Indholdsfortegnelse for April 2020 i Tuis

Dis seker nie snaaks – of moet ek liewer sê vreemd – nie dat “loadshedding” in 2019 een van die woorde was wat die meeste gegoogle is in Suid-Afrika, aldus die sakenuus-webblad Business Insider South Africa. Meer as Meghan Markle én Game of Thrones, as dit jou perspektief gee ... Hier is ons nou goed op dreef met 2020, en ek wed jou my laaste kers en vuurhoutjie “loadshedding” gaan vanjaar wéér koning kraai. Selfs ná Meghan en Harry se onverwagse maar nuuswaardige “onttroning” – ’n game of thrones van ’n heel ander aard: Die Sussex’e het gebrexit voor Brexit! Oor lag feitlik altyd beter is as huil, vra ek my Facebook-vrinne vir hul snaaksste Eskom-grappie, want ons weet mos: Ons kon darem nog altyd vir onsself lag hier aan…

Uit Lapland Studio G se nuwe Palmero-versameling (R800/m) is nou te kry in Suid-Afrika, eksklusief by Hertex. Dis gemaak van geborselde suiwer katoen, en spog met botaniese ontwerpe, kunstige teksture en sagter geometriese patrone. Verken jou wilde sy met diep, donker skakerings en treffende blommotiewe, of skep ’n kalm toevlug met fyner flora en sagter kleure. Laat dié Bertie-lamp van The Lighting Warehouse (R599; lightingwarehouse.co.za) jou lessenaar of bedkassie opvrolik. Kyk bietjie na Paint & Décor se lieflike Slow Living-reeks met 20 nuwe kleure, beskikbaar in 50ml-toetspotjies (R30), of groter potte van 1 liter (vanaf R165) tot 20 liter. Besoek paintdecordiy.com. Nuut op straat Sheet Street het sy eie reeks basiese meubels, soos rakke, kanttafels, stoele en lampe, bekendgestel. Die reeks is beskikbaar by uitgesoekte winkels, insluitend Cape Gate, Menlyn…

WIE WOON HIER? Carla en Charles Duckitt WAAR Voëlklip, Hermanus GROOTTE 340m² Ek het al letterlik op skrootwerwe rondgeklouter om goed te kry wat ek wou hê. – Carla Hermanus het nog altyd spesiale herinneringe gehad vir Carla en Charles Duckitt. Hier het Charles se familie jare lank vakansie gehou, en die rustige atmosfeer van die buurt Voëlklip was perfek om die toevlug te skep waarheen hul studentekinders kon ontsnap terwyl die paartjie self nog in die buiteland gewoon het. Carla was uit die staanspoor oortuig dat hulle dié effens afgeleefde huis moet koop toe sy dit op ’n eiendomswebblad raaksien, maar Charles glad nie. “Hy het twee máánde lank daaroor gedink – ’n leeftyd wanneer mens ’n aanbod moet maak,” onthou Carla. “Uit die bloute een oggend sê Charles…

• Maak altyd seker wat jou plaaslike owerheid se boureëls ten opsigte van so ’n struktuur is. • Sorg dat die houer waterpas staan voordat jy met enige werk begin. • Beplan deeglik en benut elke sentimeter. Teken alles op plan, ook die sy- en vooraansig. • Vraghouers seël baie dig. Sorg vir genoeg ventilasie om binne te leef. • Isolasie is baie belangrik, want jy werk immers met ’n staalboks. Isoleer die mure, asook die dak. • Dink mooi voordat jy gate begin sny vir vensters en deure, want die houer se sterkte lê in sy wande. Sny jy te veel weg, kan die struktuur knak. Versterk alle openinge met ’n staalraamwerk en as jy enigsins twyfel, vra raad by ’n struktuuringenieur.…

a.b.e. Construction Chemicals 0860 223 773, abe.co.za Africon Rooftiles 021 845 7476, africonroof.com Bay Joinery 044 695 2233 BUCO 0861 174 273, buco.co.za Builders 0860 284 533, builders.co.za Coastline Timber Merchants 028 312 1233, coast-line.co.za CTM 010 003 9987, ctm.co.za MRP Home 0800 212 535, mrphome.com Overberg Agri 028 214 3800, overbergagri.co.za Overberg Gutters 076 263 3218, overberggutters.co.za Overberg Lighting Centre 028 312 3810, overberglighting.com Plumblink 087 285 8500, plumblink.co.za Stanford Glass and Aluminium 074 742 9388 Your Style Cupboards 082 327 6518…

Simoné en Anwar deel hul raad: • Hofmeyr-Mills Auctioneers in Wynberg het ’n goeie keuse van antieke en tweedehandse meubels wat Simoné spotgoedkoop kry; sy druk dan haar eie stempel af sodat dit by hul monochroom palet inskakel. So het hulle ’n buffet vir R600 gekoop en dit mooigemaak met verf. • Nog ’n wenner is die Facebook-groep Moving On, wat Simoné beskryf as ’n “skattejag vir grootmense”. Hul TV-kas was byvoorbeeld ’n skoenrak wat hulle vir R20 gekoop het. • Parisienne Interiors is Simoné se voorkeurverskaffer van sagte meublement en houtwerk, en het die koffietafel spesiaal vir die paartjie gemaak; die winkel lewer ook af. • Die badkamertoebehore kom van Natural Stone Warehouse, wat elke jaar (Oktober/ November) ’n groot uitverkoping hou. • Die kombuistoestelle is by Tafelberg Furnishers…

PROJEKGIDS Harde werk 5/10 Vaardigheidsvlak 7/10 Tyd nodig Hang af van grootte van oppervlak; hou droogwordtyd voor en ná aanwending in gedagte. Koste van materiaal Soutsuur R50 vir 5 liter, wit sement R70 vir 5 kg, seëlaar R250 vir 1 liter PROJEKNOTAS • Kies ’n muur waar daar nie diep groewe tussen die stene is nie. Indien wel (byvoorbeeld ’n siersteenmuur), moet jy dit eers met pleister opvul. • Dra altyd ’n veiligheidsbril en masker wanneer jy met sure en fyn stof werk. Wat jy nodig het INKOPIELYS • wit sement • soutsuur (“spirit of salts”) • seëlaar GEREEDSKAP • plastiek-drupvelle • harde skropborsel • stewige sponse • twee 10-liter-plastiekemmers • boutroffel • 75mm-withaarkwas (“Blondie”) • rubberhandskoene word aanbeveel Só maak jy... 1 Inspekteer die muur: Vryf met jou hand…

Blou bekoring Johan Scholtemeijer van Bethal skryf Ek het dié “Blue Cups”-skildery deur Bettie Cilliers-Barnard geërf. Kan julle my sê of dit enigiets werd is? Kayleen Wrigley van Walker Scott Art Advisory antwoord Dié skildery deur Bettie Cilliers-Barnard is tipies van ’n spesifieke tydperk binne die kunstenaar se groter oeuvre. Die werk val in Cilliers-Barnard se beskrywende tydperk waarin sy met groot klem op formele elemente soos lyn, vorm, toonwaarde en tekstuur geskilder het. Kort ná dié tydperk het die kunstenaar beskrywende en figuratiewe skilderkuns laat vaar, wat beteken dié skildery is bes moontlik een van haar heel laaste stillewes. Sy het daarna op meer abstrakte skilderwerk gefokus, met sirkels ’n gewilde tema. Later sou koppe en voëls weer ’n verskyning maak toe sy opnuut hulde gebring het aan haar formalistiese…

Nuut op die mark Jou hondekind sal gaande wees oor Hunter se Crunchy Biscuits (R134/150g; takealot.com, uitgesoekte supermarkte en troeteldierwinkels). Dit kom in twee heerlike geure, appel en lemoen. Boonop is dit glutenvry, wat dit geskik maak vir troeteldiere wat onverdraagsaam jeens dié proteïen is, en ryk aan hawervesel, omega 3 & 6 en vitamiene. Besoek huntersa.co.za. Hallo, herfs! WEN! Die eienaars van die diere op die meegaande foto’s wen ’n middelslag-Dream Pod vir honde of ’n groot Nookie Bag vir katte van Wagworld (wagworld.co.za; ook te kry by veeartsen troeteldierwinkels). Die Dream Pod van sagte, waterbestande seil het ’n sagte kussing, gestop met herwinde lapstroke vir lekker lê. Die snoesige Nookie Bag van koraalvlies en ’n sagte opstopsel is omkeerbaar en kan in die masjien gewas word. Stuur jou…

Van ’n mengelmoes van plante tot orde en asemrowend mooi – dit is die gedaantewisseling wat Larisa Brody se tuin in vyf jaar ondergaan het. “Ons het einde 2014 van Gauteng af Somerset-Wes toe getrek en die eiendom gekoop vir sy groot tuin en die uitsig op die Helderberg aan die een kant en die see en die Hottentots-Hollandberge aan die ander kant,” vertel Larisa. “Met ons intrek het ek besef die tuin het baie aandag nodig. Toe ontmoet ek Pietman Diener, ’n tuinkenner van Stellenbosch, en voor ek my kom kry, was ons met ’n massiewe projek besig!” Die tuin is in twee fases aangepak. Eerste aan die beurt was die inrit en sypaadjie, die skaduryke tuin rondom die tennisbaan en die deel naaste aan die huis. Pietman het…

Gevulde skorsies Onder R130 • Genoeg vir 4 Bereidingstyd: 20 minute • Gaarmaaktyd: 20 minute • 4 groot skorsies • 15ml olyfolie • 400g maer maalvleis • 1 knoffelhuisie, gekap • 1 rooi brandrissie, gekap • 250ml bevrore gemengde groente • 200ml klaar kaassous • 250ml gerasperde cheddar 1 Sny die skorsies middeldeur en kook in gesoute water vir 10 minute of tot sag. Haal uit, dreineer en krap die pitte uit. Sit die skorsie-“bakkies” op ’n bakplaat. 2 Verhit die olie in ’n pan en braai die maalvleis, knoffel en rissie tot geurig en gaar. Roer die groente by en geur na smaak met sout en peper; sit ’n deksel op die pan en stoom vir 5 minute. 3 Voorverhit die roosterelement. Skep die vleismengsel in die skorsies, giet die kaassous oor en rond af met ’n hand vol…

WENBRIEF 10 jaar later Mercia Kruger van die Paarl skryf Met trots dink ek terug aan 10 jaar gelede toe my tuin in die Januarie 2010-uitgawe van Tuis gepronk het. Ek onthou nog soos gister toe Anneke Blaise (nie meer met ons nie) en Francois Oberholster van vroegdag tot laatmiddag my tuin deurkruis het. By die foto op bladsy 78 beskryf Anneke dit so mooi: “Mercia en haar twee dierekinders, die woelige beagles Amber en Mischka.” Ek moes onlangs totsiens sê aan my dierekinders, en my hart is nog baie seer. My tuinmaatjies, wat gehou het van gaatjies grawe, al snuffelende agter die kompossakke aan, is nie meer met ons nie. Ek mis my dierekinders wat so bevoorreg was om ook saam met my in Tuis te kon pronk. Vir…

WIE WOON HIER? Jenna en Eugene Theron WAAR Stanford GROOTTE 280m² Net voor die geboorte van hul seun, Emmett, het Eugene en Jenna Theron verlief geraak op ’n afgeleefde huis uit die 1970’s op die historiese dorpie Stanford naby Hermanus. Gelukkig skrik hulle nie sommer vir ’n opknap-uitdaging nie. “Ons kon ons voorstel hoe ons kleinding die groot, toegegroeide tuin sou geniet!” sê Jenna van die 2 400 m²-erf. Hulle het die huis gekoop en begin opknap met ’n pasgebore baba op die arm – als in ’n rekordtyd van drie maande sodat hulle kon intrek en nesskop. Gelukkig het familielede naweke kom hand bysit om orde in die tuin te skep. Strukturele veranderinge is tot ’n minimum beperk – hulle het net die motorhuis straat se kant toe verleng…

Simoné Visagie-Davids het nog altyd geweet sy en haar man, Anwar Davids, sal eendag óf hul eie plek bou óf ’n volledige opknap aanpak om hul perfekte gesinshuis te skep. As binneontwerper wat in winkels spesialiseer, is kreatiewe uitdrukking vir haar tweede natuur. Toe sy en Anwar – mede-eienaar van Demron Chemicals, ’n maatskappy wat chemikalieë vervaardig – dus die geleentheid kry om ’n afgeleefde huis in die sjarmante buurt Zeekoevlei buite Kaapstad onder hande te neem, het hulle dit aangegryp. Hier kon hulle ’n toevlug skep vir hul twee seuns, Noah en Isah. “Dis ’n stil buurt naby ’n voëlreservaat – ons het heeljaar die mooiste wilde troeteldiere!” sê Simoné. WIE WOON HIER? Anwar Davids en Simoné Visagie-Davids met hul kinders, Noah (3) en Isah (8 maande) WAAR Zeekoevlei,…

a.b.e. Construction Chemicals 0860 223 773, abe.co.za Gumtree gumtree.co.za Hofmeyr-Mills Auctioneers 021 761 1803 La Grange Interiors 021 447 3508, lagrangeinteriors.co.za MRP Home 0800 212 535, mrphome.com Natural Stone Warehouse 021 556 0202 Parisienne Interiors 021 692 2575 Tafelberg Furnishers 021 944 3330, tafelberg.co.za Weylandts 0860 103 400, weylandts.co.za Woodheads 021 461 7185, woodheads.co.za Woolworths 0860 022 002, woolworths.co.za Yammie and Sons 083 357 9359…

Staal jouself Dieter Geiger van Kaapstad skryf Ons is besig om ons 60 jaar oue huis op te knap en wil graag die staalraamvensters behou. Dis geverf en nog in ’n goeie toestand, al is daar ’n bietjie oppervlakkige roes. Is dit die moeite werd om die verf te verwyder, roesplekke te behandel en dit dan te laat poeierbedek? Of moet ons maar die vensters vervang? Wynand Smit van JambMax antwoord Daar is twee benaderings: Die eerste is om die vensters in die muur te los en dit in situ te herstel. Jy sal al die ou verf eers moet verwyder; behandel dan die rame met ’n roesweerder soos Duram se NS1 Rust Buster. Wag totdat dit heeltemal droog is en wend ’n goeie onderlaag aan, gevolg deur glansverf in…

Is jy ’n kreatiewe dekorliefhebber wat elke hoekie in jou huis “tydskrif-gereed” wil kry? Of wou jy nog altyd leer wat ’n Tuis-fotosessie behels, hoe jy daarvoor beplan en voorberei, wat jy alles in jou stileertassie moet hê as jy eendag huise wil mooimaak as ’n loopbaan, en hoe jy ’n mooi blad in die tydskrif opmaak? Dan is ons heel eerste dekorskool net vir jou. Want hier, in die kreatiewe maalkolk van die Tuis-kantoor, karaktervolle leserhuise en MRP Home se vlagskipwinkel in Canal Walk, Kaapstad, sal jy by kenners kan leer wat dit verg om ’n voorste huisstilis te wees. In die bestek van drie dae wil ons die wenke en kortpaaie wat die Tuis-span oor jare opgebou het – van inspirasieborde en kleurkeuses, kulkunsies as dinge nie uitwerk…

Dis planttyd As jy droom van ’n kleurryke lentetuin, moet jy in die herfs wanneer die aarde begin afkoel begin voorbereidings doen. Plant inheemse en eksotiese bolle wat in die lente blom sodat hulle ná die wintermaande in hul volle glorie kan pronk – vul beddings, rotstuine, houers en hangmandjies met dié skoonhede. Winter- en lenteblommende jaarplante is veelsydig: dit werk in massa-aanplantings, randakkers, potte, vensterbakke en hangmandjies. Plant kompakte variëteite langs ’n paadjie en rondom lentebolle. Laat dié met ’n spreidende groeiwyse oor lae mure en uit potte, vensterbakke en hangmandjies tuimel, en gebruik hoër groeiers vir kleur in ’n randakker. Wat sê ’n naam? Tuinmaak is soveel interessanter as jy die betekenis van plantname begryp. ’n Naam help boonop die tuinier om die voorkoms en groeiwyse van ’n…

Ek hou van Paul Bangay se styl, maar dit kan nogal formeel wees. Ek het vir Pietman vrye teuels gegee om die tuin te beplan met dit in gedagte. Wat ek wel wou hê, was ’n roostuin, kamillegrasperk, waterfokuspunt en massaaanplantings met orde. – Larisa 1 Parterre By die voordeur is ’n parterre, ’n formele bedding met netjies gesnyde kniehoogteheinings van liguster (Ligustrum ibota) wat ’n patroon vorm. Aanvanklik is swart mondogras en lamsore tussenin geplant, maar dit was nie suksesvol nie. Nou is Larisa besig om in die oop dele nog heinings in ’n diamantvorm te skep. Dié formele ontwerp word afgerond met ’n eenvoudige fontein met koperpypies as waterspuite. Dié fontein was hier en is net so behou. >> 2 Inrit, sypaadjie- en woudtuin Dié deel van die…

Kerrieaartappel-eiers Dié menere is iets tussen ’n eierfrikkadel (“Scotch egg”, ’n gekookte eier omhul in wors en krummels) en die Australiese sjef Bill Granger se heerlike kerrieaartappelresep. Genoeg vir 6 Bereidingstyd: 1 uur Gaarmaaktyd: 30 minute • 6 mediumgroot eiers • ’n knippie koeksoda • 500g baba-aartappels, in kwarte gesny • 15ml botter en olie • 2 knoffelhuisies, fyngekap • 2cm vars gemmer, geskil en fyngerasper • 3ml swart mosterdsaadjies • 3ml borrie • 5ml kerriepoeier • 3 sprietuie (net die wit dele), gekap • 1 groen brandrissie, gekap • 6 kerrieblare • 2 murgpampoentjies, gerasper • sowat 125ml meel • 2 eiers, geklits • sowat 200ml panko-broodkrummels • olie vir diepbraai • suurlemoen en jogurt vir voorsit 1 Sit die eiers in koue water in ’n kastrol, voeg ’n knippie sout en koeksoda by en bring tot kookpunt; kook vir 4 minute. Dreineer en sit dadelik in…

Op die planke Die Salt & Pepper Raffia-plank van akasiahout (40cm; R699, home.co.za) is ontwerp met verskillende houtpanele vir ’n besonderse voorkoms wat aan ’n blokkiesvloer herinner. Is dit nie mooi nie? KRY MY BY DIE TUINHEK Geniet ’n betowerende ervaring op die grasperk van The Cellars-Hohenort in Constantia, Kaapstad, met ’n mandjie vol varsgemaakte smulkos. Kies uit drie piekniekmandjies met vaste spyskaarte; pryse begin by R185 per persoon. Besprekings 24 uur vooraf is noodsaaklik. Vir inligting en om te bespreek, stuur e-pos na restaurantres@ cellars-hohenort.co.za. Gesinskos op sy beste Die kortpadkos-afdeling in Tuis het ’n eenstopgids geword vir huiskokke wat elke aand van die week die gesin se mae moet vol kry. Dié beproefde resepte haal die sleur uit kosmaak én kry dit in ’n kits klaar! Omdat die…

OP DIE KASSIE Aansit (seisoen 1 begin 17 April op VIA, DStv-kanaal 147) is ’n splinternuwe kosprogram waarin passievolle huiskokke hul huis in ’n opskiet-eetplek moet verander en disse van restaurantgehalte optower vir die aanbieder en hoofbeoordelaar, Reuben Riffel, en ’n gasbeoordelaar. En wat ’n prys wen hulle nie! Die wenner kry ’n kosliefhebber se droomvakansie in Frankryk, met ’n besoek aan die Michelinster-restaurant JAN. DECOREX KAAPSTAD 30 April–3 Mei: Kaapstadse Internasionale Konferensiesentrum (KIKS) Besoekers aan Decorex Kaapstad sal vanjaar se tema, “Lifestyle by Design”, duidelik sien in die groot verskeidenheid nuwe uitstallings wat die jongste trends uitbeeld. Kom kyk wat Decorex se kreatiewe direkteur, Anita Bloom, as die top-10 tendense beskou by die 2020 Trends Installation, en luister wat voorste vervaardigers, ontwerpers en dekorkenners te sê het by die…

’n Ander deuntjie Stefan Blom en Albie du Toit van Groenpunt in Kaapstad het die kleur pienk gebruik om vloei en sprankel in ’n andersins vervelige gang te skep. Dié ruimte is ook die “musiekkamer” met Stefan se klavier uit sy kinderdae. Pleks van net ’n pienk fokusmuur verf, het hulle die kleur teen die plafon gebruik en herhaal op die klavierbankie se kussing. ’n Groot foto deur Gary van Wyk skep ’n treffende fokuspunt bo die klavier, terwyl meer van sy foto’s, asook ander deur Antonia Steyn (en Stefan en Albie se eie), op die muur regs pryk. ’n Gesin keramiek-hasies op die klavier gee ’n speelse gevoel aan die ruimte. ’n Gaatjie vir als Chanelle Steenekamp het die gebruik van gaatjieborde in dekor op Pinterest en later ook…

Tweedehandse 6 m-vraghouer 24 000 Hout vir subraam 4 500 Isolasie 3 500 Houtbekleding (binne) 3 800 Nutec (buite) 2 000 Plafonpanele (kombuis) 800 Aluminium-skuifdeur 3 500 Twee aluminiumvensters 3 000 Kaste 8 500 Kombuistoonbank 800 Ysterware 300 Wasbak 700 Gasstoof 600 Stortvloer 600 Stortdeur 800 Sanitêre ware 1 600 Dreinering 1 000 Loodgieterswerk 8 500 Sonkrag-geiser 7 000 Stapelriool 4 000 Vloere 4 500 Elektriese werk 9 000 Beligting 1 000 Plaveisel 4 500 Gassilinder 600 Blindings (badkamer) 350 Staal en plate vir dak 10 000 Badkamerteëls 3 000 Grawe van vore, grondwerk 1 200 Kitsgras 4 500 Plante 3 000…

Jenna versamel kunswerke en snuffel graag rond vir winskope. Hier is haar topwenke: • Moet nooit by ’n tweedehandswinkel verbystap nie – soms het jy net vyf minute nodig om ’n versteekte skat uit te grawe. Loer gereeld in sodat jy nie enige nuwe voorraad miskyk nie. • Laat vriende en familie weet dat jy ou kuns versamel; dalk het hulle iets wat hulle vir jou sal gee. • Gebruik soortgelyke rame vir eenvormigheid, of skep kontras deur byvoorbeeld swierige, vergulde rame te kombineer met smal houtrame. Albei lyk goed.…

Wat is jou ontwerp-filosofie? ’n Monochroom palet is tydloos en minimalisties met skoon, sterk lyne, wat dit maklik maak om dekor af te wissel. Ek is mal oor oop ruimtes met ’n gemaklike vloei, asook ’n sagte, gelaagde voorkoms en warm teksture. Julle woon graag veilings by. Het jy enige raad? Gaan altyd na ’n veiling met ’n begroting en hou daarby. Loer voor die tyd na die webtuiste en identifiseer watter stukke jy wil hê – en moenie dat ander items jou aandag aftrek nie. Moet ook nie emosioneel raak tydens die bie-proses nie; ek en my man werk saam as ’n span. Staan sterk met jou begroting; die doel van ’n veiling is om ’n winskoop te kry, nie om al jou geld te blaas nie.…

V: Wie het die kasdeure met die yskas-voorkoms in die kombuis op bladsy 43 van die November 2019-uitgawe gemaak? – Ian McKean via Facebook A: Die huiseienaars het die deure laat pasmaak deur Stefan Diener van Diener Cupboards (082 940 2889, diener@twk.co.za). V: Wat is die naam van die lieflike groen verf by die voordeur op bladsy 52 van die Maart 2019-uitgawe? – Nuchae Botha, Vanderbijlpark A: Kyk gerus na Growing Grass of Restful Retreat van Dulux (dulux.com). Albei is soortgelyk aan dié sagte groen skakering. V: Ek is mal oor die keramiek-vis bo die wasbak op bladsy 23 van Februarie 2020 se uitgawe; waar kan ek dit kry? – Erna Strydom, Nelspruit A: Die vis is van Ceramic Matters (ceramicmatters.blogspot.com); jy kan ook by MRP Home (mrphome.com) kyk. V:…

IsoBoard bied jou ’n isolasie-oplossing vir nuwe én bestaande geboue, en dis een wat jy maklik self kan installeer. Nou kan jou huis enige temperatuurskommelings sonder moeite trotseer en kan jy jou leef- en werkruimtes gemaklik hou vir die volle leeftyd van die gebou. Dié omgewingsvriendelike termiese isolasie is geskik vir al die onderskeie dele van jou huis en is net so veelsydig as wat dit doeltreffend is. Dit hou jou huis se temperatuur konstant, wat beteken jy gebruik minder elektrisiteit vir verwarming of verkoeling. IsoBoard is maklik om te installeer; kyk die video op tuis.co.za.…

Nuut by die kwekery Die beste van albei Dis nie ’n Petunia óf ’n Calibrachoa nie, maar die nuwe Petchoa ‘BeautiCal’ is die beste van albei genusse. Dié plante blom soos ’n Calibrachoa, met ’n menigte blomme in ’n magdom kleure. Die blomme is amper so groot soos petunias, maar dié weerbestande plante herstel vinniger as standaard-petunias nadat dit gereën het. Dis ook beter bestand teen meeldou en het ’n lang blomtyd – van die lente tot einde somer. Die plant is geskik vir die stoep en balkon, houers en hangmandjies, asook kleiner tuinbeddings. KONTAK ballstraathof.co.za VERSKAFFERS Builders 0860 284 533, builders.co.za MON Exteriors 0861 866 766, monexteriors.com MRP Home 0800 212 535, mrphome.com…

As daar baie van een soort plant in ’n bedding of tuinkamer groei, het jou tuin trefkrag én is jou werk minder! Pietman Diener, tuinkenner van Stellenbosch, vertel meer: “Massa-aanplanting het baie voordele en kan in groot sowel as kleiner tuine gebruik word. In ’n groot tuin soos dié van Larisa Brody (sien die storie op bl. 90) kan dit heeltemal oorweldigend raak as jy ’n te groot verskeidenheid plante in al die verskillende dele of tuinkamers het. Deur in party van die kamers ’n groep van net een soort plant te gebruik, skep jy ’n rustiger gevoel met groter trefkrag. Jy sien die plante regtig raak,” verduidelik hy. Onderhoud Nog ’n voordeel van massa-aanplanting is dat dit jou werklas verminder en jou tuin meer ekonomies en waterwys maak. Aangesien…

1 Kry die bestanddele gereed Maak sowat 24 wonton-pakkies VULSEL Meng die volgende bestanddele in ’n bakkie, reg vir gebruik: • sowat 200g varkmaalvleis* • 2 sprietuie, gekap • 1cm vars gemmer, geskil en fyngerasper • 15ml sojasous • ’n knippie witpeper • 15ml sesamolie • vars rissie na smaak * Gevlokte gaar braaihoender, roomkaas, steurgarnale, kapokaartappel of gaar sampioene is heerlike plaasvervangers vir die varkmaalvleis. In ’n halfmaan Skep ’n teelepel vol vulsel op ’n ronde deegvelletjie. (As jy net vierkante het, sny dit rond met ’n koekiedrukker.) Gebruik ’n kwassie of jou vinger en maak die rand reg rondom nat, vou toe in ’n halfmaan maar druk net bo in die middel vas. Vou nou die voorste deegrand net regs van die middelpunt in ’n plooi na links (sien foto); druk die plooi vas en…