Indholdsfortegnelse for Nov/Dec 2025 i SARIE

Nou die dag gesels ek met André Schwartz oor die musiekblyspel Cats wat oor die feesseisoen in Suid-Afrika te sien sal wees. Van die stuk weet ek min, dis ’n opvoering wat ek nog nooit gesien het nie. My man het wel, en jare gelede vir my ’n T-hemp uit Londen saamgebring – in die kol vir ’n katliefhebber. Elegant swart met geelgroen katoë voorop, oë wat in die donker geheimsinnig gloei. Wat ek, en seker die hele wêreld, tog weet, is dat die ikoniese lied “Memory” uit Andrew Lloyd Webber se Cats kom. Veral soos Elaine Paige, die doyenne van musiekteater, dit oorspronklik gesing het in die rol van die kat Grizabella. Dit het ’n wêreldtreffer geword, en die ballade sal vir ewig dame Elaine se stempel dra. Memory,…

SARIE-STERBRIEF DIE KUNS VAN STADIGER LEEF In ’n wêreld wat elke dag vinniger draai, voel dit soms asof ons asem kort raak. Ons jaag van taak tot taak, oortuig dat produktiwiteit en besig-wees gelykstaan aan sukses. Maar diep binne weet ons: Iets ontbreek. Stadiger leef is nie luiheid nie – dit is die dapper besluit om teen die stroom te swem en weer teenwoordig te word in jou eie lewe. Dit begin met klein keuses. Sit jou foon neer en drink jou koffie sonder afleidings; voel die warmte in jou hande en die geur wat opstyg. Wanneer iemand met jou praat, luister werklik – nie met jou gedagtes reeds by die volgende afspraak nie, maar met volle aandag in die oomblik. Hierdie eenvoudige daad van teenwoordigheid gee aan elke interaksie…

MAAK DIT SELF ORIGAMI-BOOM Maak jou boom vol origami-versierings wat almal saam kan help vou. Onthou nog daardie fortuinpapiertjies wat ons op skool gevou het? (Soek die aanwysings op die internet as jy vergeet het hoe om dit te vou.) Ons s’n is in wit en drie skakerings van groen. Gebruik ’n kramdrukker om dit aan die boom se takke vas te kram – dis baie maklik om weer af te haal. Jy kan ’n boodskap in elkeen skryf en Oukersaand kan geliefdes dit van die boom afhaal en lees voor die groot uitdeel van presente kom. Jellie en vla maak nie net my kinders se harte bly nie, dis ook iets wat torring aan daai nostalgiese draadjie in my hart Rolanda FRAMBOOS-EN-ROOS-TRIFLE Hierdie is my weergawe van jellie en vla…

1. Dié fyngeur herinner aan sorgelose dae en die son soos ’n kus op jou vel – perfek vir die nuwe seisoen. Louis Vuitton beskryf hul nuwe Sun Song (R6 800 vir 100 ml EDP) vir mans en vroue as ’n ode aan die lemoenbloeisel. Die skepper, die bekroonde Franse parfumeur Jacques Cavallier-Belletrud, wou juis die somer in ’n bottel vasvang. Die eerste geurindruk is lemoenbloeisel, dan volg note soos lemoenblomolie en bitterlemoenolie. Suurlemoen laat die geur sprankel terwyl sagte muskus op jou vel talm. Eksklusief by LV-winkels 2. Giovanna Engelbert was voorheen ’n gevierde stilis met name soos Vogue en Dolce & Gabbana as kliënte. Toe besluit sy om haar kreatiewe gewig by Swarovski in te gooi met ’n visie om tradisionele kristaljuweliersware te vernuwe. Haar Mesmera-versameling is ’n…

Mart* was agt toe haar pa uit hul lewe stap. Daardie aand het sy sonder om te dink op sy stoel aan die hoof van die tafel gaan sit. Haar voete het nie eens aan die vloer geraak nie, maar sy het geweet: Iemand moes sy plek inneem. Vandag het sy ’n vername titel, maar in haar geheue is daar altyd daardie tafel, daardie leë stoel . . . en die onuitgesproke einde van haar kindwees. Of jy nou in ’n groot of kleiner gesin grootgeword het, is die kans goed dat jy al gehoor het: “Jy’s die oudste, jy moet van beter weet.” Of: “Wees ’n voorbeeld vir jou broer/suster.” Dit klink onskuldig, amper soos ’n kompliment, maar daar skuil ’n boodskap agter: Daar word meer van jou verwag…

Die titel van ’n roman is belangrik omdat dit die skrywer se eerste aanbieding aan die leser is, verduidelik Helene. Sy hou daarvan om die skryfproses met ’n titel te begin. “Dit behoort omvattend van ’n roman te wees en is derhalwe ook tydens die skryfproses aanduidend vir die skrywer. Die titel kan metafories of simbolies gerig wees op die ruimte van die verhaal. In hierdie geval is die man van elders, Jean Botha, iemand wat homself tussen iewers en nêrens (sy abstrakte ruimte) bevind, en hy soek na vaste grond.” Lesers het Jean as Pieter-Jan, Diana se broer, in Diana se dag leer ken, toe hy in die tronk beland het weens verkeerde keuses wat hy gemaak het. “Hy het in die tronk tot bekering gekom, verder gestudeer en…

In Junie 1940 was die Tweede Wêreldoorlog aan die gang en Brittanje se oë en hoop op veiligheid gerig op een man, Winston Churchill. Net meer as ’n maand vroeër is hy aangestel as eerste minister. Op 27 Junie skryf sy vrou, Clementine, ’n brief aan hom. Sy vertel hom dat hy nie geliefd is onder sy kollegas nie en dat hy as bombasties beskou word. Sy vertel hoe sy self sy goeie maniere sien verdwyn, dat sy weet hoeveel druk daar op hom is en dat dit vir haar ondraaglik is om te sien dat hy nie bewonder of gerespekteer word nie. Sy skryf dat sy die eerste brief opgeskeur het, maar dat sy besluit het om dit weer te skryf. Vyf-en-tagtig jaar later is hierdie brief ’n beroemde…

In September vanjaar het die ikoniese groep Mango Groove se aansteeklike klanke – daardie unieke afro-popvermenging van marabi en kwêla – aanhangers in die Walter Sisulu Botaniese Tuin in Roodepoort op hul voete gehad. Die geleentheid? ’n Viering van 40 jaar in ’n taai bedryf, met hul vormingsjare in ’n ewe uitdagende tyd in Suid-Afrika se geskiedenis. Die groep het ’n stem aan alle Suid-Afrikaners gegee, die land se ware hartklop weerspieël en ’n lig geskyn soos min ander kon. Met hul eerste konsert in vyf jaar in Johannesburg, daar waar alles begin het, het John Leyden (stigterslid en baskitaar), Keith Marisheni (tromme), Thomas Selmer-Olsson (kitaar), Andrew Baird (klawerbord), Sydney Mavundla (trompet), Themba Ndaba (penniefluit en saxofoon), Percy Mbonani (saxofoon) en die agtergrondsangers Beaulah Hashe, Siziwe Ngema en Pinkie Moseme…

TYD VIR GESKENKE As jy afvallappe het, kan jy die geskenke daarmee toedraai en vasbind met helder satynlinte. Jy kan ook kleurfotostate van die lappe maak en dit as geskenkpapier gebruik. As jou lap min is, trek net die deksel van die geskenkboks oor. Gebruik ’n gomstiffie om die plakwerk te doen. TRADISIONEEL Niks sê Kersfees soos ’n krans bo die kaggel en Kerskouse nie. Die kaggelrak is mildelik met bamboestakkies (Nandina domestica) en ander loof soos dennetakke en pienk amarant versier. Die Kerskouse is van wasdoek. Sien bl. 70 om die Kerskouse te maak en bl. 71 vir die krans. BOOM UIT DIE DAK Dié boom bestaan uit vyf kranse, van groot tot klein, wat uit laaghout gesaag is. (Jy kan ook wilgertak-kranse as basis gebruik, of selfs draad…

1 WAT IS JOU GEDAGTES OOR LANGER JONGER BLY? Ek voel jy kan soveel as moontlik aan die buitekant doen – grimering aansit, botoks en vullers laat inspuit – maar as jy nie aan die binnekant gelukkig is met jouself nie, sien ander dit raak op jou gesig. Om van binne af die werk te doen, jouself te aanvaar en tevrede te wees met wie jy is, maak jou mooi. 2 HOE VOEL JY OOR BOTOKS? Ek is nie gekant daarteen nie. Elke mens moet doen wat hulle glo hulle varser en lekkerder gaan laat lyk en voel. Ek gaan self elke nou en dan vir botoks, maar is versigtig daarvoor wanneer ek rolle aanvaar omdat ek nie al my gesigsuitdrukkings wil wegvat nie. Vir my is dit ook wonderlik…

Dolly is 17 jaar oud. ’n Lyfie wat bibber as ’n ysige Kaapse winterwind waai. Sy word versigtig met soene in haar warm bedjie gesit. Die filosoof Immanuel Kant het gesê as jy iemand wil ken, kyk hoe hy met diere werk. Langs haar hondjie se bed kan jy tot reguit in die aktrise, model en talentsoeker Corine du Toit se hart kyk. Op die drumpel van 50. Gemaklik in haar 36-broek en lang lyf. Met daardie groen oë en sygladde vel wat van haar ’n internasionale model gemaak het. En dan, die onbewuste grasie van ’n kat. Die eens gesogte Storm-model, wat onder meer kontrakte in Londen, Athene, Milaan en Duitsland gehad het, se hande praat saam. Die wenkbroue lig speels-moedswillig en #herinner dat sy al in Egoli (as…

Die meeste van ons gaan in die een of ander stadium van ons lewe daardeur . . . die einde van ’n liefdesverhouding. Die pyn wat ervaar word, is universeel. Weet maar: Hoe seer ook al, dis belangrik om dit reg te hanteer. So nie, vererger die pyn en kan jy nie aanbeweeg nie, sê kenners. Dis een van die moeilikste dinge om deur te maak, sê Gerda Kriel, ’n kliniese sielkundige van Somerset-Wes. “Baie reken dis so erg soos rou. Jou maat het nie gesterf nie, maar jul verhouding het en jy beleef die verlies.” As paartjie het julle algaande psigies, neurologies en fisiek verweef geraak, daarom is die breuk so pynlik en traumaties. Jy moet jou van die verhouding losmaak – dis byna soos onttrekkingsimptome by ’n…

A @home 0860 834 834, bash.comAldo 010 300 6888, aldoshoes.co.za B Birkenstock 021 461 7426, bashafrica.com C Cape Cobra Leathercraft 021 415 3440, capecobra.com D Down to Earth Jewellery 065 134 6997, downtoearthjewellery.co.za F Fabric City 076 832 7417 Foschini 0861 111 761, bash.com H H&M 0860 690 707, hm.com/za K KLûK CGDT 083 377 7780, klukcgdt.com L Lovisa 010 143 0780, lovisajewellery.co.za M Me&B 072 611 1979, meandb.shopMiladys 080 021 2535, miladys.com O Old Khaki 021 464 6444, oldkhaki.co.za P Poetry 021 464 6455, poetrystores.co.za S Superbalist 087 362 7300, superbalist.comSwarovski swarovski.com W Watch Republic 021 418 0045, watchrepublic.co.zaWoolworths 086 002 2002, woolworths.co.za Z Zara 011 302 1500, 021 446 8700, 031 536 6440, zara.com/za…

blokraaie GROOT BLOKRAAI Oplossing op bl. 158 FOTOBLOKRAAI Oplossing op bl. 158 blitsblokraaie BLITSBLOKRAAI 1 Oplossing op bl. 158 DWARS . . (bewonder) (6) (13) AF . . agterna gooi (4) . . moontlik (3) . . voor lank (4) . . is glo (4) BLITSBLOKRAAI 2 Oplossing op bl. 158 DWARS (6) AF . . daarvan afkom (6) BLITSBLOKRAAI 3 Oplossing op bl. 158 DWARS AF . . (4) . . by die woord voeg (4) . . (moeilikheid) (3) . . uitblaas (4) BLITSBLOKRAAI 4 Oplossing op bl. 158 DWARS (6) (4) . . (4) . . hê (8) . . (6) AF . . sy eie stert (4) (4) . . hang (4) woordsoeke + woordblomme WOORDSOEK 1 Oplossing op bl. 159 DStv-KANALE Al JazeeraBBC BritCbeebiesCCTVDiscoveryESPNkykNETMTVSky NewsSuperSportToonzViaWildEarth…

Neutekraker ’N VISUELE FEES! Mens kan jou kwalik die feestyd indink sonder Tsjaikofski se bekoorlike balletproduksie Die neutekraker. Vanjaar is dit Gauteng se beurt om dit eerstehands te beleef. Die klassieke stuk met sy dansende sneeuvlokkies, walsende blomme en ikoniese karakters soos die Suikerfee en Neutekraker-prins is nog net so betowerend soos toe dit op 18 Desember 1892 die eerste keer in St. Petersburg, Rusland, opgevoer is. Dit word deur Cape Ballet Africa by die Teatro Montecasino in Johannesburg aangebied – met puik plaaslike en internasionale dansers. ’n Visuele fees! Van 4 tot 20 Desember. Vir meer: info@webtickets.co.za MODE SERPE ’N HULDEBLYK Wêreldwyd bekend vir uitsonderlike vakmanskap, ontwerp en storievertel vier Ardmore vanjaar 40 jaar van kreatiwiteit met ’n reeks eksklusiewe serpe. Elke serp is geïnspireer deur een van SA se…

Aktrise Je-ani Swiegelaar was nie een van daardie kinders wat altyd die hoofrol in die skoolkonsert vertolk het of vir die buurtannies gediggies opgesê het nie. Sy wou balle skop en buite speel. Goed met haar hande bou. En sy het al wat ’n dier is aangedra huis toe – sy’t tot ’n muis skelm in haar kas aangehou. Dat jy iets soos drama kon doen, het nooit eens by haar opgekom nie. Tot graad elf, toe sy saam met ’n skoolgroep New York toe is en die kans gekry het om die Broadway-produksie The Lion King te sien en selfs backstage kon gaan. “Ek het daardie dag op die verhoog gestaan en net geweet . . . dís wat ek wil doen. Dat jy soveel magic kon skep uit…

Rolanda Marais gooi haar kop agtertoe en lag as ’n mens oor balans begin praat. “Balans. Ha! Dis ’n mite. Ek dink regtig nie so iets bestaan as jy ’n werkende ma is nie.” Vanjaar was uitdagend vir haar, met televisiereekse, verhoogproduksies en selfs ’n podsendingreeks agter die rug. Saans het twee klein lyfies by die huis al haar aandag geverg. “Daar was ’n tyd, naby aan die einde van [die kykNET-dramareeks] Nuusmakers se verfilming, wat ek gevoel het ek kán nie meer nie. Ek was op stel vir 61 van die 63 dae wat ons geskiet het, vroegoggend tot die aand. Saans, soos daai houthek voor ons huis oopgegaan het, het my tweejarige begin huil. Die meeste dae moes ek ’n meltdown hanteer soos ek by die huis ingestap…

BLINK EN KRALE Goud, koper en brons het ’n ryk geskiedenis in Afrika. Ook kralewerk in bonkige halssnoere en armbande. Kies glans vir jou feesvoorkoms, en skoene en handsakke versier met krale. TUIS IN VOLSTRUIS Volstruisleer is uniek en eie aan Suid-Afrika. Die “kolletjiesleer” is duursaam en gee handsakke ’n besonderse tekstuur. MAGIC VAN METAAL Vroue van die Ndebele-stam is bekend vir die metaalringe wat hulle om hul nek dra. Die halssnoere is ’n teken van rykdom. Laat dié weelderige voorkoms jou inspirasie wees om verskeie koperarmbande aan jou een arm te dra. SPOG MET ’N POFMOU Die pofmou is deel van die tradisionele drag van Namibië se Herero-vroue. Hou die voorkoms modern met helder kleure en prettige patrone. BONKIG BO Groot en bonkig is die kenmerk van Afrikajuwele. Dra…

Daar’s iets magies aan die gevoel van ’n pen wat oor papier gly. Dis soos om terug te keer na ’n tyd toe ons nog briewe geskryf het en die enigste “inmandjie” die skoenboks vol poskaarte en handgeskrewe notas onder jou bed was. Gereelde dagboekinskrywings klink dalk soos iets uit jou tienerjare. Glo dit maar, dis terug. En beslis nie net vir tieners met glitter-penne en boy band-plakkate nie. Dis vir enigeen wat smag na ’n bietjie stilte in ’n wêreld van eindelose porboodskappe. Nou is daar ’n pragtige sêding: “Stop sodat jou siel jou lyf kan inhaal.” En dis presies wat ’n dagboek jou gun. Dis ’n manier om briek te trap – ’n klein revolusie van ink en papier wat jou help om weer by jouself uit te…

BRAHMAN HILLS Michele Magwood met Iain Buchan en Tim Steyn (Jonathan Ball, R750) Iain Buchan het nooit ’n visie gehad om Brahman Hills te ontwikkel tot die spog-troubestemming wat dit vandag is nie. Die eiendom in die KwaZulu-Natalse Middelland was bestem as die Buchans se aftreeplek. In 2011 het hulle ook die naburige eiendom, waarop ’n verwaarloosde motel was, aangeskaf. Om die werknemers te behou moes Iain ’n manier vind om gaste daar te kry. ’n Klein dam met ’n kapel op die oewer is gebou. Iain het gewonder wat dit in ’n gesogte bestemming sou kon omskep. Die antwoord: ’n asemrowende tuin ontwerp deur die landskapsargitek Tim Steyn! Die Covid-pandemie het byna die plan in die wiele gery. Iain het hom egter nie laat stuit nie en oortuig toe die…

Die orrel begin speel. Ryk en melodieuse klanke wat sy gemoed ’n rukkie lank sus. Maar dis te onstuimig binne-in hom. Hoe sal hy ooit anders kan voel? Kan mens liefde keer om vatplek te kry? Koponderstebo weet hy hy moes nie gekom het nie. Maar hy wou. Hy hou van hierdie ou sandsteenkerk. Veral van die orrelspel. Dit skep die gewydheid waaraan hy deesdae sterk behoefte het. Hy lig sy ken maar sy blik sak na sy hande wat op sy kniekoppe rus. Hy raak bewus van ’n paar nuuskierige blikke na sy kant toe. Thabu-hulle is ou bekendes hier. Maar Jean Botha sal homself moet bekendstel aan die mense hier. Hy is ’n inkommer. Die blote gedagte wil hom op hierdie oomblik oorweldig want hier is sekerlik ook…

Ek het onlangs pa geword. (Ek wonder hoe lank mens mag sê “onlangs”? My baba is al ouer as ’n jaar, en ek vertel steeds vir almal sy is “onlangs” gebore.) Buiten die feit dat my totale lewe in breedte en wydte verander het, is die baba ook ál in my en my vrou se lewe wat kan tel as antwoord op die vraag: “So wat’s nuus?” Ek is van nature iemand wat ’n wyle neem om iets te verwerk en ek doen dit gewoonlik deur daaroor te praat of skryf. Dit sorg vir ’n goeie reservoir van lirieke of skryfwerk, maar soms kan ek jare later nog ’n ou koei uit ’n graf haal en dit weer van ’n ander hoek bekyk. Ek is seker die ontdekkings en aanpassings…