Indholdsfortegnelse for November 2015 i Weg! Ry & Sleep

Die N2 en die kuspad na Koffiebaai is allesbehalwe die N2 tussen die Kaap en Hartenbos. Die 288 km van Oos-Londen af Koffiebaai toe gaan jy nie sommer in minder as vier uur kafdraf nie. As jy van Oos-Londen se kant af die Keirivier oorsteek Mthatha toe, kan jy maar op jou hoede begin wees vir “Transkei se Groot Vyf” in die middel van die pad: Dis nou beeste, skape, donkies, honde en varke. Minibustaxi’s wat ’n U-draai maak, karre of lorries wat oor die sperstreep jaag, en busse of flenterbakkies wat teen 20 km/h aankruie, is ook alledaags. Die N2 loop deur die sakekern van Butterworth en Idutywa. Op dié twee dorpe vleg jy tussen ’n gedruis van mense, smouse en voertuie deur. Langs die pad kan jy afdraai…

Sedert Tienie en Ronel Schietekat ’n bietjie meer as ’n jaar gelede by Vista Motorhomes op Somerset-Wes oorgeneem het, is dinge aan die vernuwe. Waar Vista-ryhuise vroeër amper ekslusief op Fiat Ducato-onderstelle gebou is, kyk die Schietekats nou ook na ander opsies. Die Vista 3, wat op die onderstel van ’n MercedesBenz Sprinter 519 CDIpaneelwa gebou word, is die vergestalting van luuksheid. Die toetsmodel wat ons onder hande gehad het, is ’n demonstrasiemodel wat in samewerking met RolaMotors in die Strand gebou is en nou die land vol toer om by skoue ten toon gestel te word. Tienie sê dié meneer laat die koppe behoorlik draai en het al baie belangstelling ontlok. En nadat ons amper ’n week lank in die Oos-Kaap met hom gereis het, is dit nie moeilik…

Wanneer ’n mens van vuuraanstekers praat, dink jy dadelik aan die boksie met die wit goed wat soos polistireen lyk. Die 14 wat ons in die hande kon kry, is almal bykans dieselfde grootte – 18 x 13 x 3 cm. Dis hoe hulle vaar... SAFARI-VUURAANSTEKERS (12 stukke) Gee poeier! Die boksie het ’n voukant met ’n ekstra flappie in die middel om dit oop en toe te maak. Die sakkie waarin die blok pas, is ekstragroot en die blok breek maklik en netjies, maar aan die buitekant is dit melerig. Prys: R17 by Game. RITEBRAND-VUURAANSTEKERS (12 stukke) Dis nou ’n winskoop! Per gewig is dit die goedkoopste blokaansteker en hy brand ook langer as die meeste ander aanstekers. Die boksie skeur maklik oop en die blokkies breek ook maklik…

Bennie se tweede Argitekte teken planne vir huise, maar Bennie Cilliers neem dit ’n stap verder: Dié Bethlehemse argitek het pas sy Nayela, ’n meerdoelige sleepwa, gebou. Wel, dis wat hy dit noem, hoewel ons dit eerder as ’n nuwerwetse woonwa bestempel. Bennie is nie ’n vreemdeling as dit kom by woonwaontwerp nie: Hy het vier jaar gelede met die wenontwerp weggestap in WegSleep en Jurgens Ci se woonwaontwerpkompetisie, wat gelei het tot die geboorte van Jurgens se Elegance, tot vandag toe die vervaardiger se vlagskip. Die Nayela is iets tussen ’n woonwa en ’n vragwa. Die “slaapkamer”, soos wat ’n mens dit in gewone waens ken, is in die voorste gedeelte ingebou, en dit sluit die slaapplek en badkamer in. Die agterste helfte van die…

TEKEN IN  vir 12 maande op die digitale weergawe van WegSleepen ontvang ’n afslagkoepon ter waarde van R100 om te gebruik as jy R250 of meer op takealot se app bestee. Intekening kos R25 per maand – jy spaar 20% • Laai die takealot-app af op jou slimfoon of tablet • Eksklusiewe aanbiedinge op die app • Gratis aflewering wanneer jy deur die app bestel • Beskikbaar by App Store of Google Play Store EN KRY KLASSIEKE WEG! GRATIS BEL 086 169 7827 STUUR E-POS NA support@mysubs.co.za BESOEK mysubs.co.za…

Ons het vir die langnaweek aan die einde van September ’n familiesaamtrek by Klipdraai gereël en dit was heerlik om vir ’n paar dae saam met my ouers, my sussie en haar gesin, en my nefie-hulle uit te span. My ma-hulle was al ’n paar keer by Klipdraai, maar hierdie was die eerste keer wat ons met die woonwa daar gaan staan het. Hoekom is jy so beïndruk met Klipdraai? Dit is ’n groot oord met staanplek vir meer as 250 woonwaens, en dit word goed in stand gehou. Hoewel dit vir ons nie meer as 40 minute se ry van die huis af is nie, voel dit of jy behoorlik wegbreek. Die oord lê teen die Kliprivier en hier is doendinge vir die hele gesin. Hier is ’n warm-…

Onlangs het ’n vriend van my, Renier Pretorius, saam met sy familie en ’n paar vriende by die Dube-wildreservaat naby Brits gaan kamp. Dit was toevallig in die tyd toe die Springbokke hulle tweede wedstryd in die Wêreldbeker-rugbytoernooi moes speel, teen Samoa. Een van Renier se vriende het ’n TV saamgevat sodat hulle die Saterdagmiddag na die Bok-wedstryd kan kyk, en hy het die TV-stel onder ’n gazebo teenaan sy woonwa staangemaak. Die TV was omtrent ’n trekpleister, want namate van die kampplek se mense verby Renier-hulle stap, het hulle hulle eie stoele aangedra en saam kom sit en kyk. Dis wildvreemdes wat mekaar van geen kant af ken nie, maar almal geniet die rugby saam. Daar was wel drie vroue wat hulle afstand behou het. Hulle het oorkant die…

Ek lees in die Augustusuitgawe waar Elsabé en Tom Naudé vertel hoe hulle stormbande oor die woonwa se opwipdak gespan het nadat dit amper afgekom het. Dieselfde het ons ook oorgekom. Ons was op pad na Parys in die Vrystaat, en net voor Sasolburg steek vriende ons verby op die pad en hulle beduie met woeste en swaaiende hande die wa se opwipdak het oopgegaan. Ek raak koud as ek nou terugdink dat die wind die dak kon afruk. Ons moes stilhou en seker maak die dak is goed ingehaak voor ons weer in die pad kon val. Ek dink dit moet ander slepers ook al oorgekom het, en Tom se kruisbande is voorwaar ’n goeie plan.…

’n Woonwavakansie kos fyn beplanning vandat jy by die huis wegtrek. Ons Facebook-vriende vertel hoe hulle dit doen. Nicolene Haarhoff Bantjes Becker Ons sleep niks verder as 400-500 km op ’n dag nie. As ons sleep, is ons met vakansie en dan jaag ons vir niks nie. Ons ry ook net as dit lig is. Gielie en Suzette Lambrechts Ons het al in een dag van Langstrand, deur Windhoek tot op Springbok gesleep. Maar toe was ons kapoet – ons het net afgehaak en geslaap. Neels Scheepers Ek sleep hoogstens 500 km op ’n dag, want daarna konsentreer ’n mens nie meer so lekker nie. Hermanus Dicks Jou vakansie begin as jy ry; dus glo ek ’n mens ry nie verder as 600 km op ’n dag nie. Natasha Schutte-Hayes…

Om ordentlik vakansie te hou gaan oor meer as om net jou omgewing te verander, die kinders in die see te laat swem en elke aand te braai. Om behoorlik te rus moet jy jou verstand net soveel van ’n blaaskans gee as jou lyf. ’n Mens moet kan vergeet van dinge soos vroeg opstaan, die kinders se kosblikke pak, die verkeer werk toe, die buffel wat wéér op jou parkeerplek staan en die kollega wat kort-kort by jou lessenaar stop om geselsies te maak oor jou span wat die naweek verloor het. Die meeste mense het ’n gunstelingplek waar hulle hierdie ekwilibrium probeer bereik. Party vind dit in die wildtuin, sommige langs die viswaters en ander by bedrywige gesinsoorde. Daar is egter mense vir wie niks anders as amperse…

Mazda se BT-50-modelle is reeds goed bekend as ordentlike sleepvoertuie, en nou is jou keuse nóg groter. As jy jou sleepwiele ’n bietjie meer persoonlikheid wil gee, kan jy dit opdollie met die nuwe Drifterpak – ’n paar bykomstighede wat die bakkie ’n “moenie met my sukkel nie”-voorkoms gee. Saam met die 3,2l-enjin vryf die voorkoms ook die sleepvermoë van die BT-50 verder in. Dis in die haak Mazda bou agt modelle in die BT-50-reeks, en selfs die intreemodel met sy 2,2l-enjin is gesertifiseer om tot 1,8 ton te sleep. Elkeen weeg (leeg) meer as 1,9 ton en dit beteken jy kan die meeste woonwaens op die mark sleep. Ons toetsmotor is met ’n Thule-haak toegerus wat ’n mens in staat stel om tot 16,4 kN (1 672 kg) se…

Maak dit ’n dubbel, dankie 2013 CHEVROLET TRAILBLAZER 2.8 (OUTOMATIES) Hy is só tevrede met sy Chev hy koop sommer vir hom nog een, sê Ronnie Bresser van Sasolburg. Wat haak jy aan die Trailblazer? Ek het in 2013 vir my een van die 25 Sprite En-suites gekoop wat Loftus-woonwaens ter viering van hulle 25ste verjaardag gebou het. Hoeveel het jou sleepvoertuig gekos? Ek het hom ook in 2013 uit die boks gekoop en hy het my R400 000 uit die sak gejaag. Ek sleep dus net ’n bietjie meer as twee jaar met dié kombinasie. Aan watter vereistes moes die Chev voldoen? Hy moes genoeg wringkrag hê en ek het spesifiek na iets met ’n outomatiese ratkas gesoek. Waarmee het jy voorheen gesleep? Ek het ’n Isuzu-dubbelkajuitbakkie gehad. Ek…

WegSleep-Escape Gear-toksak Elke mens het ’n behoorlike toksak nodig, al speel jy lankal nie meer vir Bapsfontein se tweedes in die streekliga nie. Jy weet nooit wanneer jy ’n stewige sak gaan nodig kry vir een van die kinders se skoolkampe of ekstra pakplek vir jou Desembervakansie nie. Hierdie 65 l-sak van Escape Gear het genoeg pakplek vir twee weke se jeans, PT-broeke, T-hemde en ’n warm trui of twee. Die boonste flap rits groot oop sodat jy maklik kan pak en nie hoef te grawe vir sokkies nie. Jy kan jou beursie, selfoon en karsleutels in een van die twee sysakkies bêre en jou sagteband Deon Meyerboek in die ander. Die voorste sak is groot genoeg vir ’n paar nr. 12-Crocs, óf jy kan jou handdoek hier indruk as…

Die Wegbrekers-woonwaklub is vanjaar drie jaar oud en lede uit Kaapstad se noordelike voorstede én plekke so ver as Vishoek en Melkbosstrand kom minstens een keer per maand bymekaar vir ’n saamtrek. Hulle probeer elke keer by ’n nuwe kampplek staan en sê van hulle beste saamtrekke was op plekke soos Montagu, Yzerfontein, Onrus, Dwarskersbos en Die Watergat by Rawsonville.…

Die Krugerwildtuin is vir ons ’n magiese bestemming en ook ons jaarlikse winterwegbreekplek. Weke voor ons ry, kom ’n mens reeds in die regte luim wanneer jou sintuie gereed maak vir die bosveld. Al besoek ’n mens die Kruger gereeld, kan jy gereed staan vir ’n verrassing, want ’n volgende besoek het altyd iets unieks. Wanneer jy mense ontmoet wat ook in die wildtuin kamp, deel hulle graag van hulle ervarings en vertel bykans spontaan wat hulle “net hier anderkant” gesien het. Anderdag ry ons weer en wild kyk, en die volgende oomblik gryp ons na ons kameras en verkykers. Sowat 6 km van Krokodilbrug af – op die S26 – sien ons ’n koningspaar in die droë gras langs die pad. Vir ’n volle vyf uur hou ons die…

En ’n groen lig stop aapstreke “Ek kamp al byna vyftig jaar, en in daardie tyd het ek nog bitterselde my woonwa se voltent gebruik. Omdat ek nie lus is om te veel te werk of te veel goed saam te ry nie, het ek nog altyd eintlik net die wa se stoeptent opgeslaan. Daar was dus nie te veel dinge wat snags buite kon staan nie. My vrou, Tilla, is drie jaar gelede oorlede en sedertdien kamp ek alleen. Ek probeer om, waar moontlik, dinge vir myself so aangenaam en maklik as moontlik te maak. Ek het onlangs ’n maand lank by die Dolphin-vakansieoord in Ballito gaan staan met my 2003-model Gypsey Raven, en die alewige heen-en-weer om goed onder die bed uit te haal het my begin irriteer.…

In die kampplek – in die natuur – voel ek soos ’n koning op ’n ander man se erf. Maar as jy mooi daaroor nadink, is van die ongelooflikste kampplekke in die land eintlik glad nie ’n ander man se erf nie. Dis my en jou en ons almal se erf. Met die belasting wat ek en jy betaal, het ons as’t ware aandele in die regeringsbeheerde reservate en kampplekke. Dis ons eiendom ook en ons het ’n direkte belang in hulle welvaart of mislukking. Daarom moet ons ook eienaarskap en verantwoordelikheid vir dié plekke aanvaar. In al die uithoeke van die land is daar kampplekke onder die bestuur van provinsiale regeringsarms soos Kaapse Natuurbewaring, Ezemvelo KZN Wildlife, die Limpopo-toerismeagentskap en die Noordwes-parkeraad. In ruil vir ons belastinggeld moet hulle…

Net noord van Bela-Bela, op die Eersbewoonpad, is Johann en Adele Hörn besig om ’n eiesoortige kampplek teen ’n klipkoppie uit te kerf. Maar in ’n omgewing wat bekend is vir oorde met elke denkbare vorm van vermaak vir oud en jonk, slaan hulle ’n ander rigting in. Die klein Sunset Mountain-kamp is, net soos stemreg en ’n rybewys – slegs bedoel vir mense van 18 en ouer. Dis ’n stil, rustige oord en dinge soos waterwurms en grootskerm-TV’s skitter in hulle afwesigheid. Johann vertel dit het fyn dinkwerk gekos om te besluit wie hulle hierheen wil lok. “Met so baie oorde wat gerig is op gesins- en kindervermaak het ons besluit om met Sunset Mountain iets anders te doen. Ons gee vir kampeerders ’n rustige omgewing sonder die gewoel…

Jy ken daai gesukkel wanneer jy droë gras, fynhoutjies of koerantpapier gebruik om jou braaivuur aan die gang te kry, en jy weet ook ’n vuur wat nie wil brand nie, kan jou hele kampnaweek in die wiele ry. Waarom sal jy dan die wêreld vir jouself moeilik maak as daar deesdae ’n hele kruiwavrag vol vuuraanstekers is om van te kies? Die vuurtoets Ons het ’n draai gemaak by ’n paar kettingwinkels, kampwinkels en selfs motorhawens om soveel as moontlik verskillende vuuraanstekers te koop. ( Die petroljoggies het effens senuagtig eenkant toe gestaan. – Red. ) Daarna het ons een blokkie, sakkie of stokkie van elkeen geneem en dit aan die brand gesteek. Party vervaardigers stel voor jy gebruik twee of drie van hulle aanstekers, maar vir…

Op die videowebwerf YouTube kan jy sien hoe ’n woonwa wat begin swaai, só buite beheer raak dat dit omslaan én die sleepvoertuig ook sommer omruk. Meer as 1,7 miljoen mense het dié video al gekyk. Nog só ’n video op ons Facebookblad facebook.com/WegSleep  en YouTube is ook al duisende kere gekyk. Dit is een ding om te sien hoe ’n sleepkombinasie buite beheer raak en omslaan as daar nie ernstige beserings of lewensverlies is nie, maar die wêreld se nuusargiewe is ook vol berigte van sulke woonwa-ongelukke wat mense se vakansie tragies laat eindig het. WegSleep-lesers wat so amper in swaaiongelukke was, sê jy wil nie in daardie sleepvoertuig wees as die wa buite beheer raak nie. Op ons Facebookblad sê Johan Naudé van Newcastle:…

Hengelgerei Giet jou eie sinkers ’n Sinker kan jou enigiets tussen R2 en R32 uit die sak jaag, en dan loop jy die risiko om dit te verloor as jou lyn breek. Spaar eerder jou geld en maak hulle self. ’n Sinkergietvorm, wat jy by ’n gereiwinkel koop, kan jou enigiets van R250 tot R500 kos, afhangende van die soort en grootte sinkers wat jy wil maak, sê Ernest Williams van Adam’s Bait & Fishing Tackle op Gordonsbaai. “En as jy ’n gietvorm soek waarmee jy op een slag 6 van die gewilde 4 oz-sinkers kan maak – of 6 oz-, 7 oz- of 8 oz-sinkers waarmee jy in die diepsee kan gooi – kan jy ’n spesiale gietvorm daarvoor bestel, maar sulke pasgemaakte gietvorms kos rondom R1 000 elk.”…

Kort ná my 18de verjaardag het ek my vragmotorrybewys gekry – toe bou ek vir my ’n ryhuis waarmee ek drie maande deur Europa getoer het. Daarna het ek nog een gebou en met hom getoer, en toe nog een en nóg een. Elke keer as ek klaar gereis het, het ek die ryhuis verkoop en dan vir my ’n groter een gebou. Met my laaste Europese reis het ek vyf maande lank getoer totdat ek in Turkye nie verder kon gaan nie. Toe besluit ek Afrika is die volgende logiese stap. Ek is ’n elektriese ingenieur en het ’n jaar gaan werk om geld bymekaar te maak om vir my ryhuis en my reis te betaal. In daardie tyd het ek vir Marije ontmoet en sy was net so…