Indholdsfortegnelse for February 2016 i Tuis

Ek skat ’n ma (of as Pa die kosmaker in die huis is) ken presies die prys van ’n brood, en ’n 2-liter-bottel melk. ’n Kranige tuinier sal jou sekerlik gou kan vertel wat ’n sak potgrond kos. En as jy ’n huisopknapper is, weet jy seker wat ’n sak sement jou uit die sak kan jaag, of ’n baksteen … Maar skryf tien alledaagse huishoudelike artikels se name neer op papier en laat tien mense rondom jou raai wat daardie bottel skottelgoedseep kos, of die pak suiker, of die honde se kos, en iewers gaan iemand se oog begin spring van spanning, en iemand anders dalk afsien van die tweede lepel suiker in hul oggendkoffie. Hoe ook al, min mense gaan vir jou presies kan vertel wat als kos.…

Hou dop! BESIGHEID Malcolm Bowling Art WIE Malcolm Bowling WAAR Hermanus SY WERK Die kunstenaar en fotograaf Malcolm Bowling is al jare lank geboei deur voëls. “Ek wil graag die voëls se liggaamshouding, karakter en temperament vasvang. Ek glo die aandagtige stilte wat nodig is om ’n voël dop te hou behoort genoeg te wees om ’n bietjie nederigheid by die mensdom in te boesem.” Malcolm se reeks potloodsketse en digitale kleursketse, insluitend sy voëls, is nou as afdrukke beskikbaar – in die oorspronklike lynsketse of, as jy iets unieks soek, digitaal gekleurde afdrukke. Hy het ’n ateljee en galery in Hermanus waar hy ook pragtige houtbeelde deur Boniface Chikwenhere en keramiekware deur Richard Pullen uitstal; Richard het die Ceramics Eastern Cape 2015 Award for Excellence gewen. Jy sal hom…

1 {Opknappers van die jaar!} Terence en Noelene Botha Sien hul huis op bladsy 18. 2 {Tweede plek} Charles Raubenheimer en Sharon McNally Sien hul solderwoonstel op bladsy 30. 3 {Derde plek} Arno en Elzaan de Wit Sien hul badkamer op bladsy 36. Ook in die topvyf Anton en Julie Oosthuizen Sien hul projek in ons Maart-uitgawe. Ook in die topvyf Oostewald Bekker en Yolanda Cilliers Sien hul projek in ons April-uitgawe. Die wenners kry geskenkbewyse van R30 000 van ons trotse borg, Pennypinchers Timbercity.…

“Ons woon sedert 2005 in Houtbaai, tussen sprokiesagtige bome. Ons 30 jaar oue huis is ruim, oop en sonnig, en oor die jare het ons stelselmatig een vertrek ná die ander reggeruk – behalwe die hoofslaapkamer se badkamer. ‘Ons Groot Geheim’, is hoe my man, Werner, na ons en suite-badkamer verwys het. Want hier is niemand ooit toegelaat nie. Die voorkoms was so reg uit die jare tagtig, maar nuut maak was nie nou moontlik nie. Die ruimte, wat ’n instapkas insluit, is net oor die 60 vierkante meter groot, wat ’n baie duur projek sou beteken. Ons enigste uitweg was ’n ekonomiese ontrimpeling, tydelike verligting vir moeë oë. Die ietwat doring-in-die-vlees-liggeel van die bad en wasbak het die planne beïnvloed, want dit moes bly. Wit mure sou die geel…

PROJEKGIDS Harde werk 5/10 Vaardigheidsvlak 5/10 Tyd nodig ± 2 dae Bou dit self vir sowat R1 650: stene R600, sand R550, klip R260, sement R240 (vir ’n groot vuurput van 1,8 m in deursnee) Projeknotas • Sodra jy die grootte van jou braai bepaal het, laat ’n bouhandelaar soos Pennypinchers ’n kosteberekening doen en presies uitwerk hoeveel materiaal jy nodig het. • As jy nie self die dagha of die beton wil meng nie, koop ’n klaar mengsel soos Ready Mix en voeg net water by volgens die aanwysings op die verpakking. • Vermy rivierklip vir bouwerk – dit kraak makliker. • Jy kan ’n bindvloeistof (kyk uit vir Dulux of Plascon Bonding Liquid) by die sementmengsel voeg as jy nie ’n ervare bouer is nie en wil seker…

My gunstelingseisoen is die lente, want dan is my tuin op sy mooiste. Die asaleas en rododendrons blom en die plante loop groen uit ná die winter. – Tharina Wie woon hier? Tharina Greyling en haar man, Corneels WAAR Wakkerstroom, Mpumalanga Ek hou van spesiale hoekies en draaitjies in ’n tuin wat ’n verrassingselement inhou. – Tharina Meer oor Tharina “My liefde vir tuinmaak kom van my twee ma’s af,” vertel sy. “Ek het op ’n plaas met ’n groot tuin grootgeword en dit het my altyd opgeval dat my ma al die plantname ken. By die kwekery het sy presies geweet wat om te koop. Op Mooibank is my skoonma my inspirasie. Sy het immers die tuin van niks af ontwikkel. Op die hoëveld van Mpumalanga, in die Wakkerstroom-distrik,…

1 Is boorgatwater veilig vir menslike verbruik? Die meeste boorgatwater is veilig vir mens en dier, maar ’n gehaltetoets is noodsaaklik voor jy dit drink of vir besproeiing gebruik. Nader ’n chemiese laboratorium soos die Wetenskaplike en Nywerheidsnavorsingsraad (wnnr.co.za), Aquitico (aquitico.co.za) of Waterlab (waterlab.co.za). Die toets kos sowat R2800 en neem 10–14 dae; gebruik ’n gesteriliseerde houer of een wat die laboratorium verskaf. Onthou Die meeste diep grondwater het die aarde honderde of selfs duisende jare gelede binnegedring, voor daar enige mensgemaakte chemikalieë was. Daarom is boorgatwater nie so blootgestel aan besoedeling, besmetting en siektes soos die bronne waar munisipaliteite gewoonlik hul water kry nie. 2 Hoeveel kos dit? Tipiese koste vir ’n deursnee-huis wissel tussen R35 000 en R100 000, afhangend van hoe diep daar geboor moet word, die…

1 Plant ’n kruie-teetuin ’n Teetuin kan in ’n sonnige hoekie in die tuin, tussen plaveistene, in verhewe beddings, in potte, of selfs in die vorm van ’n teepot wees. Die meeste kruie vra son en goedgedreineerde grond. Soos met alle kostuine moet daar geen plaag- of onkruiddoders gebruik word nie. Maak ’n verfrissende warm of ystee met die blare van dié kruie: • Laventel ( Lavandula angustifolia ) Aromatiese grys-groen blare met pers blomme. • Suurlemoentiemie (Thymus citriodorus ‘Aureus’) ’n Laaggroeiende plant met klein heldergroen en -geel blare wat as grondbedekker of in ’n randakker gebruik word. • Suurlemoenbalsem (Melissa officinalis) Versprei maklik. Die blomme lok bye; blare het ’n suurlemoengeur. • Suurlemoenverbena (Aloysia citriodora) Houtagtige stele en smal groen blare met ’n suurlemoenskilgeur. Het beskutting in…

V: Ek het al swart rose op sosiale media gesien. Waar kan ek dit kry? Daar is nie regte swart roosvariëteite nie – wat jy op Facebook sien, is met Photoshop gedoen. Daar is wel variëteite wat ’n mooi swart blomknop het en dieprooi is wanneer dit oopgaan; namate die blomblare ouer raak, raak dit donkerder. Dié variëteite is ‘Black Berry’, ‘Black Magic’, ‘Black Madonna’, ‘Black Pearl’ en ‘Black Baccara’. V: Ek het ’n aantal rose op verskillende plekke in die tuin geplant, maar ná twee maande raak die stele swart en vrek die plant. Wat is die oorsaak? Wanneer stele swart word soos jy beskryf, is dit ’n aanduiding dat die rose hopeloos te veel bemes is voor hulle gevestig geraak het. Wanneer jy nuwe rose plant, is dit…

Bolognaise-patat Onder R95 • Genoeg vir 4 • Bereidingstyd: 20 minute Gaarmaaktyd: sowat 40 minute • 4 repe spek, gekap• 15 ml olie• 250 g sampioene, gekap• 500 g maalvleis• 1 blik (410 g) gekapte tamaties• 30 ml basiliepesto• 4 middelslag-patats, gehalveer en gaar gekook• sowat 125 ml fyngerasperde parmesaankaas 1 Braai die spek bros in die olie. Voeg die sampioene by en braai tot bruin. Voeg die maalvleis by en braai tot bruin (breek die vleis deurgaans met ’n spaan op). Geur mildelik met sout en peper. Roer die tamaties by en kook vir 5 minute. Roer die pesto by. 2 Rangskik die patathelftes in ’n oondbak en skep ’n lepel van die vlees uit elkeen (meng dit met die bolognaise of skep dit onderin die oondbak). Vul die patats nou met die bolognaisemengsel en sprinkel die kaas…

Wees my Valentyn Bederf jou liefie dié Februarie met Marcel’s se rooifluweelgeurbevrore jogurt; sien marcels.co.za. Eksotiese geure Mediterranean Delicacies se hoemoes-reeks het nou drie nuwe geure – Peri Peri, Smoked en Roasted Seed; beskikbaar by uitgesoekte takke van Pick n Pay, Checkers, Spar en Food Lover’s Market. ’n Gewigtige saak Eetrite-kombuisskale vanaf R239, Hirsch’s Homestorewinkels; sien eetrite.com ’n Smakie van Afrika Die bekroonde kosskrywer en sjef Siba Mtongana het pas haar eerste kookboek, My Table (R490, slegs beskikbaar by Woolworths), bekend gestel; die inspirasie kom uit haar erfenis en internasionale reise. Besoek sibamtongana.com. Dis hartsake dié The Biscuitry is ’n bakkery in Durban waar tradisionele lekkernye soos soetkoekies met liefde en net die beste bestanddele gemaak word. Dié bederfies – van koekies en biscotti tot beskuit – is nie net…

1 Snoep-snoep Hasies (of dan nou konyne) is geliefde troeteldiere. Het jy geweet tussen 10 en 20% van hul dieet moet uit groen happies bestaan? Plant sommer vir hulle hul eie peuseltuintjie met basilie, roket, ment en seldery netjies in ’n ry terracotta-potjies. Maar pasop – dié plantjies moet uit jou hasie se pad gehou word, anders eet hulle alles op. Pluk net af en toe vars blare om hul dieet aan te vul. Het jy geweet? Hasies mag nie ysberg-blaarslaai eet nie. En wortels of vrugte net ’n paar keer per week, nie elke dag nie. Hul stapelvoedsel is hawerhooi en gewone gras, aangevul met konynvoer. My hart staan tuit al meer, ek stuur vir jou die berggansveer, – Boerneef 2 Mooi in rooi Warm aksentkleure in die vrolike…

Kleur vir kaste Haidee hou baie van kleur en het al heelwat projekte in haar huis met Annie Sloan-verf aangepak. Gelukkig kan dit op melamien gebruik word – die kombuiskaste is getooi in Aubusson Blue, een van Haidee se gunstelinge. Die bestaande kasdeure het ’n vars voorkoms gekry met nuwe randafwerkings en koperhandvatsels. Die kasdeure bo die stoof is verwyder om oop rakspasie te skep. Wenk As jy randafwerkings op hoekkaste wil aanbring, maak die nodige berekenings voor jy saag om te verseker die deure maak reg oop. Voor die voet Dis in die algemeen nie raadsaam om ’n teëlvloer te verf nie, en dis ook nie ’n permanente oplossing nie. Maar Haidee wou graag ’n verandering hê en verf was die antwoord – ’n vinnige oplossing op ’n klein…

Die verf op houtkosyne kan veilig gestroop word, al het dit ‘n loodbasis, maar jy moet liefs jou huis vir 24 uur ontruim. Stroop verf veilig Esmaré Bester van Malmesbury skryf Ons woon in ’n ou plaashuis en die deurkosyne en houtplafonne het nog van die oorspronklike verf aan. Ek wil dit laat stroop, maar ek het gehoor die grondlae in ou huise bevat dalk lood. Geld dit ook vir die verf op die houtwerk? Hoe laat ek dit veilig stroop? My seun is twee en ek is swanger – ek wil nie ’n kans vat nie! Gladman Maphuma van Trade-Mark antwoord Dis moontlik om die loodverf veilig te laat stroop, maar omdat jy swanger is en ’n jong kind het, moet julle eerder die huis tydens die proses…

Liza Watermeyer, verkoops- en uitstallingskoördineerder vir Tile Africa, gee wenke oor hoe jy jou badkamer in die perfekte romantiese ruimte kan omskep. Kleur is belangrik Die regte teëls sal ’n groot verskil maak as jy ’n dromerige of dekadente voorkoms in die badkamer wil skep. Hier werk swart en wit wonderlik om ’n romantiese vintage-atmosfeer te wek. Perfek vir ’n borrelbad In ’n romantiese badkamer moet die bad liefs vrystaande wees – verkieslik in die middel van die vertrek as jou ruimte dit toelaat. ’n Klassieke bad met kloupote sal ’n sjarmante fokuspunt uitmaak, of kies ’n ovaal bad met trappies waarop jy pragtige lanterns of kerse kan uitstal. ’n Verfrissende stort Installeer ’n ekstragroot stortroos wat reëndruppels namaak of ’n multistortkraan. Of wat van twee stortrose langs mekaar vir…

Wortel van die probleem Kobus Greyvenstein van Mosselbaai skryf My palmboom se wortels lig die plaveistene en ander beton langs my huis. Ek het van die stene opgetel, die grond losgemaak en wortels afgesny en verwyder. Ek wil weer plaveisel daar lê, maar wonder of daar ’n middel is wat ek op die afgesnyde wortels kan spuit sodat dit nie weer groei nie – ek het al gehoor van ou motor-olie of growwe sout? Die boom is redelik oud en sowat 15m hoog. JJ antwoord Daar is ongelukkig niks wat jy kan toedien om wortelgroei te stop nie. Begrawe ’n sinkplaat vertikaal in die grond om te keer dat die wortels na die betrokke area groei. Jy sal dit elke paar jaar moet vervang. Blom-bloutes Faiyaz Vally skryf Ek soek…

Plantgids Botaniese naam Dahlia-hibriede Volksnaam Dahlia Volson Hoë waterbehoeftes Meerjarig Goeie snyblom Die meeste van ons kan ’n buur-oom of -tannie uit ons kinderjare onthou wat elke jaar met hul dahlias gespog het. Dié blomme is deesdae gewilder as ooit! Dahlias is in soveel kleure, blomvorms en groottes beskikbaar dat daar vir seker een gaan wees wat jou hart sal steel! Dié somerblom hou van baie son en blom van middel somer tot in die herfs. Sny gereeld dooie blomme af, dan sal die plant vir lank aanhou blomme dra. Blomme kan so groot soos ’n bord of net 3cm in deursnee wees, afhangend van watter een jy plant. Dahlias is knolplante wat in die winter rustend is en elke jaar weer sal uitloop. Plant dit in goed voorbereide, komposryke…

Raquel Lewis van Doornpoort, noord van Pretoria, sê sy bespaar sowat R3 000 per maand en gebruik boorgatwater vir haar groot tuin van 1 650 m², swembad en haar huis se swewende fondament, wat deur geotegniese ingenieurs ontwerp is. Die swewende fondament het water nodig om die kleigrond onder die huis deurweek te hou. Raquel het die boorgat 13 jaar gelede laat sink en was gelukkig om die eerste aar op 17 m te kry en nog een op 24 m. Sy het destyds R5 000 vir die pomp en R5 000 vir die boorwerk en voeringpyp betaal. Die opbrengs is tussen 3 000 en 4 000 liter per uur. “Vandat ek die swembad met boorgatwater vul (sowat 30 000 liter vir ’n swembad van 6 x 4 m), sukkel…

Kweek dit so Alle variëteite het dieselfde basiese vereistes: ryk, klam grond en gedeeltelike son. Die meeste is kruipplante en versprei vinnig. As die kruisement roes op die blare kry, is dit beter om dit tot op die grond terug te snoei. Soorte Tuinment (Mentha spicata) is die gewildste. Daar is ook appelment, basiliement, sjokoladement, eau-decologne-ment (met ’n sitrusgeur), gemmerment, pynappelment en peperment, asook grondbedekkers wat insekte weghou, soos polei en balderjan. Wenk van die maand As plante yl begin raak, plant net van die gewortelde suiers en jy sal binnekort sterk nuwe plante hê. Het jy geweet? As jy kruisement laat blom, sal dit skoenlappers en bye lok wat jou groente en vrugte sal bestuif. Algemene probleme Dié plante kan ’n bedding oorneem – plant dit eerder in potte.…

Peppermint Crisp-karamel-enganache-yskastert Genoeg vir een 22 cm-tert Bereidingstyd: 1 uur Baktyd: 1 uur Oondtemperatuur: 180 °C KORSLAE • 560 g (4 x 250 ml) koekmeel• 10 ml bakpoeier• 5 ml sout• 200 g (250 ml) suiker• 250 g botter• 3 eiers, geklits VULSEL • 500 ml room• 2 blikkies gekookte kondensmelk• 1 x 250 g-houer mascarpone• 200 g goeie donkersjokolade met mentgeur, fyngekap• 3 Peppermint Crisp-sjokolades, gerasper of fyngekap• ekstra room vir voorsit Vooraf Voorverhit die oond tot 180°C. Sif die meel, bakpoeier en sout saam. Voeg die suiker by en meng. Vryf die botter met jou vingers by die meelmengsel in en voeg die eiers by. Meng tot ’n sagte deeg. Verdeel die deeg in 7 eweredige stukke (gebruik jou skaal om dit te weeg) en plaas dit in ’n lugdigte houer sodat dit nie uitdroog terwyl jy werk nie. 1…

OP DIE KASSIE Hy wil ’n superkoel klankstelsel hê, sy soek ’n spog-kombuis. Hy wil ’n tuisteater hê, sy soek ’n kinderkamer. Mad About the House (vanaf 24 Februarie op The Home Channel, kanaal 176 op DStv) los dié huishoudelike probleme eens en vir altyd op: ’n Paartjie wie se huis ’n opknap kort, kry ’n bedrag geld om daarop te bestee. Maar daar is ’n vangplek: Net een van hulle mag die projek bestuur… Tuisteskeppers, kyk bietjie hier! 25–28 Februarie: Ticketpro Dome, Johannesburg. Gaan loer in by die 2016- Homemakers Expo vir die jongste dekormodes met meer as 350 uitstallers onder een dak. Daar is onder meer ’n interaktiewe muur, Builders se selfdoenteater en die Get It Done-demonstrasie-arena, en tussenin kan jy by die deli inloer vir iets te…

Elke keer dat ek by die woonstel instap, is ek in verwondering. Ek kan skaars glo dat Charles al dié werk gedoen het, en ek beskou dit as ’n ware liefdestaak.– Sharon 2 {Naaswenners} Sharon McNally en Charles Raubenheimer Hul inskrywing KATEGORIE Solderwoonstel WAAR Rosebank, Kaapstad GROOTTE 51 m2 ORIËNTASIE Noordwes Wanneer jy na Charles Raubenheimer se hande kyk, weet jy sommer: Dit staan vir niks verkeerd nie. En sy lewensmaat, Sharon, stem beslis saam: Charles, ’n masjienmonteur, het hul huis se onstabiele dak eiehandig omskep in ’n solderwoonstel wat nou vir hulle ’n inkomste kan inbring. Nie dat dit die plan was toe hulle die huis in 2005 gekoop het nie. “Charles het op ’n dag in 2009 agtergekom dit lyk of ons dak aan die noordwestekant insak,” onthou…

Izak koop dikwels ’n stukkende ou waaier of een of ander toestel uit die vorige eeu en maak dit reg. Sommer net vir die lekker. – Zelda ’n Mens kan nie help om ’n nostalgiese glimlag te kry wanneer jy by Zelda Bezuidenhout se huis met sy versameling outydse elektriese mengers instap nie – perfek uitgestal op ’n bloedrooi rak net onder die plafon in die kombuis. “Ek weet nie hoe dit gekom het dat ek koekmengers begin bymekaarmaak het nie,” vertel sy. “Ek is gek oor die retro-vorm van daai masjien. Dit laat my dink aan vroue met onmoontlik dun middeltjies en uitskop-onderrokke, opwip-hare en bont haarbande.” Dis nie net die koekmengers wat iets van toentertyd oproep nie. Daar’s ook ’n retro-bruismelkmaker wat die oog vang, ’n pragtige ou…

Lisa se kwaste was skaars droog, toe wou die seuns weet: “Mamma, dit lyk sóóó koel, wanneer verf jy al die ander mure so?” En Lisa se reaksie? “Ek het vir hulle ’n lesing oor fokusmure gegee. Net een muur is nodig! Ek dink ek moet een of ander tyd daai lesing herhaal …” Toe Lisa Spaarwater en haar man, Michael Muller, in 2014 Swellendam toe trek, moes hul seuns “die koelste slaapkamer ooit” in Kaapstad agterlaat. By hul nuwe huis moes Lisa, eienaar van Lemon & Lilac Paint Techniques, toe maar moue oprol en inspring om Mich (8) en Christiaan (6) se vaal, nuwe slaapkamer – voorheen die eetkamer – in net so ’n “koel” ruimte te omskep. Sy het op ’n fokusmuur met driehoeke besluit. Dis harde werk,…

Michélle van Breda en die SARIE-span onthaal jou in hul mooi kleurgeïnspireerde sitkamer en jy kan ’n lekker happie te ete kry by die SARIE KOS-kostrok. Suzy Brokensha en die FAIRLADY-span verwelkom jou in hul energie-doeltreffende en elektrisiteitslose sitkamer. Jy moet net sorg dat jy nie die geurige tapas by FAIRLADY se kostrok misloop nie. Besoek Dudu Mvimbi en die TRUE LOVE-span in hul gesofistikeerde monochromatiese en minimalistiese sitkamer, en gaan geniet dan ’n ligte middagete by TRUE LOVE se kostrok. Terena le Roux en die kreatiewe Idees|Ideas-span nooi jou om in hul roos-geïnspireerde sitkamer te kom kuier en jou oor te gee aan die verruklike (en kreatiewe) soetgoed van hul kostrok. Kay Karriem en die Kuier-span bring die Kaap tot in Johannesburg met hul Weskus-sitkamer en tradisionele Kaaps-Maleise kos…

Hoekom stensil jy nie jou vloer nadat jy dit geverf het nie? Ons verfkenner, Marlene Kruger, sê ’n stensil op jou vloer is ’n goeie idee, maar waarsku dis tydrowend. Sy gee dié wenke: Stap 1 Kies ’n ligter of donkerder kleur as jou vloer sodat die patroon uitstaan. Stap 2 Hou die stensil in plek met maskeerband en gebruik ’n sponsroller om verf van binne na buite oor die stensil aan te wend. Maak seker jou roller is droog voor jy begin; moet ook nie jou verf verdun nie – hoe droër die roller en verf hoe beter, anders kan die lyne smeer. Stap 3 Herhaal totdat jou vloer na wense ingekleur is en seël dit dan met drie lae kleurlose seëlaar. • Oorweeg ook vinielplakkers wat net soos…

Anabela de la Costa van Benoni skryf My dogter se slaapkamer het ’n hoë spitsplafon en ek weet nie hoe om ’n dekoratiewe muskietnet in dié ruimte te hang sonder dat dit verdwyn of snaaks lyk nie. Moet ek die lig verwyder? Laura Matzner van Muto Interior Design in Menlopark antwoord Wat ’n lieflike vertrek om mee te werk met sy lekker hoë plafon en mooi venster! Om die probleem van skaal en verhouding op te los, verf die plafon ’n donkerder kleur omdat dit die vertrek onmiddellik knus sal laat voel. Grys is ’n goeie keuse – probeer Plascon City Fog (GR-N01), maar hou die kroonlys wit vir ’n bietjie detail. Die mure kan ’n pepermentgroen (Plascon Shutter Green G2-D2-3) geverf word vir ’n vars, kontemporêre gevoel. Vervang…

My hartjie, my liefie Lady en Troy slaap alte soet. – Sinomi Fourie, Pierre van Ryneveld ’n Gelukkige spulletjie Lexi (links) is mal oor die nuwe gesinslede, Ben en Neeqah. – Anja de Kock, Vredenburg ’n Wakende oog Soxx hou Ginkgo fyn dop dat hy homself nie krap nie. – Glenda Baatjes, Malmesbury ’n Literêre reus Die Deense hond Marmaduke geniet storietyd. – Sandra Nell, Hermanus Ogies toe Ramsey en TinTin is poegaai ná speeltyd. – Carmie le Roux, Plettenbergbaai Beste maats Johnny die Beagador (’n beagle-en-labradorkruis) en sy teddie is onskeibaar! – Marlese Bezuidenhout, Port Elizabeth Nuut! Het jy ’n snaakse video van jou troeteldier se manewales? Deel dit op Facebook of Instagram met die hutswoord #TuisHomePets, of e-pos dit na troeteldiere@tuis.co.za. Die video moenie langer as 30 sekondes…

Die struktuur is van behandelde dennehout. Dis veel meranti goedkoper , maar tog as hout bestand soos teen die weer. Hier op die Zevendal-landgoed in Kuilsrivier buite Kaapstad kry jy Piet, die landgoedbestuurder van die naburige Zevenzicht, en sy mense dikwels buite. Maar die kaal kol – boonop vol in die son – langs die swembad in hul agterplaas was ’n groot kopseer. Nie net was dit warm nie, vir Piet was die ruimte onafgerond. Toe besluit hy verlede jaar om dié vrystaande prieel op te rig. En hy was nog nie ’n oomblik spyt nie. Die prieel gooi ’n sagte skaduwee oor sy tuinmeubels, wat hul leeftyd gaan verleng, maar meer nog: Sy meubels het nou “’n tuiste” – hulle staan nie net rond nie. En die Steyns gebruik…

Efekto se wenk van die maand Hou jou laatsomertuin in stand deur onkruid uit te trek, deklae te strooi, voeding te gee en met gryswater nat te maak. Rose, tropiese plante, groente en jaarplante sal baat by ’n toediening van korrelkunsmis soos W onder Rose and Flower 8:1:5 (17). Tuinwenke vir Februarie • Saai die eerste pronkertjies van die middel van die maand af. Week die saadjies oornag in water en saai dit in ’n oop, sonnige plek in komposryke grond. • Verdeel oorgroeide baardirisse en plant dit in grond waarby vars kompos ingewerk is. Die risome van baardirisse moet gelyk met die grondoppervlak geplant word. • Verwyder onkruid voor dit saadskiet. Gooi kookwater oor onkruid wat tussen plaveistene of bakstene groei. • Gee sitrusbome ’n toediening 3:1:5 (26) om…

Liefde is al wat jy nodig het... maar ’n blokkie sjokolade af en toe sal nie kwaad doen nie. – Charles M. Schulz, skepper van die Peanuts-strokiesprent ‘n Tafel, ‘n stoel, ‘n bak vrugte en ‘n viool; wat meer kan ‘n mens vra om gelukkig te wees? – Albert Einstein Pruim-en-kersiebrownies Die sappige pruime in die blokkies maak dat dit langer bak, maar die soetsuur kombinasie is die wag werd. Genoeg vir 9 blokkies Bereidingstyd: 25 minute Baktyd: 1 uur • 125 g goeie donkersjokolade, grofgekap• 125 g botter• 2 eiers• 180 g (225 ml) ligbruinsuiker• 110 g (195 ml) bruismeel, gesif• 5 ml rooswater• 12 vars kersies, ontpit• 9 klein pruimhelftes• 100 g witsjokolade, gekap en gesmelt 1 Voorverhit die oond tot 180 °C en voer ’n 20 x 20 cm-pannetjie met bakpapier uit. 2 Smelt die sjokolade…

’nGoeie brekfis is ’n seldsame ding. Dis eerstens ’n toets vir die kitskossjef: ’n (bedrieglik) ordinêre maal wat als gelyktydig warm op die bord voorgesit moet word. Daar’s net soveel goed wat kan verkeerd loop! Deel van die uitdaging is juis die eenvoud van die maal. Omdat ontbyt so uiters persoonlik is (jy eet jou roosterbrood sus, jou eier so, jou spek... sjoe!), is dit bykans onmoontlik vir ’n vreemdeling om dit net reg te kry. Oor dingetjies wat ons sou oorsien met aandete, word ons vreeslik punteneurig as dit by ontbyt kom. Ons soek ’n croissant met perfekte deegblare, goeie konfyt en koffie; die hollandaise oor die Benedict-eiers romerig en warm. As jy dus ’n goeie ontbytplek raakkuier, is dit ’n triomf en word dit dikwels ’n goedbewaarde geheim.…