Finweek - Afrikaans 15 August 2019

“jy sal weet dat jy hard genoeg gedruk het wanneer jy oor die vingers getik word.” Dit is wat aan beleggingsbestuurder en voormalige handelaar, Kweku Adoboli, gesê is toe hy gedruk is om wins by die Switserse beleggingsbank, UBS, op te stoot. Adoboli is ’n Ghanees van geboorte wat al sedert sy vroeë tienderjare in Brittanje woon en wat in 2006 as leerling in UBS se kantoor in Londen begin werk het. Hy erken dat hy onwettig opgetree het om groter wins te wys, maar in plaas van wins, het die “hard genoeg”-druk – wat ongemagtigde tekorte ingesluit het – gelei tot ’n verlies van $2 miljard by die bank. Adoboli was sewe jaar in die tronk vir bedrog. In ’n toespraak by die onlangse konferensie van die CFA Society…

elke oggend ontvang ek ’n e-pos van ’n plaaslike finansiële instelling met ’n opsomming van al die vorige dag se finansiële nuus. Dit sluit in ’n afdeling oor beleggingsidees, waar ’n ontleder die fundamentele faktore van ’n aandeel en die verwagte prestasie bespreek. Ek is dikwels mindergeïnteresseerd in die aandeel self – die gevolg van ’n beperkte persoonlike portefeulje – en meer in hoe akkuraat die ontleders se advies is. Is hul voorspellings meer as 50% van die tyd korrek? Wat van “handelsidees” – kundige menings oor aandeelprysbewegings op kort termyn. Dit kan enigiets insluit van hoe ’n verandering in bestuur tot ’n dreigende handelsoorlog die waarde van ’n spesifieke aandeel kan beïnvloed. Beïnvloed dié handelsidees werklik beleggers se besluite om te koop of verkoop? En verdien hulle positiewe opbrengste…

“HIER IS TOT OP HEDE NIE GROOT INFRASTRUKTUURPROJEKTE VAN CHINA NIE. HOEKOM? – Lin Songtian, Chinese ambassadeur na Suid-Afrika, het aan Reuters gesê terwyl ander Afrikalande die afgelope dekade ’n oplewing in infrastruktuurontwikkeling beleef (aangehelp deur die Chinese regering), dit in Suid-Afrika ’n ander storie is. Volgens Lin het projekte wat Suid-Afrika voorgestel het, mank gegaan aan uitvoerbaarheidstudies wat dieChinese regering en banke van hul volhoubaarheid en winsgewendheid kon oortuig. Hy het gesê China wil groter sekerheid en gunstige voorwaardes sien, byvoorbeeld beleid wat aansporings bied soos onder meer belastingtoegewings wat vasgelê is in wetgewing. Oor Eskom se skuld het die ambassadeurgesê die nutsmaatskappy is ’n “skuldstrik” en al het China voorheen lenings aan Eskom toegestaan ($2,5 miljard in 2018) is China sedertdien “uiters versigtig”. “Ons beskou dié optrede as…

PRODUKSIEVERMOË €60m Heineken SA brei tans produksievermoë by sy Sedibeng Brewery in Gauteng uit om in die toenemende vraag te voorsien. Die uitbreiding, wat in K1 2020 voltooi behoort te wees, sal na raming €60 miljoen kos, sê Gerrit van Loo, besturende direkteur van Heineken SA, en vermoë van die huidige 6 miljoen hektoliter tot 7,5 miljoen hektoliter verhoog. Daar is ook planne om later ’n moutaanleg van €40 miljoen te bou. Heineken SA is (naas Anheuser-Busch InBev) die tweede grootste rolspeler in die Suid-Afrikaanse biermark, met ’n markaandeel van 18%. Sowat 15% van Heineken se plaaslike verbruik word ingevoer, maar Van Loo wil graag sien dat dit uiteindelik alles plaaslik geproduseer word. Suid-Afrika is een van Heineken se topvyf vinnig groeiende markte en dra nagenoeg 2,7% tot Heineken se…

anglo American se verstommende omswaai onder Mark Cutifani, uitvoerende hoof, word ten regte geloof. Nou is daar egter onvermydelik vrae oor of die tussentydse dividend van $800 miljoen, wat vroeër vandeesmaand aangekondig is en met ’n verrassende aandeelterugkoopprogram van $1 miljard aangevul word, ’n hoogtepunt vir die maatskappy verteenwoordig. Ontleders vra nou of dit die beste is wat Anglo ooit sal kan lewer? Blykbaar nie Beleggingsbanke, waaronderJP Morgan Cazenove, HSBC, RBC Capital Markets, Morgan Stanley en Goldman Sachs, meen dat Anglo American verdere prestasies kan behaal, hoewel dit afhang van die gewone onseker faktore, soos hoe sterk die ysterertsmark is en of Anglo die produksietekort van 3% in die eerste helfte van sy boekjaar kan regruk. Vrae bestaan ook oor hoe lank hy voordeel kan trek uit die tegniese vooruitgang…

een van die interessante aspekte van die verbetering in Anglo American se aandeelprys, vergeleke met sy portuurgroep, is die feit dat die maatskappy se blootstelling aan sy Suid-Afrikaanse batebasis hom blykbaar nie terughou nie. In die lig van Kumba and Amplats se huidige prestasie is beleggers glad nie te bekommerd oor die “Suid-Afrikaanse diskonto” nie. Cutifani bly in die algemeen positief oor die land. Op die vraag wat hy dink van onlangse opmerkings van Johann Rupert van die Rembrandt Group dat die land uiteindelik in die hande van die Internasionale Monetêre Fonds (IMF) se leningskomitee sal beland, sê Cutifani: “Ons dink nie dis waarskynlik nie. Ons verwag eerder toenemende skokke op die land – en die regering sal moet besluit wat hy wil doen.” Cutifani noem dit nie spesifiek nie,…