Indholdsfortegnelse for Aug 2023 i Tuis

Ek gesels nou die dag met ’n groep mense oor kunsmatige intelligensie. Chat GPT het die wêreld op hol, met gesprekke wat gewoonlik eindig by ’n selfbejammerende versugting, iets in die lyn van: Maar gaan mense dan ooit nog nodig wees? Ek hou daarvan om trends dop te hou, want die dinge wat ons leefwêreld elke dag beïnvloed – soms ten goede, soms te kwade – fassineer my. Tegnologie is natuurlik ’n voorbeeld daarvan. Die vraag is: Indien kunsmatige intelligensie as ’n voorbeeld van nuwe tegnologie dinge beter begin doen as mense, wel… moet ons bekommerd wees, of dankbaar? Ek gaan my nie nou probeer slim hou en laasgenoemde vraag probeer beantwoord nie, maar gaan speel bietjie met Chat GPT. Begin sommer met die vraag: “Wie is (en dan vul…

UIT LAPLAND Skep ’n kontemporêre luilekker Mediterreense voorkoms met die gesofistikeerde Portofino Collection deur Stuart Graham Fabrics (vanaf R1 000/m, stuartgraham.co.za). Dit sluit ’n reeks gestreepte, geruite en kleinskaalse weefontwerpe in wat geskik is vir stoffering (45 000 tot 100 000 vryfslae), gordyne en bykomstighede. Minder is meer Die innoverende SI!- draagbare lamp (op die foto in geborselde koper; vanaf R857, creative-cables.co.za) het nie ’n battery nie en maak staat op ’n eksterne 5 V-kragbron. Danksy ’n USB-C-poort kan dit deur ’n rekenaar, slimfoon of kragbank geaktiveer word net waar en wanneer jy lig nodig het. Die magneetbasis heg aan metaaloppervlakke; of ryg ’n metaalwasser deur die kabel en hang dit op. KLOP-KLOP UIT KOPER! Earth Gold Collection verskaf baddens, wasbakke en lampkappe van soliede plaatkoper, met die hand geklop…

WIE WOON HIER? Debbie en Andrew Whitley, hul dogters, Emily (17) en Molly (15), George die rottweiler en die aanneemkatte Zara en GypseyWAAR Hilton, KwaZulu-NatalGROOTTE 442 m2 Om ’n nuwe huis te bou wat lyk asof daar al jare lank mense woon, is seker nie almal se smaak nie. Maar dis die benadering wat Debbie en Andrew Whitley gevolg het toe hulle ’n huis in ’n landgoed op Hilton gebou het. Die rede daaragter? ’n Jare lange waardering vir ouer huise en hul karakter, asook die begeerte om dieselfde bekoring in hul eie gesinshuis te skep. Andrew, wat vir ’n nie-winsgewende bewaringsorganisasie werk, het grootgeword op Hilton, ’n skilderagtige dorpie op die heuwel bo Pietermaritzburg. Debbie, ’n botanis en later voorskoolse onderwyser by ’n Montessori-skool, kom van die nabygeleë Estcourt.…

E-pos jou opknap na kenners@tuis.co.za. WIE WOON HIER? Ockert en Idene Doyer en hul kinders, Lila (14), Amorie (10) en Ockert (7) WAAR PaarlGROOTTE 447 m² Ná tien jaar in Londen en daarna nóg tien jaar in ’n voorstad van Kaapstad, het Ockert en Idene Doyer gesmag na ’n plattelandse stoep waar hulle ’n koppie koffie of glasie Bolandse wyn kan geniet terwyl hul drie jong kinders sorgeloos buite speel. ’n Erfenishuis van meer as 116 jaar oud in die hart van die Paarl, met ’n stoep voor én agter, was presies waarna hulle op soek was. “Die straat het ’n ryk geskiedenis,” vertel Idene. “Hier is ’n pragtige ou huis wat destyds deur vroedvroue gebruik is, terwyl die huis oorkant ons s’n eens ’n lekkergoedfabriek was. Die pragtige loodglasvensters…

Stuur tuininligting en -vrae na tuine@tuis.co.za. TOPWENK Keer dat jou huisplante swamsiektes ontwikkel en laat vars lug sirkuleer deur altyd jou badkamer te belug nadat jy gestort of gebad het. Maak só! Monteer ’n takbokvaring (Platycerium bifurcatum) op ’n basis van veenmos teen ’n mooi plank op ’n plek waar dit helder indirekte sonlig sal kry. As lid van die epifietfamilie floreer hierdie varings deur vogtigheid deur hul blare op te neem. Jou badkamer bied nie net die perfekte humiede omgewing vir plante wat in klam toestande gedy nie, dit tree ook op as ’n mini-kweekhuis vir al jou gunsteling-huisplante. Neem altyd die styl van die plant in ag wanneer jy ’n houer kies om dit in uit te stal. Tropiese kleure Kroton (Codiaeum variegatum) kom in ’n lieflike verskeidenheid…

Hoender-rys-en-avokadoeenpangereg Onder R150 • Genoeg vir 4 • Voorbereiding: 25 minute Gaarmaaktyd: 40 minute • 4 elk hoenderdye en -boudjies• 30 ml enchilada-speserymengsel• 30 ml olyfolie• 250 ml jasmynrys• 1 blik (400 g) gekapte tamaties met Mexikaanse geure• 1 blik (400 g) rooi nierbone• vars koljander vir garnering• 2 ryp avokado’s, in skyfies gesny en met suurlemoensap besprinkel 1 Sny twee of drie diep kepe in elke stuk hoender, vryf oraloor met die speserye en braai in die olyfolie tot alkant goudbruin en halfgaar. 2 Voeg die rys by en roerbraai vir 3 minute tot die ryskorrels met geurige olie bedek is. Roer die tamaties en bone by. Spoel die tamatieblik met kookwater uit en voeg dit ook by die pan. 3 Bring alles tot kookpunt, verlaag die hitte totdat…

WENBRIEF Vrystaat! Elize West van Hennenman skryf Nadat ek en my man 40 jaar terug ons eerste huis in Hennenman gekoop het, maar later Kaap toe getrek het, het ons besluit om weer vir ons ’n huisie in die Vrystaat te koop. Nou probeer ons iets opbouends op die dorp doen. Ondanks stukkende paaie en ’n bankrot munisipaliteit maak ons dit die lekkerste tuiste. Ons het ’n ou huis gekoop en dit opgeknap deur te gebruik wat beskikbaar was; ons koop meubels en gebruiksgoed tweedehands en gee dit nuwe betekenis. Verder hou ons elke maand ’n mark in ons tuin: Edna’s Market, vernoem na my ma, wat mal was oor die dorp en sy mense. Kasstories Leandri Bosch van die Paarl skryf My gunsteling-meubels is daardie stukke wat stories…

WIE WOON HIER? Kim en Brendan BlackWAAR Kommetjie, Kaapse SkiereilandGROOTTE 450 m2 Wanneer jy die fraai stranddorp Kommetjie binnery, heet vlierplankryers jou welkom op die horison. Dié kuslyn is immers ’n wêreldbekende branderrykol. En sedert Kim Black en haar gesin in 2021 van die nabygeleë Vishoek hierheen getrek het, soek Brendan en hul seun Adam gereeld Langstrand se branders op. Vir Kim, ’n kunstenaar wat hul huis in die Klein Slangkoplandgoed beskryf as ’n gesinshuis waar haar volwasse kinders, Adam (28), Isabella (25) en Olivia (21) elke naweek kom kuier, is die natuur en inheemse fynbos ’n groot inspirasie. Hiervan getuig haar heldergroen voordeur (sien bl. 19). Die verfkleur, wat sy spesiaal by Paint & Décor laat meng het, heet heel gepas Kim’s Green. “Ek is dol oor die natuur,…

E-pos jou vrae na kenners@tuis.co.za. VRA OP FACEBOOK Het jy ’n dringende vraag wat net nie kan wag nie? Vra sommer op Facebook, en onthou om ’n foto in te sluit sodat die span, kundiges en ander lesers kan help. Spuitverf, ’n puik alternatief Natasha Faber van Pretoria skryf My kombuis se uitleg werk perfek en die melamienkaste is nog in ’n goeie toestand. Al wat pla, is die rooi kersiehoutvoorkoms (my slaapkamerkaste het dieselfde afwerking). Ek verneem dat melamienkaste professioneel gespuitverf kan word. Het julle meer inligting hieroor? Louise Curtis van Colour Wheel Spray Works & Cabinetry antwoord As jy tevrede is met die ontwerp en uitleg van jou kombuis en nie kans sien vir die koste en ongerief wat dit gaan meebring om nuwe kaste in te…

WINKELS TOE VERSKAFFERS Babylonstoren babylonstoren.com Block & Chisel blockandchisel.co.za Creative Cables creative-cables.co.za Hadeco hadecobulbs.com Incanda incanda.co.za Mr Price Home mrphome.com PEP Home pepstores.com Plantify plantify.co.za Room Service Homeware roomservicehomeware.co.za Yuppiechef yuppiechef.com…

Aartappel-maalvleisrol Weergawes van dié formidabele aartappelrol is die internet vol – me alles van lensiebredie tot spek en eiers in die bros aartappellagie opgerol. Die oorspronklike Tasty.co-video het ons weergawe geïnspireer. (Sien stap-vir-stap-foto’s op bl. 110) Maak 6 skywe • Voorbereiding: 50 minute Gaarmaaktyd: 45 minute • Oondtemperatuur: 180 °C • olyfolie vir smeer en vlakbraai • sowat 200 ml gerasperde parmesaankaas • 6 aartappels, geskil en in 2 mm-skyfies gesny • 15 ml olyfolie • 1 klein ui, gekap • 500 g maalvleis • 5 ml braaivleisspeserye (kies jou gunsteling) • 1 blik (400 g) gekapte tamaties • ’n groot hand vol babaspinasieblare, geblansjeer • 300 g ricottakaas • rooipeper, vars vinkelblare en gerasperde suurlemoenskil na smaak • 2 eiervrugte, in skyfies gesny en gaar gerooster • ’n strooisel…

PASMAATS UIT DIE PARADYS Die eerste boetiekstokery in Johannesburg, Time Anchor Distillery, maak ’n reeks outentieke boetiekjenewers, -whiskeys, -rums en -likeurs in klein hoeveelhede. Hul proekamer by die stokery in Maboneng bied verskeie ervarings, onder meer ’n toer wat jou wys hoe die hele proses werk – en jy kry die kans om hul Mirari-jenewer saam met handgemaakte sjokolade te proe. Dis ’n fees vir die sintuie! Bespreek vroegtydig vir dié gewilde sessies by timeanchor.co.za. PROE DIE SAMESYN As jy dikwels op ’n weeksaand wonder watter voedsame maal jy vinnig vir jou mense kan aanmekaarslaan, kyk bietjie na Feed My Tribe (R360, Penguin Random House) deur Mmule Setati. Hierdie formidabele sosialemedia-persoonlikheid was van jongs af na aan haar familie-envriendekring – en die beste manier om haar liefde te bewys, was…

Swart en wit Nico Venter, ’n stadsontwerper, en Christo Vermeulen, ’n tekstielontwerper wat deesdae bou en opknap, het die vernuwing van hul huis in Parkhurst saam ontwerp, waarna Christo die bouwerk gedoen het. Hul belangstelling in argitektuur – dié van hul eie huis en Johannesburg in die algemeen – het hul keuses geïnspireer. Die twee was in hul noppies toe hulle besef dat hul huis, wat op ’n effense hoogte gebou is, ’n uitsig oor ’n lae vallei bied op die Brixton-toring, een van die stad se bakens. Dit was reg in lyn met die opening tussen hul huis en die enkelmotorhuis langsaan. Hulle het besef as hulle die voorhek reg posisioneer, hulle die toring selfs van die onderpunt van hul tuin af sou sien. “Ons het toe sekere elemente…

LESERHUIS WIE WOON HIER? Amy Jephta en haar lewensmaat, Sanjin Muftic, en hulle katte Mochi en ChiappiniWAAR Bo-Kaap, Kaapse middestadGROOTTE 228 m2, grondoppervlak 114 m2 ’n Bo-Kapenaar kyk my agterdogtig aan toe ek Tuis se paneelwa op ’n gesellige keisteenplein met kleurryke erfenishuise alkante parkeer. “Waar gaan jy?” sê-vra hy ferm. Parkeerplek is ’n kosbare kommoditeit in die middestad se woonbuurte, maar min weet die man ek het die regte wagwoord. “Amy Jephta,” is al wat dit verg dat sy agterdog plek maak vir ’n glimlag en hy vir my die pad na ’n sonskyngeel voordeur aanwys. Maar dit was nie net hierdie gemeenskapsgees wat die rolprentvervaardiger, dramaturg en draaiboekskrywer na die gesellige buurt gelok het nie. Vir Amy was dit ’n tuiskoms. “Vanweë my familiegeskiedenis het ek altyd geweet…

Noudat beurtkrag klaarblyklik vir die afsienbare toekoms deel van ons lewe gaan wees, het die meeste van ons nou al ’n magdom lampe en ander noodsaaklike katoeters aangeskaf wat telkens herlaai moet word sodra die krag weer aangaan. Om tred te hou met al die verskillende laaikabels vir elke lamp of toestel – en die spul te bêre – dra net by tot ons beurtkragellendes. Maak jou lewe makliker deur elke ding op sy plek en netjies weggepak te hou in geskikte houers. 1 Maak ’n rak in ’n linne- of kombuiskas leeg en rig dit in as laaistasie. Installeer ’n veelprop-passtuk teen die rugkant van die kas. Sorg dat dit hoog genoeg is dat jy dit te alle tye kan bereik. Voeg ’n klein USB-veelpoort-laaistasie bo die passtuk by…

RAAD E-pos jou vrae na troeteldiere@tuis.co.za. Warm kopie Ons hou baie van die vars reuk van Earthsap Pet Stain and Odour Removal (vanaf R80, verskeie handelaars). Dit bevat geen kunsmatige geur- of sintetiese kleurmiddels nie, en jy kan dit direk op ’n troeteldier se beddegoed, op katsand en in hokke spuit. Laat net die items droog word voor jou dier dit weer gebruik. Besoek earthsap.co.za vir besonderhede. WEN! Die eienaars van die diere op die foto’s wen elk ’n R500-koopbewys van PetShop Science (petshopscience.co.za). Dié aanlyn winkel hou alles aan wat troeteldiereienaars moet of wíl hê: van kos tot bykomstighede en tandsorgprodukte. Slaan jou troeteldier se asem joune weg? Dis nie iets wat ’n mens moet ignoreer nie, want dit kan ’n teken van tandsiektes wees wat chroniese pyn kan…

Hoekom twee verskillende soorte deeg gebruik? Bros- en skilferdeeg word dikwels gekombineer vir pasteie. Die brosdeeg is perfek om die pasteibak mee uit te voer aangesien dit sterker is as skilferdeeg en dun uitgerol kan word vir ’n bros onderkant, sonder dat die delikate lae saamgepers word. Die botterige skilferlaag bo-oor rond jou skepping op sy beurt af met ’n ragfyn blaartjiedop as apploustrekker. Maak 12 handpasteitjies Voorbereiding: 3 uur • Baktyd: vulsel 2 uur; pasteie 25 minute • Oondtemperatuur: 180 °C • 400 g blaardeeg, ontdooi • ’n bietjie geklitste eier VULSEL • olyfolie vir vlakbraai• 1 groot ui, gekap• 2 groot wortels, gekap• 2 selderystingels, gekap• 2 knoffelhuisies, gekap• 800 g beesvleisblokkies (sien wenk)• 45 ml meel• sout na smaak• 30 ml tamatiepasta• 10 ml gemengde peperkorrels• 250…

My ousus bel om te vertel van iets wat sy oor die radio gehoor het. “Ja?” sê ek opgeruimd en soek ’n diep stoel. Want hier kom ’n lekker kuier. “Raait,” begin sy. “Um ... ja ... dis ... Verdomp, daar’s dit skielik weg,” sê sy ontsteld. “Kan jy dít nou oorvertel! Dit was iets wat ek self nie geweet het nie. Maar ek het geweet dit sal jou interesseer.” “Koning Charles is ’n fopdosser? Cyril-innie-mirrel het ’n ruggraat?” “Nee, man! Nou gaan ek glád nie onthou nie!” “Ag wat,” sê ek, “jy bel dus net om te sê daar was iets wat jy nie geweet het nie. Toe weet jy dit. En nou weet jy dit nie meer nie. Full circle. En nou weet ek ook dat daar iets…