Finweek - Afrikaans 10-May-18

oor die afgelope drie maande help ek ’n voormalige kollega, kom ons noem haar Busisiwe, met pogings om werk te kry nadat sy afgedank is as ’n skoonmaker in die gebou waar ek werk. Haar storie is dieselfde as vir miljoene Suid- Afrikaners: sy het nie haar hoërskoolopleiding voltooi nie, dus het sy nooit matriek gekry nie; haar CV toon verskeie pogings om haar vaardighede te verbeter (sy het byvoorbeeld teruggegaan skool toe as ’n volwassene om haar matriek te probeer voltooi en sy het basiese opleiding as ’n veiligheidswag); en sy woon ver weg van enige moontlike werk. Om my in Auckland Park te ontmoet vereis vier taxiritte en 90 minute se reistyd. Haar skoonmaakwerk het swak betaal, maar darem ’n klein inkomste verskaf en doelgerigtheid. Ek het gedink…

ontwikkelingsekonome streef daarna om ’n bekostigbare beleidsingryping te identifiseer wat die armstes sal help om aan armoede te ontsnap. Ons weet dat om ’n langer en beter lewe te hê, gewoonlik gepaardgaan met baie dinge: hoër inkomste omdat jy ’n werk het, om te leef in ’n huis met skoon water en sanitasie, en toegang tot beter skool- en gesondheidsgeriewe, om maar ’n paar te noem. Die probleem ontstaan wanneer ons beleid probeer skryf om dié sake te verbeter: watter belegging, gegewe beperkte hulpbronne en politieke beperkings, sal kinders in arm huishoudings die meeste tot voordeel strek? En waarom? ’n Studie deur ’n span ekonome en sielkundiges wat in Maart in The American Economic Review verskyn het, bied ’n antwoord. Dit gebruik ’n kontantoordragprogram in die Great Smoky Mountains in…

“wanneer die olifante baklei, kry die miere swaar,” het Rob Davies, minister van handel en nywerheid, in Maart oor die verergerende handelsoorlog tussen Amerika en China gesê. Hy was seker dat Suid-Afrika in die oorlog in geen land se visier is nie, maar tog indirek aansienlike skade kan lei. Trump het die openingsalvo op 22 Januarie afgevuur deur internasionale beveiligingstariewe op $8,5 miljard se invoer van sonpanele en $1,8 miljard se wasmasjiene goed te keur. Op 17 April het China skerp teenstor- -tingstariewe van 178,6% op Amerikaanse sorghum ingestel. Intussen het Trump met die verskoning van nasionale veiligheid op 1 Maart ’n invoertarief van 25% op alle ingevoerde staal en 10% op ingevoerde aluminium ingestel. China het op 2 April teruggekap deur invoertariewe op sowat $2,4 miljard se Amerikaanse invoer…

“NASPERS BLY DEEL VAN DIE INDEKS: OM HOM UIT TE HAAL, IS SOOS OM ’N FIETS SONDER WIELE TE PROBEER BOU.” – PSG Welvaart se Schalk Louw oor die neiging van markdeelnemers om Naspers uit hul waardasies te laat in ’n poging om markvlakke te regverdig. (Sien artikel op bladsy 22.) “DIE WÊRELD SAL VERLOOR AS FACEBOOK SOU VERDWYN.” – Mark Zuckerberg, Facebook se uitvoerende hoof, het diegene wat op 1 Mei teenwoordig was op Facebook se jaarlikse ontwikkelaarskonferensie in San Jose dit meegedeel, toe hy ’n rits nuwe produkte en tegnologiekenmerke bekend gestel het, het nytimes.com berig. “Ons het ’n verantwoordelikheid om vooruit te beweeg met alles wat mense van ons verwag, en om op ’n beduidende manier aan te hou bou,” het hy gesê. Facebook het die afgelope…

nadat Adi Kaimowitz meer as agt jaar lank as ’n aktuariële werwer gewerk het, wou hy iets doen met die netwerk aktuarisse wat hy opgebou het. Hy het vier sakemodelle oorweeg, voordat hy uiteindelik vorendag gekom het met een waarvan hy sowel as die aktuarisse in die algemeen gehou het. “Aktuariële dienste is ’n gevorderde bedryf wat oorheers word deur ’n handjievol baie groot en ’n paar boetiekkonsultante,” sê Kaimowitz. “Professionalisme en integriteit is die kern van hoe die besigheid bedryf word. In albei gevalle is die aktuarisse personeellede wat ’n bonus kry aan die einde van die jaar indien hulle hul spesifieke teikens bereik. Die lang werksure en deurlopende stres van al hoe hoër prestasieteikens kan ’n slegte uitwerking hê op die meeste aktuarisse, en dit kan dalk ook…

gedurende my onderhoud met Anthony Viljoen, uitvoerende hoof van Afritin Minerals, lui sy telefoon. Ek sê hy mag maar antwoord. “Moenie bekommerd wees nie,” sê hy: “Dit is ‘n handelaar wat van die myn se tin wil koop.” Skynbaar is dit nie ’n goeie plan om metale te gou aan handelaars te verkoop nie, veral nie as jy ’n goeie prys wil kry nie. Afritin, wat in Londen genoteer is, beplan om die Uismyn in Namibië te heropen. Die myn is voorheen deur die staalvervaardiger Iscor bedryf, maar is al jare lank gesluit. Die tin-afsetting is in bondels, wat dit relatief maklik maak om ’n oopgroefmyn te bedryf. Om in produksie te kom, is gevolglik nie so moeilik soos wat mens sou verwag nie. Veral vergeleke met byvoorbeeld die heropening…