Indholdsfortegnelse for April 2017 i Tuis

Sosiale media is soms vir my een te veel. Ek sien goed op Facebook wat ek nie wou sien nie, en word betrek by gesprekke waaraan ek nie wou deelneem nie. Maar dis ook ’n onuitputlike bron van inligting en vermaak – en die beste barometer van ons land en sy mense se gemoedstoestand. En vindingrykheid. En sin vir humor. Pas terug van die Kersvakansie vroeër vanjaar sien ek op Facebook die eerste keer die woord “Janu-worry”, en hoe feitlik almal die dae tel na die volgende betaaldag. Dit word ’n refrein, soos Desember se “KeDezemba, Boss” ... Dis ook op Facebook waar ek die eerste keer lees iemand sê hulle het te min salaris vir te veel maand. Maar loshande die Facebook-hoogtepunt sover vanjaar (’n brokkie van Traveller24) is…

HOU DOP BESIGHEID Pip WIE Janine Greyling WAAR Kaapstad HAAR WERK Dis altyd bemoedigend wanneer ’n wonderlike projek ’n goeie doel het – soos Janine Greyling se handelsmerk, Pip, wat mode-artikels en huiswarebykomstighede vervaardig. Bejaarde vroue uit die armer dele van Riebeek-Wes en Riebeek-Kasteel brei en hekel pragtige komberse, kussingoortreksels en vatlappe wat Janine dan vanuit Kaapstad verkoop en landwyd versend om die vroue se staatspensioen aan te vul. “Kort voor haar dood het my ouma gesê sy wens sy het ’n rede gehad om soggens op te staan. Die idee agter Pip is juis om dié vroue iets te gee om na uit te sien, iets waarvoor hulle lief is,” sê Janine. Besoek hul aanlynwinkel by pipit.co.za. WINKELS TOE Kapenaars pleit al jare by Cottonwood, ’n Johannesburgse onderneming wat…

Wie woon hier? Jane en Sean Bergset en hul seuns, Nicholas (14) en Matthew (12) WAAR Durban GROOTTE 300m² Ons wou ’n groot veranda hê sodat ons Durban se lieflike weer elke oggend oor ’n koppie tee kan geniet. – Jane Hoewel Jane Bergset, ’n reisagent, versot is op haar werk en reeds 98 lande besoek het, is dit hier in Durban-Noord waar sy die wye wêreld se stof van haar skoene kan skud en ’n slag asemskep. Maar jy sal nooit die wye wêreld se invloede van haar kan losmaak nie – haar huis is immers ’n weerspieëling van alles wat vir haar spesiaal en vol herinneringe is: ’n grammofoon wat sy met groot moeite heelpad van Amman in Jordanië teruggebring het, ’n tradisionele houtbeeldjie uit Ghana, antieke Franse…

VERSKAFFERS @home 0860 576 576, home.co.za Block & Chisel 021 691 0878, blockandchisel.co.za Bulbinella 021 447 2520, bulbinella.co.za Delos 021 447 5739, delos.co.za H&M Home 086 0690 707, hm.com/za Handles Inc. 021 422 2322, handlesinc.co.za Hoi P’loy 021 447 1433, hoiploy.com MRP Home 0800 21 25 35, mrphome.com U&G Fabrics 011 444 6162, ugfabrics.com The Lighting Warehouse 011 201 2621, lightingwarehouse.co.za Woolworths 0860 022 002, woolworths.co.za…

Beplan jy ’n kombuis- of badkamer-opknap? Probeer Tina, EVOX se nuwe kraanreeks, eksklusief beskikbaar by Tile Africa. EVOX-krane word gemaak van topgehalte-materiaal en kom met ’n 12-jaarwaarborg. Die nuwe EVOX-reeks bied waarde vir geld én ’n stylvolle ontwerp – die perfekte manier om jou kombuis of badkamer ’n moderne voorkoms te gee. Sien tileafrica.co.za vir nog inligting. DIE PRYS Ses gelukkige lesers gaan elk ’n Tile Africa-geskenkpak met die volgende EVOX Tina-krane wen: wasbakmengkraan, versteekte mengkraan, versteekte mengkraan met herleier, hoë wasbakmengkraan, kombuis-mengkraan en badmengkraan. SKRYF SO IN SMS die woord EVOX, gevolg deur jou naam, huis- of e-posadres na 33409 (elke SMS kos R1,50). Sien ons kompetisiereëls op bladsy 128. SLUITINGSDATUM 30 April 2017…

PROJEKGIDS Harde werk 3/10 Vaardigheidsvlak 3/10 Tyd nodig 3 uur, plus droogtyd Doen dit self vir ± R840 (Rust-Oleum Tub & Tile R720, bladkoper R100, verguldgom R20) DEEL # 1 Gee die bad ’n nuwe bolaag Wat jy nodig het GEREEDSKAP • skuurder • klein bokhaarroller en verfbak • kwas • lap INKOPIELYS • Rust-Oleum Tub & Tile (beskikbaar by Builders) • 60-, 80- en 100-grint-skuurpapier • verdunner om die kwas en roller skoon te maak • blou verwersmaskeerband 1 Gebruik die 60- en 80-grint-skuurpapier om ontslae te raak van enige skurwe en skilferige oppervlakke in die bad. Skuur dit dan verder glad met die 100-grint-skuurpapier. 2 Vee enige stof weg met ’n lap; die oppervlak van die bad moet heeltemal stofvry en droog wees voor jy begin verf. Meng…

Materiaal • twee 1 800 mm-lengtes geskaafde dennehout van 32 mm x 44 mm (sye)• vier 20 mm-houtpenne, elk 500 mm lank (sporte) Meet en maak ’n merk op die smal sye van die 1 800 mm-planke, 150 mm van die ente af. Spasieer dan nog drie merke 400 mm uit mekaar. Boor ’n 20 mm-gat by elke merk, ongeveer 30 mm diep. Gebruik Alcolin Professional Wood Glue en lym die houtpenne tussen die twee lang planke vas. Wag tot die gom heeltemal droog is en skuur glad. Besoek www.alcolin.com vir produkinligting of skakel die Sticky Questions-hulplyn tolvry by 0800 222 400 vir raad. Ons beantwoord nog vrae op…

Stoftrapper Bonnie spog met haar rieldanspassies. – Samantha Hugo, Barberton Kop onderstebo Die Deense hond Maddox kan tog so verspot wees! – Phoebe du Preez, Tulbagh  Is dit hoe ’n mens lê? Mocha het ’n vreemde siening van gemak... – Amelia Schreuder, Somerset-Wes Sag en snoesig Die vyf week oue Jasper slaap lekker in Mamma se pantoffel. – Desiree Simonis, Riebeek-Wes Nuut op die mark! Cheese Chase deur Petstages (R NEW 390, ! apetslife.co.za) gee jou kiets drie aktiwiteite vir drie keer soveel pret! Dis perfek vir een of vir die hele buurt se katte. Dié speelding het ’n bal in ’n baan, ’n bal bo-in en ’n kattekruid-gevulde muis met ’n lint vir ’n stert. >> V&A Maagprobleme Louise Mason van Port Elizabeth skryf Ek het ’n baie nuuskierige en uitbundige…

Wie woon hier? Johan en Ronelle Engelbrecht Waar Oudtshoorn Grootte van tuin 444m² Johan en Ronelle Engelbrecht het onlangs huis gebou. Nou is dit die tuin se beurt om struktuur en kleur te kry. Hulle wil self die tuin aanlê, maar het hulp met die ontwerp en keuse van plante nodig gehad. Pietman Diener, ’n tuinontwerper van Stellenbosch, het hand bygesit. Pietman se voorstelle 1 Die rotstuin Lê die rotstuin uit teen ’n gedeelte van die grensmuur. Die muur van ongepleisterde bakstene het ’n mooi tekstuur en sal die ideale agtergrond vorm vir al die interessante vetplante en kaktusse wat kuiermense graag aandra. Kombineer dié plante met bolplante vir seisoenale kleur en ornamentele grasse en plante met ’n sagter groeiwyse, soos besemgras en Tradescantia pallida ‘Purple Heart’. Dié plante sal mooi…

Botterskorsie-rolkoek Dié soet bygereg is heerlik saam met geroosterde hoender. Genoeg vir 1 rolkoek • Bereidingstyd: 20 minute • Baktyd: 1 uur Oondtemperatuur: 180°C •  250 g (450 ml) koekmeel• 10 ml bakpoeier• ’n knippie sout• 125 ml botter• 2 eiers, geklits• 1 kg botterskorsie, gaar gestoom en fyngedruk• sout, varsgemaalde swartpeper en ’n knippie neutmuskaat• 15 ml appelkooskonfyt, gesmelt STROOP • 375 ml kookwater• 2 kaneelstokkies• 25 ml botter• 250 ml (200 g) ligbruinsuiker 1 Maak die stroop Roer die kookwater, kaneel, botter en suiker saam in ’n klein kastrol oor matige hitte tot al die suiker opgelos is. Bring tot kookpunt en kook vir 3 minute. Laat effens afkoel. 2 Voorverhit die oond. Sif die meel, bakpoeier en sout saam. Vryf die botter daarby in tot dit soos growwe broodkrummels lyk, en voeg die eier by. Die deeg moet ferm…

Ricotta-en-mieliemuffins Onder R80 • Genoeg vir 4 • Bereidingstyd: 10 minute Gaarmaaktyd: 30 minute •  8 repe spek• 4 eiers• 350 g ricottakaas, gekrummel• 250 ml gaar mieliepitte• 5 sprietuie, gekap•  1 rooi brandrissie, fyngekap• 30 ml gekapte platblaarpietersielie• 45 ml gerasperde mozzarella 1 Voorverhit die oond tot 180°C en spuit 4 holtes van ’n reusemuffinpan met kleefwerende kossproei. Voer nou die holtes elk met twee repe spek uit. 2 Meng die eiers, ricotta, mielies, sprietuie, rissie en pietersielie en geur na smaak met sout en varsgemaalde swartpeper. Skep in die vier voorbereide holtes en sprinkel die mozzarella oor. Bak vir sowat 25–30 minute of tot gaar en mooi bruin. Sit voor met vars brood en jou gunsteling- tuisgemaakte tamatiesmoor. Pannekoekstapel met forel Onder R150 • Genoeg vir 6 • Bereidingstyd: 40 minute Gaarmaaktyd: 20 minute •  2…

Swaai die appels Cluver & Jack-sider (vanaf R19, Tops at Spar) is verfrissend en droog met ’n natuurlike, vars appelgeur. Dit word in die Paul Cluver-wynkelder op Grabouw gemaak en dié outentieke sider se basis is ’n Granny Smith-appel – die res is ’n goed bewaarde geheim! Besoek cluverjack.com. Hier, kiep-kiep Hoender-rasper met bakkie R249,95, pylones.co.za Olé! Verbeel jou smullekker geregte deur die sjef Martin Senekal, tropiese dekor en ’n onverbeterlike uitsig op die see, dan het jy ’n idee van wat om te verwag by La Parada Del Mar in Victoriaweg, Kampsbaai. Die kos is perfek vir deel – tuna met ’n sesamsaadkors, gebraaide seekat, ham-krokette en die wonderlikste panna cotta met ’n koffiegeur is net ’n paar van die hoogtepunte. Maak seker jy het tyd om te kuier…

Lig jou stert, Hasie! Saag ’n hasievorm uit oorskiet-hout. Ons s’n het ’n impressionistiese reghoekige vorm met ore, maar maak joune gerus meer tradisioneel as jy wil. Saag ook twee gleuwe waarin pootjies kan skuif sodat jou haas regop staan. Boor ’n 26mm-gat en druk ’n ligsok daardeur. Skroef nou ’n ekstragroot gloeilamp in die sok om jou haas se stert te vorm. Beddegoed van Woolworths en MRP Home Kyk ons stap-vir-stapvideo op Facebook. Jaag die hase op Ons is veral dol oor die vier keramiek-hasies bo die kaggel in dié knus hoekie. Raakgeloop by ’n plaaslike mark in Somerset-Wes, is dit nou ’n permanente uitstalling teen een van die sementpanele teen die skoorsteen. Die panele raak boontoe al hoe smaller, wat die fokus plaas op die dubbelvolume van die…

’n Luukse losstaande bad is pure bederf; dis ’n fokuspunt in ’n badkamer en iets wat dadelik die oog vang. Met so baie modelle om van te kies – en as jy in gedagte hou dit kan enige plek in die vertrek staan – werk losstaande baddens ewe goed in kontemporêre badkamers as in dié met vintage-styl. Kyk bietjie na dié opsies en put inspirasie vir jou eie toevlug ... # 1 Franse plaasstyl Die pragtige teëls, muurpanele en hoë houtplafon werk alles saam om dié badkamer in die geskiedkundige Fleurbaix-plaashuis op Stellenbosch ’n klassiek landelike voorkoms te gee. Maar dis beslis die losstaande koperbad wat die kollig steel in hierdie weelderige toevlug geskep deur die interieurontwerper Salomé Gunter. Omdat die bad nie presies in die middel van die vertrek…

Die huiseienaars Mandy en Trevor Sayer WAAR St James GROOTTE 137 m2 (insluitend ’n 6 m2 -binnehof) “Ek is lief vir eiendom, maar ouer huise het ’n spesiale plek in my hart,” sê Mandy Sayer, wat onlangs ’n afgeremde historiese kothuis omskep het in ’n sjarmante, kontemporêre woonplek. Vandag kan ’n mens jou skaars indink dit was die lelike eendjie wat niemand wou koop nie. Die eiendom staan bekend as die Matchbox Cottage en dateer uit 1886 (sien “Die geskiedenis van die kothuis” op bladsy 66). Dit was al jare in die mark toe Mandy en haar man, Trevor, dit koop. “Al is dit naby die hoofweg in St James, het niemand belang gestel nie, want dit is bemark as ’n ‘ekstra’ by die aangrensende winkel,” sê Mandy, ’n eiendomsontwikkelaar…

PROJEKGIDS Harde werk 4/10 Vaardigheidsvlak 3/10 Tyd nodig ± 1–2 uur Maak dit vir net oor R2 000 (pype en toebehore R1 560, hout en -skroewe R400, saaltjies R40, spoorskroewe en proppe R25) Projeknotas • Maak seker jou rak is haaks voor jy dit aan die muur skroef. • Laat saag al die hout by jou houthandelaar – dit sal jou taak aansienlik vergemaklik. Wat jy nodig het INKOPIELYS • 80-grint-skuurpapier • een vel 18 mm-laaghout, gesaag in: drie 650 x 400 mm-rakke twee 960 x 400 mm-rakke • een pakkie 8 mm x 16 mmspaanderbordskroewe • nege 10 mm x 50 mm-spoorskroewe • nege 12 mm-nylon-muurproppe • vyftien 32 mm- gegalvaniseerde saaltjies • die volgende 25 mm- gegalvaniseerde besproeiingspype (gebruik standaardlengtes waarvan die punte reeds ’n draad het): vyftien…

Pragtige paar Hazel Trittner van Roodepoort skryf Dié Zsolnay-vase is 23cm hoog en het aan my man se ouma behoort, wat dit in die middel van die 19de eeu van Wenen na die Tsjeggiese Republiek gebring het. Het dit enige waarde? Ian Conn van Ashbey’s Galleries antwoord Zsolnay is ’n Hongaarse vervaardiger van porselein-, teël- en erdeware; die fabriek is in 1800 gestig. Dié vase is in hoë reliëf versier met voëls en blomme en het ’n voetstuk en galerynek met uitsnydetail – tipies van die tweede helfte van die 17de eeu. Die ontwerp is geïnspireer deur die produkte van die fabrieke in Meissen en Wenen, byvoorbeeld die bekende Meissen Snowball-vase. OUDERDOM Circa 17de eeu WAARDE R2 000–R4 000 vir al twee Werp lig op die saak Valda Munro van…

 As jy soos ’n swaeltjie agter die somer aan vlieg, moet jou tuin op sy mooiste wees wanneer jy daar is! Só voel die eienaars van dié tuin –’n Nederlandse egpaar wat elke lente hier in die suidelike halfrond die koue Europa kom verruil vir die son. “Ons het ons harte op Suid-Afrika en sy inwoners verloor ná vele reise hierheen,” vertel hulle. “Ons hou baie van die inheemse plantegroei en veral fynbos. Omdat die land ’n tekort aan water het, wou ons soveel moontlik inheemse en waterwys plante in die tuin hê. Ons gunstelinge is wit en blou agapante, proteas in al hul kleure en vorms, en die smalblaarspeldekussing (Leucospermum lineare x cordifolium) wat in die voortuin blom. En as die plante boonop voëls en skoenlappers lok,…

Wenk van die maand Herfsblare wat val, is ’n wonderlike bonus vir tuiniers. Dit maak ’n goeie deklaag rondom struike, want dit sal mettertyd ontbind en die grond verryk. Take vir April Deur Kay Montgomery 1 Hou dit netjies Een van die grootste tendense vir 2017 is ’n netjiese, ordelike tuin. Met kleiner erwe is dit belangrik om af te skaal en jou tuin te vereenvoudig. Kyk met ’n kameralens na jou buiteareas vir ’n vars perspektief sodat jy kan sien waar daar ruimte vir verbetering is. As plante mekaar toegroei, besluit waarvan jy hou en wat die moeite werd is om te hou. Verwyder dié wat min tot die tuin bydra. Hou ’n oog oop vir nuwe variëteite van ornamentele plante soos agapante en Inkalelies (Alstroemeria) omdat dit minder…

OP DIE KASSIE Die ma-en-seunspan Dol en Joe Strydom is passievol oor oudhede en erfstukke. In die nuwe reeks, Skatjagter (Maandae om 17:30 op VIA, kanaal 147 op DStv), vat hulle die pad na markte, skrootwerwe en ander uithoeke om vergete skatte uit te snuffel en tot hul vorige glorie te herstel. Decorex Kaapstad 27–30 April: KIKS Vir dekor- en ontwerpinspirasie, kennersraad, nuwe ontwikkelings en die jongste trends in huisdekor, loer van 10:00 tot 18:00 in by Decorex in die Moederstad. Kaartjies kos R95 vir volwassenes, R85 vir pensioentrekkers en R20 vir kinders onder 12. Besoek decorex.co.za. Kom smul na hartelus by die Prins Albert-olyf-enkosmark op 28 en 29 April op dié pragtige Karoo-dorpie. Sien princealbert.org.za vir nog inligting. SA Kaasfees 28–30 April: Sandringham, Stellenbosch Die immergewilde SA Kaasfees spog…

Wie woon hier? Lynne Behr WAAR Prins Albert GROOTTE 290m² In 2012 het Lynne Behr een aand toevallig ’n episode van die gewilde leefstylprogram Top Billing op TV gesien. Die onderwerp was Prins Albert in die Karoo, en die bekoorlike dorpie het haar verbeelding aangegryp. Sodra sy van haar huis in Fairwood, Johannesburg, kon wegglip, het sy die pad gevat en ’n paar dae daar by ’n vriendin gaan deurbring – en kort voor lank besluit dis waar sy die volgende hoofstuk van haar lewe wil deurbring. “In Johannesburg moes ek lang ure werk, en ek was regtig pootuit,” vertel Lynne, ’n masseerterapeut. “Ek wou nog altyd ’n paar jaar afneem om te skryf, musiek te maak, minder te werk ...” Lynne wou aanvanklik ’n bestaande huis koop, maar die…

Wie woon hier? Charmaine en Paul Wakefield, en af en toe hul studentdogter, Jemma (23) WAAR Riebeek-Kasteel GROOTTE 220m2 ORIËNTASIE Oos Charmaine Wakefield het geen verskoning nodig om haar huis op te dollie nie, maar oor Paasfees haal dié kreatiewe binnenshuise en troustilis alles uit. Sy het immers in 2013 op Paassondag ewige trou beloof aan haar man, Paul, ’n ITspesialis, daarom sal dié dag altyd ’n spesiale plek in hul hart beklee. Die egpaar het hul plaashuis uit die laat-1800’s in Januarie 2015 gekoop. “Ons het ons eerste romantiese naweek op Riebeek-Kasteel deurgebring,” onthou Charmaine. “Paul het toe gesê eendag koop hy vir my ’n huis hier. Jare later, toe ons nog in Wynberg, Kaapstad, gewoon het, was ons weer in die omgewing en het ons ons hart op…

VERSKAFFERS  Bathrooms 4 U 021 883 9861, bathrooms4u.co.za Bathroom Bizarre 0861 555 000, bathroom.co.za Block & Chisel 021 691 0878, blockandchisel.co.za Bloo Monkey 033 330 4846 Collectors Place 083 659 0189, collectorsplace.co.za CTM 0861 433 337, ctm.co.za Graham Larkin 082 962 2911 Italtile 0861 555 109, italtile.co.za Koöperasie Stories 076 303 9336, kooperasiestories.co.za la Basse-cour 071 684 018, bassecour.co.za Lavo Bathroom Concepts 021 461 0180, lavo.co.za Loft Living 021 422 0088, loftliving.co.za Old Time Bathrooms 012 998 8112, oldtimebathrooms.co.za Pieter van Dijk Studio 021 557 9475, pietervandijk.com Quartz Carpet 086 1782 789, quartzcarpet.co.za Red Chair redchair.co.za Salomé Gunter Interiors 073 145 7170, salomegunter.co.za The Flooring Company 011 894 3545, theflooringcompany.co.za The Railway House 021 788 4761 Tile Africa 0800 002 783, tileafrica.co.za Victoria + Albert 023 347 4939, vandabaths.com Victorian Bathrooms 021 761 4850, victorianbathrooms.co.za…

V&A met Mandy Mandy het op 23 haar eerste huis gebou, daarna ses huise vir haar eie gesin gebou en opgeknap, en sedert sy Sayer Projects op die been gebring het, nuwe lewe aan nog 13 gegee. Sy is ’n ervare eiendomsontwikkelaar met ’n oog vir potensiaal, iemand wat ’n vervalle eiendom in ’n gesellige ruimte kan omskep en dit perfek vir voornemende kopers aanbied. Ons het by haar gaan kers opsteek vir raad: • Ek gaan kyk oor naweke na skouhuise. Só bly ek op die hoogte van markneigings. • Die belangrikste in die kombuis en badkamers is natuurlike lig en die beste moontlike uitleg. ’n Opwasdeel vir die kombuis en ’n en suite vir die hoofslaapkamer is ononderhandelbaar. Bou vensters in as die binnekant te donker is en nie…

Watter kleur? Alet Laubscher van Windhoek skryf Ek gebruik graag Annie Sloan-verf vir projekte in my huis. Maar nou wil ek ’n hele aksentmuur verf en soek ek ’n meer bekostigbare produk. Watter kleur van ander verskaffers is die naaste aan Annie Sloan se French Linen en Paris Grey? Die kleur van droë verf teen jou muur kan baie verskil van dit wat jy in ’n tydskrif gesien het. Boonop sal die lig in jou vertrek ook ’n rol speel. Om die regte kleur te kies, verf blokke op verskillende plekke in jou huis, verkieslik op ’n wit oppervlak. Kyk hoe die kleur op verskillende tye van die dag lyk sodat jy ’n goeie idee van die algehele effek kan kry voor jy met die projek voortgaan. Ons het drie…

Hoe verplant jy ’n roos? Adri Theron van Kaapstad skryf My ma wil rose met sentimentele waarde skuif; wat is die beste manier om steggies te maak sodat sy die rose na haar nuwe blyplek kan saamvat? JJ antwoord Een van die beste maniere is om ’n gaatjie in ’n aartappel te maak met ’n stokkie, ’n knippie kaneel in die gaatjie te gooi en die steggie daarin te druk. Plant die steggie dan – aartappel en al! – op die nuwe plek. Die ander opsie is om die hele struik te verplant; doen dit in die koeler maande van die jaar. Snoei die hele plant met omtrent die helfte terug. Grawe dit uit sonder om die wortels te veel te versteur en hou die wortelbal en grond bymekaar.…

’n Boomdahlia gee hoogte in jou tuin en blom in die laatsomer en herfs. Die boomdahlia is ’n wonderlike plant wat vir pragtige blomme in die herfs sorg. Dit hou van komposryke grond en baie son, maar moet beskerm word teen wind; stut maar die stam. Dit dra sy blomme op die punte van sytakke, en in die middel van die somer kan jy dit met ’n derde tot die helfte korter sny om dit aan te moedig om meer sytakke te maak. Sny ná blomtyd heeltemal af; dit loop weer volgende lente uit. Om te vermeerder, sny die afgesnyde stam in stukke van ongeveer 10 cm lank. Gebruik die ouer, houtagtiger dele hiervoor (nie die groen, jonger dele nie) en sorg dat elke stuk minstens een lit het. Die…

V: Daar is groot geel-en-swart kewers wat aan my rose vreet, en blykbaar hou hulle veral van my geel ‘South Africa’-rose. Dis vrugtekewers; hulle teel aan in komposhope of sagte grond en hou van geurige rose. Spuit met Cyper teen dubbelsterkte – dit sal die kewers doodmaak en ’n ruk weghou. As jy nie gif wil gebruik nie, haal die kewers met die hand van die blomme af en gooi hulle in ’n emmer water sodat hulle versuip. Die feromoon-lokvalle wat te kry is, is ondoeltreffend. Trots op jou tuin? Stuur foto’s na redakteur@tuis.co.za – ons wil graag sien! V: My ‘Avril Elizabeth’-rose is tamaai, maar hul koppe hang ondertoe. Kry dit te min sonlig? Dis ’n genetiese eienskap, algemeen in variëteite met groot, geurige blomme met baie blomblare. Party…

Dié staatmaker-resep vorm die basis vir drie heerlike Paasfeesbederfies. Basiese koekiedeeg Lewer sowat 24 koekies, afhangend van die grootte • Bereidingstyd: 30 minute, plus rustyd • Baktyd: 10–15 minute per plaat • Oondtemperatuur: 180°C •  250 g botter, sag• 130 g (250 ml) Huletts Icing Sugar, gesif• 1 eier, geskei• 2 ml vanieljegeursel• 375 g (670 ml) koekmeel, gesif 1 Klits die botter en versiersuiker saam tot lig en romerig. Voeg die eiergeel en vanieljegeursel by en meng goed. Voeg die meel by en meng tot ’n sagte, kniebare deeg. As die mengsel te droog voel, meng die eierwit bietjie vir bietjie by tot dit die regte tekstuur het. Vorm dit in ’n plat sirkel, bedek met kleefplastiek en laat rus vir 10 minute in die yskas. 2 Rol die deeg uit op ’n oppervlak wat…

Daar is ’n droefnis op aarde wat uniek in sy verskriklikheid is, en dit is die droefnis van ’n troeteldier se afsterwe. Sommige mense het geen begrip vir die groot hartseer as jy ’n troeteldier verloor nie – ’n dier is mos net ’n dier, sê hulle. Hierdie mense is nie eintlik “mense” nie; hulle is organismes van ’n laer orde met wie ek nie eintlik wil assosieer nie. Maar daar is wel diegene wat verstaan as jou hart wil breek oor een van jou dierevriende se afsterwe. Hul deernis en begrip is al klaar ’n troos. Neem gerus maar kennis van die uitspraak dat ’n samelewing se beskawingspeil gemeet kan word aan die mate waarin hulle na hul bejaardes en diere omsien. Die interessante en komplekse verhouding tussen die…