Indholdsfortegnelse for June 2020 i Tuis

35 dae van inperking laat ’n mens nuut dink oor die lewe, en gee jou boonop insigte wat jy voorheen nie gehad het nie. Vyf weke op hok is, wel, ’n buitengewone ervaring. Hier is ’n dagboek van my gewaarwordinge gedurende my eie kluisterbestaan in Maart en April. Ek hoor graag ook joune – stuur vir my ’n e-pos! Intussen, geniet die stelselmatige vryheid, en dra beslis die gesigmasker wat ons gratis by dié uitgawe insluit wanneer jy dit buite waag. Was hom voor jy dit die eerste keer gebruik (ook ná elke keer se dra), en bedek altyd jou neus en mond daarmee as jy uitgaan – ’n moet in hierdie onseker tye! Dag 1 Skeer! Kam hare! Trek kraaghemp aan! Werk is werk, al sit jy by die…

Trippe, trappe, trone In ’n andersins neutrale deel van Stefan Blom en Albie du Toit se huis in Groenpunt, Kaapstad, maak ’n stel trappe in ’n waaghalsige skakering van groen ’n groot impak. Hulle het die trap geverf ná hul heel eerste besoek aan Amsterdam. “Dit herinner ons aan die vars kleure van die stad, die welige grasvelde in Nederland – selfs die binnekant van ’n blom!” vertel Stefan. Goue (m)uur Fred en Cassandra Cockrell het nog altyd die kuns van Frida Kahlo bewonder, daarom het hulle hul wegbreekplek op Langebaan “Casa Kahlo” gedoop. ’n Vrolike geel muur by hul braaiplek digby die kombuis skep lieflike kontras met die kombuis se grys kassies. “Ons wou graag die opgewektheid van die Mexikaanse styl oordra,” vertel Cassandra. “Ons kuier heerlik in dié…

WIE WOON HIER? Hennie en Jacomien de Wet en hul drie spruite, Christiaan (9), Amri (6) en Júha (20 maande) WAAR Onrusrivier GROOTTE 285m² Sowat vyf jaar gelede het Hennie en Jacomien de Wet van Onrusrivier buite Hermanus met Jacomien se ouers ’n ooreenkoms aangegaan: Hulle sou op eie koste ’n kleinerige huis op ’n afgesnyde hoek van Jacomien se ouers se eiendom bou, met dien verstande dat hulle kan blyplekke ruil wanneer die jong gesin se huisie uit sy nate begin bars. Vandag woon Hennie, Jacomien en hul drie spruite in die huis waar Jacomien jare gelede saam met haar ouers vakansie gehou het – nou in ’n blinknuwe baadjie. Hans en Irma Herbst het die huis 16 jaar gelede gekoop. Onrusrivier was aan hulle bekend, want dié Overbergse…

V: Watter verfkleur is op die kombuismure op bladsy 21 van die Januarie 2020-uitgawe gebruik? – Corinna Quinlivan, Kaapstad A: Die Du Preezs het Coprox Waterproof Dualcoat in die kleur Oat gebruik en dit verseël met Coprox Wall & Floor Clear Sealer (coprox.com). V: Die byna lewensgroot kunswerk op bladsy 19 van die Maart 2020-uitgawe is so mooi! Waar kan ek iets soortgelyks kry of laat maak? – Amoré van der Merwe, Bloemfontein A: Die kunswerk is deur die Stellenbosse kunstenaar Marié Stander (mariestander.co.za).…

Tuine vir vriendskap Tuine en tuinmaak het talle voordele, soos om ons liggaamlike en geestelike welstand te verbeter – en wat is nou belangriker in hierdie onseker tye wat ons wêreldwyd beleef? Tuinmaak help ons om sosiale bande en vriendskappe met ander te smee, hetsy deur steggies en plante uit te ruil of by ’n aanlyngemeenskap aan te sluit waar mense hul tuine met ons deel. Hoekom nie die stiller wintermaande gebruik en ’n nuwe sypaadjietuin of ekovriendelike randakker beplan wat jy in die lente kan aanplant nie? Probeer dié idees: Buurtvriendelike sypaadjies Wat sê jou sypaadjietuin van jou? Netjiese rande en ’n aantreklike uitleg skep ’n goeie eerste indruk en verbeter die voorkoms van jou eiendom. Wat jy plant, hang af van jou bepaalde ruimte en plaaslike toestande. Verbloem…

Annemarie van Wyk van Pretoria skryf Ek het ‘Forever Delight’ in potte geplant en dit kry baie middagson. Tydens die afgelope twee warm somers het dit nie goed gevaar nie, al het ek elke dag natgemaak. Ludwig antwoord ‘Forever Delight’ vra volson om sy kleure op hul mooiste te vertoon, maar dis moontlik dat jou rose se wortels in die direkte middagson te warm geraak het, veral as dit in plastiekpotte geplant is. Maak seker dat die water goed dreineer en dien een keer ’n maand Vigorosa toe. ’n Ander opsie is om ’n verhewe bedding te maak met genoeg organiese materiaal daarin vir goeie dreinering; plant die rose daarin uit. Die wortels sal dan koeler wees, veral met ’n deklaag bo-oor. Jennifer Simmons van Oos-Londen skryf Ek wil graag…

Skryf aan ons by Tuis/Ons lesers sê, Posbus 1802, Kaapstad 8000 of stuur e-pos na redakteur@tuis.co.za. Gesels saam by tuis.co.za of facebook.com/tuistydskrif, of volg ons op Instagram by @TuisHomeMag. Verstrek asseblief jou naam en van, asook die naam van jou dorp, wanneer jy aan ons skryf. WENBRIEF Tuis vir groot én klein Linsey-Lee Nel van Montagu skryf Ons het inspirasie gekry om een kombuismuur met die pragtige Duram King Mackerel te verf, en toe ek vir klein Anke (wat nou die hele wêreld vol begin kruip) soek, kry ek haar in die badkamer besig om self inspirasie te soek ... Haar kamer is seker volgende! Bring die sonskyn in Bruce Mattheus van Rawsonville skryf Nou met die isolasie kry ’n mens mos kans om dit te lees wat…

Verlede jaar se inskrywings vir ons heel eerste Rookie Stylistkompetisie was ’n fees vir die oog – meer as 1 400 kreatiewe deelnemers het hoekies in hul huis, wat hulle self gestileer het, op Instagram gedeel. Ons is passievol oor alles wat mooi is en vier graag hoe Suid-Afrikaners hul ruimtes versier. Dis ’n filosofie wat ons met MRP Home deel, daarom is die Rookie Stylist-kompetisie vanjaar terug! Elke week kan een gelukkige deelnemer ’n MRP Home-koopbewys van R2 000 losslaan; die algehele wenner, 2020 se Rookie Stylist, kry ’n MRP Home-koopbewys van R15 000 waarmee hulle kan koop net wat hulle begeer. Die Tuis-span kies die weeklikse en die algehele wenner. As ’n bonus sal ons die wenner se huis afneem vir publikasie in ’n latere uitgawe van Tuis,…

WIE WOON HIER? Antoinette Stockley en haar dogter, Emma (19), asook hul honde, Laya en Fudge, en drie katte, Artemis, Twitch en Yuki WAAR Somerset-Wes, Wes-Kaap GROOTTE 445m² Antoinette Stockley het presies geweet wat sy sal doen op die erf waar ’n doodgewone ou huis teen die hange van die Helderberg in Somerset-Wes gestaan het, al was sy nie die eienaar nie. Sewe jaar lank het sy gereeld by haar vriendin gaan kuier wat dié huis gehuur het. Toe, op ’n dag sowat ’n dekade gelede, kom die eiendom op die mark. En dit word hare – maar nie sonder ingrypende veranderinge nie. “Een halwe muur en die fondasie is al wat oorgebly het,” vertel sy. “Ek wou báie glas hê, want die erf is in die natuur.” Die middelpunt…

Wat jy nodig het INKOPIELYS • bankie • lap van jou keuse • mod podge GEREEDSKAP • verfkwas • skêr • kramskieter PROJEKGIDS  Harde werk 1/10 Vaardigheidsvlak 1/10 Tyd nodig 2 uur Doen dit self vir R1095: Bankie R500, vadoek R290, bedrukte lap R250, mod podge R55 Nog ’n slim plan! Span mooi lap oor ’n bestaande skilderdoek, of raam dit en hang dit in jou huis as kuns. Lieflik! 1 Plaas die eerste stuk lap op die bankie; maak seker dit kan heeltemal oor die rand tot onder die sitplek vou. Merk die posisie van die lap-rand op die sitplek. 2 Wend die mod podge aan oor die deel wat jy in stap 1 gemerk het; verf dit oor die sitplek en die sye. 3 Sit die lap nou…

DIE EIENAAR Warren Spiro WAAR Kaapstad GROOTTE 95 m² E-pos jou opknap na kenners@tuis.co.za. Warren Spiro het in 2018 een van vier eenhede in ’n woonstelblok in Groenpunt, Kaapstad, gekoop. Vir hom het dit al die potensiaal vir ’n lekker opknap ingehou: Die gebou met sy Art Deco-geïnspireerde styl is sjarmant en in ’n goeie deel geleë, wat ’n goeie opbrengs op sy belegging beloof het. Die ruim woonstel het twee slaapkamers en ’n badkamer, maar dit was outyds, met afwerkings so reg uit die 1980’s, vuil matte en ou gordyne. Warren het Craig Olckers van Oolong Blue se hulp ingeroep om die opknap te bestuur. Maar geen projek kom sonder struikelblokke nie; in dié geval was dit ernstig: Reg in die middel van die projek moes daar met Craig…

Vir ’n waterwys tuin moet jy plante kies wat geskik is vir jou streek, hitte kan verduur en min water vra. Probeer spekboom (Portulacaria afra) met sy ongewone rooi stele en vetplantagtige blare, Senecio mandraliscae met sy potloodvormige loof en Cotyledon orbiculata met sy oranjerooi buisvormige blomme en groot grysgroen wasagtige blare. Plante wat blare met ’n klein oppervlakte het, soos Bulbine frutescens, en ander met fyn haartjies, soos Helichrysum petiolare, is goed opgewasse teen droë toestande. Kies kraalmelkbos (Euphorbia tirucalli ), Phormium tenax ‘Flamingo’ en ‘Rainbow Maiden’ vir hul kleur en struktuur, en plant vetplante soos woestynrosies en Sedum by hul voete. Bring beweging in met Aristida junciformis en die geboë, grasagtige blare en piepklein wit stervormige blomme van Chlorophytum saundersiae. Festuca glauca, met sy silwerblou loof, vorm netjiese…

Plante vir privaatheid Lyzinda Kock van Klerksdorp skryf Ons is tans besig om ’n huis te bou en ’n tuin aan te lê. Aan die een kant van die erf is ’n onooglike elektriese heining en aan die ander kant is die bure se huis. Ons wil nie graag mure bou nie. Wat kan ons plant om die heining te verbloem en privaatheid te skep? Ons kry taamlik ryp in die winter en dis baie warm in die somer. Die huis is teen ’n helling, so enige plante/bome moet hoog groei. Ons wil ook nie 10 jaar wag voor ons privaatheid het nie. Plante moet verkieslik immergroen en nie te dors wees nie. JJ antwoord Daar’s ’n paar plante wat ek kan aanbeveel, maar hou dit minstens 2m van die…

Die Aloe-genus is beperk tot Afrika en Madagaskar, en baie spesies is inheems tot Suid-Afrika. Omdat aalwyne in uiteenlopende klimate voorkom, is daar groot verskille tussen spesies – van boomagtige aalwyne, soos Aloidendron barberae (sin. Aloe barberae), tot die polvormende A. arborescens, rosetvormende A. maculata en piepklein A. parvula. Blomkleure wissel van wit tot skakerings van geel, oranje, rooi en pienk. Die meeste aalwyne is droogtebestand en daarom ’n goeie keuse vir waterwys tuine. Aalwyne produseer groot hoeveelhede stuifmeel en nektar, wat in hul blomtyd voëls en insekte lok. Baie van die aalwyn-hibriede is spesiaal vir tuintoestande gekweek.…

Sjokolade-en-framboos-Hertzoggies Dié fyngebak is al die moeite werd! Genoeg vir 12 koekies • Bereidingstyd: 1 uur Baktyd: 35 minute • Oondtemperatuur: 180°C • 375 ml (210 g) meel • 125 ml (50 g) kakao • 45ml strooisuiker • 10ml bakpoeier • ’n knippie sout • 150g botter, kamertemperatuur • 1 eier • 1 eiergeel • sowat 30ml yswater VULSEL EN BOLAAG • 3 eierwitte • 250 ml (210 g) strooisuiker • 500 ml (160 g) klapper • 5ml bakpoeier • koue frambooskonfyt • ekstra meel 1 Berei die deeg deur die meel, kakao, suiker, bakpoeier en sout saam te sif. Vryf die botter by die mengsel in totdat dit soos growwe broodkrummels lyk (of gebruik jou voedselverwerker). Meng die eier en eiergeel by, asook genoeg van die yswater om ’n lekker hanteerbare deeg te maak. Knie liggies tot glad. Vorm die deeg in ’n plat skyf, sit…

Stokvis met ’n spekkrummel Onder R140 • Genoeg vir 4 • Bereidingstyd: 10 minute Gaarmaaktyd: 35 minute • Oondtemperatuur: 200°C • 12 skyfies botterskorsie, sowat 5mm dik • 30ml olyfolie • 700g stokvisporsies, sonder vel • 45ml romerige mayonnaise • 125ml droë broodkrummels • 6 repies spek, gekap en brosgebraai • 3 sprietuie, gekap • ’n ruim skeut chipotle-Tabasco of ander rissiesous • suurlemoen, vars koljander en rys vir voorsit 1 Voorverhit die oond. Meng die botterskorsie met die olie; geur goed en pak in ’n enkellaag op ’n bakplaat. Bak tot dit begin sag word (sowat 20 minute). 2 Haal die bakplaat uit die oond en draai die botterskorsie-skywe om. Skuif die groente eenkant op die bakplaat en rangskik die vis in ’n enkellaag op die oop deel van die plaat, of bo-op die botterskorsie as jy wil. 3 Smeer elke…

Ballo se handgemaakte maskers (R150 elk) bestaan uit ’n dubbellaag geplooide katoen. Die buitelaag van volhoubaar verkrygde lap kom in verskeie kleurryke patrone (die ontwerpe wissel na gelang van beskikbaarheid). Vir elke masker wat aanlyn gekoop word, sal Ballo een aan ’n behoeftige persoon skenk. Kry joune by ballo.co.za. [’N GOEIE DAAD! ] Masks4SA, onder leiding van Bruce en Kimlyn Harbottle, vra alle Suid-Afrikaners om te help met tuisgemaakte maskers vir mense reg oor die land. Op hul webtuiste is daar stap-vir-stapaanwysings hoe jy self maskers in groottes vir volwassenes en kinders kan maak. Besoek masks4sa.co.za. Twig and Fi se maskers word gemaak van 100% linne, katoen en henneplinne. Elke masker (R70) word op bestelling gemaak en jy kan kies uit ’n groot reeks van Twig and Fi se romantiese…

WIE WOON HIER? Bernie Diedericks WAAR Villiersdorp GROOTTE 252 m² Dié keer het Bernie Diedericks byna sy moses teëgekom. Hy het in sy lewe al hoeveel huise gebou of opgeknap en sy hande staan werklik vir niks verkeerd nie, maar met dié kasarm op Villiersdorp was hy ná aan moed verloor. Die huis, wat hy by die bank gekoop het, het drie jaar lank leeggestaan. “Dit was vieslik, ’n nagmerrie,” sê Bernie. “Ook die tuin was ’n bosgasie; jy kon nie jou voet daarin sit nie.” Nou hoekom dan so ’n stukkende plek hoegenaamd koop? “As jy vir my al die geld in die wêreld gee, maak ek al die ou huise in die wêreld reg. Ek raak kwaad as ek sien hoe plekke agteruitgaan,” sê hy. “Maar hierdie huis...…

#1 Net soos kuns Treffend teen ’n muur Liezie Mulder-Färbinger het dié treffende tafeldoek ’n paar jaar gelede op die plaas Babylonstoren in Franschhoek gekoop, maar pleks van op ’n tafel, gebruik sy dit as kunswerk teen ’n muur in haar huis op Thesen-eiland, Knysna. Sy het die lap met spykertjies aan die plafonlys vasgemaak, maar het gou besef dis nie ideaal nie – dit veroorsaak klein skeurtjies in die materiaal. “Draai liewer die bokant versigtig om ’n plankie en kap dan die plankie teen die plafonlys of teen die muur net daaronder vas om skade aan die mooi materiaal te verhoed,” is haar raad.“Ek is mal oor die kleure – en die ekstra lap wat in ’n poel op die vloer bondel, gee dit ’n absoluut luukse gevoel,” sê…

Vinnige vloerplan Linda Joubert van Montagu skryf Ek is mal oor die naatlose wit vloere in Anwar Davids en Simoné Visagie-Davids se huis in die April 2020-uitgawe. Hoe het hulle dit reggekry? Simoné Visagie-Davids antwoord Ons het ’n wit epoksi van a.b.e. Construction Chemicals op ons rou sementvloere gebruik. Dis baie maklik om aan te wend: Dit het nie ’n onderlaag nodig nie; jy spuit net die sementvloer liggies nat sodat enige stof gaan lê. Laat die vloer droog word voor jy die epoksi aanwend. Gebruik ’n wolroller met ’n kort pool vir die aanwending en gee die epoksi 24 uur kans om droog te word. Die produk kom in verskeie kleure, waaronder liggrys en houtskool indien jy ’n donkerder vloer verkies. Stuur jou vrae na kenners@tuis.co.za. Blink kant bo!…

Knus teen die winterkoue! Warm kopie Die Pawbreakers Catnip Ball (vanaf R49, canineandco.co.za) is ’n kou-en-speelding gemaak van natuurlike kattekruid wat in ’n soliede eetbare bal gerol is. Dit sal Kiets ure lank besig hou. WEN! Die eienaars van die diere wie se foto’s hier verskyn, wen ’n ekstragroot PAW x 4 vir honde of ’n klein Cosy Cup vir katte van Wagworld (wagworld.co.za, ook by voorste veearts- en troeteldierwinkels te kry). Die PAW x 4 is die robuuste “viertrek”- model in Wagworld se matras-reeks. Dis geskik vir buitegebruik en modderbesmeerde pelse, en danksy uitstekende ondersteuning en duursaamheid is dit ideaal vir groter honderasse. Die Cosy Cup met sy snoesige koraalvlies en ekstrasagte opstopsel bied weelderige lêplek vir Kiets. Stuur jou foto’s (minstens 2MB elk) en volledige kontakbesonderhede na troeteldiere@tuis.co.za…

Die fraaiste vetplante! Lewisia cotyledon ‘Elise Mix’ Dié plant lyk allermins soos ’n vetplant, maar dis presies wat dit is – en sy blomme is ’n lus vir die oog! Lewisia ‘Elise Mix’, oorspronklik van die westelike dele van Noord-Amerika, is ’n blommende meerjarige hibried wat laag en kompak groei (15–30cm hoog en wyd). Dit dra van laatlente tot vroegwinter (of die eerste ryp) helderkleurige blomme in skakerings van pienk tot diep magenta, geel, perske en oranje bo ’n roset van vleesagtige, lepelvormige groen blare. Kweek dit só In koeler klimate vaar Lewisia die beste in volson, maar in warmer dele verkies dit gedeeltelike skadu. Die plant vra matig vrugbare, sanderige grond met goeie dreinering rondom die kroonarea. Wanneer dit gevestig is, is dit droogtebestand. Dit blom op…

Somerreënstreek Dis die beste maand om rose te skuif wat op die verkeerde plek geplant is. Berei eers die nuwe plantplek voor. Maak die struik nat en snoei dit met ’n derde terug die dag voor jy oorplant. Merk die plant, want dit kan moeilik wees om te eien as al die blomme af is. Verminder natmaak na net een keer ’n week. Spuit ongesnoeide struike nog ’n keer met Chronos of Rose Protector teen swartvlek en voeg Ludwig’s Insect Spray by teen plae. Winterreënstreek Beskerm rose teen swartvlek, roes en donsskimmel deur in reënweer met Chronos of Rose Protector te spuit; gebruik die twee middels om die beurt vir die beste resultate. Rose wat hul blare afgegooi het, hoef nie gespuit te word nie; los die struike om dormant…

Bernard Mentoor kweek die mooiste skou-krisante op sy erf in Johannesdal, net anderkant die Helshoogtepas naby Stellenbosch. Dié stokperdjie maak nie net vir hom gelukkig nie, maar ook sy vrou, Anne. “Want nou is hy heeldag tuis en die blomme hou hom boonop ná sy aftrede besig!” vertel sy. Bernard het op 22-jarige ouderdom met dié pragtige blomme kennis gemaak. En dis juis Anne wat die saadjie geplant het. “Ons het nog net uitgegaan toe sy my bekendstel aan vriende wat krisante kweek. Dit was als nuut vir my; ek het toe nog nooit van hierdie blomme gehoor nie,” onthou hy. Dié vriende het Bernard aangemoedig om self sy hand aan die plant te waag en vir hom ’n paar present gegee. “My eerste blomme se koppe was klein en…

Genoeg vir 6–8 as bykos • Bereidingstyd: 30 minute, plus afkoeltyd Gaarmaaktyd: 30 minute • Oondtemperatuur: 200°C • 1 liter melk • ’n groot knyp neutmuskaat • 1 opgehoopte koppie (180g) semolina • 250ml gerasperde parmesaan • 125ml botter by kamertemperatuur • 3 eiergele • vars kruie soos origanum en salie 1 Verhit die melk in ’n groot kastrol oor matige hitte tot dit begin stoom; klits af en toe om te keer dat dit aanbrand. Geur die melk met sout, varsgemaalde swartpeper en neutmuskaat; verlaag die hitte en klits die semolina geleidelik by. Laat kook dit vir sowat 10 minute terwyl jy aanhoudend roer (gebruik ’n houtlepel) om te keer dat dit aan die kastrol se boom vasbrand. 2 Verwyder die kastrol van die hitte wanneer die mengsel verdik en van die kante begin wegtrek. Voeg die helfte…

Toe die virus posvat en die mensdom se miernes oornag tot stilstand ruk, met die dood wat om tienduisende huise se hoeke sluip, het baie van ons aanvanklik nie mooi geweet wat ons getref het en wat om daarvan te maak nie. Eers was daar die vloedgolf grappies en lawwighede, die frenetiese inkopies, huisskoonmakery, kuiers op WhatsApp en Zoom, ’n soort euforiese histerie. Tussendeur die skrikbeelde van sterwendes en eindelose rye lykswaens. Surrealisties. Namate die lang skaduwee van die siekte gerek en die stilte ingesink het, het sommiges se gedagtes begin inwaarts keer. Hier op Stellenbosch was daar elke dag om 12-uur ’n klokkespel van die Moederkerk, wat jou ritmies tot stilstand beier. Jy’t tegelyk weemoed en koue rillings gehad. “Vandag ek,” maan die klokke, “en môre jy.” Op die…