Indholdsfortegnelse for Tuis Kortpadkos 5 i Tuis

Jare gelede, voor ’n eindelose musiekbiblioteek op die internet beskikbaar was, was my man, Allister, die meester van die “mixed tape”. Hy sou elke liedjie met groot sorg uitsoek en dit opneem, en my dan oorrompel met sy fyn aangepaste speellys wat telkens net die regte luim vir die okkasie opgetower het. Ek, aan die ander kant, kon nog nooit so ’n speellys saamstel nie. My sterk punt lê eerder in die saamstel van die beste-este resepte ooit. Hierdie uitgawe van Kortpadkos (wat ook ’n paar “stadige” nommers insluit, net vir balans) is ’n liefdestaak op ’n ander deuntjie – nes die perfekte speellys sorgvuldig uitgesoek vir min moeite en groot genot. Die gemengde dienborde is gul en prettig, perfek vir onthaal, terwyl die brood en pasteie pure plesier is.…

BIEF-EN-SALAMI-KAASBURGERS ’n Skeppie soet tamatieblatjang maak dié outjies nog lekkerder! Genoeg vir 4 • Voorbereiding: 20 minute • Gaarmaaktyd: 8 minute • 600 g beesmaalvleis• 100 g salamiskyfies, fyngekap• 125 ml droë broodkrummels (ons het panko gebruik)• 60 ml fyngerasperde parmesaankaas• ’n paar takkies vars origanum, blaartjies gestroop• 1 eier• 45 ml grofgemaalde swartpeper (opsioneel)• olyfolie vir vlakbraai• 4 skyfies cheddarkaas• 4 groot sesam- of brioche-rolletjies, gerooster• mayonnaise, vars tamatieskyfies, blaarslaai, agurkieskyfies en tamatieblatjang om voor te sit 1 Meng die maalvleis, salami, broodkrummels, parmesaan, origanum en eier. Geur die mengsel liggies met sout (onthou, die salami en parmesaan is reeds sout) en vorm dit in 4 ewe groot vleiskoekies net groter as jou broodjies. Rol die rand van elke vleiskoekie in die grofgemaalde peper – maak seker dit sit…

SAMPIOENBURGERS MET HALLOUMI, KARAMEL-UIE EN AVOKADO Gekaramelliseerde uie neem lank en is ’n liefdestaak wat ’n haastige mens liewer nie moet aanpak nie! Skink ’n glas wyn en geniet die heerlike aromas terwyl jou uie stadig braai. Maak 4 burgers • Voorbereiding: 45 minute • Gaarmaaktyd: 1 uur • 30 ml olyfolie• 8 groot bruin sampioene• 8 gemarineerde sondroë tamaties (sien kassie)• 4 dik skywe (sirkels of vierkante) halloumi• ’n hand vol babaspinasie• 1 eiervrug, in dun skyfies gesny en gaar gebraai• 1 ryp avokado, geskil en in skyfies gesny (besprinkel met suurlemoensap)• ’n paar basilieblare as garnering KARAMEL-UIE • 3 wit uie, geskil en dungesny• 30 ml olyfolie• 5 ml ligbruinsuiker• ’n klont botter• 15 ml balsemiekasyn 1 Karamelliseer die uie Skep die uie by 250 ml kookwater in…

ANTIPASTI-PROEBORD Antipasto is tradisioneel die eerste gang in ’n formele Italiaanse maal, maar antipasti (meervoud) word ook wyd voorgesit as kuierkos. Dit kan so eenvoudig wees soos ’n bakkie olywe, of so rojaal soos dié proebord. Hier is drie idees: 1 Kouevleis is altyd ’n wenner. Hou die opdiening interessant en maak salami-rosies. Gebruik ’n sopieglas en vou die eerste salamiskyfie halflyf oor die glas se rand. Laat die volgende skyfie die eerste een effens oorvleuel en voeg nog “blare” by totdat die roos mooi vol is. Keer versigtig uit op die palm van jou hand; herhaal en maak soveel blomme soos jy wil. Gebruik verskillende geure en kleure salami en ander kouevleissoorte. Jy kan skyfies gerookte ham met ’n koekiedrukker in sirkels sny vir kleuren geurvariasie in jou “blomtuin”.…

GEELRYS MET STEURGARNALE Hierdie vinnige ete is luuks en maak ’n heerlike bederfmaal. Dit is my weergawe van Fatima Sydow se garnaal-akhni uit haar boek Kaap, Kerrie en Koesisters, geskryf saam met Gadija Sydow Noordien. Op ’n weeksaand vervang ek die seekos met minihoenderfilette, want die rys is vir my die ster van die gereg. Genoeg vir 4Voorbereiding: 35 minuteGaarmaaktyd: 25 minute • 30 ml olyfolie• 1 ui, gekap• 1 rooi soetrissie, gekap• 1 geel soetrissie, gekap• 1 rooi brandrissie (of na smaak), gekap• 3 kardemompeule, gekneus• 1 kaneelstokkie• 5 ml komynsaad• 5 ml gekapte vars knoffel• 5 ml gerasperde vars gemmer• 10 ml paprika• 15 ml seekosmasala (of matige kerriepoeier)• ’n vars lourierblaar• 5 ml borrie• 250 ml basmatirys• 800 g oopgevlekte steurgarnele, dop aan, derm verwyder• sowat 30…

SJOKOLADEKAASKOEK Gebruik melk- of donkersjokolade vir dié indrukwekkende, ryk kaaskoek. Onthou net hoe soeter die sjokolade, hoe soeter die koek. Sit dit voor in dun skyfies. Genoeg vir 1 x 30 cm-kaaskoekVoorbereiding: 20 minute, plus 1 uur in die yskas • 3 x 180 g-pakkies Oreo-koekies VULSEL • 3 x 210 g-houertjies mediumvetroomkaas• 125 ml versiersuiker, gesif• 30 ml kakao, gesif• 5 ml vanieljegeursel• 2 plakke (80 g elk) sjokolade, gesmelt • 250 ml room, geklits tot styf GARNERING • 1 plak (80 g) donkersjokolade• ’n paar ekstra koekies, gekrummel 1 Berei die vulsel deur die roomkaas, suiker, kakao, vanielje en sjokolade saam te klits tot net glad. Vou of klits laaste die room by tot net gemeng. 2 As jy ’n 30 cm-koekpan het, kan jy die kaaskoek daarin…

Stap vir stap CHAKALAKA-BROODKRANS Al lyk dié skepping alte indrukwekkend, is dit eintlik verspot maklik. Genoeg vir 1 groot krans • Voorbereiding: 15 minute Baktyd: sowat 40 minute • Oondtemperatuur: 180 °C • 650 g bereide brooddeeg• 1 blik (400 g) matige chakalaka• 250 ml gerasperde cheddarkaas• vars basilie, koljander en botter, om voor te sit 1 Rol die deeg uit op ’n meelbestrooide oppervlak tot ’n groot reghoek van 30 x 40 cm. Ek werk graag op bakpapier sodat ek die klaar gevormde brood met behulp van die papier tot op die bakplaat kan skuif. Smeer die chakalaka eweredig oor die oppervlak van die deeg en strooi die kaas ook oor. 2 Rol nou die deeg van een lang sy af op soos ’n dun rolkoek. 3 Sny met…

HOENDER MET TUISGEMAAKTE JALAPEÑO-SOUS Dié rissiesous is baksous sowel as bykos. Dis heerlik geurig, eerder as skelwarm – proe self. Genoeg vir 6 • Voorbereiding: 40 minuteGaarmaaktyd: 1 uur en 20 minuteOondtemperatuur: 180 °C • 6 hoenderkwarte• 1 blik (400 ml) klapperroom• gestoomde rys vir voorsit• vars koljander en lemmetjiesap (opsioneel) JALAPEÑO-SOUS • 10 ml olyfolie• 1 klein ui, gekap• 3 knoffelhuisies, heel• 10 mediumgroot jalapeño-rissies, grofgekap• 180 ml wit asyn• 125 ml kookwater• 30 ml suurlemoensap• 3 ml sout• 5 ml gedroogde origanum• 10 ml suiker• 2 ml komynsaad• 3 ml swartpeper• 30 ml gekapte vars koljander en ’n skeut lemmetjiesap (opsioneel) 1 Maak die sous Verhit die olie en braai die ui en die knoffel saam tot glansend. Voeg die res van die sousbestanddele, behalwe die vars koljander,…