Indholdsfortegnelse for August 2020 i Tuis

Goeie raad is goud werd, en noudat twee lesers – Heidi Lund van Swellendam en Wouter le Roux van Kaapstad – dit gesê het, laat my toe om dit sommer ’n derde keer te beklemtoon: Dis altyd goed om eers ’n ruk lank in ’n plek te woon voor jy begin regruk, want ’n huis onthul sy geheime aan jou soos die seisoene kom en gaan. Soos Wouter dit stel: “’n Mens moet eers aan ’n ruimte gewoond raak voor jy veranderings aanbring; só kan jy die opknap tot in die fynste detail beplan – soos waar jy die stofsuier gaan bêre sodra die stof gaan lê het…” En dis nie net die stofsuier nie. Dis ook die droograk vir wasgoed binne ophang as dit reën, plek vir jou boeke…

Gestaal By Jackie en Danielle Uitenweerde se huis in Somerset-Wes vang dié moderne wynrak dadelik die oog. Jackie is die eienaar van Design11, ’n maatskappy wat dekoratiewe staalskerms en strukture vir binne en buite die huis lasersny, en hy het self met die ontwerp vorendag gekom. Die rak, geïnspireer deur die seshoekige selle van ’n heuningkoek, is uit staal gesny en daarna met ’n poeier-deklaag in ’n sagte goue kleur afgewerk. Vriende het so baie daarvan gehou dat dit nou deel van Design11 se versameling geword het – dit staan bekend as The Hive en is in ’n verskeidenheid kleure te kry. Koel kalant Hans en Charlene Nieuwoudt het heelwat veranderings gemaak nadat hulle sowat vyf jaar gelede by dié huis in Die Boord, Stellenbosch, ingetrek het. Hierdie ruimte, wat…

WIE WOON HIER? Heidi en Peter Lund en hul honde, SweetiPi en Buddi, Peanut die kat en ’n trop hoenders WAAR Swellendam GROOTTE 150m² Met hope planne om so te sê alles in hul “nuwe” huis op Swellendam te verander, het Heidi en Peter Lund in April 2018 ingetrek. Die huis was immers amper 100 jaar oud. Maar toe moes hulle verneem so te sê al die binnemure is lasdraend. En die loodgieterswerk moet vervang word. En die elektriese bedrading is gaar... En kort voor lank het die kwotasie vir die opknap die koopprys van die huis verbygesteek. Al genade was om van ’n groot opknap te vergeet en liewer ’n “verjongingskuur vir die ou dame” te gee – met verf en kleur. “Nadat ons omtrent vyf maande in die…

Shaheeda en Rediwaan Loofer wou die klein drieslaapkamerhuis in Plumstead, Kaapstad, waar hulle nege jaar gelede ingetrek het, in ’n ruim gesinswoning omskep. Hoewel hulle dadelik begin opknap het, is dié proses eers agt jaar later, in 2019, voltooi. En toe was die motorhuis vol bokse, oorskietboumateriaal, halfvol verfblikke... ’n Absolute deurmekaarspul. “Ons het eenvoudig daai deur toegetrek!” bieg Shaheeda. Maar nadat ons ontrommel-kenners, Carin Smith en Jani Augustyn-Goussard, hul towerstaffies geswaai het, is dié garage vandag ’n funksionele ruimte waar die wasmasjien, tuimeldroër en tuingereedskap hul regmatige plek kan inneem. Met genoeg plek vir ’n motor ook. Die eerste taak was om al die rommel te verwyder en drie werksones – ’n wasdeel, tuinmaakstasie en pakplek vir gereedskap – te identifiseer. ’n Laag wit verf het die vertrek ’n…

Trap versigtig Mary Marshall van Kaapstad skryf Twee jaar gelede, toe ek my kothuis opgeknap het, was ’n trap deel van die projek. Ek het baie gehou van die oop handreling van platstaal wat ek by ’n huis op Yzerfontein gesien het, en het ’n replika daarvan professioneel laat maak en installeer. Maar toe ek die veranderinge by die munisipaliteit wou laat goedkeur, het hulle gesê die trapreling voldoen nie aan die vereistes nie, aangesien die openinge tussen die stawe te groot is. Ek het al soveel trappe sonder relings in huise gesien. Sal ek goedkeuring kry indien ek myne heeltemal verwyder? Nadine Naidoo van Meik Architects antwoord Daar is twee maniere waarop jy goedkeuring vir jou trapreling kan verkry: Die eerste opsie is om die reling só aan te pas dat…

Warm kopie Bederf jou hondemaat met Field+Forest se reeks geurryke nat maaltye (R45 per bakkie). Met luukse geure soos lam, eend en salm sal jou hondekind elke aand soos ’n koning eet! Die maaltye word gemaak met regte proteïene, ’n mengsel van speserye, en uitgesoekte vrugte en groente – alles aangevul met die nodige vitamiene en voedingstowwe. Besoek fieldandforest.co.za. WEN! Die eienaars van die diere wie se foto’s hier verskyn, wen ’n Dream Pod vir honde of ’n nuwe Tiny Tulip-bed vir katte van Wagworld (wagworld.co.za, ook by voorste veearts- en troeteldierwinkels te kry). Die Dream Pod sal perfek inpas by jou dekor en ’n gemaklike, knus lêplek vir jou vierpootkind bied. Die nesvormige klein Tiny Tulip-bed het mooi stoffeerlap aan die buitekant, weelderige koraalvlies binne en ’n dubbellaag opstopsel…

’n Stekelrige saak Johan Squires van Bloemfontein skryf Ek het al voorheen merke wat lyk soos steekplekke op my lemoene gehad, maar nou sien ek dit ook op my suurlemoene. Sodra die “steekplek” sigbaar is, vrot die vrug baie vinnig daarna. JJ antwoord Oor die algemeen word sitrus nie deur steekvlieë gesteek nie, maar as dit wel die geval is, beveel ek Efekto Eco Fruitfly Bait aan. Spuit dit op die takke en stam van die sitrusbome; die aas sal die insekte van die vrugte af weglok. Herhaal dikwels gedurende die reënseisoen. >>…

Ek neem heeltyd plantjies af vir my Instagram. Mense is mal daaroor. Dan stuur hulle weer foto’s van húlle plante. – Rocco WIE WOON HIER? Rocco de Villiers en Clive van den Berg en hul honde Kleintjie (Ierse korthaar-terriër), Lochner en Bossie (Skotse terriërs) WAAR Parktown Ridge, Johannesburg GROOTTE VAN ERF 2 000 m² GRONDSOORT Klip Die pianis en vermaaklikheidskunstenaar Rocco de Villiers en die beeldhouer Clive van den Berg se erfenishuis in Parktown, Johannesburg, spog met ’n fabelagtige tuin met trappies, muurtjies en sjarmante geheime hoekies. Maar om so ’n tuin aan die gang te hou as jou huis op ’n rots gebou is, verg kennis, liefde en voortdurende beplanning. Die gerespekteerde Britse argitek Robert Howden het die woning, Huis Howden, ontwerp en in 1913 voltooi. Rocco-hulle het die…

WENBRIEF Kuns uit ’n hondehok Jan Botes van Klerksdorp skryf Met die afsterwe van ons geliefde hondjie Wilson het sy leë houthokkie ons baie na hom laat verlang. Toe besluit ek om iets nuuts daarvan te maak. Ek het die hokkie uitmekaargehaal, die plankies korter gesaag en toe figuurtjies daarop geteken en geverf. Elke klein kunswerk is geseël en het ’n tou gekry vir ophang. Die plan is om dit as verjaardaggeskenke vir vriende en familie te gee sodat Wilson se houthuisie ook vir ander vreugde kan bring. Lekker rus, my honne! Woonwa word kuierkol Linda Rautenbach van Port Elizabeth skryf Hoewel ons huis in 1937 gebou is, het dit nie ’n stoep nie, en ek en my man droom al lank van ’n plekkie waar ons kan sit met…

Knus tussen die wingerde net onder die Franschhoekpas, met die lieflikste uitsigte op die imposante Drakensteinberge en die dorp daaronder. Dís waar Roy en Elise Parkhurst hul huis laat bou het. En wat ’n droommooi ruimte is dit nie ... Hul aanvanklike plan was ’n tradisionele H-vormige ontwerp, maar op die ou end het hulle besluit op ’n huis met eenvoudige, gemaklike vloei en ’n uitsig uit elke venster op die asemrowende omgewing. Toe Roy en Elise dié erf in 2007 op die Fransche Hoek-landgoed gekoop het, was hulle van die eerste eienaars op dié werkende plaas van 100 ha met sy olyfbome, wingerde en ’n oorvloed ongerepte fynbos en natuurroetes. Omdat hul huis in die “plaaswerf”-deel van die landgoed geleë is, moes die ontwerp in harmonie met die volksargitektuur…

• As jy nie seker is watter kleur om te gebruik nie, kyk na ’n gunsteling-mat, -muurbehangsel of -prent en kies een van die subtieler kleure in daardie voorwerp om elders as ’n hoofkleur te gebruik. So loop daar byvoorbeeld ’n turkoois draad deur die rooi olifantmuurbehangsel in my eetkamer, en dít het die turkoois mure geïnspireer. • Moenie bang wees om met kleure wat jou na aan die hart lê, te werk nie – gebruik dit in elke vertrek sodat dit deur jou ruimte eggo. • Vertrou jouself! Jy hoef nie by die geykte manier van dinge doen, te hou nie – volg jou instink.…

PROJEKGIDS Harde werk 2/10 Vaardigheidsvlak 2/10 Tyd nodig Naweekprojek Doen dit self vir ± R343 (bedrukte lap uitgesluit*): Watteersel R68, lakenstof R132, skuinsband R23, borduurgare R120 *bedrukte lap vanaf R350/m² Wat jy nodig het INKOPIELYS • 2 x 2m bedrukte lap • 2 x 2m watteersel • 2 x 2m lakenstof • 10 stringe borduurgare in dieselfde kleur • 10m skuinsband GEREEDSKAP • skêr • spelde • plank (144 x 22 x 2 400 mm) as spasieerder en reihout (of gebruik ’n liniaal) • wateroplosbare merkpen • borduurnaald • omkapmasjien • strykyster • naaimasjien Só maak jy... 1 Sit die bedrukte lap op die watteersel neer en knip die watteersel net so groot soos die lap. 2 Knip ook die lakenstof in dieselfde grootte. 3 Plaas die watteersel tussen die…

Sivan Goren van Westdene, Johannesburg skryf My lewensmaaat het hierdie skildery, Hospital Patient, deur Marianne Podlashuc, geërf. Kan julle my meer oor die skilder vertel, en hoeveel die kunswerk werd is? Ruarc Peffers, besturende direkteur van Aspire Art Auctions, antwoord Die Nederlands gebore Marianne Podlashuc was ’n na-oorlogse skilder wat in 1932 gebore is. As kind het sy die gruwels van die die apartheidsregering in die sewentiger- en tagtigerjare verskerp het. Haar werk spreek van ’n sosiale gewete wat nogal gewaagd was in die tyd toe dit geskep is, en haar bewustheid van wat destyds rondom haar gebeur het, gee die onderwerp van haar kuns ’n soort uitdrukkingsvolle maatskaplike realisme. Die meeste kunstenaars wat gedurende die 1960’s in Suid-Afrika geskilder het, het hulle op abstraksie toegespits, en Podlashuc se figuratiewe werk…

Pete van Zyl van Port Elizabeth skryf Ons beplan ’n maand lange vakansie na afgeleë plekke met ons twee honde. Enige raad oor wat om in te pak vir noodgevalle? Dr. Omar Mehtar van TAH Sitari, Somerset-Wes, antwoord As jy jou troeteldiere saamneem met vakansie, is dit altyd ’n goeie idee om vooraf uit te vind waar die naaste veeartse en klinieke is. In sekere gevalle kan jy wel self jou troeteldier behandel of ten minste die situasie bestuur totdat jy by ’n veearts kan uitkom. Hier is van die meer algemene probleme: Bysteke Honde is van nature nuuskierig en word dikwels op die snoet of lip gesteek. Dis gewoonlik ’n bietjie seer, begin dan jeuk en die hond se gesig sal opswel. Sekere honde kry ook ’n uitslag (knoppies…

Het ek aangejaag? Santie van Blerk van Bela-Bela skryf Ek het my ‘Arianna’-rose in die middel van Julie gesnoei. Nou sien ek dat die sterkste nuwe lote op sommige van die stamme laer af uitgroei as waar ek gesnoei het. Het ek verkeerd gesnoei? Ludwig antwoord Ek sê altyd ’n roos besluit self waar om uit te loop, maak nie saak hoe jy snoei nie. Jy het nog vandeesmaand kans om dit reg te stel. Sny terug tot by die sterkste loot, of laat die roos homself uitsorteer. Dit gaan oor watter gehalte blomme jy wil hê – vir langer stele en groter blomme moet jy een of twee van die mededingende lote op hooftakke, asook alle takkiesrige nuwe groei, verwyder. KONTAK ludwigsroses.co.za…

John de Jager, die eienaar van Stone Age op Klapmuts, deel sy wenke as jy natuurlike klip om jou huis wil gebruik: • Klipkeuse hang af van persoonlike smaak, sê hy. “Ons meng dikwels verskillende soorte klip om verskillende teksture en kleure te verkry. Verskillende kleure sement kan vir die voeë tussen die klip gebruik word en soms sal ons die klip selfs verf.” • Sandsteen is ’n baie goeie keuse vir loopvlakke aangesien dit nie glad is wanneer dit nat word nie. Dit bak ook nie so erg warm in die son nie. • Donker klip op vloere buite kan baie warm raak in die somerson. Kies daarom oordeelkundig en hou in gedagte hoeveel direkte son die bepaalde deel sal kry. • Wees versigtig om leiklip naby of in…

Blomtuinbroodjie Bolaagbestanddele wat lyk soos ’n blomtuin op brood is nou oral op sosiale media te sien en dis groot pret om te bak. Gebruik dié resep as inspirasie vir jou eie kunswerk. Onthou net om die geure samehangend te hou sodat dit net so lekker smaak as wat dit lyk. Genoeg vir 1 plat brood • Bereidingstyd: 15 minute, plus rystyd Baktyd: 30 minute • Oondtemperatuur: 200°C • 1kg gekoopte brooddeeg • sowat 45ml olyfolie • 1 klein rooi ui, in 5mm-ringe gesny • sowat 15 swart olywe, ontpit • 1 rooi brandrissie, in dun skyfies gesny • 1 groen brandrissie, in dun skyfies gesny • 12 kersietamaties, in wiggies gesny • 2 grasuie, in lang, dun skyfies gesny • ’n paar takkies platblaarpietersielie • growwe seesout en varsgemaalde swartpeper • olyfolie en balsemiekasyn vir voorsit 1 Rangskik eers al die bolaagbestanddele…

VIR JOU TAFEL Ons het dié lieflike servette van vlaslinne (44 x 44cm; vanaf R220 elk) deur die plaaslike kunstenaar Emzi Ficoroni by E Gallery in Stellenbosch gesien. Meng en pas haar vroulike ontwerpe of kombineer dié skoonhede met effekleurige servette as interessante tafelversiering. Sien meer by @emzigallery op Instagram of skakel 082 909 1446. Lekker vir later As jou wynversameling ’n hupstoot kort, probeer dié heerlike rooiwyne... Klassieke Tokara Cabernet Sauvignon 2017 (R125, tokara.com) spog met subtiele geure van bosbessie, rooi- en swartaalbessie, met ’n sweempie tabak op die neus. Verwag ’n mond vol soet bessies verweef met speserye en liggeroosterde note wat die wyn tydens veroudering uit die vate opgeneem het. Die Middelvlei Rooster Merlot 2019 (R90, middelvlei.co.za) is ’n elegante, sappige wyn met sagte tanniene. Geniet gekonsentreerde…

SKEP EN INNOVEER! WIE Kendall Giles WAAR Kaapstad BESIGHEID Keniken HAAR WERK Kendall Giles is die kreatiewe brein agter dié kontemporêre versameling tafellinne wat met die hand op suiwer katoen geskermdruk word. Die ontwerpe is geïnspireer deur die pragtige fauna en flora van die Kaap, met motiewe van onder meer proteas, speldekussings, bye en suikerbekkies, alles gedruk op agtergronde in verskillende kleure, insluitend swart, mosgroen, grys, goud op swart en swart op taan. Die reeks sluit servette in stelle van vier, tafellopers, tafeldoeke, vadoeke en voorskote in. Kendall het haar versameling onlangs uitgebrei en ’n reeks versierde keramiekbykomstighede bekendgestel met haar unieke ontwerpe, sowel as beursies, wynsakke en sagte houers wat ideaal is vir potplante en kruie. Besoek keniken.co.za vir meer. PRAKTIESE PAKPLEK Die nuwe Simply Stored-reeks van @home sal…

WIE WOON HIER? James Diack, sy lewensmaat, Diane Lecluse, en die honde Luke, Dali en Lolita WAAR Melville Ridge, Johannesburg GROOTTE 215 m² Nadat hy die eerste keer na ’n ou skakelhuis in Melville Ridge, Johannesburg, gaan kyk het, het James Diack geweet hy sou dit in iets spesiaals kon omtower – ondanks die afgeleefde voorkoms. Die eiendom het sulke lieflike uitsigte op die Melvillekoppies dat ’n mens skaars kan glo die helder liggies van ’n bedrywige stad is maar ’n hanetree daarvandaan. “Ek het baie gehou van die idee dat ek straat af na die plaaslike bakkery en ons gunsteling-restaurant of -kroeg kan stap. Melville het so ’n internasionale gevoel,” sê hy. Hy wou nie ’n massiewe huis hê wat baie onderhoud sou vra nie, en die grootte van…

1 Landelike sjarme  ’n Splinternuwe kaggel was hoog op Winston Williams en sy gesin se wenslys toe hulle in 2018 hul huis in Kuilsrivier, Kaapstad, opknap. Hulle het die projek verlede jaar vir Tuis se Regruk met Flair- kompetisie ingeskryf en dit het só indruk gemaak, ons moes dit met ons lesers deel! Die kaggel geniet die ereplek in hul oopplan-leefvertrek. “Dit is heerlik om die vuur te sien en te hoor knetter, selfs al is ons in die kombuis aan die ander kant van die vertrek doenig,” sê Winston. Die skoorsteenbors strek verby plafonhoogte tot bo deur die ontblote dakbalke en skep ’n illusie van ruimte, terwyl die ontblote bakstene ’n landelike sjarme aan die struktuur verleen. 2 Koel kontras Dié sjiek kaggel is ’n apploustrekker in Daphne en…

PROJEKGIDS  Harde werk 3/10   Vaardigheidsvlak 6/10  Tyd nodig 4 tot 5 uur   Maak die rak vir ± R1110: Hout R980, skroewe R20, gom R30, skuurpapier R10, houtvuller R30, staal R40 PROJEKNOTAS • Meet twee keer, dan koop jy net een keer.   • Skuur jou planke vooraf.  • Onthou om gidsgaatjies te boor.  # 1 Trendy met staal Wat jy nodig het INKOPIELYS • 22 x 69mm- geskaafde dennehout, gesaag in: twee 1 540 mm-voorkante vier 320 mm-sye • 18mm-laaghout gesaag in: vier 1 500 x 300 mm-rakplanke • dennehoutvuller • Alcolin Fast Set Glue  • 25mm-vierkantstaalpyp, gesaag in: vier 300mm-lengtes en twee 400mm-lengtes (stutte) • 25 x 3 mm-platyster, sowat 300 mm lank (skroefplate) • ’n pakkie 6 mm x 50 mm-spaanderbordskroewe  • 150-grint-skuurpapier  • vier 6 mm x 70 mm-spoorskroewe  • vier 8 mm-nylonmuurproppe  GEREEDSKAP • koordlose boor, 3 mm- en 8 mmbetonboorpunt   • potlood  • maatband  • sweismasjien en…

Alles in proporsie Die huiseienaar en binneontwerper Wouter le Roux deel sy topwenke vir ’n klein ruimte: Kies liggewig-meubels “Deursigtige” stoele, ’n rusbank op pote en veeldoelige of modulêre meubels soos nestafeltjies of ’n sytafeltjie wat oor die rusbank se armleuning skuif, is goeie opsies. Bring hoogte in met ’n hoë staanlamp, plante, en deure wat tot teen die plafon strek. Meer lig is beter Kies afwerkings wat die natuurlike lig weerkaats, soos vloere in ’n ligte kleur of glasdeure as verdelers. Met verdofskakelaars – selfs in die badkamer en onder toonbanke – kan jy altyd die gewenste luim skep, of jy nou gaste vir skemerkelkies oornooi of jou in ’n kunsvlytprojek verdiep. Moet net nooit atmosfeer- en taakbeligting meng nie! Maak pakplek Slim oplossings is noodsaaklik, veral vir die…

Nuut by die kwekery Winterkleur Helder die wintertuin op met Cineraria ‘Sinetti’, ’n nuwe, hoër groeiende hibried met groot, madeliefie-agtige blomme in helderblou of magenta met wit in die middel. Plante groei tot 60 cm hoog en 45 cm wyd, en blom tot in die somer. Dis ’n apploustrekker in die tuin en in houers. Plant in vol-winterson of gedeeltelike son. Maak gereeld nat sodat die grond nie uitdroog nie en moedig blomme aan deur twee keer ’n maand met ’n vloeibare misstof te voed. Snoei met die helfte terug ná die eerste vlaag om ’n tweede een aan te moedig. Plante hou op blom wanneer nagtemperature 26 °C bereik. KONTAK ballstraathof.co.za VERSKAFFERS Builders 0860 284 533, builders.co.za Makro 0860 600 999, makro.co.za MRP Home 080 021 2535, mrphome.com…

As jy, soos Rocco, van ’n informele tuin met elemente van ’n Engelse kothuistuin hou – maar inheems wil tuinmaak – het Pietman Diener, tuinkenner van Stellenbosch, raad: “Wanneer ’n mens aan ’n Engelse kothuistuin dink, is rose sekerlik die eerste plant wat by jou opkom,” sê hy. “Tog is dit heeltemal moontlik om met inheemse plante ’n Suid-Afrikaanse kinkel aan dié styl te gee. Gebruik elemente soos informele vormsnoeistruike, paadjies van natuurlike materiaal soos klip of houtskywe, gemengde beddings met ’n informele groepering van plante, en potplante in ’n verskeidenheid potte daarmee saam. Deur inheemse plante te kies het jy ’n tuin in dié styl wat nommerpas is vir die meer geharde Suid-Afrikaanse klimaat.” Dit was juis die Britse tuinontwerper Gertrude Jekyll wie se manier van tuinmaak tot die…

Pasta met spek, knoffel en parmesaan Onder R70 • Genoeg vir 4 Bereidingstyd: 5 minute • Gaarmaaktyd: 8 minute • 300g spaghetti • 250g spekstukkies • 100g botter • 30ml olyfolie • 3 knoffelhuisies, fyngekap • varsgemaalde swartpeper • 125ml gerasperde parmesaan of pecorino • ’n knippie droë brandrissie (opsioneel) 1 Bring ’n pot soutwater tot kookpunt en kook die spaghetti tot al dente (gewoonlik sowat 8 minute). 2 Braai intussen die spek in die botter en olyfolie in ’n groot pan tot lekker bros. Roer dan die knoffel by en draai die hitte af. Die knoffel moet gaar braai sonder om te brand of te verkleur, want dan word dit bitter. 3 Skep die gaar pasta nat-nat by die panmengsel en roer deur sodat die botter die spaghetti-linte bedek. Geur na smaak met swartpeper (die spek en botter is…

Vriend Jan bel en vra of ek sy ouma se traporrel wil hê. Voor ek nog nee kan sê, verduidelik hy dat hy aan’t huis leegmaak is. Hy raak ontslae van ’n leeftyd se opgaar, want hy trek nou sy laaste trek. Eintlik die voorlaaste, korrigeer hy homself, want die laaste is mos ABF (absoluut bleddie finaal). En daardie een is streng gesproke nie ’n trek nie. Dis meer ’n vertrek – die ewigheid in. Maar intussen trek hy na ’n gerieflike, sonnige klein huisie in ’n aftreeoord. Die klem is op klein. Hy kan ’n kerngedeelte van sy boekery saamvat, maar die klavier, die orrel, die geelhoutjonkmanskaste en sy uitgebreide stel gereedskap (hy bou motorkarre as stokperdjie) moet alles waai. En dan die res, voeg hy huiwerig by, sy…