Indholdsfortegnelse for December 2017 i Weg!

Aai, aai, die witborskraai... Ek was onlangs op ’n Weg-Mpafa-toer na Namibië. Wat ’n ongelooflike ervaring! Dis egter onrusbarend hoeveel witborskraaie ons op pad teëgekom het tussen Kaapstad en Namibië. Dit kan ’n groot probleem word vir die voortbestaan van ander voëls. Ek het gedink dié is ’n unieke foto van Kolmanskop waar die twee kraaie sit en met mekaar “praat” in een van die vervalle huise. ELSA DU PLESSIS, Pretoria Dié Weg-feite hoort op ’n Chappies-papiertjie Ek skryf na aanleiding van die storie oor Oosie se indeks in Weg se Oktober-uitgawe. Ek het óók ál die uitgawes, van Weg #1 tot 156, asook die somer-uitgawe van Veld toe waarin Wegbreek se “geboorte” destyds (in 2004) aangekondig word. Terloops, Wegbreek het sy naam uit ’n kortlys van 100 voorstelle ontvang.…

Die Suid-Afrikaanse fotojoernalis Brent Stirton is die algehele wenner van die 2017 Natuurfotograaf van die Jaar. Die kompetisie is ontwikkel en word aangebied deur die Natural History Museum in Londen. In 2015 was daar na skatting net 5 000 swartrenosters in die natuur oor en die getalle het sedertdien gedaal. Hierdie swartrenoster is voorgelê by ’n watergat in die Hluhluwe-iMfoloziwildreservaat in KwaZulu-Natal en twee keer deur stropers geskiet. Die oortreders is later deur die reservaat se patrollie aangekeer.…

Ek en my vrou, Jess, het onlangs ’n tweedehandse Subaru Outback gekoop. Dit was ’n winskoop, al het die Outback nie baie kilometers op die klok gehad nie. Ons het meer spasie vir die twee kinders (en al hulle goeters!) gesoek en wou ’n veilige kar kry waarmee ons die langpad met gemoedsrus kan vat. Die Outback is dit, én meer. Die kar klou aan die pad soos ’n luiperd aan die gorrel van ’n rooibok. Hy het spoedbeheer en ’n blitsige enjin waarmee jy verby ander ouens kan fluit sodra die pad twee bane word. Hy het gevorderde tegnologie wat jou veilig hou wanneer jy ry. Jy kan selfs die sitplekke warm maak. Weet jy hoe lekker is ’n warm sitvlak as dit 5ºC buite is terwyl dit sous…

Om halfelf op ’n Vrydagaand is Merweville tjoepstil. Selfs die enkele straatligte flonker futloos. Maar dankie tog hulle skyn! ’n Uur gelede was die dorp in donkerte gehul ná ’n kragonderbreking van ongeveer dertig uur. Dit kon nie op ’n slegter tyd gebeur het nie: Merweville se Dankfeesnaweek, die gebeurtenis van die jaar vir dié boerderygemeenskap, het reeds vroeër vandag begin. ’n Blou Ford-bakkie kruie nader. Dit is Belia Muller, eienaar van Muller Handelaars, wat vir my die sleutel vir die gastekamer langsaan bring. “Jong, die kragopwekker moes vanaand by die winkel loop vir al die basaarpoedings in die yskaste,” vertel sy. “Ons móés net ’n plan maak – basaarpoeding moet mos koud gehou word,” vertel sy. Planmaak, sou ek oor die naweek leer, is iets wat Merwevillers met oorgawe…

DÍS WAT JY KAN VERWAG Het jy al gewonder hoe dit moet voel om diep in die bos se geilgroen ondeurdringbaarheid te wees? Die wêreld van Dalene Matthee se stories, reuse-geelhoutbome en geil mosse, varings en houtkappers... Wel, jy kan. Sanparke het Bhejane 4x4 Adventures die eksklusiewe reg gegee om begeleide dagtoere deur Knysna se besonderse boswêreld aan te bied. Op dié daguitstappie kan jy enorme geelhout- en stinkhoutbome, varings, ligene, mosse, blouduikers, bosbokke en loeries met jou eie oë sien. En wie weet, miskien selfs ’n Knysna-olifant.. Maar dis nie net ’n ry-en-kyk-toer dié nie. Jy sal ook leer van die bos se eiesoortige fauna en flora, die ontberinge van Italiaanse nedersetters en houtkappers, en ook van verlore reisigers. Ons kry mekaar by die Sasol-vulstasie in Harkerville, langs die…

My ma het elke week tot ounag met Huisgenoot se blokraai gesit. Toe ek in 2011 by Huisgenoot gewerk het, het ek halsoorkop ingestem om redakteur van die blokraaiboek te word. Nou stel ek meer as ’n duisend blokraaie per jaar op, maar dis darem nie almal groot raaisels nie. ’n Rekenaar skep die blokraai se raam, maar die leidrade word met die hand geskryf. Ek gebruik verskillende woordelyste vir die verskillende tydskrifte. Ek vul ook blokraaie in, maar meestal in Engels – bloot omdat dit my tweede taal is en blokraaie my help om my woordeskat te verbeter. Blokraaie is verstommend gewild. Ek kry briewe van tuisteskeppers, professionele mense, studente en tieners. Bejaardes. Jonges. Rykes. In New York trek duskant ’n duisend mense elke jaar laer in ’n hotel…

En toe bots ons teen ’n bosloerie Ons het onlangs gekuier in Marlothpark wat aan die Krugerwildtuin grens. Toe ons een middag van die kafee af huis toe ry, vlieg ’n voël onverwags volspoed in die bestuurderskant se ruit vas. Die slag was só hard ons was seker die voël is dood, maar toe ons omkyk, sien ons hy spartel in die pad. Ons het dadelik uitgeklim om so vinnig moontlik die voël in veiligheid te neem. Ons kon ons oë nie glo nie: dit was ’n skugter bosloerie. Die meeste voëlkykers droom hulle lewe lank om dié gesogte voël op hulle lysie af te merk. Die bosloerie was deurmekaar en ons het hom na ons huis geneem, veilig in ’n boom in die koelte gesit en gewag. Tot ons…

SOEK ’N DISA Dis nou die seisoen – Desember tot Maart – om die rooidisa (Disa uniflora), die simbool van die Kaapprovinsie, te gaan soek. Dominic Chabon, oftewel The Fynbos Guy, gee raad oor die roetes op Tafelberg waarop jy dié mooi nooi kan sien. Die maklike roete Jy gaan moet stap om dié orgideë te sien – hulle groei in die hoë dele van Tafelberg langs strome en vleilande. Die maklikste roete is om met die sementpad van Constantianek af tot bo op die berg te stap, verby die Overseer’s Cottage en regs te hou op die Smuts Track-enkelspoorpaadjie. Stap verby die Nursery- en Skeleton-ravyn tot by Window Stream in die Window-ravyn waar daar gewoonlik baie te sien is. Jy kan dan terugloop in jou spoor of voortstap met…

PASOP VIR MALARIA IN DIE WILDTUIN Maak seker jy tref voorsorg teen malaria as jy tussen nou en April in die wildtuin gaan kuier. Dr. Nardus Visser van die Skukuza- mediese praktyk het gesê daar is tot dusver vanjaar meer gevalle as in 2016 – waarskynlik weens laasjaar se droogte. Sanparke beveel aan dat besoekers medikasie neem, soos voorgeskryf deur ’n dokter, en saans hulle vel goed bedek. Laat weet ook die dokters in Skukuza onmiddellik as jy wel malaria kry ná ’n parkbesoek sodat hulle risikogebiede kan identifiseer. Malaria: Het jy geweet? Malaria word slegs oorgedra deur die Anopheles-muskiet (en net die wyfies). Die eerste simptome van malaria sluit in: koors, kopseer, lyfseer, moegheid, vel wat geel lyk (geelsug), ’n vinnige hartklop, naarheid en braking, maagseer en diarree. Jy…

Jy’s pas terug in Suid-Afrika ná ’n bakgat vakansie in Botswana, met die immigrasiebeampte se ink wat nog droog word in jou paspoort. Stockpoort is een van daardie klein grensposte in Limpopo waar jy gewoonlik sonder drama deur die grens kan glip. Dis min dat dit lekker is om deur ’n grenspos te gaan, maar by Stockpoort is dit lékker! Maar hoekom nou haastig wees terug na die gedruis van Gauteng? Gelukkig verskyn dié huishoogte witgatboom vinnig op jou linkerhand soos jy die teerpad volg in die rigting van Lephalale. En hier’s wraggies ’n piekniektafeltjie ook – bonus! Trek af in die padreserwe en drink daai laaste louwarm koffie wat jy vanoggend nog daar by Woodlands Stop Over anderkant Francistown gemaak het. Drink dit stadig, uit ’n blikbeker. Grawe in…

MELKBOSSTRAND Op Melkbosstrand kan jy jou tone in die sand (en in die koue Atlantiese Oseaan) woel, vars seekos eet en laatmiddag met ’n boetiekbier in die hand uitkyk oor die blou dam se branders, en dáái foto van Tafelberg neem. OGGEND Die vinnigste manier om op Melkbos te kom is met die besige Weskuspad (R27) of die Melkbosstrandpad van die N7 af. Maar die mooiste pad is kuslangs met die M14 (Otto du Plessis-rylaan) verby Bloubergstrand, Big Bay, Eerste Steen, Tweede Steen en Kreeftebaai. Draai links in 6de Laan (dis Melkbos se hoofstraat en die meeste winkels is hier) tot by Kusweg. Los jou voertuig vir die dag in die groot parkeerterrein by die Nasionale Seereddingsinstituut se Stasie 18. Kusweg het vele eetplekke, maar The Hart Breadhouse & Eatery…

Is dit die toilet in Afrika met die mooiste uitsig? Ons dink so! Nyiragongo (3 470 m) is ’n aktiewe vulkaan net noord van Goma in die Demokratiese Republiek van die Kongo. Hierdie is die uitsig van die rand van die hoofkrater af, soos ’n mens verby ’n kleiner krater kyk in die rigting van Goma, wat toegewikkel is in die vroegoggendmis. Nyiragongo is deel van die Albertynse skeurvallei, wat op die grens tussen die DRK en Rwanda lê. Die gebou regs onder op die foto is waar portiere slaap. Toeriste bly in A-raamhutte op die kraterrand, met ’n ontsagwekkende uitsig oor die borrelende lawapoel. Dit vat sowat vyf uur om teen die berg op te stap en dit raak baie koud aan die bopunt; vlae sneeu is nie ongewoon…

Een van Weg se professionele fotograwe reis saam met die toergeselskap. Langs die pad leer jy jou kamera beter ken, en word jy touwys gemaak in die fynere kunsies van fotografie. Almal kry kans vir persoonlike terugvoersessies met die fotograwe. Die toer neem jou na van die onvergeetlikste bestemmings in Botswana – jy sál met klassieke foto’s terugkeer. DÍS WAT JY MOET WEET Hoe lank? 11 dae, 10 nagte Wanneer? 15-25 Maart 2018 15-25 Julie 2018 Waarvandaan vertrek die toer? Letlhakane, Botswana Prys R14 950 p.p. DIE TOERPRYS SLUIT IN • ’n professionele toerleier en ervare veldgids • drie smaaklike etes per dag • parktariewe, kamp en geadverteerde aktiwiteite • tweerigtingradio’s HIER’S DIE TOERPLAN DAG 1 Letlhakane na Kubu-eiland DAG 2 Kubu-eiland na Maun: Botetirivier DAG 3 Maun en die Okavangodelta DAG 4 Maun…

Johan Fourie van Centurion skryf: Ek het dié duif in my tuin afgeneem. Die duif het nie gelyk asof hy sukkel nie. Soms trap die regterpoot die pen raak, maar dit was die enigste sigbare ding wat hom gepla het. Hy het pap geëet en tot in ’n hoë boom gevlieg. Ek weet dis ’n mite dat ’n ystervark sy penne uitskiet en ek kan nie dink dat ’n ystervark hier sal hou nie. Die Rietvleidam is wel sowat 13 km hiervandaan. Enige idees oor wat hier kon gebeur het? Die voëlkenner Faansie Peacock antwoord: Johan se foto’s het ’n spul kenners op die Biochat-forum laat kopkrap. Die pen het skynbaar die duif se regterkantste borsweefsel gepenetreer, maar die vlerk gemis, en het geen uitwerking op die voël se vermoë…

Jy hoef net rooibokke dop te hou om te weet watter tyd van die jaar dit is. In Februarie verlaat die volwasse rooibokrammetjies (4 jaar en ouer) hulle vrylopertroppe en vorm tydelike weigebiede teen die einde van April. Hulle merk die gebiede met mis-hope, kry afskeidings op hulle voorkop en ’n mens hoor hulle brul- en hoesgeluide deur die nag. (Ek moet gereeld gaste oortuig dat die “brul”van ’n bokkie kom en nie een of ander kwaai roofdier nie.) Troppe ooie is nie territoriaal nie en beweeg vrylik tussen die ramme se gebiede. As ’n trop ooie aankom, doen die rammetjies hulle bes om die skoner geslag daar te hou en te paar. Dis uitputtende werk en die dominante rammetjie verloor gewoonlik redelik gou sy posisie. Dit kan dan gebeur…

TOERINLIGTING 2018: 19-29 April; 28 Junie-8 Julie; 6-16 Augustus; 15-25 September Hoe lank is die toer? 11 dae, 10 nagte Van waar vertrek die toer? Nata, Botswana Eindpunt? Kasane, Botswana Waar slaap ons? Formele verblyf. Hoeveel kos dit? R23 950 p.p. (30% bybetaling vir enkelpersone). DIE TOERPRYS SLUIT IN • Beddegoed en handdoeke • Drie etes per dag • Alle verblyf • Alle parkgeld • Tweerigtingradio’s • ’n Toerleier en veldgids WAARVOOR SORG EK? • Jouself en jou gesin • Julle paspoorte • Enige 4x2 met ’n goeie grondvryhoogte • Brandstof • Stoele • Drankies en snoepgoed • Persoonlike toerusting • Grenspostariewe DIE TOER IN ’N NEUTEDOP Dag 1 Ons ontmoet by die Nata Lodge en geniet die sonsondergang by die Makgadikgadipanne. Dag 2 Die groep verken Maun en omgewing met ’n opsionele vlug oor die delta. Dag 3 Van naby Sepupa neem motorbote…

KARIN LATEGAN Canon 7D Mk. II Sigma 150-600 mm-lens TOAST SÊ: In Suider-Afrika is min diere mooier as die koedoe. Dis ’n groot bok wat daarvan hou om vertonerig teen die landskap uit te staan – anders as iets soos ’n kamerasku duiker of grysbok wat vinnig in die bosse wegduik. Op ’n Weg-fototoer deur Botswana kry jy ’n paar keer kans om dierefoto’s te neem. Die toer eindig in die Chobenasionale park, waar jy seekoeie, buffels en olifante kan afneem. Maar vóór dit nog, wanneer die toer deur Namibië se Zambesistreek swenk, kry jy kans om veral boksoorte soos koedoe, lechwe, bastergemsbok en swartwitpens in die Mahangowildreservaat af te neem. Dít is waar Karin hierdie foto geneem het. Die lig was ’n bietjie van ’n tameletjie, want die koedoe…

Onthou jy 2015 se dieselskandaal? Die keer toe die Volkswagengroep se geknoei oor diesel-uitlaatgasse hom meer as R22 miljard aan boetes laat hoes en daarmee saam onmeetbare skade aan sy beeld berokken het? Koppe het soos tolbosse gerol en elke nuwe diesel-Volkswagen en -Audi het oornag in Amerika – waar die storm losgebars het – uit handelaars se vertoonlokale “verdwyn”. Dat die Oxford-woordeboek nie die d-woord aangewys het as die aanstootlikste woord van daai jaar nie, bly ’n wonderwerk. Maar geen salf is sterker as Vader Tyd s’n nie; daarom was Audi dapper genoeg om die intreeweergawe van sy nuwe, tweedegeslag-Q5 weer met ’n dieselenjin toe te rus. En weet jy wat? Die Kaap is weer Hollands – onder die Audi se enjinkap, maar veral in sy kajuit. Die nuwe…