Landbouweekblad 27-Oct-17

KAMPIOEN MET SY KAMPIOEN Mnr. Andrew Masterson van Humansdorp was die eerste wenner van sowel die suiwel- as die vleisbees-interraskampioenskappe op die onlangse Agri-Expo Livestock op Sandringham buite Stellenbosch. Sy Holstein-koei Milagro Sexie 13140 is as 2017 se FNB-suiwelkoningin gekroon. Sien ook bl. 22. FOTO: VERSKAF MELK UIT FINLAND Die Finse melkprodusent Valio het toe-gang tot die Suid-Afrikaanse mark gekry met die hulp van die Finse regering en kosveiligheidsowerheid, berig die webwerf Good News Finland. Valio beoog om hom veral toe te spits op grondstowwe vir babakos, die lisensiëring van nuwe tegnologie en om waardetoegevoegde produkte, soos sy Elia- laktosevrye produkte, na Suid-Afrika uit te voer. Mnr. Paavo Salminen, uitvoerdirekteur van Valio, was vol lof vir die rol van die owerhede om nuwe handelsvennootskappe moontlik te maak. HORINGSURPLUS? Suid-Afrikaanse renosterboere…

R752,40/ton Die koringtarief staan tans op R752/ton, al het daar sedert die aankondiging van dié tarief twee verdere veranderinge in die internasionale dollar-verwysingsprys plaasgevind. Daarvolgens moes die tarief op 12 September tot R909,99/t gestyg en op 10 Oktober tot R716,33 gedaal het. Dié tariefveranderinge sal na verwagting nog geskied, maar die tydsberekening daarvan is onduidelik. — Agbiz 22% Navorsing deur The Nature Conservancy en 15 ander navorsingsinstellings raam dat veranderinge in landboupraktyke die hoeveelheid kweekhuisgasse wat jaarliks in die atmosfeer vrygelaat word, met 22% kan verminder, of die ekwivalent van 522 miljoen petrol-aangedrewe motors. Voordelige stappe is om bome tussen gesaaides te plant en beter bestuur van lewende hawe. — Phys.org 21% Die produksie van lemoene, wat volgens mnr. Paul Makube, landbou-ekonoom van FNB, verreweg Suid-Afrika se waardevolste uitvoervrug is,…

MA VAN VELE. Mnr. J.F. (Vlooi) du Toit van die Dohne-Merino-stoetery Potberg by Bredasdorp in die Wes-Kaap het ’n besonderse gelukskoot getref met dié ooi wat vanjaar op 26 Julie ’n vierling ryker geword het wat sy op eie houtjie grootgemaak het. Boonop het dit sommer vinnig geblyk al vier dié lammers was sterk en gesond. Me. Adéle du Toit vertel dié ooi het die afgelope twee jaar elke keer ’n tweeling gehad, wat sy óók self grootgemaak het. Hulle hoop dat haar vroulike lammetjies hul ma se geneigdheid tot meerlinge sal erf. FOTO: ADÉLE DU TOIT…

‘ ’n Mens kan net iets aan ’n droogte doen as daar nié ’n droogte is nie.’ MNR. JOHAN VAN DEN BERG, klimatoloog van Santam, oor hoe boere beplanning oor water en besproeiing moet benader. Bl. 16 ‘Daar is genoeg aanvraag dat ons tot 1,8 miljoen ton sojabone kan lewer voordat ons nie meer hoef in te voer nie.’ MNR. JANNIE DE VILLIERS, hoofbestuurder van Graan SA, oor vooruitsigte vir somergrane. Bl. 20 ‘Ons moet saamwerk en saam na die Regering gaan sodat hy respek vir ons kan hê.’ MNR. ANDRÉ CLOETE, voormalige opkomende boer, oor die gebrek aan samewerking tussen Agri SA en Afasa. Bl. 17 ‘Suid-Afrika is die wêreld se sewende grootste wynprodusent, maar die land lê veertiende op die lys wat betref die hoeveelheid wingerdgrond onder produksie.’…

Die Europese Unie (EU) se handelsbeleid is “moreel aanstootlik” en hou boere in Afrika arm en honger, sê die Konserwatiewe Britse parlementslid mnr. James Cleverly. Hy sê invoertariewe saam met Europese landbousubsidies benadeel boere in die ontwikkelende wêreld reeds dekades lank. Cleverly se ma is van Sierra Leone en hy sê hy verstaan nie hoe enigeen wat oor armoede bekommerd is, met ’n skoon gewete kan toelaat dat dié situasie voortduur nie. “Ons raak kwaad omdat China dit onmoontlik maak vir ons staalbedryf om met sy kunsmatig lae pryse mee te ding, want dié produkstorting bring die inkomste van duisende Britse staalwerkers in die gedrang. Tog is dit presies wat die EU aan boere in die ontwikkelende wêreld doen.” Ingevolge die EU se landboubeleid word Europese boere reeds jare lank…

SKEP JOU EIE TOEKOMS “Die sleutel tot ons familie se boerderysukses is dat my seuns nie soos ek boer nie,” is hoe die vooraanstaande Amerikaanse Angus-boer Don Schiefelbein sy pa op die immer gewilde Aldam-veeskool aanhaal om sy eie boerderysukses op te som. Don, wat as voorsitter van die gesertifiseerde-Angus-handelsmerk aan die hoof van die wêreld se grootste vleisbeeshandelsmerk staan, is ook aan die voorpunt van die genomikarevolusie wat tans oor die veebedryf in Amerika spoel. Waar daar so onlangs soos 2012 net 11 000 Angus-beeste geneties geëvalueer was, staan die getal vandag op 355 000. Die voordele is voor die hand liggend. Voorheen moes daar gewag word vir nageslag of data van tot 28 diere voor ’n duidelike prentjie van sekere genetiese eienskappe van ’n teeldier begin vorm aanneem…