Indholdsfortegnelse for Stapgids 2021 i Weg!

Die anderdag sit ek vroegoggend onder die Platteklipravyn op die kontoerpad teen Tafelberg die wêreld en bekyk. My siel was moeg en ek wou net gou vir ’n halfuur deur die Deer Park-reservaat bo my buurt gaan stap. Maar toe lyk die voetpaadjies hoër op só aanloklik dat ek net aanhou – eers tot by die Koning se Blokhuis waar die geheimsinnige inskrywings in Romeinse letters op ’n ou kanon my geboei het, en toe terug, verby die gedenkplaatjie teen die murasie van die bosbouer Frank Jarman se huis. ’n Man “who from 1893 to 1902, had charge of the forest work which covered this wind-swept mountain with trees”. Ek was dankbaar toe die seisoenale Silwerstroom nog loop, want ek het nie water saamgebring nie en kon my dors met…

MIA LOUW ’n Mens vergeet soms dat die Drakensberg ver noord strek, selfs tot by Kaapsehoop in Mpumalanga, wat my en my man, Hancu, se toevlugsoord is. Vir daguitstappies verken ons graag hierdie deel en het ook al die Kaapsehoop-voetslaanpad (60 km, 4 dae) afgelê. Nes die Fanie Botha (bl. 88) word dit deur Safcol (South African Forestry Company SOC Limited) bestuur. Daar is nog ’n Safcol-roete wat ek graag eersdaags wil verken: die Magoebaskloof-voetslaanpad (62 km, 5 dae) in Limpopo. Op dié staptog sien ’n mens die mooie Debengeni-waterval, asook die hoogste aangeplante boom in Afrika – ’n 81,5 m hoë salignabloekom in die Woodbush-staatsbos. Stap herinner my dat jy eintlik min nodig het om genot uit die lewe te put. Jy het stapgereedskap nodig, maar terwyl ek in…

Ek is gek oor verrassings en voel opgewonde toe ons uit Kaapstad ry. My stapmaat Shaen Adey en nog ’n paar vriende het ’n (laat!) verjaardag-avontuur vir my 60ste in gedagte. Ek weet nie waarheen ons op pad is nie, net dat dit berge behels. By Worcester verlaat ons die N1 vir die R60, wat naderhand die R62 word soos ons die Klein-Karoo binnery. En toe ons in die rigting van die onmiskenbare Towerkop draai, kan ek nie help om te wonder of my jonger vriende dan nou al meer kinds is as ek nie. Net ’n bietjie meer as ’n dekade gelede was ek saam met die Mountain Club of South Africa in dié gebied om die 125ste bestaansjaar van ons land se eerste opgetekende rotsklimroete te vier. Tydens…

Van waar ek en vyf stapmaats op die stoep van Faans se Huis sit en veters knoop en rugsakke toeknip, kyk ons hoe ’n bergskilpad die turksvyland se heining vir ’n gat patrolleer. Ek sien uit na die week wat voorlê saam met dié groep: Sarie Viljoen en Stacey Block (onderwyseresse met die wêreld se geduld), Nina Steyn (’n fisioterapeut wat moontlike skete kan aanspreek en allerlei ekstras met skynbare gemak saamdra), Eloise Costandius (sy’ t soölogie geswot en ken alles met twee tot agt bene op die naam) en Alex Jordaan (’n veldkoskenner met ’n Otter-obsessie; hy’t die roete al 19 keer gestap). Hannes Horn, baas van die plaas Bucklands, se bakkie hou voor ons stil. Die skilpad trek sy kop in – hy weet hy’s stout. Hannes kom…

Ons avontuur begin in ’n ou Land Cruiser wat my en my stapmaats van die Witsieshoek Mountain Lodge sowat 8 km bergop neem tot waar die staproete by die Sentinelpiek-parkeerplek begin. Die pad is sleg en ons bons rond. Dis wel steeds beter as om jou eie motor vir bykans ’n week in die berge te laat staan. By die parkeerplek handel ons die nodige papierwerk by die veldwagterskantoor af, kry ons rugsakke uit die Cruiser en vat die pad. Saam met my is my meisie, Ashleigh Baker, die fotograaf Andrew Dunkin en sy vrou, Anje, die veldloper Taryn McLintock en Gustav Greffrath van Itchyfeet SA as gids. Gustav het vir Anton Granger, een van sy studentgidse, saamgebring sodat dié sy praktiese “eksamen” kan doen, sowel as ’n portier, Sgu…

@helendewet19 Ons is ’n groep vriende wie se ouderdomme tusen 64 en 76 jaar wissel. Elkeen is egter nog jonk van gees en wil elke geleentheid aangryp om die lewe te geniet en plekke en dinge te verken. In Junie vanjaar het ons by Three Firs bergop gestap en met die Kasteelspoortroete afgekom. Three Firs op sy eie is ’n steil 800 m boontoe; die sirkelroete wat ons gestap het, sluit ’n makliker roete (Kasteelspoort) terug ondertoe in. Waar? Volg die voetpad uit Theresalaan, Bakoven, tot op die Pyplynvoetpad en volg dié na regs verby Kasteelspoort en Woody-ravyn. Die Three Firs-roete swenk knap voor Slangolie-ravyn berguit.…

@louis_roodt ’n Mens kan van die Hogsbackarboretum af met verskeie paadjies langs deur die staatsbos tot by die waterval stap. Ek het sommer die Forestrylaan tot by ’n parkeerplek aan sy bopunt gevolg. Vandaar is dit nog sowat 700 m tot by die waterval. Die sonlig deur die bome in die dennewoud, die paadjie wat deur die varings vleg en die klanke en vars reuk van die woud het laat my voel asof die woud my nooi om in sy geheimenisse te deel. Die foto vang vir my die “poort” tot hierdie sprokieswêreld vas. Waar? Draai uit die R345 wat deur Hogsback loop noord in Oaklaan om by die arboretum uit te kom. Dit word nooit gesluit nie, maar stappers mag slegs in die dag hier kom stap.…

@hirome_shigeaki Elke tree na dié 70 m hoë waterval is die moeite werd. Ek is die man in die foto. Dit het ’n paar probeerslae geneem om die presiese skoot op te stel. Daarna het ek waarskynlik 100 keer tussen die kamera en die waterval gehardloop totdat ek presies dié foto gekry het! Waar? Los jou motor by die Castle Rock-woonwapark buite Sabie. Die roete begin hier. Koste Permitte kos R30 p.p by die Sabie-bosboumuseum. Kontak 013 754 2724…

REDAKTEUR: WEG PIERRE STEYN REDAKTEUR WEG STAPGIDS 2021 SOPHIA VAN TAAK KUNSHOOF LYNNE FRASER TEKSREDAKTEUR VANIA JOOSTE KAARTE FRANÇOIS HAASBROEK MEDIA24 UITVOERENDE HOOF: MEDIA24 ISHMET DAVIDSON HOOFBESTUURDER: LEEFSTYL MINETTE FERREIRA UITGEWERSPAN BESTUURDER: MEDIA24 LEEFSTYL NERISA COETZEE FINANSIËLE BESTUURDER JAMEELAH CONWAY PRODUKSIEBESTUURDER KERRY NASH VERKOPE EN BORGSKAPPE HOOF: BORGSKAPPE NIKKI RUTTIMANN nikkir@media24.com DANIE NELL danie.nell@media24.com 082 859 0542 SHARLENE SMITH sharlene.smith@media24.com 083 583 1604 VERNETTE WESSELS VRautenb@media24.com 082 766 1705 MEDIA24 LEEFSTYL KREATIEWE ATELJEE KREATIEWE HOOF MICHAEL DE BEER BESTURENDE REDAKTEUR: KOMMERSIEEL GERDA ENGELBRECHT BEMARKINGSBESTUURDER ANDILE NKOSI andile.nkosi@media24.com MEDIA24: DIVERSE INKOMSTE HOOF: DIVERSE PROJEKTE FRANCOIS MALAN ONTWIKKELINGSBESTUURDER LISE VAN BREDA lise.coetsee@media24.com SIRKULASIEBESTUURDER ARMAND KASSELMAN armand.kasselman@onthedot.co.za TEKSREDAKTEUR: ADVERTENSIES BRIGITTE BLANCKENBERG ONTWERPER ELAINE SCHOEMAN AANLYNWINKEL YUMNA TOFEY KONTAK ONS YUMNA TOFEY yumna.tofey@media24.com KAAPSTAD Weg, Posbus 740, Kaapstad, 8000 JOHANNESBURG Weg, Posbus 785266, Sandton,…

MIA LOUW Lizzard-vlekvryestaalfles Dié fles hou my koffie ure lank warm en my Energade yskoud. Die deksel het ’n ringetjie waaraan jy ’n karabynhaak kan knip om die fles aan jou sak of gordel te hang. Die fles het ’n dubbelwand vir isolasie, hou 530 ml en is in ’n wye reeks kleure beskikbaar. R320 lizzardonline.com First Ascent-droogsak Hierdie waterdigte sak het al talle kere my selfoon, kamera en selfs die roetekaart tydens ’n donderstorm of triestige weer droog gehou. Die sak is gemaak van Cordura, wat gewoonlik uit ’n mengsel van nylon- en katoenvesels bestaan. Dit word vir valskerms en warmlugballonne gebruik, want dit is liggewig maar sterk (met ’n 30 denier-telling) en sal nie sommer skeur nie. R250 (6 ℓ) of R300 (12 ℓ) firstascent.co.za SVEN HUGO Ultimate Direction-drafgordel…

GREYTON? NATUURRESERVAAT Die Greyton-natuurreservaat beslaan 2 200 ha rondom die dorp. Hier is drie ingange tot dié bewaarde gebiede: Een bo in Vleistraat, een in Parkstraat en die minder bekende ingang anderkant die Zig-Zag-roete. By die hoofingang in Parkstraat is ’n groot kaart waarop van die bekende staproetes aangedui word. Dié roetes is goed gemerk (elkeen het sy eie kleur voetspoortjie langs die pad). Kry ’n kaart van die roetes by die toerismekantoor (Hoofstraat 29), of laai dit af by greytonconservationsociety.com. (Buiten Zig-Zag en Loerkop lê al die ander roetes wat hier bespreek word in die reservaat.) Toegang tot die reservaat is gratis. WIE WAS FRITZ? Fritz Volk (1933-2009) is ’n voormalige bestuurder van die Greyton-bewaringsgenootskap wat in 1993 die indringeruitroeiprojek geloods het om swartwattelbome in die omgewing onder beheer…

Dis skuins ná eenuur op ’n Sondagoggend diep in die Karoo. Die maan is byna vol, maar hy speel wegkruipertjie en gooi silwer randjies om wolke wat soos die slierte van geskeurde vlae teen die donkergrys lug hang. Sewe mense stap in stilte op ’n verlate tweespoorpaadjie waar plaasbakkies selfs in die dag selde ry. Sjoef-sjaf, sjoef-sjaf knars hulle skoensole oor die gruis. Dan klink die stem van ’n liggaamlose vrou met ’n swaar Amerikaanse aksent skielik helder op. In die kantsakkie van Estelle van Dyk se rugsak gloei haar Samsung-selfoon met ’n ligblou skynsel: “You have have walked two kilometres.” Eintlik het Estelle-hulle al tien kilometer agter die blad, want gister, toe hulle hier op Bergvallei aangekom het, het hulle reeds vroegaand 8 km gaan stap. ’n Mens kry…

Uitgestrek tussen Denel se Overberg-toetsterrein en die Breederiviermonding lê die 34 000 ha van die De Hoop-natuurreservaat. Met sy grense wat boonop 5 km see-in strek, is dit een van die grootste mariene bewaringsgebiede in Afrika. Besoekers word egter nie sommer oral op hierdie kosbare stuk kusgrond toegelaat nie, maar as stapper op die Walvisroete is ál die hoogtepunte jou beskore. DAG 1 15,5 KM Potberg na Cupidoskraal Groot skaduwees skuif tussen ons en die oggendsonnetjie in. Ek kyk op na waar ’n eskader voëls bo ons rondsweef, elkeen se vlerkspan meer as twee meter. Toe Mulisa Nekhavhambe, De Hoop se toerismeskakelbeampte, ons met gisteraand se inligtingsessie vertel dat Potberg die tuiste van een van Suid-Afrika se grootste kransaasvoëlkolonies is, was ek beïndruk. Hy’ t ook genoem dat daar na…

Bo jou span die hemelruim soos ’n koningsblou tent. Al lig wat jy het, is die vuurtjie by jou voete. Én jou koplig. Maar dié moet jy spaarsamig gebruik, want die batterye moet nog drie nagte hou. Meerkatte het gewoonlik ’n brandwag wat staan en uitkyk vir gevaar en op die Primitive Trail in die Hluhluwe-iMfolozi-park speel elke stapper vir sowat ’n uur en ’n half brandwag. Maar nie in die dag nie, in die nág. Die “prupp” van ’n skopsuiltjie weergalm in die donkerte. Rooibokke snuifsnork in die bosse. ’n Afrikaanse naguiltjie se “good lord deliver us” maak dat jy opkyk van die hipnotiese dans van die vlamme. Maar die geluid wat jou verreweg die grootste laat skrik, is die “gr-gr-gr-unt” neffens jou. Is dit ’n leeu… ’n renoster…?…

@chriscrossingsa Dis heerlik om met springgety-laagwater op hierdie verlate stuk strand te stap wat van Segdefield af om Gerickespunt na Wildernis strek. (Dis die beste tyd, andersins is die harde sand toe onder die water.) Ek is gaande oor die sagte skakerings wat die mistigheid teweegbring en die berge wat prominent in die agtergrond pryk. Die foto is vir my ’n opsomming van die Tuinroete se skoonheid: oop ruimtes, ’n mooi kuslyn en die magtige Outeniquas. Waar? Los een motor by die parkeerterrein neffens die Touwsriviermonding in Wildernis en ry dan met ’n ander een tot by die Gerickespunt-parkeerterrein wes van Sedgefield, waar jou stap begin.…

@elsje_bob Jonkershoek stel nooit teleur nie! Ek en my goeie vriend Chris Spies (in die foto) het besluit om die Panoramaroete dié dag ietwat aan te pas: Ons het by die Tweede Watervalroete begin en is by die steil Kurktrekker op. Vandaar het ons oor die Dwarsbergplato na Victoriapiek gemik, weer teruggestap plato toe en vandaar die Panoramaroete verder gevolg. Ek het hierdie foto van Chris op die Bergriviernek geneem. Waar? Die Jonkershoek-natuurreservaat lê knap oos van Stellenbosch teen die Hottentots-Hollandberg. Koste? R50 p.p. en R30 per kind Kontak 087 087 8250; capenature.co.za…

@charlsaccount Ek het hierdie foto binne die eerste halfuur van ons staptog geneem. Dit was in Desember, maar ons moes steeds musse en baadjies aantrek! Die helder kleure van die veldblomme was vir my aanskoulik, asook die mistigheid wat hoër op in die kloof gehang het. As ’n mens lekker fiks is, neem dit sowat twee en ’n half uur om die grot te bereik. Die roete behels ’n hele paar rivierkruisings en ’n mens stap ook deur ’n stuk groen oewerbos. Dit was ons tweede keer op die roete, maar beslis nie ons laaste nie! Waar? Die Garden Castle-wildernisgebied is sowat 33 km suidwes van Underberg in die Suidelike Drakensberg. Koste R45 p.p. en R20 per kind Kontak 033 701 1823; kznwildlife.com…

VIR GROENTJIESTAPPERS Het jy vriende wat onlangs eers begin stap het? Of vriende wie jy graag wil oortuig dat stap nie net ’n grendeltydgier is nie, maar ’n lekker leefstyl? Bederf hulle dan met ’n paar van dié basiese boustene. Hiking Trails of South Africa Daar is ’n hele paar redes waarom hierdie gidsboek deurWillie Oliver al agt keer herdruk is: Dit lys meer as 500 plaaslike staptogte – van die kortste dagstappe tot die wildste meerdagroetes. Dié roetes word volgens provinsies of streke gelys en elke afdeling bevat ook ’n streekskaart waarop die ligging van al die roetes aangedui is. Die roetebeskrywings is bondig, maar verskaf die nodige inligting soos afstand, geskatte staptyd, permitbesonderhede en selfs of daar ’n kaart by die beginpunt beskikbaar is.Voorin is notas oor noodhulp,…

Die Wolkberg is die soort plek waar ek dit nie alleen waag nie, daarom nooi ek twee vriende, Garry Townsend en Shane Anderson, albei ook berggidse, op my ekspedisie na hierdie onbekende gebied. Dis laat in Februarie en ons het slegs drie dae. Die oggend voor my verjaardag vertrek ons uit Pretoria en hou sowat vier ure later voor die Serala-bosboustasie – en dooiemansdeur – stil. Hier’s niemand in sig nie, ook g’n stapregister om te teken nie. Dan moet ons maar wag. Terwyl ek en Shane solank middagete maak, wys Garry – ’n voormalige Haenertsburger – vir ons op kaarte waarlangs ons voorgenome sirkelroete deur Wolkberg loop: Ons gaan afstap tot in die Mohlapitsevallei, dan die rivier stroomop tot in die Wonderwoud volg. Op dag twee gaan ons uit…

Dit voel inderdaad soos die lenteloop wat ons op skool altyd op die eerste dag van die seisoen gestap het. Kyk net al die bloeisels! Die groep van by die veertig stuks het vroegdag op die plaas Werda aan die oostekant van die vallei tussen die boorde begin stap en ek raak kort-kort agter van blommetjies afneem. Dis nog douvars, en die bye in die talle korwe tussen die rye vrugtebome is traag om aan die gang te kom. Maar die son sal nou-nou oor die Eurekapiek loer… Oor die volgende paar dae gaan ons heelwat van die plase hier onder die Witzenberg langs, bo in die noordehoek van die vallei onder die Groot-Winterhoek én teen die ooste onder die Obiquaberg te voet kruis. Heel voor stap Niel Zeeman, boer…

“Hierdie herinner my aan die begin van The Lord of the Rings, die toneel waar Frodo in die woudpaadjie afhardloop om vir Gandalf te groet,” sê Rachel Fischer. Dis ons eerste dag op die Fanie Bothastaproete en ek, Rachel en Annelize Mare het pas by die Ceylon-hut weggespring. As ’n voetpad deur ’n dennewoud reeds soos ’n hobbit se shire lyk, wag ’n fantasiewêreld vorentoe. Toe Rachel vroeër die week vir haar medewerkers van ons vyfdag-Fanie vertel, het een glo gegrap: “Ek hoop vir julle onthalwe die roete is makliker as die man!” Maar moeilik of nie, dié oudminister van die destydse Nasionale Party het ’n visie gehad. Die staproete is in 1973 geopen en was die baanbreker van ’n beoogde nasionale netwerk van voetslaanpaaie. Mnr. Botha het gedroom van…

@mbarnard_gardenroute Ek en my stapmaat, Jan-Hendrik Els, het dié dag die alternatiewe Pas-tot-Pas gestap, waarlangs ’n mens kort ná die beginpunt opklim tot op die kimlyn en van daar aanstap Montagupas toe. Toe ek sien hy gaan staan en tuur in die verte (terwyl ek ouder gewoonte agter geraak het!), het ek besef die figuur op die rotse verleen diepte aan die foto. Dit wys ook hoe groots die Outeniquas is. Waar? Die roete begin by die antenna (genoem Sputnik!) op die Outeniquapas en draai dan by die ou Topping-syspoor se halte bo-op die Montagupas. Koste R50 p.p. en R30 per kind Kontak 087 087 8250; capenature.co.za…

@andrew3008 Robberg is aangrypend! Myns insiens is hierdie roete vir stappers wat die Comrades vir drawwers is. Ek het die foto vanaf ’n punt op die roete genaamd The Gap genoem. Hiervandaan het ’n mens ’n mooi uitsig na alkante van die skiereiland. In die foto sien jy Robberg-eiland aan die suidekant, en my vrou, Benita. Waar? Die Robberg-natuurreservaat is op ’n skiereiland net suid van Plettenbergbaai. Koste R50 p.p. en R30 per kind Kontak 087 087 8250; capenature.co.za…

@nicolette7g Dié dagstap bly een van my gunstelinge! ’n Mens begin douvoordag by die Sentinel-parkeerterrein sodat jy teen sonsopkoms bo by die Tugela-waterval kan wees. Min ander dagstappe neem ’n mens tot bo-op die Drakensbergse platorand, wat nog te sê van tot bó die wolke voor ontbyt! Dis ’n moet vir enige Suid-Afrikaner. Waar? In die Noordelike Drakensberg. Los jou motor by die Witsieshoek Mountain Lodge. Koste Die pendeldiens wat jou van die lodge af tot by die beginpunt neem en weer in die namiddag kom oplaai, kos R160 p.p. Jy betaal ook R60 p.p.-tolgeld op die Witsieshoek-pad, sowel as R95 p.p. vir die staproete Kontak 058 713 6361; witsieshoek.co.za…

@grondspore Toe dit hierdie winter begin sneeu, was ek en my vriend Riaan Storm lus om iewers in die berge te gaan sneeu kyk. Miaspoort is nogal ’n uitdaging. Dis ’n bittersteil klim en dus kry die roete min verkeer. Ons het besef ons sou hierlangs beslis sneeu sien en boonop die berge vir onsself hê – wat toe wel die geval was! Die roete se draaipunt is die Italiaanse kruis bo-op Hugenotepiek wat opgerig is ter ere van die krygsgevangenes wat die pas tydens die Tweede Wêreldoorlog gebou het. Waar? Die roete begin op die Du Toitskloofpas oos van die Paarl. Wees op die uitkyk vir die “Worcester 50”-bordjie soos jy die pas uitry; die roete begin op die daaropvolgende draai agter ’n versperring. Koste R50 p.p. en R30…

Die Visriviercanyon bied nie uitsigte nie. Dit het ook nie woude of veel wild nie. ’n Waterval? Nee. ’n Piek om te verower? Ook nie. Hoekom praat stappers dan met ’n amperse eerbied van dié roete? Omdat dit so groots is. Dink net: Hoe het dit gelyk – geklínk! – daardie dag toe tektoniese plate mekaar ewe skielik uit die pad boender en die aardkors in ’n skeur wegsink? Vir hoe lank daarna het die grond nog gesidder? En van hoe ver af was die stofwolk van só ’n opskudding sigbaar? Hoe hoog was die Vis se watervlak? En hoe het die voorsate van dáárdie rivier se geelvis en waterhondjie gelyk? Wanneer ’n mens deur hierdie landskap stap, skiet jou begrip ver tekort. Jy probeer nog, maar laat vaar dit…