Innehållsförteckning för 12 December 2019 från Finweek - Afrikaans

die dag voordat hierdie uitgawe van finweek persklaar gemaak is, het Statistieke Suid-Afrika die syfers oor ekonomiese groei vir die derde kwartaal van vanjaar uitgereik. Al was die verwagtinge laag, was die inkrimping met 0,6% ’n kwaai slag, en het dit weer die naakte werklikheid bevestig dat ons ekonomie met net 0,1% gegroei het teenoor die ooreenstemmende tydperk verlede jaar deurdat dit in die eerste drie kwartale van vanjaar met 0,3% gegroei het. ’n Mens kan nie ’n beter kwantitatiewe uitbeelding kry van wat dit beteken om rigtingloos rond te dobber nie. . . Die treurige groeisyfers is net nog ’n stel syfers wat wys dat ons ekonomie in ’n verslegtende krisis is. Voeg daarby Eskom se skuld van meer as R450 miljard. En die werkloosheidskoers van 29,1%. Dit het…

“’N WEEK OFTWEE NÁ DIE KRISIS HETONTLEDERS STEEDS GESÊ DIT IS ’N KOOP.” − Christo Wiese, voormalige voorsitter van en grootste aandeelhouer in Steinhoff, het met finweek gepraat oor die Steinhoffineenstorting in Desember 2017. Die maatskappy se aandeelprys het in ’n week meer as 80% van sy waarde verloor toe die omvang van sogenaamde rekeningkundige foute deur die maatskappy sedert 2016 duidelik geword het. Wiese het byna R50 miljard verloor – ’n verlies so groot dat dit hom sy plek op Forbes se lys van die rykste sakelui gekos het. Die “Wanneer ’n land (Amerika) baie miljarde dollar in handel verloor met amper elke land waarmee hy sake doen, is handelsoorloë ’n goeie ding en maklik om te wen.” – President Donald Trump in ’nTwitter-twiet op 2 Maart 2018. Die…

dit was ’n goeie jaar vir beleggers, met Amerikaanse markte aan die voorpunt. Die S&P 500 het ’n opbrengs van meer as 20% gelewer en sy dekade lange bullopie voortgesit. Plaaslik was die opbrengs nie so indrukwekkend nie, maar ons het dit darem reggekry om dubbelsyferopbrengste te behaal – met dividende ingesluit – na jare se pap opbrengste op die JSE. Tensy jy ’n beursverhandelde fonds (ETF) besit wat dié markte dek, is bogenoemde opbrengste egter teoreties omdat die syfers na indekse verwys. So, as jy jou eie portefeulje van individuele aandele bestuur, kan jou syfers daarvan verskil en ook nogal wesenlik verskil. My eie portefeulje van individuele aandele is effens agter dieTop40 se opbrengs, en deel van my jaareinde-oorsig van my portefeulje moet bepaal waarom ek onderpresteer het en…

goud het vanjaarduidelik ingestaan virdie wisselvalligheid in die finansiële markte en het die toename en afname in makro-ekonomiese spanning, soos in die Sino-Amerikaanse handelsoorlog en die Brexit-onderhandelinge, weerspieël. Groter wisselvalligheid is goed vir goud, wat gewoonlik baat vind by die groter vraag na ’n veilige toevlugsoord, terwyl die omgekeerde geld as daar ’n rustige mark is. Die netto uitwerking van makro-ekonomiese onsekerheid het tot gevolg gehad dat dollar-gedenomineerde goud virdie jaartot dusver (op 25 November 2019) met omtrent 15% gestyg het. Wisselvalligheid is siklies van aard: ’n tydperkvan lae wisselvalligheid is ’n voorloper tot hoë wisselvalligheid, en hoë wisselvalligheid is ’n voorloper tot lae wisselvalligheid. Daar is egter geen sekerheid oor hoe lank ’n tydperk van hoë of lae wisselvalligheid in die markte sal duur nie. As ’n gemiddelde wareteikenaanduiding…

Beste: Negatiewe uitwerking van insinking van die “kommoditeitsupersiklus”’ Die kommoditeitsmark het die hoogte ingeskiet toe pryse in 2000 weens inflasie gestyg het – die groot kommoditeitsupersiklus. Dit het in die finansiële krisis van 2008 ineengestort en daarna weer in 2009 tot 2011 hervat. Die supersiklus het toe in 2011 tot 2015 in ’n beertendensmark geëindig ná China se verrassende devaluasie van die yuan weens ’n verlangsamende ekonomie. Die dollar het vinnig begin versterk en die rand na algehele laagtepunte gestuur. Die JSE is ongeveer drie maal die grootte van die binnelandse ekonomie weens dubbelgenoteerde maatskappye. Nywerheidsaandele, wat die meeste dubbelgenoteerde aandele insluit wat die meeste van hul inkomste in die buiteland verdien, was die beste presteerders. Ergste: Steinhoff-skandaal Een van die slegste handelsgebeurtenisse van die afgelope dekade vir my was…

die periodieke tabel bevat elemente wat almal ken – soos waterstof, een van die boublokke van die lewe – maar ook minder bekende elemente, soos copernicium en die ongelooflik seldsame astaat. Hazeniel is egter die seldsaamste. Dis omdat hazeniel nie bestaan nie. . . behalwe kortstondig in die gedagtes van Gwede Mantashe, minister van mineraalhulpbronne en energie, toe hy in September op ’n internasionale konferensie aan voornemende beleggers gesê het die batterymineraal hazeniel kan in die land se beroemde Kongogrotte gevind word. Nes hazeniel is die ligging fiktief en deur ’n Aprilgek-poetsbakker uitgedink wat blykbaar net Mantashe se toespraakskrywer mislei het. Mantashe se sakeflater was een van die jaar se ergstes; ongelukkig was dit nie die ernstigste nie. Chemiese broers verlaat Sasol Wat erger as ’n fiktiewe element is, is…

Rosé: Wenners van dubbelgoud in vanjaar se Rosé Rocks-kompetisie: ■ Mooiplaas The Strawberry Rosé 2019 ■ De Krans Pinotage Rosé 2019 ■ Baleia Bay Deborah Rosé 2019 Cap Classique: ■ Boschendal Jean Le Long Prestige Cuveé – Algehele Beste Cap Classique in vanjaar se Amorim Cap Classique-uitdaging. Bier: ■ Drifter Brewing Company se The Stormy Smoked Porter – Beste Bier in die 2019 African Beer Cupkompetisie. ■ Afro Caribbean se Jungle Paradise – Die Bier van die Jaar en Best Hoppy-kategoriewenner in die 2019 Suid-Afrikaanse Nasionale Biertrofeekompetisie. Jenewer: ■ Inverroche Classic het die Riedeltrofee verower vir die beste jenewer in die 2019 Old Mutual Trophy Spirits Show. ■ Indlovu se Elephant Dung-jenewer, met geurmiddels wat uit olifantmis onttrek is, Monks Mary Jane, wat met hennep gegeur is, en Wild Rosé…

elke keer wat ek ’n Amerikaanse universiteit besoek, is ek verstom oor die afwesigheid van Afrika-studente wat aan die wêreld se voorste departemente van ekonomie studeer. In November het ekdie Becker Friedman-instituut as ’n besoekende akademikus bygewoon – ’n gawe aanbod om met sommige van die voorste denkers van ons tyd skouers te skuur. Ek het in werksessies gesit en eweknieë op verskillende terreine ontmoet. Een van die gedenkwaardigste gevalle was om te luister hoe Abhijit Banerjee, ’n onlangse Nobelprys-wenner, sy jongste boek, Good Economics for Hard Times, bespreek het. Iets het geskort. Daar is omtrent geen ander Afrika-akademici nie – ten minste nie in die ekonomiedepartemente of die instellings wat met die vakgebied geassosieer word nie. Daar is verskeie dosente en studente van ontwikkelende lande, soos Colombia, Pakistan, Turkye…

kubermisdaad neem oral ter wêreld in ontstellende mate toe en is vandag een van die grootste bedreigings waarmee maatskappye, regerings en individue te kampe het, want die wye verspreiding van digitale tegnologie en konnektiwiteit maak dat byna als wat ons doen ons aan moontlike aanvalle uitlewer. Cybersecurity Ventures voorspel dat die skade weens kubermisdaad die wêreld teen 2021 $6 duisend miljard per jaar mag kos, teenoor $3 duisend miljard in 2015. Die internasionale navorsingsmaatskappy Cybersecurity Ventures voorspel dat die skade weens kubermisdaad die wêreld teen 2021 $6 000 miljard per jaar sal kos, teenoor $3 000 miljard in 2015. Die maatskappy se raming omvat alles, van data wat beskadig, gesteel en vernietig word tot gesteelde geld, verlore produktiwiteit, die koste om van ’n aanval te herstel en reputasieskade. ’n Meer…

die jaar 2019 was ’n goeie jaar om in die markte te belê. Plaaslik is ons nou besig om opbrengste van dubbelsyfers te behaal, wat dividende insluit, terwyl Europa ongeveer20% hoër is en Amerika weereens die leier is met die S&P 500 wat bykans 25% hoër vir die jaar is. Dit is groen net waar jy kyk, maar ’n woord van waarskuwing . . . Amerika se ekonomiese uitbreiding is die langste lopie tot nog toe, en die opbrengs is op een na die beste ooit, met die internetborrel van die 1990’s die enigste beter bulmark – onthou ookdat in daardie bulmark het die Nasdaq in 1999 verdubbel. Die probleem is dat niks vir altyd aanhou styg nie en dat die Amerikaanse ekonomie en die mark móét krimp of ten…

A – ANC In Mei 2019, het die ANC die sesde Suid-Afrikaanse demokratiese verkiesing met 57,5% van die totale stemme gewen, maar met heelwat minder steun as wat die party verwag het. B – Bokke Hoe kan ons aan die einde van 2019 kom sonder om die Bokke se puik prestasie in vanjaar se Rugbywêreldbeker te noem? As iemand ons in Maart 2018 sou gevra het hoe die Bokke sou vaar toe hulle nommer sewe op die ranglys was, sou niemand kon droom dat hulle die trofee sou verower nie. C – Cash (Kontant) Geldmarkkoerse was betreklik stabiel in 2019. Dit het 2018 op 6,7% geëindig, en met die skryf hiervan in November 2019, het dit op 6,49% gestaan. D – Diversifikasie Ons is weer eens in 2019 daaraan herinner…

nog ’n jaar het verbygevlieg. Ek weet nie van jou nie, maar na dié jaar voel ek sommer oud. Eintlik het die plaaslike mark goed genoeg gedoen as ons dividende bytel, maar ek voel steeds uitgemergel. Gelukkig het ek oor die Kersvakansie tyd om ’n bietjie te rus. As jy ook het, is dit ’n goeie tyd om weer na jou belegging-en verhandelingstrategieë te kyk en voornemens vir 2020 te maak. Eerstens, iets oor nuwejaarsvoornemens in die algemeen. Gewoonlik is die voornemens wat ons aan die begin van ’n nuwe jaar maak binne ’n maand of twee vergete. Daar is ’n paar redes hiervoor. Ons neem ons lofwaardige dinge voor, maar maak nie praktiese planne om dit in werking te stel nie. Verder is ons voornemens dikwels wense eerder as…

’n Interessante kantaantekening is dat Tesla se potensieel vernuwende tegnologie met miljoenmyl-batterye kobalt as belangrike inset vereis. Dis blykbaar minder as by huidige batterye, maar tog sal die vraag na kobalt al hoe groter word hoe gewilder elektriese voertuie word. Tesla is natuurlik nie die enigste maatskappy wat elektriese voertuie maak nie, want ander groot vervaardigers, soos Volkswagen, Mercedes en Volvo doen dit ook. Maar terug na kobalt: Verreweg die wêreld se grootste ontginner van die mineraal is toevallig hier op die JSE genoteer. Glencore het in 2017 altesame 27 400 ton kobalt ontgin en mik daarna om dit teen 2020 tot 63 000 ton te vermeerder. ’n Aandeel om dop te hou.…

Tegnologieprodukte So baie flaters, so min plek op die bladsy. Baie van die afgelope tien jaar se mees onvergeetlike mislukkings is nie wanneer korporatiewe reuse ’n lekplek kry en begin sink soos die Titanic nie, maar wanneer gewilde tegnologiehandelsmerke produkte bekend stel wat uiteindelik, wel, nie “gewild” is nie. Volgens PC Mag is daar talle sulke mislukkings: Blackberry Playbook, Facebook Home en selfs Vine, ’n sosialemedia-platform wat gedeelde video’s tot ses sekondes beperk het en deur Twitter gekoop is voordat hy kon slaag om geld daaruit te maak nie. Die wenner is egter Google Glass (2013), tegnologie wat dit vir data moontlik sou maak om wonderbaarlik voor jou oë te swem. Dié tegnologie, wat verkieslik in ’n bril gebruik sou word, is laat vaar en (letterlik) nooit weer gesien nie…

Die kolskote Intreevlak: VW Polo Vivo Met sy ongeëwenaarde bouen ritgehalte, is die VW Polo Vivo nie net ’n mooi gesiggie nie. Hierdie luikrug is stewig op die pad en die nie-aangejaagde intreevlakenjin van 1,4 liter is geestig. Vir kopers in hierdie marksegment is waarde vir geld, goeie veiligheidskenmerke en konnektiwiteit belangrik. Hierdie bekostigbare gehalteluikrug – SA se topverkoper onder die passasiersmotors – bied dit alles en meer. Middelvlak: Volvo XC70 D5 Estate My goeie genade, ’n stasiewa! Suid-Afrikaners was nog nooit mal oor stasiewaens met hulle beeld van vervelige funksionaliteit nie. Hierdie leefstylwa laat vervaag egter die lyne tussen prakties en verfynd, en dis allesbehalwe vervelig. Met die turbodieselenjin se 440 Nm wringkrag trek die Volvo XC70 soos ’n lokomotief, en die pakket sluit dakrakke, sportiewe allooiwiele, vierwielaandrywing en…

vanjaar sal nie in die annale uitstaan as ’n hoogtepunt sover dit pryse op kunsveilings betref nie. Internasionaal het niks so opwindends gebeur as die twee Amedeo Modigliani’s wat ’n paar jaargelede onderskeidelikvir $179 miljoen en $170 miljoen van die hand gesit is nie. Uiteraard het niks ookgehaal by die Salvator Mundi van Leonardo da Vinci wat in 2017 ’n rekordbedrag van $450 miljoen gehaal het nie. Die hoogste prys wat in die eerste helfte van die jaar vir ’n kunswerk betaal is, was in Mei op ’n Sotheby’s-veiling in NewYorktoeClaude Monet se Meules (1890) vir net meer as $110 miljoen verkoop is. Enigiets wat vir meer as $50 miljoen verkoop is, is nietemin vanjaar deur die vernaamste internasionale afslaers as ’n besonder goeie prys gesien. Verkope op Christie’s se…

In ons laaste vasvra van 2019 gee ons ’n eksemplaar weg van die boek Christo Wiese: Risk & Riches, deur TJ Strydom. Skryf in deur die aanlyn weergawe van hierdie vasvra te voltooi wat vanaf 9 Desember op fin24.com/finweek beskikbaar sal wees. 1. Op 10 Desember 2013 is die Nobelprys in Fisika toegeken aan Peter Higgs en François Englert vir ’n deeltjie bekend as …………….. wat hulle ontdek het. 2. Waar of onwaar? Sibanye-Stillwater is vir $286 miljoen deur Lonmin oorgeneem. 3. Watter maatskappy se aansoek om bankrot verklaar te word, was die grootste ooit? ■ Enron ■ Lehman Brothers ■ PG&E 4. Watter vorige president van Egipte is tydens die Egiptiese revolusie van 2011 omvergegooi? 5. ANN7 was ’n satelliet-TV-nuuskanaal wat deur watter bekende familie begin is? 6. Waar…

marang setshwaelo @marangdream Die hele land het ’n slapie nodig. David Shapiro @davidshapiro61 Moody’s se toegeeflikheid is soos ’n onderwyserwat diep moet krap om daardie ekstra punt te kry om ’n leerling te laat slaag. Dit doenTito of ons geen gunste nie. Soms moet jy misluk sodat dit jou uit jou slaap ruk en jy weer skouer aan die wiel kan sit. Laurie O’Connell @locconsulting Ek wil niks hê nie. Ek wil niks hê nie. Ek wil geen quid pro quo hê nie. Sê aan Zelensky om die regte ding te doen. Dit is die finale woord van die president van die Oekraïne. Ntobeko°© • III @MweliNtobeko Die Suid-Afrikaanse Poskantoor aanvaar nie betalings per kredietkaart om jou lisensie te hernieu nie, tog het ons ’n minister van kommunkasiewese met ’n…

die onvermydelike afgradering deur Moody’s Investors Service volgende jaar – die verlies van Suid-Afrika se laaste kredietgradering van beleggingsgraad – sal nie so rampspoedig wees as wat algemeen verwag word nie, omdat buitelandse beleggers reeds ’n groot deel van hul staatseffekte verkoop het, en markpryse weerspieël dit. In afwagting van die afgradering en gepaardgaande onsekerheid was beleggers en besighede die afgelope jaar senuagtig gemaak en gelei tot spekulasie oor ’n groot en skielike uitvloei uit die effektemarkwat die rand sal benadeel, inflasie opstoot en tot hoër rentekoerse sal lei. Die ontstellende agteruitgang van openbare finansies wat die tesourie in sy mediumtermynbegroting in Oktoberaangekondig het, het dit beklemtoon en Moody’s en Standard & Poor’s aangespoorom negatiewe vooruitsigte vir hul kredietwaardigheid vir die land te stel. Die impulsiewe verkoop van effekte wat…

Transfercar, wat ’n dekade gelede in Nieu-Seeland begin is, is ’n aanlynplatform wat huurmotoragentskappe help met die verplasing van voertuie. Nou kan Suid-Afrikaners voordeel trek uit hierdie innoverende en goedkoop manier om te reis. vir so min as R1 kan Suid-Afrikaners nou ’n motor in Johannesburg, Kaapstad, Durban, Port Elizabeth, Oos-Londen, Margate, Newscastle of Richardsbaai huurvir’n eenrigtingsreis tussen enige van hierdie plekke. Die bestuurder moet slegs ouer as 18 jaar en in besit van ’n geldige rybewys wees. Transfercar is tien jaar gelede in Nieu-Seeland begin en het later na Australië en Noord-Amerika uitgebrei. Dit is ’n markplek vir huurmotoragentskappe wat hulle gehuurde motors van een tak na die ander wil skuif. Transfercar bring dan die agentskap in verbinding met kliënte wat in die rigting van ’n spesifieke tak wil…

Ek onthou nie die presiese datum nie, maar dit was om en by laat 2011 wat ek besluit het ek moet Naspers*-aandele besit. Ek het ’n koop-opdrag teen R248 per aandeel geplaas. Dit is nooit verhandel nie en ek het nooit Naspers besit nie. Nadat Naspers die dekade teen minder as R200 per aandeel afgeskop het, staan dit tans op ongeveer R2 000 per aandeel, maar aandeelhouers het ook ’n MultiChoice-en ’n Prosus-aandeel onderskeidelik ter waarde van meer as R120 en R1 000 per aandeel ontvang. Die dekade se ander groot wenner is Capitec**. Hy het die dekade teen ongeveer R65 per aandeel begin en dit is selfs ’n meer indrukwekkende aandeel wat dertigvoudig oor die tydperk toegeneem het. Ek het wel dié aandeel bekom, maar dit was ’n deurmekaarspul.…

Impala Platinum Die vraag na platinumbelegging sal waarskynlikvolgende jaar sterk bly – maar laer as vanjaar se rekordvlakke – en ’n aansienlike oorskot in die nuwe jaar lei, sê die Wêreldplatinumbeleggingsraad. Die geskatte gemiddelde platinumprys volgende jaar is $905 per ons. Die grafieke: Impala het begin met ’n gesonde bultendens nadat hy in Augustus verlede jaar uit ’n langtermynbeergebied ontsnap het. Hoewel Implats verwag dat die produksie van plaaslike myne oor die volgende vyf jaar weens geologiese-en markbeperkings sal daal, is ’n 100%-herstel op lang termyn tot sy ongeewenaarde hoogtepunt van 36 800 sent per aandeel moontlik. Gaan lank: Hoewel ’n regstelling dalkonderweg is, sal steun bo 8 325 sent per aandeel, ’n koopgeleentheid bied. Weerstand kan teen 13 650 sent per aandeel ondervind word, maarverhoog lang posisies met voortgesette…

wanneer ’n mens terugkyk, sal 2019 onthou word as ’n jaar waarin sentrale banke weereens tot die wêreldmarkte en -ekonomie se redding gekom het. Teen die agtergrond van ekonomiese groei wat verlangsaam, negatiewe ekonomiese data en insinkende aandelemarkte het die Amerikaanse Federale Reserweraad (Fed) ingegryp en rentekoerse drie keer verlaag. Dit het hernude steun aan aandelemarkte gebied, met die S&P 500 wat teen die einde van November op rekord-hoë vlakke was. Die Fed was aan die begin van 2019 op koers om rente verder te verhoog. Jerome Powell, voorsitter van die Fed, en sy span het egter te midde van ’n soort paniek weens laer rentekoerse op die markte – en onder skerp druk deur president DonaldTrump – omgeswaai en gewys dat hulle sensitief was vir seine van die effektemark…

buitelandse belegging, wat net ’n paar jaar gelede nog ’n nuwigheid was, is nou binne die bereik van alle Suid-Afrikaners wat blootstelling aan internasionale aandele wil kry. Beleggers het ’n keuse van duisende maatskappye wat in die buiteland genoteer is. MSCI se wêreldindeks is ’n maatstaf wat wyd gebruik word om internasionale aandele se pretasie te meet. Dit sluit 1 651 groot-en middelkapitalisasie-aandele in 23 lande in. Die indeks het tussen die begin van vanjaar en 25 November ’n opbrengs van 23,8% in dollarterme behaal. Die FTSE/JSE-indeks van alle aandele het in dieselfde tydperk 11,2% in randterme opgelewer. Dit lyk of beleggers met buitelandse blootstelling vanjaar ’n slag geslaan het. Dis egter dalk nou verby. Soos ’n professionele belegger in 15 Augustus se voorbladartikel gesê het: Jy kan nie in…

roger Baxter, uitvoerende hoof van die Mineraleraad van Suid-Afrika, is ’n optimistiese kêrel. Hy glo byvoorbeeld vas dat Suid-Afrika se ekonomiese herstel in die herlewing van die mynbousektor lê. Maar selfs sy vertroue weifel soms. “Dit is nou dringend,” het hy in November vanjaar in ’n verklaring deur die Mineraleraad gesê, toe hy verwys het na die kredietgraderingagentskap Moody’s Investors Service se verwagte komende afgradering van Suid-Afrika se staatskuld. ’n “Aansienlike ommeswaai” oor ses maande was nodig, verkieslik deur middel van ’n reeks ekonomiese hervormings, as Suid-Afrika ’n daling op die wêreld se ekonomiese leer gaan vermy. Suid-Afrika se mynbedryf sukkel baie, dit is waar. Nuwe investerings – bestaande uit nuwe kapitaal, en in nuwe ondernemings – kan op die vingers van een hand getel word. Maar moet dit nie…

die wynbedryf het ’n algemene verskuiwing ondervind na hoërwaardeprodukte toe, enersyds omdat milleniërs nuwe ervarings met eet-en drinkgoed van ’n hoë gehalte najaag, en andersyds omdat wyndruifprodusente hul verdienste ’n hupstoot probeer gee. Wynproduksie se winsgewendheid is al ’n hele ruk onder druk weens stygende insetkoste, moeilike marktoestande en meer onlangs ook ongunstige klimaatstoestande. Dit het weer meegebring dat die oppervlakte waar wyndruiwe geproduseer word oor die afgelope vyf jaar met 6% gekrimp en die getal wyndruifprodusente oor die afgelope dekade met 34% tot 2 874 geval het, volgens die publikasie State of the South African Wine Industry 2018/2019. Rico Basson, Vinpro se besturende direkteur, sê dié situasie het die fokus opnuut laat val op hoërwaardeprodukte en hoër pryspunte per liter vir die plaaslike sowel as uitvoermarkte, wat die bedryf…

Alastair Meredith kunsspesialis by Strauss & Co Plaaslik: Tien jaar gelede het Daniel Naudé ’n fotoreeks van Africanis-honde gemaak. Een van dié werke sal sonder twyfel my keuse wees. Buitelands: Ek is dol oor tussen-oorlogse Britse modernisme en daarom sal ek nie omgee om ’n klein Edward Wadsworth-houtdruk te besit nie. James Sey bemarking-en navorsingshoof by Aspire Art Auctions Plaaslik: Blessing Ngobeni – sy werk is nog bekostigbaar en sy styl en tematiek is só in voeling met wat wêreldwyd besig is om te gebeur. Buitelands: Die Nigeriese moderne kunstenaar Ben Enwonwu wie se werk wêreldwyd opduik op kunsveilings. Dit is wonderlik dat hy dié erkenning kry.…

Die toekoms bestaan nie, volgens Joe Tankersley, skrywer van Reimagining Our Tomorrows: Making Sure Your Future Doesn’t Suck. Maar dit is iets waaroor ons beheer het. “Sodra ons begin besef dat iemand dit moet skep, dink ek dit is wanneer ons op verskillende maniere oor die verhaal begin dink, en dit gaan oor ons reis en hoe ons dié reis na die toekoms wil ontwerp,” het hy in ’n potgooi-onderhoud met Kory French op BreakThru Radio gesê. Dié boek, wat Doris Viljoen, ’n senior futuris by die instituut vir toekomsnavorsing, op USB-ED en finweek se “We Read For You”-geleentheid vroeër vanjaar in Kaapstad bespreek het, is ’n versameling kort verhale wat ongeveer 20 jaar in die toekoms afspeel. Tankersley, ’n skrywer, futuris en voormalige Disney-verbeelder, kombineer sy wye ervaring as…