Indholdsfortegnelse for Tuis Werf 2025 i Tuis

WIE WOON HIER? Dillon Buirski en sy skaaphond, JacksonWAAR Kaap St. Francis, Oos-KaapGROOTTE VAN EIENDOM 1 200 m² SAGTER TEKSTUUR Die huis se siersteenmure het ’n nuwe baadjie gekry: Eers is dit gesaksmeer, daarna geverf. Die saksmeer het die siersteentekstuur help behou, wat noodsaaklik was vir die gewenste styl. Vir die verfafronding buite het Dillon by Matt Macleod van Kleur Space (sien bl. 31) gaan aanklop. Matt het Sabre High Build Wallcoat aanbeveel in ’n romerige kleur, Gently Worn, uit hul Kleur Collection. Die argitektuurontwerper Nicola Hecht het ’n sierrand rondom die stapelvenster in die kombuis bygevoeg as dienluik. “Dis perfek vir onthaal en nooi die buiteareas binnetoe,” sê Nicola. Dié rand is gladgepleister, in teenstelling met die gesaksmeerde mure. Dagbeddens van Coricraft; strooikussings en handdoeke van Mungo Ofskoon die…

WIE WOON HIER? Alison en Chris ReynoldsWAAR Napier, OverbergERFGROOTTE 1 331 m2OUDERDOM VAN TUIN 5 jaarGRONDTIPE Klip en skalie In September 2020, toe Alison en haar man, Chris, die eerste keer na die Napier-kothuis gaan kyk het wat nou hul naweekplek is, het Alison se oë oor ’n uitgestrekte weiveld gedwaal. “Buiten twee immergroen bome, ’n klompie rooi aalwyne en sewe bladwisselende bome wat al langs die stoep groei, was hier geen sprake van ’n tuin nie. Dit het my gepas, want ek kon iets skep waarvan ek regtig hou,” verduidelik sy. Die eerste stap was om die onkruid, kanola en oortollige klippe uit die grond te kry. “Om ’n nuwe tuin in hierdie omgewing te skep is beslis nie vir sissies nie. Ek was met afgryse vervul oor die…

WIE WOON HIER? Estelle HesterWAAR Stormsrivier, Oos-KaapGROOTTE 4 000 m² OUDERDOM VAN TUIN 20 jaarGRONDTIPE Swart, effens kleierig, maar dreineer goed Die Tsitsikamma-streek op die Tuinroete in die Oos-Kaap is sekerlik enige tuinier se droom: Met ’n gemiddelde reënval van sowat 100 mm elke maand hoef jy byna nooit nat te lei nie. Estelle Hester het 24 jaar gelede haar hart op die dorp Stormsrivier verloor toe sy voel die stadslewe maak haar benoud. “Ek het eers drie jaar op ’n plaas buite die dorp gebly en verlief geraak op die koel woude wat mens so ’n magiese gevoel van kalmte gee,” vertel Estelle. In 2005 het sy Stormsrivier haar permanente tuiste gemaak nadat sy ’n ongerepte erf van 4 000 m² sowat 1 km van die sakekern af gekoop…

WIE WOON HIER? Craig Olckers en sy Bostonse terriërs, Jackson en AriaWAAR Bo-Wynberg, Kaapstad GROOTTE 125 m2 (huis en losstaande kothuis) PERFEKTE KOMBINASIE “Dit het lank geneem voor ek die regte teëls en afwerkings gekry het. Op die oomblik is ek dol op ’n kombinasie van blospienk, terracotta en olyfgroen,” sê Craig. SKINK BUITE! As bobaas-onthaler wou Craig graag ’n klein kombuis buite hê. Vir eenvormigheid is die spitsdakkie van nywerheidsgraad-laaghout links van die braaikaggel ook aan die ander kant herhaal. Die laaghout is behandel met ’n dubbele laag mariene verseëlaar, Eco Rubber en ’n bolaag. Homey Cotto-teëls vir spatpaneel van Tilespace; Verde Guatemalamarmerblad van Continua; Rose Art-wasbak en Neo Brass High-mengkraan van Cape Plumbing & Bathroom Supplies; stoele en tafel van Chair Crazy My vriende sal vir jou sê…

WIE WOON HIER? Theuns en Lindré van Rensburg en hul dogter, KarliWAAR PretoriaGROOTTE 35 m² Die buitebraai met sy hortjies-afdak was vir Theuns en Lindré van Rensburg só ’n geweldige seeroog dat hulle amper nie die huis wou koop nie. “Dit was die eerste ding waarin jy vasgekyk het van die voordeur af en dit het die uitsig op die tuin vanuit die leefkamer belemmer. Die ruimte het net geen atmosfeer of aantrekkingskrag gehad nie,” vertel Theuns. “Boonop sou ons later uitvind dit lek geweldig in die reënerige somermaande.” Hoewel die buitebraai hulle moedeloos gehad het, het hulle tog van die idee van ’n hortjiesdak gehou omdat dit heerlike lig deurlaat in die winter en nie die huis binne donker laat voel het nie. Die Van Rensburgs het die hulp…

WIE WOON HIER? Joni-Leigh Doran en Adam Cruise, twee perde en ’n paar katteWAAR McGregor, Wes-Kaap Voordele van ’n natuurlike swembad • Geen chemikalieë word gebruik nie, daarom is die water veilig vir troeteldiere, insekte, voëls en ander natuurlewe. • Dit verg die minimum onderhoud. • ’n Borrelpomp gebruik minder elektrisiteit as ’n gewone swembadpomp. McGregor se klimaat word gekenmerk deur uiterstes, en in die somer styg die kwik maklik tot 35 °C. Dit was een van die redes waarom Joni-Leigh Doran besluit het ’n swembad waarin sy en haar lewensmaat, Adam Cruise, kan afkoel, is onontbeerlik. Maar as kunstenaar wat glo dat die mens in harmonie met die natuur moet leef, wou sy ’n swemplek hê wat op ’n natuurlike manier by die landskap inskakel. Nadat sy ’n natuurlike…

WIE WOON HIER? Simon en Toni RimellWAAR High Riding Country Estate, in die dorp Sir Lowry’s PassGROOTTE 1 hektaarOUDERDOM VAN TUIN 22 jaarGRONDTIPE Hoofsaaklik kleigrond Op ’n stuk grond vervuil van indringers soos Port Jacksons en bloekombome het Simon en Toni Rimell 22 jaar gelede begin tuinmaak. “High Riding Country Estate was ’n nuwe ontwikkeling. Ons moes huis bou en ’n tuin aanlê, alles van voor af. Die grond is met ’n stootskraper skoongemaak sodat ons die eerste deel van die huis kon bou. Dit was al wat ons destyds kon bekostig,” vertel Simon. “Daarna het ons begin tuinmaak – eers die deel naaste aan die huis en met verloop van tyd ook verder weg.” Die Rimells het geen meesterplan vir hul tuin geteken nie, maar dit stuk-stuk aangepak. “Ons…

KENILWORTH, KAAPSTAD STELLENBERG Groot grasperke, ou akkerbome waaronder krismisrose gedy en gemengde beddings gee dié ikoniese tuin ’n betowerende karakter. Tydens die ontwikkeling is verskillende tuine binne-in die groot tuin geskep, met paadjies en stegies wat die dele met mekaar verbind. Gaan kyk na die welbekende wit tuin, die parterre, die groentetuin, die kruietuin, die wilde tuin, die ommuurde tuin en nog vele meer. Ou tuinornamente en beelde, asook moderne beeldhouwerke word op ’n baie subtiele manier gebruik en gee ’n interessante element aan die tuin. BESOEKTYD Volgens afspraak, Maandag tot Vrydag van 09:30 tot 17:00 (laaste toer begin om 15:00). Geen besoeke oor naweke of op vakansiedae nie. Die tuin is van 30 April tot 1 Oktober gesluit vir sy winterslaap. Begeleide toere kan gereël word (e-pos stellenberggardens@ovenstones.co.za). TOEGANG…

WAAR Northcliff, JohannesburgGROOTTE 3 166 m² (eiendom); 52 m2 (onthaalarea) Terwyl die eienaars van hierdie eiendom saam met die argitek Karin Harcus-Harrison van Origin & James Architecture and Design besig was met opknapwerk aan hul bekoorlike ou plaashuis, het hulle ook met nuwe oë na hul tuin en swembad uit die sewentigerjare gekyk. “Die swembad was een van dié waarna destyds as ’n ‘resort-style pool’ verwys is,” verduidelik die eienaars. “Dit was ’n dubbelswembad met ’n dieper deel by die verste ent en ’n vlakker kinderpoel met ’n klipstruktuur en eiland nader aan die huis. Die seuns was mal daaroor toe hulle klein was.” Maar die ouers het mettertyd besef dat so ’n groot swembad verskeie nadele inhou. “Swembad-ontwerpe en veiligheidsregulasies het deur die jare verander, en dit sou moeilik…

WIE WOON HIER? Roné en Harold VersterWAAR BloemfonteinGROOTTE 9 m² Met drie vrolike, spelende kinders in die huis het aanlynvergaderings en werk-vandie-huis-af net té oorweldigend vir Harold Verster begin raak. Hy moes dringend kyk na opsies buite die huis. In die tuin was ’n verwaarloosde sinkgeboutjie wat as bêreplek vir gereedskap en boumateriaal gedien het. “Ons het destyds die panele by Builders gekoop en dit self opgerig. Ná agt jaar was dit vervalle en niemand wou meer daar kom nie,” vertel Roné. “Maar toe ons die plek begin opruim, het ons besef die ruimte van 3 x 3 m kan die ideale tuiskantoor wees.” Danksy Harold se kwalifikasie in bourekeningkunde en ervaring as projekbestuurder by ’n ontwikkelaar, kon hy die projek met gemak self aanpak. DIE GRONDWERK Eers is ’n…

1 Sorg vir meer skadu “Een van die doeltreffendste maniere om warm, droë tuine te omskep in koel, beskutte ruimtes wat vog behou en plante beskerm, is deur meer bome te plant. Veral noudat temperature oor die hele planeet besig is om te styg,” sê die landskapontwerper Neville Orsmond van Create a Landscape. “Dít is egter ’n langtermynprojek.” Plant bladwisselende of semi-bladwisselende bome wat die son in die somer filtreer maar in die wintermaande deurlaat. “Bome wat goed werk, sluit die bosvaderlandswilg (Combretum kraussii), laventelboom (Heteropyxis natalensis) en witstinkhout (Celtis africana) in,” sê Neville. “Vir skadu en privaatheid dwarsdeur die jaar kan jy olienhout (Olea europaea subsp. africana), Henkel-segeelhout (Podocarpus henkelii) en wildepruim (Harpephyllum caffrum) – almal immergroen – oorweeg.” 2 Maak jou grasperk kleiner Hoewel grasperke ’n gevoel van weelde…

WIE WOON HIER? Helen en Roy Cannon WAAR Westville, KwaZulu-Natal GROOTTE ± 5 000 m² OUDERDOM VAN TUIN 29 jaar GRONDTIPE Ryk leemgrond Al was daar op die erf net dorstige dennebome en ’n baie ou huis in ’n nabootsing van die Tudor-styl – en geen inrit of tuin nie – het Helen en Roy Cannon 29 jaar gelede hul hart op dié eiendom verloor. “Ons was verlief op die hoë kranse waar ’n ongerepte oewerwoud die Palmietrivier wat deur die erf loop, omraam. Verder was dit maar ’n deurmekaarspul. Ons het van soveel van die dennebome as wat ons kon, ontslae geraak. Daarna het ons ’n stootskraper gehuur om ’n nuwe inrit te maak en die tuin se vlakke gelyk te kry,” vertel Helen. “Aanvanklik was dit baie harde…