Innehållsförteckning för 27-Oct-17 från Landbouweekblad

‘ ’n Mens kan net iets aan ’n droogte doen as daar nié ’n droogte is nie.’ MNR. JOHAN VAN DEN BERG, klimatoloog van Santam, oor hoe boere beplanning oor water en besproeiing moet benader. Bl. 16 ‘Daar is genoeg aanvraag dat ons tot 1,8 miljoen ton sojabone kan lewer voordat ons nie meer hoef in te voer nie.’ MNR. JANNIE DE VILLIERS, hoofbestuurder van Graan SA, oor vooruitsigte vir somergrane. Bl. 20 ‘Ons moet saamwerk en saam na die Regering gaan sodat hy respek vir ons kan hê.’ MNR. ANDRÉ CLOETE, voormalige opkomende boer, oor die gebrek aan samewerking tussen Agri SA en Afasa. Bl. 17 ‘Suid-Afrika is die wêreld se sewende grootste wynprodusent, maar die land lê veertiende op die lys wat betref die hoeveelheid wingerdgrond onder produksie.’…

ROOIVLEIS: SA KAN NIE AUSSIES SE STELSEL NET SO GEBRUIK Die artikel “Graderingstelsel sal rooivleisbedryf help” (LBW, 13 Oktober) het be-trekking. Die bedryf gons die afgelope paar jaar oor moontlike veranderinge aan die huidige klassifikasiestelsel of die instelling van ’n graderingstelsel (selfs parallel met die klassifikasiestelsel). Terwyl ek die sentiment van die drie manne wat in die artikel kommentaar lewer, heelhartig ondersteun, wil ek tog ’n paar opmerkings maak. Ek ondersteun die keuse van ’n stelsel met beginsels wat op die MSA-stelsel (Meat Standards Australia) gegrond is, maar die indruk word gewek dat die stelsel byna soos ’n produk (’n nuwe Hilux-bakkie) van die rak af gekoop kan word en dat ander lande dit reeds gebruik. Ons moet onthou die stelsel is in Australië ontwikkel met inagneming en toetsing van…

MNR. JACO STRAUSS , Noord-Kaapse Jongboer van die Jaar, het met slim sakesin op Safex en strategiese gewasbemarking reusespronge in die besproeiingsbedryf gemaak. Lees die artikel op bl. 38. VERTEL ONS VAN JOU GESIN. My pa, Koos (74), en ma, Lettie, boer nog voluit met pekanneute by Vaalharts. Ek en my vrou, Elna, het drie kinders – Conrad (9), Elné (7) en Lara (12). WAAR HET JY GESTUDEER? Ek het matriek aan die Hoër Landbouskool Jan Kempdorp verwerf. HET JY ’N STOKPERDJIE? Ek is ’n spoedvraat wat van vinnige motors hou, en het ook ’n vlieglisensie vir die ligte vliegtuig waarmee ek die reistyd tussen plekke verkort.…

INDIEN die Wes-Kaapse landbou se waterkwotas weens die voortslepende droogte met 60% ingekort word, kan sy bruto waardetoevoeging tot die provinsie se ekonomie met 27% afneem vir die boekjaar 2017-’18, aldus ’n opname deur die provinsiale departement van landbou. Mnr. Darryl Jacobs, die Wes-Kaap se adjunkdirekteur-generaal van landbou, sê volgens ’n peiling onder 106 vrugteboere, wat onderskeidelik 31% tafeldruiwe, 31% wyndruiwe, 15% steenvrugte, 8% bessies, 7% sitrus, 7% kernvrugte en 1% eksotiese vrugte lewer, sal ’n inperking van 60% van die watertoevoer lei tot ’n gemiddelde daling in produksie van 36,9%. Dit beteken ’n afname van R4,96 miljard (of 27% van die Wes-Kaap se landboubedrywighede) in die bruto waardetoevoeging vir die boekjaar 2017-’18. Moontlike werksverliese word op bykans 36 000 geskat en die sektor sal terselfdertyd ’n waardevolle aandeel in…

GRAAN SA verwag dat saaiboere vanjaar sowat 20% minder mielies gaan aanplant, en die Buro vir Voedsel en Landboubeleid raam dat minstens 300 000 ha marginale grond nie teen die huidige lae prys met mielies beplant kan word nie. Mnr. Jannie de Villiers, hoofbestuurder van Graan SA, het in ’n voorlegging aan die Vryemarkstigting gesê die 2,6 miljoen ha mielies en nagenoeg 13 miljoen ton wat al gelewer is, het daartoe gelei dat Safex se “spot”-prys vir mielies tans sowat 45% laer is as die ooreenstemmende tyd verlede jaar. Dit kan boere laat besluit om vanjaar eerder minder mielies te plant en ander gewasse te oorweeg. Hy sê daar kan veral ’n oplewing in sojaboonaanplantings verwag word. “Daar is genoeg produksiespasie vir meer sojabone. Suid-Afrikaanse produsente het vanjaar vir die…

DIE tegnologie is reeds ontwikkel en mense is opgelei om die beken-klouseer-entstof te vervaardig, maar die Landbounavorsingsraad (LNR) kan steeds nie die nodige R400 miljoen by die Regering kry om die vervaardigingsgeriewe daarvoor op te rig nie. Dié projek is in 2010 van stapel gestuur nadat die LNR in 2005 opgehou het om die entstof te vervaardig weens tegniese probleme en onvoldoende infrastruktuur. Met die uitbreking van bek-enklouseer in 2011, wat tot 2014 geduur het, het Suid-Afrika jaarliks sowat R4 miljard se inkomste verloor toe hy sy uitvoerstatus vir vleisprodukte na die Europese Unie verloor het. Dr. Shadrack Moephuli, uitvoerende hoof van die LNR, sê samesprekings met die Departement van Landbou, Bosbou en Visserye en die Tesourie duur steeds voort om die nodige geld vir die projek in die hande…

KORTOM ■ Die invoer van melkprodukte na Suid-Afrika het in die eerste helfte van vanjaar byna verdubbel. ■ Die posisie van plaaslike melkboere wat die afgelope paar moeilike jare oorleef het, het baie verbeter. ■ Die prys van botter is wêreldwyd byna twee keer hoër as ’n jaar gelede. Die primêre melkbedryf het die afgelope maande ’n toename in sy marges ervaar. Dit was namate voerpryse gedaal het ná die tekorte en droogte van die voorafgaande drie jaar. Ten spyte van dié beter marges het melkproduksie nie in die eerste deel van vanjaar gestyg nie, aldus die Melkprodusente-organisasie (MPO). Dit volg natuurlik op die moeilike tyd waarin boere verse geslag en koeikuddes kleiner gemaak het om die droogte en duur voerkoste te oorleef. Melkboere in die Wes- en Suid-Kaap (wat…

BETER reënval in Namibië en Suid-Afrika, asook die wisselende wisselkoers het tot groot skommelinge in landbou-inflasie en die produsentepryse van skape en beeste in Namibië gelei. Lek- en voerpryse het in die afgelope 12 maande skerp gedaal, terwyl die beter weiding en ’n tekort aan beeste tot ’n styging in produsentepryse in die eerste kwartaal van vanjaar gelei het. Aangesien Namibië baie van sy produksiemiddele van Suid-Afrika invoer, wat weer van sy produkte uit die buiteland invoer, speel die wisselkoers ’n belangrike rol in die prys van talle produksiemiddele. Die wisselkoers is ook van besondere belang vir die beesvleisprodusenteprys, aangesien Meatco, die spogmerk van produsente se uitvoervleis na die Europese Unie, ’n groot persentasie van sy vleis uitvoer. Hoewel die bees- en skaapvleisbedryf in Namibië steeds gebuk gaan onder ’n…

In Suid-Afrika word bulle verkoop wanneer hulle twee jaar oud is. Die meeste bulle word waarskynlik verkoop wanneer hulle tussen twee en drie jaar oud is en ’n hele klomp eers as hulle drie jaar oud is. Ek wonder al lank oor die rede daarvoor. As jy na Noord-Amerika en Australië kyk, word bulle as jaarlinge (14-16 maande) verkoop en in uitsonderlike gevalle wanneer hulle 18 maande oud is. ’n Mens kan aanvoer die rasse waarmee hulle daar boer, is vroeër geslagsryp, maar die gebruik is van toepassing op die meeste rasse in Noord-Amerika en Australië. Van die min telers wat bulle later verkoop, is die Hoggins-familie van die dorpie Rutherford naby Houston in Texas wat hul Brahmane op 18-24 maande of selfs later verkoop. Hulle het die eerste Manso…

Vee kan ’n groot bydrae tot die biologiese lewensiklusse in en op saaigrond lewer deurdat die diere voedingstowwe help sirkuleer vanaf die plante wat hulle vreet. Beweiding stimuleer ook grondlewe, sê mnr. Brian Caldbeck van die Amerikaanse saadmaatskappy Kauffman Seeds. Voorts ontwikkel baie plante in reaksie op korrekte beweiding groter en sterker wortelstelsels. Hy sê dit is gebruiklik om meer erdwurms onder elke miskoek in ’n land te vind wat bewei word. “Vee sit ’n groot persentasie van die voedingstowwe wat hulle inneem, weer op die grond neer (in die vorm van mis en urine), in ’n vorm wat die insekte, ander diere en plante in die grond weer maklik kan benut.”…

Vennootskappe tussen vee- en saaiboere waarin die saaiboer wat nie vee het nie, sy dekgewasse vir beweiding aan die veeboer uithuur, is ’n praktyk wat Amerikaanse boere deesdae beproef. Dít bied aan saaiboere ’n alternatiewe bron van inkomste in ’n tyd waarin pryse vir kontantgewasse laag is. Die saadmaatskappy Green Cover Seed gee ’n paar riglyne daaroor. Tref die huurreëlings voordat jy só ’n weidingmengsel plant. Daar is verskillende tipe verhuringsopsies: ■ Die eerste is gegrond op maande weiding per vee-eenheid, waarin die grondeienaar meer risiko vir lae voerproduksie aanvaar, en die vee-eienaar meer risiko vir die vind van alternatiewe weiding as die betrokke weiding opraak. ■ Die tweede opsie is gegrond op prys per hektaar, maar dan moet vooraf oor weidatums en belading ooreengekom word. ■ Die derde opsie…

Dr. Johann Kruger, eienaar van Clonemaster’s Laboratory en die ontwikkelaar van BacTech-produkte, sê Wormguard gebruik van die natuur se oudste inseksiektes, patogene entomo-organismes, om wurms te laat les opsê. “Wormguard se aktiewe bestanddeel is die Bacillus thuringiensis-bakterie, waarvan twee subspesies in die produk benut word.” Volgens mnr. Barend Willemse, laboratoriumbestuurder by BacTech, vervaardig hierdie bakterieë ’n kristal (proteïen) wat bekend staan as ’n pro-toksien. “Hierdie proteïen raak slegs toksies wanneer dit met die speeksel van lepidoptera-larwe, die wurm, in aanraking kom en doen geen skade aan die mot of vlinder nie. Wanneer hierdie proteïen in die monddele van die wurm kom, raak dit toksies vir die wurm en die monddele verlam. Dit kan dan nie verder vreet nie. “Hoewel die larwe nog twee tot drie dae kan leef, stop die…

J are lank is daar na die magiese opbrengs van 4,5 ton/ha met sojabone gestrewe. In sekere dele is dit plek-plek in landerye behaal, maar op ’n hele spilpunt was dit nie so maklik om hierdie gemiddelde opbrengs te handhaaf nie. Nou is dié grens ook verskuif. Drie produsente van sojabone het dit in die seisoen 2016-’17 reggekry om deur die grens van ’n gemiddelde opbrengs van 4,5 ton/ha met hul hele oes te breek. Dié drie is mnre. Jaco Strauss (Noord-Kaapse Jongboer van die Jaar), Wessel van der Merwe van die Skaduryk-boerdery (voormalige voorsitter van Agri Noord-Kaap) en Willie Kruger van die Kruger-boerdery. Jaco en Willie vermeerder sojaboonsaad vir Pannar. Hul opbrengs was onderskeidelik net meer as 5 ton/ha en 4,8 ton/ha. VERFYN AANSLAG Wessel se suksesverhaal is werklik…

Boere wat van die kantlyn af kla, maar nie by die georganiseerde landbou betrokke is nie, is hard aangespreek op Agri Noordwes se onlangse kongres. Dit is in September op Lichtenburg gehou en het klem gelê op die volhoubaarheid van die landbou deur eiendomsregsekerheid en verhoogde produktiwiteit. “Ons grootste vyand is oningeligtheid en onbetrokkenheid,” sê mnr. Boeta du Toit, uitvoerende uitvoerende hoofbestuurder van Agri Noordwes. “Die landbousektor was nog nooit so beleër en onder druk as wat nou die geval is nie onder die huidige politieke bewindhebbers se heerskappy en te midde van die trae, kwynende ekonomie.” Boeta het boere gemaan om nie alles in die gedrukte en sosiale media te glo nie en eerder eensydige beriggewing te vermy wat mense mislei en ’n moedelose gesindheid kan skep. Hy moedig…

EPISODE 3 Plaaskombuis word Woensdae om 18:30 op Via (kanaal 147 op DStv) uitgesaai. Die reeks word aangebied met die samewerking van Landbouweekblad. Essie en Melinda Esterhuizen is al ou bekendes op Prins Albert. Essie het 21 jaar gelede die plaas gekoop waarop hulle vandag nog woon. ’n Paar jaar terug het die Badenhorst-familie die plaas by hom gekoop en olywe daar gevestig. Vandag bestuur Essie die Prince Albert-olyfplaas. Hy is ook aan die stuur met die maak van die plaas se bekende olyfolie. Melinda is betrokke by Prins Albert se florerende toerismebedryf. Boonop kan sy baie lekker kook. Melinda het in die Kaap grootgeword. Sy het Essie daar ontmoet. Haar liefde vir kos het sy by haar ma gekry. Hoewel haar pa lief is vir tradisionele boerekos, het Melinda…

Die Here sê in Miga 6: “Mens, die Here het aan jou bekend gemaak wat goed is. Hy vra van jou dat jy reg sal laat geskied, dat jy liefde en trou sal bewys, dat jy bedagsaam sal lewe voor jou God.” Ons moenie net praat oor hierdie drie goed wat God ons gevra het om te doen nie. Ons moet dit doen. Ons moet op ’n regverdige wyse boer. Betuig genade wanneer iemand ’n fout gemaak het of wanneer iets nie heeltemal reg verloop nie. Gee mense die kans om hul foute reg te maak en wandel nederig met God. Wanneer ons arrogant word omdat God ons geseën het en ons goed in die boerdery vaar, sal God ons teenstaan. In werklikheid sê die Here in 1 Petrus 5:5:…

Die mensdom se soeke na ewige jeugdigheid kan diegene wat die sleutel daartoe hou, skatryk maak. Nuus uit Italië wil voorgee dat dié sleutel in die slym van slakke vasgevang is. Juis daarom spits al hoe meer Europese maatskappye hul toe op die oes van slakslym. Vol-gens die Barilla-sentrum vir voedsel en voeding, ’n sentrum van die Coldiretti-boerevereniging van Italië, word ongeveer 44 000 ton slakke per jaar slegs in Italië geteel. Oor die afgelope jaar het die vraag na slakslym vir kosmetiese doeleindes met 47% gegroei, berig Barilla. Die internasionale slakbedryf, volgens Coldiretti, is ongeveer £8,7 miljard werd en met die kosmetiese mark wat nou skielik ontplof het, voorspel hulle dat groei in die vraag na slakprodukte nie gou sal afneem nie. Die meer as 4 000 slakboere in…

Die volgende ontleding van grondverkope in Suid-Afrika is van transaksies vir grond van meer as 10 ha in Limpopo, Gauteng en KwaZulu-Natal vanaf Augustus verlede jaar tot Julie vanjaar. Byna 70% van die distrikte in LIMPOPO toon dalende grondprysneigings. In dié provinsie was daar 514 ooreenkomste in 12 distrikte. Dit het 200 076 ha teen R2,688 miljard behels. Daarvan was 20% transaksies van kleur. Dié soort transaksies sluit in verhandelings tussen individue, Regeringsaankope van landbougrond en grond wat vir stedelike ontwikkeling verkry is. Dit het 18,4% van al die verhandelde hektare in Limpopo teen R495 miljoen (18,4% van die totale waarde) behels. In GAUTENG was daar 496 transaksies wat 52 805 ha teen R6,3 miljard behels het. Daarvan was 118 (24%) ooreenkomste van kleur. Sowat 62% van die transaksies was…

R752,40/ton Die koringtarief staan tans op R752/ton, al het daar sedert die aankondiging van dié tarief twee verdere veranderinge in die internasionale dollar-verwysingsprys plaasgevind. Daarvolgens moes die tarief op 12 September tot R909,99/t gestyg en op 10 Oktober tot R716,33 gedaal het. Dié tariefveranderinge sal na verwagting nog geskied, maar die tydsberekening daarvan is onduidelik. — Agbiz 22% Navorsing deur The Nature Conservancy en 15 ander navorsingsinstellings raam dat veranderinge in landboupraktyke die hoeveelheid kweekhuisgasse wat jaarliks in die atmosfeer vrygelaat word, met 22% kan verminder, of die ekwivalent van 522 miljoen petrol-aangedrewe motors. Voordelige stappe is om bome tussen gesaaides te plant en beter bestuur van lewende hawe. — Phys.org 21% Die produksie van lemoene, wat volgens mnr. Paul Makube, landbou-ekonoom van FNB, verreweg Suid-Afrika se waardevolste uitvoervrug is,…

Die Europese Unie (EU) se handelsbeleid is “moreel aanstootlik” en hou boere in Afrika arm en honger, sê die Konserwatiewe Britse parlementslid mnr. James Cleverly. Hy sê invoertariewe saam met Europese landbousubsidies benadeel boere in die ontwikkelende wêreld reeds dekades lank. Cleverly se ma is van Sierra Leone en hy sê hy verstaan nie hoe enigeen wat oor armoede bekommerd is, met ’n skoon gewete kan toelaat dat dié situasie voortduur nie. “Ons raak kwaad omdat China dit onmoontlik maak vir ons staalbedryf om met sy kunsmatig lae pryse mee te ding, want dié produkstorting bring die inkomste van duisende Britse staalwerkers in die gedrang. Tog is dit presies wat die EU aan boere in die ontwikkelende wêreld doen.” Ingevolge die EU se landboubeleid word Europese boere reeds jare lank…

In die veilingsberig “Min belangstelling op Megaweek-veiling” (LBW, 29 September, bl. 91) word verkeerdelik na mnr. Noppie Roux as die eienaar van die Dorperstoetery Cihara, Koekenaap, verwys. Mnr. Jean Aggenbag is die eienaar van die stoetery en Roux die stoetbestuurder. Landbouweekblad korrigeer graag onjuisthede in artikels en nuusberigte. Stuur inligting oor regstellings so gou moontlik ná die publikasiedatum en verkieslik skriftelik aan Izak Malherbe, Landbouweekblad, Posbus 1802, Kaapstad 8000; tel. 021 406 2297; e-pos: malherbe@landbou. com; faks 021 406 2940. Verskaf ook u telefoon- of selnommer.…

Die Australiese mynmaatskappy Peninsula Energy Limited sê in ’n omsendbrief van 18 Oktober dat hy in die oorblywende maande van die 2017-kalenderjaar van sy belang van 74% in die Karoouraanmynprojek ontslae gaan raak. Die oorblywende 26% word besit deur hul swartbemagtigingsvennote Tasman Pacific Minerals Limited en Lukisa JVCo. Mnr. Wayne Heili, besturende direkteur en uitvoerende hoof van Peninsula Energy Limited, sê Peninsula gaan nie noodwendig heeltemal sy bande met die projek verbreek nie, maar sy betrokkenheid sal “teen ’n beduidend verminderde vlak” as tans wees. Hy sê die maatskappy wil eerder sy klem verskuif na ’n langtermyn-uraanprojek in die Amerikaanse deelstaat Wyoming. Peninsula se Karoobedrywighede bestaan uit 40 prospekteringsregte om te soek na molibdeen en uraan oor ’n gebied van 7,800 km2 (of 780 000 ha) in die Oos- en…

DIE welwillendheid van Suid-Afrika se grootste boere moenie onderskat word nie. Hulle sal hulle ook tot voedselproduksie in die res van Afrika verbind as hulle die geleentheid gebied word en as struikelblokke verwyder word, sê mnr. Charl Senekal, voorsitter van die Pro-Agri Forum en ’n direkteur van Agri SA. Hy het op ’n paneelgesprek oor vennootskappe om Suid-Afrika se waterkrisis die hoof te bied, gesê die beskikbare waterbronne moet beter benut word. Senekal, een van die land se grootste besproeiingsboere, sê die Jozinidam waaruit hy besproei, is gebou vir besproeiing van 30 000 ha, maar net 8 000 ha word benut. “Nogtans sê die Departement van Water en Sanitasie daar is nie meer water beskikbaar nie. In my omgewing is die werkloosheidsyfer 89%. As meer water beskikbaar is, kan boere…

MOEILIKE handelstoestande by Pioneer Foods het Zeder se halfjaarresultate afwaarts gerem. Die “som van die dele”-waarde van dié genoteerde beleggingsmaatskappy, met ’n fokus op die landbou-, drinkgoed- en voedselbedrywe, het met 9,5% gedaal tot R7,72 per aandeel. Zeder besit ’n 27%-belang in Pioneer Foods. Dit is die maatskappy se grootste belegging en verteenwoordig 52,3% van sy portefeulje. Volgens mnr. Norman Celliers, Zeder se uitvoerende hoof, het hulle die swakker resultate verwag, gegewe Pioneer Foods se swakker verdienste in die ses maande tot 31 Maart. “Pioneer Foods het in dié tyd moeilike handelstoestande ervaar, deels weens faktore wat onwaarskynlik herhaal sal word. Pioneer het al voorheen die resultate gerapporteer, maar die syfers word nou eers in Zeder se resultate weerspieël.” Hy is egter vol vertroue dat sake in die toekoms sal…

Verskillende stelle klere en skoeisel vir onderskeidelik binne- en buitewerk op eierplase is een van die maatreëls wat boere kan tref om voëlgriep te bekamp. Só sê die Internasionale Eierkommissie se groep internasionale voëlgriepkundiges, wat ’n praktiese nagaanlys vir biosekerheid saamgestel het. Luidens die dokument is dit belangrik dat boere in gedagte hou dat dieselfde program nie op alle plase gaan werk nie – ’n plan moet terrein- en struktuurspesifiek wees. In die dokument se riglyne oor personeel en toerusting word die voorbeeld van storte gebruik: Dit moet goed toegerus word met onder meer warm water, seep en handdoeke, anders gaan werknemers dit nie gebruik nie. Bestuurslui moet ook nie die stortreëls minag nie, want dit kan daartoe lei dat werknemers die riglyne as minder belangrik beskou. Voetbaddens moet verder…

ALTESAME 1,2 miljoen huishoudings in Suid-Afrika besit vandag lewende hawe en ’n styging van 19% in die verbruik van beesvleis word teen 2026 verwag. Boonop is die Suid-Afrikaanse veeverbeteringstelsel van wêreldgehalte en die land se veebedryf is aan die voorpunt om moderne tegnologie te gebruik. Mnr. Gerhard Schutte, uitvoerende hoof van die Nasionale Rooivleisprodusente-organisasie (RPO), het hierdie gunstige prentjie op die Agri-Expo Livestock op Sandringham buite Stellenbosch geskets. Hy het gesê die Suid-Afrikaanse landbou se groeikoers is tans ’n uitstekende 33,6% en die rooivleisbedryf is deel daarvan. Elke jaar word meer lewende hawe in Suid-Afrika geslag as die vorige jaar en die verkope van beesvleis beloop sowat R60 miljard. “Ons is ook ’n netto uitvoerder van beeste.” Die onderskeie bedrae vir verkope van skaap- en bokvleis beloop onderskeidelik R13,5 miljard…

’N Wyntekort kan Suid-Afrika se voorland wees weens die voortslepende droogte, meen mnr. Stephan Claassen, provinsiale hoof vir die Wes- en Oos-Kaap by FNB Sakebankdienste. Spanje, Italië en Frankryk (wat saam meer as die helfte van die wêreld se wyn lewer), maak hulle ook reg vir die ergste ná swak weerstoestande hul oeste nadelig geraak het. Verwoestende brande in Kalifornië, Amerika, se wynstreke hou verdere slegte nuus in. Mnr. Stephen Rannekleiv, ’n strateeg by Rabobank, het aan CNN Money gesê ’n drastiese afname in die beskikbaarheid van wyn kan tot volgende jaar voortduur en die laer pryspunte die swaarste tref. Claassen het tydens die bekendmaking van FNB se Sauvignon blanc- Top-10-kompetisie op Franschhoek gesê die tekorte gee aan wynboere die geleentheid om pryse te verhoog. “Dit is opnuut tyd om…

Wanneer ’n familietrust aanvanklik opgestel word, is die boedelbeplanner dikwels nog jonk en die kinders klein. Die begunstigdes van die trust (die pa, ma en kinders) het almal dieselfde behoeftes, naamlik die behoefte aan versorging. Dit is vir die trustees maklik om hierdie behoeftes te bestuur. Maar twintig jaar later is daar moontlik al drie plase in die trust en is die drie seuns dalk saam met die pa by die boerdery betrokke. Die gedagte is dat elke seun ’n plaas moet “erf”, maar nou behoort die plase aan ’n diskresionêre familietrust en nie aan die pa wat die plase aan die seuns kan bemaak nie. Al drie plase behoort aan die raad van trustees, in hul ampshoedanigheid, wat dit tot voordeel van die groep begunstigdes moet administreer. Spanning kan…

KYK NA HIERDIE T-PLANTER, SÊ KIWI Suid-Afrikaanse boere kan gerus die Cross Slot-planter oorweeg, sê dr. Warren Parker, voorsitter van Nieu-Seeland se bewaringsowerheid. Warren was vanjaar die hoofspreker op die bewaringslandbou-konferensie van KwaZulu-Natal se geenbewerkingsklub. Hy is ’n oudhoogleraar van die Masseyuniversiteit in Nieu-Seeland, waar hy hoof van die departement agribesigheid en hulpbronbestuur was. Die Cross Slot-planter word deur die Nieu-Seelandse firma Baker No-Tillage vervaardig. Dié maatskappy is deur voormalige wetenskaplikes en ingenieurs van Massey-universiteit gestig, wat die tegnologie oor 30 jaar ontwikkel het. Dit word algemeen in onder meer Wes-Australië en Amerika gebruik. Die vervaardigers maak daarop aanspraak dat die Cross Slot vir ultraligte grondversteuring sorg. Dit maak ’n saadvoor in die vorm van ’n omgekeerde T in die grond, en bandplaas saad en kunsmis onderskeidelik weerskante van die…

PLAASINLIGTING LIGGING: Hartswater, Noord-Kaap BOERDERY: McStraussboerdery PLAASNAAM: Lekkerkry GROOTTE: 764ha EIENAARSKAP: Alleeneienaar en trusts VERTAKKINGS: Koring, mielies, hawer, katoen, lusern, grondbone, pekanneute GRONDTIPE: Sandleem GEMIDDELDE REËNVAL: 400 mm per jaar KORTOM ■ Hierdie jong besproeiingsboer maak reusespronge om sy finansiële vryheid in die boerdery te verkry. ■ Die boerdery-omset het sedert 2014 meer as verdubbel en die opbrengs per hektaar het met bykans 59% gestyg. ■ Tegnologiese aanpassings stel hom in staat om doeltreffender te boer en akkurate besluite te neem. Vanjaar is nie die eerste keer dat mnr. Jaco Strauss (40) as Noord-Kaapse Jongboer van die Jaar bekroon is nie. Nege jaar gelede het dié gerekende graanprodusent dit ook reggekry – toe op bykans die helfte minder grond. “Tegnologiese vernuwing het my toegelaat om my bewerkingspraktyke en produkte te…

PLAASINLIGTING LIGGING: Winterton, Bergville, KwaZulu-Natal NAAM: 2HB-boerdery VERTAKKINGS: Graan, kommersiële beeskudde GRONDTIPE: Van sand tot klei GEMIDDELDE REËNVAL: 800 mm per jaar KORTOM ■ Mnr. Cobus Botha, KwaZulu-Natal se sojaboonkoning, glo tydsberekening is alles. ■ Hy steun swaar op uitgebreide proewe op die plaas. ■ Hy wissel sy somergesaaides onder besproeiing in die winter af met ’n weidingdekgewasmengsel en koring. Vir mnr. Cobus Botha van die 2HB-boerdery by Winterton en Bergville is dit belangrik dat hoër opbrengste nie ten koste van wins per hektaar moet wees nie. “Ek moet jaarliks regverdig wat ek doen; jy moet immers die bankbestuurder oortuig,” sê dié KwaZulu-Natalse wenner in DuPont Pioneer se Weeg en Wen-kompetisie. Sy sojaboon-opbrengs van 4,7326 ton/ha op die wenblok was vanjaar die meeste op droëland in dié provinsie. Oor sy…

Die weidingmoontlikhede wat dekgewasse in kombinasie met kontantgewasse en veld bied, is eindeloos, sê die Amerikaanse onderneming Green Cover Seed in sy jaarlikse handleiding. Een stelsel wat in die handleiding voorgestel word, is om in die eerste drie warm maande (November, Desember en Januarie in Suid-Afrika) veld intensief te bewei, teen dubbel die belading as normaalweg. Dan word daardie grasse benut as hul weidinggehalte op die hoogste is en kan hulle die res van die groeityd rus. Van die veld kan die vee dan vir twee maande (Februarie en Maart in Suid-Afrika) geskuif word na ’n somerdekgewasmengsel, met byvoorbeeld sorghum, Soedangras en akkerbone, en van daar na ’n dekgewasmengsel waarin ook koelseisoenspesies is, soos rape, radyse, hawer, erte en lente-gars. Daarop kan die diere vir die duur van die herfs…

Landbouweekblad het danksy borgskappe van VKB en Pannar ’n toer van Suid-Afrikaanse boere na die Amerikaanse Midde-Weste meegemaak. Mnr. Ray Archuleta, Amerikaanse herlewingslandbou-spesialis, was die toerleier. Hy sal volgende jaar op 19 en 20 Maart ’n spreker op Landbouweekblad se jaarlikse konferensie op Reitz in die Oos-Vrystaat wees. Sien bl. 32 vir die volledige program. Bel Johan Terblanche by tel. 021 406 4962 om plek te bespreek. Daar gaan ook ’n boeredag in die Kaap gehou word. Kontak Willie Pretorius by willie@soilhealthsolutions.com vir meer besonderhede hieroor.…

RAM BY LAKTERENDE OOIE Kan ek ’n ram by ooie laat loop nadat hulle lammers gehad het? Ek het ’n klein plasie. Die lammers is nou drie weke oud. Die ram is in ’n klein kampie. Die ander ooie is almal dragtig en lam nou tot einde Oktober. Kan die ram vir so lank afgesonder bly? Hoe groot moet sy kamp wees? Sal hy nie oor die draad spring om by die ooie uit te kom nie? Ramme moet liefs nie by lakterende ooie loop nie, want dit kan tot gevolg hê dat tot 20% van die ooie in teelrus (anestrus) gaan en nie die daaropvolgende dektyd op hitte kom nie. Dit kan die lampersentasie drasties verlaag. Hierdie verskynsel dat van die ooie in seisoenale teelrus gaan, gebeur ook waar…

Met min water beskikbaar is dit belangriker as ooit om die regte hoeveelheid water op die regte tyd vir wingerde te gee. Me. Angelique Zeelie, gronden-plantkundige van Akashabesproeiingsdienste, sê wingerdboere se basiese besproeiingstrategie moet op die volgende beginsels berus: ■ Die bevordering van egalige bot; ■ Die beheer van oormatige geil groei; ■ Die daarstelling van maksimum vrugset; ■ Die optimale bestuur van korrelgrootte; ■ Die versekering van translokasie van suikers (smaak), antosianiene (kleur) en fenoliese verbindings (smaak) na die tros; en ■ Die voorbereiding van die stok vir die volgende snoeityd en seisoen se oes. DROË SOMER “Besproeiing gaan dié somer nie maklik wees nie, veral nie wat die persentasie onttrekking en/of druklesings (in kPa) betref waar die boer nie reeds met só ’n stelsel sy besproeiing skeduleer nie,”…

Beesfiletmedaljons met pietersieliebotter en geroosterde tamaties Pietersieliebotter en steak is ’n hemelse kombinasie. Hierdie resep is aangepas uit C. Louis Leipoldt se kookboek Kos vir die kenner van 1933. Pietersieliebotter ■ 75 ml botter ■ 10 ml suurlemoensap ■ 1 ml gemaalde swartpeper ■ 25-30 ml fyngekapte pietersielie Medaljes ■ 6 medaljons (uit die ronde deel van ’n beesfilet gesny en 40 mm dik) ■ Sout en peper ■ Suurlemoensap ■ 125 ml witwyn ■ Uie ■ Sout en peper ■ Geroosterde romatamaties Pietersieliebotter: Maak die botter met ’n houtlepel sag. Voeg die res van die bestanddele by en meng goed. Druk vas in ’n bakkie en plaas in die yskas. Sny in blokkies sodra dit hard is. Medaljons: Braai die vleis vinnig aan albei kante bruin in ’n geriffelde…

Internasionale pryse vir onkruiddoders en insekdoders het op ’n jaargrondslag van September verlede jaar tot September vanjaar gestyg. Graan SA se maandelikse verslag oor chemikalieë en kunsmis (Oktober 2017) wys dat die prys van aktiewe bestanddele glifosaat (95%), asetochloor (92%), atrasien (97%) en metolachloor (97%) wat gebruik word vir die vervaardiging van onkruiddoders, in randwaarde almal met 5,1% tot 36,7% gestyg het. Slegs die aktiewe bestanddeel trifluralin (95%) se prys het met amper 7% gedaal. Ook die pryse van aktiewe bestanddele vir insekdoders het gestyg. Die prys van imidaklopried (+69,6%), lambda-sihalotrien (+24,8%), karbofuran (+1,3%) en deltametrien (+55,6%) het in randwaarde gestyg. Graan SA benadruk in die verslag dat die randwaarde vir die chemiese pryse van insekdoders en onkruiddoders ’n aanduiding is van die neiging van internasionale pryse. Dit dui nie…

BOEREDAE 3-4 NOVEMBER: GWK se Oewerfees. Soon le Roux-jeugkamp, Prieska. Frikkie, e-pos: oewerfees@gmail.com; sel 082 808 5349. 18 NOVEMBER: Opedag. Rooikoppies-boerdery, Frankfort. Praatjies: Toekoms van rooivleisboerdery, suksesvolle sinchronisasie (skape en beeste), fasevoeding-navorsingsresultate, belastingimplikasie t.o.v. jou vee by afsterwe, praktiese keuring van ramme, ens.; uitstallings en besigtiging van skape en dragtige verse. Dawid Botha, sel 082 371 6761. E-pos: dawid.botha@telkomsa.net 25 NOVEMBER: Vaalwaterboeredag. Bergfietswedren, kindervermaak, skietkompetisie, vee- en eiendomsveiling, kaas-enwynproe, eetkompetisie, kosstalletjies, boeresport, biertent, vlugbal en meer. Eiendomsveiling en vermaak: Natalie du Toit, sel 083 591 0597. Veeveiling en kos: Annie Vermaak, sel 060 974 7482. 3 OKTOBER: Suidwes se Jongboertjie-dag (vir 10- tot 18-jariges). Wolmaransstad-skouterrein. Deon Badenhorst, sel 082 881 7461. EKSPO’S EN ANDER 28 OKTOBER: Kelrn-bergfiets Classic, Barkly-Wes. Ook die Koeistal-Kersmark. Kenne de Kock, e-pos: kenne@kelrn.net; sel 082 440…

SKEP JOU EIE TOEKOMS “Die sleutel tot ons familie se boerderysukses is dat my seuns nie soos ek boer nie,” is hoe die vooraanstaande Amerikaanse Angus-boer Don Schiefelbein sy pa op die immer gewilde Aldam-veeskool aanhaal om sy eie boerderysukses op te som. Don, wat as voorsitter van die gesertifiseerde-Angus-handelsmerk aan die hoof van die wêreld se grootste vleisbeeshandelsmerk staan, is ook aan die voorpunt van die genomikarevolusie wat tans oor die veebedryf in Amerika spoel. Waar daar so onlangs soos 2012 net 11 000 Angus-beeste geneties geëvalueer was, staan die getal vandag op 355 000. Die voordele is voor die hand liggend. Voorheen moes daar gewag word vir nageslag of data van tot 28 diere voor ’n duidelike prentjie van sekere genetiese eienskappe van ’n teeldier begin vorm aanneem…

HARTSKUIF NODIG VIR TRANSFORMASIE Vir kommersiële boere moet vennootskappe met opkomende boere nie ’n “dwingsaak” wees nie, maar ’n “wilsaak”. Só het mnr. André Cloete, self ’n begunstigde van grondhervorming en vennootskappe met kommersiële boere en ’n voormalige beste Nuwe Toetreder tot die Kommersiële Landbou van Landbouskrywers SA, op Agri SA se kongres gesê (Landbou.com, 13 Oktober). Hier is van die kommentaar op die be-rig wat op LBW se Facebook-blad ontvang is. SHARON JEFFERIES skryf: Jy kan onmoontlik ’n vennootskap sluit tussen boere en mense wat net grond wil besit. Daar is talle ander metodes om hierdie probleme uit te stryk. Boerderye wêreldwyd werk dieselfde. Dit bly ’n roeping, en dan, met baie durf en harde werk, sal jy miskien ’n lewe maak. Daar sal altyd verskille wees. Goed en…

DIE landbou moet sy eie vermoëns vir vroeë waarskuwings oor rampe ontwikkel en minder afhanklik van die staat raak, meen prof. Andries Jordaan van Agri SA se landbourisiko-afdeling en ’n rampbestuurskenner verbonde aan die Universiteit van die Vrystaat. Terwyl die landbou steeds aan bestaande strukture moet deelneem, moet die sektor ook sy eie vangnette en vermoëns om te reageer, ontwikkel, het hy gesê. Hy het op Agri SA se kongres op Muldersdrif ’n voorgestelde stelsel vir vroeë waarskuwing en versagting uiteengesit. Dit is op die plaaswagstelsel geskoei, en verwysingsplase word tot bestaande Agri SA-strukture gevoeg. Wanneer primêre aanduiders, soos die Suid-Afrikaanse Weerdiens, dan toon dat daar byvoorbeeld ’n droogte op pad is, kan daar ook gemonitor word wat op plaasvlak gebeur. Vroeë waarskuwings is baie belangrik. “Boere moet betyds taktiese…

1 ZIMBABWE| Boere gee self grond weg Sommige wit kommersiële boere in Zimbabwe onderhandel nou regstreeks met die regering of die moontlike nuwe eienaars van hul grond om hul eiendomme te beskerm, luidens ’n berig van NewZimbabwe.com . Die webwerf haal ’n anonieme lid van die kommersiële landbou-unie (CFU) aan wat sê die boere wend hulle nie meer tot howe en die unie nie, maar wil nou eerder hul grond met die nuwelingboere deel in ’n poging om nie van hul plase afgesit te word nie. “Plaasbesettings is reg oor die land onderweg, maar die boere wat geraak word, praat nou regstreeks met die regering of nuwe eienaars om te onderhandel oor die verkleining (downsizing) van die grond. Dié nuwe benadering het gelei daartoe dat van die boere op hul…

N UWE , groter skepe sal eersdaags nie meer in Suid-Afrika se vlakker hawens kan vasmeer om mielies te laai nie, en Suid-Afrika sal dus in die toekoms sy infrastruktuur daadwerklik moet opknap om mededingend op wêreldmarkte te bly. Dít was die boodskap van mnr. Jannie de Villiers, hoofbestuurder van Graan SA, in ’n voorlegging aan die Vryemarkstigting in Johannesburg. “Skepe wat sowat 30 000 ton tot 45 000 ton mielies laai, kan nog ons hawens binnegaan, maar nuwe, groter skepe wat in Suid-Korea gebou word, en wat sowat 100 000 ton kan laai, vereis dieper hawens om vragte te laai.” De Villiers sê die drie graanhysers by die Durbanhawe het laaidieptes van 9 m en 12 m. “Skepe met swaarder vragte wat dieper water benodig, word dus eers by…

BEESKUDDE | Langsame herstel ná droogte Suid-Afrika gaan twee miljoen koeie nodig hê om sy nasionale beeskudde weer op te bou ná die afgelope drie jaar se droogte, het mnr. Koos van der Ryst, die nasionale voorsitter van die Rooivleisprodusente-organisasie (RPO), op die Aldam-veeskool gesê. “Ons het nou net 85% van die vee wat ons in 2013 gehad het,” sê hy. Boonop is die vraag na Suid-Afrikaanse rooivleis besig om te groei en kan die land dalk sy uitvoerbedryf na ander hoëwaardemarkte uitbrei waar boere dollars, euro’s en jens vir hul uitsoeksnitte kan verdien. Van der Ryst sê terwyl die land sy kuddes weer opbou, moet boere tot elke prys daarna streef om Suid-Afrika se bek-en-klouseervrye sone te behou. Roofdierskade bly ’n groot probleem en kos die bedryf R2,6 miljard…

DIE daling in die uitvoer van speenkalwers na Suid-Afrika is op die Namibiese Lewendehaweprodusente-organisasie (LPO) se kongres in Windhoek voorgehou as die belangrikste rede vir die daling in die totale bemarking van grootvee in dié land. Luidens die jaarverslag van die LPO is die afname in die bemarking van vee ’n groot bron van kommer. Die organisasie meen daar moet na oplossings gesoek word om dié neiging om te keer en produksie te verhoog. Die veeartsenydiens in Suid-Afrika het ’n streng vereiste vir invoerpermitte ingestel wat die uitvoer van speenkalwers uit Namibië van Julie tot September tot stilstand gebring het. Dit het eers verander toe invoerpermitte met minder streng vereistes deur die Suid-Afrikaanse Regering ingestel is vir diere wat regstreeks aan geakkrediteerde abattoirs of voerkrale in Suid-Afrika gestuur word. Die…

Dit is onnodig om voorkomend teen herfskommandowurm te spuit, sê dr. Johnnie van den Berg, insektekundige van die Universiteit van Noordwes. Hy het boere op die jaarlikse bewaringslandboukonferensie van KwaZulu-Natal se geenbewerkingklub gewaarsku om in die komende seisoen gedurig op die uitkyk vir hierdie plaag te wees. Hulle moet egter nie foefies glo en onnodig voorkomende bestryding toepas nie, sê hy. “Jy moet voortdurend jou oë oophou, die plaag vroeg identifiseer en dan spuit. Dan is dit bykans gewaarborg dat die chemiese middel sal werk.” Uitsprake verlede seisoen dat chemiese middels nie die nuwe indringer bekamp nie, was grootliks geskoei op die feit dat die wurms reeds te groot was toe die bespuiting gedoen is. Die skade wat herfskommandowurm die afgelope seisoen in Suid-Afrika aangerig het, was grootliks oorskat oor…

WAT IS JOU BOERDERYVISIE? Om die onmoontlike te bereik, moet ’n mens groot dink en droom. Jy moet kyk waar almal al gekyk het, maar jy moet sien wat niemand anders nog gesien het nie. WATTER ROL SPEEL DIE JONG BOER IN DIE EKONOMIE VAN SUID-AFRIKA? Daar rus ’n groot taak op ons skouers om opkomende boere te bemagtig, terwyl ons die ekonomiese struikelblokke in ’n swak ekonomiese omgewing moet oorkom. IN WATTER MATE MAAK JY VOORSIE-NING VIR GRONDHERVORMING? Ek het staatsgrond vir pekanneutverbouing geoormerk. Ek wil graag hierdie ontwikkeling doen deur ’n werkerstrust vir my werkers te stig met die samewerking van die Noord-Kaapse departement van landbou.…

PLAASINLIGTING LIGGING: Stella, Noordwes 1 Eienaar: Stephan Niemann NAAM: De Rust-boerdery GROOTTE: 3 000 ha VERTAKKINGS: Bonsmara-tipe beeste, mielies, soja, paprika REËNVAL: 450 mm per jaar GRONDTIPE: Avalon met 10% klei-inhoud 2 Eienaar: Pieter de Villiers NAAM: Appelkoosboom-boerdery GROOTTE: 1 500 ha, waarvan 68 ha besproei word VERTAKKINGS: Mielies, Bruin Switser-beeste, paprika REËNVAL: 315 mm per jaar GRONDTIPE: Avalon met 12% tot 15% klei-inhoud KORTOM ■ Bolwurmplae het paprikaboere in Noordwes se winsgewendheid bedreig weens ondoeltreffende bestrydingsmiddels. ■ Eers toe hulle met biologiese produkte begin eksperimenteer het, het hulle gesien daar is ’n oplossing vir die enorme verliese. ■ Dit is nietemin belangrik om te verstaan hoe die biologie agter die produkte werk en ’n goeie verhouding met jou verskaffer op te bou sodat jy pasgemaakte programme vir jou omstandighede…

DIEREVOER VESEL BEVORDER VERTERING Arbocel RC Fine (reg.no. V27350, Wet 36 van 1947) is ’n natuurlike onoplosbare vesel wat in óf op rantsoene vir enkelmaagdiere gebruik kan word. Wanneer dit aan suipkalwers toegedien word, help dit om diarree te voorkom. Dit help ook die kalwers om vinniger tot herkouers te ontwikkel. By speenvarke dra dit by tot beter voeromsetting en dit voorkom diarree. Dit verminder ook hardlywigheid by dragtige sôe. By hoenders help die produk om kannibalisme te voorkom en dat hoenders mekaar se vere uitpluk (feather pecking), terwyl dit die lê van meer en skoner eiers bevorder. Die produk word ook in troeteldierkos, soos vir honde, katte, hase en visse, gebruik. Arbocel RC Fine word van hout vervaardig en kom uit plantasies wat vir die doel van veselvervaardiging aangeplant…

ROOI ANGUS 1 Senior en grootkampioenbul, Loumotta John Deere AC13/871. Eienaar: Mnr. Louwtjie Campher (sel 082 255 3037), Loumottastoetery, Ventersdorp. Hanteerder: Mnr. Jacobus Mantsho. Regs is mnr. Wilru Campher. 2 Senior en grootkampioenkoei, Roechama Suré RCM13/18. Eienaar: Mnr. R.C. Malherbe (middel, sel 084 851 8262), Roechamastoetery, Hertzogville. Links is mnr. Johannes Matshika (hanteerder) en regs is mnr. Hein Volgraaff (bestuurder: lewende hawe, BKB). 3 Reserwe senior kampioenbul, Wenspan Red Rock JK13/49. Eienaar: Mnr. André Markgraaff (navrae: mnr. Stoffel Wiese, sel 082 797 4366), Groenpuntstoetery, Kimberley. Hanteerder: Mnr. Hendrik Reed. 4 Reserwe senior kampioenkoei, Waterval Elizabeth WAF13/118. Eienaar: Mnr. Piet Delport (sel 082 550 7847), Hide-A-Waysstoetery, Migdol. Hanteerder: Mnr. Jeffery Mokgabe. 5 Reserwe junior kampioenbul, LPA15/21. Eienaar: Mnr. Rudi Buys (sel 083 448 9657), Lusa-stoetery, Stellenbosch. Hanteerder: Mnr. Boi Shumi. 6…

Meer as 90 studente het die Nasionale Sertifikaat in Wynbereiding (NQF vlak 3) en ander spesiale eerbewyse op die senior kelderassistentontwikkelingsprojek (Skop) se sertifikaatgeleentheid ontvang. Dertig jaar gelede het ’n paar visioenêre wynmakers, wat hul studie aan die Landboukollege Elsenburg in die Boland voltooi het, besef nie slegs wynmakers het opleiding nodig nie, maar ook die assistente wat in die kelders werk. Só het die eerste kelderwerkeropleiding in Suid-Afrika op 22 Oktober 1987 begin. Vandag is Skop ’n gesogte en erkende handelsmerk in die Suid-Afrikaanse wynbedryf. Die wynmakers wat toe betrokke was, is almal lede van die Elsenburg Keldertegnologie Oudstudentevereniging (EKOV). In 2005 het hulle Wine Training South Africa (WTSA), ’n organisasie sonder winsoogmerk, gestig waarbinne alle opleidingsinisiatiewe bestuur word. Die Cape Winemakers Guild Trust het in 2014 ’n mede-lid…

Oliesade gaan waarskynlik in die komende seisoen saaiboere se oog tref om die agterstand in inkomste te herstel ná jare se droogte en daarna ’n goeie jaar met flou mieliepryse. “As ’n mens op langer termyn kyk en al die faktore in ag neem, is boere in Noordwes steeds onder druk,” sê mnr. Pieter Basson, verkoopsbestuurder van Monsanto in Noordwes. Hy sê boere in dié provinsie moet vanjaar goed besin oor hul gewas- én kultivarkeuses. “Boere kom nou deur ’n siklus van twee baie strawwe droogtes, asook twee seisoene waar die opbrengste goed tot bogemiddeld was. In die geval van mielies het albei seisoene gepaardgegaan met lae graanpryse, terwyl oliesade goeie pryse behou het.” GEWASKEUSES Pieter skets die prentjie rakende die drie belangrikste gewasse vir saaiboere as volg: ■ Mielies.…

Die Belnori-boetiekkaasmakery ryg al sedert 2005 die pryse in. Mnr. Norman en me. Rina Belcher is die gedugte man-en-vrouspan agter dié handelsmerk. Albei is kaasmakers, maar terwyl Norman sy hand oor die kudde hou, sorg Rina vir navorsing, ontwikkeling en hul verpakking. Belnori verskyn ook in die televisiereeks Nisboere, wat tans op Via (kanaal 147 op DStv) uitgesaai word. Wanneer het die gogga julle gebyt om te begin kaas maak? Ons het sowat 14 jaar gelede besef ons gaan langer leef as wat ons geld gaan hou. Ons het besluit om iets te doen wat vir ons ’n heeltydse inkomste inbring sodat ’n mens nie net van rente leef nie. Ons het proteas en olywe oorweeg, maar toe lees ons in ’n landboutydskrif van melkbokke. Net ’n week daarna was…

Toe die skool vir die driewekevakansie sluit, was die opgewondenheid groot toe ons by die huis afklim en die rooi Massey Harris 744 onder die bome sien staan. Ons het die agtertyres gemeet en dit was hoër as my kop! Ek het ’n paar keer om hom gestap en oor die blokke van die agterwiel gevryf. Ons het vir mekaar gesê om te dink elkeen hou glo ’n drom vol water. Waar gaan ons soveel water kry? Om nie te praat van die neukery as een van hulle moet pap word nie! Ná ete het ons seuns uitgehol en weer nuuskierig die wysers, ligte, clutch en brieke bewonder. Ons kon nie wag om die rooi hings te ry nie. Toe Pa hom start, het ons oë gerek toe hy lang,…

Gaan somersaaiboere hul mielieaanplantings drasties inkort? Dít is die groot vraag op almal se lippe terwyl planttyd in die oostelike saaigebied begin. Terwyl alle aanduidings is dat die afgelope produksiejaar se nasionale mielie-oes (kommersieel plus nie-kommersieel) meer as 17,4 miljoen ton – verreweg die grootste nóg – is, is die produsenteprys vir talle boere nie winsgewend genoeg om dieselfde aantal hektare as verlede jaar met mielies te beplant nie. Die eerste aanduiding van hoeveel hektare hulle dalk minder gaan beplant, sal egter eers einde Oktober blyk wanneer die Oesskattingskomitee sy jaarlikse verslag oor somersaaiboere se voornemens om te plant bekend maak. Absa verwag dat die nuwe produksiejaar se aanplantings 2,2 miljoen ha kan wees. Dit is sowat 400 000 ha minder as die afgelope produksiejaar se 2,6 miljoen ha. As…

GAUTENG PRETORIA HARTEBEESTHOEK (303) 21 ha, aan Lornacept (Edms.) Bpk., van Xanadu Prop 243 (Edms.) Bpk., R1 550 000. ROODEPOORT (504) 52 ha, aan S.A.I.F. South, van W.M.W. Davel, R3 150 000. WATERVAL(273)38ha,aan Kutla-familietrust, van M.W. Leibrandt en V.C. Leibrandt, R2 000 000. WELGEDACHT (130) 44 ha, aan A.D. Friedland, van B. du Plessis, R1 900 000. KWAZULU-NATAL LADYSMITH HARTEBEESTFONTEIN (2192) 387 ha, aan P.A.T.R. Willmott, van FCL Farming, R10 000 000. KRANSKLOOF (13091) 864 ha, aan Greendale Farming (Edms.) Bpk., van Tugela Game and Leisure (Edms.) Bpk., R13 500 000. PORT SHEPSTONE THE PASTURE (6214) 84 ha, aan DDD Ventures, van W.M. Mbongwe, R2 100 000. UNDERBERG DRIEFONTEIN (1389) 20 ha, aan No 40 Driefontein (Edms.) Bpk., van J. Arde en C.J.D. Mendes, R1 400 000. LIMPOPO ALLDAYS VERA…

DOHNE-MERINO GOEIE WOLPRYSE SIT WOEMA IN RAMVEILINGS Die uitstekende wolpryse is vinnig besig om na ramveilings deur te spoel. Op onlangse Dohne-Merino-veilings was rampryse tot 50% hoër as ’n jaar gelede. Dr. Kobus Delport, rasdirekteur van die genootskap, sê op die veiling van mnr. Wynand du Toit van Bredasdorp is ál 171 ramme wat aangebied is, teen gemiddeld R13 561 stuk verkoop. Dit is nagenoeg 51% hoër as verlede jaar se veiling toe Du Toit R8 963 per ram gekry het. Ook op die veiling van mnr. Clark Rattray van Swartberg in KwaZulu-Natal is ál 75 ramme wat hy aangebied het, teen gemiddeld R15 100 stuk verkoop teenoor verlede jaar se R10 700 per ram. Delport sê pryse het met gemiddeld 30% op die herfsveilings verbeter en hy verwag dat…