Finweek - Afrikaans 16 January 2020

die nuwe jaar is skaars ’n week oud en reeds is dit bitter moeilik om optimisties oor2020 te voel – laat staan nog die volgende dekade wat voorlê. En dit is nie net Suid-Afrika wat swak begin nie. Terwyl veldbrande in Australië woed (en moenie die verwoesting wat verlede jaar in die Amasone gesaai is, vergeet nie) en terwyl ons die deurlopende konflikaanskou wat in verskillende dele van die wêreld plaasvind – waarvan talle ’n ernstige skending van menseregte insluit – móét ons eenvoudig kyk hoe ons só opgeëindig het. En die antwoord plaas die mensdom nie juis in ’n goeie lig nie. In Desember het ek na Europa gereis, en een van my belangrikste redes vir die reis, was om die Auschwitz-konsentrasiekamp in Krakow, Pole, te besoek. Dit maak…

elke nuwe jaar is ’n geleentheid om opnuut oor die toekoms te besin. Hierdie nuwe jaar is ’n baie goeie tyd om dit weer te doen. Voorspellings berus egter altyd op die hede, en ons ekonomie bevind hom in ’n haglike toestand. Groei bly lusteloos, selfs negatief. Beurtkrag gaan onverpoos voort en benadeel beleggings wat vir werkskepping, belastinginkomste en beter lewenstandaarde noodsaaklik is. Skuld styg. En met die meer fundamentele dinge soos onderwys, gesondheid en misdaad, is daar min vordering. Die redelike persoon sal, sonder ’n wonderwerk, ’n moeilike dekade vir Suid-Afrika voorspel. Ons moet dit vir innoveerders makliker maak om hier te kom woon. ’n Diversiteit van idees is die basis van innovasie. In krisistye is dit ’n goeie idee om terug te gaan na die basiese beginsels. Ekonomiegeskiedkundiges…

sedert die groot resessie van 2008, het Suid-Afrika trae ekonomiese groei en ’n opwelling in werkloosheid ervaar. Die lustelose oplewing van die vervaardigingsektor, saam met beperkende fiskale en monetêre beleid, beloof weinig vir die ekonomie se opwaartse trajek. Gevolglik behoort die sinchronisering van makro-ekonomiese hervormings – nywerheids-en handelsprogramme – ongetwyfeld sterk ekonomiese prestasie opnuut ’n hupstoot te gee. Oor die afgelope 25 jaar, het die land ’n proses van de-industrialisasie ondergaan, hoofsaaklik weens aggressiewe en voortydige handelsliberalisering – dietariefboekword oorheers deur tariefvrye handelsartikels. Daarbenewens het ’n ongekoördineerde nywerheids-en handelsbeleid, stygende administratiewe koste, infrastruktuurknelpunte, innoverende tekortkominge en invoerdumping bygedra tot die ontberinge in die vervaardigingsektor. Die sektor dra 13% tot ekonomiese uitset by, vanaf die ongeveer 20% in die 1990’s en is verantwoordelik vir 57% van die algehele uitvoer. Nie-veredelde mynbou…

“EK HET 27 JAAR LANK VIR DAARDIE SENTRUM BAKLEI EN IS TALLE KERE GEWEIER; HULLE HET WRAGTIG GEDINK EK DROOM.” - Die entrepreneur Richard Maponya, wat informeel die doyen van die swart sakewêreld in Suid-Afrika genoem is, is in Januarie op 99 oorlede. In ’n argiefonderhoud met CNBC Africa vertel Maponya van die struikelblokke wat hy moes oorkom om ondanks die apartheidstelsel se beletsels ’n winkelsentrum in Soweto te ontwikkel. As die eerste swartman om ’n 100-jaar huurkontrak vir grond in Soweto te verkry, kon hy die Maponya Mall van R650 miljoen uiteindelik ná 27 jaar open. Hieroor sê hy aan die uitsaaier, “toe Nelson Mandela die lint knip om die sentrum te open, was dit die hoogtepunt van my lewe”. “…BRING ’N VEILIGE PAAR HANDE NA DIE SUID-AFRIKAANSE UITLENER,…

DIE GOEIE Eskom het die afgelope twee jaar geen prestasiebonusse betaal nie en ook nie by die Nasionale Energiereguleerder aansoek gedoen om prestasiebonusse van R1,8 miljard te betaal nie, berig Fin24. ’n Berig wat in Januarie in Rapport verskyn het en beweer het Eskom wou die prestasiebonusse betaal ondanks sy onvermoë om die ligte aan te hou, het ’n opskudding op sosiale media veroorsaak. Suid-Afrikaners het luidkeels geprotesteer. Eskom het die bewerings egter ontken en gesê hy het nie daarom aansoek gedoen nie. DIE SLEGTE IHS Markit se bestuursaankope-indeks (PMI) het in Desember van 48,6 tot 47,6 teruggesak. Dit is die laagste vlak sedert Oktober 2018 en nog verder weg van 50, die skeidslyn tussen uitbreiding en inkrimping, berig Business Day. “Met Eskom se instelling van fase ses-beurtkrag in Desember…

adrian Taylor, Marc Maasdorp en Bartek Dutkowski het Jamii Cities in November 2018 gestig toe hulle sien hoe moeilik dit vir verhuurders in die Johannesburgse stadskom is om aanvaarbare huurders te kry. “Jamii Cities vervul al die funksies van ’n tradisionele verhuringsagent, maar wanneer dit by die keuring van kliënte kom, gaan ons nie slegs kredietwaardigheid na nie; ons gebruik ook statistiese ontleding om huurders se behoeftes en lewensomstandighede beter te verstaan. Die gedagte is om ’n beter passing tussen huurders en eiendomme te kry,” sê Taylor. In die ontleding word verskeie faktore wat verblyf beïnvloed in ag geneem, waaronder inkomstepotensiaal, ouderdom, verhoudingstatus, gesinsgrootte, werksplek en die beskikbaarheid van nabygeleë geriewe, soos skole, winkels en hospitale. “Dit is soortgelyk aan die kontroleondersoeke wanneer mense om versekering of huislenings aansoek doen,”…