Indholdsfortegnelse for 06 Jan 2022 i TV Plus Afrikaans

Huisgenoot Blokraaibestes Seisoen 1 Maandae VIA (*147) 20:00 (begin 10 Januarie) “Blokraaisels is volksbesit,” sê die aktrise Cintaine Schutte (Katrien in die dramareeks Fynskrif). “Dit hou die brein skerp en dit wek nostalgie as jy byvoorbeeld dink hoe ouma pen in die hand ’n blokkiesraaisel ingevul het. Dis sentimenteel, ’n stokperdjie, en vir ander weer ’n lewensredder – soos tydens die inperking toe sommiges die tyd verwyl het deur die een blokraai ná die ander in te vul.” In Suid-Afrika is daar ’n sterk blokraaiselkultuur en die tydskrif Huisgenoot het besluit om dit in ’n TV-reeks, Huisgenoot Blokraaibestes, vas te vang. HOE WERK DIT? Elke episode het 3 deelnemers en daar is 3 rondes. “Maklik, nè?” sê Cintaine. “In die eerste ronde gaan al drie deelnemers een 20-woord-blokraai invul wat…

Elana (Esther von Waltsleben) is gebroke sedert haar vrou, Susan (Natasha van der Merwe), haar begin Desember gelos het vir Justin (Eden Classens), Susan se ekskêrel. Dis ’n bitter pil om te sluk en weens die erge pyn besluit sy om Susan te laat boet deur hul egskeiding so smerig moontlik te maak. Boonop maak Elana aanspraak op die embrio’s (wat Susan se vrugbare eierselle bevat) wat hulle wou gebruik om hul eie gesin te begin. Susan is in afgryse oor Elana se vuilspel, en omdat Justin wil help, doen hy iets wat hy nie graag wil nie – hy kontak sy vervreemde pa, Willem (Ivan Zimmerman, Frik Malan in die dramareeks Alles Malan), ’n gewetenlose prokureur, om Susan te help om haar egskeiding af te handel. OM ’N MA…

Louis (Germandt Geldenhuys) se lewe is ’n gemors. Hy is die pa van Delia (Odelle de Wet) se ongebore baba weens ’n laboratoriumfout tydens haar inseminasie, en sy het nou spoorloos verdwyn. “Dis frustrerend dat Louis haar nie kan opspoor nie, want hy wil graag deel wees van sy dogtertjie se lewe,” sê Germandt. Die onsekerheid vreet hom op en dit versuur sy huwelik met Naomi (Je-ani Swiegelaar). Maar dan hoor hy hy kan dalk ’n sangloopbaan najaag. SKRYF ’N LIEDJIE Op Oujaarsaand by Louis se kuierplek Doepa is daar karaoke, en Louis sing uit sy hart uit. “Dis ’n roerende optrede wat sy vriend Danny (Bradley Olivier) op sy foon opneem en dit versprei soos ’n veldbrand op die sosiale media,” sê Germandt. Louis is verras deur al die…

E en ding is seker: Dineo Price (Kgomotso Christopher) weet hoe om diegene na aan haar te beskerm. “Dineo is ’n koue, berekende, gewetenlose sakevrou,” sê Kgomotso liefies, “maar wanneer sy ’n moederhen moet wees, is daar niemand soos sy nie. Dineo het foute begaan toe sy haar eerste kind, Sefako (Zenzo Ngqobe), gehad het terwyl sy ’n tienerma was. Sy het oor die jare heen geleer, en tesame met haar sakevernuf is sy soos ’n leeuwyfie.” En die beskermingsdrang kom goed te pas in dié drie weke wanneer mense by haar om hulp aanklop. VYAND TOT VRIEND Dineo se geskiedenis met haar oudste stiefdogter, Felicity (Mary-anne Barlow), is geen geheim nie. “Hulle het al alles gedoen: sakebedrog, moorde toegesmeer . . . moorde gepleeg. Hulle het ’n vreemde vriend-vyand-verhouding,…

TLC (*135) se treffer-realiteitsreeks 90 Day Fiancé: The Other Way (Sondae om 20:00) is ’n unieke afspraakprogram. Dit vertel van Amerikaanse burgers wat reg oor die wêreld trek om hul buitelandse aanlyn liefdes vir die eerste keer te ontmoet. Maar voor hulle na die kansel kan stap, moet hulle talle struikelblokke oorkom. In seisoen 3 van The Other Way word die verhouding van die aanhangers se gunstelingpaartjie, Jenny Slatten (63) en Sumit Singh (33), tot die uiterste beproef. Sumit se ma, Sadhna, trek by die paartjie in om Jenny op te lei om ’n tradisionele Indiërvrou te word, wat verdere stres in hul reeds gespanne verhouding bring. Met Jenny wat by breekpunt is, gaan die paartjie oorleef? LIEFDE OORWIN ALLES Toe Jenny haar huis en al haar besittings in Kalifornië…

Nazeem is weer besig met ’n onderduimse plan en sy halfsuster Bridgette Jacobs (Denise Newman) is sy teiken. “Nazeem is melaats vir die Jacobse en Samsodiens weens die nier wat hy (in Oktober) op die swartmark vir sy halfbroer, AB Samsodien (Cedwyn Joel), bekom het,” sê Irvine. “Hy is ook basies bankrot en is lus vir wraak, want hy voel hy word onnodig deur die twee families gestraf.” Hoewel dit gelyk het asof Nazeem en Bridgette voor die niervoorval vrede gemaak het, is alles nou tot niet. “Hy het geweet daar sal weer ’n tyd kom wat die skietstilstand tussen hom en sy suster verby is,” sê Irvine. En wanneer hy Greg (Marvin-Lee Beukes) se tweelingbroer, Donovan (ook Marvin-Lee Beukes), en Bridgette se nuwe man, ontmoet, besef Nazeem dis is…

Dikwels beteken ’n nuwe jaar ’n nuwe begin, ’n geleentheid om vars te begin. Maar in 7de Laan beteken dit ’n splinternuwe gesin wat hulle in Hillside kom tuismaak. Laat ons jou voorstel aan die Visagie-gesin: pa Werner (Zak Hendrikz), ma Tanya (Liezl de Kock), seun Uys (Daniel Coetzee) en ouma Augusta (Hannelie Warren, Ilse in Binnelanders, lees meer op ble. 14, 15 en 35). Hulle kom uit ’n nederige agtergrond in Groblersdal in Mpumalanga, het hul sakke gepak en na Hillside getrek, en ons is reeds dol oor hulle! “Die sepie het ’n plat-op-die-aarde-, sout-van-die-aarde-gesin, ’n gesin by wie jy aansluiting kan vind, nodig gehad,” verduidelik die sepie se reklameagent, Kayleen Bessit. “Dit het ’n gesin benodig wat nie gedurig op die oorlogspad is nie, of konkel om enigeen…

Telemundo Daagliks 21:00 VERLEDE KEER Martín het gesien hoe Gloria vir Plutarco soen, Aurora en Jimena het die bordjies verhang vir Luis, en Constanza het op Roger verlief geraak. IN DIÉ UITGAWE Max kry geleentheid om ’n demoplaat op te neem, maar hy moet daarvoor na Miami trek. Daniel beland in die hospitaal, Plutarco en Constanza sukkel om hul romanse geheim te hou, en Isabel smeek Pablo om vergifnis. Max besluit om Miami toe te gaan, Isabel kry verskriklike nuus, en Plutarco se plan om ’n serenade vir Constanza te sing, loop skeef. Plutarco beplan groot dinge vir Constanza en het twee vriende se hulp nodig, Max stem nie saam met sy vervaardiger nie, en Jimena hou ’n oordadige partytjie vir Susana. Dis tyd vir Plutarco se groot verrassing, Remedios…

Is jy verward deur al die mediese vaktaal in die media en aanlyn terwyl jy die wêreldpandemie, wat ons al vir langer as twee jaar tuishou, probeer verstaan? Is jy nie seker watter entstof is die beste nie, hoe hulle verskil, en hoekom die Covid-19-virus teen ’n kommerwekkende pas muteer nie? Moenie vrees nie – Showmax het dokkies by sy inhoud gevoeg wat jou sal help om Covid beter te verstaan, te laat sien watter skade sedert 2020 aangerig is, en om 2022 slaggereed in te gaan teen dié gevaarlike virus (en dit hopelik verslaan). IN THE SAME BREATH Die dokkiemaker Nanfu Wang (sy het ’n Asiese dokkie One Child Nation gemaak – ook op Showmax beskikbaar) vergelyk die reaksies en gedrag van die VSA en China aan die begin…

Die jaar 2021 is een wat Steve (Clint Brink) wil vergeet. Hy het die liefde van sy lewe, dr. Elana Bester (Ilne Nienaber), aan die dood afgestaan en dit het hom amper gebreek. Nou is vars drama op die horison! Dié keer kry ons ’n kykie in Steve se verlede wanneer sy vervreemde ma, Marissa (Ilse Klink, Dorothy Galant in die telenovelle Arendsvlei, lees meer op ble. 11 en 39), en jonger broer, Jared (Gershwin Mias, Zane in Arendsvlei), onverwags opdaag en sy kleintyd-seer en trauma weer oopkrap. WAT HET SKEEFGELOOP? Clint is baie opgewonde oor die storielyn, want hy sê vir die eerste keer leer ons meer van Steve se verlede. “Steve het in 2015 by Binnelanders aangekom toe hy pro bono-werk as plastiese chirurg gedoen het,” sê Clint.…

Die kelnerin Lulu (Ansu Visser) het meer sekerheid oor haar toekoms nadat haar jeugliefde Nico (Pietie Beyers) haar in November gevra het om te trou. “Lulu is oortuig daarvan sy maak hierdie keer die regte keuse. Sy was in die begin katvoet om ’n nuwe verhouding kans te gee omdat haar eksverloofde, Simon (David Louw), haar verlede jaar soos ’n warm patat vir sy eksvrou, Renate (Christel van den Bergh), gelos het,” vertel Ansu. Maar nou lyk dit asof die groen monster dalk Lulu se rooskleurige liefdesprentjie kan bedreig, want haar verloofde, Nico, begin ongemaklik voel oor haar hegte vriendskap met Simon. BEDREIGING Simon was baie bly vir Lulu se onthalwe toe sy verloof raak, sê David. “Simon het glad nie ’n probleem met Nico nie en wens hulle al…