Indholdsfortegnelse for June/July 2024 i Weg! Ry & Sleep

REDAKTEURSBRIEF Ek het die rubriek wat Pieter Redelinghuys vir hierdie uitgawe geskryf het, verskriklik geniet. Hy is ’n man met ’n besonderse gawe om ’n sin aanmekaar te slaan, iets wat my oor die jare al meer as effens jaloers gemaak het. Maar in die nostalgiese reis waarop hy ons op bl. 120 neem, oortref hy homself. Sy vertelling van die Redelinghuyse se kampvakansie langs die see het soveel herinneringe by my opgeroep van ons gesin se vakansies. Die tentopslanery met ’n omgesukkelde pa en kinders wat nie saamwerk nie, die gesogte koekies in die blik wat so lank vooraf al gebak is, die stille ooreenkoms tussen sibbe wanneer dit by dinge kom waarvan ouers liefs nie moet weet nie, die kampbeddens in die tent, die grootmense wat kuier... hy…

NUUS Die Oranjerivier is ’n gawe oornagplek tussen Gauteng en die Wes-Kaap, en met die voltooiing van Waschbank se kampplek het jy nou nóg ’n gawe keuse. Waschbank is aan die Vrystaatse kant van die rivier en geleë op die gelyknamige plaas van 1 800 ha waarvan 8 km teen die rivier grens (van die N1 af tot by die R701 tussen Norvalpont en Gariepdam). Die plaas behoort aan die Bloemgesin. Zelmari Bloem, wat aan die stuur staan van gastebedrywighede, sê waar die kampplek is, was voorheen net ’n lappie gras, en gaste wat by hulle lodge ingeloer het, het voorgestel hulle maak ’n kampplek daar. Zelmari-hulle het nie gras onder hulle voete laat groei nie en het nege staanplekke op verskeie terrasse uitgelê, elkeen met krag (huis- en blou…

Die nuwe Ford Territory is op 4 Mei vanjaar bekend gestel. Die nuweling word aangedryf deur ’n 1,8 ℓ-EcoBoost-enjin wat 138 kW en 318 Nm lewer en kom ook met nuwe selfaan-en-afskakel-tegnologie wat brandstofverbruik verlaag. Die enjin is gekoppel aan ’n sewegangoutomatiese ratkas met ’n nat-dubbelkoppelaarstelsel, hoewel daar ook ’n draaiknop in die middelkonsole is waarmee jy ratte kan verwissel. Die Territory kom met vier ritmodusse: eko, normaal, sport en berg. Die bakwerp is herontwerp en spog met ’n nuwe sierrooster, dagryligte en LED-hoofligte wat na ’n laer posisie verskuif is en wat volgens Ford sorg vir ’n kragtiger voorkoms. Die Territory bied binne-opgraderings soos ’n koordlose induksielaaier vir jou selfoon, 12 duim-kleurraakskerm en elektroniese dubbelsonelugtemperatuurbeheer met fisieke knoppies. Wat veiligheid betref, is die Territory toegerus met blindekolmonitors, afdraandebeheer en…

Om die een of ander duistere rede bestaan die persepsie dat die Vrystaat vaal, plat en vervelig is, maar dit is ’n wanindruk, een wat sommige Suid-Afrikaners die provinsie net in die verbyry laat ervaar. As jy byvoorbeeld ’n Gautenger is, ry jy waarskynlik regdeur die Vrystaat na jou vakansiebestemming by die see sonder om selfs vir brandstof stil te hou. Kom ons sit ’n paar dae opsy en leer ken sy mense en besienswaardighede. Ons vertrek sowat 160 km oos van Bloemfontein by Koranna Getaway (S28.88194 E27.31793). Dié 4x4-bestemming is geleë op die plaas Verlangdedeel en hier is kampplek vir ’n menigte. Johan en Isa Eksteen is ’n egpaar wat deel vorm van ’n uitgebreide Eksteen-stamboom wat sedert die 19de eeu in die omgewing boer. Twee 4x4-roetes op Koranna…

Ons probeer om minstens elke twee maande te gaan kamp en het ’n lys van kampplekke wat binne drie uur se ry van die huis af is. Ons het dus min oortuiging nodig om ons Howling Moon-tent in die Renault Duster te laai en vir ’n naweek in die pad te val. Ons was onlangs vir die eerste keer by Ruah en het dit só baie geniet dat ons sommer gou weer teruggaan. WAAR HET JULLE VAN RUAH GEHOOR? Ons het begin opmerk hoe Ruah al hoe meer genoem word in die kampgemeenskappe op die sosiale media. Die terugvoer van so te sê almal was dat dit ’n gawe plek is wat hoogs aanbeveel word. Dit het ons oortuig om vir ’n naweek daarheen weg te breek. HET RUAH AAN…

In hierdie uitgawe wyk ons af van die gewone ry-indrukformaat omdat ons by een geleentheid verskeie voertuie getoets het. Dit dien ook sommer as ’n kykie agter die skerms op wat dikwels by voertuigbekendstellings gebeur. Maar kom ons begin by die begin: Wie is Stellantis? Dié multinasionale maatskappy is in 2021 op die been gebring toe die Italiaans-Amerikaanse maatskappy Fiat Chrysler Automobiles (FCA) en die Franse PSA-groep saamgesmelt het – laasgenoemde het bestaan uit hoofsaaklik Peugeot, Citroën, en Opel. Stellantis, met sy setel in Amsterdam, is ná Toyota, Volkswagen en Hyundai die grootste voertuigvervaardiger ter wêreld met 14 handelsmerke onder sy vlerk. Hiervan word Alfa Romeo, Citroën, DS (’n variasie van Citroën), Fiat, Abarth (’n variasie van Fiat) Jeep, Maserati, Opel en Peugeot op eie bodem verkoop. Dan is daar…

Die voertuigfinansieringsmaatskappy Wesbank berig dat die verkoop van nuwe rygoed in April vanjaar met 2,2% gestyg het vergeleke met dieselfde maand in 2023. Die syfer is vir die gesamentlike verkope van passasiers- en kommersiële voertuie. Passasiersvoertuigverkope het met 6,6% toegeneem, maar die kommersiële mark het met 9,6% gedaal. Volgens Wesbank laat kopers hulle nuwe voertuie oor langer termyne finansier, en terugbetalings met ’n reswaarde word minder gewild.…

NUWE RYGOED Opel het onlangs uit Rüsselsheim, Duitsland, aangekondig die nuwe Opel Frontera is op pad na Suid-Afrika – ons kan hom vroeg in 2025 verwag. Die Frontera spog met die vervaardiger se nuwe blits-embleem, wat heel gepas is omdat die Frontera van meet af aan in volle elektriese weergawe en ’n 48 V-hibriede model beskikbaar gaan wees. “Met die kombinasie van sy robuuste ontwerp, ruimheid, slim oplossings en doeltreffende aandrywingstelsel sal ons nuwe Opel Frontera byval vind by ’n verskeidenheid klante wat wil uitstaan in ’n skare,” het Florian Huettl, uitvoerende hoof van Opel, in ’n mediavrystelling gesê. Opel noem die Frontera ’n ware sportnutsvoertuig, maar wat ons kan aflei uit Huettl se opmerking oor stedelike gebruik – en uit die foto’s hiernaas – is dat die Frontera nie…

Ponta Membene is in die Maputonasionale park, ongeveer 60 km suid van Maputo en 50 km noord van Ponta do Ouro. Die reservaat het nagenoeg 2 000 km2 se beskermde kus-, land- en mariene ekostelsels. Die parkmense verwys na die plek as die “juweel in die kroon”, maar daar is meer as net dit. Volgens hulle webwerf is hierdie ook die plek ter wêreld waar seeskilpaaie die meeste broei. Van Maputo en Ponta af is dit teerpad tot hier, en die park se Futihek is onderskeidelik 68 km en 41 km van die twee dorpe af. Daar is ook ’n tweede hek, Gala, verder suid, maar dié is tydelik gesluit. Ons het Paasnaweek uit eSwatini gery om vinnig ons voete in die warm waters van Mosambiek te steek. Oor die…

Wessel het jare lank ’n Land Rover Defender 300 TDi besit, maar dit het 12 jaar terug verander toe hy by ’n winkelsentrum in Rustenburg die bakkie raaksien waarna hy al soveel jare gesoek het. Kyk, ’n mens krap nie sommer ’n Defender 130 TD5 agter elke bos uit nie, en Wessel besluit op die plek om die eienaar te vra of hy nie dalk sy bakkie wil verkoop nie. Natuurlik het die eienaar geen begeerte om van sy bakkie ontslae te raak nie, maar dís waar die storie begin, vertel Wessel, want hy het ieder geval sy sommer vir die man gegee. In daardie stadium was ek lankal op soek na ’n dubbelkajuitbakkie, hoewel ek ook goed geweet het die 130 Defender-model is baie skaars. Ek het oor die…

In die vreemde is jou ryding en tent jou tuiste, en dis belangrik dat jy ’n betroubare en gerieflik blyplek skep. Ja, die sterrehemel is betowerend, maar jy wil nie in die pikdonker oor tentpenne struikel of sukkel om ’n lekband te herstel nie. In hierdie artikel praat ons van lumen (afgekort lm), kerskrag (cp) en Kelvin (K). ’n Lumen is ’n eenheid van lig, met 1 kerskrag wat gelykstaande is aan 12,57 lm. Kelvin is ’n eenheid van temperatuur, en wanneer dit by lig kom, beteken ’n lae Kelvinsyfer vertoon die lig rooier (of warmer), terwyl ’n hoë syfer dui op blouer (of koeler) lig. Hier is 8 soorte draagbare ligte wat jy gerus kan oorweeg vir oorlandreise. Ons sê nie jy’t hulle álmal nodig nie, maar minstens ’n…

PIETER VERTEL Ek het grootgeword in ’n huis waar vakansies – vernaam die grote in Desember en Januarie – beteken het die lomp two-tone Jurgens 640 met sy blou-en-wit gestreepte tent word by oom Tjoep du Toit gehuur. Ek weet tot vandag toe nie waar oom Tjoep aan sy naam gekom het nie. Dit het waarskynlik te make met daai Castleboepens wat jaarliks vier stelle kruisbande uit hulle nate gerek het. Of dalk omdat sy pa, oom Tyres du Toit, die bandeplek op die dorp besit het. Hoe ook al, oom Tjoep en sy vrou, tant Annatjie (ook bekend as Moeder Melktert), was kinderloos en had dus nie plan hoef te maak om ’n trossie telge gedurende somervakansies besig te hou nie. Dit het tot gevolg gehad dat ons met…

Die Ironman-uitdaging in samewerking met Isuzu Suid-Afrika het vanjaar R158 000 ingesamel vir hulle liefdadigheidsorganisasies, die Isuzu-stigting en Ironman 4 the Kidz. Vir hierdie uitdaging moet deelnemers 3,8 km swem, 180 km fietsry en ’n volle marathon (42 km) voltooi – alles binne een dag. Dit word sedert 2000 aangebied en daar is ’n afdeling vir mans en vroue. Die geld wat ingesamel is, sal onder meer gebruik word vir die opknapping van die liefdadigheidshuise, vervoerkoste, voedingsondersteuning, sportaktiwiteite en mediese uitgawes. Hierdie ondersteuning verseker dat die geregistreerde liefdadigheidsorganisasies voortgaan met hulle belangrike werk om noodsaaklike dienste en geleenthede vir kinders te verskaf wat deur verskeie uitdagings in die gesig gestaar word. “Ons bly verbind tot die welstand en ontwikkeling van kinders in die Oos-Kaap. Deur hierdie samewerking probeer ons ’n…

KAMPBESTEMMING Wanneer kampeerders op ’n doodgewone naweek – boonop buite seisoen – opruk na ’n kampplek toe, moet jy weet daar steek meer in die plek as net kamp. Hier op Greyton is jy skaars ’n uur en ’n half se ry van Kaapstad af, maar die omgewing lyk dramaties anders. Jy verruil die stad en jou 4½ miljoen bure vir minder as 3 000 inwoners wat hier kom rus vind het. Wanneer jy in die kampplek aankom, is dit net jy en ’n paar kampeerders wat daardie dieselfde rustigheid in gedagte het. By Kleine Eike, 12 km anderkant Greyton, is ’n klompie skape langs die hek die informele verwelkomingskomitee. Hier van die bult af kyk jy af op die kampplek, wat pure oase lyk met die groen grasperk wat…

Die gedagte was dat die mans van die groep hegte Wes-Kaapse vriende weer ’n slag alleen reis, en dit het toevallig rondom Vrouedag geval. Dis toe dat die mans begin spot hulle afwesigheid – en natuurlik die gepaardgaande rus en vrede by die huis – sal vir die vroue ’n gawe geskenk wees. Die vroue het dit gelukkig ook so gesien en geen probleem gehad met die reis wat die mans beplan nie. Hulle kuier en kamp immers gereeld saam sedert die mans vriende geraak het by die Strand se muurbalklub. ’n Klompie van hulle was drie jaar gelede ook saam Richtersveld toe en het darem in een stuk teruggekeer. Met die vroue se goedkeuring begin Willie dus saam met Wilhelm Richard, Hein Jonker, Etienne du Toit, Frikkie Veldsman en…

Stealth se nuwe Cub Overlander is spesifiek gemik op mense wat nie skrik om van die teerpad af te draai om by hulle kampplek uit te kom nie. Dit is ’n klein wa wat bedoel is vir ’n paartjie, maar spog steeds met hope ruimte binne omdat die bed in sy geheel wegslaan om ’n groot kuierhoek te vorm. Hy spog ook met 15 duim-wiele, ’n geiser en gassilinder, 220 V/12 V-kragstelsel met ’n 15 A-laaier, 100 Ah-litiumbattery en 8 ℓ/min.-waterpomp. Van Stealth se ander moddelle mag jy met ’n gewone rybewys sleep, maar die Overlander se brutovoertuigmassa (BVM) trek die skaal op 1 500 kg, wat beteken jy moet ’n sleeprybewys hê as jy hom wil haak. Sy dravermoë (die verskil tussen die wa se tarragewig en BVM) is…

TOERUSTING Wenke vir die pad • Hou jou motor se ruit oop, indien moontlik. Pote gaan die rit baie meer geniet as hy die tonele kan inasem wat verbyflits. • Stop so een keer elke uur en gee jou woef genoeg tyd sodat hy kan snuffel aan die merke van al die honde wat al vroeër hier bene gerek het. • Wees versigtig wanneer julle by ’n piekniekplek langs die pad stilhou, want vrot kos of skerp beentjies gaan net Coco se vakansie bederf. • Dis beter dat Snuffels op die agterbank ry as op jou skoot. Dit voel dalk kil, maar hy’s veiliger daar. • Bring Trixie se gunstelingkombers of -speelding saam. Dis besonder gerusstellend, veral in die vreemde. • Gebruik die tyd op ’n snelwegmotorhawe se grasperk om…