Indholdsfortegnelse for May 2019 i Weg!

KWAZULU-NATAL Hier’s agt blyplekke vir jou volgende Noordkus-avontuur – van die Dolfynkus tot by die Mlalazirivier TOERUSTING Van ’n knipmes tot ’n mesmoertang – kies ’n staatmaker (én ’n slypsteen) wat die MacGyver in jou sal wakker maak KUIERKOS Bederf die mans in jou lewe dié Vadersdag met boerewors, brandrissie, bier en bone…

In Weg #160 het ons in “SterreWeg” geskryf oor die “graffiti” wat op sekere tye op die Maan sigbaar is. Naby die eerstekwartier-maanfase vang die Son hoë kraterrande op die Maan sodat daar vir sowat drie uur ’n duidelike “X” en “omgekeerde V” sigbaar raak wat maklik met ’n verkyker gesien kan word. Hoewel dit elke maand gebeur, is dit nie altyd sigbaar uit Suid-Afrika nie – die Maan is dalk al onder, of dit gebeur bedags, wanneer dit moeilik is om te sien. Dié X en V hou hulle besonder skaars in 2019! Daar is eintlik net twee ideale geleenthede om dit te sien: 11 Mei en 4 November – al twee kere vroegaand, sodra dit donker word. Maar moenie moed opgee as jy dit nie dadelik kan sien…

Made in Heaven deur Queen R99,99 by die Google Play Store Met die onlangse lokettreffer Bohemian Rhapsody – waarin die Oscar-wenner Rami Malek briljante spel lewer in die rol van Freddie Mercury – is die Britse rockgroep Queen se musiek weer op die voorgrond. Een van my gunsteling-Queen-albums was die 15de en laaste een, Made in Heaven. Die album was in 1995 op die rakke, vier jaar ná Freddie Mercury se dood in die ouderdom van 45. As ek reg onthou, was dit een van die eerste CD’s wat ek op hoërskool aangeskaf het. Die album sluit in Freddie se laaste stemopnames. Hoewel hy toe reeds baie siek en sy lyf afgetakel was, was daar tot op die einde geen keer aan sy manjifieke stem nie. Die res van die…

SHAMVURA CAMP Kampplek, selfsorgtente en een selfsorgkothuis. Die kamp sit hoog op ’n begroeide duin (die “koppies” van hierdie wêreld) en jy sien Angola aan die oorkant uitstrek. 00 264 81 241 7473 (Mark); shamvura@iway.na CAMP NDURUKORO Sonder fieterjasies en goeie waarde vir geld – kampplek en selfsorgeenhede (met ’n ruim kombuis wat jy met ander gaste deel). 00 264 81 124 1051 (Leon); ndurukoro@namibnet.com MOBOLA LODGE Hier is kampplekke teen die rivier en selfsorgbungalows. Maak seker jy drink ’n koue drankie in die eilandkroegie.mobola-lodge.com RIVERDANCE LODGE Deesdae onder nuwe eienaarskap – netjies en modern ingerig. Dit sit ook op ’n “koppie” langs die oewer. Kampplekke met private ablusie, en lodgekamers. 00 264 66 258 401; riverdance.com.na SHAMETU RIVER LODGE Net stroomaf van die Popawaterval. Hulle het onlangs safaritenteenhede reg…

HOEKOM? Ons plaas elke maand ’n keur van lesersfoto’s. Moenie skaam wees nie – krap ’n bietjie daai foto’s uit wat jy op jou rekenaar opgaar en stuur hulle vir ons! WAT? Ons hou van omtrent énigiets: natuurlewe, landskappe, portrette, vakansiefoto’s of goggas en blomme in jou tuin. HOE? Stuur jou beste foto’s na menseselense@weg.co.za Moenie lêers stuur wat groter as 4 MB is nie – as ons ’n groter weergawe soek, sal ons daarvoor vra. Gee die fotograaf se naam, van, tuisdorp en kontaknommer. Stuur ook inligting oor waar en hoe die foto geneem is en watter toerusting gebruik is. As jy die foto op enige manier gemanipuleer het, vertel ons wat jy gedoen het. DIE FYNSKRIF Ons behou die reg voor om jou foto’s elders in die tydskrif, op…

Nachos met biltong Vir 6Voorbereityd 10 minuteGaarmaaktyd 10 minute Al verveeld met die peuselhappies wat jy gewoonlik vir kuiermense voorsit? Kombineer die spulletjie in dié lekker versnapering. Jy benodig • 1 eetlepel olyfolie • 1 blikkie (410 g) swartbone • ½ ui, fyngekap • 1 knoffelhuisie, fyngekap • 400 g nacho-skyfies • 2 koppies gerasperde cheddar • 5 koppies blaarslaai, fyngekap • ¾ koppie kersietamaties, gehalveer • ¼ koppie olywe, gekap • 1 koppie biltongskyfies • 2 avokado’s, in blokkies gesny • 1 koppie suurroom Só maak jy 1 Voorverhit die oond tot 200 °C met die roosterelement aangeskakel. 2 Verhit die olie in ’n pan en braai die bone, ui en knoffel tot sag en geurig. 3 Sprei die nachos op ’n bakplaat uit en skep die swartbone plekplek bo-op. Sprinkel die kaas bo-oor. Bak dit in die oond – nie…

GIFBERG-BOESMANSTAPROETE Die Gifberg-vakansieplaas lê in die berge naby Vanrhynsdorp en het ’n netwerk van stappaadjies waarop ’n mens die natuurlike landskap, ongewone plantegroei en rotskuns van hierdie suidelike hoekie van Namakwaland kan sien. Die plaas het 30 rotskunskolle, waarvan gaste 7 kan besoek. Die langste en interessantste is die Boesmanroete – ’n 19,2 km-sirkelroete waarlangs jy drie rotskunskolle kan sien op pad na die Doringrivier. Die paadjie begin by die koffiewinkel en loop verby ’n dam wat toe is onder waterlelies, en dan ’n sanderige paadjie langs die Gifbergrivier word. Ná ’n paar kilometer wys ’n bordjie op die rivieroewer jou watter kant toe jy moet gaan vir die First Cave, waar dowwe tekeninge van elande is. Keer terug na die paadjie en soek die bordjie na die beskutte Sleepers…

• Rhebokskloof se Black Marble Hill Syrah 2015 het výf sterre in vanjaar se Platter’s-wyngids verdien en ook ’n Platinummedalje by die internasionale Michelangelo-toekennings opgeraap. Buiten aansit-etes kan jy ook ’n piekniekmandjie bestel en jou langs die dam gaan uitstrek.rhebokskloof.co.za • Nederburg het ’n uitgebreide reeks landgoedwyne en sy Red Table-restaurant is bekend vir tradisioneel Kaapse disse: gerookte snoek, slaphakskeentjies, biefstuk met ’n biltongkorsie, melktert...nederburg.co.za • Laborie het nou ’n Giovanni’s met ’n heerlike Italiaanse spyskaart, stoeptafels met ’n uitsig oor die dorp en wintertyd ’n kaggel.giovannicapetown.co.za • Windmeul se Parskuipkontreikombuis maak gourmetroosterkoeke soos jy nie sal glo nie. Jy kan ook produkte van die omliggende distrikte aanskaf, soos druiwekonfyt, olywe, boegoebrandewyn en organiese hoenders so groot soos eende! Hulle hou op die eerste Saterdag van die maand ’n plaasmark. windmeul.com…

1 ZULUMOONGONDELVAART DURBAN POINT-WATERFRONTKANAAL Wie sê jy moet Venesië toe gaan om op ’n gondel te vaar? Maak ’n draai by die Durban Point-waterfront in dié hawestad en sit agteroor terwyl julle in die maanlig op die kanale vaar. Anders as in die Italiaanse waterstad het die Durbanse gondels ’n elektriese enjin. Ek het my dogter Sadie saamgebring op die uitstappie en nadat ons gondolier ons vriendelik verwelkom, val ons weg. Ons kan nie glo hoe stil dit op dié kanale is nie – dis immers in ’n stad! Die enigste geluid wat ’n mens kan hoor, is die klank van die boot wat deur die water klief (die enjin raas glad nie). In ’n stadium vaar ons tussen woonstelgeboue in, maar dit voel amper soos ’n spookdorp (’n moderne…

DIE WESPEDIEF... EN DIE RÉGTE DIEF Die meeste voëlspesiegetalle is aan die afneem: pikkewyne, aasvoëls, bromvoëls... Maar daar is wel ’n handjie vol spesies waarvan die getalle in Suid-Afrika groei, soos wespediewe. Op 11 Januarie 1998 het ek my eerste wespedief gewaar in ’n bloekomboom in die Rietvleinatuurreservaat in Pretoria. Roofvoëls is moeilik om te identifiseer, en wespediewe is geen uitsondering nie. Die jonges lyk anders, en volwassenes wissel van amper heeltemal donkerbruin tot spierwit, met bande oor die bors. Hulle kop is klein, byna duifagtig. Die jonges het donker oë terwyl die volwassenes tot in jou siel in staar met daai groot geel oë. Hoe dit ook al sy, dié waarneming was so spesiaal dat ek ’n lang vorm moes invul vir BirdLife se rariteitskomitee. In daai stadium sou…

Gaan na snapshotsafari.org en skep ’n profiel op Zooniverse (die platform waar die foto’s is) en meld aan. Kies die Snapshot-projek waarmee jy wil help. Sodra jy op die naam klik (Snapshot Mountain Zebra, Snapshot Pilanesberg of Snapshot Madikwe) vat die blad jou na jou eerste foto. Kies uit die lys opsies watter spesie jy op die foto sien. Daar is voorbeeldfoto’s en spesiebeskrywings vir wanneer jy twyfel – én jy kan deur die webblad se geselsfunksie vra vir hulp. Nog inligting facebook.com/ SnapshotSouthAfrica…

NUWEMAAN 5 MEI SPRINGGETY: 6 MEI HOOGGETY: 3.57VM. & 4.21NM. VOLMAAN 18 MEI  SPRINGGETY: 18 MEI HOOGGETY: 2.42 VM. & 3.14 NM. EERSTE KWARTIER 12 MEI DOOIEGETY: 12 MEI HOOGGETY: 9.36VM. & 10.19 NM. LAASTE KWARTIER 26 MEI DOOIEGETY: 26 MEI HOOGGETY: 8.36 VM. & 9.35 NM. Hierdie is die hoogwatertye vir Kaapstad. Vir ander plekke tel jy die minute by of trek dit af (let wel, hierdie is benaderde tye): Saldanha: +5; Hermanus: -4; Port Elizabeth: +19; Durban: +26 Bron Gety-inligting met die vergunning van die Hidrograaf, SA Vloot. Die Hidrograaf is nie verantwoordelik vir enige transkripsiefoute nie. sanho.co.za SONOP & SONONDER (16 MEI) Kaapstad 7.23 vm. en 5.53 nm. Bloemfontein 6.52 vm. en 5.31 nm. Johannesburg 6.39 vm. en 5.29 nm. Durban 6.34 vm. en 5.11 nm. Bron…

Catching the Thunder deur Eskal Engdal en Kjetil Saeter, Tafelberg R285 in boekwinkels ’n Dekade lank het die Noorweegse stroperskip Thunder ’n skrikbewind gevoer en selfs Interpol uitoorlê. Die eienaar van die skip het na raming in die Antarktiese gebied alleen tot 60 miljoen euro op onwettige maniere gemaak. Die skip se bemanning het geplunder, bedreigde spesies gejag en die seelewe vernietig. In Desember 2014 het kaptein Peter Hammarstedt met sy skip Bob Barker uit Hobart in Tasmanië gevaar in die rigting van Antarktika. Hy was op pad na ’n gebied wat hy die “Shadowlands” gedoop het in die hoop om die ontwykende Thunder te vind. Nog in dieselfde maand vind hy verskeie stroperskepe, onder meer die Thunder, maar dit is net die begin van die aksie en intrige... Bogenoemde…

Sandveldstories deur Ferdinand Deist Tafelberg, 2019 Vandat ek kan onthou, het ons Sondae en by Woensdagaan’e se bidure oppie noot vannie serfyntjie gesing: “Prys die Heer”, en “Gaan my nie verby”, en – veral by begraffenisse – “Oorkant ’ie waters”. En Miss Walters ennie serfyntjie ’t voor gevat en ons oor ’ie hoë note van “Hef aan” en deur ’ie lae note van “Wat ’n Vriend” gehelp. Op perty plekke het ou Miss Walters, as sy die klawers klaar vasgedruk ’t, haar elmboë so weerskante toe gelat uitswai lat dit gelyk ’t of sy enige tyd gan opstyg. Dan’t die note so ge-trêêêk en gebe-e-we lat jou asem innie mittel vannie sin ’n slag opgeraak ’t. Dan’t jy mar ’n keer opgekom en asem geskep en weer ’n woord of…

Suid-Afrikaners ken dié deel van Namibië nog rofweg sommer net as die “Caprivi” uit die dae van die bosoorlog. Vandag val hierdie deel in twee streke, naamlik Kavango-Oos en Zambesi. Die grens tussen dié twee streke is rofweg halfpad tussen die Kavango- en die Kwandorivier, maar jy sal dit nie agterkom as jy van die een na die ander ry nie, want as jy die B8 hierlangs ry, dan lyk die bos padlangs oral dieselfde. Waar kom die naam Caprivi nou weer vandaan? Leo von Caprivi was die Duitse kanselier van 1890-’94, die era waarin Europese lande die Afrika-kontinent na willekeur in kolonies verdeel het. Die Caprivi is bedoel as ’n soort deurgang vir die Duitsers om toegang te kry tot die Zambesirivier (hulle wou met bote afvaar, maar niemand…

MUKOLO CAMP Groot kampplekke en gerieflik ingerigte selfsorg-tenteenhede. Dis ook lekker naby Divundu. 00 264 81 124 0403 (Hennie); mukolocamp.com MAVUNJE CAMP Dan Stephens se plek (bespreek ook riviertoere by hom) – slegs kampplek en sonder fiemies. 00 264 81 461 9608; mashiriversafaris.com SHARWIMBO RIVER CAMP ’n Splinternuwe plek met ’n paar kampplekke, maar die fokus is op die mooi selfsorgtente wat oor die rivier uitkyk. 00 264 81 124 0489 (Ben); kwikben@mweb.com.na NAMBWA-KAMPPLEK Hierdie legendariese Kwandokamp skuif dalk in die nabye toekoms na ’n nuwe plek, maar vir nou kan jy nog tussen die seekoeie en olifante kamp. Nader aan die natuur kan jy nie. 00 264 61 400 510; africanmonarchlodges.com MALYO WILDERNESS Jy het ’n 4x4 nodig om die stukkie dik sand tot by die kamp baas te…

Was jy op ’n vakansie wat jy dink ander Weg-lesers ook sal geniet? Skryf oor die ervaring en ons publiseer dalk jou storie. Hou dit asseblief kort (maksimum 1 500 woorde) en stuur ’n paar voorbeeldfoto’s. As ons wel besluit om die storie te gebruik, gaan ons oorspronklike hoëresolusiefoto’s nodig hê; maak dus seker jou kamera is op die regte verstelling. Stuur jou storie na redakteur@weg. co.za. Ons behou die reg voor om jou foto’s elders in die tydskrif, op ons webblad of in bemarkingsmateriaal te gebruik. Lees die bepalings en voorwaardes by weg.co.za…

Enige fotograaf wat sy sout werd is, sorg dat sy toerusting beskerm word. Jy kan jou kamera en lense veilig hou in hierdie sak van seil met ’n sagte binnevoering. Een gelukkige Weg-leser kan volgende maand só ’n sak wen. Hoe? Stuur eenvoudig jou beste reis- en natuurfoto’s na menseselense@weg.co.za – ons kies die wenner, wat in “Mense se lense” gepubliseer word. Dié produk is beskikbaar by winkel.weg.co.za…

Gewoonlik dink ’n mens biltong behoort saam met bier bedien te word, maar dit kan net so lekker werk saam met wyn, veral wanneer biltong in resepte gebruik word. Hier is drie wyne wat die beste uit ons nasionale peuselhappie na vore bring. Dis nie ’n geheim nie: Regte mans drink rosé. Trouens, dit lyk asof álmal deesdae rosé drink, saam met allerlei soorte kos en by enige geleentheid. Die Steenberg Ruby Rose 2018 (R93) is ’n tipies veelsydige pienk wyn: heerlik op sy eie en net so lekker saam met kos. Dit word van shiraz en cinsault gemaak, en het ’n droë nasmaak; vol sagte, peperagtige speserye om by die vrugtige aarbeigeure te pas. As jy meer speserye soek, sal die Kleine Zalze Vineyard Selection Shiraz/Mourvèdre/Viognier 2016 (R139) nie…

Zambië-Malawi-avontuur DAG 1 Ons ontmoet mekaar by Camp Nkwazi, net buite Livingstone. Teen die tyd dat jy aankom, staan die tente reeds en die bossjef se maaltyd prut. Vanaand leer ken ons mekaar om die kampvuur. DAG 2 Vergeet van laat slaap... Ons is vroeg uit die vere en val in die pad ná ’n stewige ontbyt. Bhejane sal jou toerus met ’n tweerigtingradio voordat ons na Lusaka vertrek. Ons slaap in Lusaka onderweg na die Suid-Luangwa- nasionale park. DAG 3 Ons ry noord en slaap oor by ’n kamp buite Chipata. DAG 4,5 & 6 Dis een van die topreservate ter wêreld. Die kamp is langs die oewer van die Luangwarivier. Van hier af sal ons die park teen ons eie pas in ons eie voertuie verken (ons ry…

KARKLOOFWATERVAL, KWAZULU-NATAL Vat ’n piekniekmandjie en hou stil waar die Karkloofrivier oor ’n krans stort tot in ’n vallei waar die inheemse woud dig staan. Die Howickwaterval kry al die aandag, maar die nabygeleë Karkloofwaterval is die 16 km-rit werd. En, ek wil nou nie hare kloof nie, maar Karkloof ís 10 m hoër as Howick... Die piekniekplek is skoon, hier is toiletgeriewe, en sekerheidswagte is aan diens. Toegang is gratis vir die publiek. Aanwysings Die waterval is nie in die Karkloof-natuurreservaat nie (dié word privaat besit deur Rock-wood Lodges); dis in die middel van ’n bosbouplantasie. Ry 9 km noord van Howick af op die Karkloofpad, en draai dan regs op die Karkloofwatervalpad. Ná 6,5 km se kronkel deur bome op ’n grondpad langs, kom jy by die uitkykpunt…

ROLANIE LOTZ, Rhebokskloof-wynmaker Dié dorp is in my bloed. Ek het as kind reeds kannetjies chenin blanc-mos op my oupa se plaas in die Agter-Paarl gedrink. Ek kén sy klimaat. Om nou self hier te kan wynmaak... dis ’n tuisveldvoordeel. JANA VAN DEN MUNCKHOF, Toringkerk-dominee Die Ridgeback-wynplaas met sy swart swane is ’n gunsteling vir drankies, Under Oaks maak die lekkerste pizzas in die Wes-Kaap en Café Frenchie is my koffieplek. Maar dis die mense wat my laat voel het ek is nou tuis. MARTELIZE BRINK, RSG-aanbieder Die Noop-restaurant bly my eerste keuse. Die spyskaart is goed deurdag, alles op jou bord is gehalte en dit word keurig maar onpretensieus voorgesit.…

Ná agt jaar by Weg gaan Aletta as vryskutkosskrywer en -stilis werk. Sy droom ook daarvan om haar eie kookboek te skryf... Wat was die hoogtepunt daarvan om by Weg te werk? Die mense! Daar was wonderlike kameraderie as ons ’n kosstorie skiet. Dit was lekker om ’n storie saam met my ma op my tuisdorp, Calvinia, te doen (Weg #82). Die kookboeke Naweekkos en Kuier om die kole was natuurlik ook ’n hoogtepunt. Wat sal jou bybly? Ek gaan die lekker kos mis! Maggies, ons het ons vingers behoorlik afgelek met die toets en proe van die afgelope jare se ongeveer 1 000 resepte. Wat is jou ervaring van Weg se lesers? Hulle is wonderlike mense. Dit het gevoel asof ek deel van ’n uitgebreide familie is. Lesers het…

Maak ’n draai in die Nuyvallei naby Worcester. Proe wyn en olyfolie, luister na musiek, doen ’n veldloop en eet Duitse en ander tradisionele kos. Trekkers vervoer feesgangers tussen plase. Wanneer? 11 Mei, 10 vm.-5 nm. Waar? Verskeie plekke in die vallei, onder meer die Nuy on the Hill-restaurant en Willow Creek-olyflandgoed. Die Nuyvallei is 13 km van Worcester af langs die R60. Koste R95 p.p. (volwassenes) en R35 p.p. (kinders tussen 13 en 17 jaar). Gratis vir kinders jonger as 13. Kaartjies Koop dit aanlyn by webtickets.co.za Nog inligting nuyvalleyfeast.co.za…

As jy weer op die R43 van Worcester af na Ceres, Wolseley of Tulbagh ry, hou jou oë oop vir die Hillbilly-padstal – jy kan nie die helder metaalwindpompe op die sinkdak en grasperk maklik miskyk nie! Die padstal lyk soos ’n Wendyhuisie op die hoek van Hillbilly Farm, ’n lappie groen duskant Ceres waar Tanith en Steven Matthews boer. Buk by die deur in en gaan loer wat als binne is – van miniatuurwindpompe van metaal (Steven doen die metaalwerk self ) tot houtspeelgoed, ingelegde vrugte, kaas en braaipakke (R55). Koop gerus ook ’n brandrissiesous: Tanith-hulle kweek 20 verskillende soorte brandrissies hier – onder meer die berugte Carolina Reaper, een van die sterkste brandrissies ter wêreld wat die sweet behóórlik sal laat aftap. Strek buite jou bene, kyk hoe…

Entrepreneur, spreker, bewaringsgesinde en skrywer... Jonathan Leeming dra verskeie hoede, maar hy is op sy gelukkigste op sy knieë in die donker met ’n blou liggie, op soek na skerpioene. Suid-Afrika se selferkende “creepy crawly-ou” is op ’n missie om negatiewe persepsies en vrese oor skerpioene om te keer en mense met nuwe oë te laat kyk na hierdie merkwaardige gediertes. Hy is al ’n kwarteeu lank aan die woeker met skerpioene, en het reeds 9 boeke geskryf en in 11 lande gewerk. Sy nuutste boek is ’n bygewerkte heruitgawe van Scorpions of Southern Africa, wat die eerste keer in 2003 verskyn het. Hy vertel meer. Waar het jou belangstelling in skerpioene begin? Ek het in 1984 van Engeland na Suid-Afrika geïmmigreer en kort daarna by die Spinnekopklub van Suider-Afrika…

• Die verhewe wildkykpad (bo die vloedvlakte) in die Mahango-sektor van die BwaBwatanasionale park) is byna altyd begaanbaar. • Die C49-teerpad loop deur deel van Mudumu- nasionale park en jy sien gereeld wild in die oop stroke langs die pad – party toeriste het al jagluiperds en wildehonde hier gesien! • Die B8-teerpad loop oos-wes deur die middel van die BwaBwata- nasionale park, maar jy sien selde wild. Tog kan jy gelukkig wees met olifante wat die pad iewers kruis.…

CAPRIVI HOUSEBOAT SAFARI LODGE Curt-Ingo Sagell, die eienaar, is ’n voëlkenner – bly hier as jy die omgewing se spesiale voëltjies wil afmerk. Enkele kampplekke en gerieflike tenteenhede. 00 264 66 252 287; caprivihouseboatsafaris.com CAPRIVI MUTOYA LODGE & CAMPSITE Oornag in die bekostigbare kampplek of tente met beddens. Die lodge-eenhede het die beste uitsig, maar enigeen kan die restaurantdek gaan geniet. 00 264 81 287 5438 (Zina); caprivimutoyalodge.com ZAMBEZI MUBALA CAMP Jy gaan ver soek om ’n beter ingerigte kamp te kry. Slaan tent op of bespreek een van die selfsorgeenhede. Die restaurant kyk uit oor die rivier, soos dit hoort. 00 264 66 252 801; gondwana-collection.com LUS VIR KOFFIE IN KATIMA? Wees op die uitkyk vir die Caprivi Adventures-bordjie soos jy inry met die B8 (net voor jy die…

Shahida Willemse, ontvangsdame by die park “Die stilte en kalmte is besonders, dit praat met ’n mens. Die uiterstes tussen winter en somer kan baie erg wees hier. Hoogsomer is dit snikwarm en in die winter raak dit soggens maklik -10 °C!” Fons en Maureen van der Linden, Rotterdam, Nederland “Die ruwe, uitgestrekte landskap was vir ons ’n belewenis. Ons het in een van die kothuise teen die ruskamp se grensdraad gebly, en dit voel asof jy in die wildernis woon.” Paul en Annelise du Toit, Oudtshoorn “Dis die stilte wat ons jaar na jaar hierheen trek. Ons is groot kampeerders, en die geriewe hier is netjies. Die Klipspringerpas en Rooivalle se uitkykpunt bly vir ons groot hoogtepunte.”…

MINIMALISTIES K-Way Tempo-7 ℓ-waterrugsak As jy hou van bergfietsry, veldloop of om vinnig te stap met net die nodigste goed, is hierdie sak jou maat. Jou watersak skuif binne-in ’n kompartement aan die agterkant. Daar is ’n girtsstrop om die watersak op sy plek te hou, openinge op die linker- of regterskouer (afhangend van waar jy die drinkbuisie verkies), en rekkies op die skouerbande om die buisie op sy plek te hou. Die res van die sak – sowat vyf liter, afhangend van die grootte van jou watersak – het plek vir ’n klein baadjie, energiestafies, sonroom, jou selfoon en ’n kaart. Daar is ’n klein ritssakkie op die voorkant vir jou foon (met ’n opening vir oorfone), en die heupband het sakkies waarby jy maklik kan uitkom om jou…

’n Mens sien hom duidelik van die N1 af, dié slanke “Taalpaal” teen Paarlberg se suidelike hang. Dis nie ’n groot monument nie, maar wel mooi. En dit vertel eintlik die verhaal van Suid-Afrika in sy geheel: Dis ’n land waar niks en niemand onafhanklik staan nie – ons kulture en tale is uitvloeisels van mekaar. Stap die boomroete rondom die monument waar spesies se name aangebring is en gaan sit by die Volksmond-koffiewinkel vir die uitsig en lekker melktert. Waar? Aan die bopunt van Gabbema Doordriftstraat (volg die aanwysers uit die Hoofstraat) Oop Apr.-Okt. elke dag van 8 vm.-5 nm. (Nov.-Mrt. oop tot 8 nm.) Koste R40 p.p. en R5 per kind (jy kry afslag as jy dieselfde dag die Taalmuseum aandoen) Kontak 021 863 0543; taalmuseum.co.za…

Ek is ’n afgetrede onderwyseres en woon in die Vrystaat. Ek was ’n klompie jare in Nederland en het teruggekeer nadat my man oorlede is. Hy was eintlik die natuurfotograaf, maar ek het nou met sy kameras begin skiet. Ek probeer nou so twee keer per jaar wildtuin toe gaan, veral die sentrale deel rondom Satara en noord van daar. My kar ken al die pad na die Orpen- en Phalaborwahek. My ouers het nooit gereis nie; dus het ek eers in die vroeë 1990’s in die wildtuin gekom. Die eerste paar keer was ’n bietjie teleurstellend, want jy verwag ’n leeu of ’n ding om elke draai. Dan besef jy skielik op ’n dag dis nie waaroor dit gaan nie.…

Ek ry met die Greyhound van Boston, Massachusetts, na Montpelier in die naburige deelstaat Vermont. Voor my lê ’n maand lange verblyf by die Vermont Studio Center, deels vakansie en deels ’n kans om aan ’n roman te werk. Ek reis lig, want my bagasie het nie dieselfde vlug na Amerika gehaal nie. Gisteraand in Boston moes ek soekend deur strate met yslae dwaal, in die jeans en kortmouhemp waarmee ek 26 uur vantevore uit Kaapstad weg is. Ek kon in die verbygaan loer na ’n naamlose toring of twee, en langs een van die Emerald Necklace-parke hoop vir ’n kykie na die befaamde swaanbote, daardie skuite wat al ’n anderhalwe eeu die ridder Lohengrin se reddingsvaart per swaan gedenk. Maar selfs glasvesel kruip skynbaar weg in dié ysseisoen. Ek…