Indholdsfortegnelse for 09 Sep 2021 i TV Plus Afrikaans

Mense het ’n morbiede nuuskierigheid oor ware reekse oor werklike misdaad, ongeag of dit dramatiserings, flieks of dokkies is van wat agter die skerms van ware moordverhale aangaan. Dis grusame kykstof, maar “ons is dol oor dié produksies omdat hulle vir ons onwerklik klink,” sê dr. Michael Mantell een van die VSA se voorste sielkundiges. “Ons wil uitpluis wat hierdie mense tot dié uiterste optrede gedryf het, want ons sal nooit werklik moord pleeg nie. Ons wil insig hê in die psige van die moordenaar, deels sodat ons kan leer hoe om ons gesin en onsself te beskerm. Ons is gefassineer deur afwykende gedrag en die baie paaie wat verwronge opvattings kan inslaan.” Die stroomplatform Showmax het ’n hele paar plaaslike reekse oor ware misdaad insluitende een wat rekords opgestel…

Boerediva Seisoen 1 Donderdae VIA (*147) 17:00 Sy is terug! Die aktrise Heléne Lombard, wat kykers vroeg in die 2000’s warm onder die kraag gemaak het as die feeks Sandra Stutterheim in die sepie 7de Laan (lees meer op bl. 29), is weer op die kassie. En sy word vandag nog op straat herken as Sandra! “Dis ’n rol wat altyd by my sal bly,” sê Heléne. “Dit was ’n spesiale tyd in my lewe en spesiaal om deel te wees van die oorspronklike cast. Vandag kyk ek met nostalgie terug daarna.” Maar dié keer speel Heléne nie ’n karakter wat bekgevegte gaan hê en onderduimse dinge gaan aanvang nie – sy is tuis in haar eie kombuis en maak haar hart vir kykers oop in die splinternuwe leefstylreeks Boerediva.…

Last Man Standing Seisoen 9 Saterdae M-Net (*101) 18:30 (begin 18 September) Ná 9 jaar en 194 episodes loop die komediereeks Last Man Standing – weer – ten einde. Toe dit in 2017 sonder ’n behoorlike einde soos ’n warm patat deur die netwerk ABC gelos is, was aanhangers verpletter. Maar danksy die Amerikaanse netwerk FOX is die reeks ’n jaar later hervat om kykers die afsluiting te gee wat hulle verdien. Min het die kykers geweet hulle sou drie jaar later totsiens sê aan Mike (Tim Allen) en die Baxter-gesin (weer) – vir altyd. WAT LAAS GEBEUR HET Die hele seisoen 8 was oor die komende geboorte van Kristin (Amanda Fuller) en Ryan (Jordan Masterson) se dogter. Om die waarheid te sê, die seisoen het geëindig met Kristin wat…

Die vreugdevure het in Junie hoog gebrand toe een van Ruiterbosch se gunstelingpaartjies, Ty (Maurice Paige) en Lee-Ann (Portia Joel), verloof geraak het. Maar kort daarna het klein jakkalsies oral opgeduik wat hul verhouding bedreig het. Boonop word hulle toe oornag ’n kitsgesin toe Ty uitvind hy het ’n 13-jarige seun, Carlo (Jaydon Booysen), van wie hy nie geweet het nie. Ty en Lee-Ann het albei hard probeer om hul nuwe werklikheid te laat werk, maar die aanpassing was bloot net te groot. Lee-Ann neem ’n drastiese besluit om terug te trek na haar ma, Mrs J. (Therese Sedras), se huis en haar en Ty se verhouding af te skaal deur voor te stel hulle moet eers weer dinge stadig vat en die huwelik op ys sit. Ty is skoon…

Steve (Clint Brink) se lewe het drasties verander sedert sy verloofde, Elana (Ilne Nienaber), in Julie oorlede is. En die nare werklikheid van ’n enkelouer wees, begin by hom insink. Hy het hulp no-dig en daar is net soveel wat sy ouer dogter Lexi (Kisha Skeï) as au pair vir sy aanneemkinders, Vicky (Roxanne Bornman) en Ruan (Caiden Bouwer), kan doen. Janneke Stuurman (Roe-line Daneel, Alta-Marie in die telenovelle Arendsvlei, lees meer op ble. 26 en 27), Vicky se maatjie Charlotte (nie op die skerm nie) se ma, sien hoe Steve sukkel en besluit om hand by te sit. Maar Lexi is nie beïndruk deur die mamma nie en wonder wat Janneke se ware bedoelings met haar pa is. IN DIESELFDE BOOTJIE Janneke en Steve het baie gemeen: Sy is…

Dinge is krapperig tussen Kristien (Marlee van der Merwe) en Amanda (Natasja Jacobs). “Albei is sterk, dinamiese vroue en die een is nie bereid om vir die ander terug te staan nie,” sê Natasja. Die wrywing tussen die twee skakelbeampte-kollegas het toegeneem toe Kristien se eksman, Bart (Pierre Breytenbach), met wie sy nou weer in ’n verhouding is, onlangs vir Amanda betroubare inligting oor die skelm JJ (Zak Hendrikz) gegee het. Amanda het daarna die inligting – dat JJ sy ma, Magda (Elzabé Zietsman), en haar man, Pottie  (Christo Compion), met hul besigheid Potties wou indoen – aan die nuuswebwerf SinBin uitgelek, wat ’n artikel daaroor gepubliseer het. Dat Bart Amanda met die inligting vertrou het en nie vir Kristien nie, is steeds vir Kristien ’n doring in die vlees.…

Die nuwe regsdramareeks op Universal TV (*117) Diggstown draai om die 31-jarige, Kanadese prokureur Marcie Diggs (Vinessa Antoine), wat in die arm, maar energieke swart buurt North Preston, Nova Scotia, grootgeword het. Marcie het groot ekonomiese uitdagings oorkom om ’n gerespekteerde prokureur en die opkomende ster in haar firma te word – tot ’n saak wat tot haar geliefde tannie Rolanda (Karen LeBlanc) se selfdood gelei het en Marcie by die firma bedank het nadat sy gesien het hoe die regstelsel ’n lewe vernietig. Sy is nou oorgehaal om vir geregtigheid te werk en haar tuisgemeenskap te dien deur die Halifax Legal Aid-firma. En wanneer die druk groot is, blaas Marcie stoom af deur branders te ry. TVPLUS HET MET VINESSA OOR DIE ROL GEPRAAT Wat was die hoofsaak wat…

Nêrens, Noord-Kaap Seisoen 1 Dinsdae kykNET (*144) 20:00 Die rol van die plaasbestuurder Frans Adendorff in die drama-reeks Nêrens, Noord-Kaap is tot dusver sy gunstelingrol en hy is baie trots daarop, sê die akteur Geon Nel. “Ek dink ons drie hoofspelers, De Klerk Oelofse (Andries) en Albert Pretorius (Ronnie), was al goed in ons karakters ingeburger omdat ons dieselfde rolle in die gelyknamige verhoogstuk van 2017 gespeel het. “Voor die verfilming van die TV-reeks in Maart begin het, het ons genoeg tyd gehad om meer aan ons karakters te slyp en ons kon ook self insette lewer. Frans het byvoorbeeld so ietsie van myself in, want net soos hy het ek ook baie met vreemde drome geworstel,” vertel Geon. “Maar gelukkig het mense nie gedink ek is met die helm…

Lui Maar Op, Belinda Seisoen 2 Maandae kykNET (*144) 20:00 Die werknemers van die hardewarewinkel Ian En Ander in die komediereeks Lui Maar Op, Belinda is ’n interessante klomp, want hulle bevind hulself gedurig in chaotiese omstandighede wat gewoonlik snaakse gevolge het. Belinda (vertolk deur die veteraanaktrise Brümilda van Rensburg), die teller, is ’n dramadiva en dink alles in die winkel wentel om haar. Maar eintlik is die hoof van sekuriteit, Dirkie (Wian Taljaard), die gom wat almal bymekaar hou. “Dirkie is jonk en weet hoe om almal bymekaar te bring,” sê Wian. “In die tweede seisoen het hy baie gegroei.” Dirkie se reis in seisoen 2 was vol verrassings, en met ’n troue om die draai en ’n skok-gesondheidsonthulling, is daar baie opwinding voor seisoen 2 later in September…

My Kitchen Rules SA Seisoen 3 Sondae M-Net (*101) 18:00 (begin 19 September) Tydens die nasionale inperking was die restaurante gesluit, wat miljoene mense reg oor die land meer tyd gegee het om in hul kombuise deur te bring, waar hulle hul gunstelingetes gekook het – of ten minste probeer kook het. Terwyl sommige eenvormige kolwyntjies met die perfekte versiering gebak het, was ander minder suksesvol en hul gebak het in die vullisdrom beland. Mense wat hulle kan vereenselwig met die druk om ’n goeie maaltyd voor te sit, is die 10 paar huiskokke wat in seisoen 3 van die realiteitskookreeks My Kitchen Rules South Africa (MKR) meeding. En met R1 miljoen kontant as prysgeld, is daar baie op die spel. “Die pandemie het kos, kook by die huis en…

Daar is altyd opwinding wanneer ’n nuwe gesig in Ruiterbosch verskyn, want almal wag om te sien of die karakter boos gaan wees of harte gaan verower. En iets sê vir ons Linda (Melissa Willering, Chrissie Bekker in Getroud Met Rugby, lees meer op bl. 28), Susan (Natasha van der Merwe) se jonger sussie, gaan gou ’n gunsteling word en in harte kruip! IETS IS AAN DIE BLOM “Linda is outisties,” vertel Melissa. Sy woon en werk in Johannesburg maar kuier tans by haar suster terwyl sy met vakansie is. Almal is hoflik en vriendelik teenoor Linda, maar daar is een inwoner, Bennie (Richard September) wat effens verstandelik gestremd is, wat in meer as vriendskap belangstel. “Bennie is gefassineer deur Linda en aanvanklik verstaan hy nie haar optredes nie, soos…

Die skoolliefde van Lee-Roy Foster (Roberto Kyle) en Wesley Rossouw (Craig Adriaanse) blom met dié twee jong mans se troue aan die einde van seisoen 3 op Woensdag en Donderdag 22 en 23 September. Tans het die aanloop tot die troue almal in Arendsvlei en rep en roep, want Lee-Roy se ma Ronel (Melanie du Bois) wil graag ál die troureëlings behardig. Maar Lee-Roy se pa, Lionel (Jody Abra-hams) – wat van Ronel geskei is – wil natuurlik ook sy stempel op die heuglike okkasie afdruk. En die groot struikelblok in Ronel se troureëlingspad is haar eksskoonma, Muriel (wyle Shaleen Surtie-Richards), wat as Lee-Roy se ouma self die leisels wil oorneem. Maar Ronel gaan nie so maklik opgee om alleensê oor die troureëlings te hê en die paartjie te oortuig…

Sedert episode 1 in September 2020 was daar een ding in die sakevrou Dineo Price (Kgomotso Christopher) se gedagtes: Sy wil haar miljardêrmagnaat-man, Sebastian Price (Deon Lotz), se lyk vind en sy moordenaars laat arresteer. “Dineo het baie verduur. Sy is veroordeel toe hulle getroud is – sy is allerhande name genoem, soos ’n fortuinsoeker en huisopbreker. Sy wou net ’n lewe saam met haar minnaar hê en toe word hy weggeneem,” vertel Kgomotso. En dis nie die enigste storielyn wat afgerond word wanneer seisoen 1 van Legacy eindig nie . . . ETE MET DIE MOORDENAAR Dineo is onbewus dat Sebastian se moordenaar elke aand saam met haar eet – haar stiefdogter Felicity (Maryanne Barlow). “Hulle het op- en afdraande gehad – onthou, daar is net ’n paar jaar…

OppieStoep Seisoen 5 Saterdae kykNET (*144) 19:30 Lyntjie Jaars (41), die nuwe medeaanbieder van die program OppieStoep, is op Springbok in die hartjie van Namakwaland gebore en getoë. “Ek was van kleins af ’n praterige kind,” vertel Lyntjie in haar eg-Namakwalandse aksent. “My ma, Dina Jaars, het my op 3-jarige ouderdom leer lees en ek het ’n yslike verbeelding gehad.” Hoewel sy kleintyd gedroom het om ’n dokter, dominee, wetenskaplike of onderwyser te word, het die lewe ’n ander pad met Lyntjie geloop en sy het uiteindelik agter die mikrofoon en voor die kamera beland, waar sy nou so tuis is soos die veldblomme in Namakwaland. KINDERJARE Lyntjie, ’n afkorting vir haar doopnaam Marilyn, sê haar onderwysers het op skool al geweet daar broei “anderste” dinge in haar kop. “My…

Superstore Seisoen 3 Saterdae e.tv (*194) 19:30 (begin 11 September) Stof jou beffie af en vryf jou naamplaatjie blink, want Superstore is terug vir sy derde seisoen en die werkers by die winkel Cloud 9 is gereed om dié seisoen hemels te maak. Vir die oningeligtes: Die reeks gaan oor ’n groep uiteenlopende werkers by ’n groothandelaar. Daar is Glenn (Mark McKinney) die oorvriendelike winkelbestuurder wat graag sy Christenoortuigings by die werk insmokkel, en moenie vir Dina (Lauren Ash) vergeet nie, die hardvogtige assistentbestuurder wat altyd haar sin kry. WIE IS DIE CLOUD 9-SPAN? Onder dié bestuurders van chaos het elke werknemer sy/haar eie kwessies. Amy Sosa (America Fererra), assistentbestuurder, is altyd op die uitkyk vir die res van die werkers en probeer hul probleme oplos, al vererger sy dit…

Daar is ’n dief in Hillside! Maar dié dief se oog is nie op TV’s, juweliersware, handsakke of geld nie. Die een met die lang vingers het ’n spesifieke ding in gedagte om te steel: een man se sperm – en al die vingers gaan na Chris Welman (David Rees) wys! BROEIS Chris en sy vrou, Mariaan (Deirdre Wolhuter), droom deesdae daarvan om grootouers te word. Hulle straal by die gedagte aan ’n kleinkind. Intussen het hul dogter, Alexa (Carina Nel), en haar man, Fikani (Nicholas Nkuna), ook ouerskap bespreek. Maar Alexa sal nooit haar eie baba kan dra nie nadat ’n dronk Chris jare tevore in haar vasgery en haar beseer het. Dit laat ons pasgetroudes (alias Filexa) met een opsie: ’n surrogaatma. Maar David sê sy karakter is…

Daar is nooit ’n tekort aan drama in die gange van die Binnelandkliniek nie, en die nuutste dosis wat Binneland-stereo aan die gons het, is die pasiënt Liam Vorster (David Viviers). Hy krap die verpleegsters om, want hy is gemeen teenoor sy versorgers, en dinge het nou so versleg, die verpleegsters weier om hom te behandel. Liam se been is by die knie afgesit en sy wond wil om die een of ander rede nie genees nie, wat hom erg frustreer. Boonop wil hy nie die dokters toelaat om ’n prosedure uit te voer wat hom dalk letterlik weer op die been kan bring nie. Maar een verpleegster sien vir dié moeilike man kans: Karen (Luandri Reynders) besluit om die bul by die horings te pak en oorreed Liam om…

Beatrice Cupido (Jolene Martin), die skoolhoof van Arendsvlei, is stomgeslaan wanneer sy uitvind die man in haar lewe, Jake Sylvester (Clayton Everston), is in Arendslvei. Dié speurder wat voortdurend onder die dekmantel werk en nie lank op een plek is nie, hang nou uit by Lennie (Dann-Jacques Mouton) se boksklub by die kerk – maar hy het nie ’n woord daarvan vir Beatrice gesê nie. Boonop weet niemand by die boksklub hy is Jake nie. Hulle leer hom ken as Jo Johnson, ’n nuwe bokser wat Arendsvlei toe getrek het. En die ergste van alles? Jo/Jake skuur nou skouers met Ingrid (Rehane Abrahams) – die einste vrou wat haarself eers Wendy genoem het en Beatrice se man, David (Oscar Petersen) verlede jaar vermoor het . . . VERSKUILDE AGENDA Beatrice…

VERLEDE KEER Seda was verpletter omdat haar eks getrou het, Pamir het Defne probeer opbeur, en Ömer is van plagiaat beskuldig. Seda wou meer van Sinan se liefdeslewe weet, en Ömer het vir Defne ’n ultimatum gegee. 8 – 10 SEPTEMBER Dis die feesviering vir Ömer se berugte ontwerp, en sommige mense gaan teleurgesteld en eensaam huis toe. Pamir kry ’n onverwagte gas, wat Neriman laat voel sy verloor beheer oor haar nuwe komplot, en om verhoudings te herstel kry voorkeur wanneer Ismail en Ömer probeer om die strydbyl te begrawe. 13 – 17 SEPTEMBER Defne vind haar en Ömer se verhouding ál moeiliker, en Sinan probeer om Yasemin tot elke prys te vermy en bevind hom in ’n benarde posisie. Pamir se sjarme oorweldig die arme Derya geheel en…