Indholdsfortegnelse for Weg! Stapgids 2019 i Weg!

Waar? Kaappunt se skiereiland Afstand 34 km Lengte 2 dae Terrein Op klipperige voet-paadjies bo-oor kranse langs. Die verkeer stroom by die reservaathek in. Vakansiegangers, vissermanne, naweekmakers… almal het al donkeroggend van waar ook al huis is, vertrek om die dag by Kaappunt behoorlik te benut. Ons groepie van tien stappers voel vir oulaas of ons motordeure gesluit is, staar ’n paar oomblikke na die kaart en kry dan rigting. Sommer gou is ons kniediep in die fynbos. Dis ’n mooi dag en ek het by die hek gehoor die geelstert lóóp. G’n wonder daar is vanoggend so baie bote in Valsbaai aan’t rondbons nie. Die voetpad slinger op die borand van hoë kranse en oor ’n paar koppe langs, en ver ondertoe rol en ruis die waters. Van hier…

ONTBYT Hawermout met chiasaadjies Kitshawermout is ’n ontbytstaatmaker wanneer jy meer as een dag lank stap. Maak dié maklike weergawe reeds die aand voor die tyd, dan kan jy met eerste lig net ’n koffietjie maak en in die pad val. Vir 1 Voorbereiding 5 minute, plus staantyd Jy benodig • 125 ml kitshawermout• 15 ml chiasaadjies• 125 ml swart rooibostee, versoet na smaak (of appelsap)• 50-100g trail mix met gedroogte vrugte, neute en sade• ’n vars nartjie, piesang of appel (opsioneel)• heuning na smaak Só maak jy 1 Skud die hawermout en chia in ’n beker uit en giet die tee of sap bo-oor. Laat dit oornag staan met jou blikbord as deksel bo-op. 2 Meng die volgende oggend die trail mix by die pap, sny die vrug by…

Eberhard Steinmann en sy vrou, Janine, woon op Robertson, waar hy as mediese bestuurder werk. Hy stap al van kleins af en is lid van die Bergklub van Suid-Afrika. Sy gunstelingberg is die Apex-piek in die Sederberg en hy wil graag nog eendag by die 192m hoë Maletsunyane-waterval in Lesotho gaan stap. Eberhard se stapraad is: “Pak altyd so lig as moontlik.” Tinie Muller is ’n algemene praktisyn en woon saam met haar man, Johann Leuvennink, op Stellenbosch. Een van Tinie se gunstelingplekke in die omgewing is Katedraalpiek in Jonkershoek. Sy’s ’n gesoute stapper wat al in die Himalajas in Nepal sowel as in die Simiengebergtes van Noord-Ethiopië gaan draai het, en sy hoop om later vanjaar in die Torres del Paine-nasionale park in Patagonië, Chili, te gaan stap. “’n…

OYSTERCATCHER-ROETE 4 DAE, 54 KM (2- EN 3-DAG-OPSIES OOK BESKIKBAAR) Dié luilekker stap wat by Danabaai (wes van Mosselbaai) begin en by die Gouritzriviermonding eindig, lê besaai met paleoantropologiese (oermensgoete, man) ontdekkings. Dis ’n skilderagtige roete oor oranje seekranse langs, deur plate kusfynbos en oor strande waar ’n verskeidenheid seediere en voëlspesies hulle opwagting maak. Langs die pad kom stappers meer te wete oor die swarttobie (die voëltjie wat die roete sy naam gee) se verblydende aanwas nadat dit eens hoogs bedreig was, jy bekyk die gediertetjies wat in rotspoele wegkruip, oes slenter-slenter uit die see se spens – net soos die mense wat derduisende jare gelede hier langs die Suid-Kaapse kus gebly het – en sien boonop die oorblyfsels van dié einste oerbevolking se visfuike gebou uit klip. Die…

In April 2015 het ek, Rey Janse van Rensburg en twee vriende drie dae lank in die Richtersveld gaan stap. Dis mos ’n bergwoestyn, het ek gedink, hoe koud kan dit dan nou word? Baie! Een aand moes ek noodgedwonge in my ruimtekombersie slaap. As jy al gewonder het hoe dit voel om ’n aartappel toegedraai in foelie te wees: Slaap een aand in jou ruimtekombersie! Die Richtersveld laat jou ook water waardeer: Ons moes áls saamdra. Toe ons egter uiteindelik ’n fontein bereik was dié poel – hoe stink en vol paddaslyk dit ook al was – ’n luukse lafenis. – Toast Coetzer Vir ’n Visriviercanyonstaptog een jaar het ons groep in kosspanne verdeel en ek mos ’n botterskorsie saambring. Om een of ander rede koop ek toe die…

DANIA PETRIK deeltydse stapgids, klimaatsveranderingskonsultant en medestigter van die webwerf Hiking South Africa @daniapea Wanneer het jy begin stap? My ouers is kranige stappers. Voordat ek nog tien jaar oud was, het ek reeds saam met hulle die Harkerville-, die Otter- en twee keer die Groot-Winterhoekroete gestap. Ons het ook gereeld dagstappe gedoen en in die veld gekamp. (Deesdae moet kinders ten minste 12 jaar oud wees om die Otter te stap. – Red.) En ná dit alles is jy steeds lus vir stap? Absoluut! Dis een van die toeganklikste sportsoorte – jy’ t slegs twee bene en die regte ingesteldheid nodig. Daar’s ’n vreedsaamheid wat ’n mens slegs ervaar wanneer jy tyd in die natuur deurbring. Dit gee my ook groot genoegdoening – die besef dat dit geen ander…

Waar het Amatola Trails ontstaan? Die roete het al gewilder begin raak en ek het gesien die stappers het almal dieselfde goed nodig. Ek wou die taai roete ’n bietjie makliker maak deur te help met verblyf voor en ná die tyd, permitte, ’n pendeldiens na die begin en veilige parkeerplek. Ek staan ook stappers by met ’n inligtingsessie vooraf en op WhatsApp gedurende hulle staptog. Watter tyd van die jaar is die beste? Dit lyk asof die weerpatrone begin verander, maar ek sou steeds Maart, April, September en Oktober aanbeveel. Winter is droog, maar die dae is kort en dit kan sneeu – wat allermins ideaal is. Somer is veronderstel om nat te wees, maar vanjaar was dit nat in April ook! Wat is jou drie topwenke vir stappers?…

DANIA PETRIK First Ascent Venus II 55 Hierdie rugsak is – waarskynlik vanwee sy verstelbare rugondersteuningstelsel wat jou toelaat om die skouerbande volgens jou rug se lengte aan te pas – ’n bietjie swaarder as ander wat dieselfde volume het. Maar dis baie gemaklik en ruim. Wanneer ’n mens 10 tot 12 uur per dag stap, soek jy soveel gemak as moontlik en ’n sak wat jou goed pas, en hierdie sak doen elke keer die ding. Venus is spesiaal ontwerp vir kleiner lywe en ideaal vir vroue. Die mans s’n is die Jupiter II. Dit het 65l se pakplek. R2 400 by outdoorware house.co.za Saucony Xodus ISO 3 Ek het die veldloopskoene onlangs op die Amatola-roete gedra. Die skoene was nog nuut toe ek daarmee gestap het, maar die…

ROETE 1 DIE LAASTE 115 KM VAN DIE FRANSE WEG Wanneer? 2 tot 11 September Koste Vanaf R23 285 In ’n neutedop Daar is minstens sewe Camino-roetes, maar die Franse Weg bly loshande die gewildste. Meer as 250 000 pelgrims stap jaarliks hierdie roete wat by St. -Jean-Pied-de-Port in Frankryk begin en oor die dwarsste van noordelike Spanje loop. As jy net een Camino in jou lewe gaan doen, moet jy hierdie een kies. WAT BEHELS DIE TOER? Dag 1 Vertrek uit Suid-Afrika Dag 2 Land in Porto, Portugal, waarvandaan die groep per bus die sowat 300 km na Sarria geneem word. Die stap begin die volgende oggend in dié pragtige dorpie en jy’s dadelik omring deur verskeie geboue wat besondere betekenis dra. Hier’s ook winkels waar jy Camino-aandenkings of…

1 SHELTER ROCK (8 KM), MAGALIESBERG Die Magaliesberg is slegs 1 tot 1½ uur se ry uit Johannesburg of Pretoria en daarom is dié roete by Skeerpoort aan die voet van die berg ’n goeie plan vir Gautengers op ’n sonnige Saterdagoggend. Die voetpad tot by Shelter Rock is sowat 2,4 km lank en wanneer jy bo-op dié rots staan, het jy ’n uitsig oor die vallei. By ’n nóg hoër punt op die roete genaamd Tweeboomnek kan jy nie anders as om jou kamera uit te pluk nie – dié uitsig smeek vir ’n Instagramselfie. Noordwes lê Rustenburg – op ’n mooi helder dag kan jy Sun City sien. Noordoos is Madibeng (Brits) en reg noord lê lemoenen bloubessieboorde, granietkoppies en platinummyne. Oos blink die Hartbeespoortdam op die bruin…

BUFFALO GORGE (36 KM NOORD VAN MIDDELBURG) het ses staproetes waarvan die langste oor 15 km strek. Jy kan in jou eie tent kom kamp, of in een van die safaritente met slaapplek vir onderskeidelik 4, 6 of 14 mense oornag. Die ablusiegeriewe het warm storte, hier is braaigeriewe, ’n boma met elektrisiteit en ’n vuurmaakplek, sowel as ’n kombuistent met ’n yskas, vrieskas en gasstoof. Koste R85 p.p.p.n. in jou eie tent (R40 vir kinders tussen 3 en 10 jaar oud). Verblyf in ’n safaritent met enkelbeddens (bring jou eie beddegoed) kos tussen R100 en R175 p.p.p.n. (minimum twee nagte se kamp). Jy betaal ook R20 per voertuig, R65 p.n. vir elektrisiteit en R25 p.n. vir jou hond. Kontak 083 528 9586; buffalogorge.co.za…