Indholdsfortegnelse for November 2019 i Weg!

Verkeersknope was nog nooit prettig nie, maar die afgelope tyd gee ek nie soveel om vir die een soggens op die N2 langs die Swartrivier in Kaapstad nie. Namate jy aankruie stad toe, kan jy al van ver af sien hoe tientalle pienk grootflaminke in gelid bo die rivier wye draaie maak terwyl hulle ’n landingstrook soek. In vlug lyk hulle sierlik, en jy verwonder jou oor hoe hulle daardie lang, swaar nekke so regop in die lug kan hou. Hulle daling aarde toe is wel minder elegant – dun bene wat al skoppend vorentoe beur, uitgestrekte vlerke wat flap-flap en dan ’n reeks komieklike pletterlandings in die vlak water reg langs die teerpad. Ek moet mooi kophou om nie van die pad af of in die minibustaxi voor my…

Aangesien die Aarde die “derde rots” van die Son af is, gebeur dit soms dat die twee “binneplanete” – Mercurius en Venus – oor die gesig van die Son beweeg. Ons noem dit ’n oorgang (transit). Omdat Mercurius nader aan die Son sit, het dit meer dikwels oorgange – gemiddeld 13 per eeu. Oorgange van Venus is meer seldsaam – dit het nog net 8 keer gebeur sedert die teleskoop 400 jaar gelede uitgevind is! Ons beleef tans ’n “besige” tyd wat oorgange van Mercurius betref. Daar was oorgange in November 1999, Mei 2003, November 2006 en Mei 2016. Soos jy gou agterkom, gebeur oorgange van Mercurius slegs in November en Mei. Die volgende oorgang is op 11 November 2019. Maak seker jy loop nie hierdie een mis nie, anders…

ONTMOET DIE SKRYWER Don Pinnock is ’n bekende Suid-Afrikaanse skrywer, fotograaf en ondersoekende joernalis. Hy en Colin Bell het die omvattende boek The Last Elephants saamgestel, wat tans wêreldwyd opslae maak en ’n direkte impak het op die bewaring van olifante reg oor Afrika, veral in ’n tyd dat die voortbestaan van hierdie spesie werklik bedreig word. Die boek het 42 hoofstukke deur van Afrika se voorste olifantkenners, bewaringsgesindes en ander betrokkenes. Die fotografie is uitsonderlik en herinner ’n mens hoe kosbaar olifante is. Die Groot Olifantsensus van 2016 het jou hierdie projek saam met Colin Bell laat aanpak. Wat was die belangrikste inligting van die sensus? Ons het geweet olifante word in Afrika gestroop, maar die sensus se data het gewys op watter gruwelike skaal dit plaasvind. Dit was…

PEDROSKLOOF Die plaas het vyf eenhede (2 hiervan is selfsorg) – sommige het slaapplek vir 2 tot 3, ander het slaapplek vir 5. Die boervrou Sulene Archer is ’n formidabele kok en verskaf ontbyt (vanaf R70) en kontreikos-aandetes (vanaf R150) – bespreek vooraf. De Kuilen is ’n nabygeleë gerestoureerde plaashuis (slaapplek vir 4-5) met ’n gasstoof en -yskas. Hier is lampe en kerse vir atmosfeer. Jy kan wel jou selfoon en kamera laai. Waar? Sowat 26 km oos van Kamieskroon oor die Kamiesbergpas. Koste By Pedroskloof R350 p.p. De Kuilen R300 p.p. (minimum 2 nagte). Kontak 087 095 0523; sulene.archer@gmail.com GARIES-SELFSORG Hier’s 8 sefsorgeenhede met slaapplek vir 2-4 mense. Die parkeerplek is veilig agter ’n hek. Waar? Hoofstraat 32 (oorkant die OK Foods) Koste R300 p.p. Kontak 027 652 1799;…

HOEKOM? Ons plaas elke maand ’n keur van lesersfoto’s. Moenie skaam wees nie – krap ’n bietjie daai foto’s uit wat jy op jou rekenaar opgaar en stuur hulle vir ons! WAT? Ons hou van omtrent énigiets: natuurlewe, landskappe, portrette, vakansiefoto’s of goggas en blomme in jou tuin. HOE? Stuur jou beste foto’s na menseselense@weg.co.za Moenie lêers stuur wat groter as 4 MB is nie – as ons ’n groter weergawe soek, sal ons daarvoor vra. Gee die fotograaf se naam, van, tuisdorp en kontaknommer. Stuur ook inligting oor waar en hoe die foto geneem is en watter toerusting gebruik is. As jy die foto op enige manier gemanipuleer het, vertel ons wat jy gedoen het. DIE FYNSKRIF Ons behou die reg voor om jou foto’s elders in die tydskrif, op…

Hierdie maand se resepte is vol verrassings... net soos hierdie wyne. Van Loveren is al ’n instelling in die Suid-Afrikaanse wynwêreld en dit lyk asof hy ook die nie-alholiese wêreld gaan verower. Die Van Loveren Wonderful White Almost Zero % Alcohol NV (R70) word gemaak met die spin cone-tegniek en het ’n verlaagde alkoholinhoud. Dis die metode waar alkohol van die vloeibare geur geskei word. Die elemente word weer saamgevoeg, maar die alkoholinhoud is aansienlik laer. Tokara buite Stellenbosch is al 20 jaar oud, en ek dink dis sy veelsydigheid wat grootliks tot sy sukses bydra. Dié kelder maak topklaswyne wat met die bestes ter wêreld kan meeding, maar ook lekker elkedagwyn teen bekostigbare pryse – soos die Tokara Chardonnay 2017 (R100). Dis ’n lewendige, sitrusgegeurde wyn met ’n romerige…

Verken die Okavangodelta, die groot riviere van die Caprivistrook en die magtige Victoriawaterval. Ons kundige gidse sal seker maak dat jy ten alle tye veilig, gevoed en gemaklik is. Hierdie selfrytoer is van die gewildste toere wat Bhejane aanbied. Die rede is eenvoudig: Jy ervaar ’n ware Afrika-avontuur teen ’n redelike prys, en jy het geen spesiale ryvaardighede nodig nie. Saam reis ons van die uitgestrekte Makgadikgadipanne om die Okavangodelta en op met die pypsteel. Ons vertoef by die geheimsinnige Tsodilo-koppies, ’n wêreldbekende rotskunskol. Dan ry ons oos deur die Caprivi in Namibië en terug na Botswana oor die indrukwekkende Victoriawaterval in Zimbabwe. Die toer eindig met ’n bootreis op die Choberivier, waar jy ’n skemerkelkie geniet terwyl die olifante bad. Bhejane voorsien al die kamptoerusting, en slaan self kamp…

WAAR SLAAP EK OP ROSENDAL?  DIE SWAELTJIE is ’n lieflike bont selfsorghuisie met slaapplek vir 4 (1 koningsgrootte en 2 enkelbeddens), met ’n koolstofie en ’n swembadjie. Koste R1 000 p.n. 076 159 0525 (Linda) MODDERFORT het slaapplek vir 4 (2 dubbelkamers), ’n gawe stoep vir langbeen sit en boeklees en ’n gesellige braaiplek én ’n buitestort in die tuin. Koste Vanaf R850 p.n. 082 458 0996 (Dahla) of 082 454 4769 (Henriette) HOUSE BEAUTIFUL is ’n mooi ou sandsteenhuis met 6 selfsorgdubbelkamers en 1 gesinskamer. Koste vanaf R300 p.p. 083 632 2600 (Dora) DETUINEN het 15 kamers, elk met ’n koningsgrootte bed, badkamer, koffiestasie en kaggel. Die eenhede is baie ruim en privaat, met ’n kuierstoepie wat uitkyk oor die mooi tuin. Koste Vanaf R800 p.n. 078 295 5346…

Ná 5 000 km deur Ethiopië voel ons vodde en sien uit na ses salige nagte op die Lamu-eiland aan die kus van Kenia. Dinge loop seepglad by die Moyalegrenspos tussen Ethiopië en Kenia. Trouens, toe ons teen 6 nm. daar aankom, sê die immigrasiebeampte ons is maar die eerste voertuig die week! Aan die Keniaanse kant word ons egter meegedeel dat die immigrasiekantoor gesluit is. Met “Hakuna matata!” dui ’n sekerheidswag ’n kol aan waar ons kan tent opslaan vir die nag. Die volgende dag is ons ná tien minute se papierwerk vort. Is dit ’n dassie of ’n vampier? Die 250 km – op ’n goeie teerpad, nogal – tussen Moyale en die dorpie Marsabit loop deur ’n enorme stuk halfwoestyn. Geen mens of dier is in sig…

Watse werk doen jy? Ek werk by die Universiteit Stellenbosch se Instituut vir Lewensganggesondheidsnavorsing. Ek moet vasstel watter gesondheidsprogramme en -dienste vir verskillende mense werk. Ek fokus tans op die gesondheid van ma’s, babas en gestremdes in Oos- en Suider-Afrika. Ek werk ook soms vir die Wêreldgesondheidsorganisasie. Ek was onlangs in die stad Musoma in die Mara-streek van Tanzanië; my volgende bestemming is Genève in Switserland. Wat maak Kenia spesiaal? Die Keniaane. Veral die mense van Kisumu is die verpersoonliking van daardie nasionale gasvryheid wat reisigers laat welkom voel. Hier is baie internasionale organisasies en agentskappe in Kisumu; dus is hier baie dokters, ingenieurs en ander internasionale reisigers. Terselfdertyd doen die plaaslike mense moeite om jou in te sluit, selfs al kuier jy net vir ’n kort rukkie. Wat maak…

Hoogste plekke in SA se nege provinsies Limpopo Wolkberg (2 126 m) naby Haenertsburg Mpumalanga De Berg (2 331 m) naby Lydenburg Wes-Kaap Seweweekspoortpiek (2 325 m) in die Groot-Swartberg-natuurreservaat Noordwes Nooitgedacht (1 816 m), die hoogste punt in die Magaliesberg KwaZulu-Natal Mafadi (3 451 m) in die Drakensberg, die hoogste spits in Suid-Afrika Gauteng Toringkop (1 913 m) in die Suikerbosrand-natuurreservaat Oos-Kaap Kwaduma (3 019 m) in die Drakensberg Vrystaat Namahadi (3 291 m) in die Drakensberg Noord-Kaap Murchpunt (2 156 m) in die Karoo VROUE BREEK NEGEPIEKEREKORD Verbeel jou jy stap 141 km, klim 7 888 m en ry 5 298 km – alles in 8 dae, 19 uur en 12 minute. Dís wat Tumi Mphahlele en Alda Waddell gedoen het om ’n nuwe rekord op te stel…

EERSTE KWARTIER 4 NOVEMBER DOOIEGETY: 5 NOVEMBER HOOGGETY: 10.35VM. & 11.10NM. VOLMAAN 12 NOVEMBER SPRINGGETY: 13 NOVEMBER HOOGGETY: 3.29VM. & 3.37NM. LAASTE KWARTIER 19 NOVEMBER  DOOIEGETY: 20 NOVEMBER HOOGGETY: 9.37VM. & 10.21NM. NUWEMAAN 26 NOVEMBER SPRINGGETY: 26 NOVEMBER HOOGGETY: 2.52VM. & 2.59NM. Hierdie is die hoogwatertye vir Kaapstad. Vir ander plekke tel jy die minute by of trek dit af (let wel, hierdie is benaderde tye): Saldanha: +5; Hermanus: -4; Port Elizabeth: +19; Durban: +26 Bron Gety-inligting met die vergunning van die Hidrograaf, SA Vloot. Die Hidrograaf is nie verantwoordelik vir enige transkripsiefoute nie. sanho.co.za SONOP & SONONDER (17 NOVEMBER) Kaapstad 5.33 vm. & 7.29 nm. Bloemfontein 5.12 vm. & 6.48 nm. Johannesburg 5.10 vm. & 6.36 nm. Durban 4.51 vm. & 6.31 nm. Bron saao.ac.za…

Anne Vicente, Johannesburg “Die droogte is verskriklik, maar ek was verbaas om te sien met watter nederigheid en deursettingsvermoë die Namakwalanders hulle lot aanvaar – sulke wonderlike mense! Ek het ook geleer dat die blomme slegs oopmaak wanneer dit 14 °C of warmer is.” Barbara Smit, Pretoria “Dit was ongelooflik! Die stilte en die natuur bring ’n mens weer terug aarde toe.” Tanya Sturgeon, Johannesburg “Ek het die groep se kameraderie geniet en selfs wanneer ek lang ente deur die mooie landskap op my eie gestap het, het ek nooit alleen gevoel nie. Dit was werklik soos meditasie.”…

Was jy op ’n vakansie wat jy dink ander Weg-lesers ook sal geniet? Skryf oor die ervaring en ons publiseer dalk jou storie. Hou dit asseblief kort (maksimum 1 500 woorde) en stuur ’n paar voorbeeldfoto’s. As ons wel besluit om die storie te gebruik, gaan ons oorspronklike hoëresolusiefoto’s nodig hê; maak dus seker jou kamera is op die regte verstelling. Stuur jou storie na redakteur@weg. co.za. Ons behou die reg voor om jou foto’s elders in die tydskrif, op ons webblad of in bemarkingsmateriaal te gebruik. Lees die bepalings en voorwaardes by weg.co.za…

SAAMGESTEL DEUR SHELLEY CHRISTIANS Sam Reinders het 18 jaar gelede haar hart verloor toe sy Mongolië die eerste keer besoek het. Deesdae besoek sy die land elke jaar as ’n fototoerleier vir Oryx Photo Tours. “Ons toer val saam met die jaarlikse Golden Eagle Festival, wat in die noordwestelike provinsie Bayan Olgii plaasvind,” vertel sy. “Die grootste deel van die bevolking is nomadies. Hulle trek twee of drie keer per jaar op soek na weiveld (die grasvelde word die steppe genoem) vir hulle jakke, bokke, perde en ander diere. Die toer is in Oktober, en ons bly by gasheergesinne aan die voet van die Altai-berg. Dis dan ysig koud, al is dit nie eens heeltemal winter nie.” Sam – ’n voormalige fotoredakteur van Weg – is ’n vryskutfotograaf en werk…

WAT BETEKEN AL DIE GROOT WOORDE? Het ’n mens regtig gepolariseerde lense nodig? Wel, jy hoef nie die ekstra geld daarvoor te betaal nie en soms is die prys tot 30% meer, maar dit bied beslis meer beskerming as gewone lense. Gepolariseerde lense keer meer UV-lig en beskerm jou oë teen agteruitgang en die ontwikkeling van katarakte. Dit verminder ook druk op jou oë, wat tot hoofpyne kan lei. Die belangrikste is dat dié lense fel lig uitskakel. Dis veral doeltreffend as jy op of naby water is: Jy kan in die dieptes aftuur om rotse te omseil en jy kan ook sien waar die forel hou as jy vlieghengel. Hier is die feite: Dis nie net ’n deklaag nie. Daar is baie maniere om ’n gepolariseerde lens te maak,…

Ek ry vroegoggend op die Soutpanpad al langs die Soshanguve-township. My karretjie kruip stadig oor die spoedhobbels en vleg deur die township se strate. Die son het pas opgekom; ek het vroegoggend uit Johannesburg gery sodat ek die Tswaingkrater hier naby in die mooi vroegoggendlig kan vang. Dié pad word met goeie rede Soutpan genoem. Ek ry nou al nader aan die Tswaing-meteorietkraterreservaat. Tswaing beteken “plek van sout” in Setswana. Sowat 220 000 jaar gelede het ’n meteoriet so groot soos ’n sokkerveld die aarde hier neffens Soshanguve getref en ’n soutkratermeer gevorm. Dié meer was 13 keer meer sout as die Dooiesee. Mense het duisende jare lank sout uit die meer gemyn. Dié bron was eers in die middel van die 20ste eeu uitgeput. Deesdae word die kratermeer en…

Inhambane, Barra, Tofo... Die name alleen klink eksoties. Ja, Mosambiek se Inhambane-skiereiland is die soort plek waar eilandclichés gebore word: lou turkoois water, palmbome wat in die bries wieg, drankies met sambreeltjies, skulpe, kokosneute... Kyk, sodra jy deur die Komatipoort-grenspos is, wéét jy jy is in ’n ander land. Die ganse Mosambiek het ’n eksotiese gevoel – soel weer, sakkies kasjoeneute wat in bome langs die pad hang, graffiti van 2M-biere teen geboue. Maar dis eers sowat 100 km anderkant die stad Xai-Xai dat jy by daai tipiese poskaart inry – dan verander die landskap. Eensklaps sien jy weerskante van die pad daai universele simbool van vakansie: die palmboom. Welkom in die Inhambane-provinsie! Op ’n kaart kan jy sien hoe die Inhambane-skiereiland wegbeur van die vasteland en ’n baai vorm…

’N WILDE OGGEND IN DIE NGORONGOROKRATER, TANZANIË In Mei 2019 was ek gelukkig om weer twee van Tanzanië se grotes – die Serengeti- nasionale park en die Ngorongoro-bewarea – te besoek. Ons het die Ngorongorokrater laaste besoek en die fotogeleenthede was uitstekend. Ngorongoro voel altyd soos ’n nagereg ná die Serengeti-hoofmaal. Ná ontbyt het ons na die olifantbulle met die groot tande gaan soek. Op pad na die olifante het ons ’n tierboskat gewaar wat jag. Hierna het ons by die olifante stilgehou. Terwyl ons daar sit, hoor ons gids oor die radio dat ’n trop gevlekte hiënas besig is om buffelkalfies daar naby te jag 1 . Ons het ons onmiddellik daarheen gehaas en kon die hele petalje waarneem. Die buffelkoeie het alles gedoen om hulle kalfies teen die…

Ek skryf hierdie brief in ’n Kenya Airways-straler iewers hoog bo Tanzanië. Ek is vanoggend weg uit Kisumu, Kenia, nadat ek – vir die hoeveelste keer die afgelope drie jaar – ’n week lank daar gewerk het. Terwyl ek probeer om nie by die venster uit te kyk nie (ek ly aan hoogtevrees...) dink ek aan hoe anders Kisumu is as my grootwordplek, Pietermaritzburg. Laasgenoemde is warm, soms neerdrukkend – en dit sit, nee, dit húrk, in ’n holte. Kisumu is vlugvoetig. Jy kan ’n bal gooi en Kisumu sal dit gaan haal. Kisumu is bedompig en groener as groen. Die lug hang so swaar dat dit tot om jou enkels daal. Dié vertraag jou voetval; dis asof Kisumu ’n manier gevind het om tyd te rem en die briek…

Rust en Vrede-waterval, Oudtshoorn Sodra jy die naam Oudtshoorn hoor, dink jy onmiddellik aan die Swartberg, volstruise, die Kangogrotte, dor landskappe... ’n mens verwag nie juis om ’n waterval in ’n donker kloof te vind nie. Maar dis presies wat jy sowat 30 km noordoos van die dorp kry. Gaan koel af by ’n waterval as jy weer tussen Oudtshoorn en die grotte of die Swartbergpas moet ry. Nadat jy ’n toegangstarief betaal het, ry jy sowat 2,5 km deur die veld tot by die kloof in die voetheuwels van die Swartberg. Van hier af is dit net tien minute se stap op plankiespaaie en bruggies tot by die standhoudende waterval in die Grootrivier. Jy mag ongelukkig nie hier swem nie omdat die rivier drinkwater aan die dorp verskaf. Hier…

Hoekom juis Kilimandjaro? Coetzee: Toe ek destyds my been verloor het, het ek gesê ek wil Afrika se hoogste berg uitklim. Daar was van my vriende wat gesê het dit gaan vrekmoeilik wees, selfs vir ’n ou met twee bene. Aan die begin van die jaar sê ek toe vir my vrou: “Kom ons breek uit ons gemaksone.”Dit was nooit ’n mikpunt om enige rekord te breek nie. Ons wou onsself net uitdaag en kyk hoe ver ons kan kom. Danielle: Dis iets wat ons saam kon doen. Coetzee kan nie met een been ’n marathon hardloop nie, maar dit is moontlik om met ’n bietjie voorbereiding ’n berg te klim. Ons is albei mededingend – ons wou aan onsself en aan mekaar bewys ons kan dit doen. Hoe het…

Sophia het saam met Eco Ventures gestap. Stappers word die dag voor die stap begin, by die Kaapstad- internasionale lughawe opgelaai en na afloop van die stap weer daar besorg. Dus: twee dae op die pad, met vyf dae se stap tussenin. Die daaglikse afstande wissel, met ’n maksimum van 20 km per dag. Dit help om vooraf jou skoene (en heupbene!) in te loop. As jy gemaklik 10 km per dag kan stap, sal jy die langer skofte met ’n glimlag kafdraf. Koste R11 000 p.p. (sluit in: vervoer, verblyf, etes, versnaperinge en parktariewe) Kontak 082 343 7853 (Frik Olwage); ecoventures.co.za (Loer ook op die webwerf vir ander slenterstaproetes deur streke soos onder meer die Kalahari, Klein-Karoo, Baviaanskloof, Wynlande, Sederberg en Visriviercanyon.)…

BLY HIER Semonkong Lodge Die lodge het verskeie soorte blyplek, van kamp en backpackerstylkamers tot netjiese en suitedubbelkamers. Ons het in die Thaba Tséhla Bunkhouse gebly – dis twee rondawels met stapelbeddens en ’n badkamer. Hier is ’n gemeenskaplike kombuis en braaiplekke. Koste Kamp: R150 p.p. Slaapsaalkamer: R250 p.p. En suitekamers: vanaf R685 p.p. wat deel, met ontbyt. Waar? Semonkong Lodge is 130 km suidoos van Maseru – dit neem sowat drie uur om soontoe te ry. 00 266 2700 6037; semonkonglodge.com Steepside-gasteplaas Hier is twee netjiese kothuise, Rock Retreat Cottage en Oudestal Cottage – albei met drie slaapkamers, ’n leefvertrek met ’n kaggel en ’n kuierstoep. Albei het plek vir 6 mense. Koste Vanaf R1200 p.n. Waar? Die afdraai na die gasteplaas is op die R396-grondpad sowat 20 km…

Marizaan Els, Pretoria “Die kos is heerlik. Die salmslaai met kappertjiesade – die voorgereg op die eerste aand – het uitgestaan!” Ken Smith, Melbourne, Australië “Ek het elke minuut in Suid-Afrika geniet. Ek het al voorheen met die luukse The Ghan-passasierstrein deur Australië gereis en as ’n mens die ouderdom van die Bloutrein in ag neem, is dié rit net so goed.” Marcus en Nomfundo Mbatha, Johannesburg Marcus: “Ons droom al lank oor ’n rit op die Bloutrein – ons is hier om ons tiende huweliksherdenking te vier. Dis ’n ander soort ervaring as wat jy byvoorbeeld op ’n plesierboot kry – ek is baie beïndruk met die gehalte van die diens.” Nomfundo: “Dis meer elegant as ’n plesierboot! Ons hou van die persoonlike aandag, soos die butler wat na…

Cheddamelt-burgers Moenie skrik vir die brandrissies in dié resep se tamatiesous nie. Die sousie het ’n rokerige smaak. Genoeg vir 4 Bereidingstyd 40 minute Gaarmaaktyd 15 minute Jy benodig • 1 rooi soetrissie • 2 groot rooi brandrissies • ½ koppie geblikte tamatie-enuiesmoor • 2 eetlepels vars koljanderblare • 500 g maalvleis • ½ rooiui, fyngekap • 1 teelepel braaivleisspesery • 2 eetlepels droë broodkrummels • 8 skyfies salami • 4 dik skywe cheddar • 4 vetkoeke of broodrolletjies • mayonnaise of mosterd • 1 avokado, in skyfies gesny • babaspinasieblare Só maak jy 1 Rooster die soet- en brandrissies direk oor ’n vlam tot dit oraloor geskroei en sag is. Sit dit sommer met die pitjies saam met die smoor en koljander in ’n voedselverwerker en pols dit tot ’n growwe braaisous. Verhit die tamatiesous in ’n kastrolletjie tot kookpunt. Geur dit na…

Die Namib is legendaries! Dis die wêreld se oudste woestyn en ook ’n Wêrelderfenisterrein. Namate jy in die niksheid inry, begin die duine met jou praat en die adrenalien bruis deur jou are wanneer die woestyn om jou ontvou. Jy sien die ewigveranderende duine en die lugruim wat elke aand met sterre skitter. Die woestyn deel haar blomme en diere met jou, asook die boeiende geskiedenis van diamantmyne en skeepswrakke. Dis net jy, jou 4x4 en ’n see van sand en jy kan maklik begin dink jy is die enigste mens op aarde. Ongelukkig kan net ’n paar mense hierdie ervaring geniet aangesien toere op streng konsessiereëls toegelaat word. Maar as jy net een 4x4-rit in jou hele lewe kan ervaar, kies die Namib! DIE GESIGTE VAN DIE NAMIB Kom…

“Die Ngorongorokrater voel soos ’n groot dieretuin. Die krater is sowat 300 km² groot en as gevolg van die hoë minerale inhoud van die grond is daar baie gras en mooi koorsbome wat ’n ongelooflike verskeidenheid wildsoorte onderhou. “Toe ek met my laaste besoek olifante afgeneem het, het ek van dieselfde punt af onder meer Thompson én Grant se gaselle, sebras en elande om my sien wei. Vir voëlliefhebbers is hier flaminke, mahems, pelikane, witborsjakkalsvoëls en kleinswartooievaars in die krater. “Daar is geen plek ter wêreld waar jy soveel verskeidenheid in één dag kan sien én goeie foto’s van die diere kan kry nie. “Vir hierdie foto’s (ek het in totaal omtrent 100 geneem) het ek my Canon EOS 7D Mk. IIkamera gebruik met ’n Canon EF200-400 mm-lens (met ’n…