Indholdsfortegnelse for 26 Aug 2021 i TV Plus Afrikaans

Korea is dalk nie die eerste ding waaraan jy dink wanneer jy “wêreld-TV-gier” hoor nie, maar dié klein Asiatiese land het ’n aanhang reg oor die wêreld wat na sy produksies smag. Of dit ’n fantastiese TV-reeks is oor ’n god wat op ’n mens verlief raak, of ’n fliek oor ’n hebsugige familie, Koreaanse programme is smaakvol. En nou kan jy hulle op Showmax stroom. PARASITE (2019) Dié donker komedie het die 92ste Jaarlikse Academy Award vir die beste fliek, beste regisseur, beste oorspronklike draaiboek en die beste internasionale vollengtefliek (wenner van die eerste nie-Engelse beste fliek) gewen en vertel van ’n arm swendelaargesin wat toegewyde parasiete is. Die Kims bly in ’n kelderverdieping – dis al wat hulle as pizzaboksvouers kan bekostig – wanneer hulle die Parks ontmoet,…

The Good Doctor Seisoen 4 Maandae M-Net (*101) 21:00 (begin 30 Augustus) Daar is ’n alte bekende gevoel van angs en versmoring wat jou oorval wanneer jy na die loodsepisode van seisoen 4 van die mediese dramareeks The Good Doctor (2017-nou) kyk. Die seisoen begin met ’n kort boodskap wat die noodwerkers huldig en vir die kykers sê: “Doen jou deel. Dra ’n masker.” Dis ’n hartseer en kragtige begin wat jou voorberei vir wat gaan kom. Dr. Shaun Murphy (Freddie Highmore, Norman Bates in die rilreeks Bates Motel, 2013-2017) en die res van die mediese personeel by die San Jose St. Bonaventure-hospitaal veg teen die Covid-19-pandemie wat die wêreld in ’n ystergreep het, en dit kan nie vermy word nie, selfs nie eens vir die outistiese geleerde dokter nie.…

Delia (Odelle de Wet) is in die sop! Nadat sy vroeër in Augustus in die Binneland-kliniek flou geword het, weet kykers nou sy is swanger. Maar wie is die pa? Is dit ’n Kosterbaba? Conrad (Hykie Berg), die HUB van Binneland en Delia was immers in Junie nog in ’n verhouding voor hy besef het sy hart behoort aan sy vorige meisie, die sekretaresse Tracy (Melinda Brink). Of is die pa iemand wat niks met die Kosters te doen het nie? Delia is nie van plan om oop kaarte te speel oor wie die pa van haar baba is nie, en sy gaan verseker nie die magtige Kosters haar laat stoomroller nie. Maar soos kykers die Koster-patriarg, At (Hans Strydom), ken, gaan hy dit ook nie net daar los wanneer…

Dann-Jaques (DJ) Mouton (tot verlede jaar Justin in 7de Laan, 2000-nou, lees meer op bl. 32) sluit by die Arendsvlei-span aan in die rol van Lennie – en hy sorg met die intrapslag vir drama. Lennie het ’n boksklub wat deel is van die kerk. Die booswig Ingrid van Schalkwyk (Rehane Abra-hams) ontmoet hom by die kerk en begin dadelik planne beraam oor hoe sy hom kan gebruik. Ingrid, wat enkele weke gelede vrygespreek is op drie aanklagte van moord – bloot deur haar slinkse planne en toutjies te trek – het beslis nie van streke verander nie. Die hele kerk-vroomheid is net ’n rookskerm, en dit lyk of Lennie presies in haar plannetjies kan pas . . . NUWE HOOFKANTOOR “Ingrid wil die boksklub haar nuwe hoofkantoor maak, vanwaar…

Dis nie maklik om ’n kind groot te maak nie, en Ty (Maurice Paige) besef dit sedert sy seun, Carlo (Jaydon Booysen), wat hy skaars twee maande terug ontmoet het, by hom ingetrek het. Lee-Ann (Portia Joel), Ty se verloofde, bly ook daar en dinge is krapperig in die kitsgesin – veral omdat Carlo nie van Lee-Ann hou nie en hy ’n bietjie dissipline kort. Lee-Ann probeer haar bes om Carlo se guns te wen, maar laat ook nie toe dat hy oor haar loop met sy tienerstreke nie. Ty aan die anderkant wil nie te streng met sy seun wees nie. “Ty hou nie daarvan om die bad cop-ouer te wees nie. Dit is vir hom baie moeilik om streng met sy seun te wees,” sê Maurice, en as…

Renate (Christel van den Bergh) is baie opgewonde om ná die geboorte van haar en Simon (David Louw) se eersteling, Regardt (Daniel Louw), weer veilig terug in Suid-Afrika te wees. “Dit was vir haar baie moeilik om in Engeland te wees toe Regardt gebore is. Sy kan nou nie wag om hierdie oulike knapie vir almal te wys nie,” vertel Christel. Haar opgewondenheid word egter gou gedemp wanneer sy uitvind Simon se eksverloofde Lulu (Ansu Visser) het by hul huis ingetrek kort voor Anja, Lulu en Simon se babadogtertjie, gebore is. “Renate is briesend en voel verraai omdat almal dit vir haar weggesteek het. Sy voel Lulu het haarself ingewurm om Simon weer terug te kry,” voeg sy by. KONFRONTASIE EN JALOESIE Renate laat ook nie op haar wag nie…

DIE DUIWEL IS LOS Indien jy nie die plaaslike dokkiereeks Devilsdorp (lees meer op bl. 6) kyk nie, loop jy baie mis! Of jy die nuusverslae oor die storie oor die Krugersdorp-moorde gevolg het of nie, dié reeks is ontnugterend. “Die program skep ’n ander prentjie van wat sommige mense ken. Daar is ekstra goed in die dokkie, soos die sielkundige se perspektief en hoe Cecelia (die meesterbrein agter die moorde) daarin geslaag het om dit reg te kry,” sê die joernalis Jana Marx, wat ’n boek oor die moorde geskryf het, asook die hoofverteller van die reeks is. Toe sy dit gekyk het, het sy ook gedink “sjoe”. “Ek ken dié storie soos die palm van my hand en het steeds gevoel ‘sjoe’. Ek was ongelooflik beïndruk. Ek was…

Nêrens, Noord-Kaap Seisoen 1 Dinsdae kykNET (*144) 20:00 (begin 31 Augustus) Drie vervreemde broers, Frans (Geon Nel, Veerman Charon oftewel die Dood van 2017 in Die Boekklub, 2016-2021), Ronnie (Albert Pretorius, Rikus in 2017 Die Boekklub) en Andries (De Klerk Oelofse Lourens van 2017 in Die Boekklub), vind die kronkelpad terug na hul wewenaar-pa Lourens Adendorff (Frank Opperman, Pottie in Die Uwe, Pottie Potgieter, 2010) wat op die familieplaas Nêrens iewers in die droogtegeteisterde Noord-Kaap woon. Talle geheime en hart-seer – en die waarheid oor hul ma, Katja (Tinarie van Wyk-Loots, Lara in Fynskrif, 2018-2020) se dood – moet ontrafel word, en almal wil weet wat gebeur het. GEWONE VERHAAL Nico Scheepers, skepper, mede-regisseur en draaiboekskrywer, sê almal sal met die storie kan identifiseer. “Talle van ons het al verbrokkelende…

The Resident Seisoen 2 Weekdae e.tv (*194) 20:30 (begin 1 September) Wanneer dit kom by die daaglikse lewe van die mediese personeel by Chastain Parkgedenkhospitaal is die oopsny van mense se liggame die maklike deel in die mediese dramareeks The Resident (2018-nou). Dis die onvoorspelbare drama en botsende persoonlikhede wat dit moeilik maak om ’n mediese kenner te wees – en dinge gaan in seisoen 2 beslis ingewikkelder en dodeliker raak. “Nie almal kom ongeskonde anderkant uit nie, en wat gaan gebeur, hoop ek, gaan kykers hul asem laat ophou,” sê die medeskepper van die reeks Amy Holden Jones (uitvoerende vervaardiger van die mediese enkelseisoen-reeks Black Box, 2014). “Dit gaan spannend wees, en die dokters gaan tot die uiterste gedryf word.” DUBBELE DRAMA Teen dié tyd weet kykers wat ookal…

Dis tyd vir nuwe lewe in die Binneland-kliniek, en dr. Brandon Samuels (Zane Meas, Clyde in seisoen 2 en 3 van die dramareeks Fynskrif, 2018-2020) is net die regte medisyne – of dit is minstens wat drs. At (Hans Strydom) en sy seun Conrad (Hykie Berg) dink. Brandon se navorsing oor MIV het hulle baie beïndruk, en met dr. Elana (Ilne Nienaber) se afsterwe in Julie, is haar pos in Binneland se raad oop, en Elana se aandele is ook beskikbaar. At en Conrad meen Brandon is die perfekte kandidaat om Elana se skoene vol te staan. Maar kan Conrad en At hom oorreed om na Pretoria te verhuis, deel te word van die raad, en sy praktyk te verskuif? GEEN REAKSIE “Brandon is ’n man wat nie nonsens vat…

Daniel Lafras (Cantona James) se tannie Emily (Zenobia Kloppers) daag onverwags in Arendsvlei op – die einste vrou wat daarvoor verantwoordleik was dat Daniel in 2019 op straat beland het. Hy het by haar gewoon, maar sy en haar kêrel het een nag verdwyn met Daniel se beursgeld en al. Hy het vir lank in ’n konstruksiepyp gebly, tot die Cupido’s hom onder hul vlerk en dak geneem het. Maar nou is Emily terug, en bloed bly maar dikker as water. HOE HET DIT GEBEUR? “Emily het ’n artikel van Daniel in die Arendsvleier raakgelees en besluit om met hom kontak te maak. Sy sê sy wil opmaak vir verlore tyd en wil kom jammer sê vir wat sy aan hom gedoen het,” sê Zenobia. Daniel vra die Cupido’s of…

Lienkie (Mandi du Plooy-Baard) het eers gedink haar Stryder-man Blitz (Werner Coetser) bederf haar toe sy ’n groot bos blomme op kantoor ontvang, En daarna het nóg ’n verrassing gevolg: ’n bottel duur parfuum. “Maar Blitz ontken hy het die blomme en parfuum vir haar gestuur,” vertel Mandi. Wie is dan die geheimsinnige persoon wat Lienkie so bederf? En wanneer gaan die mens sy identiteit bekendmaak? VERWARRING EN AGTERDOG Blitz was eers gefrustreerd omdat Lienkie hom nie wou glo toe hy ontken hy het die blomme en parfuum vir haar gestuur nie, sê Werner. “Blitz raak naderhand agterdogtig en vermoed selfs dis dalk een van sy Stryder-spanmaats wat besig is om hom ’n poets te bak.” Mandi sê Lienkie was aanvanklik opgewonde oor die geskenke omdat sy gedink het dit…

Dis een ding om ’n vrou se maatskappy aan te val, dis ’n heel ander saak wanneer haar kinders in die spervuur beland. Dís die posisie waarin Dineo Price (Kgomotso Christopher) haar die volgende twee weke bevind wanneer haar stiefskoonseun James (Robert Hobbs) se bose komplot teen Dineo se stiefdogter Felicity (Mary-anne Barlow) en hul familiebesigheid Legacy Investments ontvou. “Dineo is nie ’n gek nie. Sy is ’n vrou, ’n ma, ’n dogter en ’n sakevrou. Sy moes in die verlede baie verduur met mense wat haar veroordeel en haar ’n fortuinsoekster genoem het, maar sy het nog altyd bo uitgekom,” sê Kgomotso. Haar karakter gaan in ’n hoek gedryf word wanneer sy haar wêreld wil red, maar dit gaan Dineo net aanspoor. “Die aanval op Legacy is pynlik. Die…

Jy wou ’n wollerige baba hê, maar het ’n hond uit die hel gekry. Jou viervoetige beste vriend was dalk jou emosionele anker reg deur die pandemie, maar die knaende, krappende, grouende, blaffende, bytende klein maniak put jou uit, veral wanneer die vredige uitstappies waarvan jy gedroom het Die Wandeling Van Skaamte word. Hou vas aan jou leiband, want die oorspronklike Dog Whisperer (2004-2012), Cesar Millan, is terug, en takel die moeilikste gevalle om aan te toon hoe troeteldier-ouers en hul honde weer in vrede kan lewe in sy splinternuwe reeks van 10 episodes, Cesar Millan: Better Human Better Dog, Vrydae op Nat Geo Wild (*182) om 18:00. Maar jy het nie ’n hond nodig om iets uit die reeks te leer en dit te geniet nie. “Jy sal ’n…

Murder, She Wrote Seisoen 1 Weekdae SABC2 (*192) 14:00 (begin 6 September) Indien jy ’n kind van die 1980’s of 1990’s is, onthou jy dalk nog die vrolike temalied van die trefferreeks Murder, She Wrote (1984-1996). Met 264 episodes en 4 TV-flieks oor ’n tydperk van 19 jaar het Cabot Cove se skrywer van moordraaisels en misdaadoplosser, Jessica Fletcher (Angela Lansbury, die ballonvrou in die gesinsfliek Mary Poppins Returns, 2018) elke kreatiewe vorm van moord denkbaar gesien. Maar benewens die weeklikse skandalige moord, het Cabot Cove ook ’n paar bekende moderne akteurs gehelp om ’n voet in die Hollywood-deur te kry. GEORGE CLOONEY S1E2 Birds Of A Feather (1984) en S3E18 No Laughing Murder (1988) Toe George se fyn besnede gesig as ’n onerkende kelner opduik, was hy onbekend in…

Dinge is nou besig om mooi in plek te val vir Werner (Stian Bam) en sy wraakplan teen Chris (Marcel van der Merwe). Hoekom Werner sy mes vir Chris in het, is nog ’n raaisel, maar dit lyk asof Werner Chris blameer vir die jare wat Werner in die tronk gesit het toe Chris nog in die polisiemag was. Werner het hom vroeër in Augustus by Jacobs Property Development (JPD) ingewurm as ’n sekuriteitskonsultant wat saam met Chris – wat nou as bouer by die maatskappy betrokke is – werk. Stadig maar seker het Werner Chris se vriendskap en vertroue gewen. Maar Werner werk teen Chris deur Chris die sondebok te maak vir dwelms wat op JPD se boupersele gevind word. Werner het dit daar geplant deur ’n vervoermaatskappy genaamd…

VERLEDE KEER Ivy het Denzil tot ’n roosterkoek-kompetisie uitgedaag, dinge tussen Romeo en Khethiwe het oënskynlik goed gegaan, en Marko was gretig om aan die roosterkoek-pret deel te neem. 25 AUGUSTUS Ludo het ’n blink sake-idee en hy’s uiters opgewonde daaroor, en Lana vertel Rickus uiteindelik waarom sy voortdurend met haar gewig sukkel. 30 AUG. – 1 SEP. Die Welmans is in opstand en kan eenvoudig nie oor ’n kwessie saamstem nie, en Tjattas en Amorey kom goed oor die weg en Khethiwe sien dit raak. DeWet het ’n vertroulike gesprek met André en moedig hom aan om na homself om te sien en te doen wat hom gelukkig maak, en Shady neem Romeo in haar vertroue oor haar selfvertroueprobleme en stryd met haar voorkoms. Amorey word oorweldig en sukkel…