Indholdsfortegnelse for September 2015 i Weg! Ry & Sleep

Van kindsbeen af leer ons al dis belangrik om altyd dankbaar te wees vir die klein plesiertjies in die lewe. Soos Wilson’stoffies, ’n warmwatersak in jou bed voor jy inkruip, en ’n daling in die brandstofprys. Goedkoper petrol is mos altyd goeie nuus, veral hierdie tyd van die jaar wanneer ons begin planne en somme maak vir die Desembervakansie. (Moet net nie nou kyk na laasjaar se begroting nie, want brandstof is steeds sowat R2 per liter duurder as toe jy in Januarie van vakansie af teruggekom het.) Deesdae is daar ook nie veel wat jy met 51c kan koop nie, (behalwe ’n Wilson’stoffie), maar wat dit wel beteken, is dat jy sowat R40 minder gaan betaal om jou Fortuner se tenk vol te maak as ’n maand gelede. Jy…

Ons harte het sommer warm geklop toe ons die April 2015-uitgawe oopmaak en die 1974 Gypsey 2 van Boet Pretorius daarin sien. Ons besit ook ’n Gypsey 2, die 1971-model, wat ons agt jaar gelede op Nigel gekoop het vir R10 000. Net soos met Boet se wa is die toerusting in ons wa – die stoof en wasbak – nooit gebruik nie. Verder is ons Gypsey ook in ’n goeie oorspronklike toe-stand. Dit sluit in die kaste, die Defy-stoof en die Electrolux Fuchs Ware-gasyskas. Die yskas werk soos ’n nuwe een – ek het op ’n kol selfs vars sampioene ’n tyd lank daarin gelos en hulle was ’n paar dae later winkelvars. Trouens, ons Gypsey 2 het selfs nog sy oorspronklike tent met al die gegalvaniseerde tentpale. Die…

... vir ’n kwart van die prys Ons is ywerige kampeerders en geniet dit om ons Fleetline aan die Condor te haak en die pad te vat. Ons slaan dan ook gewoonlik die voltent én ’n stoeptent op, veral as ons lank staan. Ons het dikwels gewonder of ons sykante vir die stoeptent moet kry, maar toe word ek een oggend met hierdie plan wakker en steek my man, Braam, aan die werk. Ek het gedink ons kan mos skadunet gebruik vir sykante en ons het toe 3 x 6m van dié met 90% digtheid gekry om ’n bietjie meer beskerming te bied. Ons het ’n soom aan die bokant van die “seil” laat werk en ryg dus die stoeptent se dwarspaal deur hom... en daar hang hy. Om die…

Die 100 km lange Magaliesbergreeks is sedert die laat jare sewentig ’n bewaringsgebied, en Unesco, die Verenigde Nasies se organisasie vir onderwys, kultuur en wetenskap, het dit pas tot biosfeerreservaat verklaar. Die Magaliesberg en omgewing is nou een van net meer as 600 biosfeerreservate ter wêreld en die sewende een in Suid-Afrika, saam met ander plekke soos die Weskus en die Waterberg in die noorde. Om alles te kroon is daar in die Magalies, met sy besonderse natuurskoon, ’n hand vol kampplekke waar jy jou wa kan staanmaak. Jy gaan ver soek vir ’n plek met mooier fototonele as die Mountain Sanctuary-park; by Rustenburgkloof kan jy bergklim en swem; en jy hoef nie ’n Land Rover Defender en ’n boswa te hê om by die De Wildt-4x4-kamp af te saal…

Bushwakka het vyf modelle en elke mens het sy eie voorkeure, maar die Sundowner is so ’n goeie kombinasie van boswa en woonwa dat ’n mens wonder wat enigiemand meer wil hê. Bushwakka se mense noem hom ’n boswoonwa, maar dit beskryf hom nie goed genoeg nie: Hy’t iets van alles. Maak hom staan Om met die Sundowner kamp op te slaan is nie veel anders as met ’n gewone woonwa nie. As jy eers die hoekstutte laat sak het, sluit jy die groot flap aan die regterkant van die wa oop sodat dit na buite kan uitvou. Dit is die basis van die uitvoubed. Trek die dakseil wat oor die bed span, oor die rand van die flap en haak die rekkies aan die hakies daaronder. Aan die binnekant…

Sommige mense glo jou eerste koppie koffie is die belangrikste maaltyd van die dag. En dis moeilik om daarmee te stry, want baie van ons is eers behoorlik aan die gang nadat ons daardie eerste proesel sawwelyf afgesluk het. Daardie eerste koppie is nóg lekkerder as jy hom by jou kampeerplek drink. Dit is egter ’n beslommernis om jou deftige koffiemasjien elke keer saam te piekel, en jy gaan sukkel om ’n Vida e Caffè te kry as jy eers jou kamp op ’n plek soos McDougallsbaai opgeslaan het. Met dié koffiemakers kan jy seker maak die oggendstond het nog steeds goud in die mond, selfs as jy kamp. 2 MILA-STOOFPLAATESPRESSOMAKER Italiaanse veteraan Dié ikoniese koffiepot staan ook bekend as ’n mokkapot en is in die jare dertig in Italië…

Die behoefte aan kampplekke wat voorsiening maak vir mense in ’n rolstoel neem toe, maar rolstoelkampeerders sê daar lê nog baie werk voor om die land se kampplekke behoorlik toeganklik te kry. Enkele kampplekeienaars het dit reeds reggekry. Ander probeer hard en sommige dink hulle kampplek is rolstoelvriendelik, maar hulle word gekelder deur onkunde oor die werklike behoeftes van rolstoelkampeerders. Burokratiese rompslomp en die laksheid van sommige amptenare wat wetgewing en die nasionale bouregulasies moet toepas, staan ook in die pad van behoorlike rolstoelvriendelike kampplekke. Kampplekeienaars kan egter met min moeite hierdie prentjie omswaai. Dit hoef hulle ook nie ’n fortuin te kos nie, sê rolstoelkampeerders en die QuadPara-vereniging van Suid-Afrika (Qasa). Ontmoet vir Gerry Sy lewe lank is Gerry Grundy van Durban al ’n kranige buitelewemens en kampeerder. “Ek…

Salomien en haar man, Ryan, is van kleintyd af mal oor kamp. Sy onthou die kamptye in haar kinderdae goed: ’n Kersfees-vakansie met ’n opslaanwoonwa in Walvisbaai; kampvakansies saam met kerk- en skoolgroepe; en ’n kampnaweek op haar Landsdiensonderwyser se familieplaas in die bosveld. Ryan en sy broer, Craig, het as kinders met hulle fietse en tentjies die pad gevat en meer as een keer ongenooid op ’n plaas in die Magaliesberg kamp opgeslaan en vuurgemaak vir warm baked beans in ’n varkpan. Toe hulle begin baard kry, het Ryan en sy maats in van die Magaliesbergse kampplekke tent opgeslaan en gehelp om die vakansievermaak aan te bied. Ná skool was Ryan en sy vriende oor Paasnaweke, Kersfees en Nuwejaar vrywillige nooddienswerkers, en die hoogtepunt was…

GEDRUKTE UITGAWE R32P.M. Aflewering ingesluit BEL 087 740 1035 SMS“WegSleep September” na 32361 (SMS’e kos R1 elk; gratis SMS’e geld nie) STUUR E-POS NA wegsleepsubs@media24.com BESOEK my-mags.com In sekere streke lewer ons met die hand af. Bel 087 740 1035 of stuur e-pos na wegsleepsubs@media24.com om te hoor of jy kwalifiseer. DIGITALE AANBOD SPAAR 20% R25P.M.* BEL 086 169 7827 STUUR E-POS NA support@mysubs.co.za BESOEK mysubs.co.za/magazine/wegsleep EN KRY KLASSIEKE WEG! GRATIS Teken in op die digitale uitgawe van WegSleep en kry ’n digitale uitgawe van Klassieke Weg*, ’n keur van Weg se beste reisstories. Oordgids 2013 en Kampkos 2014 ingesluit * Kan ook apart bestel word Die aanbod is geldig tot 29 September 2015. Vir navrae bel 087 740 1035 of stuur…

WegSleep-braairooster-en-sak Dis tyd om te braai! Dié braairooster van vlekvrye staal is ongeveer so groot soos jou Sondagkoerant wat dubbeld gevou is (33 x 43 cm). Daar is dus plek vir ’n paar groot steaks, tjops en ’n worsie. Die verhewe randjie reg rondom sal keer dat jou vleis in die as of op die grond beland wanneer dit tyd is om die rooster om te draai. Met die wegpakslag kan jy die handvatsels binnetoe skuif sodat jy hom maklik tussen die koffers en koelboks kan pak. Jy kan hom selfs in die skottelgoedwasser sit sodat jy nie self die braaivet hoef te skrop nie. Die seilsak keer dat hy oral vashaak en Ouma se vanity case vol oliekolle smeer. Al dié produkte is beskikbaar by winkel.weg.co.za Die…

“My pa, Goolam, hou daarvan om ou goed te restoureer. Toe hy dié ou woonwa sien, kon hy die versoeking nie weerstaan om hom te koop en nuwe lewe in hom te blaas nie. Hy het nogal ’n oog vir ’n spesiale ding en is baie opgewonde oor die woonwa. Ek is nie 100% seker by wie hy hom gekoop het nie – dit was óf by my oom of by een van sy vriende. Ons was nie seker van die fabrikaat nie, maar ons was taamlik seker dat dit ’n ou woonwa is, iets wat jy nie regtig vandag meer op die pad sien nie. Ek het ’n bietjie navorsing gedoen en vasgestel dis ’n Eccles-woonwa wat in die jare dertig in Brittanje vervaardig is. (Ons het…

Elke tweede jaar probeer ek en my vrou, Lettie, om drie maande lank deur die land te toer met die woonwa. Ons bly dan gewoonlik een maand in die Krugerwildtuin. Vanjaar was dit weer sulke tyd. Ons het ’n paar jaar gelede afgetree, maar die gesondheid en geldjies hou darem nog, en daarom het ons by Krokodilbrug, Onder-Sabie, Berg-en-Dal, Skukuza, Satara en Maroela gaan inloer. Die diere stel nie sommer teleur nie en die Groot Vyf maak dit des te beter. Gewoonlik kan ’n mens nie oor die ruskampe kla nie, veral as ’n mens na die ablusiegeriewe kyk. Uit die ses plekke waar ons was, het die personeel by slegs twee van die kampe hulp kom aanbied: Skukuza en Maroela. Maroela is klaar ons gunstelingruskamp, en dis ook waar…

Ek en my man, Ian, was gelukkig genoeg om onlangs vyf nagte lank by Berg-en-Dal in die Krugerwildtuin te kamp. Ons het maande lank uitgesien na die besoek omdat dit so ver is van waar ons in die Oos-Kaap bly. Die eerste twee dae was dit die ene rus en vrede, en ons het heelwat kleiner wild soos tarentale en kwartels in die kamp gesien. Oor Paasnaweek was die kamp vol, maar dis goed uitgelê en almal het hulle eie gaatjie met genoeg ruimte. Maar die derde dag het vir ons ’n ramp ingehou. Mense met ’n groot woonwa waarin ses mense kan slaap, plus nog twee boswoonwaens én twee tente, het kom kamp opslaan op die staanplek langsaan. Dit was asof ’n kitsgemeenskap met omtrent 12 mense langs ons…

Ons lesers vertel wat die goed is waarsonder hulle nie na die kampterrein gaan nie. Magda JC Ras ’n Noodhulpkissie en warm klere. Danie la Grange ’n Vet skaaprib. Petro Res Ek maak seker my Snappy Chef-stoofplaat is gepak, want ek wil nie meer sonder hom kamp nie. Hy gebruik min elektrisiteit en is só vinnig. Ek kan tot op die laaste oomblik sit en teug aan my wyntjie en die pap sal nog steeds betyds gaar wees as die tjoppies klaar gebraai is. Caren Uys van der Watt Biltong vir die pad. Johan Reed Die bier! Martie van der Merwe Bederfbare kos. Die res is altyd in die woonwa. Piet Engelbrecht My visstokke en my elektriese kombersie! Chris en Elize Jacobs My ammunisiekiste, ’n swartpot en ’n broodpot. Patrys…

Wanneer jy aan Welkom dink, dink jy waarskynlik onwillekeurig aan mynhope en verkeersirkels, maar ’n mens kán ook lekker kom kamp in dié omgewing. Ons verstaan die Goudveld is waarskynlik nie bo-aan jou lys van vakansiebestemmings nie en niemand sê jy moet jou verlof oor Kersfees hier kom deurbring nie, maar kom kap ’n slag jou tentpenne hier in. Jy sal aangenaam verras wees. Met renosters, wit leeus, waterwurms en rolskaatsbane in dié deel van die Vrystaat sal pretvrate en wildsoekers almal geholpe kan raak. ALDAM-LANDGOED Vir die hele gesin Die Aldam-landgoed, net minder as 70 km suidoos van Welkom, is ’n instelling in dié geweste, en dis maklik om te verstaan hoekom. Aldam het alles wat jy van ’n vakansieoord kan verwag. Daar is ’n groot woonwapark met meer…

Die Opel Mokka se herkoms klink soos iets waarop Robert Ludlum een van sy karakters in The Bourne Identity kon skoei. Ons het hom pas leer ken as die Opel Mokka, maar in die Verenigde Koninkryk noem hulle hom al drie jaar die Vauxhall Mokka, en die Amerikaners en Chinese ken hom as die Buick Encore. Intussen is dié Duitse ryding eintlik glad nie so Duits nie, want hy word in Korea en Spanje gebou. In die jare tagtig het Opel se Rekord, Senator en Berlina naam gemaak as goeie sleepvoertuie, maar in die jare daarna kon min Opels daarby kers vashou. In die huidige reeks is daar vyf sedantipe modelle en een bussie. Die Mokka weeg ’n skaflike 1 345 kg. Dit beteken hy’s swaar…

Klewerige kortrib Doeksag en taai... Hou die jammerlappies reg – hierdie ribbetjies is goed taai! Jy benodig (genoeg vir 4-6) • 2 kg beeskortrib, in lengtes van 5 cm gesny• 1 eetlepel paprika• 1 eetlepel bruinsuiker• 1 teelepel fyn komyn• 1 teelepel rissievlokkies• 1 eetlepel sout• ½ teelepel fyn swartpeper• 1 botteltjie (340 ml) bier• ½ koppie BBQ-sous Só maak jy 1 Geur die ribbetjies deur die speserye en suiker te meng en dit oraloor daarin te vryf. Pak die ribstukke in die middel van ’n dubbele vel foelie wat groot genoeg is dat jy die vleis behoorlik kan toevou. 2 Vou die foelie toe, maar los ’n gaatjie waardeur jy die bier kan gooi (sonder om dit direk op die ribstukkies te gooi en die speserye af te spoel). Gooi die bier versigtig in en maak die foeliepakkie…

Lag met ’n traan Teardrop-waens raak al hoe gewilder, en André Allers van Allers Rods & Customs sê sedert hy syne gebou het, word hy oorval met bestellings. André bou eintlik hot rods en moes op ’n kol by ’n saamtrek in die bos kamp. Sy boswoonwa was te groot en die uiteinde was dat hy vir hom sy eie Tears of Joy-wa gebou het. “Hierdie wa is bloot ’n opgegradeerde tent. Ander mense kyk met groot belangstelling waar ek gaan kamp. Hy is net reg vir jong slepers, want jy kan hom met jou gewone rybewys – kode B – sleep.” Die BVM van die wa is vasgestel op 750 kg en hy weeg leeg net oor die 300 kg. “My vrou, Lulu,…

Hengelgerei Goed genoeg vir ’n ninja... Die beste stuk gerei wat hy in die laaste tyd vir homself aangeskaf het, is Shimano se Saragosa 20000 SW-katrol, sê die Mosselbaaise stranden-rotshengelgids Shawn “Ninja” Mey. Shawn, wat bekend is vir sy ligvoetse draffie oor die gevaarlik rotse en die enorme visse wat hy uittrek, sê: “Ek vang amper elke dag haaie van 200 kg en dié katrol hou. Dis ’n uitstekende katrol en hy is die helfte goedkoper as die Stella (ook van Shimano). “Ek het 50 pond-Whiplash Braid op dié katrol; dis die beste braid .” Shawn, ’n aksiehengelgids wat jou die geheime van die see leer en jou help om daardie groot haai, kabeljou of mosselkraker van jou drome te vang, sê as jy ernstig is oor…

D it lyk of die stergraderingstelsel vir kampplekke in duie stort. In 2009 was daar net meer as 120 gegradeerde kampplekke, terwyl jy deesdae op die webblad van die Toerismegraderingsraad van Suid-Afrika (TGCSA) ’n lys van skaars 77 kampplekke kry. Tog wonder ’n mens hoeveel kampplekke werklik ’n amptelike gradering het. Ek word kort-kort bygedam oor ’n kampplek se stergradering, en dan moet ek mooi verduidelik ek het al van 2010 af niks meer met die graderingstelsel te doen nie en kan nié pa staan vir enige graderings nie. Ek het ook nooit die graderingstelsel beheer, soos sommige mense dink nie. Ek het wel ’n dekade gelede gehelp met die opstel van die aanvanklike beoordelingsmaatstawwe en was tussen 2002 en 2010 lid van ’n span geakkrediteerde assessore wat op die…

Skaars 2km anderkant Malonjeni se hoofhek, daar waar twee rye bloekombome jou soos ’n erewag inwag, weet jy sommer: Jy’s nou op die plaas. Die kampplek lê in ’n laagte aan die voet van ’n halfmaankliprantjie, en naby die staanplekke swem ganse en eende rustig in ’n dammetjie. ’n Klompie tarentale hou die swemmery van die kant af dop. Skape wei en varke vreet in hulle kampies, en drie emoes loer deur die draad na die tentopslanery in die kampplek. ’n Entjie verder sout werkers bokvelle in. Soos oorle’ Jan Spies sou sê: Malonjeni is pure plaas. Die bodorp... Jy kan kies tussen die hoofkamp of ’n boskamp. Die hoofkamp, met 150 staanplekke, vorm die hartklop van Malonjeni. Dié 150 staanplekke staan in rye langs en agter mekaar, op ’n…

Hiep-hiep Hilux! 2005 TOYOTA HILUX 4.0 V6 (DUBBELKAJUIT) 4x4  ’n Sleepvoertuig moet genoeg krag en spasie hê en groot genoeg wees vir ’n stabiele sleepkombinasie, sê Jozua Scheepers van Nelspruit. Wat haak jy aan die Hilux? ’n Jurgens Xplorer 2, die 2009-model. Hoe lank gebruik jy al dié sleepkombinasie? Ses jaar. Hoeveel het die Hilux jou gekos? Ek het hom tweedehands gekoop vir R200 000. Het jy enige ander voertuie oorweeg? Ek het ook in die Toyota Fortuner belang gestel, maar die dubbelkajuitbakkie het meer ruimte as die Fortuner. Hoekom is jy so in jou noppies met die bakkie? Die 4.0 V6-enjin het baie krag wat handig te pas kom, veral as ek die Xplorer in die sand moet sleep. Hy is ook lekker swaar en hy laat hom nie…

“Ek en my vrou, Millie, kamp sedert die jare tagtig en ons was al reg oor die land. Ons het aanvanklik met ’n tent oor die weg gekom, maar sowat 17 jaar gelede het ons ons eerste woonwa gekoop. Sedertdien het ons weer opgegradeer, en nou haak ons ’n Gypsey Raven Blue Series aan ons Ford Ranger. Ons dogters is nou almal uit die huis uit en dis dit net ek en my vrou in die woonwa, terwyl my kinders, hulle ander helftes en die kleinkinders in tente kamp. Julle is duidelik ’n kampfamilie... Ek en my vrou is gaande daaroor en ons dogters ook. Hulle aanhangsels sukkel so ’n bietjie, maar hulle probeer darem. Die kleinkinders is ’n ander storie. Kamp is in hulle bloed. As jy hulle nie…