Innehållsförteckning för 19-oct-17 från Finweek - Afrikaans

’Mens moet ver soek om redes te vind om die minister van finansies, Malusi Gigaba, wie se sleutelrol in die staatska- npingsprojek slegs deur sy beste vriende ontken kan word, te ondersteun. Tog, hier sit ons met Mnr. Gigabyte in beheer van staatsfinansies, en dus met heelwat invloed oor ons eie geldsake. Ons moet daarom hoop hy slaag sy eerste groot toets – die lewering van sy mediumtermynbegrotingsraamwerk (MTBR) op 25 Oktober. Tot dusver was daar min nuusvloei uit sy ministerie om vertroue te inspireer. Vertroue in die Openbare Beleggingskorporasie is afgetakel, met vrese dat die regering ’n manier sal vind om pensioengeld te gebruik vir sukkelende ondernemings in staatsbesit (OSB’s). Die begrotingstoewysingsproses is verskuif na die presidensie, en Dudu Myeni se kontrak as voorsitter van die Suid-Afrikaanse Lugdiens is…

Vorige aanbevelings Die pluimveeprodusent, Astral Foods, het in ’n onlangse handelsverklaring gesê hy verwag “’n wesenlike ommeswaai” in sy finansies vir die jaar tot einde September, aangedryf deur ’n afname in voerkoste gedurende die tweede helfte van die finansiële jaar, wat tot ’n herstel in winsmarges bygedra het. Hy het ook stabiele verkoopspryse vir pluimveeprodukte gedurende die wintermaande aangekondig, het Astral gesê. Derhalwe word daar verwag dat verdienste sowel as wesensverdienste per aandeel met minstens 65% jaar-op-jaar gaan toeneem. Daar word verwag dat verdienste sowel as wesensverdienste per aandeel met minstens 65% jaar-op-jaar gaan toeneem. Die pluimveebedryf is die afgelope paar jaar onder enorme druk namate die felle droogte die voerpryse hoër opgestoot het, terwyl toenemende invoer verkoopspryse bedruk het. ’n Onlangse uitbreking van voëlgriep het ook die uitdun van…

ek het in die 1980’s in Soweto grootgeword in ’n tyd toe swart Suid-Afrikaners uiters beperkte toegang tot finansiëlediensteprodukte gehad het. Dit het onder meer tot die opkoms van stokvels gelei. Ek onthou hoe my ma en haar vriende elke maand feestelik en met hope kos byeengekom het en geld hande gewissel het wanneer die lede van die stokvel hul maandelikse bydraes gebring het. Vir my ma en haar vriende was dit hul manier van spaar. Dit was hoe hulle verseker het hulle sit iets opsy vir tye van nood. Vandag is die stokvelbedryf na raming sowat R44 miljard werd, met ’n geraamde 11,4 miljoen Suid- Afrikaners wat daaraan deelneem. Dit is nie meer net die “armes” of dié sonder toegang tot banke wat aan stokvels deelneem nie. Luidens Old…

Die hele proses moet op die kliënt fokus. Wat is sy behoeftes? Wat wil hy hê? Wat is die gewenste resultaat? suid-Afrika spog met ’n oorvloed produkte wat vir die belegger beskikbaar is. Hierdie verskeidenheid produkte pas by die behoeftes van verskeie kliënte, en indien daar iewers ’n gaping in die mark is, sal dit ongetwyfeld baie vinnig gevul word.Teen Junie vanjaar was daar 1 556 randgedenomineerde kollektiewe beleggingskemas wat in Suid-Afrika alleen geregistreer is (volgens die vereniging vir spaar en beleggings in Suid-Afrika (Asisa)). Dit is benewens die 1 054 buitelandse kollektiewe beleggingskemas. Moet my nie verkeerd verstaan nie. Produkontwerp is natuurlik belangrik. Daaroor bestaan daar geen twyfel nie. Maar ons moet ons aandag wegskuif van net die produk self en meer aandag skenk aan die kliënt se ervaring.…

daar word gesê dat ervaring die beste leermeester is. Ek dink wat jong volwassenes, of millenniërs, betref, het ek nogal ’n bietjie ervaring: vyf van my eie kinders – van die een punt van die millennimouderdomsgroep tot die ander – en twee jaar se onderrig van millenniërstudente op meestersgraadvlak in kommunikasie en leierskap aan ’n groot universiteit. Wat het dit my besorg? ’n Dieper begrip van die millenniëringesteldheid en baie grys hare. In Suid-Afrika verteenwoordig millenniërs (op 19,5 miljoen) die grootste generasie wat die arbeidsmag sal betree.Teen 2020 sal hulle meer as 50% van die arbeidsmag verteenwoordig en 75% teen 2030. Hulle is tegnologies skerper as enige ander generasie. Veel meer as 50% gebruik tegnologie vir interaksie met die wêreld (volgens ’n onlangse handelsmerkstudie in Suid-Afrika tree 74% deur sosiale…

wanneer ons demografiese faktore soos geslag en ouderdom in ag neem wat finansiële dienste en finansiële produkte betref, het die beskrywings feitlik altyd te make met die kliënt, en feitlik nooit met die diensvoorsiener Dit is nie baie duidelik waarom kliënte so min tyd daaraan bestee om die demografiese samestelling in ag te neem van diegene wat aan hulle dienste lewer nie, of dit nou batebestuurders of raadgewers is. Dalk sien ’n homogene kliëntebasis die bestaan van ’n homogene diensvoorsieningsbasis en andersom. In werklikheid weet ons egter dat homogeniteit die heel laaste begrip is wat met beleggers se finansiële behoeftes geassosieer moet word. Hulle doelwitte en omstandighede en gevolglike diensverskaffers moet ook hierdie verskeidenheid weerspieël, veral wat geslag betref. Daar is baie min vrouegeldbestuurders In Suid-Afrika is minder as 10%…

Waar was die direksie, wat beter toesig moes gehou het? En miskien nog belangriker, waar was die ouditeursfirma wat destyds SizweNtsalubaGobodo was? toe ek Rolfes se heraangegewe resultate lees, het ek besef hoe maklik dit is om syfers te bekonkel en hoe moeilik dit is om dit met kontant te doen. Rolfes se finansiële direkteur het vroeër vanjaar bedank toe daar ontdek is dat hy sake skynbaar nie volgens die reëls gedoen het nie. Nuus hiervan het die aandeelprys met sowat 20% laat tuimel. Die jongste resultate moes die vorige resultate heraangee om die foute reg te stel, en hoewel daar baie bewegende dele en goeie openbaarmaking van die maatskappy was, was die kontant hoofsaaklik onveranderd – want kontant is kontant. Nou, voordat ek aangaan, die feit dat Rolfes se…

ek was vroeër vanjaar in ’n argument gewikkel met ’n verkoopsverteenwoordiger van my selfoonmaatskappy. My selfoonrekening was aansienlik hoër as die gewone maandelikse koste van my pakket en ek wou weet hoekom. Soos dit aan my verduidelik is, het my databondel enkele dae voor die einde van die maand verval, sonder dat my selfoonverskaffer my enigsins ingelig het, en die skrale aantal megagrepe data wat ek in daardie paar dae gebruik het, is teen ’n buitebondeltarief aangeslaan. “Wil jy vir my sê daai paar megagrepe data het soveel gekos?” wou ek by die verteenwoordiger weet. Hy het bevestigend geknik. “Kon julle my nie laat weet het ek gaan ’n buitebondeltarief betaal nie?” Sy antwoord: “Jy het nooit gevra ons moet jou laat weet nie, wil jy nou so ’n kennisgewing…

Montreal het die 1976 Spele aangebied; die Kanadese het die skuld eers 30 jaar later in 2006 afbetaal. een van my drome toe ek op hoërskool was, was om die Olimpiese Spele na Kaapstad toe te bring. Stel jou ’n splinternuwe atletiekstadion en atletedorp by Ysterplaat voor. Athlone-stadion kon die gasheer wees vir die sewesrugby, terwyl Kaapstadstadion sokkerwedstryde sou aanbied. Die Bellvillefietsrybaan sal die fietsry aanbied, Kampsbaai die strandvlugbal, die Waterfront die seilkompetisies en Langa kan ’n splinternuwe boksgerief kry wat vir die gemeenskap nut sal hê lank nadat die Olimpiese Spele verby is. Die sportstadions sal, uit die aard van die saak, slegs een element in ’n veel groter infrastruktuurveldtog wees. Die grootste verbetering sal in vervoer wees: ’n nuwe lughawe wat aan die N7 na Malmesbury gebou is,…

Wat die fondsbestuurder sê: Beleggers wat na groeigeleenthede in wêreldmarkte op soek is, staan gewoonlik voor die besluit om te kies tussen net ekwiteit of gebalanseerde fondse. Die kies van ’n streek- of geldeenheidsydigheid plaas dikwels verdere beperkings op die mandaat en beperk dus die fondsbestuurder, sê Anton Turpin, besturende direkteur van MI-Plan. “Ons navorsing het getoon dat die kern van beleggers se behoeftes is dat ’n fonds ’n mandaat het wat die bestuurder toelaat om geleenthede wêreldwyd te soek terwyl die bestuur van afwaartse risiko deur die gebruik van buigsame batetoewysing toegelaat word,” sê Turpin. “Sonder die beperking om 100% ekwiteit te hou en met die totale buigsaamheid om ander bateklasse te besit of om ekwiteit heeltemal te verminder, het die vermoë om wêreldwye makro-besluite in aandeelkeuses sowel as…

die kleinhandelaar Pick n Pay het gewaarsku sy eerste finansiële halfjaar sal moeilik wees. Verdienste sal swaarkry weens sy vrywillige skeidingsprogram wat deel van sy regrukstrategie is. Ander inisiatiewe is bedryfskostevermindering en doeltreffendheidsverbetering. Grafieke Pick n Pay verhandel buite sy vierjaar-bultendens – ’n negatiewe breuk is onder 6 050c per aandeel bevestig, en hy verhandel nou in ’n beertendens. Op die maandelikse grafiek het die relatiewesterkte-indeks (RSI) vir drie maande in April verlede jaar negatief afgewyk voordat Pick n Pay in Julie ’n hoogtepunt van 8 425c per aandeel bereik het. Daar was aanduidings van verlangsamende styging toe die RSI nie die ongeëwenaarde hoogtepunt van 8 425c bevestig het nie. Hoe om hom te verhandel Gaan kort: Die oorverkoopte drieweek-RSI het ’n optimistiese ommeswaai binne die huidige beertendens veroorsaak. As…

GEMIDDELDE JAARLIKSE HUISHOUDELIKE INKOMSTE VOLGENS GESLAG VAN HOOF VAN HUISHOUDING vroue is nie bloot kleiner weergawes van mans nie. Hierdie waarheid herinner gesondheidspraktisyns daaraan dat, al is daar soveel ooreenkomste tussen die geslagte, vroue ’n breër stel diagnostiese hulpmiddels en oplossings benodig as wat die geval sou wees as hulle bloot ’n kleiner weergawe van mans was. Voordat ons nie groter sosiale gelykheid behaal het nie, moet adviseurs en finansiële argitekte eweneens besef vroue is nie dieselfde as mans wanneer dit by spaar vir aftrede kom nie. Die probleem met aftreespaar, hoor ons dikwels, is dat ons te laat en te min spaar, en te lank lewe. Wel, elkeen van dié probleme neig om veral vroue besonder swaar te tref. Vroue lewe te lank Luidens Alexander Forbes se “Benefits Barometer"…

hoewel die kwessies van geslagsgelykheid en vroueregte op ’n uiters goeie manier in Suid-Afrika se Grondwet behandel word, vind die meeste vroue in die land dat die werklikheid in hul daaglikse lewe hierdie hoë ideale ver te kort skiet. Met swart vroue wat meer as die helfte van die opkomende massamark verteenwoordig, lyk dit asof die finansiëledienstebedryf hul ekonomiese belangrikheid vir Suid-Afrika se toekoms dalk onderskat het. Die nare werklikheid is dat die huidige Eerstewêreldmodel van finansiële beplanning min doen om die soort finansiële behoeftes te takel wat dié deel van die bevolking so dringend benodig as ons wil verseker dat daar minstens ’n mate van maatskaplike en finansiële mobiliteit en stabiliteit is. Kom ons bekyk ’n oomblik die uitdagings en probleme wat dié deel van die bevolking in die…

wat baie mense nie weet rakende die mislukking van Kodak as ’n maatskappy nie, is dat dit nie soseer die skuif na digitale kameras misgeloop het nie. Dit is eerder dat dit so naby was, maar steeds die beweging na die deel van foto’s op aanlyn platforms misgeloop het. Toe Kodak die webgegronde fotodeeltuiste Ofoto in 2011 gekoop het, was aanlyn deling as ’n nuwe neiging besig om kop uit te steek. Maar in plaas daarvan om sy potensiaal te ontsluit, het Kodak probeer om die webtuiste te gebruik om sy tradisionele fotodrukbesigheid woema te gee. Die resultaat was rampspoedig. Kodak het Ofoto in 2012 aan Shutterfly vir minder as $25 miljoen verkoop, terwyl Facebook in dieselfde maand $1 miljard betaal het vir Instagram, ’n fotodeelwebwerf wat 18 maande vantevore…

toe ek ’n kind was, het Modjadji, die Reënkoningin, my betower. Sy kon die wolke byeenroep en dit laat reën. Ek was ook dol daaroor dat dit ’n matriargale monargie was. Die oudste dogter is die troonopvolger en mans het geen reg tot die troon nie. Noudat ek ouer en wyser is, weet ek dit kan dalk maklik wees om die reën te voorspel, maar om daaruit wins te maak, is moeiliker. Middel verlede jaar het ek begin praat oor die een sekerheid van ’n droogte, en dit is dat die reën uiteindelik sal terugkeer. Met my beleggingshoed op my kop het ek na aandele begin soek wat voordeel uit die reën sou trek. Ek het die deel reggekry waar die reën na die meeste gebiede terugkeer. Maar tot dusver…

Dit doen sake in 32 lande, het 130 000 mense in diens en is die wêreld se tweede grootste meubelmaatskappy ná IKEA. bloomberg Intelligence het Steinhoff verlede jaar aangewys as een van die wêreld se 50 topaandele wat in 2016 dopgehou moes word. Die Bloombergontleders het inkomstegroei, markaandeel, winsgrense, skuld en ekonomiese toestande bekyk om dié 50 maatskappye te kies. Steinhoff is in Nederland ingelyf, terwyl sy primêre notering op die Frankfurtse aandelebeurs is, met ’n sekondêre notering op die JSE. Hy is in 32 lande bedrywig, het 130 000 werknemers, en is die tweede grootste meubelmaatskappy ter wêreld ná IKEA, wat die grootste is. Die Bloomberg-ontleders het Steinhoff se aggressiewe uitbreiding in Amerika, Brittanje en Australië uitgelig wat in daardie stadium transaksies van meer as R70 miljard ingesluit het.…

konflik by die werk is nie ongesond nie, maar as dit glad nie hanteer word nie, kan dit heeltemal buite beheer raak. In so ’n geval, kan konflik so onvoorspelbaar word dat dit te eniger tyd kan ontplof. Die bestuur van konflik is sonder twyfel een van die grootste uitdagings wat bestuurders in die gesig staar. Dit is veral waar in die geval van nuwe bestuurders wat nie toegerus is om so ’n probleem vinnig en doeltreffend op te los nie. ’n Medewerkende redakteur van die Harvard Business Review, Amy Gallo, sê wanneer jy jou in ’n konfliksituasie bevind, jy gewoonlik nie rasioneel dink nie, jy nie goeie besluite neem nie en goed sê waaroor jy later jammer is. In ’n “witbordsessie” het sy ’n paar stappe uiteengesit om te…

Stealthy Wealth @stealthy_wealth As jy dink die mark is te hoog, wag tot jy dit oor 20 jaar sien. – Nick Murray Kimberly Boswell @KSBoswell Daar is twee soorte mense in die wêreld: 1) Dié wat uit onvolledige data kan ekstrapoleer Third Eye View @BrainandMoney Finansiële state is soos goeie parfuum: om te ruik, nie te sluk nie. — Abraham Brilloff Shit Academics Say @AcademicsSay Die akademie. Waar produktiwiteit in ure gemeet word en ’n getalm in jare. Joseph Cotterill @jsphctrl Boris Johnson: Brittanje se Fikile Mbalula. Brett @GFY Aan boord op #Kulula: “ ...sorg asseblief dat die vensters se blindings oop is, sodat #SAL kan sien hoe lyk ’n vol vliegtuig!” SHASHA @IamCosRSA Ek wens skoolgaan was soos Clientèle Life: ▪ Geen eksamen ▪ Geen papierwerk Jim Kwik @jimkwik…

As dit uitsluitlik aan markkragte oorgelaat word, loop natuurgashulpbronne die risiko om in vloeistof omskep te word en slegs vir buitelandse uitvoer ontwikkel te word, waar hulle hoër pryse sal kry. suid-Afrika begin nou eers die potensieel veranderende impak van ’n beduidende oorskakeling na gas insien, met die eerste aflewerings van grootskeepse vloeibare petroleumgas (VPG) wat in Saldanha aan wal gekom het. Beplanning is ook gevorderd vir die bou van vloeibare-aardgas- (VAG) invoergeriewe, wat aanvanklik bestem was vir Richardsbaai. Die ekonomiese argument vir gas is nie moeilik om te voer nie. ’n Oorvloedige en goedkoop natuurlike hulpbron het die potensiaal om voorheen stagnante nywerheidsektore weer aan die brand te skop en nuwe bedrywe te ontwikkel, mits die prys reg is. Die voorbeeld wat soos ’n paal bo water staan is…

Vorige aanbevelings Aveng is ’n voorbeeld van die huidige toestand van die konstruksiebedryf. Sy aandeelprys het die afgelope dekade met 95% gedaal nadat dit gedurende die opwinding van die bouwerk vir die Sokkerwêreldbeker 2010 ’n hoogtepunt bereik het en toe stadig in ’n hoop ineengestort het. Die jongste konstruksieresultate is pynlik om te lees en talle mense vra of die tyd geleë is om te koop. Die gewildste stelling wat ek hoor, is: “Hoe laag kan dit daal?” Wel, die antwoord is presies nul – dis die uiteindelike laagtepunt. Die belangrike vraag is of Aveng of enige ander konstruksie-aandeel ten gronde kan gaan. Maar al gebeur dit nie, is dit ’n uiters moeilike situasie om in te wees. En dit gaan nie makliker word nie – hierdie tipiese sikliese aandele…

langtermynbeleggers in PSG het die afgelope twee dekades fenomenale sukses behaal danksy PSG se suksesvolle vroeë beleggings in maatskappye soos Capitec en Curro. Grafieke Hoewel PSG steeds in sy langtermynbultendens verhandel, het hy in November 2015 ’n hoogtepunt van 28 500c per aandeel bereik en twee keer vanjaar ’n groot weerstand op 27 770c per aandeel ervaar. Hy is tans ’n paar punte weg van die ondersteunende tendens van sy vernaamste opwaartse neiging. Hoe om hom te verhandel Gaan kort: PSG het so lank gelede as Februarie 2016 ’n paar keer van sy hoofondersteuningstendenslyn teruggespring. Hy kan wel bokant daardie tendenslyn weer omkeer en herstel. Die driemaand- RSI sal egter optimisties moet word om hierdie opwaartse potensiaal te bevestig. As die RSI pessimisties bly (onder die rooi stippeltendenslyn verhandel), kan…

ek en my tweelingbroer het onlangs verjaar. Tydens ons verjaarsdagete het my ouers, in wat ’n liefdevolle tradisie is, vir ons elk ’n verjaarsdagkaartjie gegee wat bykans identies was behalwe die kleur en subtiele veranderings in die verjaarsdagwense. Dit was nie ongewoon nie – dit was net nog ’n voorbeeld van hoe baie moeite hulle gedoen het om te sorg dat ons dieselfde behandel word. Terwyl ons groot geword het, was dit ons ouers se mantra om gelyke ervaringe vir ons te skep, van seker maak dat ons albei elke Vrydag R1 ontvang het om iets by die snoepwinkel te koop tot identiese fietse vir Kersfees (ondanks my pleidooie vir ’n Barbie-pophuis). Julle besef seker teen hierdie tyd dat ek en my broer van geslag verskil! Maar ondanks al hul…

in ’n verbruikersopname deur die Boston Consulting Group (BCG) onder 12 000 vroue in 21 lande, het 73% van die respondente gesê dat hulle ongelukkig is met die diensvlak wat deur hulle finansiële verskaffer gebied is, en 71% was ongelukkig met die produkaanbod. Die meerderheid van dié vroue het gesê hulle glo geslag is ’n sleutelfaktor waarom hulle negatief behandel is. Hulle noem gebrek aan respek, neerbuigendheid en ’n “een-grootte-pas-almal-benadering”, as van die probleme. Terwyl die 2017 Old Mutual Saving & Investment Monitor nie Suid-Afrikaanse vroue se huidige tevredenheidsvlakke met plaaslike voorsieners gemeet het nie, toon navorsing dat vroue steeds hulle eie vermoë betwyfel om op gelyke voet met hulle banke of finansiële adviseurs sake te doen. Toe hulle gevra is om ’n rangorde toe te ken aan hulle vermoë…

Waar ek die klem gelê het op veiligheid en sekuriteit, het sy lewensgehalte beklemtoon, en om die items op haar wenslysie af te tik. verlede November het ek ’n dringende oproep gekry om terug te keer “huis toe”. “Huis” is in hierdie geval ’n plek waar ek in werklikheid nog nooit geleef het nie en in ’n land waar ek in werklikheid vir amper 40 jaar nie gebly het nie. Nietemin, dit is waar my ma bly, en waar mens se ma bly is by wyse van spreke op ’n spesiale manier maar altyd “huis”. Ná ’n week in die hospitaal, wat insluit ’n koors van 40 grade wat vier dae geduur het, was haar geheue heeltemal in sy peetjie in. Om alles te kroon, op die jeugdige ouderdom van…

CURRO Baie duur Curro het sy Stadio-aandele ontknoop – aandeelhouers het daarby gebaat, want Stadio het aan die einde van sy eerste week op 620c per aandeel gestaan, en Curro het in die week slegs 170c verloor. Stadio het reeds ’n regteuitgifte teen 250c per aandeel aangekondig, waarskynlik die eerste van vele meer. Vir houers is Curro meer volwasse en baie duur, aangesien sy skole vir die eerste ses maande 27,6c/aandeel verdien het. Dit plaas Curro op ’n prys-tot-verdienste-verhouding (p/v-verhouding) van sowat 75 maal. Skolegroei sal waarskynlik meer beskeie wees sonder die tersiêre afdeling, en die oorskakeling van Curro in ADvTECH* sal dus verstandig wees. Die logika is dat ADvTECH-skole baie goedkoper is. As jy ’n groeipotensiaal in ’n J-kromme wil hê, hou jou Stadio-aandele – maar jy kan verwag…

Steinhoff Africa Retail (Star) is Suid-Afrika se leidende niekruideniersware-kleinhandelaar, met ’n markaandeel van meer as 11%. Hy is in twee afdelings verdeel: afslagwaarde en spesialiteit. Die afslag-waarde-kleinhandelafdeling dra 77% van Star se inkomste en 95% van die wins by. Dit sluit Pep Suid-Afrika, verreweg die grootste maatskappy,met 2 039 winkels in. Pep Suid-Afrika het verlede jaar 49% van die afdeling se inkomste bygedra. Nog belangrike spelers in die afdeling is Ackermans (25%), meubels (11%) en Pep Afrika (9%). Spesialiskleinhandelaars dra 23% tot Star se inkomste en 5% tot die wins by. Selfdoen is die grootste afdeling volgens inkomste en dra 41% by. Dit bestaan uit 129 winkels van Timber City, The Tile House, Buco en Hardware Warehouse. Klerasie, skoeisel en tuisware, wat uit 833 winkels van Shoe City, Dunns, Refinery,…

Vandeesweek kan jy ’n eksemplaar van On the Brink: South Africa’s Political and Fiscal Cliff-Hanger deur Claire Bisseker wen. Om in aanmerking te kom, voltooi die aanlyn weergawe van hierdie vasvra, wat vanaf 16 Oktober op fin24.com/finweek beskikbaar is. 1 Wie se nuwe outobiografie is getiteld Finding My Virginity? 2 Waar of vals? Die huidige uitbreking van voëlgriep het na Gauteng versprei. 3 In watter provinsie is die President Jacob Zuma plek van inhegtenisneming-monument, wat glo R1,8 miljoen gekos het? ▪ Noordwes ▪ Limpopo ▪ KwaZulu-Natal 4 Waar of vals? Die uiteettoepassing Feastfox het ’n databasis van Johannesburgse restaurante. 5 Wat is die hoofstad van die Amerikaanse gebied Puerto Rico? ▪ El Salvador ▪ Santa Fe ▪ San Juan 6 Waar of vals? Pick n Pay het aangekondig dat hy…