Indholdsfortegnelse for Nov/Dec 2023 i SARIE

Natuurrampe, oorloë, ekonomiese krisisse, toenemende onverdraagsaamheid . . . Maar soos altyd bring November vir ons die troos van ’n warm Afrika-son en die bekende geur van jasmyn in die lug. En koester ons Desember met die wete dat dié spesiale maand ons met genade omvou. Hopelik was dit vir jou persoonlik ’n goeie jaar. Het iets moois jou pad gekruis en jou lewe ten goede verander. Of dalk was jou jaar nie waarop jy gehoop het nie, maar jy’s allesbehalwe op moedverloor se vlakte, want daardie pad gaan jy weer stap en dan sal dit anders wees. My jaar? Een van báie woorde, dink ek dadelik. Vele Teams- en Zoom-sessies, e-posse, WhatsApp-boodskappe. Niks ongewoons vir ’n joernalis nie, maar al hoe meer werk van die huis af beteken daar…

Jy is altyd uitgevat, sê ’n stem. ’n Vriendelike man met ’n kakie-kortbroek staan agter my. Waarheen is jy op pad? vra hy. Huis toe, sê ek. Hierdie is maar my klere. Daar is al gevra of ek van ’n begrafnis kom, besig is om ’n musiekvideo te skiet of te vroeg aangetrek het vir die opera. Ek het as kind individue geken wat nooit, ooit in huisklere (só is lelike lapdinge op ons dorp genoem) of ander slordighede in die openbaar te sien was nie. Dit het my geroer, ek was dankbaar en het uitgesien om hulle raak te loop. En ek het besluit ek sal dieselfde doen, of ander dink dis mooi of gepas, pla my nie, ek TREK AAN, netjies of dramaties en so stylvol as moontlik,…

BLITSVRAE Aanlyn of boeke? Aanlyn is gerieflik, maar ek hou van die reuk en tekstuur van boeke Lewensmotto Leer en ervaar Velsorgwenke Lyfroom, lipsalf, sonblok en baie water Tydskrif of roman? Tydskrif, uiteraard SARIE. Nataniël se rubriek is my hoogtepunt! Werk? Infrastruktuurevalueringsbeampte van die Wes-Kaapse mobiliteitsdepartement Afrikaans is my moedertaal. Ek is lief daarvoor en probeer dit suiwer praat Second-time lucky! Hoekom het jy vanjaar weer vir die SARIE Voorbladgesig-wedstryd ingeskryf? Natasha Joubert, vanjaar se Mej. Suid-Afrika, was my inspirasie. In 2020 was sy tweede prinses, maar sy het vasgebyt [sien bl. 18]. As sy kon, kon ek ook. Ek het gegroei in die ses jaar sedert 2017 toe ek ’n finalis was. Ek’t daai tweede kans gegryp! Eienskappe van ’n Voorbladgesig-wenner? Toeganklikheid en warmte. Jou gesig moet die leser…

Rian van Heerden lyk nie juis vanoggend lus vir die wêreld nie. Verstaan goed: Hy is professioneel en beantwoord die vrae breedvoerig. Maar sy oë kyk oral behalwe op die rekenaarskerm. Dit lyk boonop of hy homself so klein moontlik wil maak. Dis ’n video-gesprek – hy sit in Pretoria en ek in die Kaap – en sy kop is doer onder op die skerm. Die res word gevul deur ’n Batman-plakkaat en . . . die plafon. Sy grys hare is soos gewoonlik netjies agteroor gekam, maar ’n weerbarstige stringetjie hare het op sy voorkop uitgekruip. Verbeel jy jou, of is dit ’n krulletjie, daai? Dan verander die stemming, dalk te danke aan die sluk koffie wat hy so pas geneem het. Hy gee ’n kenmerkende Rian-laggie, dan nog…

Wanneer die dorpenaars jou ontmoet en hoor julle woon nou op die eiland, is hul eerste vraag: “The whole year? In winter too?” Aanvanklik het ek gewonder of die vraag my bang moet maak. Mettertyd het ek agtergekom dat die meeste ekspats met die aanbreek van winter hul luike dig toemaak, na hul huise in hul land van herkoms gaan, tot hulle kort voor Paasfees terugkom. Ons is nie een van hulle nie. Ons het net een (huur)huisie. Koop kan ons nie bekostig nie. Nietemin, as die Grieke besef dat jy regtig dwarsdeur die jaar hier bly en dat dit nou jou tuiste is, omarm hulle jou letterlik. Griekeland wemel van rituele en is propvol tradisie. Dit vat min vir Grieke om fees te vier en herdenkings, feesdae en betekenisvolle…

ROOI PONS Daar was altyd waatlemoen op my grootword-Kerstafel. Hoekom nie ’n drankie daarvan maak nie? genoeg vir 8-10 ■ 500 g waatlemoen, geskil en in blokkies gesny■ 1,5 liter bessiesap■ 1,5 liter bosbessie-ystee■ 750 ml rosé-vonkelwyn■ 750 ml rosé-wyn■ 500 ml sodawater■ gebreekte ys vir voorsit Verwerk waatlemoen tot puree en druk deur sif. Meng waatlemoensap met res van bestanddele. Giet in glasbekers van jou keuse en vul bekers met gebreekte ys. Sit voor. HOU DIT KOUD Gebruik twee houers van verskillende groottes, ons het ’n emmer en ’n kleiner ysemmer gebruik. Vul groot emmer met so 3 cm water en vries kliphard. Plaas kleiner emmer op yslaag met iets swaars binne in. Plaas kruie en bessies of blomme tussen twee emmers en vul met water tot by rand…

Hoe rooier, hoe mooier, veral met ’n tikkie goud. Bederf jouself of ’n geliefde met iets spesiaals in sagrooi tot posbuskleur of blink verguld DEUR AMARIA CARSTENS Of jy op soek is na ’n Kerskous-geskenk of net iets nuuts vir jou vakansie-grimeersak, dié skoonheidsprodukte dra ons goedkeuring weg DEUR MONICA VAN DER WALT EN SUANNÉ MULDER Het jy gehoor? Die Isa Carstens Akademie spog nou met hul eie reeks velsorgprodukte’ Dlé uitgebreide reeks bevat alles van reinigers en afskilferaars tot maskers, serums en vogrome om onder meer droogheid, daaglikse oksidasie-skade, ’n probleemvel en velveroudering te takel. Probeer die sysagte Isa Carstens Aesthetics AntiOx Protect-vogroom (R695), wat ’n strelende, beskermende laag op jou vel vorm en intens bevog. By uitsoeksalonne en -spa’s of isacarstensaesthetics.co.za Die Isa Carstens Akademie is ’n borg…

As kind leer jou ouers jou om te sê “Ek is jammer” as jy jou sussie met ’n blokkie raakgooi wanneer julle huishuis speel. Hoekom het kinders die vermoë om daarna weer vreedsaam voort te speel? Omdat die spel belangriker is as die geveg? Ons weet in die grootmenswêreld lyk dinge nie so eenvoudig nie. “Ek is jammer” is dikwels nie die towerwoorde wat alles eensklaps gaan regmaak nie. Die komplekse verduideliking is waarskynlik dat mense van mekaar verskil: ons persoonlikhede en dinge soos opvoeding, agtergrond en waardestelsels kan wyd uiteenlopend wees. Daagliks word hierdie verskille in ons denke en gedrag uitgelig, hetsy in ons verhouding met ’n maat, tussen ’n ouer en ’n kind, vriende en kollegas. En ongelukkig kan ons verskille ’n teelaarde wees vir misverstand, onenigheid, die…

BOEKUITTREKSEL Sien bl. 150 Die raaiselagtige dood van ’n student laat Bennie Griessel en Vaughn Cupido, die ondersoekbeamptes, met ’n dilemma. Was dit ’n ongeluk of is sy vermoor? Hul enigste verdagte, ’n oud-Recce, word vermoor toe vullerskuim in sy mond gespuit word. So asof sy dood ander moet waarsku om stil te bly! Wanneer hulle in sy lewe begin krap, bring hul ondersoek net al hoe meer vrae na vore. Vlooi, die mooi veldgids van Spoor, is terug as deel van ’n waaghalsige span wat twee uiters riskante rooftogte uitvoer. Het dié span enige verbintenis met die vermoorde Recce? Intussen word die lyk van ’n korrupte politikus wat betrokke was by staatskaping in die sandkuil van ’n gholfbaan aangetref, met duidelike ooreenkomste met die Recce se moord. Wat is…

blokraai sudoku Voltooi die rooster sodat elke ry dwars, elke kolom afwaarts en elke vierkant van 9 blokkies die syfers 1 tot 9 bevat – sonder dat een van die syfers herhaal of uitgelaat word in die ry, kolom of vierkant. Oplossing regs onder OM TE WEET! Ons is bly jy geniet ons gereelde blokraaie. Daar sal voortaan nie meer ’n wedstryd wees nie, maar jy gaan steeds met elke uitgawe die kopkrap kan geniet, met die oplossing onderstebo hiernaas. En onthou, die nuutste SARIE Blokraai met 150+ raaisels is nou op die rak. oplossings BLOKRAAI SUDOKU…

BONSOIR! Parys Tussen fashionistas by die onlangse Paryse Modeweek het die sterre gesit. En op die loopplank het SA aktrise Thuso Mbedu, wat in 2022 teenoor Viola Davis in The Woman King te sien was, en bekende sosialemedia- en TV-persoonlikheid Bonang Matheba geskitter! Die boodskap van dié L’Oréal-vertoning, Walk Your Worth, was om vroue te inspireer om met selfvertroue hul plek in die samelewing vol te staan. In die gehoor was ook huidige Mej. SA, Natasha Joubert. VIR DIE HOU Kersfees word deur miljoene mense gevier. In The Christmas Book word dit uitgebeeld in ’n wye reeks kunswerke en beelde van oral in die wêreld. Daar’s foto’s van versierings en feesetes, skilderye van Kersbome en ander Kerstonele, uitvouboeke, poskaarte, afbeeldings van advertensieveldtogte, tydskrifvoorblaaie, Kerskouse en selfs truie met feespatrone. ’n…

PROFIEL Soms kan Natasha Joubert (26) steeds skaars glo sy is Mej. Suid-Afrika. Dis immers ’n droom wat sy al sestien jaar lank koester. Veral toe sy einde September as ’n gas van L’Oréal na Parys se Modeweek is, moes sy haarself knyp, het sy later op WhatsApp vertel. “Dit het onwerklik gevoel! Daar was ek in die gehoor, die grootste name in die modebedryf se vertonings op die loopplank, die Eiffeltoring op die agtergrond. Ek het [aktrise] Eva Longoria en [sangeres] Camila Cabello ontmoet, saam met ’n klomp ander L’Oréal-ambassadeurs. Parys se strate was ’n belewenis, met die Wêreldbekerrugby ook aan die gang. Dis een van baie stories sover wat ek eendag vir my kinders sal wil vertel!” Tydens ons onderhoud kort voor haar vertrek, erken sy dat sy…

SUSAN het haarself herontdek en die “skadu’s” verlaat. Haar gesin kom eerste, maar sy is ook passievol oor haar beroep BLITSVRAE As jy één toekomsdroom moet uitsonder? Om my dogters groot te maak om in hulself te glo Grootste inspirasie? Koskenner Ina Paarman Gunsteling- Afrikaanse woord?Hottentotsgot Stout vergryp? Nougat Koffie of tee? Koffie Facebook of Instagram? Albei CHANY SA is haar land, SARIE haar tydskrif. Emigrasie is geen oorweging vir dié enkelloper wat projekbestuur studeer, maar ook droom van ’n loopbaan as fotografiese model BLITSVRAE Grootste inspirasie? Robin Sharma se boek The 5am Club Tydskrif of roman? Tydskrif Stout bederf? Pasta Skoonheidswenk? Verwyder grimering voor slaaptyd en gebruik altyd sonbeskerming Toekomsdroom? Om die wêreld plat te toer Selfsorg vir jou? As jy goed lyk, voel jy goed EVITA is doelgerig,…

Stille Nag, Heilige Nag . . . Van een ding kan jy seker wees, dit was stíl. So stil dat jy die sterre sou kon hoor suis. Dalk was daar ’n skaap wat blêr, of een van die wyse manne wat in die donker struikel en uitroep . . . In ’n terugswaai van die pendulum, ’n teenpool vir vandag se roesemoes, werkverslawing, pienk ontploffing en die Real Housewives se myne-is-toggroter-as-joune ekshibisionisme, dryf “stilte” drie trends: stil weelde (quiet luxury), stille onttrekking (quiet quitting) en stil tye (quiet times). Eers ’n definisie: stil•te 1. Maak min of geen geluid nie. 2. Oordeelkundig/diskreet, wat in die geheim of met matigheid uitgevoer word (Oxford Languages, languages.oup.com) STIL WEELDE Een modegier is nou oral. Maar as jy jou oë knip, mis jy dit…

Die wêreld gons oor Suid-Afrika se “eie Ariana Grande”. Tyla Laura Seethal, of Tyla soos sy bekendstaan, het reeds op ’n jonge 19 op sosialemediaplatforms aandag begin trek met haar debuut, “Getting Late”, saam met die plaaslike DJ en musiekvervaardiger Kooldrink. Skaars twee jaar later maak Tyla, wat in Johannesburg gebore is en grootgeword het, geskiedenis met haar tweede enkelsnit, “Water”. Die liedjie is ’n mengsel van pop, R&B en amapiano (’n dansmusiekstyl eie aan SA), en het ’n wegholtreffer geword toe sy op TikTok video’s begin deel het van hoe sy daarop dans. Danksy haar choreograaf, Litchi, het dit tot ’n dansuitdaging op die platform gelei en binne maande sedert die uitreiking daarvan in Julie het die liedjie Amerika se Billboard Hot 100 gehaal. Dis die eerste keer in…

Feesrooi tot partytjiepienk. Elegant gestrik, en frille, valle en pêrels wat glinster. Hierdie feesseisoen is klassiek met sensasionele silhoeëtte, maar daar’s ook plek vir pret en blinkers wat baljaar SEE-ELEMENTE Juweliersware put inspirasie uit die onderwaterse koninkryk met organiese vorms, oorgroot skulpe en pêrels. Oorgroot skulpoorbelle van koper met varswaterpêrels en granaatsteen (prys op aanvraag), Down to Earth Jewellery. Rooi top met driekwartmoue en groot strik (prys op aanvraag), ERRE. GROOTTES Top: 30 – 42 KERSKRANS VAN GEVULDE EIERS Een van die lekkerste maniere om ’n koel Kersfeeskuier mee te begin. Sit voor met ’n glas yskoue vonkelwyn. genoeg vir 6 ■ 100 g spekblokkies■ 12 eiers■ 30 ml geroomde peperwortel (creamed horseradish)■ 125 ml mayonnaise ■ 6 agurkies, gerasper■ 2 takkies dille, fyngekap■ sout en varsgemaalde swartpeper■ 6 radyse,…

Hy het pas sy vierde album, Die Vallei, ter viering van ’n dekade in die musiekbedryf bekendgestel. Sanger en liedjieskrywer Joshua na die Reën hoop dat sy gehoor in hierdie nuwe album sy tevredenheid met die lewe sal kan hoor. “Dat dit ook ’n rustigheid in hul harte sal los om weer asem te haal,” sê hy. Daar was natuurlik ook seer die afgelope tien jaar. “Maar dis vreemd hoe daar mooi in die moeilike verweef is. Seer laat jou met twee keuses: om die lewe as minder mooi te sien, óf om die mooi te gaan soek juis daar waar jou oë dit nie vind nie.” Hy is nou ook pa van drie. “Dit het my geleer hoe om jouself en dit wat jy dink vir jou belangrik…

Soms, wanneer motiveringspreker Melanie Wright voor ’n gehoor van 100 of 200 vroue optree (sy het selfs al vir 3 000 mense haar storie vertel), beleef sy ’n “knyp my-oomblik” en dink: “Gebeur dit regtig? Ek, wat aan sosiale angs gely het, aan die praat voor honderde mense?” Die gedagte is net vlietend, want gehore se reaksie sê alles. Mense is dikwels in trane wanneer hulle haar aangrypende lewensverhaal hoor. Sommige kom deel ná die tyd hul eie ervarings van verlies en trauma. Of omhels haar sommer spontaan. “Dis so bevredigend om te weet my storie maak ’n verskil,” sê sy. Melanie, ’n voormalige Mev. Heelal SA, het nou ook haar verhaal geboekstaaf – haar outobiografie, Carry Me Home *, is met die hulp van ’n spookskrywer geskryf. Die subtitel…

A @home 0861 111 761, bash.comAldo 010 300 6888, aldoshoes.co.za B Block & Chisel 010 593 9308, 011 442 0809, 021 712 5193, blockandchisel.co.za D Down to Earth Jewellery 065 134 6997, downtoearthjewellery.co.za E ERRE 073 885 9068, erre-fashion.com F Foschini 0861 111 761, bash.com H H&M 0860 690 707, hm.com/za K Kirsten Goss 069 692 5871, kirstengoss.co.za M Mango shop.mango.com P Pichulik 072 104 9544, pichulik.comPoetry 086 055 5529, poetrystores.co.zaPretpakkie 082 784 5251, pretpakkie.co.za S Sunglass Hut 086 100 0850, za.sunglasshut.comSuperbalist 087 362 7300, superbalist.com W Woolworths 0860 022 002, woolworths.co.za X XL Events xlevents.co.za Z Zara 011 302 1500, 021 446 8700, 031 536 6440, zara.com/za…

Dis nie ’n toeristebestemming nie, niemand in die res van die wêreld weet van dié gehuggie se bestaan nie. Hoekom is ons daar? Omdat ek en my reisgenoot verkies om op die ongebaande weë te reis, omdat die spreekwoordelike road less travelled altyd vir ons vreugde en verrassings bring. Ook omdat daar skynbaar ’n wonderlike gastehuis is. Ons ry ’n verblindende pad deur die berge. ’n Bergpas met ’n asemrowende uitsig op sneeupieke en valleie. Alles word stil, alles word natuur, amper soos die dag van die skepping. Maar dit is ’n pad wat so smal is, dat ek met siddering in my hart uitkyk of daar nie dalk ’n motor van voor aankom nie. Wie is so waansinnig om op dié pad te ry? En natuurlik gebeur dit, juis…

2023 SARIE VOORBLAD GESIG + 2023 SARIE NUWE GESIG Die wedstryd wat gee, en aanhou gee . . . In ons 13de jaar is SARIE Voorbladgesig steeds uniek in die land, en die wenners en finaliste sinoniem met die kleurrykheid van SA vroue. So ook is die meer onlangse SARIE Nuwe Gesig tekenend van die hoop en energie wat Suid-Afrika se jongmense bring. Ons sê geluk aan ons Voorbladgesig-wenner 2023, Liza Aiken van Kuilsrivier, en Nuwe Gesig 2023-wenner, Alynah Nortjé van die Paarl. Hoe trots is ons nie dat juis júlle op ons voorblad pryk! Michélle en die SARIE-span…

BLITSVRAE Motto Glo in jouself, vat kanse, hou aan stap Liefdadigheid van jou keuse Enigeen wat diere beskerm Berg of see? Berg Velprodukte Natuurlik, veral met rooibos Gunstelinggeur Vanielje Ek’t besef ek het net so ’n goeie kans soos die ander Jy is die 4de SARIE Nuwe Gesig. Hoekom het jy ingeskryf? My ma, Aloïse, is dertig jaar gelede as Huisgenoot se Mej. Tiener aangewys en sy het my geïnspireer om in te skryf. En ek hou van SARIE – dis opbouend, ’n veilige plek vir vroue om oor relevante kwessies te dink en ingelig te word. Wat het jy deur Nuwe Gesig geleer? Geduld! Ek het besef ek is nie in beheer van die uitkoms nie. Dis opwindend, maar ek moet in myself glo en deurdruk. Ek’t net so…

“Die Weskus is een van die min plekke waar dit nog ’n bietjie ‘wild’ is, onge-polish, ’n rof-om-die-rande plek. Hier is almal onvoorwaardelik en sonder skaamte nog hulself,” sê videograaf en Weskus-braaier Dawid Botha, bekend vir sy Lekker Weskus-sosialemediablad, waar hy resepte en skatte van sy hartsplek deel. “Daar is ’n stilte en kalmte hier wat ek nog nie iewers anders ervaar het nie. Die eindelose strande, flaminke, sononders, bokkoms en snoekbraaie het my hart gesteel.” Met Lekker Weskus wil hy wys hoe eenvoudig kosmaak is. “My resepte het geen tierlantyntjies nie, dis reguit, maklik en vir almal. Ek wys vir mense die ware Weskus en hoop dat hulle die dorpies en mense sal kom ondersteun.” ’n Belangrike komponent van sy wenresep is sy kinderlike positiwiteit. “Ek het hierdie…

Spesiale dank aan die Toringkerk in die Paarl vir die gebruik van die kerkgebou. Vir meer, besoek toringkerk.co.za of skakel 021 872 6730. Kerssangdiens Sondag 3 Desember om 18:30.…

Parfuum is ’n geskenk wat jy nooit vergeet nie en altyd sal koester. Dié Kersseisoen herleef ou gunstelinge, net intenser, en vrugte, blomme en eksotiese vanielje word anders benader vir onweerstaanbare geure om ’n geliefde mee te bederf. Maak seker dat jy ook jóú naam by die geskenkelysie voeg VRUGTIG BLOMMERIG Parfuums wat ’n kombinasie van vrugte en blomme bevat, is immergewild omdat dit veelsydig is, na elke geleentheid gedra kan word en by elke persoonlikheid pas. Of jy vars en jeugdig, sexy en misterieus of sterk en gesofistikeerd wil voel, die opsies is eindeloos. “Dié seisoen is blomgeure vermeng met tropiese vrugte veral in die kollig,” sê Tasha Ludlow Furlong, plaaslike parfuumhandelsmerkbestuurder van Bacher and Co. Dink aan eksotiese blomme soos hibiskus en frangipani gekombineer met vrugtenote soos mango,…

OP 10 HET EK GEWÉÉT EK WIL IN DIE GEMEENSKAP WERKBUSHRA RAZACK, HOOF VAN PHILIPPI VILLAGE IN PHILIPPI In Philippi op die Kaapse Vlakte, in ’n eens verlate sementfabriek, is daar deesdae ’n bedrywige, kleurryke gemeenskapsontwikkelingsentrum. Hier kan inwoners ontspan, kleinsakeentrepreneurs hul ding doen en kunstenaars hulself uitleef. Daar is van ’n topklas-klank-en-filmateljee, kantoorruimtes, “slim”-klaskamers, ’n amfiteater, skaatsplankrypark, fietsryen hardloopbaan tot ’n groenteplaas en koffiewinkel met vroue-baristas . . . Bushra Razack, uitvoerende hoof van Philippi Village, put groot inspirasie daaruit. “Dis opwindend, veilig, vol potensiaal en lewe. As ek daar rondloop, wil ek net nóg meer sien en weet,” sê sy. Toe sy in 2019 hier aangestel is, het dié sentrum baie uitdagings gehad en die gemeenskap het nie daarop ingekoop nie. “Ons het eenvoudig die uitdagings gepak, en…

deur soveel stotterjare het ek waarskynlik alles verloor buiten die vuurkring van taal Uit Marlise Joubert se gedig “taal” in haar bundel laatnageilande (Naledi, R260) Botswana Self-Drive James Gifford (HPH Publishing, R850) Die gids is onontbeerlik vir almal wat Botswana met ’n viertrekvoertuig wil besoek. Alles wat jy nodig het om jou reis te beplan word sistematies uiteengesit. Die skrywer maak ook voorstelle oor die beste tye om die land te besoek en hoe die nat en droë seisoen jou reis sal beïnvloed. Gifford gee voorbeelde van reisplanne vir ses nagte, 12 nagte en 18 nagte onderskeidelik vir maklike beplanning. Hy verduidelik die besprekingsprotokol vir die verskillende nasionale parke, kampterreine, lodges en hotelle en gee ook volledige kontakbesonderhede vir al die plekke. Die wenke oor brandstofverbruik en watter faktore jy…

Bennie Griessel sien nie die aangrypende uitsig oor die dorp nie. Sy volle fokus is op die liggaam van die jong vrou in die heuphoogte fynbos. Hy staan net duskant die breë, sanderige brandpad, hoog teen Stellenboschberg. Kwart voor nege, ’n helder herfsoggend in Mei. Sy lê half verskuil deur die silwergroen flora, nege meter van hom af, anderkant die geel misdaadlint wat die uniforms gespan het. Die enigste sigbare wonde is aan haar bene, dit lyk na krapmerke. Die plantegroei rondom haar is nie versteur nie. Haar bergfiets lê langs haar. Hy wil nog nie nader gaan nie. Hy weet dit gaan hom ontstel, soos dit altyd doen. Boonop het hy nie sy PPE-pak aan nie – die “Personal Protective Equipment” wat SAPD-speurders op ’n misdaadtoneel moet dra. Dit…