Indholdsfortegnelse for March 2020 i Weg! Ry & Sleep

Sedert 2018 het Invader Off Road Campers landwyd handelaars aangestel om na die verkope van sy waens om te sien. Teen einde laasjaar het Invader sy eerste toekennings vir die verkoopspersoon en handelaar van die jaar gemaak. Tygerberg-woonwaens in Kaapstad het met albei pryse weggestap, terwyl Invader Pretoria as naasbeste handelaar aangewys is. VAN LINKS Francois de Bruyn (verkoopspersoon van die jaar), Ben Barber (eienaar van Tygerbergwoonwaens), Wesley Dempster (verkoopsbestuurder van Tygerberg-woonwaens) en Dan-Pierre Louw (eienaar van Invader). ! Jammer, ons fout In die Februarie-uitgawe het ons verkeerdelik die stelling dat Jeep moontlik tegnologie deur Peugeot-Citroën gaan gebruik, toegedig aan Marco Pigozzi, Fiat-Chrysler se Europese hoof van bemarking. Ons vra om verskoning vir die fout.…

Sitplekke wat jou rug en sitvlak masseer, is niks nuuts nie, maar Jaguar Land Rover is besig om ’n sitplek te ontwikkel wat kan vervorm sodat jou heupe gelig en laat sak word om die stapbeweging na te boots. Volgens die Wêreldgesondheidsorganisasie (WHO) loop meer as ’n kwart van mense wêreldwyd té min rond. Die WHO wil hê ons moet meer oefening kry omdat die spiere in ons bene en heupe korter kan word as ons vir té lang tye doodstil agter ’n stuurwiel sit – iets wat tot rugpyn kan lei. “Ons gebruik ons ingenieurskundigheid om die sitplek van die toekoms te ontwikkel deur innoverende tegnologieë te gebruik wat nog nooit in die motorbedryf gesien is nie, om ’n probleem te pak wat mense wêreldwyd raak,” sê dr. Steve…

“Om vir ’n man sy brandstofverbruik te vra is dieselfde as om te vra hoe groot die vis was wat weggekom het.” “In 1985 besluit ek my 1983 Toyota Land Cruiser 60 Series-stasiewa se 4,2 l-sessilinderenjin is nie opgewasse vir die taak om my 1984 Gazelle van 1 850 kg te sleep nie. Die 2F-enjin het ’n vergasser gebruik, en toe hy nuut was, kon hy slegs 100 kW en 270 Nm wringkrag opwek. Daar was net nie genoeg wringkrag nie en die vierspoedhandratkas het veel te wense oorgelaat. In alledaagse gebruik was dit nie noodwendig ’n probleem nie, maar wanneer jy haastig afrat na 2de, skiet die toere op tot in die rooi. Soms moes ek wag tot ek feitlik stilstaan in 3de voor ek 2de kon inhaak. Ek…

Byna enige vis smaak lekker as dit gepekel is. En dit hou ook vir minstens ’n week in die yskas. Jy benodig (genoeg vir 6) 1 eetlepel Kaaps-Maleise kerriepoeier 1 kg visfilette (ons het dorado gebruik, maar geelstert of stokvis werk ook goed) 4 eetlepels olyfolie VIR DIE PEKEL 2 eetlepels olyfolie 4 groot uie, in ringe gesny 4 knoffelhuisies, gekap 2 eetlepels matige kerriepoeier 1 eetlepel komynsaad 1 eetlepel borrie ’n knippie rissiepoeier ½ teelepel koljandersaad, gekneus 1 stuk gemmerwortel van 2 cm, gerasper 2 kaneelstokkies 4 lourierblare 1 koppie bruinsuiker 3 eetlepels marmelade 3 koppies rooiwynasyn 1 koppie water 2-3 suurlemoene 2 eetlepels ingemaakte suurlemoenskil, gekap (opsioneel) Só maak jy 1 Sprinkel die kerriepoeier oor die vis en braai dit in sarsies in ’n groot pan met olie…

Hier teen die stertkant van 2018 het ons van die gewildste brikette en houtskool getoets om te sien watter een ’n stuk steak die beste braai. Wat ons ook met dié toets geleer het, is dat daar mense is wat volstrek weier om met ’n sak vol swart goed te braai. (Ek is een van hulle. – Red.) Daarom het ons onlangs ons Facebook-vriende gevra om te sê watter soort hout hulle verkies wanneer hulle kamp. Ons het die nege gewildste keuses in die hande gekry en ’n naweek lank vuurgemaak. Hier volg ons bevindings. Só het ons die hout getoets Jare gelede het WegRy ’n soortgelyke toets gedoen en ons het die grondslag wat destyds gebruik is, ook hier ingespan. Dié slag het ons egter nie iets gebraai nie,…

Ek is nie gebou vir spitsverkeer nie. Ek is nie uniek nie, dit weet ek, maar ek verloor my sin vir humor heeltemal te gou wanneer ek agter die stuur is in die stad – en ek is nie eens iemand wat daagliks ure lank in die verkeer hoef te sit nie. Ons woon relatief naby aan die werk en aan my kind se skool, en daarom gebeur dit bitterselde dat ons langer as ’n halfuur op ’n slag in stadsverkeer deurbring. Maar in daardie halfuur is daar meer as gereeld iets wat my bloed laat kook en my dogtertjie woorde leer wat haar oupas en oumas op hulle knieë hou. Dis gewoonlik ’n sameloop van gebeure wat tot die uiteindelike uibarsting lei. Dit sal begin met iemand vir wie…

Meer as 3 000 mense het onlangs op die Dirt & Dust-veldrybaan buite Kaapstad toegesak vir die jaarlikse Battle of the Beasts-4x4-pretdag. Vanjaar se tema was Mad Max. Met digby 370 bestuurders en navigators wat voor meer as 2 000 toeskouers hulle staal gewys het, kan dit met reg geag word as een van die grootste 4x4-pretdae in die land. Boonop was hier ook 450 baanbeamptes en borge betrokke. Vir kinders was daar oorgenoeg te doen – dinge soos ’n pretpark met ’n mallemeule, knortjorre en ’n treintjie. Een van die dag se groot hoogtepunte was die versnelrenbaan waar enigiemand sy of haar voertuig kon inskryf. Toeskouers kon vrylik tussen al die hindernisbane stap om die pret van nader te beskou. Daar is in verskillende klasse meegeding – van ’n…

Agterste passasiers in die Toyota Land Cruiser 200 VX-R gaan voortaan heerlik agteroorsit terwyl hulle na puik vermaak kyk. Dié ryding is pas toegerus met 14 JBL Premium-luidsprekers en twee 11.6”-skerms agterop die bestuurder en voorste passasier se kopstutte sodat kinders wat op die agterbank sit, na hulle gunstelingfliek kan kyk. Daarby het die middelkonsole vir die agterste passasiers nou ook een HDMI-sok, twee USB-sokke en een 12V-kragpunt. Met die multimediastelsel kan jy dus radio luister, van ’n USB-geheuestokkie of selfoon af musiek en video’s speel, óf deur die HDMI-kabel DVD’s kyk. Die bestuurder en voorste passasier het egter die laaste sê oor die skerms, want hulle kan dit op die voorste raakskerm beheer en die vermaak afsit as hulle meen die kroos moet eerder na die natuur kyk as…

Waarom sal ’n mens die sieldodende deurpad van Gauteng na die Addo-olifantpark neem as daar ’n veel lekkerder agterpad is? Komaan, sit minstens vier dae opsy vir hierdie roete en programmeer die koördinate wat ons verskaf vooraf op jou GPS-toestel, want daarsonder gaan jy maklik verdwaal. In ruil vir jou moeite kry jy die geleentheid om in ’n kloof te kamp, vier-trek te haak en ’n woud te verken... en aan die einde van jou reis word jy beloon met tonele van olifante, sebras, buffels en vlakvarke wat op uitgestrekte grasvlaktes wei. En as jy in die lente kom, sal jy boonop boklammers sien. Dit ís moontlik om ’n boswa op hierdie roete te sleep, maar omdat die grondpadbergpasse vol skerp draaie is, raai ons jou ten sterkste af om…

Hier trek ons al in Maart, al voel dit of ons net nou die dag vir mekaar ’n voorspoedige nuwe jaar toegewens het. Die werklikheid is egter dat die Paasnaweek om die draai is, en daarna breek die wintervakansie aan... met die kort vakansie tussen die kinders se derde en vierde kwartaal kort op sy hakke. En dan is die Desembervakansie helaas weer op ons. ’n Mens moet nooit die tyd omwens nie, en daarom het ons vir elk van dié tye vir jou vyf ordentlike kampplekke gekies waar jy saam met jou mense kan gaan uitspan en uitrus. Paasnaweek ALMEGA-WOONWAPARK, HAMMANSKRAAL Direk oorkant die pad van die Dinokengreservaat ontwikkel André Geyser sy Almega-woonwapark op 200ha omheinde grond wat deels aan die reservaat grens. Elkeen van die ablusieblokke is ’n…

VISVANGOORD L’AGULHAS-WOONWAPARK HEEL SUID Die L’Agulhas-woonwapark is die suidelikste kampplek op ons vasteland. Dis ’n reghoekige blok gras so te sê teen die dorpie se hoofstraat. In die lengte af is dit so groot soos ’n halwe rugbyveld, maar met ’n effense helling aan die see se kant. En net soos op ’n rugbyveld het jy g’n koelte nie. Jy kamp hier tussen die inwoners se huise, in ’n onomheinde kampplek met net ’n kniehoogte paaltjiesheining en ’n ry huise tussen jou en die see. In die kampblok staan twee rye wit paaltjies omtrent 18 m uitmekaar. Jou staanplek se kraan staan teen die een paaltjie, en die kragboks met sy vier blou woonwasokke teen die paaltjie aan die oorkant. Jou staanpleknommer is op die kragboks aangebring en die vullisdrom…

Die jongste Ford Everest kry nie bloot ’n nuwe enjin nie, maar ook dieselfde 10 spoed-ratkas uit die Ranger Raptor, ’n nuwe teenkantelstaaf om bakwieg teen te werk, en ’n paar elektroniese hulpmiddels om jou veilig te hou. Wat grom so? Dis dalk moeilik om te glo, maar die nuwe 2 l-dubbelturbodieselenjin lewer meer krag en wringkrag as Ford se ouer 3,2 l-TDCienjin. Hy pomp ’n allemintige 157 kW en 500 Nm uit teenoor die 3,2 l-enjin se 147 kW en 470 Nm, en dis alles te danke aan die dubbele turboaanjaers. Die uitleg bestaan uit ’n klein hoëdrukturbo wat in serie gekoppel word aan ’n groter laedrukturbo. Lugvloei na die twee turboaanjaers word beheer met kleppe wat oopen toemaak afhangend van die enjinsnelheid. By laer enjinsnelhede werk die twee…

Invader se waens is uniek: Dit is nie eintlik ’n woonwa nie, maar ook nie heeltemal ’n boswa nie. Dis eerder ’n kombinasie van die twee. Die vervaardiger bou twee modelle: die Duo is vir twee mense en die Quattro vir vier. As jy vinnig kyk, lyk die twee omtrent eenders, maar die Duo se dak – wat van die romp af oplig – het ’n bed wat voor uitgly. Die Quattro se twee bed-dens slaan op hulle beurt uit die deksel oop en is só ontwerp dat jy nie tot by jou slaapplek hoef te klouter nie. Invader bou sy romp van veselglas en die skarniere is van vlekvrye staal, en buiten die gegalvaniseerde onderstel, word verder net aluminium gebruik. Dit wa is dus ordentlik bestand teen vyande soos…

Ons hoor gereeld van Suid-Afrikaners wat in buurlande soos Mosambiek beboet word omdat hulle nie die regte plakkers op hulle sleepwa vertoon nie óf omdat die plakkers op die verkeerde plek geplak is. Wanneer jy ’n stel plakkers koop, is daar geen aanwysings wat vir jou sê waar die plakkers moet kom nie. En as jy die voertuie by ’n grenspos bekyk, kom jy gou agter min mense weet waar watter plakker geplak moet word. Ons het ’n AA-reiswinkel in Kaapstad genader en ook die Nasionale Motorvoertuigregulasies (MVR) noukeurig deurgelees – en veral gefokus op Padverkeerswet 29 van 1989 en 93 van 1996 wat wetgewing rakende sleepwaens uiteensit. Kom ons kyk wat plak jy waar. ZA-plakkers Suid-Afrikaanse voertuie wat die grens oorsteek – na enige buurland toe – móét ’n…

Een van die eerste modifikasies wat ernstige veldry-entoesiaste altyd oorweeg, is ’n ordentlike stel veldrybande op hulle standaardwielvellings – of selfs ’n groter stel namarkse wiele. ’n Mens is nie meer verbaas wanneer jou buurman met ’n stel vet 33”-tekkies by jou stilhou nie. Dan het hy boonop die bakkie se vering gelig en veldrybuffers aangebring – alles in ’n poging om ’n beter nader- en vertrekhoek te bewerkstellig. Die Russiese veldryvoertuigvervaardiger Sherp ATV bou al langer as 20 jaar voertuie wat nie vir ’n moeilike stukkie aarde skrik nie. Die rygoed wat Sherp bou, kraai koning in selfs die moeilikste terrein. Dis die geesteskind van die maatskappy se stigter, Alexei Garagashyan, ’n boorling van St. Petersburg met ’n belangstelling in onkonvensionele voertuie. Die Sherp is basies ’n dop wat…

Eienaars van Land Rover Series 1, 2 en 3 én ander modelle met bladvere ruk in April vanjaar op na die LR Series-fees by die 4x4 ATV-klub se gronde op Rust de Winter. Land Rover Series-eienaars sal in ’n spesiale Series-kampeerterrein tuisgaan waar eienaars mekaar op die skouer kan klop, voertuie vergelyk en avontuurstories langs die kampvuur vertel. Die naweek begin die Vrydag en duur tot Maandagoggend, en aktiwiteite sluit in ritte in ou Land Rovers en allerlei speletjies. Daar sal ook kosstalletjies wees én ’n swembad en speelplek vir kinders. ’n Uitstalarena sal die hele naweek oop wees waar besoekers unieke produkte kan besigtig en ’n verskeidenheid Landiedienste bekyk wat aangebied word. Land Rover Series-eienaars wat wil deelneem, betaal R500 per voertuig en ontvang ’n T-hemp en geskenksak. Besprekings…

Die Ry & Sleep Bakkie Run is die eerste en enigste byeenkoms waar dié ikoniese ryding gevier word. Kry dus jou bakkie – énige bakkie – en jou spanmaats en gesin gereed en kom saam Bosveld toe vir ’n epiese naweek vol 4x4-hindernisse, tydrenne, versnelrenne en alles tussenin. Enige bakkie is welkom om deel te neem, en spanne gaan in verskillende klasse deelneem. Dit beteken jy staan ’n ewe goeie kans om met jou Isuzu KB 4x2-plaasbakkie te wen as die ou in die Ranger Raptor. Kies vir jou span ’n tema, kry vir julle kostuums en kom geniet ’n naweek propvol bakkiepret. WAAR? Alldays, Limpopo DATUM 24-27 April 2020…

Die oliemaatskappy Shell erken hy het reeds in die jare tagtig bevind koolstofvrystelling sal lei tot klimaatsverandering. In ’n gesprek met die tydskrif Time in Januarie vanjaar het Shell se grootbaas, Ben van Beurden, erken oliegebruik is skadelik vir die natuur. “Ja, ons het geweet. Almal het dit geweet,” sê van Beurden, “en ons het dit geïgnoreer.” As gevolg van enorme druk deur omgewingsbewustes én Shell se aandeelhouers wil die maatskappy nou sy sakemodel ingrypend verander. “Ons moet vasstel wat die regte weddenskappe is in ’n wêreld wat besig is om heeltemal te verander weens die samelewing se kommer oor klimaatsverandering,” voeg van Beurden by. Volgens die S&P 500-aandelemarkindeks het die deel van die energiesektor in die Amerikaanse effektebeurs van 28% in die jare tagtig tot slegs 5% in 2018…

Die Magaliesberg loop soos ’n sperstreep tussen die Rand en die Bosveld deur. Aan die suidekant van die berg is die Witwatersrand se goudmynskagte en aan die ander kant ’n ander soort goud: Van die gewildste kampplekke in die land. ATKV-Buffelspoort lê knus teenaan die Magalies en is só ’n goue oord. Dis by die dorpie Mooinooi en hier is enige denkbare vorm van gesinsvermaak – van glybane en borrelbaddens tot oorgroot onderdak- en verhitte swembaddens én genoeg staanplekke vir ’n skare. Skaars 53 km hiervandaan, by die Rust-oord, bedaar sake aansienlik. Soos dié nuwe oord se naam verklap, belê die eienaars in rus. Jy is hier op een van net 18 staanplekke, omring deur die Bosveld, en dit is nét die plek om beheer oor jou lewe te kom…

Ruah Park lê langs die Dinokengreservaat en is een van die nuutste kampplekke in dié omgewing. Hier geniet jy ’n rustige wegbreeknaweek in ’n klofie tussen twee hoë rante, met die natuur as fokus. Die kloof is oortrek met inheemse bos, en die stroompie wat deur ’n fontein gevoed word en deur die oord vloei, loop uit in ’n dam aan die onderpunt van die kamp. Met al die inheemse bome en water is die voëllewe hier enige voëlkyker se droom. Die piet-my-vrou en bosveldvisvanger verwelkom jou luidkeels. ’n Paddakoor sing jou saans aan die slaap, en vroegoggend kwetter die voëls jou weer wakker, so asof hulle wil sê dit is tyd vir koffie. En as jy vroeg genoeg uit die vere is, kan jy die njalabul en sy spannetjie…

“Ons gesin het die afgelope Desembervakansie by die troeteldiervriendelike Eagle Falls-kampterrein in die omgewing van Oudtshoorn, George en Uniondale gaan kamp. Ons Spite Swing-woonwa het sy lyf behoorlik Bush Lapa Boskriek gehou toe ons van die N9 afdraai op ’n baie goeie grondpad. Die pad kronkel en vat jou na Eagle Falls, diep in die vrugbare Kammanassievallei en waar die droë Klein-Karoo teen die oase van die Molenrivier grens. Ek moet egter sê die laaste 3 km grondpad was ’n effense uitdaging. VERTEL ONS MEER VAN DIE KAMPPLEK Al ons glase het op daai laaste stukkie pad in die slag gebly, terwyl, snaaks genoeg, nie ’n enkele eier gekraak het nie. Ons het dus nie verwag om baie padwaens in die kampterrein te sien nie. Maar daar was heelwat van…

Volkswagen het oor die jare sy 2 l-bakkie in die segment vir dubbelkajuite gevestig voordat hy drie jaar gelede die 3 l-V6-weergawe bekend gestel het, destyds een van die kragtigste bakkies op die mark – sy dieselenjin skop ’n allemintige 550 Nm uit. Destyds kon jy uit drie V6-modelle kies, maar nou het Volkswagen ’n vierdie opsie bygevoeg wat die ekwivalent is van die 2 l-reeks se Dark Labelweergawe: Die Canyon. Wat is anders? Die ooglopendste verskil is die Canyon se kleur. Volkswagen noem dit “Honey Orange”, ’n kleur wat net vir die Canyon gebruik word. Daar is nog ’n paar kosmetiese verskille – soos oranje stiksel op die sitplekke, die stuurwiel en selfs die rande van die sitplekgordels – maar die groot verskil is onder die laaibak weggesteek: As…

Klassieke Namibiese toer 2020 10 nagte, 11 dae (tentverblyf) Ons avontuur begin in die betowerende Namibwoestyn in die suide van Namibië. Sossusvlei is een van die hoogtepunte. Ons beleef ’n sonsopkoms oor die Namib van die bekende Duin 45 af, besoek Sesriem en stap deur die duine na die Dooievallei – en dis alles net die eerste twee dae van die toer! DATUMS 14-24 Junie 2020, 27 Junie-7 Julie 2020 en 19-29 September 2020 PRYS R15 950 p.p. (halfprys vir kinders o.10). KONTAK ONS VIR DIE REISPLAN Namib-Kaokoland-woestynriviere 10 nagte, 11 dae (tentverblyf) Die woestynriviere van Kaokoland is ’n unieke deel van die noordweste van Namibië. Jou eerste indruk is dat die wêreld verlate en onherbergsaam is. Maar Kaokoland sal jou verras; dis ’n skatkis van unieke skoonheid en natuurlewe…