Indholdsfortegnelse for March 2019 i Weg!

De Wet Ras se fris bene het op 25 September 1976 in Bloemfontein my verhouding met die Vrystaat begin deur dit in sy kanon te skop. Dit was ’n hartseer dag. Vroeër die middag het die Steyns voor ’n blinknuwe Telefunken sit gekry. Voor 1976 moes ons rugby op die radio luister. Jy kon darem die glorie van jou span se oorwinning herleef deur ná die tyd ’n langspeelplaat met Gerhard Viviers se wedstrydkommentaar te koop. Ek het reeds begin spaar vir so ’n plaat van die 1976-Curriebekereindstryd, want Morné, Divan, Dawie en Jan-Boland sou vir seker die beker terugbring na waar hy hoort – Kaap toe. Maar daardie Vrystaatse span het die verbleikte veld met my helde gevee. Hulle het soos ’n trop jagluiperds saam bal gejag en Ras…

’n Padstal is ’n wonderlike ding – dit kan jou lewe verander. Nie net vir jou, die pastei-eter en gemmerbierdrinker wie se langpad daardeur opgevrolik kan word nie, maar ook vir die mense wat ’n padstal begin. As jy ’n jaar gelede hier by die Ossewa-padstal verbygery het, het jy nie ’n padstal gesien nie, maar ’n stoor wat besproeiingsgoed verkoop. Intussen moes dié besigheid sy deure sluit, en Fritz en Mara van Staden (en hulle dogter Marna), het hulle gewig agter die Ossewa-padstal gegooi. Ossewa het vinnig naam gemaak, waarskynlik omdat hulle sulke vriendelike mense is (jy word met die hand gegroet), maar ook omdat hulle pasteie vreklekker (en groot, én vol vleis) is, die gemmerbier jou nie “koliek of maagkrampe” sal gee nie en die kinders in ’n…

Wat is jou vroegste herinnering aan Herman Charles Bosman se werk? Ek het sy skryfwerk die eerste keer op skool ontdek. Ons Engelsonderwyser, David Brindley, het een van die Groot-Marico-stories voorgelees en ek het die boek by hom geleen. Ek onthou “In the Withaak’s Shade” (steeds my gunsteling), “A Bekkersdal Marathon” en “Willem Prinsloo’s Peach Brandy” uit daardie dae in die laat 1960’s. Ek het Bosman se skryfwerk verder verken op universiteit, veral die boek oor sy gevangeneskap, Cold Stone Jug. Vertel ons van Cape Rebel en hoe weeklikse e-posse die inspirasie vir hierdie boek was. Ek het ’n idee gekry om elke week stories gratis per e-pos te deel met diegene wat daarin belang stel. Cape Rebel is nie ’n nuusbrief nie. Dis bloot ’n e-pos met…

Hoe werk dit? ’n Mens kan die stap oor drie of vier dae doen. Jy los jou motor by die eerste aand se blyplek en word weer soontoe gevat ná die stap. Hoe fiks moet ek wees? Redelik. Jy gaan elke dag tussen 10 km en 14 km stap. Die terrein is maklik, met ’n paar op- en afdraandes, maar dit kan wárm word. Wat moet ek inpak? Insekweermiddel, stapstewels of veldloopskoene, ’n ligte winddigte of reënbaadjie, ’n dagrugsak, sonbrandroom, ’n kamera, kontant en ’n hoed. Jy dra net jou dagsak; die res van jou bagasie word na jou volgende oornagplek vervoer. Wanneer kan ek stap? Die roete is oop in die herfs en lente omdat die somer te warm is en daar ’n baie goeie kans is dat dit…

HOEKOM? Ons plaas elke maand ’n keur van lesersfoto’s. Moenie skaam wees nie – krap ’n bietjie daai foto’s uit wat jy op jou rekenaar opgaar en stuur hulle vir ons! WAT? Ons hou van omtrent énigiets: natuurlewe, landskappe, portrette, vakansiefoto’s of goggas en blomme in jou tuin. HOE? Stuur jou beste foto’s na menseselense@weg.co.za  Moenie lêers stuur wat groter as 4 MB is nie – as ons ’n groter weergawe soek, sal ons daarvoor vra. Gee die fotograaf se naam, van, tuisdorp en kontaknommer. Stuur ook inligting oor waar en hoe die foto geneem is en watter toerusting gebruik is. As jy die foto op enige manier gemanipuleer het, vertel ons wat jy gedoen het. DIE FYNSKRIF Ons behou die reg voor om jou foto’s elders in…

Tuna-witboon-enedamameslaai Vir 2Voorbereityd 5 minuteKooktyd 10 minute ’n Goeie gekoopte sous propvol geurige bestanddele maak dit maklik om slaaie aanmekaar te slaan as jy met vakansie is. Vars pesto kan suksesvol gevries word. Vul ’n sagte Franse baguette met hierdie tunaslaai. Jy benodig • 2 eiers • 2 koppies edamamebone of ertjies • 2 blikkies tuna (115 g elk), gedreineer • 1 rooiui, fyngekap • 1 koppie kalamata-olywe, ontpit • 1 blikkie (410 g) botterbone, gedreineer • 1 fles (130 g) Pesto Princesschimichurri-sous (of enige ander geur van jou keuse) • 4 eetlepels olyfolie • 2 sprietuie, gekap Só maak jy 1 Plons die eiers in kookwater en kook vir 6-8 minute. Skep uit en dompel in yswater. Dop die eiers af. 2 Dompel die edamamebone of ertjies vir ’n paar minute in kookwater totdat dit heldergroen en gaar…

Dit maak nie saak met watter pad jy deur die Groot-Karoo ry om hier uit te kom nie, Graaff-Reinet bly ’n welkome gesig. Soos jy inry, sprei die dorp netjies in die waai van die Sondagsrivier voor jou uit, met Spandaukop se welige hange wat op linkerhand uittroon. Yslike ou jakarandabome, in pers getooi, hou wag langs die strate. Ja-nee, dié groener, bergagtige Kamdeboostreek hou van uithaal en wys. Doer in die verte staan die ontsagwekkende NG kerk (die dorpenaars praat sommer van die Groot Kerk) sedig aan die bopunt van die dorp. Agter die kerk strek die Sneeuberg potblou die dynserigheid in. Maar op ’n Vrydagmiddag kan ek nie te lank in die verte tuur nie; Kerkstraat is woelig en ek moet kophou agter die stuur. Toetende minibustaxi’s en…

“Ek gaan al sedert ek kan onthou Pilanesberg toe – die plek se grond pomp deur my are! In 2018 – op my 38ste verjaardag – het ek besluit om my loopbaan te laat vaar en my kantoortjie te verruil vir iets met ’n uitsig en baie spasie. “Ek het ’n passie vir die Pilanesberg se luiperds en het by ’n vriend se toermaatskappy, Wildworld Tours, aangesluit as spesialisgids. Ek spits my toe op luiperds en help dat toeriste hulle te siene kry.” Volg Johan op Instagram: @fatman_j…

Wat was die grootste uitdaging van dié storie? Die moeilikste ding van die Bosveld is die oorweldigende aantal blyplekke. En nadat ek uiteindelik op vyf plekke besluit en hulle besoek het, steel ’n boef my skootrekenaar uit ons woonstel in Kaapstad! Met ál my foto’s en werk. Sjoe, dit was ’n gatslag, want ek gebruik ook my foto’s as visuele notas saam met die geskribbel in my notaboek. ( Dankie aan Lawrette McFarlane wat op kort kennisgewing weer foto’s van die blyplekke gaan neem het. – Red. ). Deesdae bêre ek álles op Google Drive. Jou gunstelingplek in die Bosveld? Die Waterberg – dit voel asof hier meer diere as mense is. Ek en my gesin het by die Lindani Lodge in ’n huis gebly en die hele…

KOM SKUD BLAD BY DIÉ BUITELUGSKOU! Kom maak ’n draai by Weg en WegRy & Sleep se stalletjie by die Karavaan-kamp-en-bestemmingskou in Midrand om ons span te ontmoet, op ons tydskrifte in te teken en van ons produkte te koop. Die skou bied die nuutste in die woonwa- en tentwêreld, die jongste innovasie in kamptoerusting en buitelewe-tegnologie. Vakansiebestemmings word ook voorgelê – en jy kan vakansies hier teen eksklusiewe skoupryse bespreek. Pretoria FM saai regstreeks van die skou af uit en besoekers kry die geleentheid om die aanbieders te ontmoet. Waar? Gallagher-konferensiesentrum, Midrand, Johannesburg Wanneer? Vr. 22 Februarie: 9 vm.-6 nm.; Sa. 23 Februarie: 8 vm.-5 nm.; So. 24 Februarie: 8 vm.-4 nm. Kaartjies beskikbaar by die hek of by…

Waar het jy aan dié idee gekom? Ek is nog altyd lief vir die buitelewe én uitdagings. Ek het onder meer al die Comrades gedoen (een keer was genoeg!) en vyf keer die Argus-fietswedren gery. Ons gesin is lief vir fietsry en doen dit graag saam. Ek en my vrou, Clara, het byvoorbeeld al ’n vyfdagtoer deur die Marico-omgewing gedoen, waar ons in tente geslaap en alles op die fietse vervoer het. Ek wou al lankal iets ongewoons doen en het dit eers oorweeg om van ons huis op Buffelspoort af Kaapstad toe fiets te ry. Ek het dié idee laat vaar omdat ek dink dis dalk te gevaarlik om fiets te ry op ons openbare paaie. Toe begin ek stap oorweeg, en dié idee wou my nie los nie.…

I Put a Spell on You deur Nina Simone R99 by Google Play Store Nina Simone (1933-2003) was ’n ikoniese Amerikaanse jazz-sanger en pianis met ’n weergalose stem. Met hierdie album, wat reeds in 1965 by Philips Records verskyn het, verken sy die popgenre op haar eiesoortige manier. Dis heerlike padmusiek. Die titelsnit is inderdaad betowerend. Wanneer Nina verklaar: “I put a spell on you / ’Cause you’re mine,” glo jy haar onvoorwaardelik. En wanneer die saxofoonsolo in volle gang is, verg dit kophou om nie sommer uit pure plesier die petrolpedaal plat te trap nie. Dan verander die stemming weer heeltemal met haar vertolking van Jacques Brel se ballade “Ne me quitte pas”. Teen die tyd dat jy by die sewende snit, “Feeling Good,” uitkom en sy sing “It’s…

Was jy op ’n vakansie wat jy dink ander Weg-lesers ook sal geniet? Skryf oor die ervaring en ons publiseer dalk jou storie. Hou dit asseblief kort (maksimum 1 500 woorde) en stuur ’n paar voorbeeldfoto’s. As ons wel besluit om die storie te gebruik, gaan ons oorspronklike hoëresolusiefoto’s nodig hê; maak dus seker jou kamera is op die regte verstelling. Stuur jou storie na redakteur@weg.co.za . Ons behou die reg voor om jou foto’s elders in die tydskrif, op ons webblad of in bemarkingsmateriaal te gebruik. Lees die bepalings en voorwaardes by weg.co.za…

Bring-en-braai is ’n gunstelingmanier om goeie tye saam met familie en vriende deur te bring – en om die koste van die ete te deel! Brode, slaaie en bykosse is ’n belangrike deel van ’n braai en is dikwels ’n volle maaltyd op hulle eie. Hier is ’n paar pasmaat-idees vir wanneer jou bykos die hoofrol speel. Slaai en rosé is ’n wenkombinasie. Dink aan knoffel, tiemie, olyfolie, feta… Al dié Mediterreense geure pas baie goed by pienk wyn. Die Kleine Zalze Cellar Selection Cinsault Rosé 2018 (R56) word gemaak van ’n druifsoort wat aanvanklik uit die suide van Frankryk kom. Die Stellenbosch-weergawe is net so vars en lewendig, vol ryp, rooi bessievrugte met ’n tikkie suurheid. Dis die ideale pasmaat vir ’n klassieke niçoiseslaai of iets soortgelyks. ’n Romerige…

Die afgelope 300 jaar reeds is Xhosas in hierdie streek gevestig, en leef hulle in byekorfvormige hutte. Die omgewing is steeds landelik met ’n basiese padnetwerk. Dis op hierdie paaie, sowel as die tweespoorpaaie, wat ons die ongerepte kuslyn verken en skeepswrakke, riviermondings en strande sal besoek. Die toerleier is ’n ervare natuurbewaarder en avontuurgidsleier. Hy sal deurentyd in radioverbinding wees en interessanthede oor die kultuur en natuur deel. Hy hou ook ’n oog oor jou 4x4-vaardighede. Dis nie ’n baie “tegniese” 4x4-reis nie, maar as jy probleme ervaar, is die Bhejane-span byderhand met herwinningstoerusting. BESONDERHEDE  Wanneer? 8-12 en 13-17 Mei 2019 Hoe lank? 5 dae, 4 nagte Waar slaap ons? Ons bly in die Mbotyi River Lodge en die Ocean View Hotel Wat kos dit? R7 850 p.p. wat…

GRASKOP GORGE LIFT COMPANY, GRASKOP Dit was nog altyd lekker om by die Graskopravyn stil te hou en van die hoogste krans tot doer in die Laeveld te tuur. Ver onder jou kon jy ’n rivier deur die inheemse woud sien vloei, gevoed deur die Motitsi-waterval aan die oorkant. Maar as jy die besonderse woud van nader wou sien, moes jy die Big Swing doen... En wie kan nou enigiets inneem as jy met toegeknypte oë so vinnig val? Dinge het in 2017 verander met die bou van ’n unieke panoramiese hysbak wat jou 51 m af neem tot in die woud self, waar jy met 600 m se plankiespaaie en hangbrue op ’n sirkelroete die woud en al sy wonders kan ontdek. Dié hysbak is indrukwekkend, maar dis die…

ANZISKE KAYSTER, museumbestuurder by Reinethuis “Hier’s ’n heilsaamheid wat jy nêrens anders kry nie. Ek het 22 jaar gelede hier geland en is nou nog hier! Almal ken mekaar en hier’s goeie skole; dis ’n dorp waar alles werk.” XOLISWA JANTJIES, opsigter van die Hester Rupert-kunsmuseum “Ek’s nie een vir die stadslewe nie; die rustigheid pas my soos ’n handskoen. Dit kan wél soms ’n bietjie saai raak, maar oor vakansietye is die plek behoorlik besig. Dan is dit lekker om weer ’n slag nuwe mense te ontmoet.”…

BESONDERSE LESOTHO-SPESIES  Twee oë gloei in die diep, klam tonnel. Wie kan dit wees? Ek staan doodstil terwyl ek honderde moontlikhede oorweeg. Ek verken ’n toegangstonnel onder die muur van die Mohaledam in Lesotho. Ek kruip versigtig nader, met ’n koue stroompie water wat op een of ander manier binne-in my waterdigte stewels beland het. Ek is op soek na ’n Kaapse ooruil, maar sekerlik kan daai gloeiende sfere hier onder net aan The Lord of the Rings se Gollum behoort? Die oë staar na my. Sonder om te knip. En toe spring hulle skielik reguit na my toe! Die straal van my flitslig bons van die nat mure af en beland op ’n groot en lelike skepsel: die Maluti-rivierpadda. Terug op die oppervlak is my…

Langs die kuslyn van Vilanculos in Mosambiek ontmoet helderblou water die sanderige wit kus. Die dorp se pragtige uitsigte en warm water het bygedra tot sy status as een van Mosambiek se voorkeur-vakansiebestemmings. Sonsoekers is gaande oor die lang, ongerepte strande en warm temperatuur en hou daarvan om weg te lê aan Mosambiek se beroemde garnale en heerlike bier. Die dorp Vilanculos is ideaal vir ’n daguitstappie om die lewendige markte, helder kleure en tradisionele handvlytprodukte te beleef. Avontuurlustige reisigers kan gerus die mooi Mosambiekse platteland verken – dis net ’n kort 4x4-rit weg. Die see rondom Vilanculos en Bazaruto- en Benguerra-eiland is ’n paradys vir waterliefhebbers. Die water is kristalhelder en snorkelduikers, swemmers of skubaduikers kan tot 40 m ver sien. Dis een van die min plekke waar ’n…

Hier’s ’n plan vir as jy genoeg gehad het van die Canal Walkwinkelsentrum, maar die res van die gesin nog wil gaan fliek: Stap met volmaan op Intaka-eiland – ’n 16 ha-vleiland in die middel van die Century City-uitbreiding in Kaapstad. Die begeleide toer van 1 km begin om skemer en duur ’n uur – die gids wys onder meer verkleurmannetjies, vlermuise en voëls uit, en as julle gelukkig is, sien julle dalk selfs ’n grysbok! Bring gerus iets om aan te peusel; julle kry ’n glas vonkelwyn, wat ingesluit is by die prys. Hier is ook nie-alkoholiese vonkelwyn en koeldrank vir die kinders. Wanneer? 21 Maart, 6.15 nm. vir 6.30 nm. Waar? Intaka-eiland-ekosentrum, Parklaan 2, Grand Central, Century City Koste R45 p.p. Dis noodsaaklik dat jy vooraf bespreek. Kontak…

NUWEMAAN 6 MAART SPRINGGETY: 7 MAART HOOGGETY: 3.56 VM. & 4.05 NM. EERSTE KWARTIER 14 MAART DOOIEGETY: 15 MAART HOOGGETY: 9.55 VM. & 10.58 NM. VOLMAAN 21 MAART  SPRINGGETY: 21 MAART HOOGGETY: 3.31 VM. & 3.54 NM. LAASTE KWARTIER 28 MAART DOOIEGETY: 29 MAART HOOGGETY: 10.46 VM. & 11.50 NM. Hierdie is die hoogwatertye vir Kaapstad. Vir ander plekke tel jy die minute by of trek dit af (let wel, hierdie is benaderde tye): Saldanha: +5; Hermanus: -4; Port Elizabeth: +19; Durban: +26 Bron Gety-inligting met die vergunning van die Hidrograaf, SA Vloot. Die Hidrograaf is nie verantwoordelik vir enige transkripsiefoute nie. sanho.co.za SONOP & SONONDER (15 MAART) Kaapstad 6.46 vm. en 7.03 nm. Bloemfontein 6.16 vm. en 6.31 nm. Johannesburg 6.09 vm. en 6.23 nm.…

The Last Hurrah deur Graham Viney, Jonathan Ball R285 in boekwinkels Op 17 Februarie 1947 het die oorlogskip HMS Vanguard die Kaapse hawe binnegevaar. Tienduisende mense het saamgedrom in die strate om die baie belangrike gaste te verwelkom: Koning George VI,  koningin Elizabeth en hulle twee dogters, prinses Elizabeth (20) en prinses Margaret (16). Dit was die begin van die koninklike toer, waartydens die koninklike gesin duisende kilometer oor twee maande getoer het, meestal met die beroemde Wittrein (wat beskryf is as ’n “Palace on Wheels”). In hierdie merkwaardige boek kyk Graham Viney terug na hierdie koninklike toer binne die historiese én politieke konteks. Sy analise, navorsing – hy het selfs toegang gehad tot die koninklike argief in Windsor – en sin vir detail is verstommend. Die boek klink by…

Ruacana tot Rosh Pinah deur Doc Immelman Protea Boekhuis, 2011 R150 by proteaboekwinkel.com Grootwildjagter, digter, avontuurskrywer, storieman... die gewilde Doc Immelman (1928-2013) was ’n Namibiese legende. Uit sy pen het tientalle avontuurverhale verskyn, met verbeeldingryke boektitels soos ’n Kwartmiljoen Mauserpatrone en Onheil in die Kuiseb . Hy was ook ’n rubriekskrywer en het deur die jare ongeveer 2 000 rubrieke van 600 woorde elk vir verskeie koerante in Namibië – toe nog Suidwes-Afrika – gelewer. Protea Boekhuis het in 2011, twee jaar voor Doc se dood, die bundel Ruacana tot Rosh Pinah uitgegee. Dis ’n keur van sowat 60 van sy rubrieke wat Doc tussen 1966 en 1996 geskryf het. In die voorwoord skryf hy: “Uiteraard is…

PAAIE Die grondpaaie in dié deel van die park is netjies geskraap en kan met ’n 4x2 met redelike grondvryhoogte gery word. Die pad van Bloedkoppie na die Tinkasboogrots en ook na die Tinkasdam is rowwer, maar jy sal nie sommer ’n 4x4 nodig hê nie; wel ’n hoë grondvryhoogte. BRANDSTOF Slegs op Swakopmund en Walvisbaai. Solitaire het ook brandstof en is sowat 80 km van die Kuisebcanyon af. Ons het altesame 500 km gery en nie nodig gehad om ekstra brandstof saam te ry nie. WAAR BLY EK? Die boskampe word op die kaart aangedui – jy bespreek nie ’n spesifieke staanplek nie – ry rond en saal af by die een waarvan jy die meeste hou. Hier is genoeg staanplekke, en die meeste is ver uitmekaar sodat jy…

1 Energizer Vision-100 lumens-koplig Hierdie bekostigbare koplig is goed vir kinders en mense wat nou en dan kamp. Hy lewer 100 lumens in die hoë modus – helder genoeg om die motor ná donker te pak. Die lig het ook ’n lae modus vir takies wat nie veel lig benodig nie. Jy kry drie AAA-batterye by: Energizer sê dit behoort vir 10 uur in die hoë modus en tot 50 uur in lae modus te hou. Jy kan hom in ’n motreëntjie gebruik en hy sal niks oorkom as jy hom van tot ’n meter hoog af laat val nie. Maar as jy op soek is na duursaamheid, moet jy liefs iets van LED Lenser of Black Diamond oorweeg. R150 by Cape Union Mart 2 LED Lenser MH2 LED Lenser…

BESONDERHEDE Wanneer? 26 Mei-3 Junie 2019 Hoe lank? 9 dae, 8 nagte Waar slaap ons? Tentkampe en ’n strandlodge Wat kos dit? R12 350 p.p. wat deel (halfprys vir kinders jonger as 10) DAG 1 Ons kom vroegmiddag by die Phalaborwahek in die Krugerwildtuin bymekaar en ry met ’n private roete (wat nie oop is vir die publiek nie) na ons kamp vir die nag. Die kampterrein het nie ’n heining nie, en basiese geriewe. DAG 2 Ons ry weer met die private roete terug en geniet ’n piekniekmiddagete. Daarna is die middag joune om die wildtuin se openbare paaie te verken tot by Satara, waar ons die aand slaap. DAG 3 Vandag pak ons die wildtuin behoorlik. Jy kan die gids volg tot by ons kamp in die suide…

DUIWELSBOS, MARLOTH-NATUURRESERVAAT ’n Kort afstand, swemplek, interessante plante en goggas én ’n grand finale ! Dít en genoeg versnaperinge is wat jy nodig het om jou kinders gelukkig te hou op ’n staproete. Die Duiwelsbosroete in die voetheuwels van die Langeberg net buite Swellendam voldoen lag-lag aan dié kriteria. Die roete loop rofweg al langs die Koringlandsrivier (dis meer ’n stroom as ’n rivier) en moes eerder Feetjiesbos geheet het. Eers stap jy deur ’n woud van jong bome – waar suikerbekkies vir ’n vale raas – tot by ’n stel trappies. Dié trappe neem jou dieper die donker woud in totdat jy glad nie meer die son kan sien nie. Grasgroen varings staan styf teen mekaar al langs die paadjie – wys vir die kinders die…

1.Voel die verlatenheid Die dorp word byna omring deur die  Kamdeboo- nasionale park, waarin die Vallei van Verlatenheid lê. Die park is rofweg verdeel in drie dele met verskillende ingangshekke langs die R61 en R63. As jy lus is vir wildkyk, is hier ’n netwerk van roetes aan die noordekant van die park – die hek is op die R61, rigting Middelburg. Jy kan dit maklik in ’n gewone kar ry, en koedoe, eland, wildebees en buffel is volop. Hier’s twee staproetes: die Gideon Scheepers-roete (2 km) wat mooi uitsigte na die Sneeuberg in die noorde bied, en die Eerstefontein-dagroete waar jy kan kies tussen opsies van 5 km, 11 km en 14 km. Hier’s ook twee 4x4-roetes, Koedoeskloof en Driekoppe. Omdat ’n mens deur die dorp moet ry om…

LUIPERD VANG LIKKEWAAN, PILANESBERG In Augustus 2018 was ek en drie vriende in die Pilanesberg-wildreservaat, en op dié oggend het ons na ’n spesifieke luiperdmannetjie gaan soek wat ek die vorige dag by die Makorwanedam gewaar het. Net voor 9 vm. het ons met die Tshukudu eNtshopad gery na die Tloudam. Ons het om ’n draai net ná die laagwaterbruggie gery en ’n voertuig in die middel van die pad gesien. Tot groot opwinding sien ons ’n luiperd in die gras sowat 5 m van die pad af! Ons het hom begin volg soos hy beweeg in sy soeke na prooi. Ek het my Canon 1100D met ’n Canon 75-300 mm-lens by my gehad en foto’s begin neem. By tye het hy net gesit of in die verte gelê en…