Indholdsfortegnelse for October 2015 i Tuis

Baie jare gelede, toe ek nog ’n groentjie in die Kaapse dagblad Die Burger se nagkantoor was, wil ek ’n kollega (nou ’n vriendin) komplimenteer op haar werk. Ek was deel van die span mense wat taalversorging en bladuitleg moes doen, en sy was daardie aand die hersiener, die een met die laaste sê oor taalkwessies. Die hersiener het altyd op dieselfde plek gesit. Dit was nie altyd dieselfde mens nie, maar daardie aand was Amelia “in die stoel”. Dit was die uitdrukking waarmee jy die hersiener beskryf het – die een “in die stoel”. Asof dit ’n heilige plek was. Net ná 9 die aand is die eerste uitgawe van die koerant by die rolpers, en ons vat ’n blaaskans. Nadat Amelia my weer reggehelp het met die een…

Hou dop! BESIGHEID Maria Magdalena WIE Maria Magdalena van Wyk WAAR Kaapstad HAAR WERK Ons het Magdalena die eerste keer vroeër vanjaar by die Design Indaba Expo ontmoet en was dadelik gaande oor haar werk. En dis duidelik nie net ons wat beïndruk is deur haar swart-en-wit lyntekeninge nie. Kort daarna het sy betrokke geraak by verskeie gesamentlike projekte, waaronder die Tintin in Africa-uitstalling by Studio Dylan Thomaz in Kaapstad en Le Galeria in New York. Magdalena, oorspronklik van Port Elizabeth, sê sy beskou haar tyd in die Moederstad as die volgende stap in haar loopbaan as vryskut- grafiese ontwerper en -illustreerder. In Oktober, presies ’n jaar nadat sy amptelik haar loopbaan begin het, sal haar oorspronklike versameling werk tentoongestel word, asook agt nuwe 100 Tiny Originals met ’n fokus…

Tien jaar gelede het Jackie Thomson en Wynand Wessels hul historiese huis in die Paarl vir ’n moderne blyplek in Pretoria verruil. Maar daardie iets ouwêrelds waarvoor hulle so lief was, het in die proses in die slag gebly… Vriende het toe dié Gauteng-groentjies aangeraai tom ’n draai te maak op Cullinan, ’n ou myndorpie sowat ’n uur se ry van die stad af. Hier woon van afgetrede mynwerkers tot professionele mense van Pretoria en Johannesburg wat ’n naweektoevlug op die platteland wou hê. “Toe ons die ou mynhuis sien met sy sinkplaat-buitemure, groot stoep, hoë gedrukte plafonne en oregondennehoutvloere binne, het ons onmiddellik ’n aanbod gemaak,” vertel Wynand, ’n afgetrede rekenmeester. Dis gekoop as ’n naweekhuisie, en nou kan Jackie, Wynand en hul dogter, Josie (10), hier kom skoene…

#1 Vintagedroom Raak romanties in jou badkamer – dis eenvoudig! Bring vintage-elemente in, en kombineer iets ouds met iets nuuts. Die badkamer in dié erfenishuis het ’n duidelik Victoriaanse gevoel om die geskiedenis van die huis te weerspieël. Die mure is met geblomde muurpapier bedek, ’n dadoreling is op heuphoogte aangebring en die deel daaronder ’n glansende duifgrys geverf. Die hanglig dateer uit die 1920’s en is in ’n vintage-meubelwinkel uitgesnuffel. Shany het die nis beklemtoon deur dit gitswart te verf. #2 Donker bekoring Shany van den Berg van Stellenbosch se badkamer was vir haar ’n kopseer: Dit was klein, die uitleg was ongemaklik (een muur het ’n nis) en die vertrek was donker weens ’n gebrek aan natuurlike lig. ’n Omvattende opknap was buite die kwessie, daarom het Shany…

PROJEKGIDS Harde werk 3/10 Vaardigheidsvlak 3/10 Tyd nodig ± 2 uur Klaar grootte ± 1 000 (h) x 1 000 (b) x 400 mm (d) Doen dit self vir onder R60: skroewe, skuurpapier, Weed-Gard (palette uitgesluit) Inkopielys • paletplanke van ± 20 x 90mm, soos volg gesaag:agttien 1 000 mm-lengtesvier 210 mm-lengtesagt 400 mm-lengtesvyf 1 040 mm-lengtes• palet-drabalke van ± 40 x 75 mm, gesaag in drie 350 mm-lengtes• honderd en twintig 6 mm x 40 mmspaanderbordskroewe• 120-grint-skuurpapier• 1,5 m Weed-Gard (onkruidbeheermateriaal beskikbaar by Mango Moon Trading) Gereedskap • koordlose boor en 3 mm-boorpunt• potlood• figuursaag• maatband• 16 mm-plaatboorpunt• winkelhaak• kramskieter• skerp mes So maak jy... 1 Bodem: Skroef die drie 350 mmdrabalke dwars oor vier 1 000 mmplanke vas – een drabalk op elke ent en een in die middel. 2 Voor- en agterkant: Sit drie 1 000 mm-planke langs mekaar neer…

Rookseine Lesley D’Aquino van Johannesburg skryf Ons het hierdie sigaartafel in my ouma se huis gevind. Daar is nie ’n sigbare waarmerk of handtekening nie, die hout is lig en daar is ’n musiekboks in een kompartement. Ons dink dis dalk van Duitsland. Anton Welz, direkteur van Stephan Welz & Co., antwoord Dis ’n Black Forestsigaartafel; die twee kompartemente is vir sigarette en sigare. Al staan dié items as Black Forestkerfwerk bekend, kom dit nie van Duitsland nie, maar van Brienz in Switserland. Die musiekboksmeganisme is nie ongewoon in meubels nie en ek het dit al in stoelsitplekke ook gesien. Dié voorbeeld dateer waarskynlik uit die vroeë 20ste eeu – toe rook nog gewild was! OUDERDOM 20ste eeu WAARDE R10 000–R15 000 Dansende skoonhede Lou Todd van KwaZulu-Natal skryf…

Beste lêplek Mila het die gemaklikste plek in die tuin gevind. – Izelda du Toit, Bellville Lekker snoesig Sag en gemaklik – dis hoe die agt weke oue Bostonterriër Pepsi daarvan hou. – Danielle Versteeg, Kirkwood Tafelversierings Die Yorkies MoJo, Tomi en KoKo glo hulle hoort bo-op die tafel! – Sue Blackie, Honeydew, Johannesburg Veldblom Luna lewe vir staptogte in die berg. – Lyndall Marwick, Kaapstad Maak so! Goeters weet als oor vintage-verftegnieke! – Karlien Potgieter, Bergville, KwaZulu-Natal Kaatjie van die baan Wie wil blomme hê as jy katjies het, dink Oortjies. – Marlene Kotzé, Moorreesburg Lekker happies Bederf jou vierpotige vriend met Bags O’ Wags (R54 vir 1kg), ’n pragtig versierde en voedsame happie van Montego (montego.co.za). Die versiersel is sukrose-vry, wat beteken dis heeltemal veilig vir jou hond.…

Bedding #1 ’n Geheime kuierplek Lizette du Plessis, ’n roosliefhebber van Hennenman in die Vrystaat en die tesourier van die Roosvereniging van Suid-Afrika (ROSA), het pas vir haar ’n geheime rooshoekie in haar tuin aangelê, ’n plek waarheen sy binnekort kan ontsnap wanneer die rose genoeg gegroei het. “Ek het dit in Italië gesien en besluit so iets moet ek in my roostuin hê!” Dit is maklik om self te maak. Sy en haar man, Bakkies, het die roosboë van Agape Rose in Hennenman eenvoudig in ’n vierkant gepak, en toe stewig vasgemaak met kabelstroppe. “Plant twee rankrose by elke hoek, sê sy. Lei die rose op sodat dit die boë toegroei. Die rose sal mettertyd bo-oor die kuierplek groei en ’n dak vorm. Jy kan drade span…

V: My boorgat se water is effens brak. Kan ek my rose daarmee natlei? A: ’n Hoë konsentrasie natrium (Na) in die water en die grond is ’n groot probleem vir die meeste plante. Ek stel voor jy maak jou rose een keer per week met munisipale water nat en voeg elke drie maande blomswawel by. Jy kan ook groot hoeveelhede kompos (’n 45dm3 -sak per plant) van gemaalde dennebas inwerk om die sout te help neutraliseer. Verder kan jy gips by die grond inwerk; dit sal die natrium neutraliseer sonder om die pH te verander. Nuusflits! Moenie Ludwig’s Roses se Lenteskou van 3–11 Oktober by Ludwig’s Rose Farm in Pretoria misloop nie. Laat Anja Taschner se asemrowende muur- en vloeruitstallings jou inspireer en geniet die blomkunstenaar Jill Manson se…

Diepgebraaide uieblomme Dié uie, “blooming onions” in Engels, is ideaal net so met ’n doopsous, of sit dit voor met ’n tuisgemaakte burger. Genoeg vir 6 porsies Bereidingstyd: 40 minute Gaarmaaktyd: 5–8 minute per ui • 6 middelslag-rooi-uie• 625 ml (350 g) koekmeel• 30 ml paprika• 5 ml rooipeper• 5 ml fyn komyn• 5 ml elk droë tiemie en orego• varsgemaalde swartpeper na smaak• 2 eiers• 250 ml melk• 250 ml water 1 Sny die bokant van elke ui af en skil dit. Moet egter nie die stingelent afsny nie; dit hou die lobbe bymekaar. Sny die ui eers in kwarte sonder om deur die stingelent te sny. Sny nou elke kwart weer deur sodat dit uiteindelik in agstes gesny is. Trek die lobbe effens weg van mekaar om ’n blomeffek te verkry. Herhaal met die oorblywende uie. Meng die…

WENBRIEF Pragtige patroon op vloer Glenda Bok van Upington skryf Ek het besluit om my vloer met Annie Sloan-verf te stensil. Dit het net drie dae geneem om die basiskleur te verf, maar die stensilwerk het meer as vier weke geneem. Ek het dit nou geseël met Dekster 121 Colour Retaining Primer, ’n waterbasis-vernis. Ek weet nie hoe goed dit die vloer sal beskerm nie – as julle weet van ’n beter produk, laat my weet; ek kan onder geen omstandighede my harde werk verloor nie! Baie dankie vir ’n puik tydskrif vol inspirasie; ek huil sommer as my Tuis nie betyds by my kom nie. Dis my man se skuld, want hy gaan haal nooit betyds die pos uit nie! Mooi verfwerk Sue Anthony van George skryf Sowat 25…

Prys jou eie stert Snuffel rond by ’n kattebakmark vir ’n ou houtskinkbord. Skuur dit liggies, verf die binnekant met ’n vars kleur en plak ’n treffende ontwerp op die bodem. Seël dit met ’n kleurlose vernis om dit waterdig te maak. Geel breekgoed van @home Kom sit aan As jou inkleurprente A3-grootte is, gebruik die eindproduk vir die allermooiste plekmatjies. Lamineer jou prente, of as jy iets meer permanents wil doen, verf jou tafelblad en Mod Podge dan die prente in posisie dat dit soos plekmatjies lyk. Seël die tafel met nog twee lae Mod Podge. Blou replika-Tolix-stoele van Chair Crazy 1 Sê dit met blomme Kikker ’n eenvoudige bos blomme vir iemand spesiaals op met ’n inkleurprent as omhulsel. Gebruik ’n vrolike lint en skryf sommer ’n mooi…

Sy’s ’n verfghoeroe, en haar internasionale onderneming word soms as ’n empire beskryf. Maar Annie Sloan se Franse vakansiehuis aan die buitewyke van Villebaudon is nie ’n pretensieuse paleis of ’n sjiek château nie. Dis ’n eenvoudige kliphuis op die platteland – ’n kwarteeu gelede vir ’n skamele 15000 Britse pond aangeskaf – waar Annie en haar man, David, al vele vreugdevolle somermaande saam met hul drie seuns deurgebring het. Deesdae is daar ook ’n eerste kleinkind wat die ou tou-en-plankswaai aan ’n swaar boomtak agter die huis kan geniet. Dis ’n huis wat “Welkom!” uitroep wanneer jy oor die drumpel tree; ’n huis so stylvol en gemaklik ingerig soos jy sal verwag van ’n skrywer van meer as 20 boeke oor dekor en dekoratiewe verftegnieke. Maar dis bowenal ’n…

Februarie-maand gaan Kos + Dekor op almal se lippe wees. Jy kan kies en keur uit ’n verskeidenheid gebeurtenisse en byeenkomste wat jou gunsteling-tydskrifte in Gauteng en Kaapstad hou. Jy het reg gehoor • 30 dae van kos & drank• 30 dae van idees & inspirasie• 30 dae van makieties & celebs• 30 dae van geskenke & promosies• 30 dae van koop & afslag Die Februarie-fees bou op tot ’n HOOGTEPUNT, die ongelooflike 30 Dae van Kos + Dekor-naweek, waarheen ons jou nooi. Kom ontmoet jou gunsteling-tydskrifspan en sien hoe die blaaie van jou tydskrifte voor jou oë lewe kry! die mense • Bobby & Karlien van Jaarsveld• Suzelle DIY• Marc Lottering• Pete Goffe-Wood• Anele Mdoda• Vuyo Dabula• Cass Abrahams• Shaleen Surtie-Richards• Rebecca Malope• Deon DIY die program • Kookdemonstrasies deur jou gunstelingkosredakteurs en celebs• Stylsessies en trendpraatjies• Handwerk en selfdoen• Ontmoet die mense agter jou gunsteling-tydskrifte in hul…

Wat jy nodig het • drie dennekissies• steierplank• 12mm-Supawood (so gesaag dat dit die basis van die drie kissies vorm wanneer hulle regop langs mekaar staan)• houtonderlaag• wit waterbasisverf• sponsroller• middelslag-verfkwas• paneelspykers• hamer• houtlym• klampe• houtskroewe• groot metaal-rolwiele So maak jy 1 Stapel die drie kissies op hul lang sye opmekaar. Lym hulle, klamp vas en laat dit droog word. 2 Maak die rande van die Supawood met ’n skuurder glad. 3 Verf die Supawood met die onderlaag en laat dit droog word. 4 Wend nou twee lae wit verf aan. Doen dieselfde met die kissies. 5 Wanneer die verf droog is, kan jy die Supawood-paneel met paneelspykers onderaan die kissies vaskap. 6 Smeer houtlym aan die kissies se boonste latte en sit die steierplank daarop – dis die sitplek. 7 Die plank was ’n bietjie te kort, toe is ’n ekstra stuk…

Boom vir die Weskus Freda Cloete van Elandsbaai skryf Ons woon so 100m van die see af en kry baie wind en soutsproei. Ons wil graag ’n kleinerige bladhoudende boom op die sypaadjie plant. My man hou van ’n witgatboom ( Boscia albitrunca ) en ek verkies ’n wildeolyf ( Olea europaea subsp. africana ). Watter een sou die beste keuse wees, of het jy ’n ander voorstel? Ons wil nie iets plant en dan besef dit was die verkeerde keuse nie. Ons sal hom gesnoei hou sodat hy nie ons uitsig bederf nie. JJ antwoord Albei sou baie goed werk, maar ek verkies die wildeolyf. Die melkhoutboom (Sideroxylon inerme) is ook ’n moontlikheid. Waar’s die suurlemoene? Pienaar van Zyl van…

R1 500 se wyn van Van Loveren! Elke romantiese siel en wynliefhebber met ’n hart vir die omgewing sal dol wees op Van Loveren se Tangled Tree-wyne wat die Retief-familie se toewyding tot volhoubaarheid bevestig. “Dis vrygewige wyne dié,” sê Phillip Retief, die uitvoerende hoof. “Hulle is groothartig teenoor die natuur in hul herwinbare plastiekbottels met etikette van volhoubare suikerrietvesel, rojaal met hul opwindende geure en lig op die verbruiker se sak.” Met verleidelike name soos Chocolate Cabernet Sauvignon, Tropical Sauvignon Blanc, Moscato Rosé, Butterscotch Chardonnay en Spicy Shiraz is daar ’n perfekte geur vir elke geleentheid! Besoek tangledtreewines.co.za. Die eerste leser wie se korrekte blokraai ons trek, wen 24 bottels van dié heerlike wyne, asook ’n Van Loveren-verrassingspakkie. Sien ons kompetisiereëls op bladsy 128.…

Perskransie Perskransie is in die lente en vroeë somer oortrek met trosse pers blommetjies wat soos sterretjies lyk. Dit aard goed in subtropiese tuine en hou van baie son. In warmer dele van die land kan dit selfs ’n paar keer in die jaar blom. Plant dit in kouer dele teen ’n muur of in ’n beskutte area. Perskransie verkies goed gedreineerde, komposryke grond. Hou die plant goed nat in droë tye en beskerm dit teen te veel wind. Dié klimplant het ’n stewige tralie- werk nodig om teen op te rank en moet gehelp word om te klim. Snoei dit ná blomtyd in die lente om sy vorm en grootte te behou. Dit kan ook kleiner gesnoei word om as ’n struik te groei. Plant ook: Petrea volubilis…

Regdeur jou tuin • Weedbuster-week (die tweede week in Oktober) is net die tyd om die indringerplante in jou tuin te verwyder, waaronder Vinca minor en Vinca major (steriele kultivars en hibriede is nie ’n probleem nie), Duchesnea indica en Tradescantia met hul groen-enpers loof. • Maak nuutgeplante bome en struike een keer per week goed nat om die ontwikkeling van ’n sterk wortelstelsel en nuwe groei aan te moedig. Voedingswortels loop so wyd soos die takke se druplyn; maak dus seker dié area kry genoeg water en misstof. • Bemes gevestigde struike met ’n algemene misstof soos 2:3:2 en strooi ’n 8cm-deklaag wat sal keer dat onkruid opkom en boonop vog in die grond sal hou. Maak die grond nat voordat jy die deklaag strooi. • ’n Paar jaarplante…

Mango-en-witsjokoladetert Genoeg vir 1 x 23 cm-tert • Bereidingstyd: 25 minute • Baktyd: 10 minute Oondtemperatuur: 200 °C • 1 pakkie (200 g) gemmerkoekies, fyngekrummel• 100 g (100 ml) botter, gesmelt VULSEL • 200 g witsjokolade, gekap• 1 houertjie (250 g) mascarponekaas• 125 ml dikroom• 60 ml strooisuiker (of na smaak)• 300 g vars mangostukke, verwerk tot ’n puree• 5 ml gerasperde suurlemoenskil 1 Voorverhit die oond. Meng die koekiekrummels en botter en druk dit op die bodem van ’n losboom-tertpan vas. Bak die kors vir 10 minute en laat dit effens afkoel. (Jy kan dit ook net in die yskas sit totdat die kors sy vorm behou.) 2 Maak die vulsel Smelt die witsjokolade. Meng die mascarpone, room en strooisuiker saam. Roer die sjokolade by. Vou 250g van die mangopuree en die suurlemoenskil by en proe of dit…

Dis als goed en wel vir my, die selfverklaarde Koningin van Slaai, om neusoptrekkerig te wees oor die “groenslaai” (let op die enkelvoud) van my jeug. Jy ken daardie slaai – die alomteenwoordige kropslaai met komkommer en tamatie en geblansjeerde uie (as jy gelukkig was). Met die jare het dié groenslaai darem ’n paar verbeteringe ondergaan: ’n bietjie krummelrige feta, stukkies vrugte (pynappel, appel of lemoen), rou soetrissies en spruite (nie juis my gunsteling nie), croutons (ga!), olywe en selfs rooi-uie. Die waarheid is: Dié “groenslaai” – ’n eg Suid-Afrikaanse verskynsel – het ons gedra. Elke braai of ete het een gehad; dit het die maaltyd voltooi. Maar na my mening was dié soort slaai eintlik voorspelbaar, ’n bykos wat verduur moes word – niks meer as ’n bron van…

Daar is baie dinge in die lewe wat my vreugde gee: poësie en musiek. Swem in ’n bergpoel, ’n braaibroodjie en ’n fles koffie in ’n rugsak. Mooi bome gee my vreugde, goeie vriende wat om my tafel sit en lekker gesels. ’n Baba wat teen my skouer aan die slaap raak, ’n kat op my skoot laatnag voor ’n vuur. Ook dit wat klein kindertjies in hul reine onskuld kan kwytraak, maak die lewe vir my mooier. Dit laat my dink aan einste só ’n insident: ’n Vrou nooi ’n klompie gaste vir ete en kook ’n uitgebreide maaltyd. Haar kleuterdogtertjie is die hele tyd by haar in die kombuis en “help” met die voorbereiding. Toe die gaste welbehaaglik aan tafel sit, sê die vrou vir die dogtertjie dat…

Suid-Afrika se gunstelingstokperdjie-en-handwerkekspo, Hobby-X, is terug by die Gallagher-landgoed in Midrand van 1–4 Oktober. Kaartjies kos R60 vir volwassenes en R20 vir kinders by die deur; besoek hobby-x.co.za. OP DIE KASSIE In Unhinged (begin 1 Oktober op The Home Channel, kanaal 176 op DStv) help die interieurontwerper en boukontrakteur Summer Baltzer en haar helpers mense wat slagoffers was van swak kontrakteurs. Saamsaam omskep hulle rampe in meesterstukke. The Good Food and Wine Show 30 Oktober – 1 November: Durbanse Uitstalsentrum Skuur skouers met internasionale en plaaslike glanssjefs – onder wie die MasterChef Australia 2014-wenner Brent Owens – en vind uit wat is nuut aan die kosfront. Kaartjies kos R90 vir volwassenes en R40 vir kinders (onthou, kaartjies vir die Celebrity Chefsteater moet apart gekoop word) by computicket.com; besoek goodfoodandwineshow.co.za. Durbanville…

Skryf op Notaboeke van herwinde papier R90 (stel van twee), hellopretty.co.za Helder lig Keramiekkershouers met koperdetail R120 elk, kamersvol.com Aan die kant Cerameekporseleinbak met kantrand vanaf R202, hellopretty.co.za Laat dit blom Boudoir-stoel in Rhapsody Autumn-lap R6174, Biggie Best Oorweeg dit Humble & Mashkombuisskaal R299, yuppiechef.co.za Saam-saam Metaal-opskeplepels R350 per paar, Woolworths Pak weg Groot mandjie R230, Typo Hou vas (Kloksgewys van onder) Roosdeurknoppe R50 elk, wit porseleindeurknop R40, Paryshorlosiedeurknop R65, kristaldeurknop R140, alles Paint & Décor Lê hom neer Aubusson-mat van suiwer wol R3900/m2 , Gonsenhausers Fine Rugs Op wiele Empire-trollie R1 999, @home Sien die lig Belfast-betonhanglamp (20402) R1 300, The Lighting Warehouse Hang uit Hanglamp (P438) met syskerm (50 x 20 cm) R2 474, Eurolux Bêreplek Copenhagen-laaikas R14995, Trade Secret Son en see Beach girls-strooikussing (50 x 50…

Wie woon hier? EIENAARS Dee en Joel Malkinson en hul seuns, Joshua (13) en Samuel (10) WAAR ’n Kleinhoewe buite Port Elizabeth, naby Sardiniabaai Ek bêre niks vir spesiale geleenthede nie; ek gebruik al my vintage-breekware en -eetgerei. As jy iets nie kan gebruik nie, gee dit vir iemand wat kan. toe Dee en Joel Malkinson besluit om huis te bou het hulle presies geweet wat hulle wil hê: ’n plat-op-die-aarde gesinshuis wat aan ’n plaasskuur herinner, met ’n lang kuierstoep. En natuurlik genoeg ruimte vir hul twee seuns en al hul “vierpotige kinders”, soos Dee na haar perde en aanneemdiere – sewe honde, drie katte en ’n ponie – verwys. As eienaar van die vintage-huiswarewinkel Gently Worn is Dee versot op ougoed wat ’n storie vertel, en haar eie…

Maak seker jou plek is bespreek vir Tuis se selfdoendemonstrasies by ons nuwe leefstyl-ekspo, 30 Dae van Kos + Dekor. En maak maar reg vir lekker lag terwyl jy leer, want ons selfdoenkenner, Deon de Goede, snoer kragte saam met die komediant Marc Lottering. Hulle is handig en skreeusnaaks – kom kyk hoe hulle ’n indrukwekkende projek binne net 30 minute voltooi! Lag-lag... Die beste van als? As jy jou kaartjie vir die ekspo gekoop het (dis net R150), is hierdie sessies almal gratis! • Sien hulle daagliks om 10:00 en 15:30. Kom sit agteroor As jou voete seer raak, kom rus in ons sit-area en kuier saam met Tuis se redakteur, Wicus Pretorius, en ontmoet vir Deon. Jy kan selfs ’n foto saam met Marc neem! Terwyl jy ontspan,…

Mooi tegniek Yvette ter Wolbeek van Pretoria skryf Ek het die mooiste verftegniek in grys op bladsy 100 van Tuis Verf Dit gesien. Hoe is dit gedoen en watter kleur is as basis gebruik? Die Dulux-handelsmerkbestuurder Nonkululeko Mcunu antwoord Wanneer jy sulke tegnieke probeer, moet jy altyd seker maak jy het genoeg tyd om die perfekte afwerking te kry. Jy kan die voorkoms in drie maklike stappe regkry: Stap 1: Berei jou mure voor Maak seker die oppervlak wat jy wil verf, is reg voorberei. Maak die mure deeglik skoon met suikerseep en vee dit met ’n klam lap af. Ons stel voor jy gebruik ’n grondlaag vir nuwe oppervlakke voor jy enige verf aanwend. Bedek sleutelareas soos die plafon en vloerlyste, en gebruik ’n drupvel…

Muf en klammigheid in die badkamer is ’n algemene probleem. Dis waarom hierdie huiseienaars Plascon Velvaglo Non-Drip Enamel en Velvaglo Water-Based Non-Drip Enamel vir hul badkamer-regrukprojek gekies het. Hierdie gehalte-emaljeverf vorm ’n beskermende laag teen hitte, stoom en muf, wat dit ideaal maak vir badkamers, en het boonop ’n waarborg van tot 12 jaar! Met die hulp van Plascon se Inspired Colour-tintstelsel – wat in meer as 1000 winkels in Suid-Afrika beskikbaar is – was dit maklik om die regte kleure te kies. Plascon Velvaglo Non-Drip Enamel Antique Petal op die mure is ’n sagte pienk wat ’n tikkie vars vroulikheid inbring. Velvaglo se unieke jel-agtige tekstuur drup nie tydens aanwending nie en wanneer dit droog is, het dit ’n wasbare halfglans-fluweelafwerking. Die geblomde muurteëls is opgekikker met die serene…

Die tuin HUISEIENAARS Debbie en Eduardo Cerimele WAAR Houghton, Johannesburg Vandag is dit die eindelose rustigheid en kalmte wat Debbie die meeste waardeer – en om heeljaar blomme te kan pluk! As jy aan Debbie Cerimele se deur klop en niemand maak oop nie, moet jy maar in een van die tuinkamers buite gaan soek. Dalk kry jy haar langs ’n roosprieel wat kreun onder die gewillige lote en sneeuwit roosknoppe van ’n rankende ‘Iceberg’. Of dalk stap sy met ’n snoeiskêr in die hand in dié romantiese tuin wat haar heeljaar beloon met ’n groot verskeidenheid plukblomme. Want wie sal nou nie heeldag in ’n paradys soos dié wil asemskep nie – hier knars gruispaadjies onder jou voete, maak waterfokuspunte sagte musiek en sing die voëls. Die tuin het…

1 Kies pienk Ter ondersteuning van Borskankerbewustheidsmaand, plant blomme in skakerings van pienk in jou tuin. Pienk is kalmerend saam met blou en laventel, vars saam met skakerings van groen of silwergrys, en dramaties saam met pers of sjokoladebruin. Plant skelpienk petunias in potte om die aandag op ’n ingang te vestig, plant roospienk heuningblommetjies (Alyssum) en violetpienk Vinca-kultivars al langs ’n sonnige paadjie, en plant beddingbegonias in ligte skaduwee om ’n bedding af te baken of ’n breë strook sagte kleur te gee. Plant meerjarige Echinacea met hul roospienk kroonblare en kaneelbruin kern, Gaura met delikate pienk en wit skoenlapperagtige blommetjies op lang, dun stele, en skildblomme (Penstemon) met pienk klokvormige blomme. Die pienk roos ‘Reach for Recovery’ is vernoem na die steungroep vir vroue wat borskanker oorleef het.…

Pasta met ertjies, ricotta en spek Onder R90 • Genoeg vir 4 porsies • Bereidingstyd: 15 minute Gaarmaaktyd: 10 minute • 400 g fusillipasta• 250 g swoerdlose spek, gekap• 250 ml ertjies• 250 g ricottakaas (of roomkaas)• 30 ml vars suurlemoensap• sowat 125 ml mentblare en ertjielote, grofgekap• gerasperde parmesaankaas vir opdiening 1 Kook die pasta in soutwater tot al dente; dreineer. 2 Braai die spek in ’n braaipan tot bros (voeg ’n skeutjie olie by indien nodig). Voeg die ertjies by en roerbraai tot gaar. Roer die ricotta, suurlemoensap, mentblare en ertjielote by, geur met sout en swartpeper en meng dit deur die gaar pasta. Sprinkel die gerasperde parmesaan oor en sit voor. Gevulde varksteak Onder R150 • Genoeg vir 4 • Gaarmaaktyd: 45 minute Bereidingstyd: 25 minute • Oondtemperatuur: 200°C • 4 varksteaks (3 cm dik)• skil van 1 suurlemoen• sowat…

Uit die hart Onderneem ’n kosreis saam met die Sarie Kos-legende Barbara Joubert in haar nuwe resepteboek Kostalgie (R450, Quivertree). Die resepte, met foto’s deur die fotograaf Micky Hoyle, verweef geure uit van Portugal tot die Midde-Ooste – en natuurlik ’n paar wat eg Suid-Afrikaans is. Dit sal jou beslis inspireer om die tafel te laat kreun (als tuisgemaak, natuurlik)! Wyn aanlyn De Grendel-wyn is nou net ’n klik ver danksy degrendel.co.za. Dié aanlynwynwinkel en webtuiste is gebruikersvriendelik en lede van die lojaliteitsklub kry spesiale voordele – gaan kyk gerus! Onthou om die Op Die Berg Pinot Noir 2012 (R160) in jou mandjie te sit. Hierdie ligte, helder-robynrooi wyn is so veelsydig. Dit pas by alles van salm tot lam. Pienk plesier Help geld insamel vir die Kankervereniging van Suid-Afrika…