Indholdsfortegnelse for July 2019 i Weg!

Ek is ’n sucker vir ’n goeie geskiedenisstorie. ’n Mens sou dink ’n moeë leerplan vol droë datums sou enige skoolkind se liefde vir die verlede doodsmoor…en dit het amper. Totdat ek op die eerste dag van my eerste jaar op universiteit hoor hoe prof. Rodney Davenport, destydse hoof van die departement van geskiedenis aan die Rhodesuniversiteit in Grahamstad, sê ons moet alles wat ons op skool geleer het, summier vergeet. Net omdat een ou – meestal mans en waarskynlik die oorwinnaar van een of ander stryd – destyds sy weergawe van gebeure opgeteken het, beteken dit nie sy storie is waar nie. Bowendien, die geskiedenis is nie ’n spul datums wat onthou moet word nie, maar die stories van ons voorsate – wesens van bloed en vlees wat net…

Daar is twee maansverduisterings in 2019. Die eerste een was op 21 Januarie, maar omdat die maan besig was om te sak, kon ons dit nie so goed in Suid-Afrika sien nie. Suid-Afrika in die beste plek om die maansverduistering van 16 of 17 Julie 2019 te sien – dis ongelukkig net ’n gedeeltelike maansverduistering. Die maan beweeg net deur ’n deel van die aarde se skaduwee en sal dus omtrent net sowat 75% verduister. Maar dis genoeg vir die maan om die kenmerkende rooi gloed te kry. Die aarde se atmosfeer veroorsaak die roesbruin kleur – dis ook die atmosfeer wat sorg vir die rooi tydens sonondergang- en opkoms. In daardie tye tref die sonlig die aarde teen ’n hoek en dis slegs die kleure op die spektrum met…

Ná drie boeke, wat die topverkoper Dark Continent My Black Arse insluit, ’n literêre toekenning en reise deur meer as 20 Afrikalande met slegs openbare vervoer, het Sihle Khumalo besluit dis tyd om sy geboorteland beter te leer ken. Hy het meer as 8 400 km in slegs 20 dae gery en die briljante Rainbow Nation My Zulu Arse geskryf. Hy vertel meer. Wat het jy op jou reise geleer? Ek het veral in die landelike gebiede mense ontmoet wat onder die broodlyn leef, maar steeds – teen alle verwagtinge – probeer om die beste van hulle lewens op ’n daaglikse, weeklikse en maandelikse basis te maak. Nog iets wat my getref het – en ek weet dit klink soos ’n cliché – is dat geluk alles te doen het…

Die kusstad Porto oorweldig ’n mens. Die stad se eeue oue geboue is van bo tot onder met blou-en-wit azulejos (keramiekteëltjies) bedek. Ons val gou in by die ritme van die plaaslike inwoners wat die dag begin met ’n koffie (sowat R14) en ’n broodjie by die naaste pastelaria. Hierdie klein bakkery-en-koffiewinkel is om elke hoek en draai. Hier kan jy ’n bekostigbare ete geniet of ná kilometers se stap ’n bietjie bene rek terwyl jy smul aan nog ’n pastel de nata, ’n gebakte vlatertjie. Ons bly in ons begroting deur meestal buite toeristegebiede te eet en kyk eers na die prys van koffie en ’n de nata as maatstaf voordat ons by ’n restaurant instap. In Porto is ’n toer op die geel toeristebus ’n moet. Danksy dié…

Rooiwynhoender met sampioene Genoeg vir 4 Voorbereiding 25 minute Gaarmaaktyd 1 uur 20 minute Hierdie geurige alles-in-eengereg se sous is uit die boeke! Jy benodig • 15 ml elk botter en olyfolie • 4 skywe varklies (400 g), in blokkies gesny • 2 wortels, geskil en gekap • 2 selderystingels, gekap • 12 klein uitjies, geskil • 4 hoenderboudjie-en-dyporsies • 30 ml meel • 500 ml rooiwyn • 250 ml hoenderaftreksel • 5 tiemietakkies • 3 lourierblare • 15 ml botter • 250 g dwergsampioene, middeldeur gesny • sout en varsgemaalde swartpeper na smaak • ’n Franse brood Só maak jy 1Smelt die botter en olyfolie saam in ’n swartpot en braai die vark, wortel, seldery en uitjies mooi bruin. Skep dit uit en hou dit eenkant, maar behou die olie in die pot. 2 Rol die hoender in die meel en braai dit goed…

Evolusie is veronderstel om ’n geleidelike proses te wees. Dinge verander langsaam, nie met wilde spronge soos wanneer ’n springhaas deur ’n rooijakkals gejaag word nie. Dieselfde geld in die motorbedryf, waar die een reeks elke vyf of ses jaar met ’n effe verbeterde een vervang word. Die kere waar jy ’n nuwe motor op ’n bekendstelling ry en jy dink: “Nou het hulle die grense verskuif” is so skaars soos ’n Australiese krieketspeler sonder ’n stuk skuurpapier in sy broeksak. BMW se eerste M3 (die E30) in 1986, die Golf V GTI in 2005, die eerste Toyota Fortuner in 2006 was motors wat eensklaps in ’n premierliga van hulle eie gespeel het. Nou, hier in 2019, voel dit asof Ford iets soortgelyks reggekry het met die nuwe Ranger Raptorbakkie.…

Verken die Okavangodelta, die groot riviere van die Caprivistrook en die magtige Victoriawaterval. Ons kundige gidse sal seker maak dat jy ten alle tye veilig, gevoed en gemaklik is. Hierdie selfrytoer is van die gewildste toere wat Bhejane aanbied. Die rede is eenvoudig: Jy ervaar ’n ware Afrika-avontuur teen ’n redelike prys, en jy het geen spesiale ryvaardighede nodig nie. Saam reis ons van die uitgestrekte Makgadikgadipanne om die Okavangodelta en op met die Pypsteel. Ons vertoef by die geheimsinnige Tsodilo-koppies, ’n wêreldbekende rotskunskol. Dan ry ons oos deur die Caprivi in Namibië en terug na Botswana oor die indrukwekkende Victoriawaterval in Zimbabwe. Die toer eindig met ’n bootreis op die Choberivier, waar jy ’n skemerkelkie geniet terwyl die olifante bad. Bhejane voorsien al die kamptoerusting, en slaan self kamp…

Judy-Lynn Wheeler “Die dorp groei flink, maar ondanks die instroming van mense bly die vleiland en grasveld redelik ongerep.” Vusi Sibiya “Die Working On Fire-brandbeheerprogram is in 2014 hier begin. Juniemaand is die begin van die brandseisoen, dan werk ons Maandag tot Sondag. Ons werk saam met boere om indringerplante uit te roei en om brandstroke voor te berei. Dis ’n goeie werkgeleentheid.” Nigel Mason “Geskiedkundiges is mal oor die plek. Jy kan die Bloedrivier- en Rorke’s Drift-slagveld in een dag besoek. En jy kan Isandlwana inwerk – dis ongeveer twee uur se ry van hier.”…

Hier is die KVV’s weer! Verlede maand het ons gesels oor hoe frustrerend dit is om hierdie effekleurige geveerdes van mekaar te onderskei. Waar begin ’n mens met meer as 200 spesies klein vaal voëltjies? (Dis waarvoor KVV staan, as jy dalk nog gewonder het.) Ons het melding gemaak van ’n uitkenningsformule, maar ek moet bieg: Dit was net sodat jy dié maand se uitgawe sou koop. Daar is ongelukkig nie ’n formule om KVV’s uit te ken nie, maar hier’s ’n paar truuks wat jy kan inspan. Voëlkyk is véél meer as om die geveerde vriend wat jy in die veld gewaar te pas by die illustrasie in jou voëlboek. Trouens, die twee belangrikste kriteria wat jou speurtog aansienlik gaan vergemaklik, het niks te make met hoe die voël…

Het jy met Weg grootgeword? Inderdaad! Om die waarheid te sê, ek het selfs as ’n agtjarige die destydse Wegbreek-tydskrif se bekendstelling op Greyton bygewoon. My peetma, Marlene van Eeden, was in die beginjare betrokke by die tydskrif en daar was ’n foto’tjie van my in ’n ou Wegbreek – aan’ t springmielies eet by ’n kampvuur! Watter indruk het die tydskrif op jou gemaak? Dit het my nog altyd opgeval hoeveel menslikheid in Weg- artikels is. Oor die jare heen het lesers die skrywers leer ken en sáám met hulle op reis gegaan. As Toast byvoorbeeld iewers in ’n obskure hoekie van die Vrystaat beland waar hy met iets eienaardigs te doen kry, kan die leser hom al herken aan die manier hoe hy dit vertel. Jy wil jou…

Ons almal weet een ou se “maklike” staproete is ’n ander ou se swoeg. Met die Wikiloc-app hoef jy nie net na jou fikse vriendin se opinie te luister nie. Die app lys van stap-, fietsry- en kajakroetes tot veldry- en selfs grotkruiproetes reg oor die wêreld, met hellings, afstande en ’n reliëfkaart. Hoe werk dit? Verken bloot die duisende roetes al het jy nie ’n profiel nie. Gaan na wikiloc.com. Of laai die app af op jou foon (dis gratis), skep ’n profiel en raak deel van die buitelewegemeenskap. Laai al jou eie stap-, draf- of fietsryroetes op. Jy druk bloot op “record trail” en jou slimfoon doen die res. Voeg foto’s en kommentaar by sodat ander lesers weet waarvoor hulle hulleself inlaat. Wat nog? Jy hoef nie data…

NUWEMAAN 2 JULIE SPRINGGETY: 4 JULIE HOOGGETY: 4.12 VM. & 4.40 NM. EERSTE KWARTAAL 9 JULIE DOOIEGETY: 11 JULIE HOOGGETY: 11.18 VM. & 11.35 NM. VOLMAAN 16 JULIE  SPRINGGETY: 17 JULIE HOOGGETY: 3.30 VM. & 3.58 NM. LAASTE KWARTAAL 25 JULIE DOOIEGTY: 26 JULIE HOOGGETY: 10.09 VM. & 10.40 NM. Hierdie is die hoogwatertye vir Kaapstad. Vir ander plekke tel jy die minute by of trek dit af (let wel, hierdie is benaderde tye): Saldanha: +5; Hermanus: -4; Port Elizabeth: +19; Durban: +26 Bron Gety-inligting met die vergunning van die Hidrograaf, SA Vloot. Die Hidrograaf is nie verantwoordelik vir enige transkripsiefoute nie. sanho.co.za SONOP & SONONDER (16 JULIE) Kaapstad 7.49 vm. en 5.56 nm. Bloemfontein 7.07 vm. en 5.35 nm. Johannesburg 6.54 vm. en 5.34 nm. Durban 6.50 vm. en…

Western Stars  deur Bruce Springsteen R109,99 by iTunes Teen die tyd dat jy hier lees, is die legendariese Bruce Springsteen (69) se 19de ateljee-album uitgereik deur Columbia Records. Die persverklaring laat my reeds dink hierdie kan dalk net die Padmusiek-album van 2019 wees: “... the 13 tracks of Western Stars encompass a sweeping range of American themes, of highways and desert spaces, of isolation and community and the permanence of home and hope.” Ek het al na twee van die liedjies geluister, en “Hello Sunshine” speel reeds weer en weer in my kar, of ek kafee toe ry of die langpad vat. Dit is ’n roerende country-folkballade, wat volgens Will Hermes van Rollingstone.com met “zen melancholy” gesing word. Hierdie lirieke wys The Boss op sy beste: “You know I always liked that…

Hoe werk dit? Neels Gunter se geo-toere word pasgemaak vir die behoeftes van elke groep. Neels kan saam met jou ry, of met sy eie vervoer in konvooi met jou. Die roete wat ons gery het, kan met gemak in twee dae gedoen word. Ons het op Grahamstad begin, maar Neels woon op Fort Beaufort; dus kan jy daar ook begin. Neels se gidskoste hang af van die groepgrootte, lengte van die toer en die vervoer. (Weg se toer was gratis; Neels was nog besig om sy konsep te beproef. - Red.) Kontak 083 399 3466 (Neels); cgunter@ufh.ac.za Waar bly ek? Die Katberg Eco Golf Estate het selfsorghuise wat uitkyk oor die berg en die gholfbaan. Dit kos R1495p.n. vir 4 mense. Groter huise kos R1995p.n. vir 8 mense. katleisure.co.za;…

Blyplek. Soek op airbnb.com vir bekostigbare selfsorgwoonstelle en -huisies. Vlugte. TAAG Angola Airlines ( taag.com) het redelik bekostigbare vlugte na Porto en Lissabon via Luanda. Retoervlugte begin by R5 850 p.p. van Kaapstad af. Huurkar. Hertz het vir ons die beste karverhuringspakket gebied – maak vooraf seker dat jou kar ’n tolskyfie het. Etes. Bespaar deur vars vrugte, brood en ham by die plaaslike mercados te koop. Verskuilde koste. Tolgeld het ons om en by R4 000 uit die sak gejaag.…

HOEKOM? Ons plaas elke maand ’n keur van lesersfoto’s. Moenie skaam wees nie – krap ’n bietjie daai foto’s uit wat jy op jou rekenaar opgaar en stuur hulle vir ons! WAT? Ons hou van omtrent énigiets: natuurlewe, landskappe, portrette, vakansiefoto’s of goggas en blomme in jou tuin. HOE? Stuur jou beste foto’s na menseselense@weg.co.za Moenie lêers stuur wat groter as 4 MB is nie – as ons ’n groter weergawe soek, sal ons daarvoor vra. Gee die fotograaf se naam, van, tuisdorp en kontaknommer. Stuur ook inligting oor waar en hoe die foto geneem is en watter toerusting gebruik is. As jy die foto op enige manier gemanipuleer het, vertel ons wat jy gedoen het. DIE FYNSKRIF Ons behou die reg voor om jou foto’s elders in die tydskrif, op…

Dis pret om met wyn te kook – jy kan dit soms selfs in die gereg gebruik! Veral wintergeregte kan baat vind by ’n skeut of wat om die geur te verryk. Hier is drie staatmakers. Die meeste mense dink ’n mens moet net rooiwyn in die winter drink, maar dit is glad nie die geval nie. Probeer ’n volronde wyn soos die Kleine Zalze Vineyard Selection Chardonnay 2017 (R101). Dis heerlik geurig met ’n ondertoon van eikehout. Dit sal lekker wees saam met ’n hoenderbredie of selfs ’n varkgereg. Dié wyn het romerige sitrusgeure met sagte spesery daarby – ’n goeie winterwitte. Die Riebeek Cellars Kasteelberg Shiraz 2016 (R200) is vir wanneer jy ’n robuuste rooiwyn soek. Riebeek Cellars is in die Swartland, wat goeie druiwe en ’n voortreflike…

11 dae/10 nagte (tent verblyf ) Beginpunt Lethlakane, Botswana Eindpunt Kasane, Botswana DATUMS EN KOSTE 8 -18 Oktober 2019, R14 938,50 per volwassene; halfprys vir kinders jonger as tien 21-30 Maart 2020 R15 950 per volwassene; halfprys vir kinders jonger as tien INGESLUIT • Die dienste van ’n ervare veldgids • Tweerigtingradio’s in alle voertuie • Alle kamptariewe, toegangstariewe en geadverteerde aktiwiteite • Alle tente en kamptoerusting, asook breekgoed en eetgerei • Drie maaltye per dag, en koffie en tee elke dag WAT MOET EK BRING? • Jou eie voertuig en brandstof • Slaapsak, matras, kampstoele en ’n kamptafel • Padkos en drankies • Reisversekering en versekering vir noodontruiming (verplig) • Jy is verantwoordelik vir grenspostariewe en padbelasting BESPREEK NOU! 044 535 9033 bookings@bhejane.com; bhejane.com…

1 Soek geveerdes Jy kan die vleiland met sy vier voëlskuilings in jou kar of te voet verken. Kry gratis roetekaarte by die dorp se inligtingsentrum of by die BirdLife South Africa-sentrum sowat 1 km buite die dorp langs die R543 na Volksrust – volg die bordjies. Kristi kan ook vir jou ’n voëlgids reël. Dit kos R575 p.p. (6 vm.-12.30 nm.) vir ’n halwe dag en R940 p.p. vir ’n voldag (6 vm.-5 nm.). Kontak haar by 081 726 5282 of kristi. garland@birdlife.org.za. Kontak vir Brian Guerin, die voorsitter van die Wakkerstroom-voëlkykklub, as jy wil inval by die klub se aktiwiteite ( 083 415 6701; wakkersbirdclub@gmail.com). Die klub bied ’n Birding Bonanza aan van 11-13 Oktober, met gassprekers, voëluitstappies en slypskole. 2 Trap en stap Een van die eerste…

Dis Novembermaand langs die Zambesirivier en presies so warm soos wat jy dink dit is. Dis nou as jy al langs die Zambesirivier gekuier het in Oktober of November – vóór die somer se eerste donderbuie kom, wat darem die aarde afkoel tussen die volgehoue fel aandag van die son. Ek was oor die middaguur in Katima Mulilo om inkopies te doen (kopliggiebatterye, groen soetrissies, wortels, ietsie om te braai vanaand) by die Pick n Pay, waar ’n Kersboom om die een of ander rede by die uitgang waghou. Net langs die sekerheidswag wat jou strokie check. Ek het ook by ’n drankwinkel ingedraf vir “hoesmedisyne” en ys. By die toonbank was ’n aangeklamde man met ’n (klaar oop) Tafel-langnek wat my een kyk gegee en geweet het ek is…

Hoeveel mense ken jy wat al ’n ietermagô in die natuur gesien het? Niemand nie? So gedink. Die ietermagô is die grootste slagoffer van onwettige handel in die wêreld. Hulle vleis word beskou as fynproewerskos en hulle skubbe word gebruik vir tradisionele geneeskunde. Tans word al vier spesies in Afrika as kwesbaar of kritiek bedreig gelys op die Rooidatalys. Geen wonder hulle is so skugter nie. Die ietermagô se benarde situasie het die rolprentmakers Bruce Young (Blood Lions) en Johan Vermeulen (Kalahari Tails) geïnspireer om die byna onmoontlike te doen: Om al vier van Afrika se ietermagô-spesies in een fliek vas te lê. Kyk aanlyn na hulle dokumentêre fliek Eye of the Pangolin: The Search For An Animal On The Edge. Soek “Pangolin.Africa” op YouTube. Dis gratis! Hulle doel is…

Daar is meer as 170 verskillende slangspesies in Suider-Afrika. Dis moeilik om te weet watter is giftig, veral wanneer daar sulke groot kleurvariasies binne ’n enkele spesie is. ’n Paar algemene mites doen die ronde. Sommige mense sê dat jy kan weet of ’n slang giftig is deur te kyk of sy pupille rond of vertikaal is. Ander sê dis in die kop – is dit rond of plat? Dis net mites, en dis beter om so gou moontlik by ’n kenner uit te kom. Ongeveer 72 van ons slangspesies is nie giftig nie, maar hulle byt wel. Daar is 51 giftige slangsoorte waarvan die giftande agter in die bek is. Die meeste van hierdie, soos die rooilippie, tierslang en sandslang, se byt is nie dodelik nie. Die boomslang en…

Hoe lank werk julle twee al saam? Bruce: Sowat twee jaar. Ek het in 2017 by Londolozi begin. Rob werk reeds al meer as ’n dekade as spoorsnyer in die wildreservaat. Hy het al met verskeie gidse gewerk. Dit het my ’n rukkie geneem om sy manier van doen te verstaan. Hy moes hard werk om vir my goeie gewoontes aan te leer, soos dat jy jou ego moet laat staan en nooit te veel beloftes aan jou gaste moet maak nie. Hy is een van die laaste oorblywende spoorsnyers; hy het in die bos grootgeword en as jong seun al die nodige vaardighede aangeleer. Ons het soms verskil (en soms geskree van frustrasie) maar ons het deurgaans dieselfde doel gehad: Om die beste moontlike ervaring aan ons gaste te…

To the Wild  deur Michael Parfitt Reach Publishers, R360 mparfitt120@gmail.com In September 2016 het Michael Parfitt, sy vrou en twee tieners op ’n uitgebreide gesinsvakansie vertrek. Hulle het Kaapstad gegroet in ’n nuwerige Land  Rover Defender (gedoop Schalk) en ’n avontuur van 100 dae en 18 000 km onderneem deur vyf lande in Suider-Afrika: Suid-Afrika, Namibië, Botswana, Zimbabwe en Swaziland. Nadat hy byna twee dekades vir ’n multinasionale maatskappy gewerk het, het Michael besluit om gehaltetyd met sy familie deur te bring in van Afrika se mees ikoniese wildernisgebiede, wat die Namibwoestyn, Epupawaterval, die Sentraal-Kalahari en die Manapoele- nasionale park insluit. Die boek is ’n gedetailleerde verslag van hulle onbegeleide kamp-avontuur, met lyste van diere wat hulle besigtig het, meer as 500 kleurfoto’s en 34 maklike resepte vir boskokke. Enigeen…

Weg stof ’n klassieke Afrikaanse boek af. Afspraak met eergister deur Abraham H. de Vries Tafelberg-Uitgewers, 1966 Sommige reisigers beskou dié stuk ou-wêreld as ’n legkaart wat met behulp van dik boeke en/of goeie gidse inmekaargesit moet word. Ander loop deur die ruïnes en die museums asof hulle op heilige grond trap, tevrede om onder Vrou Griekeland se pantoffelregering te staan. Vir nog ’n groep is dit die oudste resiesbaan in Europa. Hulle word – by wyse van spreke – soggens in Athene wakker, drink elfuur-koffie in Eleusis, spring die middag teen skemer weg uit Delphi en slaap dieselfde aand weer in een van die luukse hotelle langs die Syntagmaplein in Athene. Gewoonlik het hulle na ’n week soveel foto’s geneem dat hulle by die huis kan gaan kyk hoe…

TOM BARRY, reservaatbestuurder “Ek besoek gereeld ander parke en reservate. Dis frustrerend om nie uit jou kar te mag klim in ’n park met roofdiere nie. Ons gesin is dan altyd bly om weer by Gamkaberg aan te kom, waar jy basies die hele reservaat kan plat stap.” CORNELIUS JULIES, veldwagter “Ek het ’n persoonlike verbintenis met die reservaat. My oupa en my pa het hier gewerk. Ek is basies in die reservaat gebore. Ek bly vandag in die huis waar ek grootgeword het. Ek het dikwels saam met my pa veld toe gegaan. Ek het baie by hom geleer, veral oor die bergsebras. Ek kan my nie op ’n ander plek indink as hier nie.”…

HIËNA VS. ROOIJAKKALS, LANGS DIE LIJERSDRAAI-DUINEPAD Ons het in Junie 2018 in die Grootkolk-wilderniskamp gebly en een oggend suid gemik. By die Lijersdraai-piekniekplek het ons afgedraai op die kort duinepaadjie. Ons was ongeveer 2 km op dié pad toe ons op ’n ongewone toneel afkom: ’n Jong gevlekte hiëna het langs ’n rooihartbeeskarkas 1 gelê. Die hiëna was besonder donker van kleur. Die hartbees was omtrent halfpad gevreet en die aasvoëls het begin land. Ons kon nie verstaan wat maak die jong hiëna op sy eie by so ’n toneel nie? Waar was die groot katte? Waar was die hiëna se makkers? Hy was duidelik dikgevreet en slaperig, maar die behaaglikheid is hom nie lank gegun nie... ’n Rooijakkals het versigtig nader gedraf. Hy het aan ’n paar oorskietvleisies naby…

Was jy op ’n vakansie wat jy dink ander Weg-lesers ook sal geniet? Skryf oor die ervaring en ons publiseer dalk jou storie. Hou dit asseblief kort (maksimum 1 500 woorde) en stuur ’n paar voorbeeldfoto’s. As ons wel besluit om die storie te gebruik, gaan ons oorspronklike hoëresolusiefoto’s nodig hê; maak dus seker jou kamera is op die regte verstelling. Stuur jou storie na redakteur@weg. co.za. Ons behou die reg voor om jou foto’s elders in die tydskrif, op ons webblad of in bemarkingsmateriaal te gebruik. Lees die bepalings en voorwaardes by weg.co.za…

Die kanse is goed dat die fotojoernalis Willem van der Berg in ’n jaar meer tyd in sy bakkie op grondpaaie deurbring as by sy huis in Bloemfontein. “Ek is gaande oor rondry. As dit rondom Bloemfontein gereën het, wil ek op die nat grondpaaie wees en kyk waar dit oral geval het. As dit herfs raak in die Vrystaat, ry ek en my vrou, Daleen, graag oos om tussen kosmosse en oranje populiere te staan. In die winter kies ek koers na die Richtersveld, Kalahari, Namibië of Botswana toe. (Willem se debuutportefeulje oor natuurfoto’s in Botswana het in Weg #172 verskyn. – Red.) “Maar die meeste oggende staan ek op met ’n verlange na ’n smal kronkelpad deur stil Karooveld waar my bakkie se ruite afgedraai is en die bossielug…

DINK TEGNIES The North Face ThermoBall Hoodie Hierdie baadjie lyk en voel soos ’n donsbaadjie, maar dis nié ’n donsbaadjie nie. Dis gevul met klein bolletjies sintetiese materiaal wat duisende klein lugsakkies vorm en só hitte binne hou. Sintetiese materiaal kan – anders as dons – nat raak en steeds sy werk goed doen. Dis ’n tegniese baadjie vir buite speel. Dit het weggesteekte, rekbare mouboordjies, ’n binnesak met ’n ritssluiter, ’n trekkoord waarmee jy die baadjie stywer kan vastrek, en sakke vir jou hande (met ritssluiters). Dié baadjie gaan jou beste vriend wees op ’n vrieskoue oggend in die Sederberg. Opgevou in een van die sakke is hy so groot soos ’n halwe rugbybal, en hy weeg net 380 g. R3600 by Sportsmans Warehouse Patagonia Micro Puff Hoodie Dié…

HOE LANK IS DIE TOER? 11 nagte/12 dae (tentverblyf) TOERDATUMS 1-12 November 2019 14-25 November 2019 KOSTE R19 895 per volwassene; kinders jonger as 10 betaal halfprys DAG 1 Ons ontmoet mekaar by die Namwi Island Lodge naby Katima Mulilo in Namibië. Vanaand kuier ons om die kampvuur en kyk hoe die son oor die Zambesi sak. DAG 2 Ons dag begin met ’n vroeë ontbyt. Daarna kry elke voertuig ’n tweerigtingradio en ons kies koers na Katima Mulilo. In Katima gooi ons brandstof in en steek die grens oor na Zambië. Omdat jy soms opgehou word by die grenspos, reis ons vandag net 115 km tot by ons oornagplek by die Kabula Lodge-kampterrein. Voor aandete gaan ons op ’n bootreis op die Zambesi. DAG 3 Ons besoek een van…

Ten spyte van die natuurskoon bly die Richtersveld een van die mees onherbergsame plekke in die land. Die enigste water wat jy sien, is die Oranjerivier – die res van die landskap is kurkdroog. In die somermaande klim die kwik gereeld bo die 50 °C-merk. ’n Mens kan nie dink dat enigiets hier kan oorleef nie. Ek was dus verbaas om dié drie klipspringers te gewaar op ’n rantjie net noord van die Kokerboomkloof-kampie in die Richtersveldoorgrenspark. Buiten ’n paar bobbejane wat kom afkoel in die Oranjerivier, was dié drietal die enigste wild wat ons groep in vyf dae in die park teëgekom het.…