Indholdsfortegnelse for March 2017 i Weg! Ry & Sleep

See toe en berge toe... Dis waarheen ons hierdie keer was. Toe ons moes besluit waar ons vir hierdie uitgawe gaan kamp, het ons twee plekke gekies waarheen mense graag teruggaan nadat hulle eers een keer daar gekamp het – die Wildekus en die noordelike Drakensberg. Leon het Wildekus toe gesleep en net noord van die Groot-Kei by ’n hotelkampplek gekamp en daarna by ’n natuurreservaat ( bl. 16 ). En ons is van Harrismith se kant af oor die Vrystaatse grens na Kwa-Zulu-Natal om by die nasionale park in die noordelike Drakensberg te kamp ( bl. 30 ). Tussendeur het die WegSleep-span en ons wederhelftes en kroos vir ’n lekker kampnaweek weggebreek. Ja, die kampvure het saans hoog gebrand, die kuier was lekker, die vroue…

Ek het ’n gasbottel by ’n plaaslike handelaar volgemaak. Hierna het ons langs ‘n dam gaan kamp. Ná ’n wandeling het ons met die terugkomslag by ons staanplek die oopgebarste gasbottel gesien. Van die ander kampeerders het gesê hulle het die slag gehoor. Is daar ’n kans dat die bottel té vol gemaak is? Ek moet bysê: Die bottel was baie oud. Kevin Robertson van die veiligheidsvereniging vir vloeibare petroleumgas (LPGSASA) sê: “Bloot te oordeel na die foto’s kan ’n mens nie presies sê wat die oorsaak van die oopgebarste bottel is nie. Dis hoogs onwaarskynlik dat ’n bottel spontaan sal ontplof. Daar is ’n kans dat die bottel te vol gemaak is of nie behoorlik onderhou is nie. Dit mag selfs wees dat hierdie ’n ou bottel…

Ons Facebook-vriende vertel wie weet wat hulle doen wanneer met die wa aan die haak teruggestoot moet word. Gideon Carstens Ek het genadiglik lekker vroeg reeds begin oefen om met ’n wa agteruit te ry. Ná al die jare sukkel ek maar min. Christopher Gatherpole Ek plaas my hand onder op die stuurwiel. As die wa links moet gaan, druk ek links en andersom. Probleem opgelos. Daleen Krebs Ons wa is nie groot nie, en daarom haak ons hom af en stoot hom waar ons hom wil hê. Johan Snyman Ek het vir my ’n haak voor op my bakkie laat sit. Nou stoot ek my wa lekker rond en hy gaan presies waar ek hom wil hê. Renier de Beer Dis vir my so maklik soos loop. Ek doen…

Net buite Ceres boer Deon en Janene Malherbe op die plaas Eselfontein met melkbeeste, graan en vrugte. Dit is die oudste plaas in dié geweste en ook ’n gewilde uitspanplek vir natuurliefhebbers, kampeerders, hengelaars, stappers, drawwers en bergfietsryers. (Eselfontein se bergfietsfees in Oktober is ’n instelling op die jaarlikse bergfietskalender en ryers kom van oral in die land af.) Eselfontein se kampplek – langs ’n groot dam waar jy kan roei, hengel en swem – is een van daardie kampplekke wat slegs aan een groep op ’n slag verhuur word (hoogstens 30). Bespreek dus vroegtydig, en jy en jou kampgeselskap het die hele natuurkamp – met staanplek vir waens en tente asook vyf houthutte met slaapplek vir 10 – net vir julleself. As jy op ’n Vrydagmiddag die N1 uit…

Hyundai se Tucson is nie ’n vreemdeling in die land nie, maar was die afgelope paar jaar op langverlof. Die eerste Tucson het net meer as ’n dekade gelede hier geland en was ’n gewilde ryding, maar in 2009 het die ix35 sy plek ingeneem. Maar onlangs het die ix35 die trek-pas gekry en die derde geslag van die Tucson is op Suid-Afrikaanse bodem bekend gestel. Identiese tweeling Kleiner voertuigenjins is deesdae algemeen, en terselfdertyd is dieselenjins besig om sy greep in die motormark te verstewig. As ’n mens spesifieke enjingroottes vergelyk, het jy met ’n dieselenjin meer wringkrag as met ’n petrolenjin, maar dit kom ook teen ’n prys, want dieselmodelle is gewoonik duurder as hulle petroleweknieë. Dis net hier waar Hyundai die skynbaar onmoontlike regkry. Die Tucson 1.6…

Bobaas teen die bulte! 2012 TOYOTA COROLLA 2.0 D-4D Daar is by hom geen twyfel nie: Sy sleepkombinasie is die beste op die pad, sê ROAN KOEKEMOER van Krugersdorp. “Ek en my gesin is baie lief vir kamp en ons het nou so ver gekom om vir ons ’n woonwa te koop. Ons het lank met tente gekamp, maar gevoel dit is tyd om aan te beweeg. Ons het vir ons ’n 1994 Sprite Escape gekoop, en ek moet sê ons is vreeslik in ons noppies met hom. Hy is groot genoeg vir my, my vrou, Chimoné en ons dogtertjie, Liné. Wat die slepery self betref, is hy nie te swaar (die BVM is 940 kg) óf te lank nie – hy is net kort van 6 m in lengte.…

Rocco Carr wen die 60W-Ecoficiency 3- opvousonpaneel ter waarde van R2 800! Met dié stelsel kan jy onder meer jou sleepvoertuig- of woonwabattery laai. Die paneel weeg net 7,5 kg en opgeslaan lyk hy soos ’n tassie. Nie net kry jy ’n netjiese sak waarin jy hom kan wegbêre nie, maar ook ’n reguleerder wat die stroom na die battery dophou. As jy iewers in die Kalahari kamp, kan jy met ’n dag se sonlig ’n 50 Ah-battery met hom vollaai. Loer gerus op die webwerf ecoficiency.co.za vir meer inligting.…

Groet die roesvlekke Ek het al gesien die vier gasstutte van ’n woonwa se opwipdak is geneig om te roes – veral nadat ’n mens ’n lang vakansie by die see gehou het. Gewoonlik vlek die roes op die gasstut dan die seil, en ek moes al ’n stel geroeste gasstutte vervang. Toe ek dus onlangs ’n nuwe seil vir my wa se dak laat aanbring, moes ek ’n plan beraam om sulke vlekke te verhinder. Ek het besluit om ’n plastieklêerbinder om elke gasstut te sit. Hulle is goedkoop en jy kan hulle in verskillende diktes en kleure koop. Die binders keer dat die gasstut teen die dakseil druk – en nou hoef ek nie meer bekommerd te wees oor roesvlekke op my seil nie. Johann wen ’n Camp…

“Jy kry kletsers wat op elke draad en op elke onderwerp ’n eier (of drie) lê...” Van die aanlynkletsgroepe en -forums oor kamp staan deesdae duisende lede sterk. Maar ongelukkig bly dit nie slegs by lekker gesels en debatvoering oor kamp en die bedryf nie. Soos oral op die internet is daar trolle sonder sosialemedia-etiket. Klagtes, bekgevegte, ’n slegsêery en bogpraatjies is alledaags. Met ’n slimfoon of rekenaar kan kletsers oombliklik op mekaar se plasings reageer, nuwe gesprekke of drade begin en foto’s van onder meer “The Good, the Bad and the Ugly” van die kampplek met duisende ander deel. Jy kry kletsers wat op elke draad en op elke onderwerp ’n eier (of drie) lê. En dan kaap iemand met ’n kletsnaam soos Sosiale Vlinder die draad om by…

CHEMONE STANDER (15) NIKON D3000 55-200 mm-lens Chemone se foto is die wenner van ons Trappers Junior Lensmeesterkompetisie – sy wen ’n gesinsvakansie (sien bl. 27 ). Chemone het Eldorado, ’n toevlugsoord vir wilde diere na aan die Etosha- nasionale park in Namibië, besoek. Sy het dié twee luiperds op ’n begeleide staptog deur ’n wildkamp in ’n boom sien uitspan – nie in die minste gepla deur die teenwoordigheid van gaste nie. Sy het baie foto’s geneem, talle van hulle effens dof, maar toe een van die luiperds besluit om tussen die takke te beweeg het sy die oomblik vasgevang. Die wolke sorg vir ’n neutrale dog dramatiese agtergrond. As die agtergrond voller was, sou die foto nie só goed gewees het nie. Chemone sê haar fotografiekennis is…

“NATIONAL LUNA WORD ONTWERP EN VERVAARDIG IN SUID-AFRIKA.” As jy begin nalees oor ekstra batterye, loop jy jou dikwels vas in ’n warboel van inligting en verkeerde afleidings. Die saak word vererger deur handelaars (met beperkte kennis en opleiding) wat dikwels goedbedoeld hulle topverkoperbattery aanbeveel sonder om jou spesifieke behoeftes in ag te neem. En dan stel hulle gewoonlik voor jy koop ’n diepsiklusnatselbattery. Daar is boonop weinig inligting beskikbaar oor hoe hierdie verskillende batterye in verskillende herlaaitoestande vaar. Ongelukkig is baie batteryvervaardigers traag om hierdie inligting te laat publiseer omdat dit te veel van hulle produk se verrigting sal verklap. National Luna het onlangs meer as R250 000 in batterytoetstegnologie belê. Die inligting wat ons hiermee insamel, gee vir ons ’n beter begrip van hoe batterye in verskillende dubbel-batterystelsels…

Die meeste dinge wat op ’n kamp kan skeef loop, kan jy nog baasraak. Maar as jy nie ordentlik slaap nie, is jy op ’n afdraande pad. Dit maak nie saak hóé lekker jy stap, swem, visvang, braai, wildkyk of saam met vriende en familie kuier nie; as jou kop laer as jou voete lê of ’ n boomwortel boor heelnag tussen jou blaaie, gaan selfs die beste moerkoffie en lekkerste beskuit nie jou gemoed die volgende oggend kan lig nie. Ja, ons weet dit is nie op toepassing van jou met jou eilandbed in jou wa nie, maar heelparty tentkampeerders gaan een of ander tyd die vooren nadele van ’n kampbed oorweeg en die moontlikheid ondersoek om een aan te skaf. ’n Kampbed is nie iets wat die beginnerkampeerder…

Maak bed in die leeu! In die laaste jaar of twee het ’n hele paar nuwe boswoonwaens die lig gesien en dit lyk of dit goed gaan in dié bedryf. Die meeste van die boswaens het ooreenkomste, soos ’n kombuis links buite en ’n bed wat uit een van die ander sye slaan. Dis net hier waar Jan Venter van Pretoria met ’n kraakvars uitleg van die patroon afwyk. Jan, die eienaar van Custom Canopies and Trailers, doen reeds die afgelope drie jaar sake en sê dit was vir hom tyd om ’n boswoonwa te bou. Met sy wysheid en die wysheid van sy vrou, Wiekie, het die Lion’s Den gestalte gekry. Die kombuis is nie links nie, maar agter ingerig, en dis die grootste verskil tussen ander boswoonwaens. Die…

Hengelgerei Roei agter die grotes aan Het jy al ure lank sonder sukses op die strand of rotse gestaan terwyl jy toekyk hoe ’n kajakhengelaar net anderkant die branders die grotes haak? Ja, doer dieper is die vis meer en jou kanse beter. As jy met gesoute kajakhengelaars gesels, sal van hulle vir jou sê hulle vang selde of glad nie meer van die strand of rotse af nie. Kajakhengel is vir hulle opwindender, bevredigender... en lekkerder. Om ’n hengelkajak te kies en aan te skaf is egter – net soos trou – nie perdekoop nie, sê Brett Challenor wat saam met sy seun, Bruce, Suid-Afrika se bekende Stealth-kajakke bou. ’n Plastiekkajak is lekker vir vakansie, maar nié die regte ding as jy ernstig wil kajakhengel nie. ’n Hengelkajak van…

Ek en my vrou, Christa, besluit om haar ouers, At en Johma Lombard, vir vakansie Namibië toe te neem. Ons gaan vir twee weke toer en die helfte van die tyd in kampplekke oornag. Ons ouers, onderskeidelik 78 en 76, is dadelik entoesiasties, want hulle het nog nooit regtig gekamp nie. Pa At is boonop ’n ywerige klipversamelaar en wil ook klippe gaan kyk. Ons ry deur Botswana en ons kampwa se haak gee probleme. Die herstelwerk jaag ons ’n hele paar rand uit die sak, maar ons slaan uiteindelik kamp op by die Spitzkoppe. Hier is nie veel geriewe nie: geen elektrisiteit, water óf spoeltoilette nie. Al het my skoonpa al ’n keer geval, pla die afwesigheid van luukses nie ons nuwe kampeerders nie. Die volgende drie dae ry…

Ek het die rubriek van Neels van Heerden “Die bedryf kort ’n bloedoortapping” in die November 2016-uitgawe geniet en deel graag my mening. Ek het self al deurgeloop as gevolg van swendelpraktyke in die kampbedryf. Ek het ’n woonwa by ’n onbekende wabouer laat bou en ná 18 maande se wag was die eindresultaat teleurstellend. Die dak en gaspype het gelek en van die kasdeure wou nie toemaak nie. Die kampbedryf kort ’n waghond om ’n mens te beskerm, onder meer as jy ’n wa op bestelling laat bou. Ja, ons woonwaparke trek geldelik swaar, maar ons het darem nog goeie en mooi kampplekke – op die mooiste plekke in die land. Ons is afgetree, kamp baie en geniet die atmosfeer in ’n vol kampplek. Ek reis ook dikwels na…

As jy die Wildekusstreek binnery, is jy in ’n ander wêreld waar dit lyk of die tyd gaan stilstaan het. Wanneer jy van die besige N2 afdraai see se kant toe, verdwyn die draadheinings; dan is beeste, skape, boerbokke, honde en voetgangers volop in die pad. Verkeersreëls is vir eers vir die voëls en jy moet moet stadig en versigtig sleep. Jy moet maar ry en wag, ry en wag om te sien of jy links of regs van die ngunibees in die pad moet verby ry. Kinders staan in klein koortjies langs die pad en groet jou met ’n goed gesinchroniseerde: “ Sweets ... sweets ...” En dan lê die see die horison vol. Jy kan met ’n gewone woonwa of ’n boswa hierheen…

Party mense mik elke vakansie see toe. Hartenbos of Scottburgh toe. Ander gaan jaar ná jaar berge toe... Drakensberg toe. In vakansietye en langnaweke is die Koninklike Natalse nasionale park se groot Mahai-kampplek – net duskant die Vrystaatse grens tussen Harrismith en Bergville – tjokkenblok vol. In die kampplek kom jy mense teë wat al ’n dekade of twee elke jaar hier kamp en vakansie hou. Van hulle kom selfs vir langnaweke deur die jaar én vir vakansie. Ja, dié deel van die Drakensberg is lekker geleë en net 300 km of wat van Gauteng af, maar dit is nie al rede waarom mense weer en weer terugkom en jy kampeerders van oral in die land én oorsee hier kry nie. Mense kom vir die berg en die natuur. En…

Die Sprite Sprint is bekend as ’n woonwa sonder tierlantyntjies. Dit is waarskynlik nie die eerste wa wat by jou sal opkom as jy dit oorweeg om voltyds of vir lang tye te gaan kamp nie, maar vir die kampeerder wat sonder moeite vir die naweek of ’n paar weke die pad wil vat, is hy meer as voldoende. Ja, hy het slaapplek vir net drie volwassenes, maar die Sprint weeg min genoeg dat jy hom met ’n intreemodel Kia Rio (met ’n tarragewig van 1 154 kg) kan sleep. En wanneer jy by jou staanplek kom, kan jy hom so te sê manalleen op sy plek kry. Die jongste model spog wel met een klein tierlantyntjie... ’n netjiese kombuis onder die stoeptent. 1 Op die A-raam Jou noodwiel, 3…

Groenterysslaai Groente met rys, ja... ’n Heilsame slaai... een waarvoor jy kook en braai! Jy benodig (genoeg vir 4) • 2 eetlepels olyfolie• 1 ui, fyngekap• 2 knoffelhuisies, fyngedruk• 1 koppie bruinrys• 4 koppies hoenderaftreksel• 2 murgpampoentjies, in dik wieletjies gesny• 250 g kersietamaties• 1 geel of rooi soetrissie, in dik repe gesny• ’n hand vol vars basilieblare, gekap• 2 eetlepels balsemiekasyn• 2 teelepels dijon-mosterd• ’n hand vol vars pietersielie• ¼ koppie olyfolie Só maak jy 1 Verhit 1 eetlepel olyfolie oor matige hitte in ’n kastrol en braai die ui en knoffel vir 5 minute tot sag. Voeg nou die rys en hoenderaftreksel by en verhit dit tot kookpunt. Draai die hitte laer en laat dit vir 30-35 minute prut tot die rys gaar is. Hou dit eenkant. 2 Meng die res van die olyfolie deur die murgpampoentjie, kersietamaties en soetrissie. Geur…

In 2001 het Karel Swanepoel, bevelvoerder van die Silverton-polisiekantoor in Pretoria, en sy vrou, Corné, besluit chaletvakansies het hopeloos te duur geword. Hulle het begin kamp – eers in ’n tent en van 2006 af met ’n Conqueror Supra-boswa. Karel en Corné het ver paaie gery met hulle wa en hulle liefde vir die natuur saam uitgeleef. Maar in Augustus 2015 het sy haar stryd teen kanker verloor. Twee maande later het Karel hulle boswa gepak om haar lewe – én hulle lewe saam – te gedenk. Manalleen op pad “Dis 1 November 2015 en ek is op pad wildtuin toe. Ek koop vir oulaas proviand vir my reis. Toe ek die vierde keer verby dieselfde rak in die winkel stap, weet ek: Hierdie gaan nie maklik wees nie. Corné…

Die boswavervaardiger GT Camper het 2016 afgesluit deur ’n toer van 40 000 km in 15 dae deur die Vrystaat, Oos-Kaap en Wes-Kaap aan te durf. GT Camper se Elmien Fitchet vertel hulle het die GT Spider-boswa aan ’n Nissan NP300 gehaak en oor Generaalskop, die Drakensberg, Outeniquaberg en deur die Kammanassievallei gesleep. Hulle het elke aand by ’n ander kampplek oornag en onder meer by Glen Reenen in Golden Gate, die Kamdeboo- nasionale park, Forever Plettenbergbaai, Buffelskop, Victoriabaai, Dibiki en Hartenbos gekamp. “Dit was ’n wonderlike ervaring,” sê Elmien. “Ons het mense van heinde en ver ontmoet, uitstaande kampplekke besoek en heelwat kampinspirasie gekry by die kampeerders met wie ons paaie gekruis het. Die GT Spider se hardevloerkonsep wat vinnig op- en afslaan, het ook die oog getref en…

“Ek is ’n landmeter, wat beteken ek is gereeld op die pad. Ek het Dewald Kriel die eerste keer in Okahandja raakgeloop. Hy het met dié sleepkombinasie by die ingang van die dorp gewoon, daar waar die houtkerwers hulle werk langs die pad verkoop. Dit het dadelik my oog getref. Ek het nader gestaan en gevra of ek die ou Kombi en die twee waens wat dieselfde as die Kombi lyk, van nader kan bekyk. Hy was omtrent ingerig met alles van ’n bed en kombuis tot ’n wasbak en ’n kassettoilet. Dewald was vreeslik gaaf en het my genooi om foto’s ook te neem. Hy het vertel hy is ’n swerwer, maar staan al ’n geruime tyd in Okahandja. Ek het hom ’n geldjie gegee en is daar weg.…