Indholdsfortegnelse for Tuis Kortpadkos i Tuis

hou ek en die span konferensie in die lieflike Montagu Country Hotel. Een van die aksiepunte waarop ons daar besluit, is dat Johané Neilson, ons kosredakteur, eintlik ’n celeb moet wees, want haar resepte is die beste. Punt. Ek weet Johané het nie veel erg aan enige vorm van glansstatus nie, maar een ding is seker: Sy is beslis ’n celeb in die Tuis-kantoor, en ek weet vir ’n feit ook in duisende Tuis-lesers se huise. Want as daar ’n skinkbord uit haar toetskombuis kom, kan jy maar weet: Dis kos wat jy tot die laaste krummel sal geniet. En altyd indrukwekkend. Want dís Johané se forté: uithalerkos wat veel makliker is as wat jy dink. Dié reseptebundel is Johané se vierde. Eers was daar Ta-da!, toe Kortpadkos 1, daarna…

1 Kry al die bestanddele reg Begin met vier mediumgroot Mediterreense aartappels (sowat 350g), ’n klein ui, ’n eier, ’n bossie dille of jou gunsteling-sagte krui, sowat 50ml bruismeel, sout en peper en gesmelte botter* vir braai. 2 Skil die aartappels en ui; rasper dit dan grof in ’n mengbak wat met kaasdoek of ’n skoon vadoek uitgevoer is. Wenk Vir variasie, vervang een aartappel met dieselfde hoeveelheid gerasperde patat, murgpampoentjies of selfs pampoen. 3 Druk dan met behulp van die doek al die vog uit die groente – dit verbeter die tekstuur van die koekies wanneer dit gebraai word. 4 Sit die droë groente in ’n skoon mengbak en voeg die eier, kruie, meel, sout en peper na smaak by. Meng totdat ’n beslag vorm. 5 Braai nou lepels vol…

1 Maak ’n dik witsous Smelt 50g botter in ’n klein kastrol en braai 60ml fyngekapte ui daarin tot glansed. Voeg 1 gekapte knoffelhuisie by en braai deur. Roer 180ml meel geleidelik by om ’n roux te vorm en braai vir 1 minuut. Weens die groot hoeveelheid meel sal dit amper soos growwe broodkrummels lyk. Verwyder van die hitte en klits geleidelik 250ml warm melk en 250ml warm aftreksel by tot dik. Sit terug op die hitte en klits vir nog ’n paar minute totdat die sous baie dik is. Geur met sout en peper. 2 Geur die witsous Voeg sowat 2 x 250ml-koppies geurmiddel by die dik witsous. Probeer bros stukkies spek en ’n lepel mosterd; fyn gaar vleis (fyngevlokte oorskietbraaihoender werk goed); gekapte gaar steurgarnale met rissie en…

Eksperimenteer gerus met vars vulselbestanddele soos julienne-groente, gepluisde gaar vark of hoender, kruie en sade vir variasie. Moenie die doopsous vergeet nie! Maak 6 rolletjies Voorbereiding: 30 minute • sowat 100 g gedroogde vermicelli-noedels• 9 steurgarnale, uitgedop• sowat 100 ml edamameboontjies, gestoom• sowat 3 aarbeie, in skyfies gesny• 1 groot ryp avokado, ontpit, geskil en in skyfies gesny (sprinkel suurlemoensap oor dat dit nie bruin word nie)• vars ment-en basilieblare• 6 bros slaaiblare soos cos, are verwyder• 6 ryspapiervelletjies Doopsous Kies ’n sousie wat jou vulsel komplementeer. Die rolletjie se vars vulselkombinasie het baie skoon smake bymekaar en is nog ongegeur, daarom sal ’n pikante sousie met byt soos soetrissie-of lekker soet pruimsous met ’n skeutjie sout sojasous en ’n paar druppels vissous baie goed werk. ’n Ander gunsteling is…

Maak 4 pizzas Voorbereiding: 10 minute • Baktyd: 20 minute Oondtemperatuur: 200 °C • 1kg winkelbrooddeeg• 1 koppie tamatiesalsa in die Mexikaanse styl• 4 koppies sousryke gepluisde varkvleis• ½ koppie geblikte pynappelstukke• 3 ingelegde jalapeño’s (of na smaak), gesny• sowat 4 koppies gerasperde mozzarella• mikro-basilieblaartjies en suurroom vir voorsit 1 Voorverhit die oond. Verdeel die deeg in vier ewe groot stukke en werk met een stuk op ’n slag. Bestrooi jou werkblad liggies met meel en rol die deeg uit in ’n 30cm-sirkel. Wenk Werk direk op ’n vel bakpapier indien jy bekommerd is jy gaan sukkel om die pizza na ’n oondplaat oor te plaas. 2 Verbeel jou die sirkel is ’n horlosie en maak met ’n skerp mes ’n 4cm-snit by 12-uur, 3-uur, 6-uur en 9-uur; maak nog ’n snit…

Dié resep maak indrukwekkende vlegselpasteie, maar as jy net 1 rol skilferkorsdeeg wil gebruik, maak liewer 1 groot pastei met ’n deegdop in ’n tertbak. Maak 4 pasteie Voorbereiding: 1 uur Gaarmaaktyd (vulsel): 2 uur Baktyd (pasteie): 35-40 minute Oondtemperatuur: 200 °C • 1,3 kg beeskortribskywe, in blokke gesny• 2 uie, gekap• 30ml meel• 3 knoffelhuisies, gekap• 2cm vars gemmer, gerasper• 1 rooi brandrissie, gekap• 30ml matige kerriepoeier (of na smaak)• ’n paar kerrieblare (as jy het)• 250 ml aftreksel• 250 ml bier• 4 velle skilferkorsdeeg (28 x 28cm)• geklitste eier as glaseersel 1 Braai die vleis in sarsies in ’n dikboomkastrol tot oraloor bruin. Probeer om die vleis se eie vet te gebruik, maar jy kan oordeelkundig olie byvoeg indien verkies. 2 Skep die vleis uit en soteer die…

Genoeg vir 6 Voorbereiding: 30 minute Gaarmaaktyd: 40 minute • 6 snye witbrood, korsies afgesny• 30ml fyngekapte roosmaryn• 30ml fyngekapte vars tiemie• gerasperde skil van een suurlemoen• 60ml gesmelte botter• sout en varsgemaalde swartpeper• 1 groot lamsribstuk (sowat 900 g)• 30ml korrelmosterd• 6-8 klein eiervrugte, gehalveer• 6-8 ryp pruimtamaties, gehalveer• 8 vet knoffelhuisies• olyfolie• hoemoes om voor te sit 1 Voorverhit die oond. Gebruik ’n staafmenger en pols die brood, kruie, suurlemoenskil en botter saam totdat dit krummelrig en goed gemeng is. Geur met sout en swartpeper. 2 Maak insnydings 1cm van mekaar in die vetkant van die ribstuk en braai die vetkant in ’n droë pan tot goudbruin. Haal die rib uit die pan en sit dit in ’n oondbak. Smeer dik met die mosterd en druk die broodkrummelkors…

Genoeg vir 4 • Voorbereiding: 20 minute • Gaarmaaktyd: 10 minute • 800 g varkfilet, silwer membraan afgesny• 125 ml meel• 5ml gerasperde suurlemoenskil• 2 eiers• 100 g droë soutbeskuitjies, gekrummel• 125 ml gemengde neute, gekap• 30ml gerasperde parmesaankaas• olyfolie vir vlakbraai• ’n groot klont botter• patatkapok en koolslaai vir voorsit 1 Sny die vark in 8 ewe groot stukke en kap elkeen versigtig met ’n vleishamer plat om schnitzels te vorm. 2 Meng die meel en suurlemoenskil in ’n bakkie; geur met sout en peper. Klits die eiers saam in ’n tweede bakkie en meng die beskuitjiekrummels, neute en kaas in ’n derde bakkie. 3 Doop die schnitzels een vir een eers in die meel, dan in die eier en laaste in die krummellaag. Maak gaar Verhit ’n ruim…

Genoeg vir 6-8 as bykos Voorbereiding: 30 minute, plus afkoeltyd Gaarmaaktyd: 30 minute Oondtemperatuur: 200 °C • 1 liter melk• ’n groot knyp neutmuskaat• 1 opgehoopte koppie (180 g) semolina• 250 ml gerasperde parmesaan• 125 ml botter by kamertemperatuur• 3 eiergele• vars kruie soos origanum en salie 1 Verhit die melk in ’n groot kastrol oor matige hitte totdat dit begin stoom; klits af en toe om te keer dat dit aanbrand. Geur die melk met sout, varsgemaalde swartpeper en neutmuskaat; verlaag die hitte en klits die semolina geleidelik by. Laat kook dit vir sowat 10 minute terwyl jy aanhoudend roer (gebruik ’n houtlepel) om te keer dat dit op die kastrol se bodem vasbrand. 2 Verwyder die kastrol van die hitte wanneer die mengsel verdik en van die kante begin…

Genoeg vir 4 porsies Voorbereiding: 1 uur (afhangend van hoe skoon die afval is) Gaarmaaktyd: 3-4 uur • 1 skaapafval (dit sluit die skaap se kop, pens en 4 pootjies in, reeds skoongemaak)• 2 varkpote, elk in 3 stukke gesny• gerasperde skil en sap van een suurlemoen• 2 lourierblare• 6 wonderpeperkorrels• 4 naeltjies• 4 skaaptongetjies• 4 skywe skaapnek• 3 aartappels KERRIEMENGSEL • 30ml olie• 2 uie, gekap• 4 vet knoffelhuisies, gekneus• 2cm gemmerwortel, geskil en fyngekap• 2 stukke pypkaneel• 2 steranyspeule• 2 rooi brandrissies, fyngekap• 6 kardemomsade, oopgesny• 15ml koljander• 10ml komyn• 5ml vinkel• 15ml borrie• 1ml naeltjies Wenke • Koop jou afval by ’n betroubare slagter en maak seker dis reeds skoongemaak. • Vra jou slagter dat hy die skaapkop vir jou kloof. • Moenie die afval in ’n…

Hetjygeweet? Hoenderbrijani is ’n gunsteling uit die Indiese en Maleise kookkuns wat tradisioneel op feesdae en by spesiale geleenthede voorgesit word. Die gereg bestaan uit lae lensies, rys, vleis (hoender of skaap; ook vis) en uie wat stadig in ’n geskikte pot gestowe word totdat alles gaar en geurig is. Hoewel brijani tradisioneel met hoenderporsies aan die been (boudjies of dytjies) gemaak word, gee ontbeende dytjies waarskynlik die sappigste resultate. En omdat brijani soms droog kan wees, is dit ’n goeie idee om raïta daarmee saam voor te sit. Genoeg vir 6-8 ruim porsies Voorbereiding: 1 uur Gaarmaaktyd: 1 uur • 500 ml rou basmatirys• 10ml borrie• 500 ml rou lensies• 60ml botter• 4 uie, fyngekap• 2 lourierblare• 10 kardemompeule, saadjies verwyder• 2 kaneelstokkies• 2ml rooipeper• 4 vet knoffelhuisies, gekneus•…

Wenke • Rol die vleis in gegeurde koekmeel voor jy dit braai; dit sal meer kleur verskaf en die sous later effens verdik. • Skep die vleis uit die sous voordat jy dit in die yskas sit – die vet sal dan soveel makliker afskep. • Die meeste bredies is op hul lekkerste as jy dit ’n dag of twee vooraf maak sodat die geure goed kan ontwikkel. Genoeg vir 4 porsies Voorbereiding: 45 minute Gaarmaaktyd: 3 uur Oondtemperatuur: 150 °C • 2,2 kg beesstert (sowat 2 beessterte), vet verwyder• sout en varsgemaalde swartpeper• 30-45 ml olyf-of kanola-olie• 1 ui, fyngekap• 2 wortels, fyngekap• 1 selderystingel, fyngekap• 3 knoffelhuisies, fyngekap• 60ml kappertjiesaad, gedreineer• 30ml vars roosmaryn, gekap• ’n klein hand vol vars origanumblaartjies• 60ml gekapte sondroë tamaties• 1-2 rooi brandrissies,…

Genoeg vir 8-10 porsies Voorbereiding: 3-4 uur (marinering uitgesluit) Gaarmaaktyd: 45 minute Oondtemperatuur: 200 °C • 30 ml botter• 125 g swoerdlose spek, gekap• 1 groot ui, gekap• 3-4 knoffelhuisies, gekneus• 250 g dwergsampioene, in skyfies gesny• 500 g lamskenkel, in 25 mm-skywe• ’n wildsblad of-boud van sowat 1,8 kg, in 25 mm-blokkies gesny en oornag in karringmelk gemarineer• 30 ml koekmeel• olyfolie• 200 ml rooiwyn• 1 heel ui, geskil en 6 naeltjies ingesteek• sout en varsgemaalde swartpeper• 300 ml wildsvleisaftreksel of water• 400 g bevrore skilferkorsdeeg, ontdooi• 1 eier, geklits BEREI DIE VULSEL 1 Verhit die botter in ’n groot kastrol en braai die spekvleis tot bros. Skep die spek uit en braai die ui in dieselfde pan tot sag en glansend; braai ook die knoffel en sampioene. Skep…

Genoeg vir 8 porsies • Voorbereiding: 30 minute • Gaarmaaktyd: 20 minute SOUS • 2-3 groot uie, gehalveer en in dun skywe gesny• 100 g (125 ml) sagte bruinsuiker• 50 ml fyn appelkooskonfyt• 750 ml asyn• 2 cm vars gemmer, gerasper of gekap• 3 knoffelhuisies, gekneus• 1 rooi brandrissie, gekap (opsioneel)• 45 ml garam masala of matige kerriepoeier• 5 ml komyn• 5 ml borrie• 5 heel naeltjies• 5 wonderpeperkorrels• 2 lourierblare• 2 suurlemoenblare• 125 ml water• 15 ml mielieblom• sout en varsgemaalde swartpeper na smaak VIS • 2 kg visfilette• sout en peper• koekmeel• olie en botter vir braai 1 Sit al die sousbestanddele in ’n kastrol en verhit dit oor matige hitte terwyl jy aanhoudend roer. Laat die sous sowat 10-15 minute prut tot effens verdik. As jy wil,…

Genoeg vir 6 • Voorbereiding: ’n paar uur • 400 g aarbeie (of nektariens)• 250 ml strooisuiker• 200 ml water• 60 ml suurlemoensap• 60 ml jenewer (of kies ’n nie-alkoholiese alternatief soos Abstinence)• 15 ml nartjieskil (of rooswater) 1 Sny die vrugte kleiner en vries in ’n enkellaag tot hard. 2 Roer die suiker in die water in ’n kastrol tot opgelos en kook vir 2 minute. Verwyder van die hitte en laat afkoel. Roer die suurlemoensap en jenewer by die stroop en verkoel tot yskoud. 3 Sit die aarbeie en nartjieskil (of perskes en rooswater) in ’n bekerversapper en voeg die koue stroop by. 4 Verwerk tot net glad. Skep die sorbet dadelik in ’n houer en vries vir ’n paar uur of totdat dit maklik skep, maar nie…

Maak 1 x 20 cm-koek CRÊPE-BESLAG • 4 eiers• 500 ml meel• 125 ml olie• 30 ml brandewyn• 600 ml volroommelk• 15 ml suiker (opsioneel)• ’n knippie sout BAKKERSVLA • 750 ml volroommelk• ’n kaneelstokkie• 4 eiergele• 125 ml bruinsuiker• 25 ml mielieblom• ’n paar druppels vanielje-ekstrak• ’n knippie sout ONMISKENBARE GEUR Daar is ’n magdom variasies op die klassieke crêpebeslag, maar ek hou meestal by my ma se resep wat ’n eetlepel brandewyn bykry. Toe ek haar vra hoekom, het sy eenvoudig gesê my ouma Jonni het dit so gemaak! Hoewel ek die voorgeskrewe knertsie brandewyn al noodgedwonge met whisky (een keer selfs sjerrie) vervang het, hou ek so ver moontlik daarby. As jy dit moet vervang, kies ’n lepeltjie vanieljegeursel of vars suurlemoensap. – Johané Maak die crêpes…

Maak ’n 1-liter-poeding Voorbereiding: 10 minute Gaarmaaktyd: 2 uur en 30 minute • 125 g sagte botter• 60 ml bruinsuiker• 60 ml marmelade*, plus ekstra vir voorsit• 2 ekstragroot eiers• 310 ml meel• 7,5 ml bakpoeier• ’n knippie sout• 150 ml warm melk 1 Klits die botter, suiker en marmelade saam tot romerig en goed gemeng. Voeg die eiers by en klits tot gemeng. 2 Sif die meel, bakpoeier en sout oor die beslag en klits dit by. Voeg laaste die melk by en klits tot net glad. 3 Skep die beslag in ’n gesmeerde jellievorm, glasmengbak of broodpannetjie met ’n inhoudsmaat van 1 liter en maak dit stewig toe met foelie. Dit keer dat die stoom direk kontak maak met die poeding. 4 Sit die poeding in ’n kastrol…

Genoeg vir 6 porsies Voorbereiding: 40 minute Baktyd: eers 20 minute en daarna nog 15-20 minute Oondtemperatuur: 180 °C, daarna 220 °C • sowat 600 g appels, geskil en ontkern• sap en gerasperde skil van een suurlemoen• 200 ml suiker• 150 ml water• 1 vanieljepeul, oopgesny en saadjies uitgeskraap• 80 ml botter• 100 g pekanneute, gekap• 400 g skilferkorsdeeg, ontdooi 1 Sny die appels in wiggies en sprinkel die suurlemoensap oor. Hou eenkant. 2 Verhit die suiker, water, vanieljepeul en -saadjies in ’n oondvaste pan oor lae hitte en roer totdat die suiker opgelos is (maak seker al die suikerkristalle is opgelos voordat die mengsel begin kook). Kook die stroop sonder om dit te roer totdat dit begin verkleur; wanneer dit ’n ligte karamelkleur het, is dit reg. 3 Verwyder…

Maak 120 stukke beskuit • Voorbereiding: 2-3½ uur (rystyd ingesluit) Baktyd: 40-50 minute • Oondtemperatuur: 160 °C • 1 blik (385 g) kondensmelk• 250 g botter• 250 ml suiker• 500 ml kookwater• 500 ml koue water• 3 ekstragroot eiers, geklits• 50 g vars suurdeeg, gekrummel (vra by jou supermark se bakafdeling)• 2,25 kg koekmeel• 25 ml sout• 45 ml anyssaad VIR AFRONDING • 15 ml suiker• 125 ml water 1 Meng die kondensmelk, botter, suiker en kookwater in jou menger totdat die suiker opgelos is. Voeg die koue water, geklitste eiers, suurdeeg en die helfte van die meel by; meng tot ’n gladde beslag vorm. 2 Bedek en laat staan vir sowat 1-2 uur op ’n warm plek sodat dit kan rys. Dis gereed wanneer dit sponsagtig is. Smeer intussen…

Dié maklike nagereg van doodgewone bestanddele word iets fabelagtigs wanneer jy dit op ’n bord uitkeer. Vervang gerus die room met melk vir ’n ligter weergawe. Genoeg vir 10-12 skywe Voorbereiding: 25 minute Gaarmaaktyd: ongeveer 1 uur Oondtemperatuur: 160 °C • 160 g (200 ml) strooisuiker• 125 ml kookwater• 3 ml vars suurlemoensap• 4 ekstragroot eiers• 2 ekstragroot eiergele• 65 g (80 ml) strooisuiker• 5 ml vanieljegeursel• 400 ml melk, warm• 250 ml room, warm NOTA Die nagereg word gebak in ’n waterbad, ook bekend as ’n bain-marie. Dit help om die hitte egalig en matig te hou, wat ’n sysagte tekstuur verseker. Maak uit die staanspoor seker jou ringpan pas netjies in jou oondroosterbak. 1 Maak die karamel Roer die strooisuiker, kookwater en suurlemoensap saam in ’n klein kastrol…

Maak 16 blokkies Voorbereiding: 40 minute, plus afkoeltyd Baktyd: 25-30 minute Oondtemperatuur: 180 °C • 200 g (250 ml) strooisuiker• 4 ekstragroot eiers• 5 ml vanieljegeursel• 200 g (375 ml) koekmeel• 5 ml bakpoeier• 100 g botter, gesmelt SJOKOLADEVERSIERSEL • 50 g botter, gesmelt• 160 ml volroommelk, warm• 50 g (125 ml) kakao• 290 g (560 ml) versiersuiker, gesif• ’n knippie sout• sowat 500 ml klapper GARNERING • 250 ml klitsroom• 10 ml kersielikeur, brandewyn of rum• 80 g donkersjokolade, gesmelt• kersiekonfyt• 12 maraschino-kersies Wenke • Vir klassieke ystervarkies, eindig gerus by stap 6 en hou die blokkies in ’n lugdigte houer vir tot 3 dae. • As jou tyd dit toelaat, bak die koek die dag voor jy dit gaan versier en bêre dit in ’n lugdigte houer in…

Maak 1 koek met 5 lae • Voorbereiding: 45 minute Baktyd: 15 minute • Oondtemperatuur: 180 °C KOEKLAE • 6 ekstragroot eiers• 410 g (450 ml) strooisuiker• 10 ml vanieljegeursel• 420 g (750 ml) koekmeel• 20 ml bakpoeier• 7,5 ml sout• 375 ml melk• 150 g botter• 5 verskillende kleure jel-voedselkleursel BOTTERVERSIERSEL • 350 g sagte botter• 500 g gesifte versiersuiker• 30 ml melk IN DIE MIDDEL • ’n hand vol lekkers Wat is ’n piñata? ’n Piñata is ’n versierde houer (ons s’n is van koek, maar dit kan ook van klei, papier of lap wees) met speelgoed of lekkergoed binne-in; die houer word tydens ’n seremonie of viering stukkend geslaan om die bederfies daaruit te kry. Die gebruik het ’n lang geskiedenis wat in China begin het met godsdienstige…

Genoeg vir 12 skywe Voorbereiding: 30 minute, plus vriestyd oornag • 1 groot panettone• sowat 1,5 liter sjokoladeroomys• 80 g donkersjokolade, fyngekap• 100 g rooi glanskersies, grofgekap• 100 g groen glanskersies, grofgekap• 100 g versuikerde sitrusskil• 100 g geroosterde amandels, grofgekap• sowat 1,5 liter vanieljeroomys Pst! Maak só met die uitgeholde panettone-binneste: • Rooster en sit voor met sjokoladeneutsmeer of mascarpone. • Geniet dit net so saam met vonkelwyn. • Gebruik dit vir die allerlekkerste broodpoeding. • Maak ryk Franse roosterbrood met botter. 1 Kry die bestanddele gereed: Die hoeveelhede in die resep is ’n raming, so gebruik gerus effens meer of minder na gelang van jou smaak en die grootte van jou panettone. Maak ook seker die roomys is nie kliphard nie, maar steeds lekker koud. 2 Sny die…

Selfs die mees onervare kok kan die heerlikste soet en sout skeppings opdis – begin net met ’n goed geskrewe resep, voeg ’n skeut intuïsie by en proe af en toe! Toe ek as 20-jarige met sterre in die oë in die tydskrifwêreld beland het, was ek gelukkig genoeg om ’n aanstelling as assistent van Tuis se vorige kosredakteur, Sonja Jordt, te kry. In 2013 het ek in Sonja se voetspore gevolg, dankbaar in die wete dat ek soveel by haar kon leer en daardie kennis kan gebruik in die resepte wat ek vir elke uitgawe berei. Hierdie bundel bevat van ons albei se resepte uit die Tuis-argiewe, en dis ’n geur-extravaganza waarop ek trots is! Tuis Kortpadkos: Stap vir stap is voorwaar ’n spanpoging. Jy sal verbaas wees hoe…

Genoeg vir 6-8 porsies Voorbereiding: 1-1½ uur Gaarmaaktyd: 20-25 minute Oondtemperatuur: 180 °C DEEG • 450 g (800 ml) koekmeel• 5ml sout• 250 g koue botter, in blokkies gesny• sowat 90 ml yswater VULSEL • 45ml olyfolie• 1 ui, fyngekap• 2 vet knoffelhuisies, gekneus• 400 g hoenderborsfilette, in klein blokkies gesny• 200g chorizo, in dun skyfies gesny• 1 rooi brandrissie, gekap• 5ml paprika• 1 blik (400g) gekapte tamaties• gerasperde skil en sap van een lemmetjie• sout en swartpeper na smaak• ’n hand vol vars koljanderblare• 1 eier, geklits 1 Berei die deeg Sit die koekmeel, sout en botter in ’n voedselverwerker en pols totdat dit soos broodkrummels lyk. (As jy nie ’n voedselverwerker het nie, kan jy die botterblokkies met jou vingerpunte in die meel vryf.) Voeg die yswater by en…

Wenk Week jou houtsosatiestokkies vooraf in water om te keer dat hulle brand. Genoeg vir 4-6 porsies Voorbereiding: 20 minute Gaarmaaktyd: 15 minute • 500 g lamsmaalvleis• 250 ml droë broodkrummels• 1 rooi ui, fyngekap of gerasper• ’n klein hand vol vars ment, fyngekap• ’n klein hand vol vars koljander, fyngekap• 2,5 ml elk fyn kaneel en kardemom• 5ml fyn komyn• 2,5 ml rooipeper• 10ml borrie• sout en varsgemaalde swartpeper• 2 eiers, geklits• suurlemoenwiggies, tzatziki, salsa en platbrode vir voorsit 1 Plaas die lamsmaalvleis in ’n mengbak en maak dit los met ’n groot vurk. Voeg die broodkrummels by en roer dit deur. 2 Voeg die uie, ment, koljander en speserye by en geur na smaak met sout en swartpeper. Roer die geklitste eiers by. 3 Druk sowat 60ml van…

Maak 12 rolletjies • Voorbereiding: 30 minute Gaarmaaktyd: 15 minute VULSEL • 1 gaar varkfilet, fyngekap*• 6 sprietuie, fyngekap• 60ml gekapte koljander• suurlemoensap• 30ml char siu-sous 1 Maak die vulsel deur al die bestanddele te meng; pas die geurmiddels aan na jou smaak. Die varkvleismengsel behoort geurig te wees met genoeg sous, maar nie te nat nie. * Vir die varkfilet Marineer sowat 600g varkfilet in 80ml Chinese braaisous (char siu-sous) vir ’n paar uur in die yskas. Rooster dit dan op die rakkie van ’n oondroosterpan wat met foelie uitgevoer is vir sowat 20 minute teen 200°C. Haal die pan uit die oond, draai die vleis op die rakkie om en verf met van die oorblywende braaisous. Rooster dit dan vir 5 minute, draai die vleis en herhaal met…

Genoeg vir 8 • Voorbereiding: 1 uur • Gaarmaaktyd: 20 minute • Oondtemperatuur: 180 ºC • 800 g beesfilet• 15ml rooiwynasyn• pienk peperkorrels• 30ml olyfolie• 250 g dwergsampioene• ’n strooisel vars basilieblare VULSEL • 10 groot spinasieblare• ’n groot hand vol gemengde basilie en platblaarpietersielie• 125 ml gerasperde parmesaankaas• 30ml kappertjiesaad• 10ml Dijonmosterd• 6 ansjovissies, fyngekap GORGONZOLA-POLENTA • 60ml botter• 1 klein ui, fyngekap• 3 takkies tiemie• 1 liter melk• 100 g gorgonzola• 200 ml kitspolenta• ’n ruim knypie varsgerasperde neutmuskaat• ’n groot klont ekstra botter 1 Voorverhit die oond. Verwyder enige silwer membrane van die filet en kry al die bestanddele gereed. 2 Vlek die vleis oop met ’n skerp mes. Begin met ’n keep oor die lengte aan die kant en vlek die vleis dan in fases terwyl…

Die resep is genoeg vir minstens twee korse van 23cm in deursnee, afhangend van hoe dik jy die deeg uitrol. • 280 g (500 ml) koekmeel• 10 ml suiker (opsioneel)• ’n knippie sout• 190 g koue botter• 1 eiergeel• 20-45 ml yswater• 5 ml suurlemoensap 1 Sif die meel, suiker en sout saam in ’n mengbak. Rasper die botter met die growwe kant van ’n rasper; vryf dan die botterfrummels met jou vingerpunte by die meel in totdat dit soos broodkrummels lyk. Alternatiewelik kan jy al die bestanddele saam pols in jou voedselverwerker. 2 Meng die eiergeel, 20ml van die yswater en die suurlemoensap by en knie tot ’n gladde deeg. Let wel Die hoeveelheid vloeistof in ’n deegresep is net ’n riglyn, want die voggehalte in meel kan wissel. Oordeel self…

Opdienvoorstel Bedruip hoenderdy-kebabs vir die laaste paar minute terwyl dit braai met Romesco-sous en sit dit voor met ekstra sous op ’n bed bruinrys saam met geroosterde botterskorsierepe, roket en olywe. Maak sowat 500 ml sous • Voorbereiding: 30 minute Gaarmaaktyd: 30 minute • 3 rooi soetrissies• 3 pruimtamaties, gehalveer• 1-2 rooi brandrissies• 250 ml heel amandels• 15ml gerookte paprika• 15ml rooiwynasyn• 2 knoffelhuisies• 250 ml vars broodblokkies• sowat 100 ml olyfolie• ’n knippie saffraan 1 Voorverhit die oond se roosterelement. Rangskik die soetrissies heel op ’n bakplaat en plaas dit sowat 10cm onder die element. Hou die oonddeur op ’n skrefie oop en draai die soetrissies ’n keer of wat om totdat die skilletjies oraloor swart en vol blase is (dis dan veel makliker om later die skille af te…

Maak ’n 25cm-krans • Voorbereiding: 40 minute • Gaarmaaktyd: 50 minute • sowat 700 g patatskywe (oranje en geel vlees gemeng)• 45ml olyfolie• 6 salieblare, plus ekstra vir garnering• 1 rol (400 g) brosdeeg, ontvries• ’n hand vol roketblare, grofgekap• sowat 300 g mozzarella, in skywe gesny• 1 eier, geklits 1 gekaramelliseer. Laat effens afkoel en stel die oondtemperatuur op 200°C. 2 Rol die deeg op ’n stuk bakpapier uit in ’n vierkant van ongeveer 35 x 35cm. Sny en lap die deeg soos nodig. Sny ’n kruis in die middel van die deeg en sny dan weer elke kwart in die helfte. 3 Rangskik die patat, salie, roket en mozzarellaskyfies al in die rondte om die insnydings en laat ’n oop rand van sowat 2cm aan die buitekant. 4 Verf die…

Genoeg vir 6-8 Voorbereiding: 30 minute Gaarmaaktyd: ’n hele paar uur (hoe langer, hoe beter) • 1,5 kg beesbene (maak seker daar’s ’n klompie murgbene by)• 2 kaneelstokkies• 2 steranyspeule• 3 kardemompeule• 5ml reënboogpeperkorrels• 3 naeltjies• 2 uie, geskil en in kwarte gesny• 2cm vars gemmer, gehalveer• 1 heel knoffelbol, gehalveer• 2 dik skywe beesskenkel• 10 gedroogde shiitakesampioene• 2 liter vleisaftreksel AFRONDING • 250 ml bevrore ertjies• 4 sprietuie, gekap• ’n skeut vissous 1 Vooraf Kies gedroogde sampioene van ’n goeie handelsmerk en gaan die vervaldatum na. Kies ook ’n goeie aftrekselkonsentraat – die verkeerde aftreksel kan die smaak van jou delikate kragsop oorheers. Jy hoef nie die gedroogde shiitake-sampioene vooraf in water te week nie, want die lang pruttyd van die sop gaan hulle genoeg tyd gee om die…

Maak 8-10 roti’s Voorbereiding: 45 minute (plus rustyd in die yskas) Gaarmaaktyd: 20 minute • 500 ml koekmeel• 5ml sout• 2,5 ml bakpoeier• 250ml warm water• 125g sagte botter of ghi• olie vir braai 1 Sif die meel, sout en bakpoeier saam in ’n mengbak. Voeg net genoeg water by die droë bestanddele om ’n sagte, hanteerbare deeg te verkry. Knie die deeg vir ’n paar minute totdat dit sag, glad en elasties is. 2 Sit die deeg in ’n gesmeerde mengbak, bedek dit met kleefplastiek en sit dit vir sowat ’n halfuur in die yskas. 3 Sif ’n bietjie meel oor ’n skoon werkoppervlak en rol die deeg in ’n reghoek uit, sowat 5-8mm dik. Smeer die botter of ghi oor die deeg en rol dit van ’n lang sy…

Genoeg vir 8-10 porsies, afhangend van hoe jy dit voorsit Voorbereiding: 30 minute • Baktyd: 6-8 uur • Oondtemperatuur: 140 °C • 250 ml lemoensap• 125 ml hoenderaftreksel• 125 ml tamatiesous• 125 ml blatjang• 60ml bruinsuiker• 15ml korrelmosterd• 15ml komynsaad, gekneus• 1 groot ui, gekap• 2 knoffelhuisies, gekneus• 2 lourierblare• sap en gerasperde skil van een suurlemoen• 2kg varkblad• sout en varsgemaalde swartpeper na smaak 1 Maak ’n sous deur al die bestanddele, behalwe die varkblad, goed te meng. Voorverhit die oond. 2 Plaas die varkblad in ’n vuurvaste oondbak. Giet die sous oor die vleisstuk en geur met sout en swartpeper. Bedek die oondbak met ’n deksel of maak dit met foelie toe sodat dit deeglik verseël is. Sit dit in die oond vir 6-8 uur of tot die…

Piekels is ingelegde groente in ’n gekruide asynmengsel, soms met ’n bietjie suiker vir ekstra geur. Die groente moenie pap wees nie, maar lekker bros en krakerig onder jou tande, soos dié heerlike uitjies. Genoeg vir 4-5 x 500 ml-flesse (hang af hoe groot die uitjies is) Voorbereiding: 1-1½ uur (plus staantyd oornag) • 1,5 kg baba-uitjies• 200 g sout• 2 liter water• 4 rooi brandrissies• 2 liter witwynasyn• 200 g suiker• 15 ml sout• 15 ml heelpiekelspesery-mengsel• 10 ml heel kruienaeltjies• 15 ml swartpeperkorrels• 25 ml mosterdsaad• 1 stuk pypkaneel 1 Blansjeer die uitjies met die skil aan deur hulle vir 1 minuut in kookwater te dompel. Pasop dat jy dit nie oordoen nie, anders raak die uitjies pap. Sit die uitjies dadelik in yswater en trek die skille…

Ons maak dié maklike fudge sommer in die mikrogolfoond – met of sonder die malvalekkers bly dit enige suikertand se moses! As jy nie hou van mikrogolf-kookkuns nie, kan jy dit maklik in ’n kastrol op die stoof maak. Onthou net om aanhoudend te roer sodat dit nie brand nie. Genoeg vir een 18 x 18 cm-pan Voorbereiding: 20 minute Gaarmaaktyd: 12-14 minute • 125 g botter• 1 blik (385 g) kondensmelk• 60 ml melk• 250 ml versiersuiker• 250 ml bruinsuiker• 5 ml vanieljegeursel• ’n knippie sout• ’n groot hand vol mini-malvalekkers 1 Smelt die botter, kondensmelk, melk en die suikers saam in ’n mikrogolfbestande bak met hoë kante deur dit vir 2 tot 3 minute op hoog te mikrogolf. (Die fudge borrel hoog tydens die kokery en as die…

Maak 5-6 dosyn Voorbereiding: 1 uur, plus afkoeltyd vir die stroop Gaarmaaktyd: 1 uur STROOP • 1 kg suiker• 500 ml water• 4 kardemomsade• 2 steranyspeule• 2 kaneelstokkies• 2,5 ml kremetart• 30 ml rooswater DEEG • 480 g (850 ml) koekmeel• 30 ml bakpoeier• 2,5 ml sout• 60 ml botter• 1 eier• 375 ml karringmelk of koue water• 2 liter olie vir diepbraai Wenk Die stroop moet so koud moontlik bly, anders sal jou koeksisters pap wees. Ek onthou my ma het altyd twee bakke stroop gehad – die een was in die vrieskas (die suikerinhoud keer dat die stroop vries) terwyl sy die ander een gebruik het. Sodra die stroop waarmee sy gewerk het, te warm geraak het, het sy bloot die twee omgeruil. Jy kan ook die stroop…

Genoeg vir 12 porsies Voorbereiding: 20 minute Gaarmaaktyd: 15 minute • 250 ml kookwater• 80 g botter• 50 g (60 ml) kaneelsuiker• ’n knippie sout• 140 g (250 ml) meel• 3 eiers• olie vir diepbraai• strooisuiker as garnering 1 Roer die water, botter, suiker en sout saam in ’n pot oor matige hitte tot gesmelt en bring tot kookpunt. 2 Verwyder dadelik van die hitte en roer al die meel op een slag by tot dit ’n deegbal maak wat van die pot se kante af wegtrek. 3 Klits die eiers een-een by tot die mengsel blink en glad is. Skep dit in ’n spuitsak met ’n sterpunt, reg vir gebruik. Laat rus in die yskas tot koud – die deeg sal effens “verstewig” en mooier sy vorm behou in…

Maak 1 x 22 cm-dubbellaagkoek • Voorbereiding: 35 minute Baktyd: 45-60 minute • Oondtemperatuur: 180 °C 1 BESLAG • 2 eiers • 200 g (250 ml) ligbruinsuiker • 125 ml kanola-of gesmelte klapperolie • 5 ml rum (of vanieljegeursel) • 125 ml fyngedrukte ryp piesang • 220 g (½ blik) pynappelmoes met die stroop • 50 g gemengde neute, gerooster en grofgekap • 60 ml klapper, gerooster • 175 g (315 ml) koekmeel • 2,5 ml bakpoeier • 2,5 ml koeksoda • ’n knippie sout • 5 ml kaneel • 2 ml elk gemmer en gemengde speserye Voorverhit die oond. Voer ’n 23 cm-veerklamppan uit met bakpapier en spuit met kleefwerende kossproei. Klits die eiers en suiker saam tot lig en donsig en al die suiker opgelos het. Meng die…

Maak 2 kranse • Voorbereiding: 3½ uur (rystyd ingesluit) Baktyd: 30 minute • Oondtemperatuur: 180 °C • 625 ml louwarm water• 20 g kitsgis• 125 ml heuning• 125 ml olyfolie• 15 ml sout• 2 eiers• 5 ml fyn kaneel• 150 g donkersjokolade, gekap• 60 ml sultanas• 1 kg broodmeel, plus 250 ml AFRONDING • 1 eier, geklits• 30 ml sesamsaad 1 Giet die water in ’n groot bak en roer die gis by. Klits die heuning, olie, sout, eiers, kaneel, sjokolade en sultanas by tot goed deurgemeng. 2 Voeg die meel een koppie op ’n slag by; klits ná elke byvoeging en begin knie met jou hande wanneer die deeg begin stywer word. Let wel Brood wat met eiers en suiker verryk is, neem ’n bietjie langer om te rys…

Met of sonder die dronk rosyne is hierdie vulsel altyd ’n wenner. Die voutegniek werk ewe goed met sout vulsels soos spinasie en feta. Maak 1 x 25 cm-tert • Voorbereiding: 25 minute Baktyd: 30 minute • Oondtemperatuur: 180 °C • 1 rol (400 g) bereide brosdeeg, ontvries• 1 eier, geklits• 60 ml gesifte versiersuiker VULSEL • 60 ml rosyne• 30 ml brandewyn of whisky• 2 groot groen appels• 60 ml botter• 125 ml suiker• 125 ml pekanneute, grofgekap• 15 ml suurlemoensap• ’n knippie sout Maak die vulsel Kook die rosyne ’n paar minute lank in die brandewyn in die mikrogolfoond op hoog. Skil die appels, sny die vlees van die stronke af en kap dit in blokkies. Sit die appelblokkies, botter en suiker in ’n pan en verhit saam…

Bak self ’n koek of koop ’n eenvoudige een met effekleurige versiersel op en span ’n slag daai spuitsak in wat nou al hoe lank in ’n laai lê. Dit mag ’n bietjie oefening verg, maar gelukkig kan jy ’n flop terug in die spuitsak skep en weer probeer… 1 MAAK DIE VERSIERSEL BASIESE BOTTERVERSIERSEL 100 g sagte botter • 250 g (500 ml) versiersuiker, gesif • 10 ml vanieljegeursel sowat 25 ml melk • voedselkleursel (opsioneel) Klop die botter en suiker saam tot lig en donsig. ’n Elektriese klitser of staanmenger maak die taak baie makliker as om met die hand te probeer. Voeg die vanielje en net genoeg melk by om die mengsel lig en romerig te maak. Nou kan jy die versiersel in verskillende bakke verdeel en…

Redakteur, Tuis Wicus Pretorius, redakteur@tuis.co.za Algemene navrae Yumna Tofey, yumna.tofey@media24.com, Tel. 021 406 2205 Resepte en stilering Johané Neilson en Sonja Jordt Foto’s Greg Cox, Diane Heierli, Francois Oberholster en Ed O’Riley Foto-opknapper René Nortjé Ontwerpredakteur Andrew Maritz Teksredakteur Johletta Brits Indeksering Daleen van der Merwe Uitgegee deur Media24, Heerengracht 40, Kaapstad 8001, Tel. 021 406 2121 Uitvoerende Hoof: Media24 Ishmet Davidson Hoofbestuurder: Media24 Leefstyl & Nuus Minette Ferreira Hoofbestuurder: Media24 Leefstyl Nerisa Coetzee Hoof van Finansies: Media24 Leefstyl Jameelah Conway Bestuurder: Groeiprojekte Lise Coetsee…

Dis groot pret om ’n blomtuin op brood te skep met verskillende bolaagbestanddele. Gebruik dié resep as inspirasie vir jou eie kunswerk; onthou net om die geure samehangend te hou sodat dit net so lekker smaak as wat dit lyk. Maak 1 plat brood • Voorbereiding: 15 minute, plus rystyd Baktyd: 30 minute • Oondtemperatuur: 200 °C • 1 kg gekoopte brooddeeg• sowat 45 ml olyfolie• 1 klein rooi ui, in 5mm-ringe gesny• sowat 15 swart olywe, ontpit• 1 rooi brandrissie, in dun skyfies gesny• 1 groen brandrissie, in dun skyfies gesny• 12 kersietamaties, in wiggies gesny• 2 grasuie, in lang, dun skyfies gesny• ’n paar takkies platblaarpietersielie• growwe seesout en varsgemaalde swartpeper• olyfolie en balsemiekasyn vir voorsit 1 Rangskik eers al die bolaagbestanddele in blompatrone op ’n kapplank –…

Maak 8 pakkies • Voorbereiding: 25 minute (mits die rys reeds gaar is) • 8 vierkantige nori-velle• 2 koppies soesji-rys, gaargemaak volgens die aanwysings op die pakkie• 25ml swart sesamsaadjies• ½ komkommer, in dun skyfies gesny• 8 radyse, dungesny• sowat 100 g gerookte salmstukkies• sowat 80 ml ingelegde gemmerskyfies, fyngekap• shichimi togarashi-speserye (sien kassie) of wasabi• 1 ryp avokado, ontpit, geskil en in dun skyfies gesny• 3 sprietuie, fyngekap• Kewpie-mayonnaise en sojasous vir voorsit WAT IS SHICHIMI TOGARASHI? Shichimi togarashi, oftewel Japannese 7-speserymengsel, is ’n lekker branderige geurmiddel wat gewoonlik bestaan uit rooi brandrissiepoeier, Sichuan-peperkorrels, gedroogde lemoenskil, swart en wit sesamsaad, fyn gemmer, papawersaad en nori. Kyk uit daarvoor by jou naaste Oosterse supermark of deli. Dis nie net lekker saam met soesji nie, maar ook oor noedels, in invryfmarinades,…

Maak 1 dekadente krans • Voorbereiding: 30 minute Baktyd: 45 minute • Oondtemperatuur: 200 °C • ’n klont botter• 15ml olyfolie• sowat 21 dwergsampioene• 2 knoffelhuisies, fyngekap• 2 preie se wit gedeeltes, fyngekap• 1 mediumgroot bol vinkel, fyngekap• 1 rol (400 g) skilferkorsdeeg, ontvries• 1 eier, geklits• 1 camembert 1 Smelt die botter en olie saam en braai die heel sampioene mooi bruin. Skep uit en behou die olie in die pan. Geur die sampioene na smaak met sout en peper en jou gunstelingspeserye – hou dit eenvoudig of kikker dit op met ’n strooisel gerasperde suurlemoenskil, ’n knippie paprika of fyn komyn. 2 Braai die knoffel, prei en vinkel saam tot sag en geurig. Geur na smaak met sout en peper. Jy kan van die vinkelbol se fyn blaartjies…

Genoeg vir 4 porsies (as hoofgereg) • Voorbereiding: 40 minute • Gaarmaaktyd: 30-35 minute • 20 mediumgroot calamaribuise• 1 ui, fyngekap• 400 ml sagte witbroodkrummels• 90ml vars Italiaanse pietersielie, fyngekap• 4 knoffelhuisies, gekneus• 2 eiers, geklits• 150 ml parmesaankaas, fyngerasper• sout en varsgemaalde swartpeper na smaak• 45ml olyfolie• 1 ui ekstra, fyngekap• 6 knoffelhuisies, gekneus• 2 blikke (400 g elk) gekapte tamaties• 5ml bruinsuiker• 125ml room• ’n hand vol vars suurlemoenblare, rofweg geskeur 1 Was die calamaribuise onder lopende koue water. Druk droog met kombuispapier en maak seker die kraakbeendeel is uit die buise verwyder. Jy sal die harde kraakbeen met jou vingers voel; trek dit versigtig uit. Sny die tentakels af. 2 Berei die vulsel Meng die ui, broodkrummels, pietersielie, knoffel, eiers, parmesaankaas, sout en swartpeper. Verdeel die vulsel…

1 Bring 2 liter vars volroommelk stadig tot kookpunt (dit moet net-net begin borreltjies maak en stoom). Roer deurgaans sodat die melk nie aanbrand nie. Haal van die hitte af en roer sowat 30ml appelasyn en, vir ekstra geur as jy wil, ook sowat 15 ml vars suurlemoensap by. 2 Die mengsel behoort dadelik te begin skif en skei in die korrelrige wrongel (paneer) en wei. Laat staan dit dan vir sowat 10 minute sodat die mengsel kans kry om heeltemal te skei. Indien die wei nie ná 10 minute effens geel en waterig lyk nie, kan jy nog ’n bietjie asyn byvoeg. 3 Plaas ’n vergiettes oor ’n groot mengbak en voer dit uit met kaasdoek. Giet of skep die geskifte mengsel in die doek sodat die wei na…

Maak 6-8 koolpakkies, afhangend van die grootte Voorbereiding: 1 uur • Gaarmaaktyd: 20 minute (stoom) en 5-10 minute (braai) • 350 g vars forelfilette, vel verwyder• 125 g spek, fyngekap• 150 g pecorinokaas, gerasper• 2 eierwitte• 150 ml crème fraîche of Griekse jogurt• 3-4 preie, in dun ringetjies gesny• 1 groot savojekool (jy kan ook gewone kool gebruik)• sowat 100 g botter SALSA • ½ rooi ui, fyngekap• 1 avokado, in klein blokkies gesny• ’n hand vol granaatpitte• 1 appel, in blokkies gesny• vars dille, gekap VINAIGRETTE • 15ml Dijonmosterd• 15ml heuning• 60ml balsemiekasyn• 125 ml olyfolie 1 Maak die forel so fyn moontlik – sny dit in blokkies en druk dit fyn met ’n vurk of gebruik ’n koksmes om dit fyn te kap. Braai die spek in sy eie…

Mirin is ’n suikersoet Japannese ryswyn wat so min alkohol en so baie suiker bevat dat dit as kruiery geklassifiseer word en nie as drank, soos die bekende Japannese ryswyn sake of Chinese Shaoxing-wyn, nie. Mirin kan vervang word met ryswynasyn, wat ook soetsuur is – dokter dit net met ’n knippie suiker. Terloops, sou jy met Shaoxing-kookwyn wil eksperimenteer, hou in gedagte dat dit gewoonlik sout bevat om dit as kruiery op die winkelrak aan te bied – wat beteken dit moet versigtig saam met ander sout bestanddele soos soja gebruik word. Genoeg vir 6 Voorbereiding: 10 minute Gaarmaaktyd: 1 uur en 15 minute Oondtemperatuur: 180 °C • 1 groot heel hoender (1,5 kg)• 30ml olyfolie• 2 sprietuie, grofgekap• 2 knoffelhuisies, gekneus• 2cm vars gemmer, geskil en grofgekap• ½…

PAP • 1 liter water• 5ml seesoutvlokkies• 500 ml mieliemeel• 60ml sagte botter• 1 blik (400g) mieliepitte, gedreineer BOLAAG • 1 blik (400g) Braai Relish of tamatie-en-uiesmoor• 200 g dwergsampioene, gekap en gebraai• sowat 350-500 ml room• 250 ml gerasperde kaas• ’n hand vol nat biltong (opsioneel) Wenk Een voordeel van ’n paptert is dat jy die bestanddele en hoeveelhede na hartelus kan aanpas. Verruil gerus die gebraaide sampioene vir soetrissieblokkies, los die mielies uit of vervang die biltong met bros spek… 1 Bring die water en sout tot kookpunt; klits die mieliemeel by. Verlaag die hitte en laat prut tot die pap dik is. Dis raadsaam om deurgaans te roer sodat die pap nie aanbrand nie, maar jy kan dit ook met die deksel op laat stoom vir sowat…

Hetjygeweet? In die tye voor ys-en vrieskaste moes mense planne maak om vleis te bewaar. As daar die dag geslag is, is die onderskeie snitte gepekel, gerook of gedroog om dit langer te laat hou. Soutribbetjie is ’n voorbeeld hiervan. Hoewel die rib uiteindelik oor die kole gaargemaak word, word dit eers soos biltong behandel – vandaar die sout. Indien jy dit nie so sout verkies nie, kan jy die vleis in koue water uitvars voordat dit winddroog gemaak word. Die hele proses gaan jou ’n tydjie neem en jy moet jou spesiale rib-braai só beplan dat die skaaprib twee dae lank in ’n sout-en-koljandermengsel kan lê, waarna dit opgehang word totdat dit winddroog is. Dan moet hy eers vir ’n uur of wat pot toe voordat hy gebraai word.…

Genoeg vir 6 porsies Voorbereiding: 45 minute Gaarmaaktyd: 2-2½ uur Oondtemperatuur: 160 °C • 15ml fyn gemmer• 10ml fyn komyn• 2kg skaapskenkels, in porsies gesaag, of anders skaapboud, in 2cm-blokkies gesny• olyfolie vir braai• 4 mediumgroot uie, grofgekap• 4 knoffelhuisies, fyngekap• 4 kardemompeule• 1 steranyspeul• 1 kaneelstokkie• sout en varsgemaalde swartpeper• 2 blikke (400 g elk) gekapte tamaties• 300 ml beesvleisaftreksel• ’n knippie saffraan (in ’n bietjie kookwater geweek)• 15ml heuning• 200 g heel vars dadels, ontpit en kleiner gesny• 100 g heel geroosterde amandels, gekap 1 Meng die gemmer en komyn en vryf dit sommer met jou hande in die vleis in. Laat staan vir minstens 30 minute of langer sodat dit die vleis kan geur. Voorverhit die oond. Verhit ’n bietjie olyfolie in ’n swaarboomkastrol tot warm en braai…

Maak ongeveer 35 samoesas (afhangend van die grootte) Voorbereiding: 1½-2 uur (maak van vulsel ingesluit) Gaarmaaktyd: 10-15 minute • 45-60 ml olie• 1 ui, fyngekap• 3 vet knoffelhuisies, gekneus• 2cm gemmer, fyngerasper• 10ml fyn koljander• 10ml fyn komyn• 1-2 rooi brandrissies (met of sonder pitte), fyngekap• 500 g beesmaalvleis• sout en varsgemaalde swartpeper• 1 blik (400g) gekapte tamaties• 5ml suiker• ’n hand vol gekapte koljanderblare• 35 velle samoesadeeg• groenteolie vir diepbraai Wenk Volg dié raad as jy samoesas vir ’n groot groep mense op een slag wil voorsit en verseker dat hulle almal bros en warm is: Braai die samoesas vooraf in warm olie soos oorkant beskryf en dreineer dit op kombuispapier. Pak dan al die samoesas op bakplate en verhit dit vir sowat 5 minute in ’n voorverhitte oond…

Genoeg vir 6 ruim porsies • Voorbereiding: 30 minute, plus marineertyd • Gaarmaaktyd: 6 uur • Oondtemperatuur: 160 °C • 6 springbokskenkels• 30ml olyfolie• 4 preie, skoongewas en in 4cm-stukke gesny• 3 knoffelhuisies, geskil• 250 g gerookte varkvleis, in blokkies gesny• 1 blik (400g) heel tamaties• 45ml balsemiekasyn• 250 ml beesvleisaftreksel• 30ml bruinsuiker MARINADE • 1 bottel (750 ml) rooiwyn• 2 lourierblare• 6 naeltjies• 6 jenewerbessies• 5ml koljandersaad, gestamp• 1 kaneelstokkie• 1 gedroogde brandrissie, gebreek• 1 vars brandrissie, gekap (of na smaak)• ’n bossie vars tiemie Vir die vleis 1 Meng al die bestanddele vir die marinade. Plaas die skenkels in ’n keramiek-of glasbak met ’n deksel en giet die marinade oor; sit dit oornag in die yskas. Onthou om die vleis na kamertemperatuur te bring voor dit oond toe gaan.…

Yorkshire-poedings 1 Klits 2 eiers en 150 ml melk saam tot skuimerig. Voeg 200 ml gesifte meel, ’n knippie sout en varsgemaalde swartpeper by en klits totdat dit ’n gladde beslag vorm. Laat staan vir 30 minute. 2 Giet ’n bietjie groenteolie in die holtes van ’n standaard-muffinpan en verhit dit 5 minute lank in ’n voorverhitte oond teen 200 °C. Haal uit die oond en giet ewe veel beslag in elke holte. Pasop, die olie kan sis en spat wanneer jy die beslag byvoeg. 3 Sit die pan nou vinnig terug in die oond en bak 20 minute. Moenie loer nie! Die poedings moet mooi opgepof wees met ’n holte in die middel vir die vleissous. Die vleisstuk Vryf ’n 1,2 kg-beesrib waarvan die oortollige vet afgesny en die…

Maak minstens 12 oliebolle Voorbereiding: 30 minute Gaarmaaktyd: 30 minute • 560 g (4 x 250 ml) meel• 25 g (60 ml) kakao• 15 ml bakpoeier• ’n knippie sout• 80 ml karringmelk• 125 ml botter, gesmelt• 4 eiers• 150 g (180 ml) suiker• groenteolie vir diepbraai• versiersel van jou keuse 1 Sif die meel, kakao, bakpoeier en sout saam in ’n mengbak. Meng die karringmelk en botter in ’n tweede bak en hou gereed. Klits die eiers en suiker saam tot lig en donsig. Klits nou eers die karringmelkmengsel by die eiermengsel, en meng dan die meel by om ’n gladde deeg te vorm. 2 Vorm die deeg in ’n plat skyf en bedek met kleefplastiek. Verkoel in die yskas vir 30 minute. Dié stap is opsioneel, hoewel verkoeling die…

Maak sowat 25 Voorbereiding: 30 minute Baktyd: 2 uur Oondtemperatuur: 100 °C • 5 eierwitte• ’n knippie sout• 2 ml kremetart• 315 g (375 ml) strooisuiker• 2,5 ml vanieljegeursel Variasies • Voeg gekapte neute of klapper by voordat jy die meringues op die bakplaat vorm, of vou gesmelte donkersjokolade by die meringuemengsel vir ’n marmereffek. Peppermint Crisp-sjokoladesplinters en vars aarbeistukkies is ook heerlik. • Plak meringues twee-twee aan mekaar met styfgeklitste room. • Doop die meringues se onderkante in gesmelte donkersjokolade en daarna in fyngekapte pekanneute. Laat dit op ’n draadrakkie staan tot hard. Bêre in ’n lugdigte houer. VOOR JY BEGIN • Meringues word gemaak van geklitste eierwitte en strooisuiker. Kremetart en sout word bygevoeg om die meringue te stabiliseer. • Gebruik altyd ’n skoon mengbak en maak seker…

Maak 1 vierkantige 28 cm-koek • Voorbereiding: 30 minute Baktyd: 4½-5 uur • Oondtemperatuur: 120 °C • 250 g pitlose rosyne• 250 g korente• 250 g sultanas• 200 ml brandewyn• 480 g koekmeel• 5 ml sout• 15 ml bakpoeier• 7,5 ml elk gemengde speserye, fyn kaneel, gemmer, naeltjies, en neutmuskaat• 250 g dadels, ontpit en gekap• 250 g glanskersies• 250 g gemengde sitrusskil• 250 g ingemaakte gemmerstukke• 250 g waatlemoenstukkonfyt• 250 g heel groenvyekonserf• 250 g heel gemengde neute, rofweg gekap• 300 g sagte botter• 160 ml bruinsuiker• 160 ml gouestroop• 7 eiers• sap van ½ suurlemoen• 10 ml vanieljegeursel• 125 ml brandewyn (ekstra) 1 Week die rosyne, korente en sultanas in die 200 ml brandewyn tot sag (verkieslik oornag of selfs langer). 2 Voer ’n vierkantige 28 cm-koekpan met…

Maak 24 kolwyntjies • Voorbereiding: 45 minute • Gaarmaaktyd: 20-25 minute • Oondtemperatuur: 180 °C • 250 ml kookwater• • 180 ml kakao, gesif• 125 ml melk• 5 ml vanieljegeursel• 280 g koekmeel• 7 ml koeksoda• 2,5 ml sout• 250 ml botter by kamertemperatuur• 250 g bruinsuiker• 150 g witsuiker• 4 eiers SUURROOM-GANACHE • 180 g donkersjokolade• 125 ml suurroom SJOKOLADEVERSIERSEL • 125 g botter by kamertemperatuur• 80 ml room• 125 ml kakao• 390 g versiersuiker, gesif 1 Maak die kolwyntjies Voorverhit die oond. Voer die holtes van twee muffinpanne uit met kolwyntjierokkies of smeer dit goed. Klits die kookwater en kakao saam tot glad en laat staan tot afgekoel. Klits dan die melk en vanieljegeursel by. Sif die koekmeel, koeksoda en sout in ’n ander mengbak. Klits ook die…

Mooi en lekker genoeg vir ’n spoggeleentheid. Maak 1 x 22 cm-drielaagkoek Voorbereiding: 30 minute Baktyd: 30 minute Oondtemperatuur: 180 °C • 450 g (800 ml) koekmeel• 45 ml kakao• 15 ml bakpoeier• 5 ml sout• 510 ml olie• 45 ml rooi voedselkleursel• 5 ml vanieljegeursel• 750 ml strooisuiker• 3 eiers• 375 ml karringmelk• 7,5 ml koeksoda• 45 ml appelasyn ROOMKAASVERSIERSEL • 500 g botter by kamertemperatuur• 1 kg versiersuiker, gesif• 250 g roomkaas• vars frambose Het jy geweet? • Rooi fluweelkoek se intense kleur is aanvanklik verkry deur gerasperde gaar beet by die beslag in te meng. Deesdae gebruik ons rooi koskleursel wat in vloeibare of poeiervorm te kry is. • Rooi fluweelkoek kom oorspronklik uit Suid-Amerika, maar het vinnig oraloor gewild geraak. Die Waldorf Astoria Hotel in New…

As jou eerste vouslag nie werk nie, eet die skerwe en probeer weer. Die horinkies hou tot drie dae in ’n lugdigte houer. Maak sowat 10 horinkies Voorbereiding: 20 minute, plus 1 uur rustyd Baktyd: sowat 5 minute per bakplaat Oondtemperatuur: 180 °C • 70 g (125 ml) meel• 15 ml kakao• 100 g (190 ml) versiersuiker• knippie sout• 3 ekstragroot eierwitte, geklits• 100 g botter, gesmelt en afgekoel• sowat 60 ml gesmelte donkersjokolade• strooiversiersel 1 Vir die beslag Sif die droë bestanddele saam in ’n mengbak en klits die eierwitte geleidelik by tot glad. Klits dan die botter in ’n straaltjie by. Bedek die beslag en sit dit vir 1 uur in die yskas om te verdik voor gebruik; dit sal dan makliker smeer. 2 Maak ’n stensil Knip…