Indholdsfortegnelse for 21 April 2022 i TV Plus Afrikaans

In Die Sop: Restaurant Evolusie Seisoen 2 Woensdae kykNET (*144) 20:00 (begin 27 April) As daar een sjef is wat goed weet hoe om ’n wenresep op te tower – nie net vir spyskaarte nie, maar ook vir die restaurantbesigheid as geheel – is dit die glanssjef Bertus Basson. Hy besit ’n handvol suksesvolle restaurante in Stellenbosch, soos Overture, Spek En Bone, Die Vrije Burger, Geuwels en Clara’s Barn, en hy is nou terug op die kassie met die tweede seisoen van sy gewilde restaurant-oormaakreeks In Die Sop: Restaurant Evolusie. Met behulp van sy goeie vriendin en dekorspesialis Misi Overturf bied hulle ’n verskeidenheid restaurante in die Wes-Kaap ’n helpende hand om weer woema in hul besigheid te sit en dit winsgewend te maak. DRIE DAE EN NIKS MEER Bertus,…

Poena Seisoen 1 Maandae kykNET (*144) 20:00 “Dis koebaai Boeboe en hallo Coco,” gesels Liane Heyl, die energieke aktrise, wat die volk se lagspiere al jare lank met haar karakter Boeboe in die komediereekse Vetkoekpaleis en Ouboet En Wors geprikkel het. “Dit is so lekker om weer voor die kamera te wees en saam met die regisseur Willie Esterhuizen en sy span te werk. Dit voel soos ’n regte tuiskoms.” STEEDS WULPS, MAAR SLIMMER Liane geniet dit om vir ’n verandering ’n nuwe karakter te speel. “Maar moenie vir een oomblik dink Coco is net soos Boeboe nie,” waarsku sy. “Coco is wulps soos Boeboe, maar beslis slimmer en wyser. En sy slaap ook nie rond soos Boeboe nie,” sê Liane. Coco is Poen (At Botha) se meisie en getrou…

Kristien (Marlee van der Merwe), die skakelbeampte van die Stryders, was nog altyd berekenend en sy weet presies wat sy uit die lewe wil hê. Maar nou lyk dit tog of sy haar goeie oordeel verloor het, want wanneer sy sien hoe haar vorige kêrel, die redakteur van SinBin Pine (Gerald Steyn), ’n ander vrou, Samantha (Sanli Jooste) in sy kantoor soen, duik daar dadelik ’n gevoel van jaloesie in haar binneste op. Het sy dalk ’n groot fout gemaak om haar verhouding met Pine te verbreek? ONKANT GEVANG Kristien het eintlik nie besef sy voel nog iets vir Pine nie, sê Marlee. “Sy het heeltyd voorgegee sy is cool daarmee dat sy en Pine aanbeweeg het. Maar wanneer sy Pine saam met ’n ander vrou sien, raak sy briesend,…

“Simon voel soos ’n hond,” sê die akteur Elton Landrew oor sy karakter ná sy dogter Danni (Vashti Prins) onlangs haar troudag minute voor sy kansel toe sou stap, gekanselleer het. “Simon het beheer oor sy blaas verloor en wou nie meer na die troue gaan nie, want hy wou haar nie op haar groot dag verneder nie,” sê Elton. “Dis ook nie hoe hy wou hê sy hom moet onthou nie. Want uiteindelik is dit haar dag, maar die fokus gaan op hom wees wat besig is om te sterf.” Alles raak net te veel vir Simon en omdat hy nie verder wil ly of ’n las wil wees nie besluit hy genadedood is sy enigste uitweg om die lewe met waardigheid te verlaat. Nou moet hy net Danni…

Daar is nuwe lewe in Thys (Sherman Pharo) sedert hy ’n beeldskone vrou in die park gesien en sy hom geïnspireer het om weer sy verfkwaste op te tel. “Haar naam is Dominique (Mekaila Mathys, Elize in die aksiereeks Die Byl) en sy is ’n free spirit en Thys se muse,” sê Sherman. “Sy betower hom. En toe Thys sien sy skilder ook in die park nes hy, het dit sy nuuskierigheid geprikkel en hom weer lus gemaak om te verf. Thys se oorlede pa, George Cupido (nie op die skerm nie) was mos ook ’n kranige kunstenaar en met Dominique se hulp voel hy nader aan sy pa,” vat Sherman ’n deel van die storielyn saam. Of daar iets tussen Thys en Dominique gaan blom, moet kykers wag en…

Voetspore: Zambezi Seisoen 11 Maandae SABC2 (*192) 19:30 Sy hare en baard mag dalk nóg witter wees, maar die joernalis, TV-man en avonturier Johan Badenhorts (62) is nog nie reg hom sy rugsak en stewels op te hang en die lang pad vaarwel te roep nie. Inteendeel, sy passie vir reis en avontuur is nou sommer weer aangewakker nadat hy en sy span vir 3 maande (Julie tot September 2021) die magtige Zambezi vir die nuutste 11de seisoen van Voetspore verken het. “Dis wonderlik om ná soveel jaar nog Voetspore-reekse te maak,” sê Johan trots. “Voetspore is uniek, want dit verteenwoordig ’n leefstyl van kamp en reis, en daar is baie Suid-Afrikaners wat hulleself daarmee vereenselwig.” DIE ROETE Voetspore: Zambezi begin in die noordoostelike hoek van Zambië by die oorsprong…

Dis geen geheim hoe verlief Tanya (Liezl de Kock) en Werner  Visagie (Zak Hendrikz) is nie – dis genoeg om enigeen weer in die liefde te laat glo. Deel van die kultuur van hul huwelik is hul liefde vir dans. Wanneer hulle ook al nader aan mekaar wil voel of selfs wil ontsnap van die druk in die regte wêreld, dans hulle met mekaar. Maar terwyl hulle in hul woonstel dans, is daar ’n ongeluk en die vloer gee mee onder Tanya, wat haar op Aggie (Nobuhle Mimi Mahlasela) in Oppiekoffie reg onder laat val. “’n Ligte aardbewing het ’n kraak in die vloer veroorsaak en die vloer het ingetuimel terwyl Tanya en Werner gedans het. Tanya het nou soveel pyn, sy het haar ribbes en sleutelbeen seergemaak,” sê Liezl.…

As daar een ding is wat Annelize (Cindy Swanepoel) het, is dit lojaliteit en passie vir die Binneland-kliniek. Sy voel tuis in die hospitaal en dis vir dié hospitaal wat sy alles sal prysgee – selfs haar verhouding, al weet sy dit nog nie . . . Haar kêrel, Tertius (Reynardt Hugo), sien dit egter raak en sy verdraagsaamheid is besig om op te raak, en wanneer Annelize weer eerder die hospitaal en sy grootbaas, At (Hans Strydom), bo hom glo en haar by At skaar, neem Tertius ’n besluit wat alles kan verander. WAT LAAS GEBEUR HET Die groot drama wat tans in Binnelanders afspeel, is Delia (Odelle de Wet) wat aangekla word van die moord op die portier Tommy (Pieter Human) wat na haar pa, Andries (André Odendaal),…

Alle kinders vang soms kattekwaad aan, maar drankgebruik is gevaarlik – dít besef die drie pelle Carlo (Jaydon Booysen), Quinton (Leighman Marshall) en Hardus (Eloff Snyman) gou! DINGE VAN VOLWASSENES Die drie maats kuier al sedert die begin van die April-skoolvakansie saam, en nou wil Hardus (die oudste van die drie) rook en drink ook probeer. Wanneer Hardus hoor een van sy gunstelingplatejoggies, DJ Woof, gaan by Die Anker-kroeg speel, probeer hy sy bes om vir hom en sy tjommies kaartjies te kry sodat hulle by die vertoning kan insluip. “Carlo se oom Wade (Dean John Smith) werk as kroegman by Die Anker en Carlo en Quinton probeer eers om hom te oortuig die vriende kan maar net eenkant staan en loer, maar Wade wil niks weet nie, sê Jaydon,…

Days Of Our Lives het ons met ’n naelbyteinde gelos. Op Vrydag 8 April, het dr. Marlena Evans (Deidre Hall) se hart ophou klop en toe is sy in ’n glansende wit kamer swewend tussen die hemel en die hel met slegs die geeste van Tony en Andre DiMera (Thaao Penghlis) en Princess Gina (Kristian Alfonso) om haar na die hiernamaals te lei. Nou vra Suid-Afrikaanse kykers: “Wat gebeur daarna?”, want dis die laaste sien van Days omdat e.tv uitsendings van die program stopgesit het. tvplus tree in as jou gids vir die Days-hiernamaals. Ons sluit die huidige storielyne af en gesels oor die groot stories wat kom sodat jy op hoogte kan wees met wat nou in Days in die VSA gebeur (die laaste episode wat Suid-Afrikaners gaan sien,…

Seisoen 2 van die mediese dramareeks Transplant, Maandae op Universal TV (*117) om 20:00, het vroeër in April begin met die personeel van die York Memorial-hospitaal wat gesteier het toe die hoof van die hospitaal se noodmedisyne, dr. Jed Bishop (John Hannah), aan die einde van die laaste episode van seisoen 1 voor hulle ineenstort weens ’n beroerte. Met Jed wat steeds buite aksie is wanneer ons terugkeer, moet almal gewoond raak aan die nuwe baas, die ietwat onvoorspelbare dr. Mark Novak (Gord Rand). Die ander groot skok van die begin van die seisoen beantwoord ’n vraag wat ons almal aan die einde van seisoen 1 gevra het: “Wie is dit daardie?” Ons het gesien Jed se Siriese vlugteling-protégée, dr. Bashir (Bash) Hamed (Hamza Haq) is stomgeslaan wanneer hy deur…

Ou Toppies Seisoen 1 Dinsdae SABC2 (*192) 19:30 “Dis heerlik om vir ’n slag weer ’n komiese rol te vertolk,” sê die 73-jarige veteraan-akteur Simon Bruinders, wat ons Dinsdagaande as die afgetrede spysenier-en-drankbestuurder Alvin Adonis in die lawwe komediereeks Ou Toppies op SABC2 sien. Simon het in 1984 laas komedie gedoen toe hy die rol van Pompies Petersen in die lagprent Two Weeks In Paradise vertolk het. “Ek hou baie van my karakter Alvin wat die hele tyd kwaad stook, maar wanneer die poppe begin dans, hou hy hom onskuldig. Hy dobbel ook met als. Nóg ’n lekkerte van Ou Toppies is ons hoofakteurs is almal ou hande en ons kon dikwels self insette met ons dialoog lewer.” HOPE WOEMA Simon se karakter Alvin Adonis in Ou Toppies woon in…

Net toe dit lyk of die feeks Amanda (Natasja Jacobs) ’n duur les geleer het ná haar aanranding, beland sy weer in die warm water. Jordan (Theodore Jantjies), die aantreklike mede-afrigter van die Stryders, het Amanda met die rehabilitasie van haar beserings begin help en al het Jordan hoe hard daarteen baklei, het hy skielik aangetrokke tot Amanda begin voel. En dit kan net een ding voorspel: Groot moeilikheid, want Jordan is baie gelukkig getroud met Bibi (Stephanie Petersen) . . . GEWRAAKTE SOEN Wanneer Jordan besef hy voel aangetrokke tot Amanda, sê hy teen sy beterwete vir haar hulle moet dalk nog een oefensessie bespreek vir haar been – en dan soen hy haar amper in die gimnasium! Jordan besef hy kan nie langer sy gevoelens vir Amanda wegsteek…

Die samelewing plaas groot druk op mense om die perfekte voorkoms, vietse lyf en beeldskone gesig te hê – en verpleegster Chanel (Lindsey Cele) voel die druk wanneer sy op ’n foto afkom van haar kêrel, dr. Martin (Keenan Arrison), se eksmeisie, Lily (nie op die skerm nie). Chanel dink Lily is pragtig en sy (Chanel) kom nie naby Lily se skoonheid nie. “Chanel vergelyk haarself met Lily en besluit haar neus het werk nodig,” sê Lindsey. Haar vriende probeer haar daarvan laat afsien, maar niemand gaan haar oortuig nie. MOOI GENOEG? Chanel se besluit word versterk wanneer sy en haar vriendin Lexi (Kisha Skeï) na ’n botokspartytjie gaan. “Die man wat die partytjie aanbied, gebruik Chanel as ’n proefkonyn en spuit haar met botox op die probleemplekke in, en…

Die herstelpad ná erge trauma is nie maklik nie, maar met die hulp, ondersteuning en liefde van familie en vriende is genesing wel moontlik. Vir die jong Eva (Devonecia Swartz) begin die lewe uiteindelik weer rooskleurig lyk nadat sy haar man, Mario (Dean Balie), in Januarie doodgeskiet het. Mario het Eva gedwing om sy vrou te word en het haar mishandel. Sy het hom uit selfverdediging geskiet terwyl hy besig was om haar broer Langes (Bobby Stuurman) te verwurg. Tot onlangs kon Eva nie alleen saam met ’n man in dieselfde vertrek wees nie. Sy was selfs bang en ongemaklik om naby Lennie (Dann-Jaques Mouton) te wees – die man wat die kothuis huur op Langes en sy meisie, Debra (Kay Smith) by wie Eva tans woon, se erf. “Eva…