Die voorwaarde van die eienaar dat dit nie as ’n kommersiële eiendom herverkoop word nie, was so reg in hul kraal – hulle wou self die buurt as residensiële omgewing bewaar. Dit was ook ideaal vir ’n gaste-kothuis, want MJ se ouers kom gereeld vir lang rukke kuier en hul verblyf daar sou hulle bederf en spesiaal laat voel. Die honderd vierkante meter is met die hulp van ’n argitek herbeplan en die interieurontwerper Charlotte Collins (wat deesdae in Frankryk…

Dit was toe iemand haar die dag vra hoekom sy haar maat dokter toe moes neem en sy, sonder om twee keer te dink, antwoord “want iemand moes sy vorms invul” dat sy besef het daar is groot fout in haar verhouding, vertel Sandra*. “Hy het grieperig gevoel en moes vir ’n Covid-toets gaan omdat sy werk dit vereis het, maar was geensins so siek dat hy nie kon bestuur of na homself omsien nie. Hy het my gevra om saam te kom en sy vorms in te vul, want hy ken nie al sy mediese inligting nie. En ek het dit gedoen, al het ek ’n baie besige dag gehad, want ek wou hom ondersteun – of so het ek vir myself gesê. “Maar toe ek my vriendin se…

Die dae van ons toekoms strek voor ons uit soos ’n ry brandende kerse. Goue kerse, warm en helder. Uit Konstantinos P. Kavafis se gedig “Kerse” in die bundel Van Alexandrië na Ithaka (uit Grieks vertaal deur Louise Cilliers, Naledi, R260) Jan Smuts, 1870-1950: ’n Fotobiografie saamgestel deur Anton Joubert (Protea Boekhuis, R450) Die meeste mense ken Jan Smuts as die omstrede politikus wat dekades lank deel was van die Suid-Afrikaanse sowel as internasionale politieke toneel. Maar wie was die mens agter die openbare figuur? As skrander jong man het hy met ’n beurs in die regte studeer aan die Universiteit van Cambridge, waar hy sy graad met lof geslaag het. Verlange na Suid-Afrika het hom huis toe gebring, en kort voor lank het hy betrokke geraak by die politiek.…

Sy vleg haastig tussen die ander passasiers met hulle oorlaaide trollies deur, haar vaartbelynde wieletjiestas skommelend op haar hakke. Op haar ouderdom het sy lankal geleer om ligter as die res te reis. Gretig om so gou moontlik by die oopskuif-glasdeur in die binnelandse aankomssaal uit te kom, deur die wagtende skare te beweeg, buite te wees. Die son op haar bleek vel te voel. Darem nie meer so ongesond bleek soos toe sy ’n week gelede in Johannesburg geland het nie. Maar die son in die noorde van die land is nie dieselfde as die Kaapse son nie. Hier word die hitte deur die seelug versag. Die son brand flouer, of so voel dit, genadiger vir ’n “bejaarde” vrou se vel. Selfs in haar gedagtes plaas sy aanhalingstekens rondom…

Ané SE JAAR Opwindende maande vir die 25-jarige onderwyseres Ané Oosthuysen van Vanderbijlpark. Eers onder die Top-5 in SARIE Voorbladgesig 2022, en vanjaar een van 12 finaliste vir Mej. SA. Met Voorbladgesig het sy die SARIE-span beïndruk met haar ongekunsteldheid, liefde vir Afrikaans en hoop vir die jeug van SA. En haar hartsvreugde om Kaapstad vir die eerste keer te sien. Wat sy van haarself tydens Mej. SA geleer het? “Dat ek sterk en skerp is, en getrou aan myself kan bly – ongeag omstandighede. Ook dat hierdie nie die einde van my storie is nie.” FOTO’S MEJ. SA-ORGANISASIE (LINKS); SARIE/LEANA CR (REGS) Sien ons Top-5 vir 2023 op bl. 64. Verbeel jou ’n dag in Parys . . . ’n fietsrit langs die Seine, ’n romantiese ontmoeting by die…

Haar betowerende huis in die middel van ’n private wildreservaat is ’n absolute lafenis vir enige siel, moeg of begeesterd. Ons doen joga langs die rivier en spandeer ure op safari. Tussenin leer ek koorsig woorde, soos ’n honger hiëna stap ek op en af en prewel my vertellings, daar is altyd, altyd, altyd ’n openingsaand wat wag, altyd ’n sperdatum. Uiteindelik groet ek en vertrek met my gehuurde motortjie, ek is skaars ’n kwartier op die pad, toe ’n pyn onder my linkerarm skiet na bo, oor my bors tot by die skouer. Ek is pyn gewoond, maar hierdie een is nuut, weer en weer skiet hy soos die pyl van ’n jagter. Ek laat gereeld ’n harttoets doen, my dokter moet al so moeg wees vir my toetse,…

Hy maak vir ons koffie en ons gaan sit by die eetkamertafel op Stirling, die familieplaas buite Bethlehem in die Oos-Vrystaat. Ons wil Wêreldbekerrugby gesels, en boerdery, en die voorreg om te kon huis toe kom, Vrystaat toe. Maar dan raak oud-Springbok Bismarck du Plessis, gereken as een van die beste hakers van sy tyd, vir eers met belangriker dinge besig. Dit is slaaptyd vir die Du Plessis’tjies – Francois en Gideon (7), Bismarck jr. (2) en nóg ’n tweeling, Hannah en Amelie, wat einde Februarie gebore is – en Pa en ma Anja los mekaar af om te sus en te troos en aandag te gee totdat die spannetjie rustig is. Bismarck het in Julie vanjaar op 39 ’n roemryke rugbyloopbaan van meer as 20 jaar gegroet. Ná 79…

KRAG VAN OLYWE Olywe is nie net heerlik om te eet nie, dit het ook velsorgvoordele. Die sterbestanddeel in die trots SA velsorghuis African Extracts Rooibos se topteenverouderingsreeks, Hydrofirm-C+ (pryse vanaf R275), is plantstamselle afkomstig van wildeolyfspruite. Dié molekules werk uitstekend om die vernuwingsproses van velselle ’n hupstoot te gee vir ’n fermer vel. Die reeks is plaaslik deur vroue getoets en daar is klinies bewys dat veltoon egaliger lyk binne net 14 dae en plooie minder sigbaar is in 28 dae. Kies uit ’n dagroom met sonbeskerming, ’n nagbehandelingsroom en ’n serum. * African Extracts Rooibos is ’n borg van SARIE Voorbladgesig en SARIE Nuwe Gesig. Sien die Top-5 op bl. 64 STERPRODUK! ‘ONTRIMPELING IN ’N POTJIE’ Soos ’n mens ouer raak, begin jou vel se natuurlike verjongingsprosesse afneem,…

VERSUIKERDE SPRINGMIELIES (bl. 89) Ek was eerste in die ry by die basaar vir daardie bruinpapiersakkies gevul met helderkleurige soet springmielies. Dit bly ’n gunsteling. genoeg vir 12 ■ 60 ml kanola-olie■ 500 ml (2 koppies) springmieliepitte■ 400 g (500 ml) suiker■ 160 ml room■ 15 ml glukosepoeier (kyk by apteek)■ 1 ml sout■ 5 ml vanieljegeursel■ 5 ml pienk voedselkleursel Spuit ’n groot bakplaat met kleefwerende kossproei. Plaas olie en pitte in ’n middelslagpot met ’n deksel, jy wil ’n pot gebruik wat tien keer hoër as die laag rou pitte onder in die pot is. Plaas toe oor hoë hitte en laat pitte spring – skud so elke nou en dan die pot heen en weer, wees versigtig dat die mielies nie brand nie. ( Jy kan ook…

Modern EN OUD ’n Doelgemaakte industriële tafel word as eiland gebruik in die kombuis, wat ’n mengsel van modern en oud is. Die wit kombuisoppervlakke (van Dekton) en die swart krane vorm ’n mooi kontras met die erfenisgroen kaste en kontemporêre spinnekoplig. SIEN KOOPGIDS OP BL. 141…

MY STORIE Sy was kwaad, baie kwaad. Hoe verstaan ’n kind van drie dat haar ma haar “verwerp” het en op ’n vliegtuig saam met pleegouers na Suid-Afrika wegstuur? Want Felicia Goosen is in die Lard Yao-vrouetronk in Bangkok, Thailand, gebore en het haar eerste drie jaar daar deurgebring as die dogter van Vanessa Goosen. Dié gewese Mej. Suid-Afrika-finalis, wie se storie destyds groot opslae gemaak het, is lewenslank tronkstraf opgelê nadat heroïen in haar besit gevind is. ’n Kennis van haar destydse vriend het haar gevra om tegniese handboeke waarin die dwelms versteek was, na Suid-Afrika te bring. Vanessa, salig onbewus dié was ’n slenter, is uitgevang. Byna drie dekades later vertel Felicia meer van háár lewensreis. Sy erken dat sy eers nóú, op 28, reg is om haar…

In 1988 vlieg ek met drome in my oë na Duitsland. Ek wil kwansuis die wêreld sien en au pair wees vir ’n sewejarige en sy dertien maande oue sussie. “Moet nie die Meisie van Avignon verwag nie,” maan my ma. (Destyds was die gewilde oorgeklankte Franse TV-reeks, met Angelique, die kinderoppasser van die skattige Sebastian, op my radar.) Dit wás uitdagend. Doeke omruil, om klavier te oefen saam met ’n woelwater. Om ’n reuse-hond in die donker winteroggendkoue op plaaspaaie vir sy ablusies te neem. Wavragte was- en strykgoed, kos maak en huis poets. My Duitse huismense was welgesteld, puntenerig en het op die platteland, betreklik ver van die stad, gewoon. Ek het bitter min vrye tyd gehad. ’n Paar maande gelede kry ek uit die bloute ’n Facebook-boodskap.…

BOEKUITTREKSEL Sien bl. 142 Lesers het die groep vriende leer ken in Wegkomkans, wat in 2006 gepubliseer is. Nou is dit 2020, op die vooraand van die Covid-19-pandemie, en in Laaste kans kom dié groep van heinde en ver vir ’n naweek bymekaar om een van hulle se sewentigste verjaardag te vier. Marita verduidelik “as jy eers 60 is, raak jy onvermydelik al hoe meer bewus van laaste kanse, van vriende en geliefdes wat siek word en sterf, en natuurlik ook van jou eie naderende einde. Juis daarom probeer ek elke dag lewe asof dit my laaste dag is. Om die murg uit die lewe te suig, soos [Henry] Thoreau dit gestel het.” In Laaste kans word jy voorgestel aan die rolspelers op ’n groepfoto wat in 1995 geneem is,…

blokraai Oplossing op bl. 145. sudoku Voltooi die rooster sodat elke ry dwars, elke kolom afwaarts en elke vierkant van 9 blokkies die syfers 1 tot 9 bevat – sonder dat een van die syfers herhaal of uitgelaat word in die ry, kolom of vierkant. Oplossing onder regs. OM TE WEET! Ons is bly jy geniet ons gereelde blokraaie. Daar sal voortaan nie meer ’n wedstryd wees nie, maar jy gaan steeds met elke uitgawe die kopkrap kan geniet, met die oplossing onderstebo hiernaas. En onthou, die aparte tydskrif SARIE Blokraai met 150+ raaisels is tans op die rak. oplossings BLOKRAAI SUDOKU…

Eintlik is ons almal superheroes. Ons moet dit net in mekaar raaksienDonnalee Ek sien uit om te weet wat die wêreld vir hom inhouDonnalee oor baba Luca Hy is ’n pragtige siel en sy emosies groot en joyfulDonnalee oor die driejarige Cameron Donnalee Roberts sit voete onder haar ingevou op die rusbank in hul Kaapse huis. Sy is ’n bondel energie. Spontaan en die ene lewenspassie. Dís hoe ons haar leer ken het. Dís wie sy is. Die talentvolle aktrise is tans in die sielkundige riller Blindelings te sien. Daarin is haar oë dood, sielloos. Maar vandag met ons onderhoud is haar oë lewendig en blink. Baba Luca is skaars twee maande oud, en jy kan Donnalee weer deur ’n ring trek. Sy het ook al kans gesien vir die…

Sy Shona-herkoms is vir hom belangrik. Maar vir Afrikaans as taal het hy vinnig lief geword. Nou sing TiNO, oorspronklik van Gweru in Zimbabwe, in Afrikaans, en boonop is dit die taal waarin hy studeer. TiNO is trots daarop dat hy sy skoolloopbaan kon voltooi. Nóg meer dat hy hopelik einde vanjaar ’n landbougraad agter sy naam sal hê. “Ek gaan die eerste een in my familie wees wat ’n graad kry.” As kleuter het hul gesin na Swellendam verhuis. Al verstaan sy ouers nie Afrikaans nie, sing hulle saam as sy treffers soos “Afstand”, “Kateriena Malherbe” en “Tassies pak” speel. Hy is opgewonde oor sy album Net liefde wat onlangs uitgereik is. Met elke optrede is dit vir hom bemoedigend om na die skare te kyk. “Mense maak my…

In jou lewe het jy, nes Siya, al moeilike tye met ’n kanniedood-houding oorkom. Ná matriek het jy bv. vyf verskillende werke op een slag gedoen om jou deur universiteit te kry. Albei van ons ken swaarkry, het al in die verlede deur besonder moeilike tye gegaan. Soos ook soms vandag, waarskynlik in die toekoms ook. Die vorm wat dit aanneem, lyk dalk net anders. Maar so is dit vir die meeste mense. Jy moet net opstaan en aangaan. Vertel meer oor die Kolisistigting, jul organisasie sonder winsoogmerk, se leuse: Remember the one, one by one. As elke persoon net één iets goeds doen, kan ons as ’n samelewing ’n enorme verskil maak. En daaraan moet ons vashou. Julle het die stigting tydens die grendeltyd begin en dit maak reeds…

Dis jaar dertien en steeds is daar ’n entoesiastiese stroom van lesers van oral in die land wat op SARIE se voorblad wil wees. En ons is verheug. 2023 se Top-5 is uitsonderlike vroue wat vrylik hul menings en passie deel. Ook hul weerloosheid, maar sonder twyfel dít weet: Hoe sterker hulle self is, hoe meer het hulle om te géé. Ontmoet die vyf: ’n Apteker van Centurion, ’n koffiewinkelbestuurder van Gqeberha, ’n infrastruktuur-evalueringsbeampte van Kaapstad, ’n entrepreneur van Pretoria en ’n grimeer- en voorkomskonsultant van Kimberley. Één van hulle is die SARIE Voorbladgesig 2023. Binnekort sal die finaliste in Kaapstad deur die bekende Leana Clunies-Ross gefotografeer word vir daardie wen-voorblad wat vanaf 3 November landwyd op die rak te sien sal wees. Aan die finaliste: Geluk! Dis ’n geleentheid…

HEMPROK Dié eenvoudige styl is veelsydig en jy kan dit op eindelose maniere opkikker na gelang van wát jy saam met dit dra, hetsy bykomstighede of ander kledingstukke. WYEPYPJEANS Dié jeans kraai weer koning! Van Parys tot New York is dit die moethê-jeans vir 2023. CARGOBROEK Weg is die dae toe die praktiese cargobroek net vir werk of naweekgemak gedra is; tydens verskeie internasionale modeweke is dit oral stylvol gesien. LOSPASSENDE BAADJIE Dié klassieke item bly ’n staatmaker wat jou altyd afgerond laat lyk.…

MOOIMAAK teen kanker Oktober is borskankerbewustheidsmaand en ter ondersteuning lig ons graag die plaaslike vrywilligerorganisasie Look Good Feel Better uit. Die organisasie bied gratis werksessies deur skoonheidsterapeute waar pasiënte leer om die neweeffekte van behandeling te hanteer. Elkeen ontvang ’n geskenkpak met produkte wat deur skoonheidshuise geskenk word. “Ons besef hoe dit ’n vrou se eiewaarde kan aantas wanneer kankerbehandeling haar sonder hare en wenkbroue laat. Die werksessies en geskenkpakke help om ’n vrou op te beur sodat sy kanker met selfvertroue kan beveg en steeds pragtig lyk,” sê Yvette Powell, programbestuurder van Look Good Feel Better. Vir meer inligting en om betrokke te raak, besoek lgfb.co.za NUWE BAADJIE VIR GRIMEERREEKS Die herbekendstelling van The Body Shop se grimeerreeks sal vroue opnuut opgewonde maak om hulself te grimeer. Die produkte…

“Hier teen September wanneer jy Blouberg toe ry, sien jy die flaminke in die strandmeer pronk. So óók die mense by die see. Dis ’n hoopvolle prentjie van mense en flaminke wat uiteindelik ná die koue maande uit hul winterslaap ontwaak.” Vir Zandélle Meyer, bekend vir haar rol as die 17-jarige Riekie Louw in die kykNET-sepie Binnelanders, gee dit moed. “Mense, kuns, teater, film, musiek, die see en meme wat lewe in die alledaagse geraas blaas, maak my optimisties.” Zandélle, wat oorspronklik van Polokwane is, het op hoërskool aan Potchefstroom Gimnasium aan ATKV-Tienertoneel begin deelneem. Hier het sy haar passie vir toneelspel ontdek. “Toneelspel help jou om jouself beter te leer ken, maar dit help ook om trauma uit jou verlede te verwerk.” Sy het ’n besonderse liefde vir…

Ek het myself afgevra: Is dit my dogter dié? Wat moet ek vir haar sê?Vanessa Sy was heilig oortuig almal om haar kon sien sy kom pas uit die tronk. Eers toe die vliegtuig opstyg, het sy geweet sy is waarlik vry. (Daar was al gevalle van mense wat op die laaste nipper van die vliegtuig afgehaal is.) “Ek was vry, werklik vry! Sonder boeie. ’n Onbeskryflike gevoel,” onthou Vanessa Goosen, deesdae sakevrou en motiveringspreker, en gewese Mej. SA-finalis. “Toe ek op die vliegtuig klim, was dit die eerste keer in jare dat ek nie deur wagte begelei is nie. Niemand het my dopgehou nie . . . “Die kos het lekker gelyk, maar ek kon dit nie eet nie. Ek het nie geweet hoe die toilet werk nie.” Ná…

A @home 0861 111 761, bash.comAldo 010 300 6888, aldoshoes.co.za C Cotton On cottonon.comCrystal Birch 021 465 4505,therealcrystalbirch.com E Etsy etsy.com F Fabiani 0861 111 761, bash.comFoschini 0861 111 761, bash.com G G-Star Raw g-star.comGuess 010 300 6888, guess.co.za H Haus by Hertex 0860 437 839,hertexhaus.co.zaH&M 0860 690 707, hm.com/zaHugo Boss 021 421 3052, hugoboss.com K KLûK CGDT 083 377 7780, klukcgdt.com L Levi’s 086 144 4353, levi.co.zaLovisa 011 268 0257, 021 551 1051 M Mango shop.mango.comMarkham 0861 111 761, bash.comMe&B 072 611 1979, meandb.shopMr Price 064 584 1000, mrp.com P Poetry 086 055 5529, poetrystores.co.za S Sunglass Hut 086 100 0850,za.sunglasshut.comSuperbalist 087 362 7300, superbalist.comSwarovski swarovski.com T Takealot takealot.comTrenery 0860 022 002, woolworths.co.za W Woolworths 0860 022 002, woolworths.co.za Z Zara 011 302 1500, 021 446 8700,031 536 6440,…

Prinses Diana se trui met die wit skapies op die voorkant, net die een swart skapie so skalks en aweregs tussen die ander . . . Onthou jy? Die wêreld was gaande oor daardie trui van die prinses van harte, selfs diegene wat min erg het aan die Britse koningshuis. Hoekom? Omdat dié trui ikonies geword het van ’n jong vrou wat desperaat rebelleer het teen ’n huwelik, ’n sisteem, ’n koninklike lewe wat nooit vir haar ’n veilige hawe was nie? Ek dink baie aan daardie swartskaap-truitjie. Nie omdat ek self een wil hê nie, ek dink dis laf om beroemde mense se klerestyl na te aap. Wat my meer interesseer, is die manier waarop die mensdom vergelykings en metafore bedink om hul mensheid te beskryf deur middel van…