Indholdsfortegnelse for May 2020 i Weg! Ry & Sleep

“Maar as daar een ding is wat hierdie virus en die inperking ons geleer het, is dit wat ’n kosbare voorreg dit is om te kan reis.” Die tydskrif wat jy hier vashou, is ietwat van ’n geskiedkundige produk. Nes die res van die Suid-Afrikaanse samelewing moes die Ry & Sleep-redaksie ook sedert einde Maart by die huis bly as deel van die nasionale inperking om die Covid-19-pandemie te probeer hokslaan. Dit beteken ons moes die manier hoe ons die tydskrif jare al saamstel, dramaties aanpas. Dit was vir seker nie ’n maklike proses nie, maar in tye soos dié voel jou eie behoeftes klein en nietig as jy na die groter prentjie kyk. Die virus is ’n uitdaging wat almal van ons in die gesig staar en daar is…

CLIVE wen ’n koelsak ter waarde van R220. Of jy nou kamp, piekniek hou of langs die krieketveld sit, die koelsak het onder meer plek vir ’n kosblik én genoeg ruimte vir ’n 1,5 l-koeldrankbottel. Daar is ook nog pakplek in die boonste helfte vir ’n bottel die helfte van dié grootte. Verder is die binnekant met ’n PVC-laag uitgevoer wat dit maklik maak om die koelsak skoon te hou. Die sak het ook ’n handvatsel wat bo-oor kom en met klitsrits heg, asook ’n skouerband as jy jou hande vir ander take nodig het. winkel.weg.co.za…

Lizzie en Manie Kriel, en hulle dogter, Kylah, kom van Secunda af en kamp met ’n 2013 Ford Ranger 3.2 XLT en ’n 2011 Conqueror Courage. “Dis al ons derde keer hier, en net soos ons Els-vriende kan ons nie nee sê vir daardie skaapnek en springbokpastei nie. Ons toer saam met die Else is ’n goeie 7 500 km en ons het net een voorval langs die pad gehad: Ek het ’n lekband op die Conqueror gekry, maar gelukkig het die banddrukmonitors my gewaarsku en ek kon die band betyds vervang, vóór daar enige skade was.”…

Kobus en Marietjie van den Berg van Benoni kamp met ’n Sprite Sport wat hulle met ’n Ford Everest sleep. “Ons hou daarvan om te kamp waar daar veld en baie diere is. Ons verkies ’n rustige atmosfeer en gaan glad nie na besige oorde toe nie. Dit is hoekom dit so lekker is hier by Dinokeng Camp & Leisure. Die Dinokeng-reservaat, waar jy op ’n wildrit met jou eie voertuig kan gaan, is om die draai, en die groepie njalas wat gereeld deur die kamp beweeg is ’n bonus. Ons hou van die gerief om op plaveisel te kamp, en met die gemerkte grenslyne van die staanplekke weet jy presies waar jy jou wa kan staanmaak. Ons hou ook daarvan om die braaier te kan rondskuif soos dit ons…

Vis Onder meer wit- en swartsteenbras, kabeljou en bruinhottentot. Kampplek 10 staanplekke in ’n sirkel met gras, krag en ’n lig. Die meeste van die staanplekke het koelte. Ablusiegeriewe Basies en skoon met gasgeisers. Prys Afhangende van die seisoen tussen R130 p.p.p.n en R930 p.n. vir die eerste 4 mense; daarna R125 p.p. Hoogstens 6 mense per staanplek. Aankoms- en vertrektyd Ná 12:00 en 11:00. Kontak 047 498 0004 trennerys.co.za info@trennerys.co.za Naaste groot dorp Butterworth 59 km. Hoe lyk die pad? 10 km klipperige grondpad met steil dele voor die laaste stuk teerpad. GPS S32.635513 E28.426437 Ry & Sleep sê Trennerys se jaarlikse Rock & Surf-hengelkompetisie word vanjaar van 5-7 Junie gehou.…

R1 553 090 BMW X5 M50i Sport Aansienlik goedkoper, maar mak vergeleke met die verstommende Trackhawk. R2499822 Mercedes-Benz AMG GLE 63 S ’n Statussimbool vir finansieel suksesvolle ouer mans vol gees. R2 775 000 Porsche Cayenne Turbo S Die Cayenne is ’n goeie teenstander, maar hy’s minder brutaal en meer volwasse. R3495000 Lamborghini Urus Sy 4 ℓ-V8-enjin is dalk kleiner, maar tegnologies ligjare vooruit – hy sal ’n standaard-Trackhawk ore aansit.…

Die meeste van ons gaan kamp om ’n bietjie van die gejaag van die betonoerwoud te ontsnap en vir ’n wyle van ons daaglikse verantwoordelikhede te vergeet. Dit is egter baie belangrik dat minstens een mens wat saam met julle kamp, genoegsame basiese noodhulpkennis het. ’n Mens weet nooit wanneer ’n ongeluk oor jou pad kom nie. DIE GOUE REËL Dit is belangrik om die slagoffer te verwyder uit die situasie wat sy veiligheid bedreig, maar neem enigiets wat jou eie veiligheid in gevaar stel, óók in ag. En dra altyd handskoene, ongeag die situasie – dit beskerm nie net die slagoffer nie, maar ook vir jou. MOND-TOT-MOND-ASEMHALING Dit word toegepas wanneer die pasiënt nie reageer nie en jy vasgestel het daar is nie ’n polsslag nie deur met jou…

Jy en jou ander helfte het nog altyd die buitelewe op julle eie geniet, maar nou het die pienkvoet opgedaag en dis net ’n kwessie van tyd voor julle dié klein bondeltjie vreugde aan die wonder van die natuur wil bekend stel. As jy jou kleinding van vroeg af gewoond wil maak aan kamp, is dit ’n goeie plan om ’n paar van hierdie dinge saam te ry, ongeag of dit ’n pasgebore baba of ’n peuter is. CHELINO TIFFANY LUX-KAMPBEDJIE Lekker slaap Die eerste en belangrikste reël van kamp is om seker te maak die plek waar jy jou kop neerlê, is kort ná jou aankoms opgeslaan. Dieselfde geld vir jou baba, maar dié ovaalvormige bababed is meer as net ’n slaapplek vir ’n baba: Jy kan hom verstel…

Toe die regering aankondig alle vorme van toerismeverblyf moet sluit tydens die inperking weens die Covid-19-pandemie, is daar behoorlik gegons op sosiale media oor kampplekke se kansellasiebeleid. Sanparke was een van die eerste instellings wat op die verwagte toename in kansellasies gereageer het, en dié organisasie kry volpunte: Ek kon my bespreking by Satara vir einde April sonder moeite kanselleer en boonop is geen boete gehef nie. Ek het besluit om my volle krediet te behou – natuurlik met die vaste vertroue dat Satara later in die jaar weer oopgestel sal word. Sanparke maak ook voorsiening vir ’n volle terugbetaling. Dié raakvatbenadering was egter nie van toepassing op almal nie, en die aanlyngesprekke het weldra uitgerafel oor die dade – én wandade – van sommige kampplekke. Daar was veral kommer…

REDAKSIE REDAKTEUR SCHALK JONKER schalk.jonker@media24.com JOERNALISTE LEON BOTHA leon.botha@media24.com CYRIL KLOPPER cyril.klopper@media24.com KYLE KOCK kyle.kock@media24.com UITLEGKUNSTENAARS DOMINIC WIENAND dominic.wienand@media24.com OWEN WILLOUGHBY owen.willoughby@media24.com TEKSREDAKTEUR PETER VAN NOORD peter@subteks.co.za KOSREDAKTEUR JOHANÉ NEILSON MULTIMEDIA MARCELLE VAN NIEKERK marcellevanniekerk@media24.com UITVOERENDE HOOF: MEDIA24 ISHMET DAVIDSON UITVOERENDE HOOF: DRUKMEDIA RIKA SWART HOOFBESTUURDER: LEEFSTYL MINETTE FERREIRA HOOFBEMARKINGSBESTUURDER: LEEFSTYL NERISA COETZEE HOOF: PROJEKBESTUUR RAJ LALBAHADUR FINANSIËLE BESTUURDER MUNEEB ADAMS SIRKULASIEBESTUURDER RIAAN WEYERS riaan.weyers@media24.com SAKEBESTUURDER: VERKOPE DANIE NELL danie.nell@media24.com ADVERTENSIEVERKOPE KAAPSTAD HANNES BURGER hannes.burger@media24.com 076 152 4605 NICK FITZELL nick.fitzell@media24.com 071 430 6311 DANIELA DI GIOVANNI daniela.digiovanni@media24.com 083 709 7040 SANETHA MEINTJIES sanetha.meintjies@media24.com 084 416 5797 JOHANNESBURG KYLEE ROBERTSON kylee.robertson@media24.com 076 263 9114 JEANINE KRUGER jeanine.kruger@media24.com 082 342 2299 LIZEL PAUW lizel.pauw@media24.com 082 876 8189 SHARLENE SMITH sharlene.smith@media24.com 083 583 1604 YUMNA ROJAN yumna.rojan@media24.com 072 399 5789 YELANDA MITCHELL yelanda.Mitchell@media24.com 074 897 576 DURBAN MARISKA VENTER mariska.venter@media24.com 082 898 4376 MEDIA24 LEEFSTYL KREATIEWE…

Aanstap rooies “Die bastergemsbok is verreweg my gunstelingwilde dier. Wanneer dit droog is, gee ons saans vir hulle voer. Ons het dié dag vasgedraai en die voer eers ’n bietjie later as gewoonlik uitgesit. Dis toe dat die bok naderstap en ek ’n mooi foto kon neem. Ná dese is dit my gunstelingsonsondergangfoto. Die stof wat die bok maak soos hy aangestap kom, maak die foto.” Zelda het die toneel self ervaar, maar danksy haar foto kan ons ons net soveel inleef. Die foto werk om verskeie redes. Jy weet presies waarna om te kyk, want die bastergemsbok is mooi in die middel. Soos ons al voorheen gesê het, is ’n fokuspunt in die middel van die foto gewoonlik nie wenslik nie. Maar Zelda omseil dié “reël” op ’n subtiele…

Cheryl Clark en Adriaan Smit kom van Pretoria en kamp met hulle 2000 Toyota 105 Land Cruiser 4.5 EFI en ’n selfgeboude boswa. “Ons toer in én buite die Kgalagadi en kom gewoonlik een keer per jaar hier verby. Ons het hier kom kamp om ’n bietjie skoon te kom – die geriewe is goed en die diens ewe puik. Ons het kos by die restaurant bestel – en selfs met al Eskom se kragonderbrekings het hulle die kos op ons staanplek kom aflewer. Die Cruiser het al 400 000 km op die klok en ek het basies sy enjin oorgedoen. Ek het omtrent ’n hele werkswinkel agterin ingeval iets verkeerd loop.”…

WARMGEROOKTE FOREL Waar daar ’n rokie trek... Die bruinsuiker in dié resep “beskerm” die vis en verrig wondere vir die geur. Moenie bekommerd wees nie – jy kan nie te veel gebruik nie. Dit loop net af en jou vis sal nie soos bruinsuiker smaak nie. Jy benodig (genoeg vir 8) 1 forel, skoongemaak ½-1 koppie taai bruinsuiker ’n hand vol houtskaafsels VIR DIE OOSTERSE SOUS 1 klein brandrissie, fyngekap 1 stuk gemmerwortel van 2cm, geskil en in vuurhoutjies gesny 1 klein hand vol koljanderblare, gekap 5 eetlepels sojasous 4 sprietuie, fyngekap sap en gerasperde skil van 1 suurlemoen Só maak jy 1 Verwyder die kop en vlek die forel of sny dit in filette. Gebruik ’n tangetjie om die graatjies te verwyder. Jy kan dit ook doen as…

Jy kan nie sonder ’n basiese noodhulpstel gaan kamp nie. Ons het met Ryan Harrison, ’n paramedikus, gesels oor wat alles daarin moet wees. BURNSHIELD Dit is ’n hidrojel wat die pyn van ’n brandwond behandel en die genesingsproses vroeg begin. Moenie petroleumjellie soos Vaseline op brandwonde gebruik nie omdat dit ’n olierige middel is wat die sweetgaatjies laat verstop en die vel verhinder om asem te haal. Burnshield is ook beskikbaar as ’n wondbedekking. TRAUMAVERBANDE EN -DOEKIES, EN STERIELE GAAS Moenie jou oor watte bekommer nie, want dit is nie waarmee jy ’n wond moet skoonmaak nie – stukkies daarvan kan losskeur en in die wond agterbly, wat dan ontsteking veroorsaak. Steriele gaas en ’n traumadoekie stop die bloeding en help ook die bloed verdik. En dít is presies…

BILTONGSTEAK Koljander, koljander so deur die bos... Gestampte koljandersaad op die vleis en vars koljander in die olie maak dié menere dubbel so geurig. Jy benodig (genoeg vir 4 as voorgereg) 2 vet stukke kruisskyf (rump steaks) 1 eetlepel bruinasyn 2 eetlepels worcestersous 2 opgehoopte eetlepels biltongspesery ’n knippie rissievlokkies 2 eetlepels vars koljanderblare, fyngekap 1 eetlepel ment, fyngekap 1 rooi brandrissie, fyngekap sap en skil van 1 lemmetjie 3 eetlepels olyfolie Só maak jy 1 Vryf die vleis met die asyn in, doop dit in die worcestersous en sprinkel dan die biltongspeserye en rissievlokkies oor. Sit die vleis vir ’n uur of wat in die yskas terwyl jy die kole regkry. Onthou om dit weer tot kamertemperatuur te bring voor jy braai. 2 Meng die res van die bestanddele…

... en ons plaas dit dalk hier. Ons soek nie die tradisionele “kompetisiewenners” nie; net doodgewone foto’s wat vir jou mooi is. Van ’n foto wat jy dadelik as jou nuwe tuisbladfoto op Facebook gebruik regdeur tot kinders wat in die swembad plas. Of dit met ’n gróót kamera of jou selfoon geneem is, dit maak nie saak nie. ZELDA HERRIDGE wen ’n Ry & Sleep-kamerasak ter waarde van R520 met haar foto – veels geluk! Stuur jou foto’s na leon.botha@media24.com…

Ringkoppe van Suid-Afrika se grootste voertuigvervaardigers het in Maart bymekaargekom sodat hulle maatreëls kan bespreek om die negatiewe uitwerking van die in-perking weens die Covid-19-pandemie te versag. Buiten dat die aanlegte gesluit is volgens die regering se vereistes, verwag die vervaardigers dat nuwevoertuigverkope in die volgende dekade gaan daal. Motorhandelaars sit met die hande in die hare weens ’n skerp afname in verkope en vrees dat dit etlike jare gaan duur voordat verkope reg oor die wêreld, ook in Suid-Afrika, na normaal gaan terugkeer. Weens die verpligte inperking gaan nuwe voertuie ook voortaan deur mediaverklarings bekend gestel word – totdat daar sekerheid is dat die pandemie hokgeslaan is. Die bekendstelling van Suzuki se S-Presso is op die nippertjie gekanselleer en was op 18 Maart die eerste voertuig in Suid-Afrika wat…

Kampplek 12 staanplekke, elk met sy eie plaveiblad en skadunet. Van die plekke is in die son en ander het koelte. Ablusiegeriewe Jou eie, in ’n badkamergebou nie te ver van jou staanplek af nie. Prys R150 p.p.p.n vir die eerste 2 mense, daarna R100 p.p. (R75 vir leerlinge). Hoogstens 6 mense per staanplek. Aankoms- en vertrektyd 14:00 en 11:00. Kontak 054 511 0008 molopo.ncfamouslodges.com namrod13@lantic.net Naaste dorp Askham 16 km. Hoe lyk die pad? Die laaste 350 m is ’n mooi grondpaadjie. In die kampplek is vasgetrapte sandpaaie. GPS S26.933517 E20.664043 Ry & Sleep sê Saans word ’n varsgebakte brood by jou staanplek afgelewer.…

Kampplek 15 staanplekke elk met sy eie private badkamer en ’n dak met skadunet vir koelte. Die braaiplek het nie ’n rooster nie. Ablusiegeriewe Jou eie ruim geriewe op jou staanplek. Prys R450 per staanplek vir tot 4 mense. Daarna R90 p.p. (gratis vir o.6’e). Hoogstens 6 mense per staanplek. Aankoms- en vertrektyd Geen vasgestelde tyd, en 10:00. Kontak 054 325 0935 kgalagadi-lodge.co.za info@kgalagadi-lodge.co.za Naaste dorp? Askham 68 km. Hoe lyk die pad? Teer tot by die lodge, met vasgetrapte grondpad tot by jou staanplek. GPS S26.524865 E20.604764 Ry & Sleep sê Die eerste ses staanplekke is meer privaat as die res.…

Kampplek 20 staanplekke met ’n plaveiblad vir jou woonwa, maar min koelte. Ablusiegeriewe Ruim geriewe met ’n aparte rolstoelvriendelike badkamer. Prys Naweke en vakansies R450 p.n. per staanplek vir tot 6 mense. Die tarief in die week is R200 p.n. Kontak 083 271 4242 (Carla) of 082 752 6318 (Devan) dinokengcl@gmail.com Facebook: Dinokeng camp and leisure lodge Aankoms- en vertrektyd 14:00 en 10:00, tensy anders gereël. Hoe lyk die pad? Teerpad met die laaste 4 km grondpad. GPS S25.357005 E28.392172 Ry & Sleep sê As jy jou en jou ander helfte wil bederf, kan jy bespreek vir ’n masseersessie langs die dam teen R250 p.p.…

Maksimum getal voertuie 20. Kry ek ’n kaart? Nee, hier is ’n gids. Sal my voertuig krap? Onwaarskynlik. Moet ek ’n kompressor saamneem? Nee, hier is een. Kan ek langs die pad braai? Nee. Kan ek halfpad omdraai? Ja. Is hier selfoonsein? Nie oral nie, maar bo-op die berg is hy sterk. RONDOM DIE ROETE Beste tyd om te gaan? Heeljaar. Kan ek my gesin saamneem? Ja, beslis. Net vir die dag of naweek? Minstens die naweek. Is hier ablusiegeriewe? Ja. Aanwysings Ry uit Kaapstad noord op die N7 – sowat 8 km voor Piketberg (kort nadat jy oor die Bergrivier is) draai jy links op die R399 na Velddrif en ná 4 km weer links om op die R399 te bly. Ry 24 km en draai regs na Aurora…

Onthou jy die eerste keer toe jy as kind op ’n roller coaster gaan ry het? Onthou jy die angs terwyl jy in die ry wag, die tweestryd as jy in die karretjie klim en hoe jou maag draai wanneer jou waentjie oor die hoogste punt van die spoor ry en op ’n afwaartse vaart lostrek? Dan onthou jy seker ook hoe jou kniekoppe met die uitklimslag gebewe het, maar jy’t nietemin geskree: “Kom ons ry hom weer!” Dis presies hoe dit voel as jy op ’n verlate loodreguit agterpad stilhou, die Jeep Grand Cherokee SRT Trackhawk se sogenaamde launch control-knoppie druk... en die petrolpedaal wegtrap. Wat het ons hier? Op die oog af lyk die Trackhawk soos ’n doodgewone Grand Cherokee. Dis eers as jy naderstaan en die tamaai…

Ek is gewoonlik nie ’n praterige mens nie, maar wanneer ek in die lughawe se vertreksaal wag vir my vlug na Melbourne, Australië, is ek selfs nóg stiller. Nou onlangs was dit weer die geval. Maar ek het tog my stilswye verbreek toe ’n oom my maatskappy se kenteken op my hemp herken en ’n geselsie oor 4x4-voer-tuie aanknoop. Hy het onlangs afgetree en was op soek na ’n veldryvoertuig waarmee hy kan reis. Hy was onseker of hy ’n bakkie of sportnutsvoertuig moet aanskaf en daarom het hy my mening gevra. Dit is nie die eerste keer dat dié vraag na my kant toe kom nie... en ook nie die laaste nie. Terwyl ek my mening lug, het ek ontdek daar is steeds ’n mate van twyfel binne my.…