Indholdsfortegnelse for August 2018 i Weg! Ry & Sleep

Onlangs was ek ’n week lank in Johannesburg om ’n klompie kliënte te spreek, en afgesien van ’n paar baie belowende gesprekke oor opwindende projekte vir die nabye toekoms, was daar drie dinge waaroor ek op die vliegtuig terug Kaap toe gedink het. Die eerste was die loutere genot om vir meer as ’n halwe minuut op ’n slag te kan stort. Ek moet erken die versoeking was groot om my foon in die hotel se stortkeps toe te maak en onder die water te staan en op Facebook rond te snuffel, maar ek dink die Kaapse waterkrisis en meegaande beperkings het ons as mense verander. Ek dink nie ons sal ooit weer so spandabel met water te werk gaan as in die verlede nie. Ek het skoon skuldig gevoel…

Ek was onlangs op pad terug van Mapungubwe af na Gauteng, en die swaar verkeer op die N1 Noord het my opgeval. Genadiglik was ek aan die ander kant van die snelweg, in die teenoorgestelde rigting op pad. Twee dinge het my opgeval terwyl ek dié bestendige stroom voertuie met woonwaens, boswaens en motorfietse op sleepwaens dopgehou het. Eerstens – en die belangrikste – is dat die wintervakansie my onkant betrap het. Ek was so besig by die werk dat ek glad nie enige planne gemaak het om vir dié klompie weke saam met my gesin weg te gaan nie. Ek was vir ’n kort rukkie hart-seer en teleurgesteld in myself en het toe op die daad besluit om die sakie reg te stel. “’n Mens kry dalk die korrekte…

Vir mense wat uit Gauteng se betonoerwoud wil ontsnap, maar nie langer as ’n halwe dag in die kar wil deurbring nie, is daar baie ware bosveldbestemmings. Ons en ons voorgangertitels was oor die jare by ’n groot aantal van dié kampplekke, en by sommige van hulle het ons ’n tweede keer gaan inloer as dinge verander of die geriewe opgeknap is sedert ons laas daar was. Dié slag het ons van drie kampplekke gehoor waar ons nog nie voorheen was nie. Wat net weer eens bewys dat sodra jy dink jy het alles gesien, is daar altyd ’n nuwe bestemming wat jy kan gaan verken. NYLSTROOM-LODGE Tussen die wild Dié kampplek, 25 km buite Modimolle, bestaan al 25 jaar, maar die eienaars, Johan en Lorraine Maritz, het die daaglikse…

Kampplek ’n Boomryke kamp met gras en ’n keuse van gewone of luukse staanplekke met private ablusiegeriewe. Ablusiegeriewe Netjies, skoon en groot. Prys Gewone staanplekke: Buite seisoen R460 p.n. vir 4 mense; langnaweke en skoolvakansies R640. Luukse staanplekke: Onderskeidelik R600 en R810. Kontak 012 252 1938 of 012 252 4625 kleinparadys.com Aankoms- en vertrektyd Buite seisoen: Vrydag 8 vm. en 4 nm.; Langnaweke en skoolvakansies: 12 nm. en 10 vm. Hoe lyk die pad? Snelweg tot by Brits. Vermy die D1195 net buite Brits, want die pad is vol slaggate en die teer aan die kante breek af. Ry eerder die langer, maar beter R511 en draai ná 17 km regs op die D1195. Die afdraai na Klein-Paradys is 4 km verder aan jou linkerkant. Die laaste 500 m tot…

DAG 1 Ons ontmoet mekaar by die Namwi-eilandkamp naby Katima Mulilo in Namibië. Vanaand kuier ons om die kampvuur en kyk hoe die son oor die Zambesi sak. DAG 2 Ons dag begin met ’n vroeë ontbyt. Daarna kry elke voertuig ’n tweerigtingradio en ons kies koers na Katima Mulilo. In Katima gooi ons brandstof in en steek die grens oor na Zambië. Omdat jy soms opgehou word by die grenspos, reis ons vandag net 115 km tot by ons oornagplek by die Kabula Lodge-kampterrein. Voor aandete gaan ons op ’n bootreis op die Zambesi. DAG 3 Ons besoek een van die besbewaarde geheime van die Zambesi: die Ngonyawaterval. Dit is kleiner as die Victoriawaterval, maar het meer water en minder toeriste. Ons slaap weer vannag by die Kabula Lodge-kampterrein.…

VISVANGOORD MOUNTAIN FLY FISHING-KAMPPLEK Vlieghengel van jou staanplek af Kampplekke in Magoebaskloof digby Tzaneen is yl gesaai, maar die nuwe Mountain Fly Fishing-kampplek is ’n goeie rede om jou wa te haak. Dis nie net ’n nuwe kampplek nie, maar ook ’n gawe wegkomplek vir vlieghengelaars. Die kampplek is op die plaas Monte Cristo, waar Josie en David Pirie met avokado’s boer. Hier is vyf damme met forel en ’n mens kamp teenaan die grootste een. Elk van die vier staanplekke het sy eie badkamergeriewe met ’n stort, toilet, wasbak en opwasgedeelte. Die badkamers se warm water kom van ’n donkie waarna die eienaars omsien. Hier is nie 220V-krag nie, maar sonpanele hou die ligte aan die gang. (Dis só ingerig dat jy ook jou foon kan laai; onthou net…

SMOORVIS Vis vir die lus Hierdie resep is ’n ware randrekker, want jy’t nie so baie vis nodig daarvoor nie. Boonop kan jy die gereg maklik nog lyf gee en meer aartappel bysit. Jy benodig 1 eetlepel olie 1 klein ui, fyngekap 2 naeltjies 1 wonderpeperkorrel (all spice) 1 lourierblaar ¼ teelepel grofgemaalde swartpeper 1 aartappel, in klein blokkies gesny 100 g gerookte vis, gevlok 2 teelepels fyngekapte pietersielie 1 rissie, fyngekap (opsioneel) Só maak jy 1 Verhit die olie en soteer die ui saam met die naeltjies, wonderpeper, lourierblaar en peper daarin. Voeg die aartappel by en braai dit versigtig tot sag. Gooi ’n bietjie water by, indien nodig. 2 Voeg die vis, pietersielie en rissie by. Verhit dit tot die gereg deurwarm is, maar moenie té veel daaraan…

Ons het ’n lys van draagbare en bekostigbare kampstorte saamgestel vir mense wat soos ’n roos wil ruik terwyl hulle Moeder Natuur se skoonheid beleef. Die storte wissel van eenvoudige watersakke wat jy in ’n boom ophang tot storte wat met sonkrag werk tot dompelpompe wat jy in jou voertuig se sigaretaanstekersok inprop. LEISURE QUIP DC-TURBOSTORT Goedkoop en gaaf Dis ’n kompakte krat wat ’n elektriese dompelpompie ’n 2 m lange pyp en ’n stortkop met ’n suigdop bev Die krat hou 5 l water en jy prop die dompelpomp se koord by jou voertuig se 12 V-sok in. Die koord is nie baie lank nie – jy gaan teenaan jou Hilux moet stort. Prys R400 by Camp & Climb. Weg Ry & Sleep sê Dit is ’n…

ZIMBABWE TOE MET ’N PADWA Ek het voorheen vir Weg Ry & Sleep geskryf oor hoe ons met ’n gewone padwa deur Namibië en Botswana getoer het, en dié brief is in die Desember-uitgawe gepubliseer. Nou is ons pas terug van Zimbabwe, waar ons ook met ons gewone woonwa gereis het. Ons is Zimbabwe binne deur die Plumtree-grenspos, net noord van Francistown in Botswana, en van daar af het ons Zimbabwe in sy breedte tot teen die oostelike grens verken. Ons het plekke soos Matopos, Masvingo en die Bungawoud naby Mutare besoek. Ons het ons Jurgens Expo by vriende in Harare afgehaak en tot by die Karibameer en die Manapoele gery. Toe is dit weer terug Harare toe om die wa te kry en uiteindelik weer terug deur die Plumtree-grenspos.…

Dit gons die laaste ruk oor die Krugerwildtuin wat sy status as een van die vasteland se toptien-reservate verloor het. Dit is glo op plekke te veel ontwikkel vir internasionale besoekers wat ’n “bosgevoel” wil hê wanneer hulle na Afrika reis. Dit is gegrond op navorsing deur ’n maatskappy wat safaritoere aanbied, maar as jy my vra, is dit ’n kromgetrekte besigheid deur iemand wat ’n wesenlike belang het in die getal besoekers aan eksklusiewe reservate op ons vasteland. “Ek verkwalik die kommersiële media wat hierdie resultate klakkeloos aanhaal asof dit die evangelie is. Hulle behoort van beter te weet.” Die twee beste safaribestemmings is glo die Serengeti en Mala Mala, gevolg deur die Manapoele in Zimbabwe en die Okavangodelta in Botswana. Die Suid-Luangwa-natuurreservaat lê vyfde op die lys, gevolg…

AluBox, wat spesialiseer in pasgemaakte aluminium kratte, het ’n unieke “kombuiskrat” ontwerp. Dis so groot soos ’n gewone 80 l-plastiekhouer (55 x 38 x 38 cm) en is só stewig gebou dat jy hom sommer agterop jou bakkie of in die kar se kattebak kan sit. Volgens Paul Lydes-Uings, hoof van AluBox, is hy trouens só sterk jy kan hom as ’n trap gebruik. Die krat is volledig toegerus met eetgerei vir vier, met messe, vurke, lepels, bekers en borde, en selfs ’n snybord, braaipan en eierspaan. Die krat se deksel maak oop na bo, maar dan slaan die voorste sykant ook plat na jou toe – amper soos ’n woonwa se sydeur wat platslaan om ’n werkblad te vorm. Op die blad is ’n eenplaatgasstoof (en jy kry ook…

Vir infrastruktuur en goedgeboude paaie is ’n mens alte dankbaar. Ons is vinnig om te kla oor die slag-gate in paaie, selfs al sit jy agter die stuur van jou veldryer. Maar as jy die rotsbesaaide passe sien wat ’n klompie 4x4-geesdriftiges van die Kaap aandurf, sal ’n mens dink hulle is die kluts kwyt. “Twee ewenaarslotte – een voor en een agter – en ’n wenas is die minimumvereistes vir dié avontuur,” verduidelik Louis Smit, toerleier van die groep wat die paar uitmergelende roetes oor die volgende week aandurf. ’n Mens sou dink Louis verwys na spesiaal omgeboude pypkarre of Monster Truck-agtige gevaartes, maar dis allermins die geval. Behalwe vir die groter bande, durf die bestuurders saam met hulle medebestuurders die Kaapse berge in sewe bykans gewone veldryers aan.…

Kampplek 10 onafgebakende staanplekke met ’n betonblad, gras en koeltebome. Jy deel jou kraan en kragpunt met jou bure. Ablusiegeriewe Nie nuut nie, maar skoon en netjies met elektriese geisers. Prys R250 p.n. per staanplek (vir tot 4 mense) ongeag wanneer jy kom kamp. Aankoms- en vertrektyd 2 nm. en 10 vm. Kontak 087 808 5422 of 083 417 0436 nylstroomlodge.co.za Naaste dorp Modimolle (25 km). Hoe lyk die pad Die laaste 1,3 km is ’n grondpad wat op plekke sinkplaat gery is. GPS S24.542841 E28.330914 Weg Ry & Sleep sê Onthou jou verlengkoord (minstens 10 m) en bring eerder jou eie braaier en geniet ’n ware gesinsvriendelike kampplek saam met jou mense. >…

Kampplek 5 groot staanplekke tussen die bome by die Molope-kamp. Geen elektrisiteit nie. Ablusiegeriewe Baie basies. Die ligte werk met sonkrag. Prys R230 p.n. per staanplek vir die eerste 2 gaste. R80 p.p ekstra vir bykomende volwassenes (maksimum 6 mense) en R40 vir kinders. ’n Bykomende ingangstarief van R25 p.p. en R30 per voertuig word gehef. Aankoms- en vertrektyd 2 nm. en 10 vm. Kontak 078 869 5240 bloubergreserve.co.za info@kunemoya.co.za Naaste dorp Vivo (18 km). Hoe lyk die pad? Teer tot by die hek. Die 1,3 km van die hek af is ’n goeie grondpad. GPS S22.977141 E29.15085 Weg Ry & Sleep sê Bring jou kamera se lang lens en pak maar jou veldryer se herwinningstoerusting.…

“Hier kan jy in die kliprant bo die kloof gaan stap, bergfiets ry, hengel, swem en natuurlik met jou veldryer kom speel.” Die Ribbokkloof-lodge is geleë op Uitkyk, ’n werkende plaas wat deel vorm van die Gelykwater-bonsmarabeesboerderye. Jy kan dus bulkende goudbruin beeste verwag wat vroegoggend aan die gras weglê terwyl oorlamse kalwers die wêreld vol bokspring. Hier kan jy in die kliprant bo die kloof gaan stap, bergfiets ry, hengel, swem, voëls kyk en natuurlik met jou veldryer kom speel. Dit is ’n gewilde bestemming vir viertrekklubs wat oor naweke saamtrek. Die spruit wat deur die Ribbokkloof vloei, word dan as ’n hindernisbaan gebruik wat veldryvoertuie se kloutervermoëns op die proef stel. Maar as jy rustigheid soek, is hier ook ’n matiger bergpaadjie wat oor die rantjie kronkel. Ryplek…

DATUM 1-12 November 2018. PRYS R16645 p.p. (BTW uitgesluit). Halfprys vir kinders o.10. BHEJANE VERSKAF Alle kamptariewe. Alle parktoegangsgeld. Alle geadverteerde aktiwiteite en etes wat hier genoem word. Al die tente, breekware en eetgerei. Koffie en tee terwyl ons bedags in die kamp is. WAT JY MOET BRING OF BETAAL Jou voertuig en brandstof. ’n Matras of kampbed, slaapsak en kussing. Opvoustoele. Drinkgoed en peuselkos. Reis- en mediese versekering (wat versekering vir ’n noodontruiming insluit). Grens- en padbelasting. Ja, ek wil gaan! Bespreek by 044 535 9033 of bookings@bhejane.com Vir inligting bhejane.com…

Vis Reënboog- en bruinforel. Kampplek 4 staanplekke langs ’n foreldam, elk met sy eie plaveisel en groot grasperk. Ablusiegeriewe Jou eie badkamergebou met ’n stort, toilet en wasbak. ’n Donkie sorg vir die warm water. Prys Op aanvraag. Aankoms- en vertrektyd 2 nm. en 10 vm. Kontak 083 255 7817 of 072 698 7813 pirie@mweb.co.za mountainflyfishing.co.za Hoe lyk die pad? Die laaste 8km is grondpad wat nie begaanbaar is vir gewone padwaens nie. Hier moet jy eerder in ’n boswa, boswoonwa of tent kamp. GPS S23.873676 E29.907161 Weg Ry & Sleep sê David kan ook hand bysit met ’n les of twee as jou vlieghengelvaardighede effens verroes het. Reël net voor die tyd.…

Daar was net een manier hoe die boesemvriende David Griesel en Frans Grotepass hulle gradeplegtigheid aan onderskeidelik die Universiteit van Kaapstad en Stellenbosch wou vier. Hulle wou Suider-Afrika ses weke lank verken – op ’n epiese reis van 14 000 km. Die dag ná die gradeplegtighede val hulle met David se ou Land Rover 300 Tdi (met meer as 460 000 km op die klok) in die pad na die noorde van die land – met ’n vinnige stop by Kimberley se Groot Gat en Orania. Hulle oornag by David se ouers op Tzaneen en vertrek die volgende oggend na die Krugerwildtuin waar hulle ’n nag deurbring voor hulle die grens na Zimbabwe oorsteek vir die eerste deel van hulle reis. Frans vertel... Gonarezhou, Zimbabwe “Dit is ons albei se…

“As ’n mens ’n ordentlike 4x4-voertuig wil koop, is dit nie nodig om een te soek nie, want die Patrol is die antwoord. Ek is wel nie mal oor die Patrol se voorkoms buite nie, maar binne is dit ’n ander storie. Ek verkies ’n groot ryding en ’n mens is bederf met al die binneruimte. ’n Mens hoor die V8 se dreuning in die agtergrond; dis só ’n mooi klank dat ek die radio af los sodat ek eerder na die enjin kan luister. Die outomatiese ratkas is seepglad, al is die bakwerk swaar. Selfs met sy groot lyf is dit moeiteloos om hom te bestuur. Ek sou egter ratspane verkies – iets wat die Patrol nie het nie. Jy kan wel self die ratte kies, maar die ratkas…

Lengte 5 330 mm Breedte 1 855 mm Hoogte 1 835 mm* Binnehoogte 2 200 mm Gewig 560 kg (sonder bakkie) Brandstoftenk 80 l Prys R234 000 * Afhangend van die voertuigmodel en bande Plus Slim en praktiese ontwerp. Daar is oorgenoeg pakplek. Ruim genoeg om regop te staan binne. Die skarniere en sweiswerk is van uitstaande gehalte. Alles vou vinnig uit en toe. Minus ’n Mens trap maklik op die rubberseël in die deur. Die kombuislig skyn direk in jou oë en nié op die werkoppervlak nie. Die deur het nie ’n knip om hom oop te hou nie. Die plastiektrappie is maar effentjies vir groter mense. Die yskas kan nie van binne af bereik word nie. Weg Ry & Sleep sê Die Bosluis 2 is bobaas…

Die woord snorkel kom uit die Germaanse Schnorchel wat ’n slengwoord is vir neus of snoet. Die eerste verwysing na ’n snorkel is in Aristoteles se boek Oor die dele van diere (350 v.C.) waarin hy skryf oor sekere diere – onder meer die olifant – wat onder die water kan asemhaal deur sy “snoet” bo die wateroppervlak te hou. Argeologiese opgrawings in Kreta, Griekeland, wys ook snorkels is reeds 5 000 jaar terug al deur seesponsboere gebruik. Dit is nie bekend watter voertuig eerste met ’n snorkel toegerus is nie, maar dit was waarskynlik ’n militêre landingsvoertuig wat uit die romp van ’n boot moes ry, land toe “swem” en dapper deur die vyand se bombardering oor ’n strand moes kruip.…

Baan die (Melk)weg So tussen die boerdery deur toer Tom Kotzé van Schweizer-Reneke ons vasteland plat. En hy het áltyd sy kamera byderhand. “Dit het meer as 300 foto’s gekos om ’n foto soos dié een te kry waarmee ek tevrede was. Ons het by Kubueiland in Botswana gekamp waar ons ’n hele paar laat aande en vroegoggende opgeoffer het om foto’s van die Melkweg te neem. ’n Vriend van my, Kobus Kriek, was saam en het gehelp met die beligting. Ons het ’n geel hemp oor ’n flits getrek waarmee ons toe die stam van die kremetart verlig het.” Toe fotografie nog in sy kinderskoene was, kon ’n mens net foto’s in helder sonlig neem. Maar intussen het daar baie water in die see geloop en die digitale era…

Christo Thomson Vergeet van die EB-rybewys. Dit is hopeloos te moeilik en ingewikkeld. Gaan sommer van die begin af vir ’n EC1. Dit is baie makliker. My seun het dit so gedoen. Gelukkig kan hy al van jongs af agteruitstoot met ’n wa. Nicholas Taylor Kan hierdie onderwerp asseblief meer aandag kry? Daar is te min bestuurskole wat EB-kursusse aanbied en mense van my generasie gaan dit waarskynlik nooit kry nie. Die gepaardgaande rompslomp met EB-rybewyse maak nóg meer moeite. Dit is nie goeie nuus vir die woonwabedryf nie. Hubert Gainsford Doen die EB eerste. Hoekom tyd mors deur eers die Kode B te doen? Jeanne Wilters Doen dadelik die EB. En laat hulle dan stelselmatig help met die sleepverantwoordelikhede. Des White Dis gek dat bestuurskole net kode B-kursusse aanbied.…

Enkele maande nadat die eienaars van Okto-woonwaens die planne vir hulle eerste padwa aangekondig het, staan die eerste model, die Villa, nou op die vloer. Die uiteindelike ontwerp is hoofsaaklik die handewerk van Ingo Ferreira, en een van sy belangrikste opdragte was dat die Villa in ’n standaardmotorhuis moet pas. Met ’n hoogte van 2,05m voldoen die wa aan dié vereiste. Die opwipdak lig ’n allemintige 60 cm vir ’n vloer-tot-dakhoogte van 2 m binne-in. (Die dak se middelpunt is 25 mm hoër as die rande sodat water kan afloop. Dit het ook nie lasplekke nie, wat beteken geen lekplekke nie.) Ingo verduidelik een van die groot uitdagings was om Suid-Afrikaanse regulasies in die agterkop te hou. Die ligte moet byvoorbeeld op ’n sekere plek sit én dan is daar…

Die Elandsrivier-lodge, ’n jagplaas 21 km buite Marble Hall in Limpopo, het ná ’n jaar se gewerskaf sy nuwe kampplek, Vaderland Wilge, geopen. Dit is ’n omheinde gebied van 3 ha op die groter plaas van 400 ha waarop ’n mens verskeie wild soos blesbok, blouwildebees, vaalribbok, eland, kameelperd, swartwitpens en buffel kan sien. Die staanplekke is tussen bome uitgelê op ’n groen grasperk met kragpunte en krane naby. Hier is plek vir enigiets van ’n tweemantent regdeur tot ’n opgeslaande woonwa. Die Elandsrivier grens aan die een kant, maar kampeerders moet liefs nie hierin swem nie omdat dit ook krokodilwêreld is. Gaan maak eerder lyf nat in die kampplek se eie swembad. Die boma met opwasgeriewe en die kombuis is naby en vir almal se gebruik. Die heining rondom…

Tierkloof het afgebakende kampplekke onder groot bloekombome en sluit geriewe soos krag en selfoonontvangs in. 082 578 1853 of 076 782 3481 wilmar@tierkloof4x4.co.za tierkloof4x4.com Cederberg Oasis bied ’n verskeidenheid verblyfkeuses wat wissel van kamers regdeur tot permanente tente tot plek om jou eie een op te slaan. Hier is geen selfoonontvangs nie, maar dis sekerlik die groenste kol in die Sederberg. 027 482 2819 of 087 550 1360 cederberg@telkomsa.net cederbergoasis.co.za Mertenhof-gasteplaas sit weggesteek anderkant Wupperthal en hier is enigiets van selfsorghuisies tot ’n grasperk met bome waar jy ’n tent kan opslaan. 027 482 2845 Leeuwenboschfontein het ordentlike staanplekke met puik geriewe – en selfs nuwe selfsorgeenhede vir diegene wat nie wil kamp nie. Hier is geen selfoonsein nie maar hulle verkoop data sodat jy met hulle wifi oor die…

Kampplek 22 staanplekke sonder gras en elektrisiteit. Nie al die staanplekke is gelyk nie. Ablusiegeriewe Buitelugtoilet- en stortgeriewe. Die personeel sorg dat die donkie aangesteek word. Prys R155 p.p.p.n. (R80 vir kinders van 4-12 jaar; gratis vir o.4’s en honde). Aankoms- en vertrektyd 2 nm. en 10 vm. Kontak 015 491 4882 of 082 389 6631 thabaphaswa.co.za Naaste dorp Mokopane (16 km). Hoe lyk die pad? Jy ry 7 km grondpad tot hier en by plekke raak dit rof, veral as jy met ’n padwa kom kamp. GPS S24.058473 E29.043822 (ontvangskantoor) Weg Ry & Sleep sê Onthou jou fiets, verkyker en stapskoene.…

Die bekoorlike Bosveld begin in die omgewing rondom Brits in Noordwes, minder as twee uur se ry uit Gauteng. Dié dorp is bekend as Gauteng se kosmandjie – jy bevind jou hier tussen sitrusboorde én mielie- en groentelande. Maar dit is tussen die tamatie- en slaailanderye waar jy ’n heerlike naweekkampplek raakloop. Die Klein-Paradys-woonwapark, ’n gewilde naweek- en vakansiebestemming, is net noord van Brits op die D1195 en jy moet lank voor die tyd bespreek om jou plekkie hier te kry. Sommer met die inryslag sien ’n mens hoekom die oord hom as ’n paradys bemark. Die terrein is boomryk en het van hoek tot kant goedversorgde grasperke, en die drie damme wat die oord in die lengte in twee sny, dra by tot die skoonheid. As jy laatmiddag dam…

Maksimum getal voertuie Onbeperk. Kry ek ’n kaart? Ja. Sal my voertuig krap? Onwaarskynlik. Moet ek ’n kompressor saamneem? Nee wat. Kan ons langs die pad braai? Ja, maar kry eers toestemming. Kan ek halfpad omdraai? Ja. Is daar selfoonsein? Daar is sein op die rantjies. RONDOM DIE ROETE  Beste tyd om te gaan? Januarie tot April. Kan ek my gesin saamneem? Ja, beslis. Net vir die dag of die naweek? Dagbesoekers is welkom, maar bly eerder vir ’n naweek. Is daar ablusiegeriewe? Ja. Aanwysings Neem die R555 ooswaarts uit Middelburg in die rigting van Stoffberg. Ongeveer 40 km buite Middelburg sal jy ’n padpredikant aantref wat jou na Wapadskloof en Ribbokkloof regs beduie. Volg die Wapadskloof-grondpad vir 4 km tot by Ribbokkloof se plaashek. GPS S25.58782 E29.81868 Wat kos…

“Ons kamp al sedert 1975 en ek en my vrou is gaande oor dié leefstyl. Voor ons 51ste huweliksherdenking het ons besluit om ’n nuwe woonwapark op die proef te stel. Dit wil nogal gedoen wees as jy in ag neem dat ons ons wa al by 98 verskillende kampterreine staangemaak het. Net buite Moloto, op die pad na Rust de Winter, het ons ’n juweel van ’n oord gevind in die WagonDriftlodge-en-natuurpark. Ná soveel jaar se kamp weet ons uiteindelik presies wat ons in ’n woonwapark wil hê. Hoe lyk die kampterrein? Met ons besoek was daar twee staanplekke – Porcupine en Warthog. Albei het krag en elkeen het sy eie private ablusieblok. Die ablusiegeriewe bestaan uit ’n stort, opwasplek en aparte toilet. Die gebou is geteël binne en…

Plastiek is al ’n eeu met ons en deel van die alledaagse lewe, maar ongelukkig lei dit tot erge besoedeling, ook in die see. Veral ballonne en ou hengelgerei soos visnette is ’n groot probleem wat die seelewe aan die kortste ent laat trek. Na raming het twee derdes van alle vis al plastiek ingekry. ’n Mens sou dink Suid-Afrikaners moet juis meer bewus wees van dié probleem omdat die land so ’n lang kuslyn het, maar Suid-Afrika tel glo onder die twintig grootste sondaars wat plastiekbesoedeling betref (met China boaan die lys). Die syfers is verbysterend: Reg oor die wêreld is daar ’n geskatte 5,25 miljard stukke plastiek in die oseane en dié syfer groei daagliks met tot 15 000 stukke, en die verwagting is dat dit teen 2020…

Ons is ’n plaaslike groep Jimnygeesdriftiges wat gereeld 4x4-roetes in ons omgewing aandurf. Ons geniet dit om te kamp, en wanneer ons bymekaarkom, is dit altyd lekker om te sien watter modifikasies aan wie se Jimny gedoen is. Met die Baviaans op ons voorstoep het ons besluit om vir ’n naweek by Kudu Kaya te gaan kamp en sommer van die kans gebruik te maak om te sien hoe elkeen sy of haar Jimny aangepas het om by hulle behoeftes te pas. Ons was sewe wat kom kamp het met ons Jimny, en elkeen het ’n ander manier van kamp én ’n unieke manier om alles in die min beskikbare pakplek te kry. Die tente het gewissel van klein kitstente tot ’n groot Oztent RV4 (wat op ’n dakrak gelaai…

GORTRISOTTO MET LAMSVLEIS Die gort is gaar! Gort maak ’n lieflik neutagtige risotto – en met min moeite maak jy ’n vullende en smaaklik kampaandete! Jy benodig (genoeg vir 4) olie vir braai 4-6 lamsboudtjops 2 koppies groenteaftreksel 1 koppie droë witwyn 2 eetlepels botter 1 ui, fyngekap 2 knoffelhuisies, fyngedruk 2 koppies gort 4 vars tiemietakkies (of gebruik 1 teelepel droë tiemie) sout en swartpeper na smaak Só maak jy 1 Verhit ’n bietjie olie in ’n kastrol en braai die tjops tot goudbruin en gaar. Voeg die helfte van die aftreksel en wyn by en prut dit stadig vir sowat 1½ uur totdat die vleis sag is. Skep die vleis uit die vloeistof en vlok dit met twee vurke. 2 Smelt solank die botter in ’n tweede kastrol…

Jy kan die saai voorkoms van byna enige standaardbakkie opkikker met ’n stel 33”-modderbande, ’n bosbreker, wenas en ’n snorkel. Maar is ’n snorkel werklik onontbeerlik of is dit net ’n treffende dog meestal nuttelose katoeter? Waarom ’n snorkel? ’n Snorkel het drie hooffunksies: Om skoon lug aan die enjin te voorsien; om koel lug aan die enjin te verskaf; en om water uit die enjin te hou. Daar’s ’n daadwerklike verskil tussen stof in ’n huis en stof op die oop vlaktes van die Namibwoestyn. Die stof in ’n huis bestaan uit wolletjies en vel- en haarselle, maar in ’n woestyn kry jy te make met fyn sandkristalle. En as dié in jou kar se enjin beland, gaan lê dit dikwels tussen die suierkop en -wand waar dit teen…