Indholdsfortegnelse for December 2018 i Tuis

Waar is jou gunsteling-plek op aarde? Ek wroeg eintlik nog oor myne, want daar’s soveel keuses, soveel herinneringe ... Laat ek verduidelik hoekom ek vra: Ek lees nou die dag van ’n projek in Bali waar die inwoners van ’n klein dorpie armbande maak van ’n gevlegde toutjie en ’n “plaatjie” gekerf uit die horings van waterbuffels. (Nee, geen dieremishandeling nie, verseker hulle op die webblad. Die waterbuffels is oorvloedig en wanneer hulle sterf, word die horings gebruik vir iets met blywende waarde.) Op die plaatjie is GPS-koördinate van die koper se keuse. Daar is ’n aanlynfunksie waar jy ’n adres of plek iewers op die aardbol kan intik, dan spoeg jou rekenaar die koördinate uit. En siedaar: Jou hartsplek om jou pols. Met Kersfees om die draai is baie…

OP DIE KASSIE In Desember neem VIA (kanaal 147) ons op ’n eksotiese kosreis. Vertrek om 19:00 op Kersdag met Ottolenghi se fees in die Midde-Ooste – van die speserymarkte in Marokko tot eksotiese eetplekke in Istanboel. Proe die opwindende geure by hul restaurante en straatstalletjies en berei dan self ’n fees! In Ons praat oor: Die kok wat alles verander het op Saterdag die 29ste, om 15:30, stel Nigella Lawson ons voor aan Anna Del Conte, die Milanese huiskok wat die wêreld se houding teenoor Italiaanse kos verander het in ’n tyd toe olyfolie net by spesialiswinkels en aptekers te koop was. Sy gesels oor haar lewe in die koswêreld en deel smullekker resepte. JAKARANDA-KINDERHUIS SE LIGGIEFEES 1–31 Desember: Pretoria Besoek die jaarlikse Jakaranda-kinderhuis vir Kersjolyt uit die boonste…

VERSKAFFERS @home 0860 576 576, home.co.za Eurolux 011 608 2970, eurolux.co.za H&M Home 086 0690 707, hm.com/za Le Creuset 086 177 3321, lecreuset.co.za Lucky Fitsch 083 775 7344, lucky-fitsch.com MRP Home 0800 212 535, mrphome.com Poetry 0860 555 529, poetrystores.co.za Sheet Street 0800 212 535, sheetstreet.com Skinny laMinx 021 424 6290, skinnylaminx.com The Crazy Store 0861 111 281, crazystore.co.za Woolworths 0860 022 002, woolworths.co.za…

WIE WOON HIER? Kathy en Eric McDonald WAAR Kuilsrivier, Kaapstad Een van die eerste dinge wat Kathy en Eric McDonald gedoen het toe hulle 18 jaar gelede by hul nuutgeboude huis intrek, was om twee groot AMC-potte te koop by ’n verkoopsvrou wat van deur tot deur gegaan het. “Ek onthou dit asof dit gister was,” sê Kathy. “Ons het na die kleiner potte gekyk, en vir mekaar gesê: ‘Nou wat sal ons nou met sulke klein potjies maak?’ Dit was nog voor ons eintlik meubels gehad het!” Vir die McDonalds is daar min dinge so lekker soos om hul voordeur wyd oop te gooi vir familie en vriende en om seker te maak elkeen gaan gelukkig en, belangrikste van als, trommeldik daar weg. “Ons hou van ’n huis vol…

PROJEKGIDS  Harde werk 4/10 Vaardigheidsvlak 4/10 Tyd nodig 1 tot 2 uur Maak dit vir onder R1 100: Hout en skroewe R1 050, skuurpapier en houtvuller R30 (verf uitgesluit) Wat jy nodig het INKOPIELYS • 44 x 44 mm- geskaafde dennehout, gesaag in: twee lengtes van 470 mm twee lengtes van 425 mm twee lengtes van 382 mm twee lengtes van 338 mm en twee lengtes van 260 mm (sporte) vier lengtes van 1 800 mm (pote)• 22 x 220 mm- geskaafde dennehout, gesaag in twee lengtes van 850 mm (rakke)• 22 x 44 mm- geskaafde dennehout, gesaag in twee lengtes van 1 100 mm (kruisstutte)• een pakkie 6 mm x 50 mm-skroewe• een gordynstok (30 mm dik)• houtvuller• skuurpapier• maskeerband• Tjhoko Paint in die kleure Pebble Blue, Nade, Jane’s…

Regte behandeling Maryna Olivier van Joubertina skryf Ek en my man wil ons kombuiskaste se blaaie van egte swarthout maak; hoe moet ons die hout teen hitte en water behandel? Frikkie Greeff, besturende direkteur by Woodoc, antwoord Ons stel voor jy gebruik kleurlose Woodoc Water-Borne Floor Sealer. Dis beskikbaar in ’n mat- en ’n glansafwerking. Omdat dit ’n vloerverseëlaar is, is Woodoc Water-Borne Floor besonder krapbestand; dit sal ook jou blaaie beskerm teen onder meer matige hitte (nie so warm dat dit die hout sal skroei nie), water en alkohol. Dis belangrik dat jy die hout reg voorberei ten einde die beste resultaat te verseker. Maak seker die hout is heeltemal droog, met geen stof of olie daarop nie. Skuur die hout goed – hoe gladder die hout, hoe…

Skone bankie Leana Kleynhans van eMalahleni skryf Dié ou riempiesbank is al dekades lank in ons familie. Kan julle my enige inligting gee oor die oorsprong en waarde daarvan? Sophie-Louise Fröhlich van Stephan Welz & Co. antwoord Dis ’n voorbeeld van die Regentskapstyl wat in die Kaap van 1820 tot 1900 gewild was en gekenmerk is deur styl en elegansie. Donker en ligte hout is soms saam gebruik, of dis met inleg- of ribwerk versier. Jou bank is ’n Oos-Kaapse stuk uit die middel 19de eeu, en geheel en al van stinkhout. OUDERDOM 19de eeu WAARDE R8 000–R10 000 op ’n veiling KONTAK ct@stephanwelzandco.co.za E-pos hougoed@tuis.co.za…

Louise Fick van Bellville skryf Ons gaan vir drie weke in Desember weg en ek wil nie my honde by ’n hondehawe los nie; hulle is huiskinders en gewoond aan persoonlike aandag. Ons oorweeg dit om ’n oppasser te kry, maar ek is bekommerd ons kry nie die regte persoon nie. Enige raad? Leigh de Wet van Pet Sitters Cape Town antwoord Tuis-oppassers word nou ’n gewilde alternatief en hou heelwat voordele in: • Troeteldiere is gelukkiger en ervaar minder stres by die huis as in ’n vreemde plek. • Hul eet- en oefentye bly dieselfde. • Hulle ervaar nie reistrauma nie. • Blootstelling aan siektes is minimaal. Nog ’n voordeel van oppassers is dat hulle ’n afskrikmiddel is vir inbrekers. Hulle sal ook ander takies verrig, soos om…

By die die betaalpunt van die tuinsentrum staan ’n man voor my in die ry met twee lewensgroot sementflaminke in sy trollie. Neffens sit daar ’n padda wat ’n sambreeltjie vashou en ’n guitige tuindwerg met buitensporig groot neusgate. Die man sien die kyk op my gesig. Ek probeer wegkyk, maar die neusgate van die dwerg hipnotiseer my. “Ja, mevrou,” sê die man en sit sy flaminke neer. “Dis hoe dit lyk as die land se koperdraad op is.” Ekskuus? “Kabeldiefstal. En noudat daar niks meer oor is om te steel nie, begin hulle met dié klas van goed.” Hy wys met sy ken na die sementkreasies in sy trollie. “Jy kan dit nie bleddie glo nie.” “Ai,” sê ek simpatiek, maar ek gló hom. Mense steel. Alles en enige…

WENBRIEF Die mooiste, mooiste maand  Riza van Rooyen van Kraaifontein skryf Beste Wicus en al die Tuis-skeppers. Oktober se Tuis is loshande die uitgawe van die jaar! Ja, ek glo nie die laaste twee uitgawes van 2018 gaan hom oortref nie. Julle het sowaar al my gunsteling-goeters in 132 bladsye saamgevat: Rose blom oor verskeie blaaie, al drie huise praat met my hart en die kos is ou bekendes (wat ek uit my spens kan maak), maar so vars soos die lente voorgesit. Baie dankie vir nuwe hoop, en die herinnering dat mooi en nuwe moontlikhede nie opraak omdat die koste en kwellings van die lewe druk nie. Kosbare kuiers Michelle Botha van Somerset-Wes skryf Elke maand nael ek posbus toe om my Tuis te gaan haal en dan blaai…

SKEP & VERNUWE BESIGHEID This & That Ceramics WIE Anita Steenkamp WAAR Krugersdorp, Gauteng HAAR WERK Anita maak die mooiste keramiekware in ’n ateljee wat sy sommer in haar garage ingerig het. “Ek sit my hart en siel in elke item omdat ek alles met die hand maak; soms werk ek reg deur die nag. Maar ek verruil dit vir niks!” sê sy. Anita was ’n tuisblyma, maar toe haar dogter aan die begin van die jaar skool toe is, het sy agtergekom sy kan nou haar kreatiwiteit uitleef en haar droom om ’n keramiekkunstenaar te word, bewaarheid. Nadat sy foto’s van haar eerste skeppings op Facebook gedeel het, het die bestellings begin instroom; kort daarna het sy haar webtuiste, thisandthatceramics.co.za, op die been gebring. “Ek voel geïnspireer om dinge…

WIE WOON HIER? Serina en Eugene Chambers WAAR Onrusrivier, Wes-Kaap Serina en Eugene Chambers glo nie aan aftree nie, maar eerder aan “uittree”. Hul nuutgeboude huis op Onrusrivier langs die Overbergse Walviskus is daarom beslis nie ’n aftreehuis nie – en hulle gaan ook glad nie nou begin stilsit nie. “Nêrens in die Bybel staan daar dat jy moet aftree nie,” lag Serina oor ’n koppie gegeurde tee, keurig geskink in ’n geel vintage-porseleinkoppie. Ons het haar leer ken as die vrou agter die Nerf-Af-winkels en haar verleidelike meubelstukke en mooi emaljeware was al dikwels in Tuis. Toe Eugene verlede jaar ná veertig jaar diens by ’n finansiële instelling “uittree”, was die egpaar gereed vir ’n nuwe fase. “Ons almal weet geen mens kan vandag van ’n pensioen alleen oorleef…

[1] Rottang Rottang is ’n wonderlike manier om tekstuur aan ’n buiteruimte te verleen. Dit word gewoonlik van riet of bamboes gemaak. Deesdae word nagemaakte rottang van poliëtileen spesifiek vir buitegebruik vervaardig en dit is gewild omdat dit duursaam is en min onderhoud vra. “Ongelukkig is nie alle nagemaakte rottang dieselfde nie,” verduidelik Mia Delport van Patio Warehouse. “Goedkoper handelsmerke sal soms kraak, breek of verbleik, daarom is dit baie belangrik om ’n produk van goeie gehalte te koop.” VOORDELE Dis liggewig en geskik vir binne én buite. Dis ook herwinbaar, UV-bestand en vra min onderhoud. Daar is verskillende style vir verskillende dekor. NADELE Nagemaakte rottang kan taamlik duur wees omdat dit ontwerp is vir maksimum duursaamheid en met die hand geweef word. As jy natuurlike rottang koop, maak seker…

• Kies een vloerafwerking vir die hele ruimte om eenvormigheid en visuele samehang te bewerkstellig – saamgestelde hout of viniel met ’n houtvoorkoms kan goed werk. • Oorweeg deursigtige gordyne aan ’n gegolfde spoor as vensterafwerking, met opsionele uitblok-rolblindings. Dit sal ’n sagtheid verleen en skerp sonlig uithou. • Hou die kleure van jou mure, vloerlyste en gordyne lig en neutraal om die vertrek so ruim moontlik te laat lyk en dit ’n tydlose gevoel te gee. • Kies skoon en kontemporêre meubelstukke, ook in neutrale skakerings; voeg dan na hartelus kleur en tekstuur by met los matte, kussings en dekens. • Moenie te veel fokusmure skep nie, want dit kan visueel steurend wees in so ’n oop ruimte. Lei die oog na net enkele sleutelelemente, soos die kaggel. •…

Gedugte span Kersvader se helpers is gereed vir aksie. – Liesl Swanepoel, Lephalale Etenstyd! Mischa en Cody sit aan vir ’n formidabele fees. – Natasha van Rheede, George Die hele boksemdais Die 12-jarige grand dame Roxanne Chloe is die perfekte geskenk. – Jayne Hewison, Sandton Koel kalant Die Ragdoll-kat Alexander is uitgevat vir ’n formele Kersete. – Elisha le Roux, Witbank Driekuns Rex wil sommer met al sy geskenke gelyk speel! – Gina Serfontein, Kaapstad Subtiele styl Grayson vier die feestyd met ’n enkele rooi klokkie. – Tanya Steyn, Kempton Park E-pos jou vrae na troeteldiere@tuis.co.za.…

V: Ek het ’n boog tussen twee dele van my tuin ingesit en wil graag ’n rankroos daaroor lei. Watter variëteite stel jy voor? Ek raai mense altyd aan om variëteite te kies wat oorvloedig en herhalend blom en, die belangrikste van als, genoeg groeikrag het om die hoogte en breedte van die boog toe te groei. Midinette-rose of miniatuur-rankers is ideaal vir ’n boog van 2m hoog en breed, of kies een van die groot blommende variëteite soos ‘Blossom Time’, ‘Edgar Degas’, ‘Royal Gold’ en ‘Don Juan’. Vir ’n hoër, breër boog kan jy ‘Compassion’, ‘Crème Caramel’, ‘Pink Cloud’, ‘Iceberg’, ‘Cherry Garland’, ‘Nahema’ en ‘Gülilah’ oorweeg. V: Ek het ’n deklaag om my nuutgeplante ‘Free and Loyal’-rose gegooi, maar dit lyk of die stele gebrand het. Dis nie die…

Botterskorsie-en-graanslaai Onder R125 • Genoeg vir 4 as hoofgereg Bereidingstyd: 25 minute • Oondtemperatuur: 220°C Gaarmaaktyd: 25 minute • 1 mediumgroot botterskorsie, geskil • 1 klein rooi ui, in ringe gesny • 30 ml sondroëtamatie-pesto • 30 ml olyfolie • 250 g gaar grane (bruin-enwilderys, bulgur, spelt, rog, lensies en quinoa is lekker) • 125 ml pampoenpitte, gerooster • 3 wiele feta, gekrummel • 80 g wilderoket • 60 ml gerasperde parmesaankaas • 60 ml granaatpitte 1 Voorverhit die oond. Sny die botterskorsie met ’n skerp mes in dun skywe. Sny met ’n ster-koekiedrukker ’n ster uit elke skyf vir Kersfees as jy wil. Meng die skywe, ui, pesto en olie saam en sprei dit uit op ’n bakplaat. Rooster vir sowat 20 minute. Hou dop en draai die skywe soos nodig om seker te maak dis deurgaar. Sit dit dan…

Die skrywer van dié maand se wenbrief slaan ’n Summer Wonderbag-geskenkpak van R700 los! Met die revolusionêre Wonderbag hoef jy jou nooit weer ure lank voor ’n warm stoof af te sloof nie. Al wat jy kort, is die nodige bestanddele en ’n smullekker resep. Sit alles in ’n pot, bring dit tot kookpunt en druk dit dan in jou Wonderbag, wat dit verder sal gaarmaak – tot 12 uur lank, en dit sonder elektrisiteit! Dié feestyd het Wonderbag talle spesiale aanbiedinge en geskenkpakke – sien meer by wonderbagworld.com.…

Maak jou kruisie Kersfees is die perfekte tyd om met jou kreatiewe talente te spog! Of jy jou versierings stik, borduur, of verf, hoekom nie jou handewerk uitstal aan ’n groot tak bo die tafel nie? Dié pragtige tooisels van Just Love Stitch is hardebord wat jy self met die hand met kruissteek versier. Elke stelletjie kom met ’n basis, patroon en net genoeg garing. Dis die ideale geskenk vir iemand wat graag met hul hande werk. Bestel aanlyn by justlovestitch.com In groen en goud Al wat jy nodig het om dié loofryke krans te maak is ’n kartonwiel vir die basis, geharde blare en takke (soos magnolia, suurlemoen, lourier, sipres of den), metaal- of spuitverf en ’n gompistool. Snuffel in die tuin rond vir blare met verskillende vorms en…

Wat is van die grootste lesse wat die projek julle geleer het? Dis baie, baie moeilik om ’n opknapprojek te bestuur sonder vorige ervaring, veral met twee kinders onder drie! Enige geldspaarwenke? Kombineer ’n paar treffende stukke met meer bekostigbare items. Is daar enigiets wat julle volgende keer anders sal doen? Ons sal kontrakteurs deegliker navors en ons instink vertrou.…

Die meeste buitemeubels, hetsy hout of metaal, sit gemakliker met ’n paar kussings. Die toenemende vraag na buitelap is ’n uitvloeisel van die buiteleefstyl, wat danksy ten volle gestoffeerde buitemeubels nuwe hoogtes bereik. “Daar is talle opsies om van te kies – van buite-fluweel, kunsleer en chenille tot jacquard en bedrukte stowwe in ’n groot verskeidenheid ontwerpe, tradisioneel én kontemporêr,” sê June da Silva van Hertex. VOORDELE Lap skep die gevoel van weelde en van die stowwe is vlekbestand, wat dit ideaal maak vir blootstelling aan volson. Dis meestal ook waterwerend en uiters kleurvas. Die internasionale handelsmerk Sunbrella Fabrics is jou beste opsie en word selfs op bote gebruik, maar dis aan die duur kant! NADELE Selfs al is lap ontwerp vir buitegebruik, moet kussings liefs ingebring word wanneer dit…

PROJEKGIDS  Harde werk 1/10 Vaardigheidsvlak 1/10 Tyd nodig 2 uur, plus die tyd om die pompons te maak Maak dit self vir R725: houtpote R525, spuitverf R100, wol R100 Wat jy nodig het INKOPIELYS • tweedehandse buiteband (ons het ’n klein Vespa-band gebruik, maar kies gerus ’n groter een vir ’n groter stoel)• afvalhout• ses 4 x 35 mmsnyskroewe• Rust-Oleum Chalkedspuitverf in die kleur Serenity Blue• drie retro-eikehoutpote (20 cm)• breiwol in verskillende kleure (ons het balletpienk, houtskool, turkoois en blougroen gebruik) GEREEDSKAP • staalliniaal• passer• G-klampe• figuursaag• boor/ skroewedraaier• skêr• maatband• potlood• gompistool SO MAAK JY 1 Meet die deursnee van die binnekant van jou band op die hoogste punt. Gebruik die passer om ’n sirkel van dieselfde grootte op die hout te trek. 2 Maak die hout met…

V: Watter kleur is die muur op bladsy 72 van die Augustus 2018-uitgawe? – Linda Lubbe, Gariepdam A: Die huismense het hul kombuis geverf met Plascon Double Velvet in die kleur Artist’s Canvas. V: Die hasie bo die deur op bladsy 30 van Februarie 2018 se Tuis is vir my so oulik. Waar kan ek een koop? – Erica Mouton, Johannesburg A: Bestel vir jou een by die huiseienaar, Ramona, se onderneming; sien rufflesandrust.co.za. V: Waar kry ’n mens sierstukke soos dié op bladsy 81 van die Augustus 2018-uitgawe? – Marinda van Wyk, Johannesburg A: Dié sierstroke is van Tjhoko Paint. Sien tjhokopaint.co.za om te bestel of vir ’n lys verskaffers in jou omgewing. V: Watter soort epoksi is op…

Die eienaars van die diere wie se foto’s hier verskyn, wen ’n Deluxe Car Seat Hammock vir honde of ’n middelslag-Cosy Cup vir katte van Wagworld (wagworld.co.za, ook te kry by voorste veearts- en troeteldierwinkels). Die Deluxe Car Seat Hammock het seil bo en waterbestande lap onder, asook kante wat kan toerits om jou karsitplekke en -deurpanele te beskerm. Die knus Cosy Cup is beskikbaar in twee groottes, perfek vir katte en kleiner honderasse. Stuur jou foto’s (minstens 2MB elk) en kontakbesonderhede na troeteldiere@tuis.co.za. Sien ons kompetisiereëls op bladsy 129. Trots Suid-Afrikaans!…

’n Afrika-somer Dié maand vier ons alles wat mooi en vrolik is in die veld en in ons tuine. Daar is ’n reënboog van kleur te sien in die fraai pienk-en-maroen blomme van die wildekastaiing (Calodendrum capense) en pienk blomtrosse van die kannabas (Dais cotinifolia), asook Leucadendrons, speldekussings, pelargoniums en grondbedekker-madeliefies soos Ursinia wat teen skuinstes groei. Graslande word verfraai deur pienk Oranjerivierlelies (Crinum bulbispermum), orgidee-spesies, mauve grasklokkies (Dieramas) en Watsonia, die wit klokkievormige blomme van die berglelie (Ornithogalum candicans), Eucomis met hul koddige, pynappelvormige blomme en blou agapante. Rooirivierlelie (Hesperantha coccinea), oranje en geel vuurpyle (Kniphofia) en die kalwerbossie (Dissotis canescens) met sy magenta blomme gedy langs strome en op ander klam plekke. Ons het lankal by die natuur geleen en het baie van dié pragtige veldblomme in ons…

Die eikeblaarhortensia (Hydrangea quercifolia) is twee keer mooi: in die somer wanneer dit blom én in die herfs wanneer dit met pragtige herfskleure spog! Dié struik se blomme is net soos die alombekende krismisroos, Hydrangea macrophylla, ’n klomp klein blommetjies wat saam soos een groot blom vertoon. Dié spesie dra egter sy blommetjies in ’n keëlvormige blompluim wat roomwit van kleur is. In die herfs verkleur die blare roesrooi. Plant ’n paar van dié struike bymekaar om ’n mooi vertoning te maak. Eikeblaarhortensia hou van klam maar goed gedreineerde, vrugbare grond. Berei die plantgat goed voor met baie kompos, ’n hand vol beenmeel en kunsmis soos Atlantic Fertilisers se Bio Ganic All Purpose. Die struik maak ’n goeie heiningplant, en aard ewe goed in son en halfskaduwee – hoewel die…

HAM-SPEK-EN-MOSTERDGEVULDE KRANSBROOD Genoeg vir een 30 cm-krans Bereidingstyd: 20 minute vir rol en vou, plus rystyd Baktyd: 30 minute Oondtemperatuur: 180 °C • 250 g spekrepies, gekap • sowat 1 kg uitgerysde brooddeeg (tuisgemaak of gekoop) • sowat 45 ml Dijonnaise of jou gunsteling-mosterd • sowat 12 skyfies gerookte ham • 12 skyfies mozzarellakaas 1 Braai die spek stadig in ’n pan totdat die vet uitgebraai en die spek bros is. Laat afkoel. 2 Skep die bros stukkies spek (en die vet as jy wil) op die deeg en gebruik jou hande om dit in die deeg in te vou; dié aksie tel sommer ook as afknie. Die spek sal moeilik in-knie, so gebruik vou-aksies sodat die spek versprei en geurige lagies in die deeg vorm. 3 Rol nou die deeg met ’n koekroller plat…

Malvalekker-fudge Ons maak dié maklike fudge sommer in die mikrogolf – met of sonder die malvalekkers bly dit enige suikertand se moses! As jy nie hou van mikrogolf-kookkuns nie, kan jy dit maklik in ’n kastrol op die stoof maak. Onthou net om aanhoudend te roer sodat dit nie brand nie. Genoeg vir een 18 x 18cm-pan Bereidingstyd: 20 minute Gaarmaaktyd: 12–14 minute • 125 g botter • 1 blik (385 g) kondensmelk • 60 ml melk • 250 ml Huletts Icing Sugar • 250 ml Huletts SunSweet Brown Sugar • 5 ml vanieljegeursel • ’n knippie sout • ’n groot hand vol mini-malvalekkers 1 Smelt die botter, kondensmelk, melk en die suikers saam in ’n mikrogolfbestande bak met hoë kante deur dit vir 2 tot 3 minute saam op hoog te mikrogolf. (Die fudge borrel hoog tydens…

Hoe meer siele ... Set a Table (R380, Jacana Media) is die restaurateur en fynproewer Karen Dudley se derde pennevrug en volg in die spoor van haar gewilde A Week in the Kitchen- kookboeke. Wanneer jy mense vir ete kry – hetsy vreemdelinge, kennisse, familie of vriende – is dit ’n okkasie en Karen meen wanneer jy tafel dek, lê jy jou bloot op ’n baie intieme manier. Met dié versameling beproefde liplekker resepte verken Karen die ritueel van onthaal en herinneringe skep. MET LIEFDE Die Van Loveren-wynplaas op Robertson het sy eerste perlé-styl-Pinot Grigio Rosé opgedra aan wyle Jean Retief, die matriarg wat welbekend was vir haar liefde vir tuinmaak en die geil lushof wat sy en haar man, Hennie, in 1939 op die landgoed aangelê het. Die ontwerp…