Indholdsfortegnelse for December 2016 i Weg! Ry & Sleep

Restauranteiers in die kampplek Ons het jare gelede ’n baie slim plan bedink vir wanneer ons eiers vir ontbyt gaarmaak. Ons gebruik die twee ringe van ’n wielkoeëllaer – ons breek die eiers daarin en maak dit op die gasbraaier se plaat gaar. Die groter ring het genoeg plek vir twee eiers en die kleiner een is nommerpas vir een. Ons spuit die binnekant van die ring met kleefwerende kossproei en wanneer die wit van die eier genoeg gestol het, draai ons die ring en haal dit van die plaat af. Dan lyk ons eiers net soos dié in die restaurant. Dit kan nie makliker nie. Charles wen ’n Camp Cover-geskenkbewys ter waarde van R500. Camp Cover maak duursame sakke van skeurvrye materiaal vir kampgereedskap soos jou swartpot en braairooster.…

“... maar toe kom die skok: Dit gaan R28 000 kos vir ons sewe.” A an die einde van November 1973 koop my pa uit die bloute sy eerste kampwa: ’n Venteropvouwoonwa. Ons gesin het nog nooit gekamp nie en ek en my boeties sien uit na dié avontuur. Ma is skepties, maar eintlik is sy maar net besorg oor hoe ons babasussie die kampeerdery gaan hanteer. Pa wil opsluit sy wa so gou as moontlik toets, en toe die skole sluit, haak hy die Ventertjie aan sy V6 Ranchero en ons vat die pad Plettenbergbaai toe. Die eerste aand slaap ons teen R1,50 in Bloemfontein se munisipale woonwapark. Die nuwe Ventertjie se twee flappe slaan soos ’n droom oop. Ons slaan nie die tent vir net een aand op…

“Die water is silwerskoon en voor die regterkantste staanplekke is dit vlak – ’n lekker plas- en speelplek vir kinders.’’ As ’n mens op ’n Vrydagmiddag uit die Moederstad koers kies op die N2, lyk dit by Somerset-Wes rond soos die einde van die maand in ’n mall. Van vroegmiddag af kruie motors buffer teen buffer om by die see uit te kom. By Sir Lowryspas tel jy weer spoed op en die karrestroom lyk soos ’n passasierstrein wat momentum begin kry. Net voor Caledon wys ’n bordjie die pad links na Greyton aan. As jy hier afdraai, is jy uit die besige naweekverkeer en dis asof jy in ’n rustiger tydsone inry as jy die Sonderendrivier oorsteek met die berge voor jou. Greyton, aan die voet van die Riviersonderendberg,…

Bloukaas-braaibroodjies Uit die bloute Met bloukaas maak jy ’n besonderse braaibroodjie. Jy benodig (genoeg vir 6) • 2 eetlepels botter• 2 uie, in dik skywe gesny• 12 snytjies bruin- of rogbrood•  100 g bloukaas, in dun skywe gesny• 125 g brie, in dun skywe gesny• 1 koppie okkerneute, liggies gerooster en grofgekap• ’n hand vol babaspinasie, skoongewas Só maak jy 1 Smelt die botter in ’n kastrol, voeg die ui by en braai dit vir 10-15 minute oor matige hitte tot dit begin karamelliseer. 2 Maak 6 toebroodjies waarop jy die bloukaas, brie, gekaramelliseerde uie, okkerneute en spinasie pak. 3 Braai die broodjies oor matige kole tot hulle goudbruin is (omtrent 5 minute aan elke kant). WegSleep sê: As jy nie van ’n skerp kaas hou nie, kan jy cheddar of soetmelk opsit. Pita-taco’s…

WegSleep het die afgelope jare al verskeie innovasies in die woonwa- en kampeerwêreld bekend gestel, en nou het ons, saam met CaraSure, nóg ’n produk wat vir ons lesers van waarde kan wees: sleepversekering! Met die versekeringsproduk WegSleep Sleepseker het ons ’n spesiale tarief vir lesers beding. Die versekering dek woonwaens, boswaens en ryhuise. Daar is twee pakkette beskikbaar: SleepSeker Prestige SleepSeker-dekking SleepSeker-inhoud (van R30 000) SleepWeg-padhulp SleepSeker Ekono SleepSeker-dekking SleepWeg-padhulp Die voordele behels Sleepdekking: Die rytuig het omvattende versekering wat ongelukke, kwaadwillige skade, stormskade, diefstal, kaping én brand dek. SleepSeker-inhoud: Dekking vir besittings ter waarde van altesame R30 000 word by die Prestige-pakket ingesluit. Jy het die opsie om teen ’n ekstra premie jou inhoud tot R45 000 of R60 000 te verseker. Dit sluit in: beddegoed,…

Ek het in Junie 2005 my Sprite Splash nuut gekoop en ons is baie gelukkig met dié wa. Ons gaan kamp gemiddeld twee keer per jaar met hom. Ek het die Sprite onlangs by Comet Caravans in Boksburg laat diens en gevra hulle moet een van die wa se bande omruil met die ongebruikte noodwiel wat nog altyd in die neuskas staan. Toe ek die woonwa gaan haal, wys die personeel vir my die ou band lyk nie meer gesond nie: Daar’s ’n borrel op die sywand. Ek was geskok en is baie dankbaar dit het nie gebars terwyl ek gesleep het nie. Ek sleep nie vinniger as 100 km/h nie, maar selfs teen daardie spoed kan ’n band wat bars, rampspoed beteken. Die borrel was aan die binnekant van…

Ek het opgemerk die grondvryhoogte van sommige nuwer woonwaens met ’n modulêre onderstel is só laag dat hulle hoekstutte geneig is om op die grond te sleep – veral as ek in my oprit of by ’n vultstasie inry waar daar ’n effense hoogte is. Vervaardigers het die probleem opgelos deur die ou halfmaanvoetstuk met ’n 10 mm-dwarspypie te vervang waarin jy daardie plat ronde voetstukke van aluminium of plastiek kan heg. Ek het ’n 2009-model Jurgens Palma en moes ’n plan beraam omdat die een hoekstut al só gebuig was dat hy nie meer gewerk het nie. Ek het vir my twee 80 mm-staalwiele gaan koop wat op veiligheidshekke gebruik word (R180 vir die twee) en dit saam met die koppelstuk vasgesweis waar die halfmaanvoetstuk aan die hoekstut was.…

Elke Desember sak derduisende vakansiegangers, kampeerders en jolytmakers op Hartenbos toe, en volgens die somme is daar op ’n lekker sonskyndag 50000 of meer mense op dié dorp en op die strand saamgetrek. In die ATKV-strandoord se kampplekke staan die woonwaens en tente ingeryg en saans knetter tot ’n paar honderd kampvure. Party mense sê jy sien hulle om de dood nie in Desember of enige ander skoolvakansie of langnaweek in dié gedruis nie. Maar die geswore Hartenbossers sê daar is nie ’n lekkerder en beter Desembervakansieplek nie. Hulle hou van die gedruis, van die atmosfeer en van al die dinge wat jy hier kan doen. Van hulle kamp al dekades lank amper elke jaar vir Kersfees en Nuwejaar hier. Hulle het toenterjare saam met hulle ouers gekom en deesdae…

Die beste kampplekke lê nie altyd aan die einde van ’n mooi stuk teerpad nie – soms moet jy maar op jou tande kners en ’n paar kilometer grondpad aandurf. Met die Sprite Tourer SW het die vervaardiger Jurgens Ci die besluit effens makliker gemaak, en nou hoef jy vir geen grondpad meer terug te staan nie. Die Tourer is ’n woonwa in die ware sin van die woord, een wat nie probeer voorgee hy’s ’n boswa of selfs ’n boswoonwa nie. Met sy 15 duim-wielvellings en sy versterkte onderstel skrik die Tourer SW nie wanneer jy van die teer afdraai nie. Wysneus In die neuskas op die disselboom is jou noodwiel, ’n 4,5 kg-gasbottel met reëlaar en ’n 25 l-watertenk met ’n 12 V-dompelpomp vir die krane by die…

Jy kry nie altyd kans om ordentlik dankie te sê nie, maar wanneer die geleentheid hom wel voordoen, wil ons dit graag ten volle benut. Daarom het ons vir julle, ons getroue lesers, gevra om vir ons te sê wat julle graag vanjaar onder die Kersboom wil hê. Ons het toe by ’n klomp buitelewehandelaars en -verspreiders gaan aanklop, en met dié klompie geskenke sê ons dankie vir jou en wat jy vir die WegSleep-familie beteken. Geseënde Kersfees! OZTRAIL GENESIS 4V-KOEPELTENT Vakansiehuis Tanya Claase van Welkom sê: Ek en my 12-jarige dogter kamp gereeld en ons tent is nie meer in ’n goeie toestand nie. As enkelma is ’n nuwe een vir my duur. Die Genesis 4V-koepeltent van die Australiese vervaardiger Oztrail is bedoel vir kampeerders…

Hermanus se walvisman, Ken “Whaleman” Moore, is al 16 jaar elke jaar van Junie tot November bedags as toergids op die see om vir vakansiegangers, toeriste, studente en mariene bioloë die walvisse te wys. Die ander ses maande van die jaar is Ken in sy vakansiehuis op Jacobsbaai of iewers op die land of buurlande se agterpaaie op reis. In die kampplek sal jy hom vroegoggend by sy boswoonwa se tweeplaat-Alva kry, langs die koffiekan. En daarna sal jy vir Ken, ’n natuurfotograaf wat al talle fotokompetisies gewen het, iewers op ’n voetpaadjie kry vir daardie goue uur. Sy boswoonwa het hy in ’n halwe jaar in sy agterplaas op Hermanus gebou. Maar voor die wabouery was Ken allesbehalwe ’n nutsman – van planne teken, metaalen houtwerk en sweis het…

Hilux word ’n bosbreker 2013 TOYOTA HILUX 3.0 D-4D  Hy hou van avontuur en het sy Hilux aangepas om by sy behoeftes te pas, sê Dion du Plessis van Kaapstad. Wat sleep jy? Ek haak ’n 2016-model Conqueror Companion aan die Hilux. Ons gaan kamp al die laaste ses maande met dié kombinasie. Hoekom het jy op die Hilux besluit? My sleepvoertuig moet betroubaar en veeldoelig wees én hy moet vir ’n gemaklike rit sorg. Die Hilux vat raak in terme van wat ek verwag. Ek hou ook van die feit dat hy betroubaar is en dat sy herverkoopwaarde heel aanvaarbaar is. Hoeveel het jy vir hom betaal? Ek het hom drie jaar terug nuut gekoop vir R450000. Ek het hom egter al aansienlik aangepas om by my behoeftes te…

Hiermee ’n woord van waardering aan die personeel van Camp Cover in Blackheath – veral Chantelle Hertz, Marlene Joubert, Kobus van Staden en Hermi Strauss. Camp Cover spesialiseer in die maak van seilsakhouers wat enigiets van ’n brandblusser- en braairoostersak tot ’n sakkie vir jou reisdokumente en selfs ’n beskermer vir jou broodpannetjie insluit. Die mense by Camp Cover het die spreekwoordelike ekstra myl gestap en vir my ’n spesiale tentsak gemaak. Nou kan ek met gemak en groter vertroue gaan kamp. Nie net waardeer ek die hulp nie, maar ek beveel ook met vertroue hulle produkte aan. En... hulle sien my vir seker weer!…

Hoe vroeg is te vroeg en hoe laat te laat? ’n Mens kamp soms op plekke waar jy van 2 nm. af moet inboek en dan weer teen 10 vm. uit moet wees. ’n Klompie WegSleep-lesers sê hulle sê. Marileen Bezuidenhout Dit werk nie vir ons wanneer ’n mens só vroeg moet oppak nie. Hoe gemaak as jou tent die vorige nag natgedou het? Jy wil tog kan wag tot die oggendsonnetjie hom droogbak voor jy begin opslaan. Rene Botha Ek het ’n groot probleem met aankoms- en vertrektye as daar nié iemand is wat voor óf ná jou op jou staanplek bespreek het nie. ’n Naweekkamp is só kort ’n mens kort daardie laatoggendontbyt op ’n Sondag om hom op die regte manier af te sluit. Jennifer Pretorius Ek…

Hulle noem Port Elizabeth nie verniet die Vriendelike Stad nie. Dis ’n plek waar almal skynbaar bly is om jou te sien wanneer jy aanland... so asof julle op ’n manier verlangs familie is. Dis ook ’n plek waar daar doendinge te kus en te keur is vir jou en jou gesin. Met Algoabaai se 40 km strande kan jy jou vir die dag op plekke soos Kings-, Hobie- of Humewoodstrand gaan tuismaak terwyl die kleinspan in die Indiese Oseaan se branders baljaar. Onthou ook om jou visgerei, branderplank en skubatoerusting saam te vat. Die Baai is egter veel meer as net ’n vakansieplek. Hier is geskiedkundige en kunsmuseums, die Bayworld-akwarium, ’n legio staproetes en meer goeie restaurante as wat jy op jou vingers en tone kan tel. En die…

Nadat GWM se voertuie in 2007 op Suid-Afrikaanse paaie losgelaat is, het dié Chinese vervaardiger die 50000-verkopekerf binne sewe jaar verbygesteek – en ’n driekwart van die verkope was bakkies. Kopers kan kies uit drie dubbelkajuitmodelle: die Steed 5, Steed 5E en Steed 6. In ons April-uitgawe het ons die 5E getoets. Dié bakkie is waarde vir geld, maar dis ’n betreklik klein dubbelkajuitbakkie en drie mense sit ingeprop op die agtersitplek. Die Steed 6 is op sy beurt een van die langste dubbelkajuitbakkies op die mark, en ’n mens voel dit op die agtersitplek. Die bak het ook heelwat meer pakplek as die 5E, maar die klem val meer op die dubbelkajuitgedeelte as die bakkiedeel. Voorlangs is die Steed 6 in die pas met hedendaagse ontwerpe, maar van die…

Die nuwe Jurgens-reeks is hier! Jurgens Ci se vlagskip-Jurgensreeks word met ’n spiksplinternuwe reeks vervang. En nee, dis nie bloot ’n verbetering op die bestaande reeks nie, maar ’n totaal herontwerpte reeks. Al wat behoue bly, is die vier modelname: Fleetline, Penta, Classique en die Exclusive. Clive Cox, ontwerphoof van Jurgens Ci, sê hy en ’n span van vyf het twee jaar aan die nuwe Jurgens-reeks gewerk. “Die nuwe reeks is in soveel opsigte gemoderniseer dat dit vir geen woonwa ter wêreld terugstaan nie.” Die ou Jurgens-reeks is reeds 14 jaar op die pad. ’n Paar modelle – die Palma, Expo en Elegance – het gekom en gegaan, maar in wese is slegs klein veranderings oor die jare aan die reeks gemaak om dit in die pas te hou met…

Hengelgerei Vang die groot baars Is jy op soek na kunsaas om groot baars te haak? Ernstige baarshengelaars sê die Fat Papa 55, wat die gereivervaardiger Spro Corp saam met die Amerikaanse beroepsbaarshengelaar Russ Lane ontwerp en ontwikkel het, is ’n goeie stukkie kunsaas om die grotes te troef. (Ja, daar is beroepsbaarshengelaars wat onder die vaandel van die internasionale baarsvereniging, B.A.S.S., hengel en derduisende dollars in toernooie inkatrol.) Die Fat Papa 55 is ’n klein gelipte slingeraas ( crank bait ) van 55mm lank, met ’n ingeboude loodratel wat volgens Lane help om die baars ook in troebel en koue waters te lok. Die loodratel help terselfdertyd om dié klein stuk kunsaas ver te gooi, sê hy. Lane het vir die Fat Papa ook ’n verskeidenheid kleure…

“Ek is oorspronklik van die Kaap af en het ’n klompie jare gelede verhuis na Middelburg in Mpumalanga. Ek is nogal ’n kranige hengelaar en het ná sowat ’n jaar en ’n half hier besluit om ’n woonwa aan te skaf sodat ek langs die viswaters kan gaan kamp. Die waens wat vandag in die mark is, kos nogal ’n groot klomp geld en ek was spesifiek op soek na ’n goedkoper wa wat ek self kon restoureer. Ek is iemand wat daarvan hou om ’n ou ding te vat en nuwe lewe in hom te blaas. Dis ook vir my belangrik om dinge so na as moontlik te hou aan hoe die wa gelyk het toe hy oorspronklik uitgekom het. Toe ek dus dié wa op ’n internetadvertensie sien,…