Innehållsförteckning för 11-may-17 från Finweek - Afrikaans

in 2005 is ek as junior tegnologieverslaggewer na Tunisië om verslag te doen oor ’n VN-konferensie oor die inligtingsamelewing. ’n Hoogtepunt was die bekendstelling van die “Een skootrekenaar per kind”-inisiatief wat daarop gemik was om ’n goedkoop en betroubare skootrekenaar met – die heel belangrikste – ’n internetkonneksie aan elke kind in die ontwikkelende wêreld te gee. Die internet is die potlood van die toekoms, het iemand gesê, en elke kind moet toegang tot een hê. Dit het baie ambisieus geklink – persoonlik kon ek nie ’n skootrekenaar bekostig nie, wat nog een met internetkonneksie. Om artikels van daardie konferensie te stuur was afhanklik van die toestand van die hotel se antieke lessenaarrekenaar met ’n Franse sleutelbord en onbetroubare internetkonneksie. Ek is hieraan herinner toe ek in die afgelope twee…

die woord nasionalisering word deesdae toenemend roekeloos gebruik in Suid-Afrika. Die basiese definisie daarvan is om ’n belangrike deel van die nywerheid of handel van private na staatseienaarskap of -beheer oor te dra. Party mense wil banke, myne en grond nasionaliseer; ander wil hê dat die staat sy eie weergawes van sekere entiteite stig, en vergeet dalk dat daar reeds ondernemings in staatsbesit op dié terreine is, soos die Ontwikkelingsbank van Suider-Afrika en Alexkor. Dit is waarskynlik nuttig om eers te dink aan hoekom regerings by die nywerheid betrokke raak. Die hoofrede, en na my mening die enigste geldige een, is dat die staat betrokke raak by sektore waarby die private sektor nie betrokke wil raak nie. Dit is gewoonlik in sektore waar die private sektor - wat aanspreeklik is…

My “lui” tegniese stelsel gee ’n koopaanduiding vir die Nikkei 225 as die indeks op Vrydag, 5 Mei bo 19 197 sluit. Ek sal die DBXJP- beursverhandelde fonds (ETF) dus op Maandag 8 Mei koop, net ná die opening. Ek gebruik ’n tegniese stelsel wat berus op weeklikse grafieke van die indeks met drie eksponensiële bewegende gemiddeldes (EBG’s). Die eerste twee is die 30- en 60-week-EBG’s; die korter 30-week-EBG moet bo die 60-week-EBG wees om ’n opwaartse tendens te bevestig. Ek wag dan vir ’n sluiting waar die indekswaarde gedurende die week van onder die 15-week- EBG na bo die lyn beweeg het. Dit is my aanwyser, en dit het op Vrydag, 28 April gebeur. Daarna vereis ek ’n positiewe week ná die aanwyser as bevestiging voordat ek die mark…

ek het op 13 April in Hyde Park-winkelsentrum gesit, ’n cappuccino geniet en ’n bietjie leeswerk gedoen. Skielik het ek êrens harde slae gehoor. Ek het rondgekyk, maar kon nie sien waar dit vandaan kom nie, maar ek het opgemerk dat die mense rondom my ook van die geraas bewus was. Daar was mense by sowat tien tafels. ’n Vrou het opgestaan en vinnig na ’n veilige gebied geloop. Ná ’n paar sekondes het vuurwapenskote en ’n geskree van dieselfde gebied gekom. Ek en die ander mense het opgespring, ons sakke gegryp en na veiligheid gesoek. Meer skote. Toe sien ek iets vreemds – ’n paar mense was op pad na die gebied waar die skote vandaan gekom het. Die meeste mense het na veiligheid geskarrel, maar dié minderheidsgroepie was…

malusi Gigaba, nuutaangestelde minister van finansies, het hom dapper voorgehou nadat die internasionale kredietgraderingsagentskappe Standard & Poor’s (S&P) en Fitch Suid-Afrika se staatskuldgradering drasties verlaag het, en het gou behoedsame beleggers verseker dat die regering sy fiskale dissipline ná ’n groot kabinetskommeling deur president Jacob Zuma sal volhou. Gigaba se woorde en optrede sal die uitslag van die regering se geweldige infrastruktuurveldtog bepaal wat tydens die vet jare gesukkel het om die gewenste “inklusiewe groei” op te lewer. Gigaba was in die laaste week van April in Amerika om die vrees te probeer besweer dat die graderingsverlagings leningskoste sal verhoog en die staat se vermoë sal knou om infrastruktuur te lewer in ’n ekonomie wat onder ’n stagnante groeikoers, hoë inflasiekoers en toenemende werkloosheid gebuk gaan. Die vrees is nie…

mense koop nou goedkoper motors en verkies gebruikte motors eerder as nuwes, en hou dan ook hul motors langer. Dit is ’n ekonomiese werklikheid, maar nie noodwendig iets sleg nie. ’n Motor is ’n depresiërende bate, en voertuie het oor die afgelope paar dekades betroubaarder geword. Dus, terwyl ekonomiese werklikhedd baie mense verplig om hul motors langer te hou, maak meer betroubaarheid dit darem makliker om te doen. Maar baie mense vind dat dié einste werklikhede hul skuldlas heelwat vererger. Behalwe diegene wat nog gelukkig genoeg is om nuwe motors deur hul werkgewer te bekom, koop al hoe meer mense gebruikte motors wat hulle afbetaal oor 72 maande, wat heelwat langer as die historiese norm is, sê George Simitopoulos, uitvoerende hoof van carfin.co.za. Hoe korter die termyn, hoe vinniger betaal…

Ons gee vandeesweek ’n kopie van Rafique Gangat se outobiografiese boek Bending the Rules weg. Daarin beskryf hy sy ervaringe as Suid-Afrika se eerste gekleurde diplomaat. Vir ’n kans om dit te wen, voltooi die aanlyn weergawe van dié vasvrawedstryd, wat vanaf 8 Mei by fin24.com/finweek beskikbaar sal wees. 1 Waar of vals? Die Namibiese dollar is aan die rand gekoppel. 2 Van watter telekommunikasiemaatskappy is Jacques du Toit die uitvoerende hoof? 3 Waar of vals? President Donald Trump van Amerika het gesê hy is bereid om Kim Jong Un, leier van Noord-Korea, te ontmoet. 4 Watter term het The Economist vir ’n moontlike omkeer van Brexit geskep? ▪ Unbrex ▪ UKStay ▪ Brexreverse 5 Waar of vals? Naspers se aandeelprys het onlangs nog ’n algehele hoogtepunt op die JSE…

Wanneer jy moeg gehuil is oor wat in ons geliefde land aangaan, is al wat oorbly om te lag. Dis vir jou Suid- Afrika, waar daar veel is om oor te lag, veral omdat ons politieke leierskap klaarblyklik in ’n klugspel ontaard het. Onlangs is die hoofrolle in dié klugspel vertolk deur die geskorste hoof van die Valke, Berning Ntlemeza, en die minister van polisie, Fikile Mbalula. Ntlemeza het – tot Mbalula se afgryse – ’n hofbevel en die minister se streng opdrag om weg te bly verontagsaam deur steeds ongenooid by die Valke se hoofkantoor op te daag. Die hof het vroeër Ntlemeza se aansoek om verlof tot appèl teen die tersydestelling van sy aanstelling van die hand gewys. Mbalula het in ’n perskonferensie op 25 April sy weergawe…

Opbrengs is konsekwent hoog Centaur BCI Balanced Fund se hoofoogmerk is om aan beleggers matige algehele opbrengs op lang termyn te bied. Wat die fondsbestuurder sê: By Centaur Asset Management “glo ons aan intelligente belegging”, sê Roger Williams, fondsbestuurder. Hy sê dit behels die toepassing van verskeie bewese beleggingstrategieë, wat hulle help om uitstekende geleenthede te identifiseer terwyl dit diversifisering bied. “Ons kombineer dit met sterk risikobestuursprosesse om die wisselvalligheid te verminder en kapitaal te bewaar,” sê Williams. Die fonds gebruik verskeie beproefde strategieë vir batetoewysing en aandeelkeuse om sy maatstaf te oortref. Hy sê die fonds is vir beleggers met matige risikokapasiteit maar wat goeie reële opbrengs vereis. Dit sluit in afgetredenes, wat ’n maandelikse inkomste uit die fonds kan haal. Williams sê Centaur se beleggingsfilosofie weeg waarde op…

PURPLE GROUP Vinniger groei is nou nodig Purple Group, eienaar van Easy Equities en GT247, het resultate uitgereik wat op ’n uiters moeilike omgewing dui. Hy het sy belang in Real People afgeskryf, wat hom sowat R43 miljoen uit ’n totale verlies van net meer as R61 miljoen gekos het. Selfs sonder die laer waardering het die groep dus ’n verlies aangeteken vir die ses maande tot einde Februarie 2017. GT247 is erg geknou, want winste het van oor die R28 miljoen tot net meer as R1 miljoen gedaal. Purple se eintlike storie en toekoms lê egter by Easy Equities, en ofskoon hy baie kliënte bygekry en sy inkomste toegeneem het, het hy net oor die R15 miljoen verloor op inkomste van R3,4 miljoen. Inkomste was 116,9% hoër, maar Purple…

die interessantste dinge in my weeklikse rubrieke is nie noodwendig al die data of syfers wat ek weergee nie, maar soms eerder die “wyshede” wat daarmee gepaardgaan. Ek het onlangs gaan sit en van my ou verslae gaan deurlees en gemerk hoeveel keer ek my jong dogtertjies (in daardie stadium) in my verslae genoem het. Met onderskeidelik ’n paar maande van skool oor vir die een en ’n jaar vir die ander, kan ons sekerlik saamstem dat hulle beslis nie nou meer klein is nie. Waar hulle as klein kinders alles mooitjies aanvaar en uitgevoer het wat ek en my vrou vir hulle gesê of gevra het, word dinge nou toenemend bevraagteken. Verstaan my goed; ek is heeltemal ten gunste van die feit dat hulle dinge bevraagteken, maar met vrae…

Daar is talle ander beleggings in die tegnologiesektor en nuwe noterings vind gedurig plaas. Maar dié noterings se groeivooruitsigte en waardasies op lang termyn is nie altyd so duidelik nie. Byvoorbeeld, die inkomste van Tesla, wat in die elektriese motor investeer, het verlede jaar met 73% tot $7 miljard gestyg, maar hy het ’n netto verlies verklaar. Sy aandeelprys dui op reuseverwagtinge, maar ontleders verskil oor of daaraan voldoen sal word. “Dit is moeilik om uit ’n waardeoogpunt te verstaan,” sê Talpert. “Hy het die internasionale motorbedryf verander, maar al die internasionale maatskappye doen dit ook.” Daar is ook steeds ernstige beperkings, soos batteryleeftyd en infrastruktuur-bottelnekke, wat oorkom moet word. “Baie optimisme is by die prys ingebou – en baie verwagtinge – en daalpotensiaal bestaan as daar nie daaraan voldoen…

baie van ons is al daardeur. Die eerste teken verskyn op die straathoeke in woonbuurte. In my buurt het stukke pienk materiaal om ’n paar pale gekeer dat niemand in een van die reusegate val wat gegrawe is nie. Kort daarna het spanne werkers op ons straat toegesak en slote gegrawe om die veseloptiese kabels aan te lê. Daar was ’n bietjie indirekte skade; enkele goed versorgde sypaadjies het in die slag gebly. Maar binne ’n week of twee was die straat weer min of meer sy ou self. Straataf het nuwe betonbane geloop waar die slote opgevul is, littekens van die operasie wat uitgevoer is. Ons woonbuurt het vesel gehad; ons het op die verkoopspraatjies gewag. Aangesien ons in ’n lae- tot middelinkomstebuurt woon, verbaas dit nie dat ons…

Nkandla Homestead @NkandlaHome AAN ALLE MEDIA: Hierdie #WorkersDaygeboe- ery is duidelik die werk van Wit Monopolistiese Kapitaal, selfs as diegene wat boe Swart Sosialistiese Arbeid is. Bette Midler @BetteMidler #Ivanka doen steeds sake uit die Withuis. Sy moet eerder velsorgmiddels smous. Haar pa se presidentskap laat ons verouder dat dit klap. Julius Cobbett @jules52 Die Valke spits hulle oordadig toe op ’n geestesversteurde samesweerder, maar ignoreer naarstiglik omkoopgeld van R600 miljoen van ’n adjunkminister van finansies. Songezo Zibi @SongezoZibi Grond gaan nie werklik ’n rasse-oorlog in Suid-Afrika ontketen nie. Die temperatuur van die kantoor se lugversorging gaan wel. Ware passie. Sven Henrich @NorthmanTrader Om met jou vrou te argumenteer is soos om ’n sagtewarelisensie-ooreenkoms te lees. Uiteindelik moet jy alles ignoreer en op “I Agree” klik. KE SHARP @danielmarven Mense…

transparency International publiseer ’n jaarlikse korrupsiepersepsie-indeks (KPI) wat “waargenome vlakke van korrupsie, soos bepaal deur deskundige evaluasies en meningsopnames” in 175 lande meet. Die KPI se definisie van korrupsie is die wangebruik van openbare mag vir private voordeel. Dit fokus dus hoofsaaklik op korrupsie in en deur die openbare sektor. In 2015 het Suid-Afrika die 61ste plek onder 168 lande beklee met ’n telling van 44 uit 100. ’n Telling van 100 beteken dat ’n land bykans geen korrupsie het nie en ’n telling van 1 beteken die land is heeltemal korrup. Wat veral ontstellend in Suid-Afrika is, is dat senior politieke leiers hul magsposisies en verdagte metodes gebruik om hulself te verryk deur byvoorbeeld tenders aan familielede toe te ken, en staatsgeld te gebruik vir hul persoonlike behoeftes. Willie…

die Mededingingskommissie is van mening dat deregulering van die prys vir vloeibare petroleumgas (LPG) tot groter mededinging en laer pryse vir verbruikers kan lei, wat die opname van die produk sal bevorder. Hy sê egter die Suid- Afrikaanse LPG-mark is nog nie gereed vir deregulering nie. Hy doen trouens ’n beroep om meer kontrolering en regulering. ’n Opname van die departement van energie in 2012 toon aan dat slegs ’n klein aantal hoë-inkomstehuishoudings gas vir kook en verwarming gebruik. Dit was een van die bekommernisse van die kommissie toe hy in 2014 ’n marknavorsingsondersoek in die sektor ingestel het. In sy finale verslag, wat verlede week vrygestel is, beweer die kommissie die sektor se struktuur is bevorderlik vir samespanning en daar is talle knelpunte wat aangespreek moet word. Die kommissie…

redefine Properties is een van die grootste genoteerde eiendomsmaatskappye in Suid-Afrika, met kleinhandels-, kommersiële en nywerheidseiendomme. Hy besit beduidende belange in Redefine International, Cromwell van Australië en Echo Polska Properties van Pole, wat aan hom internasionale blootstelling gee. Mense belê gewoonlik in eiendomsfondse omdat genoteerde eiendom ’n gepaste alternatief vir die besit van fisieke eiendom is, sonder die stres waarmee die invordering van huurgeld, onderhandelinge oor verhuring en instandhoudingswerk gepaardgaan. Redefine se belangrikste bates is onder meer Centurion Mall en East Rand Mall in Gauteng en die N1 City Mall en Kenilworth Centre in die Wes-Kaap. Terwyl die fundamentele faktore vir die eiendomsektor verswak het, bied genoteerde eiendom steeds die vermoë om ’n goeie en gereelde inkomste te genereer, naas positiewe kapitaalgroeivooruitsigte op lang termyn. As bateklas het genoteerde eiendom…

die uitslag van Brittanje se EU-referendum waartydens 51,9% van die kiesers gestem het om die Europese Unie te verlaat, het Britse aandele, en veral sekere eiendomsmaatskappye, hard getref. Maar dit lyk asof ’n ratverandering intree te oordeel aan die herstel in pryse. Een van die aandele wat die kwaaiste getref is, is Capital & Counties plc, wat met 59% verswak het sedert sy hoogtepunt in Desember 2015. Dit is veral daaraan toegeskryf dat hy oor waardevolle eiendomme in die hartjie van Londen beskik wat na verwagting druk sou ervaar omdat internasionale maatskappye wat tans gemaklik in die reusemark van die Europese Unie sake doen, beperkinge weens Brexit verwag en dus na ander Europese sentrums sal skuif. Die besluit van die May-regering om ’n verkiesing in Junie uit te roep, skep…

Beleggers kan regstreeks of deur verskeie effektetrusts, indeksfondse of beursverhandelde fondse (ETF’s) of deur fondsbestuurders belê. Daar is ’n paar platforms wat taamlik groot beleggingsbedrae vereis, maar beleggers kan goedkoop aanlyn opsies vind, soos PSG Online en Standard Bank se Webtrader. Sandesh Ganasee, aandeelverkoopen- verhandelingsbestuurder van Webtrader, sê dié platform bied die hele reeks Amerikaanse instrumente. “As jy nie in individuele aandele wil belê nie, is daar verskeie ETF’s en ander instrumente vir elke smaak of blootstelling,” sê hy, soos die SOCL-indeks, ’n sosialemedia-indeks- ETF wat na beleggings in Tencent, Facebook en Twitter ooorhel. Hy sê baie beleggers wat Webtrader gebruik, kies Vanguard S&P 500, wat nie net in die tegnologiesektor belê nie, maar wat wel blootstelling aan die groot tegnologieaandele insluit. Beleggers verhandel in harde geldeenhede (dollar, euro of…

stel jou twee scenario’s voor. In die eerste is jou onderneming winsgewend, maar jy weet dat dit moeilik kan wees om dit na die volgende vlak te voer omdat die mark versadig is of jy ongemaklik baie skuld moet aangaan om jou uitbreiding te finansier. In die tweede sien jy hoe jou inkomste en wins bestendig daal – dalk omdat ’n groot maatskappy jou mark betree het met pryse wat jy nie kan ewenaar nie of omdat jou bedryf verander. Dink maar net aan die posisie van eienaars van DVD-verhuringswinkels of mense wat vir ’n lewe programmatuur op rekenaars installeer. As jou onderneming in een van dié twee soort situasies is, kan dit sin maak om diversifisering te oorweeg. Hier is naas dié twee redes nog tekens hoekom jy dit…

Om te werk is selfs onder gewone omstandighede ’n spanningsvolle affêre, maar as jou baas die omstandighede onhoudbaar maak, word dit ’n nagmerrie. Baie mense raak so desperaat dat hulle meen om te bedank is ’n beter opsie as om ’n enkele dag langer te werk. Dit lyk egter ook of baie mense nie meer bloot die ander wang draai nie. Ál meer beweer hulle het bedank omdat hul werkgewer dit vir hulle ondraaglik gemaak het by die werk. Gillian Lumb, direkteur en praktykhoof by Cliffe Dekker Hofmyer in Kaapstad, waarsku dat ’n geskil oor konstruktiewe ontslag een van die moeilikste geskille is wat ’n werknemer na die Kommissie vir Versoening, Bemiddeling en Arbitrasie (KVBA) of bedingingsraad kan verwys. Anders as met ontslag weens wangedrag, waar die werkgewer moet bewys…