Indholdsfortegnelse for Weg Namibie 2023 i Weg!

Namibië het vele ongelooflike plekke wat ek weer en weer sal besoek: Spitzkoppe, Visriviercanyon, Möwebaai… om net ’n paar te noem. Maar as ek móét kies – sal dit die Skedelkus wees. (Lees op bl. 40 oor nog meer gunsteling-plekke.) ’n Paar jaar gelede het ek die geleentheid gehad om ’n onderhoud te voer met die hiënanavorser Emsie Verwey wat by die Hoanib Skeleton Coast Camp werk. Ons het in ’n klein vliegtuig van die Doro Nawas Lodge vertrek, dis sowat 80km wes van Khorixas af, en ’n uur later in die woestyn neergedaal. Daardie middag het Emsie ons geneem na ’n mooi kol vir skemerkelkies. Ek sal die plek nie weer alleen kan opspoor nie – dis waar ons op die foto sit – maar dis een van daardie…

NOODSAAKLIKE PAPIERE PASPOORT Dit moet vir nog ses maande of langer geldig wees ná jou vertrekdatum uit Namibië en moet minstens twee skoon bladsye hê. SERTIFIKATE Kinders jonger as 18 moet ’n oorspronklike, volledige geboortesertikaat hê behalwe as hulle ’n nuwe paspoort het wat hulle ouers se name lys. RYBEWYS Jou Suid-Afrikaanse een is geldig in Namibië – hou dit byderhand. VOERTUIGREGISTRASIEDOKUMENTE Dit moet oorspronklike dokumente of gesertifiseerde afdrukke wees. Onthou ook die dokumente vir jou sleep-of woonwa. MAGTIGINGSBRIEF As jy nog aan jou kar afbetaal, moet jy ’n brief van die bank hê wat jou toestemming gee om die kar oor die grens te neem. Indien jy iemand se ryding leen, moet jy ’n getekende toestemmingsbrief van daai persoon kry. Dié brief moet die kar se registrasienommer, die eienaar…

Op papier lyk die sending eenvoudig. Stap ’n week lank van oos na wes deur die Kuisebcanyon om te bepaal of dit ’n veilige en “amptelike” staproete kan wees. Daar was wel al mense in die canyon: Soos Henno Martin en Hermann Korn, twee jong Duitse geoloë wat tydens die Tweede Wêreldoorlog twee jaar lank met hulle hond, Otto, in en om die canyon weggekruip het. Hulle was bang dat die regering hulle sou opsluit. Martin het hulle ontberinge verewig in die boek Vlug in die Namib (die Engelse weergawe is The Sheltering Desert). Ons ingang tot die canyon lê sowat 140km oos van Walvisbaai naby die C14. Trouens, ’n grot waarin Martin en Korn gebly het, is naby die pad en oop vir die publiek. Die Kuisebrivier loop nie…

1 Soek ’n wildeperd by Aus Die Garub-watergat langs die B4, sowat 20 km wes van Aus, is die beste plek om dié perde te sien. 2 Besoek die Bogenfels Jy kan die Bogenfels net op ’n amptelike Sperrgebiettoer van Lüderitz af besoek. Jy voel so groot soos ’n mier as jy aan die voet van dié enorme rotsboog staan. Bogenfels is die uiteindelike beloning, maar daar skuil ander verrassings ook: Dit sluit in ’n ou myndorp, Pomona, en Fairytale Valley (genoem na ’n veld diamante wat eens hier geskitter het). Die toer is R4950p.p. (minimum van vier mense) – met drankies en versnaperinge. Jy moet ten minste 10 dae voor die uitstappie ’n kopie van jou ID (Namibiërs) of paspoort (besoekers) aan Sandwich Harbour 4x4 stuur. 🕽 00 264 81…

In 1489 skryf die Duitse kartograaf Henricus Martellus die eerste keer die naam “Praia dos Sardinha” (die sardienstrand) op ’n kaart van Suidwes-Afrika. Hy het staatgemaak op aantekeninge van die seevaarder Bartholomeu Dias. Dias het twee jaar tevore dieselfde plek “O Golfo de Santa Maria da Conciecao” gedoop toe hy hier aangedoen het op sy geskiedkundige seereis na Indië. Dit was 8 Desember, ’n Rooms-Katolieke heilige dag waarop Maria se Onbevlekte Ontvangenis gevier word. Die volgende naam wat jy op Portugese kaarte uit die 16de eeu aantref, is “Bahia das Bahleas”, oftewel Walvisbaai, vanweë die groot aantal walvisse wat in die baai aangetref word. Die eerste mense wat die gebied rondom Walvisbaai verken het, was die Nama en Topnaars. Hulle permanente nedersettings was verder suid en nader aan die vars…

1 Soek diere in Etosha Bespreek ten minste vyf aande in dié gewilde nasionale park: Twee in Okaukuejo vir tyd by die Ombika-, Olifantsbad en Nebrownii-watergat; twee in Halali vir tot teenaan die pan ry en by die Sueda-watergat vir roofvoëls wag, en ’n laaste aand by die stiller Namutoni. As jy baie verlof het, mik na die Olifantsrusruskamp met net 10 staanplekke. Dagtarief: R100 p.p.; R50 per voertuig. 2 Gaan op ’n sonsondergangrit in die Caprivi Bederf jouself en bespreek ’n sonsondergangvaart op die Kavango-, Kwando-én Zambesirivier. Jy sien watervoëls by dosyne, en dalk selfs krokodille, seekoeie en olifante. Dit kos tussen R350p.p. en R700p.p. 3 Bekyk Twyfelfontein se rotsgravures Twyfelfontein is ’n wêrelderfenisgebied met hope gravures (leeus, kameelperde, selfs ’n pikkewyn!) wat in rotse uitgekerf is. Dis R80 p.p. en…

In Namibië voel dit dikwels asof jy die eerste mens is wat deur ’n landskap reis; verplaas na ’n ander, ongerepte era. As dit nog altyd op jou wenslys was om dié verafgeleë dele van ons buurland te ontdek is dié Kunenestreekfotografietoer vir jou. Douwe Vlok, die ervare toergids van Heuningland Toere, neem ’n groep van 16 mense op 4x4-roetes tydens ’n kampvakansie waarop jy jou eie voertuig bestuur. En met Toast Coetzer van Weg wat saamgaan as fotografiegids om jou raad en wenke te gee oor hoe om jou fotografievaardighede te verbeter (alle kameras welkom, selfs slimfone!), gaan jy beslis meer as een foto neem wat almal by jou fotografieklub gaan laat “oe” en “aa”. Die toer begin by Spitzkoppe – tuiste van die bekende Rotsboog – en van…

Op ’n koue winteroggend in Julie 2022 besluit ek en my vrou, Christa, dat ons dringend ’n warmer plek moet soek. Net daar val die keuse op Brandberg in Namibië waar ons 55 jaar gelede as verloofdes getoer het. Ons het destyds die land verken in my eerste viertrekvoertuig, ’n klein Jeep. Omdat ek as jong laaitie vyf jaar in Namibië gebly het, wou ons die westelike dele, hoofsaaklik Damaraland verken; ’n deel wat ons telkemale sou teruglok. Daardie toer was Christa se eerste keer in die land. My eerste reis op eie stoom was die vorige jaar toe ek en ’n Namibiese studentevriend Hennie Mynhardt die grootliks grondpad na Windhoek met my nuwe 1965 Volkswagen Kewer aangedurf het. Die kar het R1360 nuut gekos en ons het brandstof bereken…

Namibië was ons eerste buurland wie se grense tydens die pandemie oopgemaak het. Johan en Jana Wahl van Muizenberg, Kaapstad, het toe ’n geleentheid vir ’n onverwagte avontuur gesien. Ná maande se beplanning, kaartwerk en in-en uitpakkery, klim hulle op hulle fietse en verlaat die Kaap. Rigting Kunenerivier! Die Namibiese skof begin op Vioolsdrif in Augustus 2021 en eindig tien weke (rusdae ingesluit) later by die Epupawaterval sonder enige noemenswaardige meganiese probleme. Vandaar af duimry hulle huis toe. Hulle vertel wat dié 3000km-fietstoer hulle geleer het. Johan: Daar’s ’n paar plekke in die land waarheen ons nog altyd wou reis – ons beplan toe ’n toer wat al dié plekke verbind. Jana: Kaokoveld was heel boaan die lys, veral die Vanzylspas. Johan: Ons gaan nie binnekort ’n 4x4 aanskaf nie,…

BEKOSTIGBAAR (Sien bladsy 12.) HELMERINGHAUSEN EN TIRASBERG 1 Namtib-biosfeerreservaat Die D707 is bekend as die grondpad met die mooiste uitsigte in Namibië. Dis dus reeds iets besonders net om tot by die ingang van dié reservaat te ry. Die Little Hunter’s Rest-kampterrein is 3km van die lodge af. Jy kyk uit oor die Tirasberg en rooiduine van die Namibwoestyn na die weste. Kamp: R250p.p. (geen krag, braaiplekke, warm storte, ’n gemeenskaplike windskuiling vir woeste aande). Lodgekamers vanaf R1400p.p. met ontbyt. Jy kan op gemerkte roetes in die veld stap of ’n piek uitklim (gratis). 🕽 00 264 63 683 055 🖰 namtib.net 2 Ranch Koiimasis Op dié plaas kan jy stap en perdry. Slegs toeganklik van die D707 af. Kamp (5 private staanplekke met eie braaiplek en skoon drinkwater; gemeenskaplike…

Bethanie word aanvanklik Klipfontein of Uiǂgandes genoem deur die Boois, ’n Oorlam-familie wat hulle in 1804 daar gevestig het. Bethanie is in verskeie opsigte ’n dorp van eerstes. In 1814 stig die Londense Sendinggenootskap die eerste sendingstasie hier. Die sendelinge Johann Heinrich Schmelen en Hans Christian Knudsen wend van die eerste pogings aan om die Nama-taal neer te pen. Die huis wat Schmelen bou, word beskou as die naasoudste huis in die Europese styl in die land. Die kerke wat die sendinggenootskappe oprig, is ook van die oudstes in die land. Én in 1883 vind die eerste koopkontrak-onderhandeling hier plaas in die huis van die Nama-kaptein Josef Frederik toe ’n gesant van Adolf Lüderitz die grond koop waarop die gelyknamige hawedorp later gevestig sou word. Die dorp was ook in…

1 Verken die baai Jy besef eers hoe groot die baai van Walvisbaai is as jy met ’n seiljag daarop vaar. Vandat ’n mens uit die hawe vertrek tot by Pelican Point – die skiereiland se verste punt – is dit sowat 10 km! Hier is só baie lewe in die strandmeer dat jy kan wildkyk op die water. Trouens, jy kan Namibië se Groot Vyf van die see afmerk: Rob, dolfyn, sonvis, walvis en leerrugseeskilpad. En dalk kom rus ’n pelikaan ’n rukkie op die boot! Die pelsrobbe, sowat 60 000 sterk, sien (en ruik) jy by Pelican Point terwyl Heaviside se, stompneus-en vaaldolfyne én sonvisse gereeld in die strandmeer ’n draai maak. Tussen Julie en November kuier die suidelike noorkappers en bultrugwalvisse ook hier. En asof die seelewe…

Ugab Terrace Lodge ’n Padteken waarsku dat dit hef aan is teen ’n stewige helling voordat ’n mens die lodge bereik. Weet jy wat word gesê van steil paaie? Ek ook nie, maar dis dalk iets soos hoe hoër, hoe mooier. Want jy sal wraggies ver moet soek om ’n beter 360°-uitsig te kry oor die Ugabvallei as hier van die Ugab Terrace Lodge af wat op een van die terrasse gebou is. Sekere lodges maak hulle daaraan skuldig om die omliggende natuur te onderspeel deur jou met luukse dekor te verlei om eerder binnenshuis te bly. Nie dié lodge nie. Hier voel jy deel van die omgewing danksy die balans tussen eenvoud en elegansie; eindelose uitsigte en netjiese kamers met dik handdoeke en wit linne. Van hier bo af…

PARKTARIEWE Dié tariewe is tans: Vir SAOG-lede: R100 p.p., R50 per kind jonger as 16 jaar en vanaf R50 per voertuig in die |Ai|Ais-, Etosha-, Namib-Naukluft-, Dorob-, Waterbergplato-en Skedelkus-nasionale park, Sperrgebiet en die Kaap Kruis-reservaat. Vir die ander parke is die parktarief R70 p.p., R30 per kind en vanaf R50 per voertuig. Onthou dus om ook vir dié bedrae per dag te begroot wanneer julle in ’n nasionale park oornag. KRY ’N KAART! NAMLEISURE-KAART Met ’n NamLeisure-kaart in jou beursie kry jy 25% afslag op Namibia Wildlife Resorts se blyplekke, maaltye en aktiwiteite – ons het die plekke met “NWR” in die blyplekkegids aangedui. Dit sluit kampplekke uit. ’n Enkelkaart kos R500p.p. en ’n gesinskaart (2 ouers en 2 kinders tussen 13 en 17) kos R1400. Albei is vir SAOG-burgers…

Op die oostelike rand van die Namibwoestyn het miljoene okergekleurde kolle tussen die gras landskappe met ’n unieke skoonheid geskep. Dit word dikwels beskou as een van die grootste ekologiese raaisels nóg, skryf Norbert Jürgens in sy jongste boek, Fairy Circles of the Namib Desert. Jürgens is die hoof van die biodiversiteitstudiegroep van die biologiedepartement aan die Universiteit van Hamburg. Hy verduidelik dat lang grasse soms op die buiterand van die leë kolle groei en tot die verskynsel lei wat ons as feetjiesirkels ken. Tot in die jare sewentig was niemand juis gepla met dié “sirkels” nie; hulle is gewoonlik 3m tot 20m in deursnee. Die plaaslike Himba-mense vertel dat dit maar nog altyd daar was en as goeie krale dien vir hulle diere. Indien daar ooit tradisionele mites oor…

MIDDEL NamibRand-natuurreservaat Dié 2 250 km²-reservaat is geseën met beeldskone landskappe, ’n oorvloed fauna en flora, en ongeëwenaarde fotogeleenthede. Dit maak nie saak of jy stap, ry of op ’n begeleide toer is nie, die duine, vlaktes en valleie gáán jou oorrompel. Hier’s ’n paar blyplekke in die reservaat. Die Family Hideout (#111, bl. 104) is ’n bekostigbare keuse. Die opgeknapte en smaakvolle plaashuis is net reg vir ’n klein groep vriende terwyl avontuurlike reisigers aanklank sal vind by die drie private kampplekke met ’n geriefie of twee (spoeltoilette en warm water). – Phil Sturgess en Carina de Klerk MIDDEL Gamsbergpas Namibië is nie juis bekend vir bergpasse nie. Maar om van die Khomas Hochland-plato in die middel van die land na die woestyn te ry moet jy bergaf. En…

1 Stap na Sossusvlei en Dooievlei Bly by die Sesriem-of Oshanakampterrein as jy foto’s wil neem. Die kampterreine is in die Namib-Naukluft- nasionale park; dus mag jy ’n uur vroeër soggens inry en ’n uur later saans terugkeer. Die ongeveer 50 km van Sesriem tot by die Sossusvleiparkeerterrein is geteer. Van hier kan jy met Namibia Wildlife Resorts (NWR) se 4x4-taxi (R180 p.p. retoer) of jou 4x4 die 4 km-sandpad tot in Sossusvlei ry. Parktarief: R100 p.p.; R50 per voertuig. 2 Neem foto’s by Spitzkoppe Jy het ten minste twee dae nodig om dié knoetse te verken – bespreek ’n nag of drie by die Spitzkoppe-gemeenskapskamp. Stap rond, klouter oor rotse, kyk rotskuns of neem foto’s van die ongewone rotsformasies (ook die bekende Boogrots) en koppe. Dagbesoekers: R120p.p. (R80 per kind tussen…

BEKOSTIGBAAR (Sien bl. 12) SKEDELKUS EN HENTIESBAAI 1 St Nowhere Spa and Campsite Hierdie gewilde oord en visvangkol is sowat 110km noord van Henties. Kamp vanaf R525p.n. vir 5 mense en R105 per ekstra persoon. As jy voor teen die see met jou eie ablusie wil kamp, kos dit vanaf R600p.n. vir 5 mense. Selfsorgbungalows kos vanaf R1490p.n. vir 4 mense, R248 per ekstra persoon (slaapplek vir 5 tot 9 mense). ’n Groot groep, tot 13 mense, kan die groot huis bespreek vir vanaf R2980p.n. (vir 8 mense, R248 per ekstra persoon). Pryse sluit nie die 2%-toerismeheffing of beddegoed (R40p.p.) in nie. Hier is ’n kiosk wat basiese voorraad verkoop en in die somervakansie is ’n restaurant oop. 🕽 00 264 81 124 0879 🕽 00 264 81 252 9422…

BEKOSTIGBAAR (Sien bl. 12) BESPAAR IN DIE SOMER Verskeie lodges en kampe in die noorde bied groot afslag aan in die hoogsomer (Januarie tot Maart, soms April). Dis dan vrekwarm en kan reën, maar jou beursie gaan baie daarvan hou as jy in dié maande toer. GEMEENSKAPS-KAMPE Die Kaokoveld en Damaraland het baie gemeenskapskampe. Jy kry hulle nie maklik op die foon in die hande nie, maar jy kan bloot opdaag, inry en aanmeld – iemand sal jou weldra help. KAOKOVELD EN KUNENERIVIER 1 Epupa Falls Lodge Dis 200km noord van Opuwo op die oewer van die Kunenerivier. Die lodge het ’n restaurant, kroeg, houtdek en swembad. Kamp (5 staanplekke): vanaf R200p.p. (maks. 4 voertuie of 2 voertuie en 2 sleepwaens), plus R100 per sleepwa of woonwa. Drie gesinseenhede, vyf…