Finweek - Afrikaans 25-Feb-16

twee dinge lyk duidelik: Pravin Gordhan, minister van finansies, sal nóg ’n verhoging van persoonlike inkomstebelasting (asook die gebruiklike sondebelasting en brandstofheffings) aankondig wanneer hy die begroting op 24 Februarie aanbied, en die een of ander tyd vanjaar sal Suid-Afrika se nasionale skuldgradering tot riskante status verlaag word. Sover is ons deur taamlik standvastige verbruiksbesteding beskerm. Verlagings van reële lone en ’n beduidende toename in werkloosheid het nog nie plaasgevind soos in onderskeidelik Rusland en Brasilië gebeur het nie. Die verbruikerspartytjie sal egter nie aanhou nie, waarsku die graderingsagentskap Moody’s in ’n verslag: stygende inflasie en hoër rentekoerse sal druk op reële inkomste plaas. ’n Verswakking van winsgewendheid in die korporatiewe sektor sal laer inkomstegroei veroorsaak, sê Moody’s. Terwyl Gordhan en pres. Jacob Zuma ’n heuningsmeerveldtog begin het om vrese…

n á twee weke op die internasionale kringloop van besoeke aan die dekane van sakeskole, het ek huiswaarts gekeer in die vaste oortuiging dat Suid-Afrika nie die enigste is wat swaar trek nie. ’n Groot deel van die wêreld worstel met ’n sosio-ekonomiese warboel en is besig om by ’n “nuwe normaal” te probeer aanpas. In Europa is baie gesê oor die wêreldekonomie en die huidige migrantekrisis, die impak op maatskaplike kohesie en die diepgewortelde onbestendigheid in die Midde-Ooste. In Amerika was die luim minder somber, maar daar was kommer oor die impak van tegnologiese verandering op sakeondernemings se mededingendheid. Terug in Suid-Afrika wil dit voorkom of die “groen lote” van leierskap waarna ek in finweek 3 Desember verwys het effens verlep het, en ondanks die gehalte van verlede week…

“SUID-AFRIKA IS OP ’N BAIE DONKER AAND OP ’N DIEP SEE. [EN] SY KAPTEINS IS GEBLINDDOEK EN SONDER ’N KOMPAS.” – Zwelinzima Vavi, voormalige hoofsekretaris van Cosatu, in ’n paneelbespreking by Wits se sakeskool ná pres. Jacob Zuma se negende staatsrede. “Mens kan nie dié studente se optrede verdedig nie, maar mens sien net ’n mal land wat op pyn gebou is en wat dié met mag en geld weier om op te los.” - Nomalanga Mkhize, geskiedenisdosent aan Rhodesuniversiteit, in ’n Twitter-opmerking nadat studente wat oor ’n gebrek aan akkommodasie by die Universiteit van Kaapstad betoog het, op 16 Februarie kunswerke, ’n motor en ’n bus uitgebrand het. “Dis nie die aanbieding van ’n kletsprogram of ’n realiteitsprogram nie. Dis nie reklame nie. Dis nie bemarking nie. Dis moeilik.…

toe Moira Johnston vroeër in bemarking by een van Suid-Afrika se grootste regsfirmas gewerk het en gesukkel het om ’n geskikte lokaal te vind, het sy besef daar is ’n gaping in die mark vir ’n enkele platform waar ’n mens vergelykende spesifikasies en kwotasies vir lokale te huur kan vind. “Dit het altyd dae lank geduur om ’n geskikte konferensielokaal te vind. Jy moes elkeen afsonderlik bel en vra of hulle die regte geriewe het. Dit was die begin van die idee van EventRoom,” sê Johnston, wat voorheen ’n aanlyn regsmaatskappy, Lawyer Up, begin het. Nadat sy ’n partytjie vir ’n vriendin se nuwe baba bygewoon het, het sy besef dat dit ook ’n ideale plek sou wees vir haar eie verjaarsdagpartytjie. Dit het haar ook laat besef daar…

GEVAARLIKE REIS Die Chinese kunstenaar Ai Weiwei het die pilare na die ingang van die Konzerthaus in die Duitse hoofstad, Berlyn, met 14 000 reddingsbaadjies bedek om Siriese vlugtelinge se benarde omstandighede uit te lig. Daarby het die kunstenaar die koppe van sy reisende tentoonstelling genaamd Circle of Animals/Zodiac Heads: Bronze, wat tans in Praag in die Tjeggiese Republiek te sien is, met foeliekomberse bedek soos dié wat gewoonlik aan vlugtelinge uitgedeel word om hulle mee warm te hou. TURKYE WIL BESKERMING EU SOEK NA OPLOSSINGS VIR SY GRENSE HÊ 25km Turkye, Saoedi-Arabië en party van Turkye se Europese bondgenote het aangedui dat ’n behoefte bestaan om grondtroepe in Sirië te ontplooi, aangesien die Siriese regeringsmagte, met Rusland se steun, tot binne 25 km van die suidoostelike grens van Turkye…

Hy het $2 miljard in van-die-hand-sittings bekend gemaak, meer as wat in Desember beplan was – wat die totale waarde van geteikende bateverkope tot $4 miljard opgestoot het toe Mark Cutifani in 2013 as uitvoerende hoof van Anglo American by sy voorganger, Cynthia Carroll, oorgeneem het, was daar gissings – en twyfel – of hy die soort leier was wat hom uiteindelik bo “die Anglo-kultuur” sou kon verhef. Die siening in die mark was dat Carroll misluk het en nie genoeg gedoen het om die tradisionele klub van baantjies vir boeties af te breek wat oënskynlik in die gange van sy Johannesburgse kantoor by Mainstraat 45 en in sy eweknie in Brittanje in Londen se St. James bestaan het nie. ’n Vrou, boonop ’n Amerikaner met ’n neiging om lank…