Indholdsfortegnelse for February 2017 i Weg!

Dis nogal ’n aanpassing om ’n mens se netjies afgebakende voorstedelike verstand te ontknoop en te laat asemskep wanneer jy die eerste keer in Botswana aan die slaap raak. Waar jy by die huis jou bes doen om die natuur, die bure en hulle honde so ver weg as moontlik van jou erf te hou, werk dinge ’n bietjie (baie) anders as jy die grens oorsteek en kamp opslaan. Hier is nie juis Vibracrete-mure nie. Ook nie regtig grensdrade nie. Dit help nie jy probeer die ekostelsel eenkant hou nie. Aanvaar jy lewe na aan die natuur en vertrou jou tentseil is genoeg om ’n nuuskierige olifant en ’n snuffelende leeu uit te hou. Botswana is terselfdertyd georganiseerd en vooruitstrewend, maar steeds behoorlik wild met amper ’n vyfde van die…

Prys sluit in ’n Gesinskamer wat op die see uitkyk Daaglikse ontbyt in die Chico’s-restaurant Daaglikse aandete in die Chico’s-restaurant ’n Ronde gholf vir 4 mense (tariewe en karretjie ingesluit) Daaglikse gratis toegang tot Wild Waves Masseersessie vir 2 volwassenes & 2 kinders by die Mangwanani-spa 4 x retoervlugte op CemAir: O.R. Tambo na Margate Die huur van ’n motor vir die 4 dae/duur van die prys Bepalings & voorwaardes geld; afhangend van beskikbaarheid; buite seisoen…

TOERINLIGTING Hoe lank is die toer? 11 dae, 10 nagte. Van waar vertrek die toer? Nata, Botswana. Eindpunt? Kasane, Botswana. Waar slaap ons? Formele verblyf. Prys R22 450 per volwassene. Enkelbybetaling: 30 % DIE TOERPRYS SLUIT IN • Beddegoed en handdoeke • Drie etes per dag • Alle verblyf • Alle parkgeld • Tweerigtingradio’s • ’n Toerleier en veldgids WAARVOOR SORG EK? • Jouself en jou gesin • Julle paspoorte • Enige 4x2 met ’n goeie grondvryhoogte • Brandstof • Stoele • Drankies en snoepgoed • Persoonlike toerusting • Grenspostariewe 2017-DATUMS 19-29 April 2017 28 Junie-8 Julie 2017 6-16 Augustus 2017 15-25 September 2017 DIE TOER IN ’N NEUTEDOP Dag 1 Ons ontmoet by die Nata Lodge en geniet die sonsondergang by die Makgadikgadipanne. Dag 2 Die groep verken Maun en omgewing met ’n opsionele vlug oor die delta. Dag 3 Van naby Sepupa…

As jy begin nalees oor ekstra batterye, loop jy jou dikwels vas in ’n warboel van inligting en verkeerde afleidings. Die saak word vererger deur handelaars (met beperkte kennis en opleiding) wat dikwels goed bedoeld hulle topverkoperbattery aanbeveel sonder om jou spesifieke behoeftes in ag te neem. En dan stel hulle gewoonlik voor jy koop ’n diepsiklusnatselbattery. Daar is boonop weinig inligting beskikbaar oor hoe hierdie verskillende batterye in verskillende herlaaitoestande vaar. Ongelukkig is baie batteryvervaardigers traag om hierdie inligting te laat publiseer omdat dit te veel van hulle produk se verrigting sal verklap. National Luna het onlangs meer as R250000 in batterytoetstegnologie belê. Die inligting wat ons hiermee insamel, gee vir ons ’n beter begrip van hoe batterye in verskillende dubbelbatterystelsels en/of -toepassings vaar. Tot dusver het die toetse…

Baiekeer vra die somer vir ’n drankie wat jou dors órdentlik kan les. Dis hoekom ek die wyn dié maand opsy geskuif het en eerder bier en sider gekies het. Dit lyk asof daar geen einde aan die boetiekbierbedryf is nie – nuwe handelsmerke verskyn byna elke week. Dis lekker om te sien dat brouers op gehalte fokus – om beter bestanddele en geurmiddels te gebruik as vir kommersiële biere. Probeer gerus hierdie drie drankies... Sxollie Granny Smith Apple Cider (R35) is die nuutste enkelvariëteitproduk van hierdie prettige brouery in Kaapstad. Hy maak reeds ’n Golden Delicious Cider en ’n Pacham Pear Perry. Die nuwe drankie is ’n bietjie droër, waarskynlik danksy die helder suurheid van Granny Smith-appels. Ek is nie seker of ’n mens veronderstel is om dit só…

Ratels is skaars so lank soos ’n liniaal en weeg net 12 kg, maar dié diertjies boks ver bo hulle gewig. James Stevenson Hamilton, die eerste opsigter van die Krugerwildtuin, het voorvalle aangeteken waar ratels ’n waterbok en wildebees doodmaak deur dié diere op die skrotum te byt. Die arme slagoffers het later gevrek weens bloedverlies. Ons weet nie of mnr. Hamilton oordryf het nie, maar daar is ander (bevestigde) verslae van ratels wat ’n steenbokprooi by strandjutte afrokkel. ’n Strandjut weeg sowat 40 kg – byna 4 keer swaerder as die ratel! Steenbok vir middagete is egter die uitsondering. Ratels vreet meestal kleiner diertjies, van kewers, skerpioene en spinnekoppe tot muise, akkedisse en selfs slange. Soos die Engelse naam – honey badger – aandui, plunder ratels ook byekorwe op…

Môredou-padstal, tussen Jacobsdal en Modderrivier As jy van Bloemfontein ry na Kimberley, Hopetown of die Mokala- nasionale park, oorweeg die R705- en R48-pad wat die dorpies Modderrivier, Jacobsdal en Petrusburg met mekaar verbind. Die R705-pad tussen Jacobsdal en Modderrivier loop deur ’n klomp besproeiingsplase en daarom is hierdie smal teerpaadjie altyd vol trekkers, stropers en bakkies. Maar dis ’n mooi alternatiewe roete, en jy ry verby die Môredou-padstal, sowat 10 km wes van Jacobsdal. Odrie Meyer, oorspronklik van Humansdorp, het die padstal in 2012 begin toe sy en haar dogter Olga na Jacobsdal verhuis het en sy die leë gebou langs die pad gesien het. Hier is iets van alles (basiese kruideniersware, hout, koekies en konfyte), maar die groot verskeidenheid varsgebakte pasteie (van sparerib tot wildsvleis, R20 elk) is heerlik…

Die pad van Bloemfontein na Nampopark, anderkant Bothaville, loop verby kaal rooi lande. Hier en daar staan verlepte lappies mielies. Hulle lyk soos daai ou staalborsel by jou braaiplek wat jy lankal moes weggegooi het. Die rooigras wat wieg in die wind, eie aan dié streek, sien jy nêrens. Die veld is ’n vaal stoppelbaard. Die Vrystaat is droog. Soos lanklaas, vertel die ou boere. Soos nog nooit, vertel die jongeres. Dis Meimaand – oestyd – maar die stropers dreun nie. ’n Stilte hang oor die wye vlaktes. Somme word gemaak, asems opgehou en gebede dryf in die verbleikte blou lug rond. En ek kan nie help om te wonder of Nampo ook dié jaar gaan swaar trek nie. In die parkeerterreine is geen tekort aan voertuie nie. Honderde staan…

AAN JOU LYF 1 K-Way Explorer Talus Floppy-hoed ’n Cowboy sal nooit die vlaktes invaar sonder ’n Stetson op sy kop nie, en met goeie rede. K-Way se liggewig boshoed keer blykbaar meer as 98% skadelike UV-strale (Ai, kan dit nie maar 100% wees nie – Red.) en is goedgekeur deur Kansa. Daar is ventilasiegate sodat ’n mens koelkop bly, en selfs Donald Trump se kapsel sal droog bly in eendeweer. Prys R300 by Cape Union Mart, capeunionmart.co.za 2 Roberts Bird Guide (tweede uitgawe) Sonder ’n voëlgids kan jy gewis nie klaarkom nie, en Roberts se veldgids is propvol kleurryke illustrasies en omvattende inligting oor onder meer broeitye, verspreiding, voorkoms en getalrykheid van byna 1 000 voëlspesies. Kenners beskou dié boek as noodsaaklik. Soos Toast Coetzer oor die…

VOËLSKYK IN SOWETO Toe Raymond Rampolokeng ’n kind was, het hy en sy maats gereeld voëls met ketties gejag en in die damme en riviere rondom Soweto geswem, maar die wiel draai en deesdae is Raymond Soweto se enigste geakkrediteerde (en baie trotse) voëlgids. Ek kry Raymond by die Orlando-torings, ’n baken in dié buurt, en stap af na die vleiland wat ook voorheen deel was van ’n voormalige kragstasie. Ons groet die kinders van die plaaslike kanoklub wat regmaak vir ’n oefensessie en fynkam dan die horison vir voëls. Asof dit vooraf so afgespreek is, swiep ’n mosterdkleurige vormpie oor die water. “Ralreier,” sê Raymond. “Dis een van ons specials.” Terwyl ons al op die oewer langs loop na die besoedelde rivier wat die vleiland water gee, rammel hy…

Chemone se wenfoto (sien bl. 67) is ongewoon en dramaties. Hoe gereeld sien ’n mens twéé luiperds in ’n boom? En spring die een nog van die een tak na ’n ander! Sy het dié milisekonde-oomblik vasgevang met die vaardigheid van iemand wat veel ouer is. Haar komposisie trek dadelik die kyker se aandag. Dis ’n foto wat ongetwyfeld baie ander kinders (en volwassenes!) gaan inspireer om hulle kameras saam te vat as hulle op reis gaan. Wie weet wat jy om die volgende draai te siene gaan kry?…

E-pos jou foto’s na esma.marnewick@weg.co.za . Moenie lêers stuur wat groter as 4 MB is nie – as ons ’n groter weergawe soek, sal ons daarvoor vra. Stuur ook die fotograaf se naam en van en ’n kontaknommer. Stuur ook inligting oor waar die foto geneem is – as jy kan onthou. Ons behou die reg voor om jou foto’s elders in die tydskrif, op ons webblad of in bemarkingsmateriaal te gebruik. Lees die bepalings en voorwaardes by weg.co.za   Die kompetisie sluit Maandag 20 Februarie 2017.…

DOEN DIT ... ALTYD! • Help die pasiënt om kalm te bly. • Hou die pasiënt stil en vervoer hom of haar na ’n hospitaal of bel die nooddienste. • Probeer ’n beskrywing van die slang kry as niemand dit kan uitken nie. VIR BYTE DEUR MAMBAS EN KOBRAS WAT NIE SPOEG NIE • Draai die ledemaat toe in drukverbande en sit ’n spalk aan. AS DAAR PYN EN SWELLING IS; of VIR BYTE DEUR ADDERS, SYPIKSLANGE OF SPOEGKOBRAS • Hou die ledemaat wat gebyt is, effens bo die hart en hou dit so stil as moontlik. • Geen drukverbande nie. AS DIE PASIËNT SUKKEL OM ASEM TE HAAL • Pas mond-tot-mond-asemhaling toe. MOENIE • ’n Toerniket gebruik nie (’n knelverband wat die bloedtoevoer afsny). • Die wond verder probeer oopmaak deur dit te sny nie – dit versprei…

Waar kom jou liefde vir die buitelewe vandaan? My ouma en oupa het by Koedoeskop in Limpopo geboer en voor ek skool toe is, het ek daar “geboer”. My pa en oupa was jagters wat destyds al die konsep van volhoubare benutting verstaan het, en my ook geleer het dat die sinlose doodmaak van diere onaanvaarbaar en oneties is. Verder het ek grootgeword met die stories van hoe my ma-hulle as kinders gaan kamp het in Mosambiek by die San Martino-strandmeer (vandag Bilene), met ’n ou Thames-vragmotor en ’n boot wat my oupa self gebou het. My grootouers was ook kranige reisigers en het Suid-Afrika en Namibië deurkruis – eers met ’n Chev El Camino-bakkie en Capilanoabba-woonwa en later met ’n meer moderne VW Autovilla. Ek het heelwat van die…

Hier’s hoe jy moet maak indien jy jou eie mokorovaarte of huisbootverblyf wil reël. MOKOROVAARTE. Die meeste blyplekke langs die Okavangorivier bied kort vaarte aan, maar jy kan langer oornag-mokororitte doen van Maun af. Doen navraag by die lodge of kampplek waar jy bespreek. Okavango River Safaris bied sewe dae lange mokorosafari’s aan vanaf R13 000 p.p. (dit hang af hoe groot die groep is) van Maun af. Die prys sluit in: tentverblyf, verblyf op ’n B&O-basis in Maun, drie etes per dag; Moremi-parktariewe, veilige parkering as jy ry en petrol vir die bote. okavangoriver.com ; 00 267 684 1016 HUISBOTE. Okavango Houseboats het huisbote teen P8 500 (R11 000) per dag – ’n aardige bedraggie tot jy dit deur 20 deel, dan besef jy dis ’n…

Sowat sewe jaar gelede het ek die hemel gesien. Heel toevallig. Ek en ’n vriend was op pad terug Bloemfontein toe van die Augrabies-waterval- nasionale park af. Iewers tussen Verneukpan en Carnarvon in die Bo-Karoo was ’n afdraaipad. Dié pad het smaller geraak en die wolke bo ons voller. Ons het in ’n kloof beland waar dit saggies gereën en ons kort-kort deur riviertjies gespat het. Die nat bossieveld het ons neuse oopgemaak en ons borskaste koel en vars laat voel. By ’n kruising het ’n omgevalle padbord op die grond gelê: “Perdekloof”. En in een hoek was daar met ’n klip uitgekrap: “Baby jour in heven”. Op ’n sonskyndag in Augustus besluit ek om weer uit te ry soontoe. Die weg na die hemel is smal, en nie maklik…

Kukuma’s Rest is ’n luukse villa op die Zebula-gholflandgoed in die mooie Waterbergstreek van Limpopo. Jy en jou gaste gaan drie dae by hierdie privaatvyfslaapkamerhuis deurbring, wat ook ’n eenslaapkamerhut het. Die villa het slaapplek vir 12 volwassenes en 4 kinders wat deel. Die hoofslaapkamer het ’n en suite-badkamer met ’n stort, bad en ’n buitestort, en maak oop op ’n dek met ’n wonderlike uitsig oor die Bosveld. Die ander slaapkamers het ook en suite-badkamers met ’n bad of ’n stort. Ander geriewe sluit in DStv en lugreëling in al die slaapkamers. Gaste wat in die hut bly, het algehele privaatheid en uitsigte oor die Waterberglandskap. Die hut het sy eie badkamer met ’n bad en stort en ’n kombuisie met ’n mikrogolf, yskas, broodrooster en ketel. Op koeler…

Baba-aartappelen-spekgebak Vir 6 Voorbereityd 10 minute Gaarmaaktyd 1 uur Lekkerder aartappels as hierdie het ek nog nie teëgekom nie. Die sout kan met ½ pakkie bruinuiesop vervang word. Jy benodig Só maak jy 1 Voorverhit die oond tot 200 ºC. Gebruik ’n skerp mes en sny 6-8 diep kepe in elke aartappel sonder om dit heeltemal deur te sny. 2 Kap die ui en spek fyn. Pak die aartappels in ’n oondvaste bak waarin dit redelik knus pas en sprinkel die uie en spek bo-oor. Smelt die botter, knoffel en kruie saam en giet dit bo-oor die aartappels. Sprinkel die sout oor. 3 Bedek die bak met foelie en plaas in die oond vir 30 minute. Verwyder die foelie, en skep van…

Hier aan die onderkant van die aardbol sukkel ons ’n bietjie met volksvreemde name. Party van ons het darem al geleer hoe om Hyundai as Jan-dei eerder as Ha-joen-dai uit te spreek, maar nog voor ons Taksen kon uit-figure, verander Hyundai in 2009 wraggies die naam na ix35. Nie dat ons gekla het nie, want “ai, ek’s thirty five” is immers makliker om te verstaan. Maar nou is die Tucson terug en hy is meteens gewild. Sedert die bekendstelling in Maart 2016 verkoop hy minstens 400 eenhede per maand en is reeds deur Suid-Afrikaanse vrouemotorskrywers aangewys as hulle gunstelingryding. Hoewel ek nie rede het om met my vrouekollegas te verskil nie, moet ek noem dat daar op die oog af min verskil is tussen ’n Tucson en ’n Renault Kadjar…

BLINDIANA BARISTA, WORCESTER Joseph Matheatau se hande beweeg sekuur oor die koffiemasjien van knoppie na tuit na hefboom. Maar dié man wat hier in Kaleidoscope (voorheen die Instituut vir Blindes) se restaurant diens doen, vat raak selfs sonder sig. Ek is vroeg vir ’n ontbytafspraak en sit in die Blindiana Barista op Kaleidoscope se perseel vir Joseph en dophou. Ander gesiggestremdes kom ook deurgestap en daar word luidrugtig op die voornaam gegroet. Dis ’n besonderse plek, dié. Jy kry ’n blik op ’n wêreld waarvan ons siende mense min weet, maar terselfdertyd sit jy gemaklik agteroor, omring deur die bekende geure en geluide van ’n koffiewinkel waar dinge glad verloop, die dekor mooi is en die spyskaart se verskeidenheid tevrede klante verseker. Blindiana sit van ontbyte en roosterbroodjies tot burgers,…

‘The Land of the Silver Mist”. Só het lord John Buchan, skrywer en later goewerneur-generaal van Kanada, Haenertsburg se omgewing destyds beskryf. Buchan het ná die Anglo-Boereoorlog in Polokwane gewerk en dikwels hier visgevang. Die pad tussen Johannesburg en Polokwane is bra saai, maar sodra jy afdraai op die R71, rigting Magoebaskloof, is dit net berge, heuwels en groen grasveld. Jy kan Haenertsburg maklik misry, veral as die einste mis die landskap omvou. Die dorpie se kern is net een boomryke hoofstraat lank: ’n kafeetjie, petrolstasie, die Tank Foodzone, ’n paar restaurante en winkeltjies... “Sodra die eerste Pep Stores of Ellerines hier oopmaak, laai ek al my besittings op hierdie bakkie en ry dit met een vrag uit,” sê Linda Wilkinson van The Pennefather-kompleks. “Ons het nie kettingwinkels en industrieë…