Indholdsfortegnelse for May/Jun 2022 i Tuis

Trends is darem maar ’n fassinerende verskynsel. Hoe ’n sekere styl begin posvat en voor jy jou oë kan uitvee, sien jy dit oral. Dit gebeur in die modewêreld, met grimering, natuurlik in dekor – selfs vakansiebestemmings, plaaslik en oorsee... Ek verwonder my altyd aan hoe trends ontstaan. Dink nou maar aan die mooi skoolstyl-staalraamvensters wat ’n mens in soveel opknapprojekte sien. Die ontwerp is glad nie nuut nie, maar iewers het iemand nie lank terug nie met ’n tikkie nostalgie besluit dié ouskoolse (woordspeling aspris!) ontwerp is presies wat hulle wil hê, en kort voor lank was dit oral. As dit by kleure kom, kan ek dae lank aangaan. Ek weet nie of ek al kan sê grys as ’n trend is heeltemal verby nie, maar ek dink ons…

SKEP & VERNUWE! WIE Nomvula ‘Julie Baby’ Mxubane WAAR Pretoria BESIGHEID Julie Baby Punch Club HAAR WERK Nomvula Mxubane het eers as huishulp en kinderoppasser by die illustreerder Andel Olivier gewerk. Toe Andel tydens die inperking vir Nomvula van haar handwerkvoorraad gee, het sy gou besef hoe talentvol sy is, veral met ’n ponsnaald. Kort voor lank het Andel ’n groep huiswerkers wat onder meer kan weef, brei en hekel bymekaargebring en vir hulle ’n Instagram-blad geskep: @juliebaby_punch_club. Aanvanklik was Andel verantwoordelik vir die meeste ontwerpe, maar die lede steun al hoe meer op hul eie kreatiwiteit vir hul skeppings. Bestel joune via Instagram of stuur e-pos na juliebabypunch@gmail.com en help die (nou al ses) vlytige vroue om hul inkomste aan te vul. Reg uit die fabriek Goed ontwerpte meubels…

• Sorg vir minstens een show-stopper in jou huis – soos die venster hier in die kombuis (bladsy 27). • Moenie ál jou kaggel-twakkies tegelyk uitpak nie, al is dit vir jou hoe mooi. • Minder meubels, maar meer gehalte, is die wagwoord. Dit skep fokuspunte. • Elke meubelstuk het sy presiese staanplek – ontdek dit net. • Sien potensiaal raak: Wat kán wees, nie noodwendig wat ís nie. • Binneversiering skep óf ’n tuiste óf net nog ’n huis: ’n Tuiste is waar herinneringe gevorm word. • In die geval van gastehuise: Voorsien daardie “iets anders”; en wit linne van uitmuntende gehalte is ononderhandelbaar!…

1 SELF GEDOEN Hierdie kategorie is vir die kranige selfdoener wat 50% van die werk self kafgedraf het. As jy dus nie skrik vir mure uitkap en nuwe teëls lê nie, laat waai! Jy moet ’n koste-ontleding voorlê en wys wat jy met jou eie twee hande gedoen het. 2 BUITE DIE BOKS As jy jouself beskou as iemand wat vernuwend kan dink, is hierdie kategorie vir jou. Dit kan enigiets van ’n eko-huis of blyplek op wiele tot ’n buitekombuis behels. En maak nie saak of jy self gebou of net die projek bestuur het nie, skryf hier in. 3 O, SO MOOI Het jy tien duime en is vrekbang vir hamers en bore, maar jy het ’n lieflike opknap bestuur en daarvoor betaal? Oorweeg dan…

# 1 Breek ’n slag weg WIE Marilouise en Jacques van der Merwe WAAR Swellendam The Greenhouse, ’n luukse toevlug op die plaas Fazenda buite Swellendam, staan reg midde-in ’n afgeleë woud. Daarom wou sy hê dit moet vir haar gaste voel asof hulle buite slaap, vertel Marilouise, die eienaar. “Tussen die glasmure kan mense ’n interaktiewe ervaring met die omgewing geniet.” Hoewel die kleurskema neutraal is, verskaf groen die vernaamste aksente tussen spatsels blou. Teen die muur agter die bed is herwinde plafonpanele opgesit en wit geverf; wit metroteëls in die badkamer sluit daarby aan (ook oorkant) en onderstreep die skoon styl in die ruimte. “Hier in The Greenhouse heers daar vir my ’n diepe bekoring, byna soos in ’n teater, wat jou dadelik laat vergeet van al die…

DIE HOUT 1 & 2 Die reuse-bloekom uit die Langkloof wat die Lemmers vir hul projek laat opsaag het, was nie net lig op hul sak nie, dit het ook ’n voordeel vir die natuur – ’n enkele bloekomboom verbruik tot 1000 liter water per dag. Die hout is gelaai en met moeite aangery Gqeberha toe, maar die voertuie kon nie verder as die hek kom nie en Wehrner en sy helpers moes die hout stuk-stuk aandra. Dis juis dié deursettingsvermoë wat hulle die eerste plek in hul kategorie besorg het tydens Regruk met Flair 2021. DIE BETON 3 &4 Danksy die betonblaaie was dit onnodig om fondamente te lê. Dié blaaie is rondom met sand opgevul, waarna nog 80mm beton bo-op gegiet is. Dís die vloer wat op die…

TOPWENK Maak seker jou huisplante sal die koue oorleef deur die drie-v’s-reël toe te pas: vul aan, verpot en vervang. Ons wintergunstelinge in die huis sluit Begonia, Cineraria, Peperomia, vredeslelie, Cyclamen, usambara- en alpeviooltjie in – almal is nou by tuinsentrums te koop. Plant ’n Pantone-palet! Die Pantone-kleur van die jaar is Very Peri – ’n blou skakering met ’n pers-rooi ondertoon wat selfvertroue, vindingrykheid en kreatiwiteit verteenwoordig. Kan jy aan ’n beter manier dink om jou wintertuin op te vrolik? Oorweeg dié jaarplante met hul Very Peri-skakerings: • Gesiggie en viooltjie Hierdie vrolike plantjies geniet gedeeltelike son; maak gereeld direk op die grond nat. • Sleutelblom Kies vir dié gunsteling ’n plekkie met klam grond – nie deurnat nie – in half- of spikkelskadu. • Pronkridderspoor en floksie Plant in volson en…

Spinasie-cannelloni Die geurkombinasie van spinasie, prei, knoffel, dille, romerige ricotta en net genoeg sout feta is ’n persoonlike gunsteling! Genoeg vir 4 Voorbereiding: 30 minute Gaarmaaktyd: 45 minute Oondtemperatuur: 180°C • 400g spinasie, goed gewas • 30ml botter • 15ml olyfolie • 2 preie se wit stingels, gekap • 2 knoffelhuisies, gekap • 80ml grofgekapte Italiaanse pietersielie • 30ml gekapte dille • 150g ricottakaas • 150g fetakaas (verkieslik romerige Griekse feta) • 3ml varsgerasperde neutmuskaat • 1 bottel (690g) tamatiepassata • 30ml goeie olyfolie • 5ml gedroogde Italiaaanse kruie • 5ml suiker • 16 cannelloni-buise • 500ml gerasperde mozzarella • 125ml parmesaankaas 1 Sny die are uit die spinasie en kap die are fyn. Dit het amper dieselfde tekstuur as seldery en gee lyf aan die vulsel. Smelt die botter en olie saam en braai die are, preie en knoffel saam tot sag. Roer die groen spinasieblare…

WIE WOON HIER? Petrus en Nina Steyn en hul kinders Jackie (7) en Petra Calldi (2½) WAAR Kenridge, Durbanville GROOTTE Huis 144m² Hoekom sal ’n mens ’n huis koop wat so treurig is dat jou vriende dit ’n “dump” noem? Verliefdheid, sê die Steyns. Hulle was dadelik versot op die erf van 1 300 m², die manier waarop lig die huis binneval, die leiklipvloere, hoë skuins plafonne, ruim vertrekke en die feit dat daar ’n laerskool oorkant die straat is. “Dis ons droomhuis. Dit het nie noodwendig finansieel sin gemaak om die plek op te knap nie, maar dis ’n verliefdheid. En dis nou maar soos dit is,” sê Petrus. Hy en Nina moes verby die sestigplusser se ou volvloermatte kyk, verby die beknopte kombuisie en die bedrading wat plek-plek…

WIE WOON HIER? Daleen Stewart, Andrew Verster-Cohen en hul kinders Fred (13) en Felix (11) WAAR Bishopscourt, Kaapstad Sy het ’n fassinasie met alles wat antiek is: kastele, donker skilderye, spieëls en goud – selfs opgestopte diere! “Dis net vir my só mooi! En hoe ouer, hoe mooier,’’ sê Daleen Stewart. Dan skaterlag sy, kop agteroor. Inderdaad. Haar Bishopscourt-huis vertoon ’n eiesoortige bymekaarkoms van dierlike en glans-elemente. En wanneer jy die versameling ronde spieëls teen ’n muur oplet wat jou kop en gesig verdraai wanneer jy daarin kyk, plaas dit jou letterlik in die prentjie: Daleen is ’n opperste bok vir sports wat nie haarself óf haar dekor ernstig opneem nie. Haar styl is “all over the place” en ietwat “quirky”, verduidelik dié oud-grimeerkunstenaar. “Ek koop wat vir my mooi…

WIE WOON HIER? Craig Olckers en sy Boston-terriër, Jackson WAAR Wynberg, Kaapstad GROOTTE 125m² (huis en losstaande kothuis) Klein ruimte, daarom ’n subtiele palet? Nimmer as te nooit. Trouens, Craig Olckers sou sy oë hóórbaar rol. Dié bloemis wat deesdae ook interieur-ontwerper is, is nie juis bekend vir veilige of voorspelbare keuses nie, soos ons gesien het in sy vorige huis in ons Mei 2018-uitgawe. Craig het sy amper eeu oue huis in Desember 2019 gekoop. Die interieur was verby sy fleur, maar as hondeliefhebber het hy gevoel die ruim agterplaas vergoed hiervoor. “Ander pluspunte was die aantreklike fasade, lieflike hoë plafonne, skuifraamvensters, ’n soldervertrek en ’n kothuis agter,” sê Craig. Maar drie maande later was die wêreld agter slot en grendel weens die Covid-19-pandemie en as onafhanklike bloemis –…

VERSKAFFERS @home home.co.za Christine’s Candelabra candelabralighting.co.za Coricraft coricraft.co.za Decofurn decofurnsa.co.za Incanda incanda.co.za Mr Price Home mrphome.com Sheet Street sheetstreet.com Superbalist superbalist.com Woolworths woolworths.co.za Yuppiechef yuppiechef.com…

Skoolkleure Sané du Toit van Buffeljagsrivier skryf Ons is tans besig om verfkleure te kies vir ons skooltjie in Buffeljagsrivier. Watter kleure sal prakties wees vir die buitemure? Ons skoolkleure is vlootblou en geel. Kan ons dalk die dak vlootblou verf? Jenny Moolman, handelsmerkbestuurder by Duram Smart Paint, antwoord ’n Mens moet talle faktore oorweeg wanneer jy die regte soort verf moet kies, en kleur is ’n baie persoonlike keuse. Die kleurskema vir ’n gebou word gewoonlik bepaal deur die substraat wat geverf moet word, enige bykomende materiaal soos hout wat nié geverf word nie, elemente soos vensterrame, dakrande en hekke, asook hoe die geheel saamwerk. Ek stel gewoonlik neutrale skakerings soos gryse of bruine vir ’n gebou se buitemure voor aangesien dit nie maklik uit die mode raak…

Ma se mooiste kinders! Warm kopie! Ons is dol oor SoPooch se kunswerke van jou geliefde troeteldier, gedruk op topgehalte-papier, seildoek of selfs T-hemde (vanaf R490, sopooch.co.za). Laai net jou foto op die webblad en kies watter produk jy verlang; ’n kunstenaar sal dan ’n unieke eenlyntekening in klassieke swart en wit van jou dieremaat maak. WEN!  Die eienaars van die diere op die foto’s wen ’n groot Dream Pod vir honde of ’n mediumgroot Cupcake-bed vir katte van Wagworld (wagworld.co.za; ook te kry by voorste troeteldier- en veeartswinkels). Die Dream Pod, gemaak van mooi seilstof met ’n linnevoorkoms, sal goed by jou dekor inskakel terwyl dit jou hond (óf kat) die beste ondersteuning bied vir soete drome. Die Cupcake-bed spog ook met gehaltemateriaal wat mooi sal bly al word…

Vra vir Ludwig Rose in warm dele Adair Liebenberg van Vierfontein skryf Ek het ’n nuwe roosboom en twee ander in potte wat ek graag in die tuin wil plant. Wat is die beste posisie vir hulle? Dit word baie warm hier in die somer en koud in die winter. Ludwig antwoord In uiters warm streke is heelwat oggendson (minstens ses uur) en skaduwee in die namiddag beter vir rose. Koue is nie ’n probleem nie, want rose kom oorspronklik van die noordelike halfrond waar hulle in ’n winterslaap gaan en selfs sneeu oorleef. Mei en Junie is die ideale maande om nuwe rose of rose uit potte in die tuin te plant. Die struike groei dan nie baie aktief nie en sal nie aan wortelstres ly nie. Verryk die…

Kies inheems en plant ’n groep pypies (Watsonia-spp.) agterlangs in ’n bedding. Dis nie net maklik om dié bolplante te kweek nie, hulle sorg ook veral in die lente en vroeë somer vir ritse blomme aan lang stele wat bo die swaardvormige blare uitgroei. Die individuele blommetjies op die steel begin stuk-stuk van onder af oopgaan, daarom bly dit lank mooi. Plant die bolle in die laatsomer en herfs (Maart tot Mei) in volson in komposryke grond wat goed dreineer. Die bol se groeifase is in die winter. In die somer, ná blomtyd, raak dit dormant. Moet egter nie die blomstele afsny sodra die blomme dood is nie – los dit eers om saadkoppe te vorm wat ’n mooi vertoning maak. Los ook die blare aan die plant tot dit…

Maak 1 x 23cm-kaaskoek Voorbereiding: 25 minute Baktyd: 50 minute Oondtemperatuur: 160 °C • 150g soutbeskuitjies (ons het Salticrax met swartpeper gebruik) • 60ml fyngerasperde parmesaankaas • 80ml botter, gesmelt • 400g gerookte salm* • 400g mediumvet-roomkaas • 250ml suurroom • 4 ekstragroot eiers • 15ml fyngekapte grasuie • 15ml fyngekapte dille • gerasperde skil van 1 suurlemoen • 5ml vars suurlemoensap • sout en varsgemaalde swartpeper na smaak 1 Voorverhit die oond. Krummel die koekies in ’n voedselverwerker tot baie fyn. Meng dit met die parmesaankaas en genoeg botter om ’n mengsel te vorm wat soos nat sand voel. 2 Voer die bodem van ’n 23cm-losboomkoekpan uit met bakpapier en spuit met kleefwerende kossproei. Skep die krummels in die pan en druk dit met die agterkant van ’n lepel gelyk op die bodem. 3 Seël die buitekant van die koekpan met…

Broccolisop met hoender en pasta Onder R95 • Genoeg vir 4 •Voorbereiding: 25 minute Gaarmaaktyd: 30 minute • 60ml botter • 60ml meel • 750ml hoenderaftreksel • 250ml melk • 500g broccoliblomme • 1 heel knoffelhuisie • 2 hoenderborsies, elk in die helfte gesny • 250ml pasta (ons het macaroni gebruik) 1 Smelt die botter en roer die meel by. Braai ’n paar minute en klits dan die aftreksel en melk geleidelik by tot glad. Voeg die broccoli, knoffel en hoenderborsies by en laat prut dit vir sowat 20 minute of tot die hoender gaar is. Skep die hoender uit en verwerk die sop tot glad met ’n staafmenger. Jy kan ook van die broccoli uitskep en later byvoeg vir tekstuur. 2 Pluis of kap die gaar hoender en hou eenkant. 3 Bring die sop weer tot kookpunt, roer…

Droomstasie Omdat Rupert en Lesley Sykes, die eienaars van die genoeglike Pineapple House Boutique Hotel in Seepunt, Kaapstad, wil hê hul gaste moet so gemaklik moontlik wees, sien hulle niks oor as dit by onberispelike ontwerp kom nie. Dis aan Rupert se 20 jaar ervaring as eiendomsontwikkelaar in Londen te danke dat hulle hierdie slim ontwerp kon bedink vir ’n ingeboude kas met ’n nis langs die bed, pleks van die tradisionele bedkassie. “Rupert is uitstekend met ruimtebesparende oplossings vir kleiner ruimtes. Die nisse langs die bed verseker maklike toegang tot krag- en USB-punte en benut die ruimte ten beste sonder om styl in te boet,” verduidelik Lesley. “Ons wou hier by Pineapple House vir ons gaste ’n ervaring skep met allerlei ontwerpelemente wat genot verskaf en hulle sal verras!…

WIE WOON HIER? Zelma Kriek WAAR Calitzdorpvallei GROOTTE 150 m² Om haar nuwe tuisdorp, Calitzdorp, te vind, moes Zelma Kriek haar tot ’n landkaart wend. Maar sy’t hom gekry, en deesdae kan Zelma nie glo dat sy eens op ’n tyd nié deel was van hierdie Klein-Karoo-sieraad met sy ongerepte natuur nie. Haar huis, die geskiedkundige Mooi Nooi, verklap minstens twee geheime van die eienaar: Die eerste is dat sy in haar lewe wyd gereis het, die tweede dat binnenshuise ontwerp haar voorliefde én forté is. Maar sou jy vermoed dat Zelma haar 1880-plaashuis in die vallei volgepak het met herdenkings van haar talle reisbestemmings oor die wêreld heen, maak jy ’n fout. Dis juis die fyn onderspeelde binneversiering wat jou tref, en die rustigheid en kalmte wat dit bied…

PROJEKGIDS Harde werk 3/10 Vaardigheidsvlak 3/10 Tyd nodig 1 dag Doen dit self vir R4 395: hout R1350, skroewe R20, gom R40, fluweellap R1345, watteersel R190, spons R725, oortreklap vir basis R725 Wat jy nodig het INKOPIELYS • 18mm-laaghout, gesaag in vyftien 1 200 x 130 mm-lengtes (dié planke word gestoffeer) • mediumdigtheidspons, gesny in vyftien stukke van 1 200 x 130 x 50 mm • 5 x 2 m (200 g) watteersel GEREEDSKAP • skêr • kramskieter • liniaal • koordlose boor en 3mm-boorpunt • betonboor en 6mm-boorpunt • saag • potlood • maatband • 6m fluweellap, 1,4 m breed • aanspuitgom • vier geskaafde dennehoutplanke, 22 x 69 x 2 400 mm • een pakkie 6 mm x 40 mm-spaanderbordskroewe • vier 6mm x 75 mm-inkap-ankers PROJEKNOTAS •…

WIE WOON HIER? Wehrner en Annette Lemmer GROOTTE 65m² (stoep ingesluit) WAAR Naby Seaview, Gqeberha Twintig minute met kronkelpaaie langs wat Google Maps nie kon baasraak nie en twee plaashekke later staan ons in ’n tweespoorgrondpaadjie iewers tussen Seaview en Gqeberha. Maar hier is niks nie. Net die allermooiste bos. En dan sien ons die houtboks wat skugter deur die bome loer. Met sy skuins dak en groot vensters lyk dit soos ’n boshuisie in Skandinawië of Japan, maar dié een is ’n haarsalon. En ons is in die Oos-Kaap, Suid-Afrika. Wehrner, ’n beeldhouer, en Annette, ’n haarstilis, is die wenners in die Buite die boks-kategorie van verlede jaar se Regruk met Flair-kompetisie, aangebied in vennootskap met JoJo. Hoe hulle tot hier gekom het, is ’n storie vol kronkelpaadjies van…

Dr. Alison Lubisi van Veeartsenykundige Navorsing by Onderstepoort antwoord Die noue verband tussen mense- en dieregesondheid was onlangs weer in die kollig nadat ’n toename in die aantal gevalle van hondsdolheid by mense in Suid-Afrika aangemeld is. Hondsdolheid is endemies in die land en ons het al ontstellende gevalle gesien, meestal dodelik. Die wet bepaal dat honde en katte gereeld teen die siekte ingeënt moet word – hou dus jou troeteldier se inentings op datum. Hoewel party inentings opsioneel is, is die kern-inentings vir honde en katte jaarliks verpligtend. Dit sluit kombinasie-entstowwe in soos DHPP vir honde teen die hondesiektevirus, adenovirus-2 (besmetlike hepatitis en hondehok-hoes), honde-paraïnfluensa en die honde-parvovirus (wat klein hondjies ernstig aantas). Katte moet ’n kombinasie-inenting kry wat hulle beskerm teen panleukopenie, herpesvirus-infeksie en kalisivirusinfeksie wat by katte…

Philodendron ‘Black Cardinal’ is ’n skaars kultivar wat gesog is weens die wisselende kleure van sy blare; nuwe rooibruin blare verkleur later tot donker-olyfgroen en uiteindelik swart. Dié fokusplant kan tot 1 m hoog en 50 cm wyd groei indien dit helder indirekte lig kry en net natgemaak word wanneer die boonste grondlaag droog is. Voed in die lente en somer maandeliks met ’n vloeibare bemesting. As tropiese plant uit Suid-Amerika verkies dit ’n warm, vogtige ruimte soos ’n leefvertrek, kombuis of badkamer. Hou die plant netjies deur ou blare te verwyder. Dis gevoelig vir ryp – hou dit dus binne gedurende die winter. KONTAK lvgplant.co.za…

VERSKAFFERS@homehome .co.za Coricraftcoricraft .co.za Keterza .keter.com MONExteriorsmonexteriors .com Netfloristnetflorist .co.za Poetrypoetrystores.co.za Superbalist superbalist.com Takealot takealot.com Woolworths woolworths.co.za Yuppiechef yuppiechef.com…

ONDERNEMING Bloomia WAAR Le Domaine, Rawsonville Om in Suid-Afrika jaarliks meer as vier miljoen tulpe te kweek, terwyl dié bolplante eintlik ’n koue klimaat verkies, is nie ’n taak wat jy ligtelik opneem nie. Maar dit is wat Adriaan van Wyk en sy span as deel van die internasionale maatskappy Bloomia met groot sukses hier doen. Ná ’n besoek aan Nederland het Adriaan se ma, Retha Alberts, en haar oorlede man, Kobus, besluit tulpe is wat hulle op hul kleinhoewe in Rawsonville gaan kweek (lees hul storie oor dié mooi plaastuin op bl. 100). In 2009 het hulle ’n kweekhuis wat uit Nederland ingevoer is, begin aanmekaarsit. Met die res van die infrastruktuur soos die verkoelingstelsel, koelkamers en pompe – alles plaaslik verskaf – in plek, is die eerste besending…

Wat ’n mylpaal! Die ikoniese AGA-stoof is vanjaar 100 jaar oud en vandag nog net so relevant soos die nuutjie wat dit met sy bekendstelling was. Van die nuwer modelle het moderne induksieplate langs die oorspronklike kookvlakke; ander spog met ’n ingeboude rooster. Die AGA-versameling sluit ook Rayburn-toestelle vir sentrale verhitting en gietysterkaggels in. AGA-stowe kom in groottes van 60 cm tot 210 cm, en jy kan jou AGA in so te sê enige kleur van jou keuse bestel. E-pos navrae na enquiries@agastoves.co.za. Deur en deur Getinte dubbelwand-bekers vanaf R129 elk, woolworths.co.za MET LIEFDE … Die sjef Mynhardt Joubert kook die afgelope vyf jaar al vir gaste in sy Stasie Straat Kombuis in die Paarl, waar sy huis as kreatiewe ruimte en foto-ateljee ingespan word. My Stasie Straat Kombuis (R380,…

Om ’n man te sien wat huil, dít kan ek nie. Ek is gewoon nie sterk genoeg daarvoor nie. Verstaan my mooi: Trane is trane, van wie ook al. Verdriet weeg vir ons almal ewe swaar. En tog is mannetrane skaarser, dalk oor ’n tydperk opgedam voordat dit – soms by slegs die teerste aanraking – deur die gestaalde skanse beur. Soos daardie keer toe ek ’n tuinman uit ons buurt sien huil het. Hy’t in die openbare veldjie naby my huis gesit, kop-onderstebo en moedelose skouers. Ek herken hom van die pragtige tuin straataf, waar ek laas ’n “For sale”-bordjie gesien het. “My mense het getrek,” vertel hy toe ek vra. “Ver, oor die water, weg. Nou soek ek, elke dag.” Hy lig twee growwe hande: “Dié hande kén…