Indholdsfortegnelse for April 2020 i Weg! Ry & Sleep

Lourens wen ’n koelsak ter waarde van R220. Of jy nou kamp, piek-niek hou of langs die krieketveld sit, dié koelsak het onder meer plek vir ’n kosblik én genoeg ruimte vir ’n 1,5 l-koeldrankbottel. Daar is ook nog pakplek in die boonste helfte vir ’n bottel die helfte van dié grootte. Verder is die binnekant met ’n PVC-laag uitgevoer, wat dit maklik maak om die koelsak skoon te hou. Die sak het ook ’n handvatsel wat bo-oor kom en met klits-rits heg, asook ’n skouerband ingeval jy te min hande en te veel goed het.winkel.weg.co.za…

Armadillo het nie net sy nuutste model, die XTR302, bekend gestel nie, maar al die bestaande modelle is ook effens aangepas. Die XTR302 kry ’n deur regoor die bestaande instapdeur – dié word gebruik vir ’n aantrekkamer en stortgedeelte. Daar’s ook geen seilpanele tussen jou en die buitekant nadat jy die wa opgeslaan het nie (behalwe die storttentgedeelte). Jy het wel ’n soliede deur wat jy saans kan toetrek. Net soos in die ander modelle skuif die noodwiel se bêreplek van die onderstel af op na die stert van die wa, en al die waens het nou ook ’n permanente loodgieters- en gaspypnetwerk. ’n Stoepdak van 3,5m is voortaan ook standaard en dieselfde een pas op al die modelle. Die XTR302 is bedoel vir twee mense, slaan binne 15 minute…

Conqueror, bekend vir sy frisgeboude bos- en woonwaens, het nou ’n model tussen die twee style woonwaens gebou wat heel gepas die UEV Hybrid gedoop is. (UEV – of Urban Escape Vehicle – word reeds vir Conqueror se laaste boswoonwareeks gebruik, maar Hybrid verwys na die vermenging van die twee style.) Die Hybrid is soortgelyk aan Invader se Duo en die romp herinner aan ’n opslaanwa omdat die dak met lugdrukbuise lig om ’n binnevertrek te skep. As die dak gelig is, trek ’n bed uit oor die disselboomkant met seile wat daaroor span om dit deel te maak van die binnekamer. Philip de Vries van Conqueror sê die konsep is niks nuuts nie, maar dit is as ’n prototipe gebou om te kyk wat kopers se reaksie is. Wat…

Jurgens het onlangs sy reeks vernuwe, maar nié al die modelle gelyktydig verander nie. Eerste aan die beurt was die gewilde Penta, en nou kry die grootmeneer van die reeks, die Exclusive, sy kans. Steeds kenmerkend van die Exclusive is sy dubbele as, maar pleks van die donker strook aan die onderkant van die romp waarmee ’n mens ouer Jurgens-modelle vereenselwig, is die nuweling heeltemal wit. Die deur het voorheen by die stert gesit, maar skuif nou vorentoe, tussen die wiele en die A-raam. Boonop slaan die nuwe buitekombuis nou omtrent bo die wiele uit, en jy het ook ’n groter mikrogolfoond van 28l. Omdat die deur geskuif het, lyk die binneuitleg heeltemal anders. Die badkamer was voorheen in die stert met die bed aan die neuskant. Nou is die…

UniPod Toy Haulers bou, soos die naam aandui, “woonwaens” waarmee jy ook jou grootmensspeelgoed kan karwei. Die waens het dus plek om byvoorbeeld jou motorfiets in te laai, maar wanneer jy aflaai, is hier plek waar ’n bed uitslaan. Die BushPod XL is een so ’n model, maar Brandon Hardie verduidelik die tussenlaagpanele is verander na ’n veselglasbuitelaag met ’n sintetiese heuningkoekbinneste. Verder kry die kaal aluminiumstroke nou ’n poeierverflaag, en die opwipdak – wat opslaan aan die agterkant waar jy inklim – is 60cm breër as voorheen. Dit skep meer ruimte in die wa, hoewel Brandon-hulle steeds dieselfde dubbelbed inbou. BVM 1 500 kg Prys R199 500 Kontak 072 192 2845 unipod.co.za sales@unipod.co.za…

Okto is een van die nuwer padwavervaardigers met twee modelle, die Villa en Cabana. Nou het dié vervaardiger ’n variant op albei modelle bekend gestel. Die Villa En-Suite is ’n Villa met ’n badkamer. Dié is in die stert, digby die deur, in die plek van die eethoekie. Soos jy voor die badkamer staan, is die storthokkie links in die hoek, die wasbak in die middel en die kassettoilet heel regs teen die muur. Woody Loftus wat die bemarking van Okto behartig, sê dis nou die enigste padwa met ’n opwipdak wat ’n ingeboude badkamer het. Omdat die yskas teenaan die badkamer staan, is dié se deur ook verander sodat dit van regs af oopmaak. Die nuwe Gravellor het weer dieselfde uitleg as die Cabana, maar met hom kan jy…

Nadat Nayela sy Okapi op verlede jaar se Woonwaskou bekend gestel het, is ’n paar klein veranderinge nou aangebring. Die buitekombuis se bordekas is dieper gemaak, en die deur aan die agterkant wat jy van binne af tot die kas kon oopmaak, is ’n permanente paneel. Die klerekas digby die verste hoek van die bed kry rakke – voorheen was dit hangplek. Die onderste deel van die Okapi se romp is ’n houtskool kleur, maar jy kan nou ook kakie kies. BVM 1 750 kg Prys R495 000 Kontak 058 863 1027 nayela.co.za info@nayela.co.za…

Het die lus jou al ooit beetgepak om jou bakkie te laai en die land plát te ry? Met hierdie bielie van ’n reis-plan verbind jy al 9 provinsies én 12 van Suid-Afrika se bekendste veldrybestemmings in ’n enkele sirkelroete. Die roete is byna 10 000 km lank en jy bly sover moontlik weg van hoofstede, snelweë en teerpaaie; jy mik eerder vir agterpaaie, grondpaaie en 4x4-tweespore. Padlangs is daar egter genoeg groot dorpe waar jy proviand kan aanskaf vir die volgende been van jou reis. Jy kan die hele roete aaneenlopend ry, maar ook elkeen van die verskillende bene afsonderlik – ons dui die minimumafstand en aanbevole dae vir elkeen aan. Die roete word hier antikloksgewys aangedui, maar jy kan hom grotendeels ook in die teenoorgestelde rigting ry. Boonop…

VISVANGOORD Bassfeather Country-lodge REK DIE NAWEEK NEFFENS DIE LANGSPRUIT Die Bassfeather Country-lodge lê teenaan die Langspruit net buite Reitz in die Noordoos-Vrystaat. As jy van die Reitz-pad afdraai, loop die spruitjie so ’n halwe kilometer regs van die netjiese grondpad tot waar ’n damwal gebou is. Die eienaar, Manie Fichardt, het die wal 37 jaar gelede hier in die spruit gebou juis met die gedagte om ’n plek op die been te bring waar mense rustig kan ontspan. Van hier af dam die water uiteraard op, met Bassfeather aan die ander kant teen die oewer. Anders as op die Vrystaatse vlaktes hier rondom jou, is koeltebome hier volop, en die netjiese grasperk strek tot teen die water. Hier is 23 staanplekke, en hoewel hulle genommer is, word geen plekke vooraf…

Net soos met die Ranger-bakkies het Ford se veelbesproke nuwe 2 l-enjin nou ook die leisels oorgeneem as vlagskipmodel by die Everest-reeks. Hier om te bly Ford se fokus is heel duidelik nou op die nuwe enjin: Van die ses beskikbare Everestmodelle het drie die 2 l-dubbelturbodieselenjin, een die 2 l-enkelturbo, terwyl net een model elk oor die 2,2 l- en 3,2 l-enjin beskik. Wat kraglewering betref, oorskadu die dubbelturboenjin die ander twee: die 2,2 l en 3,2 l lewer onderskeidelik 118 kW en 147 kW (met onderskeidelik 385 Nm en 470 Nm wringkrag), terwyl die nuwe enjin spog met 157 kW en 500 Nm. Dié syfers word ook in die verbeterde brutokombinasiemassa (BKM) van die nuwe enjin én sy sleepvermoë weerspieël. Die BKM van die 2,2 l en 3,2…

General Motors was een van die eerste groot motorvervaardigers wat die massaproduksie van turboaanjaers op die proef gestel het. Sy filiale Oldsmobile en Chevrolet het in 1962 onderskeidelik die F-85 Cutlass Jetfire en Corvair Monza bekend gestel. Dit was amper 60 jaar gelede, en daarom is dit geen verrassing nie dat nie een van dié motors juis bekend was vir hulle betroubaarheid nie. Die Indianapolis 500-wedren is in 1968 gewen deur ’n kar wat met die Offenhauser-turbo-V8…

Kom ons gestel jy’t ’n onaangejaagde motor by ’n vervaardiger gekoop, maar jy soek meer krag sodat jy ’n woonwa teen enige bergpas kan uitsleep. Jy kan albei soorte aanjaers oorweeg, maar die ooraanbod van spesialiswerktuigkundiges wat turboaanjaers installeer teenoor superaanjaers, tel beslis in die turbo se guns. As jy jou hart verloor het op ’n superaanjaer, gaan jy deur jou nek betaal daarvoor. Jy kan ’n turboaanjaer van die rak af koop en vir jou werktuigkundige gee om te installeer, maar hoe meer modern (en dus ingewikkeld) jou trokkie se enjin, hoe meer gaan dit kos. Sommige enjins is makliker om aan te jaag as ander, want hulle is uit die staanspoor ontwerp om strawwe toestande te verduur. As jy reeds ’n turbodieselbakkie het, is dit uiteraard betreklik maklik…

Ek dag eers ek sien verkeerd toe my tenger ma en haar vriendin doodluiters ’n vrieskas in die minibus laai. Hoe op aarde kan daar nog plek wees daarvoor? Daar is klaar ses matrasse, genoeg beddegoed vir ’n vyfslaapkamerhuis, ’n staaltafel – soos dié waarop ’n mens pannekoek bak by die kerkbasaar – én twee splinternuwe staanwaaiers ingepak. Dis die Desembervakansie en die Mailovich-gesin is op pad om te gaan kamp op ’n plek waar daar net ’n doringdraad tussen jou en die hel is: Serengeti, waar die temperatuur wissel tussen 39 ºC en 45 ºC. Nee, nie die een in Oos-Afrika met die diere nie... ons mik vir ’n woonwapark net duskant Marble Hall in die suide van Limpopo, sowat 90 minute se ry van ons tuisdorp af. Hierdie…

Loerbroer... Geduld is die sleutel wanneer jy, soos Dickey Wheeler van Horizon in Roodepoort, wag vir die regte oomblik voor die lens. “Op pad terug van Satara na Balule het ’n groot trop buffels die aandag getrek van ’n klomp motors voor ons – of so het ons gedink. Eers toe ons stilhou en vir een van die mense vra waarna hulle kyk, sien ons die luiperd in die boom, maar net sy stert. Hy het seker probeer wegkom van die buffels af. Ná ’n lang wag – en toe van die karre al gery het – het hy omgedraai en deur die mik vir my geloer...” Soos Dickey verduidelik, kan ’n mens net ’n deel van die luiperd sien, en dis juis wat die foto so laat uitstaan. Omdat…

Bush Lapa het sy eerste dubbelaswa bekend gestel. Volgens die eienaar, Jannie Oeschger, het hy talle versoeke gekry om ’n groot boswoonwa vir vier mense te bou, een sonder panele wat uitslaan, sodat jy nie seil tussen jou en die natuur het nie. Die Gravelroader het dus nie ’n bed wat uitslaan nie, maar ’n vaste koningingrootte bed en twee stapelbeddens vir die jonges. Selfs die dak is solied, sonder ’n opwipgedeelte. As jy dus met jou Gravelroader in die kampplek opdaag, hoef jy net die stoepdak op te slaan – makliker (en vinniger) kan dit nie. Die badkamer met sy stort, toilet en wasbak is ingebou binne die wa. Pleks van Bush Lapa se gewone inlyn-gasgeiser kry die Gravelroader ’n Hansen-geiser, wat omtrent ’n skaalmodel is van ’n gewone…

Iemand wat ’n ou hand is met die bou van koelkamers het nou sy kennis ingespan en sommer ’n hele reeks woonwaens gebou wat hy Scorpion Trailers noem. J.P. Horn, eienaar van Insulated Trailer Designs, bou nie minder nie as vier modelle. Die Scorpion Lite is geskoei op die Amerikaanse teardrop-soort waens – ’n bed-op-wiele met die kombuis in die stertgedeelte. Die Scorpion Classic is effens groter, maar in dieselfde styl. Dié het ’n koningingrootte bed, maar ook ’n driekwartbed wat uit een van die panele plat slaan. Die Scorpion Toy Hauler het laaiplek vir fietse of ’n motorfiets, en die Grand, die grootste van die vier, is die volgrootte woonwa. Omdat die Grand se kombuis ook in die stert is, is die hele linkerpaneel, wat gewoonlik die kombuis huisves,…

Die Vagabond, wat op die tradisionele teardrop gegrond is en heeltemal van veselglas is, het ’n derde boetie, die Rogue, bygekry. Dié is meer gemik op veldrytoestande. Die Rogue kom byvoorbeeld standaard met ’n 12 V-220 V-ys-vrieskas en ekstra pakplek by die kombuis. Die stoof skuif weg van die stert na die hoek van die linkerpaneel wat meer ruimte laat in die kombuis. Die stoof self staan op ’n glyraam wat jy weg van die romp af kan trek sodat jy nie met vetspatsels teen jou wa sit nie. Wanneer jy sleep, vou die stoof se tafel weg en die stoof kom los van die raam. Dus kan jy hom in die wa vervoer. Links onder die kombuis kry die Rogue ekstra bêreplek waarin ’n ammokis pas. Die gassilinder kry…

Summit het sy vlagskip, die Kilimanjaro, heeltemal herontwerp, sê Franscois Mulock Houwer van dié vervaardiger. Die eethoekie skuif nou na links voor, en die bed – wat van kant tot kant strek – kry ses groot laaie wat onder dit uittrek. Die skuifruite het plek gemaak vir oopslaanvensters met ’n gaasskerm en blinding. Die Kilimanjaro het nou ook plek vir ’n kassettoilet, en die meganiese opwipdak lig elektries. Maar die heel spoggerigste is die uitslaantrappie met sy strookligte. Elke trapvlak het ’n strook liggies op die kant sodat jy mooi kan sien waar jy moet trap. Die Kilimanjaro se kombuislaai is digby die stert. BVM 1 650 kg Prys R386 900 Kontak 012 329 2259 pretoriacaravans.co.za…

Deel van die immergewilde Mobi Lodge is dié veselglaswoonwa se sandkleur afwerking. Nou, sê Leon Ras, verander sy 2020-modelle na wit én daar is nog ’n paar veranderinge. Een daarvan is ’n panoramiese venster pleks van die vensterdeur in die linkerpaneel bo die buitekombuis. Volgens Leon is dit gewild onder klante – hulle praat van die Mobi Lodge se “grootskerm”. Buiten ’n stoepdak wat oor die kombuisgedeelte span, pas ’n soortgelyke dak nou oor die uitglybed aan die ander kant van die romp. Kopers kry boonop ’n opsie vir ’n bed wat elektries uitskuif – gerieflik vir mense in ’n rolstoel. Die stoepgedeelte kan nou ook as afsonderlike vertrek toespan. Die raamwerk waarin die wasbak en droograk pas, verander ook na twee vlekvryestaalwasbakke met ’n opswaaiglasblad bo-oor. En die remme,…

Anders as ander boswaens het GT Campers se waens ’n unieke eienskap: Die deel wat van die wa af oorslaan sodat die tent bo-op oopvou, word die vloer van die tentvertrek. Nou het die eienaars die tent ’n ent verder geneem met die Libra-model: ’n tentvertrek kom aan die voorkant van die bestaande tent vas – hulle praat van ’n “kinderkamer”. Die drie kombuislaaie wat voorheen uit die neuskas getrek het, kry nou ’n ekstra laai waarin al jou eetgerei en speserybottels pas. Die geiser wat in die voorste kas aan die regterkant van die wa ingebou was, pas nou op ’n raam wat uitgly, en ’n katrolstelsel staan op die disselboom sodat jy die tent alleen kan op- en afslaan. BVM 1 500 kg Prys Vanaf R152 000 Kontak…

Die Discoverer-reeks ryhuise van Motorhome-World het ’n baba ryker geword. Dennis Bouwers, medeeienaar van Motorhome-World, sê dis die eerste keer dat dié vervaardiger ’n paneelwa-ombouing as deel van sy reeks beskikbaar stel. Die Discoverer Journey kry sy gestalte in ’n Fiat Ducato-paneelwa, en al is dit nou een van die goedkoopste produkte wat hy bied, geld dieselfde hoëgehalte-afwerking vir die Journey. Die hele stertgedeelte is twee sitbanke regoor mekaar wat in een enorme bed platslaan. As jy die agterdeure oopmaak, pas hier selfs ’n tent, ingeval jy ’n “vertrek” wil aanlas. Soos in baie ander ryhuise swaai die voorsitplekke om sodat jy na die binnekant van die ryhuis kan kyk. Die inklimdeur is uiteraard ’n groot skuifdeur in die linkerpaneel, en selfs met die deur uit die pad span ’n…

As jy ouer as 40 is, onthou jy waarskynlik die Peugeot 404- en 504­bakkies wat in die jare sewentig in Suid-Afrika gebou is. Hulle is aanvanklik deur PACSA (Peugeot en Citroën Suid­Afrika) gebou, maar nadat Peugeot in 1979 uit Suid-Afrika weg is, het die Sigma-motormaatskappy dié taak oorgeneem. Sigma het in 1985 met Ford saamgesmelt om Samcor te vorm, en die vervaardiging van die Peugeot 404- en 504-bakkies is gestaak. In November laasjaar het ons berig Peugeot bring weer, ná ’n afwesigheid van 35 jaar, ’n eentonner Suid-Afrika toe. Die Franse vervaardiger het pas foto’s en spesifikasies vir dié bakkie onthul. Soos ons berig het, is die Peugeot Landtrek inderdaad in samewerking met Changan-motors in China ontwikkel, en Nissan se D23-platform gaan gebruik word. Die D23 vorm reeds die basis…

Graaff-Reinet is naas Kaapstad, Stellenbosch en Swellendam Suid-Afrika se oudste koloniale dorp. Dit is in 1787 deur die Verenigde Oos-Indiese Kompanjie gestig en genoem na die destydse goewerneur van die Kaapkolonie, Cornelis Jacob van de Graaff, en sy vrou, Reinet. Die dorp is nie net bekend vir sy nabye natuurskatte nie, maar ook omdat hier meer geskiedkundige monumente en geboue is as op enige ander dorp of stad in Suid-Afrika. Slaan jou tentpenne in by twee kampplekke wat jou toegang gee tot die ryke erfenis én natuurskoon van hierdie Karoodorp. NQWEBA-KAMP Die Kamdeboo se natuurskoon Skaars 4 km noord van Graaff-Reinet lê die Kamdeboo- nasionale park aan weerskante van die N9-deurpad. Die hoofhek en die parkkantoor lê links; dis hier waar jy aanklop vir jou toegangs- en verblyfpermit. Saam met…

DIE OU KRUITHUIS is in 1893 deur die Engelse leër opgerig om die dorp te verdedig teen Boeremagte. Graaff-Reinet sou in 1901, gedurende die tweede Anglo-Boereoorlog, die Britse militêre setel in die Oos-Kaap word. DIE OBESA-KWEKERY aan die einde van Leebstraat voer vetplante uit na die hele Suid-Afrika én reg oor die wêreld. Die kans is goed dat die vetplantjies in jou plaaslike kwekery oorspronklik by Obesa gekweek is. DIE OU STASIE is ’n ruïne van die treinspoorverbinding tussen Graaff-Reinet en Port Elizabeth wat in 1879 geopen is deur die destydse eerste minister, John Molteno. ’n Ou 4-6-0-stoomlokomotief met sy steenkoolwa is besig om voor die stasiegebou weg te roes. THE VILLAGE is ’n mengsel tussen ’n museum vir ou motors en ’n tradisionele roadhouse wat melkskommels…

“Vriende wat voorheen hier gekamp het, het die Bonnievale-rivierlodge aanbeveel, en toe ons onlangs in Robertson se omgewing uitspan, het ons besluit om sommer vir ’n paar ook hier te kom staan. HOE LYK DIE KAMPTERREIN? Die omgewing is skilderagtig, met groen gras oral, ’n netjiese tuin en die Breërivier wat langs die oord verbyvloei. Die staanplekke is groot met plek vir meer as een tent en genoeg ruimte om te ontspan. Die kampkolle wissel in grootte. Dié langs die water is groter, maar jou kar mag nie op jou staanplek bly nie. Op die terras is die staanplekke effens kleiner, maar van hier af het jy ’n beter uitsig. Dit lyk na die beter staanplekke vir braai en lekker kuier. HOE LYK DIE ABLUSIEGERIEWE? Die badkamers is basies…

Heelparty faktore gaan bepaal watter soort fietsrak jy moet aanskaf: Is jy byvoorbeeld lank of kort, oud of jonk? Het jou sportnutsvoertuig ’n luikrug of ’n deur met ’n noodwiel daarop gemonteer? Hoe swaar is jou fiets en hoeveel lede van jou gesin wil fietsry? Ons wys 10 fietsrakke wat jy kan oorweeg afhangende van jou voertuig en behoeftes. Hang hom aan die noodwiel ’n Noodwiel op ’n sportnuts se agterdeur is ’n gawe plek om ’n fietsrak te monteer, want dan bly die sleephaak beskikbaar om ’n wa te haak en die dak is oop vir ’n dakrak of -tent. Die nadeel is egter dat vrouefietse skeef hang op dié soort rak, en as ’n wiel voor jou voertuig se uitlaatpyp hang, kan die fiets se band brand. En…

Min dinge is lekkerder as om jou wa te haak en jou op ’n plek te gaan tuismaak met die skone natuur om jou. Veral as jy in die stad woon en werk en dinge soos spitsverkeer, rook en roet, en knorrige mense elke dag oor jou pad kom. Wanneer jy wegbreek vir ’n naweek of vakansie, help daardie vars lug en mooi omgewing om vir ’n rukkie van die beslommernis van die betonoerwoud te vergeet. Die Kaapse maatskappy Work & Co, wat kantoorruimte op ’n korttermyngrondslag aan entrepreneurs, vryskutwerkers en klein ondernemings verhuur, het nou met ’n nuwe en innoverende alternatiewe werkplek vorendag gekom – ’n mobiele kantoor wat hulle na verskillende skilderagtige bestemmings in die Moederstad sleep. Die Nova is eintlik maar ’n sleepwa, maar beskik oor alles…

Toe ontdek ons die kamplewe... Ek en my vrou, Christa, is lief daarvoor om te reis en het die afgelope 30 jaar omtrent 40 lande besoek. Ons het ook as kinders weke in die Krugerwildtuin deurgebring – ook toe ons later ’n jong paartjie was én uiteindelik weer saam met ons kinders. Op ons reise het ons gewoonlik in hotelle, chalets of B&B’s tuisgegaan, totdat ons ’n paar jaar gelede saam met vriende gaan kamp het. En daar byt die kampgogga ons. Ons het ’n Swing Sprite gekoop en volgens ons behoeftes aangepas. Die aanvanklike plan was om die Swing vir nog Krugerbesoeke te gebruik, maar ons is nou al só gesout dat ons beplan om langer en meer gereeld by verskillende oorde te kamp. Hier is ’n paar redes…

Dink buite die boks ’n Modulêre kampwa wat jy soos boublokkies inmekaar pas tot jy die wa het wat by jou behoeftes pas – dít is waarmee Albre de Villiers van ADV Trailers in Centurion vorendag gekom het. Die onderste deel van die wa bestaan saam met die onderstel uit ’n plat vlak wat herinner aan ’n platbak-insleepvoertuig. Hierop pas dan ’n raamwerk waarin tot vier ewe groot houers pas, elk met ’n deur aan die kopkant. Tot twee daktente kan dan bo-op die raamwerk met sy houers pas, en wanneer die daktente toegeslaan is, slaan ’n dakrak hieroor plat. Die geheim – en slim idee – hieragter lê in die vier houers. Elkeen is langwerpig (1,3 x 0,6 x 0,6 m), en jy kan van een tot vier van…

Aha Outdoor Systems is bekend vir sy abbawaens, maar het nou ook ’n woonwa, die Mobile Cabin, gebou. Die nuweling is in meer as een opsig uniek. Jy klim byvoorbeeld nie met ’n trappie in die wa nie, maar met ’n loopplank – dus kan mense in ’n rolstoel ook regkom. Dieselfde geld vir die binne-uitleg. Die hele kombuis is agter een groot deur links by die neus ingebou. Wanneer jy die deur oopmaak, het jy onder meer toe-gang tot ’n wasbak-en-stoofkombinasie, jou ys-vrieskas, ’n rak of wat vir kruideniersware, en die inlyn-gasgeiser heel links. As jy die deur toemaak, het jy steeds van binne af toegang tot die hele kombuis. ’n Mens kan die binnekant van die Mobile Cabin in twee verdeel: waar die loopplank deur die deur kom,…

Stealth het hom binne ’n jaar of twee goed gevestig in die mark. Nou, sê Garry Coady, die eienaar, is dié vervaardiger met die nuwe Bakkie-Mate eintlik terug waar hy aanvanklik begin het. Hy wou oorspronklik wegspring met abbawaens, maar soos hy woonwaens begin bou het, het dit momentum gekry en die Bakkie-Mate het agterweë gebly... tot nou toe. Die Bakkie-Mate bestaan uit ’n skulpraamromp (monocoque) wat uit twee veselglaskante bestaan wat gelas word – net soos met sommige bote. Om die Bakkie-Mate ligter te maak is die panele nie van saamgestelde stof nie, maar veselglas. ’n Leë eenheid weeg omtrent 500 kg, wat beteken jy het nog ’n goeie 250 kg laaigewig as jy kyk na die gemiddelde dubbelkajuitbakkie se dravermoë. Om die ewewig reg te kry word die…

Nadat Badger onlangs vier woonwaens bekend gestel het, het sy Camper – ’n abbawa vir bakkies – as uitvloeisel van die woonwaens verskyn. ’n Mens kan maar sê dis ’n Badgerwoonwa sonder wiele wat agterop ’n bakkie pas, maar hy is 10 cm smaller as die woonwaens se 170 cm. Tog bly die uitleg hoofsaaklik dieselfde – soos die unieke regterpaneel wat in die geheel uittrek om deel van die bed te vorm. Anders as die woonwaens met ’n koningsgrootte bed het die Camper ’n dubbelbed. Net soos die woonwaens het die abbawa ’n 12 V-220 V-kragstelsel. Die buitekombuis, ’n kompakte weergawe van dié in die woonwaens, trek steeds links uit die romp. Die yskas staan binne digby die neus, en die Camper kry stutte waarop hy kan staan as…

Fred Oosthuizen se Gray-woonwa is een van die swierigste én grootste woonwaens op die pad. Teen 8 m lank en met ’n BVM van 2 500 kg het jy ’n allemintige sleepvoertuig nodig. Die wa is omtrent soos ’n hotelsuite toegerus, maar Fred het nog ’n paar veranderinge aangebring. Die teenswaai-koppelstuk en Al-Ko se teenswaairembeheer is nou standaard. Die mikrogolfoond wat binne gestaan het, skuif buitentoe en het sy eie kas net links van die deur. Fred laat pasgemaakte veranderinge toe as dit by die binneafwerking en kleurskemas kom. Die wasbak, wat voorheen links uit die romp getrek het, skuif nou nader aan die stert, en ’n ekstra induksieplaat pas in waar die wasbak voorheen was. BVM 2 500 kg Prys Vanaf R525 000 Kontak 084 470 0802 customcampers.co.za sales@customcampers.co.za…

Panther, wat bekend is vir sy klein veselglaswoonwaens, het sy eerste volgrootte padwa, die Onca, gebou. Die eienaar, Martin van der Westhuizen, verduidelik hoewel die kleiner waens gewild is, is daar tog van sy klante wat “alles” in ’n wa soek. In die stertkant is ’n eilandbed ingebou, en soos jy inklim, is die klein eethoekie links met die yskas in die verste hoek. Gewoonlik plaas vervaardigers die yskas bo of naby die as, maar Martin sê die yskas is lig genoeg om te staan waar hy is. Die volgende nuwe modelle gaan wel ’n groter eethoekie kry sodat dit kan platslaan as ’n enkelbed. Ook die yskas gaan skuif en met ’n dubbeldeurmodel vervang word. Die buitekombuis is bo die linkerwiel en die wa het geen gastoerusting nie –…

Quantum, wat hom toespits op luukse padwoonwaens met ’n vaste dak, het nog twee modelle by sy reeks van vier gevoeg. Die nuwe Oasis neem die vaandel as vlagskipmodel oor by die Grand Infinity en word slegs op bestelling vervaardig. Teen 8,385 m is hy meer as ’n meter langer as die Grand Infinity, maar albei kom standaard met min of meer dieselfde toerusting. Die Grand Infinity het wel slaapplek vir tot drie mense, terwyl die Oasis ’n stapelbed vir twee het – dus altesame vier mense. Die badkamer is ook nie ’n gekombineerde eenheid nie – die toilet staan nou eenkant. Buite by die stert is ’n kas wat klaar bedraad is vir ’n TV. Aan die ander kant van die stert gly ’n fietsrak op ’n glyraam uit…

Mahindra is gevul met hernude vertroue in sy Pik Up nadat die betroubaarheid van ’n nuwe outomatiese ratkas ’n jaar lank by die Gerotek-toetssentrum buite Pretoria op die proef gestel is. “Suid-Afrika is die eerste land ter wêreld wat die nuwe outomatiese ratkas kry omdat dit hier getoets is. Die aanvraag na dié ratkas was enorm en ons glo ons het die antwoord met die S11 en S11 Karoo,” sê Rajesh Gupta, uitvoerende hoof van Mahindra Suid-Afrika. Die ratkas is nie deur Mahindra self ontwikkel nie, maar word verskaf deur Aisin Seiki (voorheen Aisin-Warner), wat ratkaste lewer aan vervaardigers soos Toyota en Suzuki. “Ons marknavorsing het getoon Suid-Afrikaners verkies ’n outomatiese ratkas in hulle dubbelkajuitbakkie, en daarom gebruik ons dit nou in ons luukse bakkies.” Hoe ry hy? As jy…

As ’n mens in die Breëriviervallei rondom jou kyk na al die wingerde en vrugteboorde, besef jy waarom dié streek bekend staan as die vrugtemandjie van die Wes-Kaap. Die kleiner Slanghoekvallei aan die Kaap se kant van Worcester vorm deel van dié streek, en met die berge, blou hemel en groen rondom jou lyk dit waarlik skilderagtig. Pens en pootjies in die Slanghoekvallei lê die plaas Moreson met sy chardonnay- en chenin blanc-druiwe. Die Breërivier vorm die noordelike grens van die plaas, en dis teen dié water waar jy kamp opslaan en tot ruste kom. OMTRENT HALFPAD TUSSEN Worcester en Ceres draai die Slanghoekpad uit die R43 in die rigting van die bekende ATKV-Goudini-spa en Rawsonville. Moreson se afdraai is egter sommer vroeg-vroeg na links. Sodra jy afgedraai het, loop…

Die Sederberg is een van die beste plekke in die land om weg te kom van mense af. Kagga Kamma spesialiseer duidelik in dié ontsnapping, want hier kry jy opelugkamers en afgesonderde boskampe waar jy stoksielalleen sonder selfoonsein of elektrisiteit onder die sterre slaap. Die 4x4-roete in dié natuurreservaat, wat al meer as 20 jaar bestaan, volg dieselfde resep wanneer dit jou diep in die berge in lei. SÓ RY JY Nadat jy jou permit by die ontvangskantoor betaal het, ry jy terug in die rigting van die ingangshek en draai links af by ’n padbord met die nommer 36. Hou reguitaan tot jy nr. 40 kry – hier begin die roete amptelik. Dit is ’n sirkelroete met verskeie lusse wat noordwaarts loop, en elke kruising is met ’n nommer…

“My man, Louis, is in die glasbedryf en hy het ’n voertuig nodig gehad waarmee hy groot glaspanele kan vervoer. Hy wou nie ’n dubbelkajuitbakkie hê nie, en sy enigste ander vereiste was dat daar ook plek vir sy fiets moet wees, want hy hou daarvan om die speke te laat sing. Ons het verskeie paneelwaens oorweeg, soos die Mercedes-Benz Sprinter en Volkswagen Transporter, maar het besluit om dié tweedehandse 2017 Hyundai H1 2.5 CRDi (outomaties) vir R370 000 te koop. Ons was veral beïndruk met die goeie diensplan en waarborg wat ons gekry het. Daar is meer as genoeg plek vir die fietse en ons kan boonop die Vespa-bromponie laai wanneer ons weggaan. Ons het ’n nuwe Bluetooth-stelsel laat installeer en die klankstelsel laat opgradeer, want ons het gou…

Die Franse het nog altyd effens eiesoortige voertuie gebou, met Citroën dikwels voor in die koor. Maar daar was ’n tydperk kort ná die aanbreek van die nuwe millennium toe dié vervaardiger meer konvensioneel geraak het, veral met sy C-reeks. Die C5-sedan (2000-2017) was die toonbeeld van konformisme en die C3-luikrug (2002-2009) het oulik gelyk met sy ronde dakkie, maar andersins was hy maklik om mis te kyk. Dié vervaardiger se grootste probleem in Suid-Afrika was egter nie sy voorkoms nie, maar eerder sy reputasie, want in dié tyd het mense gesukkel om onderdele in die hande te kry. Dinge het só erg geraak dat Citroën in 2016 landuit is. Xavier Gobille, die man wat grootliks te danke is vir Renault Suid-Afrika se spreekwoordelike opstanding uit die dood, is nou…

Okto is ’n nuwe padwavervaardiger wat nie dinge op die konvensionele manier doen nie. Hy pas hedendaagse tendense toe by die ontwerp en bou van sy waens, wat beteken dit is meer in pas met vandag se kampeerder. Veral met boumateriaal is dit die geval. Die panele word onder meer van veselglas en aluminium gemaak, wat nie net sterk is nie, maar ook die einde van houtvrot beteken. Nog ’n pluspunt is die feit dat Oktowaens – wat die Cabana insluit – in ’n standaardmotorhuis pas en die woonwa se yskas met 12 V-kragtoevoer werk pleks van die gebruiklike 220 V. Op ons reis deur die Bosveld het ons geleer al is die Cabana bedoel vir beter paaie, skrik hy glad nie vir ’n grondpad nie. Stewige fondament Die Cabana…

Toe ons laasmaand van die gewilder houtsoorte op die proef gestel het om te sien watter een brand die warmste, moes ons noodgedwonge ons byl nadersleep om die hout in ewe groot stukke te kap. Ná die toets het ons egter nie die byl net in die buitekamer gaan gooi waar hy geduldig wag tot ons weer gaan kamp nie, want soos met enige ander kamptoerusting is dit so dat jou byl ’n belegging is waarna jy mooi moet omsien. Die voormalige Amerikaanse president Abraham Lincoln het op ’n keer gesê as hy ses uur het om ’n boom af te kap, sal hy die eerste vier gebruik om die byl te slyp. Ou Abe was nie net eerlik nie, maar ook wys. Iets wat jy deesdae selde by politici…

’n Enjin wat onaangejaagde lug inneem – dus ’n doodgewone enjin – trek dit bloot uit die omliggende atmosfeer. Jy kan hom kragtiger maak deur silinders by te voeg of die volume van elke silinder te vergroot, maar dit hang alles af van die enjin se doel, en groter is nie altyd beter nie. As jy dink jy gaan beter kraglewering kry deur meer brandstof af te wurg met ’n groter en sterker brandstofpomp, is jy heeltemal reg, maar jy moet dan ook meer lug verskaf om optimale verbranding te kry. Aanjaers, hetsy turbo- of superaanjaers, het spesiale waaiers in ’n skulpvormige dop. Wanneer die waaiers vinnig draai, pomp hulle groot volumes suurstof na die enjin wat die suurstof andersins uit die lug sou moes trek. Die term “aanjaer” verduidelik…