Indholdsfortegnelse for January 2020 i Weg! Ry & Sleep

Skaars 30 km buite Pretoria, uit op die Molotopad, kan jy nou by die nuutste kampplek in dié omgewing afdraai. Nadat Ruah Park sy deure begin laasjaar vir kampeerders geopen het, is die tweede deel van die kampplek gedurende Augustus ontwikkel. Ruah Park – die naam kom van die Hebreeuse woord wat “asem van lewe” beteken – lê op ’n lappie grond van net groter as 30 ha, en die 38 staanplekke is in ’n klofie tussen die omliggende rante ingerig. ’n Natuurlike fontein ontspring op die grond en loop ook deur die eiendom. Soos jy aankom na die kantoor toe, kry jy eerste die Blesbokkamp (die nuutste staanplekke), gevolg deur die Njalakamp wat op terrasse parallel aan die fontein uitgelê is. Hier is selfs ’n paar bokke te sien…

Die leerlingtoets vir die B- en EB-rybewys is dieselfde toets, maar eienaardig genoeg moet jy die toets wéér aflê as jy ’n B-bewys het en ’n EB-bewys wil bekom. Die owerheid is besig om iets te doen aan dié probleem. In die Staatskoerant van 20 April 2018 (No. 41586 27) is ’n kennisgewing gepubliseer om Regulasie 104 van die Padverkeerswet te wysig. Die strekking daarvan is as jy reeds ’n leerlingtoets afgelê het in ’n sekere rybewyskode (soos kode B vir ligte voertuie), hoef jy nie weer die toets af te lê as jy aansoek doen om ’n volgende rybewys in die dieselfde kodegroep nie (in dié geval EB). Volgens die padverkeers-en-vervoerkonsultant Alta Swanepoel is dit ’n unieke situasie. “Die kommentaar om die regulasie te wysig het in 2018 reeds…

Lexus het ’n streep op die grond getrek toe hy sy eerste ryding, die LS-sedan, 31 jaar gelede bekend gestel het. Wat gehalte en tegnologie-innovering betref, het die LS400 onmiddellik luuksevoertuigvervaardigers soos BMW, Jaguar, Mercedes-Benz én Amerikaanse handelsname soos Cadillac die stryd aangesê. Nege jaar daarna is die RX gebore, die eerste ware luukse sportnutsvoertuig uit die Ooste. Met die tweede geslag van die RX het hy ’n pionier in hibriede-tegnologie geraak. En nou, met die vierde generasie, is die RX nie net buitelangs opgeknap nie, maar hy het ook verskeie tegnologie-opdaterings ontvang... én daar is ’n splinternuwe model. Wat presies is nuut? Die RX se voorkant het aansienlik verander. Die reusagtige sierrooster spog met nuwe L-vormige details en die blou Lexus-kenteken glim trots in die middel daarvan. Die blou…

Toyota Suid-Afrika het sewe Land Cruisers by die Flamingo-lodge laat aflewer. Die voertuie het uit Gauteng gekom, deur die Oshikango-grenspos in Namibië tot by Lubango in Angola, en is van daar af tot op Namibe geneem. Daarna is hulle al die pad terug Gauteng toe, ’n reis van sowat 5 000 km. Agt joernaliste, onder wie Cyril, is per vliegtuig van Suid-Afrika af oor Namibië tot in Angola geneem. Toyota Suid-Afrika het vir die vlugte en verblyf betaal. Die doel van die reis was om die nuwe Toyota Land Cruiser 79 Namib bekend te stel, hoewel Cyril die Doodsakker met ’n Cruiser 200 gery het. Cyril het wel Ilha dos Tigres met ’n Cruiser 79 Namib verken – die eerste voertuig op die eiland in 45 jaar. Die voertuig is…

Die Spookspruit-4x4-roete lê tussen Heidelberg in Gauteng en Balfour in Mpumalanga en is ’n plek waar jy jou vernuf én jou ryding se veldryvermoë tot die uiterste kan toets. Johan en Elsie Havenga, wat aan die stuur van sake staan by Spookspruit-4x4, het hulle sewe jaar lank geslyp as baanbeamptes by die gewilde Bridgestone Challenge-byeenkomste. Dit is dus g’n verrassing nie dat hulle 4x4-speelplek in die Hoëveld ’n hoogs tegniese roete is. Terloops, dit is presies dié lappie aarde waaroor Toon van den Heever in sy bekende gedig “In die Hoëveld” liries raak. Maar hier word jy darem nie nét getoets nie. Omdat dit ’n begeleide toer is met Johan wat die leisels neem, kan jy ook ’n reeks nuwe en gevorderde vaardighede kom aanleer om van jou ’n beter…

Nuwer en beter 2017 TOYOTA HILUX 4x4 RAIDER en BUSH LAPA VLOOI Hy koop al die afgelope 40 jaar nét Toyotas, maar dis nie ’n geval van eensydigheid nie, sê Chris, die wetenskaplike... “ Ek het voorheen twee jaar met my Fortuner 3.0 D-4D 4x4 gery vóór ek besluit het dit is tyd om op te gradeer – bloot omdat die ou turbodieselenjin nie so verfyn en ekonomies was soos die nuwe een nie. Ek het ook nie genoeg ruimte gehad om al die goed te pak vir my veldry-avonture nie. By my was daar geen twyfel nie dat ek weer ’n Toyota sou koop, en ek het na geen ander handelsname gekyk nie. Hoewel ek graag met ’n Prado sal wil ry, het ek 18 maande gelede dié tweedehandse…

VISVANGOORD BASS LAKE BAARSBURE Dis nie by enige kampoord waar ’n mens soos ’n gas in ’n luukse hotel met drankies begroet word nie. By die Bass Lake-lodge staan jou kamp skaars of die oordmense staan nader met ’n skinkbord waarop ’n glasie sap vir elkeen wag. ’n Mens kan jou maar regmaak vir ’n heerlike kuier, want hier is geen tekort aan gasvryheid nie. Dit is nie alte dikwels dat ’n mens die woorde “kamp” en “weelde” in een asem hoor nie, maar tog is daar al hoe meer oorde wat hulle toespits op die gemak van kampeerders, veral in die noorde van Pretoria. Dis duidelik Leon en Meléne van den Heever, die eienaars van Bass Lake, het hierdie benadering deel van hulle bestuurstyl gemaak. KAMPLAAN Die 34 netjies…

Danksy tegnologiese vooruitgang die laaste paar dekades is vandag se voertuie ekonomieser, veiliger en heelwat sterker as voorheen. Die Audi Q3 is ’n sprekende voorbeeld hiervan. ’n Halwe eeu gelede het Audi se naasgrootste petrolenjin – die 1,5 l in die 1972-model Audi 60 – 114 Nm gelewer. Deesdae skop die Q3 se 1,4 l-petrolenjin meer as twee keer soveel krag uit, wat natuurlik beteken jy sleep met ’n groot glimlag tot in die kampplek. Drie modelle van die Q3 is beskikbaar, almal met dieselfde petrolenjin (1 395 cc) wat 250 Nm en 110 kW uitskop. En al drie modelle het dieselfde seepgladde outomatiese ratkas. Die prys van die goedkoopste en duurste model verskil met skaars R34 000, en as jy ’n bykomende R10 500 uithaal, kan jy die Q3…

ALVA-BUTAANSTOOF Nes by die huis Dit lyk dalk soos ’n mikrogolfoond, maar hy is beslis nié een nie. Hierdie is ’n ordentlike en veelsydige klein oondjie, hoewel jy effens beperk word met sy grootte. Maar dit wat jy hier kan inpas, kan jy ordentlik gaarmaak, net soos by die huis. Die oond gebruik ’n 220 g-butaansilinder. Prys R2 695 by Camp & Climb. Ry & Sleep sê Jy kry ’n nuttige drasak by. Hoewel die stofie nie besonder swaar is nie – net 9 kg – is dit ’n effense lomp ding om in te pak. WONDERBAG Innoverend Die tydskrif Time het die maatskappy wat die Wonderbag vervaardig, in 2018 vereer as een van die 50 innoverendste maatskappye ter wêreld. Dit is inderdaad ’n groot eer vir dié KwaZulu-Natalse firma.…

Ek dink baie van ons is maar traag om jou woonwa uit te pak sodat hy gediens kan word. Daarom gebruik ek etlike jare al die dienste van ’n mobiele werkswinkel – hulle kom diens my woonwa by my huis. Ek is só streng oor dienste dat ek selfs elke vierde jaar die bande vervang, al lyk die loopvlak nog heel goed. Onlangs maak ek weer so en die werktuigkundige kom na my huis toe om my wa te diens. Dis hoog tyd, want iets klink verdag by die koppelstuk van die woonwa. Nadat die spesifieke werktuigkundige die afspraak ’n hoeveelste keer uitstel, vervies ek my en blaai deur die September-uitgawe van Ry & Sleep. Hierin sien ek toe die advertensie van Wessel Mc­Master van Caravan Services & Repairs. Ek…

Lugdrama Met geduld agter die kameralens kan jy met ’n wenfoto beloon word – kyk maar na Vanessa Kruger van Polokwane en die rooijakkals wat sy afgeneem het. “Ek het ’n reeks foto’s van ’n rooijakkals geneem by die Cubitje Quap-watergat net noord van Nossob in die Kgalagadi-oorgrenspark. Die hele oggend wat ek hom sit en dophou het, het hy herhaaldelik probeer om sy prooi langs die watergat vas te trek. Vir elke poging het hy die water van die regterkant af bekruip, en dan gewag dat die duiwe hulle sit kry. Daarna het hy skielik deur die lug geduik in die rigting van die voëls – dit het gelyk of hy weet die voëls gaan opvlieg. Die jakkals het nie moed opgegee nie, en ek was gelukkig genoeg om…

Die eienaars van die bekende Dibikioord op Hartenbos het nuwe lewe geblaas in die Takkieskloof-oord op Riversdal. Oosie en Martie Pretorius het getender om Takkieskloof as ’n vakansieoord te bedryf en ’n 30 jaar-kontrak met die Hessequa-munisipaliteit gesluit om die oord op te gradeer en dit as die Dibiki Riversdal-oord te bedryf. Voorheen was hier 16 staanplekke met private badkamers, maar Oosie-hulle het die geriewe ’n hele nuwe – en vars – gedaante gegee. Elkeen van die badkamers het ’n opwasgedeelte, stort, toilet en wasbak. Hulle is nog besig om die algemene badkamers op te knap, en die plan is om dit vroeg vanjaar reg te hê vir die 12 algemene staanplekke by dit. Sake lyk belowend vir Dibiki Riversdal, want die kampplek was volbespreek vir Desember en Januarie. Die…

Tesla-motors het onlangs sy elektriese Cybertruck bekend gestel. Anders as ander Tesla-voertuie met vleiende kurwes is die Cybertruck die ene hoeke. Die volksvreemde stilering saai verdeeldheid onder die publiek: Aan die een kant is daar die Tesla-juigkommando wat gaande is oor sy voorkoms, en aan die ander kant die kritici wat die neus optrek. Vir ons lyk dit asof Tesla se baas, Elon Musk, die ontwerp van die Cybertruck aan ’n driejarige met vetkryte en ’n liniaal oorgelaat het. Binnelangs is daar géén knoppies op die instrumentepaneel nie en álles word vervang deur ’n enkele raakskerm wat – heel demokraties – halfpad tussen die bestuurder en voorste passasier geplaas is. Boonop lyk dit nie of Elon verstaan wat die doel van ’n bakkie is nie. Die plat bakpanele gaan maklik…

Ons moet uit die staanspoor sê die Doodsakkerroete in Angola is ’n gevaarlike bestemming. Selfs ervare avonturiers soos Johan Badenhorst se Voetspore-span het hulle rieme hier styfgeloop toe hoogwater hulle oorval het. Ons raai jou dus ten sterkste af om die Doodsakker op jou eie aan te durf, maar moedig jou wel aan om eendag saam met vriende op te ruk na Angola en hierdie bul by die horings te pak. Hier volg ons ondervinding met die Doodsakker. “DOODSAKKER” IS DIE MILITÊRE TERM vir ’n hinderlaag waarin ’n vyand toegelaat word om tot teenaan verskuilde troepe te vorder voordat daar van alle kante af op hulle losgebrand word – in Engels staan dit bekend as ’n kill zone. Die eerste ding wat jy jou moet afvra, is of jy werklik…

Slanghoek lê sentraal tussen Ceres, Wellington en Worcester, en jy kamp hier tussen wingerde en vrugtebome. Jy staan op welige groen gras, onder koeltebome en langs ’n stroom waarin die takke van wilgerbome rustig heen en weer wieg in die kabbelende water. Saans hoor jy paddas kwaak en voëls en insekte is volop – pak dus jou gidsboeke, insekweerder en stapskoene in, want langs die Slanghoekstroom gaan jy heerlik kamp en die wêreld verken. Die oord is net meer as ’n uur se ry uit Kaapstad. Ná die Hugenotetonnel draai jy af van die N1 op die R101 na Rawsonville. Kort daarna gaan jy wéér links draai by die padaanwyser na die Slanghoekvallei, en vir die volgende 10 km ry jy al kronkelend op die teerpad verby Goudini-spa, Jason’s Hill…

Op die internet kry ’n mens ’n groot verskeidenheid kampwenke – of hacks, soos die Engelsman dit noem. Ons weet egter te goed ’n mens kan nie alles glo wat jy op die wêreldwye web sien nie; dus het ons van die gewilder wenke self op die proef gestel om te kyk wat werk en wat nie… Maak hom brand Wat is dit? ’n Kartonhouer wat 18 eiers hou, werk heel gaaf vir dié wenk. Ons weet die meeste kampeerders verkies ’n houtvuur (Wel, ons hoop so. – Red.), maar as jy in die knyp is, kry jy op dié manier jou kole vinnig gereed om te braai. Werk dit? Ons stel voor jy gebruik van daardie brikette wat in ’n kits aansteek, anders gaan jy met ’n smeulende gemors…

Waar is die pad, wonder ek terwyl die droë rivierloop waarin ek ry, in ’n swartwattelbos doodloop. Wag ’n bietjie... ja, daar voor draai hy skerp na links, oor die rivier se wal. Ek frons wanneer ek sien hoe hoog die wal is. Die Isuzu mu-X waarin ek ry, is eintlik nie gemaak vir sulke hindernisse nie. Ek is in die Oos-Kaap, op soek na ’n lekker agterpad van Gauteng tot in die Addo-olifant- nasionale park. Toe ek my beplanning gedoen het, het die Katbergpas na ’n goeie opsie gelyk, en my vrou het my vertel van die nabygeleë Devil’s Bellows-pas wat sy 13 jaar tevore met ’n Volkswagen CitiGolf aangedurf het. In daardie stadium was ons pas getroud en sy het vir Natuurbewaring gewerk. Sy moes die bergpas destyds…

Anton wen ’n koelsak ter waarde van R220. Of jy nou kamp, piekniek hou of langs die krieketveld sit, die koelsak het onder meer plek vir ’n kosblik én genoeg ruimte vir ’n 1,5 l-koeldrankbottel. Daar is ook nog pakplek in die boonste helfte vir ’n bottel die helfte van dié grootte. Verder is die binnekant met ’n PVC-laag uitgevoer wat dit maklik maak om die koelsak skoon te hou. Die sak het ook ’n handvatsel wat bo-oor kom en met klitsrits heg, asook ’n skouerband as jy jou hande vry wil hê.winkel.weg.co.za…

Die Gautengse wabouer Echo4x4 het ’n perseel in Okavango Park in Bellville gekoop om ’n Kaapse mini-hoofkantoor op die been te bring. Tot einde 2019 het Echo4x4 eiendom in Bellville gehuur. Die nuwe gebou het ’n ruimte van 1 600 m² onder dak. Willie Grobler, die eienaar van Echo4x4, sê die nuwe winkel bied ’n verskeidenheid van dienste aan Echo-klante. Die gedagte is – net soos by die hoofkantoor in Centurion – om ’n leefstylwinkel hier te hê. Uiteraard sal al Echo se woonwaens beskikbaar wees, maar die winkel gaan ook ’n monteerafdeling hê waar van die nuwe waens aan mekaar gesit word. Echo gaan dus nie meer klaargeboude waens van Centurion af Kaap toe stuur nie. Gavin Peterson is die handelaarshoof in Kaapstad. Nuwe adres Sandpipersingel 3, Okavango Park.…

Jos Joubert van Abba Campers is bekend vir sy minibussie-tot-ryhuis-ombouings, en nou het hy ook die Renault Trafic Van deel van sy aanbod gemaak. Jos bou elke model volgens die spesifieke behoefte van sy klante, wat beteken geen twee modelle is noodwendig eenders nie. Met die Renault, byvoorbeeld, omskep Jos dit in ’n ryhuis met plek vir vyf mense – daar’s slaapplek vir vier volwassenes en ’n kind. In dié weergawe lig die dak aan die voorkant soos ’n woonwa-opwipdak. Soos die dak lig, vorm dit ’n oppervlak vir die “boonste” bed; twee volwassenes kan hier slaap (die bed is 2 m lank). Onder slaan die banke plat vir nog twee mense, en die voorste sitplekke swaai om – slaapplek vir ’n kind. Verder kan Jos die Renault toerus met…

Van al die groot voertuigvervaardigers het Ford tot onlangs die minste in elektriese voertuie belang gestel. Ja, daar was al ’n paar elektriese Fords, maar hulle is bloot gebou om aandeelhouers te paai en teenbesoedelingsbelasting te omseil eerder as om waarlik die tegnologie te omarm. Henry Ford was ook berug daarvoor dat hy ’n sterk weer-sin in batteryaangedrewe voertuie gehad het. Hy het slegs een elektriese prototipe gebou omdat sy boesemvriend Thomas Edison ’n afsetpunt vir sy batterye gesoek het. Terloops, Edison se battery was feitlik nutteloos en kon geen voertuig doeltreffend aandryf nie. Jim Hackett, Ford se huidige baas, het egter ’n Damaskusoomblik beleef en opdrag gegee dat Ford ernstig kyk na elektriese voertuie. Dit is onwaarskynlik dat Hackett se hart bloei vir Moeder Aarde. Hy’t eerder besef Ford…

Die Skedelkus is, selfs in die moderne era, een van die ongenaakbaarste plekke op aarde. Dis ’n strook kuslyn waar die mens teen die natuur worstel en net met fyn beplanning lewend aan die ander kant uitkom. Hier het al hóéveel skepe, mense, diere en selfs besigheidsplanne ’n laaste rusplek gekry. Maar met slim tegnologie en verbeterde voertuie het dit in onlangse jare al heelwat makliker geword om dié emmerskoplysbestemming te besoek. Mense het al tot by die Kunenemond op die grens tussen Namibië en Angola gestap, ander het met fietse afgery, en ’n klompie manne uit Centurion het die kinders in die skoolvakansie met die Hilux kom wys hoe dit lyk. Maar een ding wat niemand nog aangedurf het nie, is om ’n groep boswaens en -woonwaens tot hier…

“ Ons is ’n groep stapvriende wat onlangs die Swellendamroete in die nabygeleë Marloth-natuurreservaat voltooi het en toe die rus en vrede by Umshanti gaan opsoek het. Dit is ’n private kampterrein tussen Swellendam en Suurbraak, sowat 250 km van Kaapstad af (en jy ry teerpad tot by die ingang van die kampterrein). HOE LYK DIT BY UMSHANTI? Met die berge om jou en water oral is daar nie veel meer waarvoor jy kan vra nie. Die kampterrein het heelwat groot koeltebome waar jy in die Overbergse somer teen die son kan skuil. Elke staanplek het sy eie braaigeriewe, skadunet-afdak en houttafel en bankies wat die eienaar, Kosie van Zyl, self gemaak het. Daar is krag op jou staanplek en hier is genoeg hout dat jy ’n ordentlike kampvuur kan…

Toe ons in Oktober 2018 die Isuzu D-Max in ontvangs geneem het, het ons geskryf ons soek ’n noemnaam vir dié trokkie, maar motorskrywers raak weinig sentimenteel oor rygoed, en oor die maande het ons bloot na die D-Max verwys as, wel, “die D-Max”. Maar soms wanneer ons dae aaneen in hom deurgebring en op hom staatgemaak het om ’n lekker storie te lewer, was sy naam “Ou Bloues”. Dis dalk ’n voor die hand liggende noemnaam, maar ons het dit nietemin met deernis gebruik. Dit was eers teen die einde van sy toetstydperk by Ry & Sleep dat hy “Ou Grote” geword het. Dié naam kom van oorle’ Zandberg Jansen wat sy weeklikse rugbykommentaar afgesluit het met “Nag, Ou Grote” en soms ’n finale kwinkslag bygevoeg het soos “Gaan…

“Dis verblydend om te sien hoe Stealth voortdurend aanpassings maak om in voeling te bly met die mark.” Stealth se waens het sowat ’n jaar gelede sommer met die intrapslag al die oog getref. ’n Mens kon sien die vervaardiger het lank gedink en beplan om aan kampeerders se vereistes te voldoen. Dié reeks padwaens het byvoorbeeld geen hout in hulle panele nie en pas in ’n standaarmotorhuis. Enige vervaardiger moet egter deurgaans hulle oë oophou vir ander plekke om te verbeter, en dis verblydend om te sien hoe Stealth voortdurend aanpassings maak om in voeling te bly met die mark. Kyk maar na die XR594: Dié wa spog met genoeg plek vir vier mense én hy het ’n klompie slim nuwighede. Op elke hoek Die wa se voorste en…

Rhinoman het begin as ’n gespesialiseerde metaalwerker wat onderdele vir staatsondernemings soos Denel vervaardig. Die drie stigterslede, Ferdie en Johan van der Merwe en Ferdie “Pottie” Potgieter, het egter in 2014 na ander inkomstebronne gekyk. Die drie vennote het eers oorweeg om boswaens te bou, en Ferdie van der Merwe het ’n prototipe van ’n boswa se romp agterop sy bakkie gelaai en deur Namibië gereis. By sy terugkeer na Rosslyn was Ferdie só ingenome met die romp van die beplande boswa dat hy sy vennote oortuig het hulle moet eerder aluminiumkappies vir bakkies bou. Rhinoman het onlangs ’n lid van die Motus-groep geword (tesame met Beekman Canopies) en hy bou kappies van aluminium vir die leefstylmark plus gegalvaniseerdestaalkappies vir die kommersiële mark. 1 Grondslagfase Die Suid-Afrikaanse aluminiumsmedery Hulamin lewer…

Suzuki se legendariese klein veldryer is al 50 jaar met ons en het in dié tyd kultusstatus onder sy aanhangers verwerf. Die jongste vierdegeslagmodel blyk ewe gewild te wees as sy voorgangers. Met die Jimny se veldryvermoë kan jy nie fout vind nie. Die karretjie kan so te sê enige plek ry en daar is talle voorbeelde waar hy groter 4x4-voertuie sleg op hulle neus laat kyk het. Dit is geen verrassing nie as jy in ag neem watter bekwame laestrekratte, goeie grondvryhoogte en uitstekende nader- en vertrekhoek hy het. Die Jimny is egter nie in Amerika beskikbaar nie, maar dié model wat onlangs by die Las Vegas-konferensiesentrum ten toon gestel is, het beslis ’n paar koppe laat draai, en dit wil lyk of hy ’n groep nuwe aanhangers bygekry…