Innehållsförteckning för 8/20/2020 från Landbouweekblad

DIT is onverantwoordelik om onvolhoubare landboubedrywe wat die omgewing aftakel, te finansier, sê dr. James Blignaut, ’n buitengewone professor aan die Universiteit Stellenbosch se skool van openbare bestuur, gegewe dat dit die omgewing aftakel én dat winsgewende alternatiewe wat die grond herstel, beskikbaar is. Hoewel die Nasionale Kredietwet (Wet 34 van 2005) waarskynlik te nou bewoord is om huidige landboukredietpraktyke as roekeloos te bestempel, kan van die praktyke wat tans gefinansier word, as de facto roekeloos beskou word. Oorweeg die voorbeeld van klimaatsverandering. Alle praktyke wat óf klimaatsverandering bevorder, en/ of dit nie verlig of aanpas by dié werklikheid nie, sal onvermydelik verbruikers se risiko verhoog en bydra tot die algemene kostelaste. Krediet wat voorgeskiet word aan ’n boer wat onder meer konvensionele praktyke gebruik soos diep ploeg, monogewasse en…

ARTIKELS & RUBRIEKE ■ Armoede die stille bedreiging ■ Só raak Covid-19 die werkgewer ■ Onteiening sonder vergoeding kan rampspoedig wees ■ ‘Jy loop ’n geleentheid mis sonder die Sussex’ ■ Angola: Sluimerende Afrika-reus lê braak vir landbou-ontwikkeling SPESIAAL ■ Landboumaatskappye, Suiwel GESIN ■ Wat eet ons vanaand? GROOTVEE As jy 50 jaar ’n stoetery bedryf, leer jy baie. Mnr. Chris Nel sr. van die Eversar-stoetery buite Petrus Steyn in die Vrystaat sê die belangrikste ding wat hy geleer het, is dat aanpasbare en geharde beeste uiters noodsaaklik is in Suid-Afrika. Vir hom is die Sussex die beste ras.…

BOER SWEER BLOU BY DIÉ VARKRAS ’n Klompie jare gelede was die Groot Swartvark seker een van dié varkrasse in Suid-Afrika. Die ras se gewildheid het sedertdien baie afgeneem, in so ’n mate dat dit eintlik vreemd is om ’n boer te kry wat nog aan die ras verknog is. Mnr. P. Smulovitz van The Elf, Kroonstad, is een van die weinige boere wat deur dik en dun aan sy Groot Swartes glo. Hy voorsien nie net teelsôe aan baie kommersiële varkboere nie, maar voer selfs varke uit. Elke varkras het goeie eienskappe en swakhede. Die Groot Swart het besonderse moedereienskappe en ’n vel wat hom nie maklik deur die son of velsiektes laat verrinneweer nie. Die Groot Swart het goeie basterpotensiaal. ’n Kruising van die Groot Swart met ’n…

DAAR was die afgelope boekjaar aansienlik meer plaasaanvalle en ook meer moorde as wat in die polisie se jaarlikse misdaadstatistieke bekend gemaak is, sê mnr. Henry Geldenhuys, voorsitter van TLU SA se veiligheidskomitee. TLU SA hou sedert 1990 ’n register met plaasaanvalle en -moorde by. Volgens dié register was daar die afgelope boekjaar 411 plaasaanvalle en 59 plaasmoorde. Dié syfers strook nie met die statistieke wat mnr. Bheki Cele, minister van polisie, vroeër vandeesmaand bekend gemaak het nie. Volgens die polisie se statistieke was daar die afgelope boekjaar 46 plaasaanvalle en 49 plaasmoorde. Geldenhuys sê hoewel Cele se aankondiging van ’n taakspan teen plaasaanvalle en -moorde bemoedigend is, is dit belangriker dat boere eerder voorkomend as reaktief moet optree. “Boere moet paraat wees en hulself op veiligheid instel. Dit is…

DIE lewering van mielies aan silo’s in die Noordwes-Vrystaat vorder traag, en gefrustreerde produsente verwag dat die oesproses vanjaar eers in September afgehandel sal wees weens die hoë voginhoud van die oes. Mnr. Danie Minnaar, voorsitter van die direksie van Senwes, sê dit is die “natste mielieoes” wat sy onderneming in baie jare ondervind. Senwes het die grootste silokapasiteit in Suid-Afrika met drogingsgeriewe, en is by baie silo’s oorgehaal om natter mielies te ontvang. Mnr. Pieter Malan, wat Senwes se logistiek rondom die silokapasiteit koördineer, sê die mielie-aanplantings was nie noodwendig later as die vorige seisoen nie. Die probleem met die laat lewering vanjaar in Senwes se gebied volg ná die neerslae rondom Paasnaweek met die gevolglike hoë voginhoud van die bogrond. Ryp het ook later as ander jare voorgekom.…

BOERE moet veral gedurende die volgende drie tot vyf weke op hul hoede wees vir veldbrande, sê mnr. Johan van den Berg, onafhanklike landbouweerkundige. Drie koue fronte gaan Suid-Afrika dalk nog in dié tyd tref, wat met sterk winde gepaard sal gaan. Hy sê met die kurkdroë veld wat die gevolg is van die koue winter met sy baie ryp, is die risiko groot dat veldbrande kan ontstaan. Saam met die koue fronte se winde kan dit maklik lei tot wegholbrande wat groot dele kosbare veld kan vernietig. “Die tradisionele Augustuswinde loop hand aan hand met koue fronte, wat dan bergwinde vanuit die noordweste veroorsaak wat tot warmer, droë toestande lei. Dit verhoog die gevaar van brande nóg meer. Die veld is nou morsdood en brand baie maklik.” Boere moet…

VOORGESTELDE Covid-19-verwante wysigings wat in Junie in die parlement ter tafel gelê is, verleng ’n aantal noodmaatreëls om verligting aan besighede te bring. Die harde werklikheid is egter dat besighede in soveel moeilikheid is dat dit onseker is of die belastingverligtingsmaatreëls ’n impak sal hê op die langtermynvolhoubaarheid van veral die wyn- en tabakbedryf, sê mnr. Christo van der Rheede, adjunk- uitvoerende direkteur van Agri SA. In die wetsontwerpe het die tesourie voorgestel dat die maatreëls in die rampbestuurbelastingwetsontwerpe op 1 April 2020 en 1 Mei 2020 in werking tree en vir vier maande geld, wat onderskeidelik op 31 Julie en 31 Augustus 2020 eindig. Klein- tot mediumgrootte ondernemings is toegelaat om die betaling van 35% van die werknemersbelasting wat hulle van hul werknemers afgetrek het, uit te stel in…

1 ZAMBIË| Rekordoes bring surplus Zambië het in die 2020-’21 bemarkingsjaar sy naasgrootste mielie-oes in die geskiedenis geoes. Die oes van 3,4 miljoen ton is 69% hoër as die vorige seisoen se 2 miljoen ton. Zambië het die afgelope 20 jaar sy mielie-oes meer as verdubbel danksy meer hektare en groter produktiwiteit. Die land is nou ’n netto-uitvoerder van mielies. In die huidige bemarkingsjaar gaan mielie-uitvoer egter beperk wees, ondanks die reuse-oes, omdat die regering beoog om 1 miljoen ton mielies as ’n strategiese reserwe terug te hou weens die Covid-19-pandemie. Mielie-uitvoer na buurlande sal na verwagting beperk wees tot nagenoeg 270 000 ton. — Amerikaanse departement van landbou 2 ETHIOPIË | Sprinkane kan weswaarts migreer Die Verenigde Nasies se voedselen landbou-organisasie (VLO) waarsku dat die groot aantal…

O OS- K A APSE boere se belegging in ’n reusenetwerk van sekuriteitskameras is ook vir die buurgemeenskappe ’n reusebate. Onlangs is die vermeende moordenaars van ’n polisieman van Port Elizabeth danksy dié uitgebreide netwerk kringtelevisiekameras by ’n padblokkade aangekeer wat die polisie kon opstel omdat hulle vroegtydig oor die verdagtes se bewegings ingelig is. Ongelisensieerde vuurwapens en ammunisie is ook tydens die padblokkade gevind. “Dit kom voor asof daar meer gevalle van nie-plaasverwante misdade opgelos word as plaasverwante voorvalle,” sê mnr. Brent McNamara, bedryfsbestuurder by Agri Oos-Kaap. Hy sê die netwerk is ’n spanpoging tussen boere, die sekuriteitsmaatskappy Atlas Security en die polisie, wat almal daarvan gebruik maak. Verskeie suksesse met die aankeer van plaasaanvallers en veediewe word regstreeks verbind met die teenwoordigheid van die stelsel. Hy voeg by…

Die digitale veilingsplatforms wat weens bek-en-klouseer en Covid-19-verwante inperkings opgang gemaak het, maak nou en dan transaksies moontlik wat nooit andersins sou kon gebeur het nie. Só het mnr. Andries Pienaar van die Merino-stoetery Trumps by Hanover in die Noord-Kaap onlangs vanaf Ermelo die ram Maverick vir R50 000 aanlyn aan mnr. Esias Scheepers van Fouriesburg verkoop. Esias het vanuit sy bakkie op sy foon gebie. Mnr. Jan Pienaar, Andries se seun, kon die veiling regstreeks dophou vanuit sy huis in Brisbane, Australië. Van links op die Ermelo-foto is mnre. JP Swart van Swiftvee, Mike Killassy, onafhanklike afslaer, en Andries. Die veiling is deur Vleissentraal op Ermelo en Swiftvee aangebied.…

E k het voorheen oor kapitaalwinsbelasting (KWB) geskryf en hoe dié belasting in die algemeen werk. Vandeesweek staan ek stil by KWB by die dood – ’n slaggat wat jou naasbestaandes in geldnood kan laat. KWB is ’n inkomstebelasting op kapitaal. Wanneer jy ’n kapitaalbate van die hand sit, word jy op die wins belas. Dit is die styging in markwaarde sedert die verkryging van die bate en wanneer jy dit van die hand sit. Om die belasbare wins te bereken, trek jy die basiskoste (die aankoopprys plus enige toelaatbare verbeteringe) af van die markwaarde op die dag dat jy die bate van die hand sit. Hiervan trek jy dan die toegelate jaarlikse kwytskelding van R40 000 af. Van dit wat oor is, word 40% by jou inkomste vir die…

Dit is moeilik om jou ’n kombuis sonder knoffel voor te stel. Net ’n paar knoffelhuisies is genoeg om ’n geurige basis te skep vir kerriegeregte, bredies, sop, slaaisouse en marinades, maar dit werk net so goed in gebak. Kaas-en-uietert met geroosterde tamaties Hierdie treffertert bevat die smake van ’n groot boerekosgunsteling – die klassieke braaibroodjie. Ek braai die uie stadig in knoffelbotter tot dit sag, soet en geurig is. Onthou om die tamaties eers vooraf in die oond te rooster, want dit bring die geur nog meer uit. Kors ■ 180 g soutbeskuitjies van jou keuse ■ Ongeveer 80 ml gesmelte botter ■ 2 ekstragroot eiers, geskei Vulsel ■ 5 knoffelhuisies, baie fyngekap ■ 60 g botter ■ 2 groot uie, fyngekap ■ Sout en varsgemaalde swartpeper ■ Olyfolie…

Hoe hoog kan voëls vlieg? Sekretarisvoëls (Sag ittarius serpentarius) is al op 3 800 m gesien, witooievaars (Ciconia ciconia) op 4 800 m en baardaasvoëls (Gypaetus barbatus) op 7 300 m. Rüppellaasvoëls (Gyps rueppellii) is al op ’n verstommende 11 300 m waargeneem. Aasvoëls gebruik hul uitstekende sig om die landskap onder hulle van ’n relatief statiese, hoë posisie te bespied. Só verbreed hulle hul visie en hoef hulle nie lang afstande op laer hoogtes te vlieg om kos te soek nie. Hier is nog ’n paar interessanthede oor aasvoëls. Daar word gereeld gespot dat die baardaasvoël die enigste voël is wat grimering gebruik. Die pragtige roesbruin bors van die volwasse voëls word veroorsaak deur ysteroksied in die kranse wat oor die jare op die voëls afgee. Volwasse voëls in…

“Is jy ’n boer se vrou, of ’n boervrou? Want dié twee is nie sinonieme nie!” Sulene Archer moes dié groot les dertien jaar gelede vinnig leer toe sy en haar man, Berto, as pasgetroudes op Taaiboskraal buite Kamieskroon gaan woon het. “Ek is eers op 35 getroud. Ek het in die landboubedryf gewerk op Douglas, Porter-ville, Mosselbaai en Worcester. Op Worcester is ek van personeelbestuur na kredietbestuur verskuif; daarna moes ek ’n kredietkantoor op Springbok kom vestig.” Dit is waar sy en Berto ontmoet het. Selfs haar familie het getwyfel of sy dié groot verandering sou baasraak. “Sulke pessimistiese voorspellings laat my veggees na vore kom. Op Taaiboskraal wou ek ’n teetuin in ’n ou skuur vestig. Berto het my laat begaan – dalk wou hy hê ek moes…

Wanneer die apostel Paulus in sy brief aan die Galasiërs (Gal. 5:22) die vrugte van die Gees voorhou, verskyn die vrug van vrede ook daaronder. Nou wil dit soms voorkom of hierdie vrug, anders as die meeste ander vrugte, taamlik onder in die mandjie geplaas word. Wat kan die rede daarvoor wees? Is dit omdat ons dit moeilik vind om dit met presiese woordkeuse te beskryf? Daar is so ’n klomp verskyningsvorme van vrede. Daar is vrede tussen volke, tussen die bure, huweliksvrede, vrede met jouself en, les bes, vrede met God. Van watter vrede praat ons nou eintlik? En hoe vind ’n mens daardie vrede? As dit ’n vrug is, dan moet dit gekweek, uitgedeel en self geniet word. Die vraag na vrede laat my baie dink aan die…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan lbw@landbou.com BOEREDAE 26 AUGUSTUS: Boeredag, Noord-Vrystaatse SA Vleismerinoklub en die boerevereniging van die Rooi Skool, Kroon Boma, Kroonstad. Neline Pienaar, 082 440 4492, e-pos: bennieneline@eleo.co.za 31 AUGUSTUS-3 SEPTEMBER: Nasionale Simbra-week, Parys. 012 667 5258, e-pos: office@lrf. co.za, web: www.breedplan.co.za 16 SEPTEMBER: Boerebrêkfis. Familieboerdery, hoop en die toekoms. Die spreker is Chris Burgess, redakteur van Landbouweekblad. Delish, Heidelberg (Wes-Kaap). Web: www.cnandcoevents.com KONFERENSIES 24-25 AUGUSTUS: Die Graanhanteringsorganisasie van Suider-Afrika se simposium, Mosselbaai.E-pos: info@grainorg.co.za, 082 042 3890. 18-20 AUGUSTUS: PMA Fresh Connections virtuele konferensie. Web: www.pma.com/FCSouthern Africa, e-pos: Ljones@pma.com 14-16 OKTOBER: LRF-veeskool op Aldam. Tema: Beesboerdery – terug na die basiese beginsels. Charmainé Alberts, 051 821 1783, e-pos: palberts@telkomsa.net…

2,6% Produksie van onverwerkte melk was in Junie vanjaar na raming 2,6% minder as in Junie verlede jaar. Die Melkprodusenteorganisasie (MPO) sê 229 miljoen liter is in Junie vanjaar geproduseer. Voorlopige syfers dui daarop dat produksie in die eerste ses maande van vanjaar met 0,6% gekrimp het. Indien in ag geneem word dat Februarie ’n skrikkelmaand was, was produksie in die eerste halfjaar vanjaar 1,12% laer as in die ooreenstemmende tydperk verlede jaar. – MPO Bulletin 21% Die 444 trekkers wat in Julie verkoop is, is 21% meer as die 368 wat in Julie 2019 verkoop is. Vir die jaar tot dusver is net 3% minder trekkers verkoop as die eerste sewe maande van verlede jaar. Die 11 stropers wat in Julie verkoop is, is drie meer as in Julie…

’Dit kom voor asof daar meer gevalle van nie-plaasverwante misdade opgelos word as plaasverwante voorvalle.’ MNR. BRENT MCNAMARA, bedryfsbestuurder by Agri Oos-Kaap, oor die kringtelevisiestelsel wat boere laat installeer het. Bl. 24 ‘Indien Senwes nie oor dié geriewe beskik het nie, sou vanjaar se mielieoes eers in Oktober afgehandel kon word.’ MNR. PIETER MALAN, koördineerder van logistiek en silokapasiteit by Senwes, oor droogmaakgeriewe wat gebruik word om buitengewoon nat mielies te droog. Bl. 16 ‘Kleinhandelaars . . . sal moet baklei om hul aandeel in die verbruikersmark te behou.’ ME. ANDREA RADEMEYER, uitvoerende hoof van die marknavorsingsonderneming Ask Afrika, oor die effek wat verbruikers se veranderende inkopiepatrone op dié ondernemings het. Bl. 18 ‘Dit gee my goeie moed vir die digitale dinge wat nou ons voorland is.’ ELOÏSE PRETORIUS, radioverslaggewer…

CHRISTENE MOET HULSELF, ANDER VERDEDIG Byna 27 jaar gelede het ek die slagting in die St. Jameskerk in Kenilworth, Kaapstad, oorleef en teruggeskiet op die aanvallers. Ek verstaan dus wat mnr. Pieter van der Westhuizen en die gemeentelede van die Querencia Ministries-kerk in Wierdapark, Centurion, onlangs ervaar het toe hul lewens deur aanvallers bedreig is tydens ’n diens. Christene moet ernstig nadink oor hoe hulle gaan opstaan vir geregtigheid en teen boosheid in hul land wat deur misdaad deurspek is. Watter stappe moet hulle doen om hul gesinne, geliefdes en hul plaaslike gemeentes geestelik sowel as fisiek te beskerm? Die voorkoming van die aanval op die gemeente in Wierdapark daardie Sondag is ’n besonder goeie voorbeeld van waarom wetsgehoorsame burgers hulself wettiglik met dodelike mag moet kan verdedig. Diegene wat…

DIE Wes-Kaapse regering wil data van die provinsie se vrugtepakhuise gebruik om die beste dae, tye en roetes vir die optimale lewering van vraghouers vir uitvoer te identifiseer met die doel om opeenhopings by die hawe te voorkom. Mnr. David Maynier, Wes-Kaapse minister van finansies en ekonomiese geleenthede, sê ná rampspoedige vertragings in die hawe, wat sommige skeepsmaatskappye gedwing het om die hawe heeltemal te vermy, is 1 179 vraghouers per dag in die laaste week van Julie in die hawe verskuif, teenoor slegs 533 in die laaste week van Mei. Skepe moet nou slegs ’n dag wag voordat hulle in die hawe kan vasmeer, teenoor tot 20 dae tydens die hoogtepunt van die krisis in die hawe. “Dit is ’n aansienlike verbetering. As ons hierdie vlak van dienslewering gedurende…

DIE Kooperasie op Humansdorp het aangekondig dat hy Chicory SA verkry het. Volgens mnr. Henk Agenbach, uitvoerende hoof van Die Kooperasie, is dié verkryging ’n strategiese skuif om ’n meer omvattende diens aan sy produsente te bied. Die groep meen dat dié stap die voortbestaan van die sigoreibedryf in Suid-Afrika kan help verseker. Chicory SA, ’n verwerker en bemarker van sigorei, is gesetel in Alexandria in die Oos-Kaap, en word, soos Die Kooperasie, deur boere besit en beheer. Luidens ’n verklaring volg die oorname ná omvattende navorsing en onderhandeling, waarna Chicory SA ’n aanbod van ’n 100% aandeelhouding aanvaar het. Chicory SA behou sy naam. Volgens die direksie en bestuur van Die Kooperasie is daar verskeie strategiese sinergieë tussen die twee maatskappye wat waarde vir albei kan ontsluit. “Deur vergoeding…

DIE Demokratiese Alliansie (DA) se eenheid wat hofsake monitor en ondersteuning aan die slagoffers van plaasaanvalle en hul gesinne bied, is nou landwyd aktief. Die eenheid, Court Watching Briefs, het verlede jaar begin konsentreer op ernstige misdade op plase in die Wes-Kaap. Die eenheid het al verhinder dat sake van die rol geskrap word en skuldigbevindings gehelp bewerkstellig. Die moord op mnr. Chrisjan van Niekerk, ’n blinde boer van Alexandria, op 25 Julie is die eerste saak wat die party in die Oos-Kaap sal volg om te verseker dat geregtigheid seëvier. Me. Annette Steyn, die DA se skaduminister van landbou, grondhervorming en landelike ontwikkeling, sê die situasie in landelike gebiede is nou op ’n kantelpunt met ’n skerp styging in afskuwelike moorde en aanvalle in Junie en Julie. Steyn sê…

Suid-Afrika se inflasiekoers het die laagste vlak in dekades bereik toe dit in Mei tot ’n baie lae 2,1 % gedaal het. In Junie het dit effens verhoog tot 2,2%, maar verskeie ekonome verwag dit gaan die res van die jaar onder 3% bly. Die Reserwebank se mandaat is om inflasie binne die band van 3-6% te bestuur met inagneming van die stand van sake in die ekonomie. Rentekoerse is een van die instrumente waarmee inflasie bestuur kan word. Die teorie is kortweg dat inflasie toeneem (pryse styg) as daar te veel geld in omloop is, en dan behoort rentekoerse verhoog te word om die geld in omloop (krediet) aan bande te lê. Die omgekeerde geld ook. Die dalende inflasie val boonop saam met ’n diep ekonomiese resessie en benarde…

Sedert 2016 het die Karoo BioGap-projek waardevolle basis-inligting ingewin oor die verskeidenheid en verspreiding van die Karoo se natuurlewe. Die navorsers reken dit moet beslis oorweeg word te midde van talle grootskaalse infrastruktuurontwikkelingsprojekte wat vir die streek beplan word, asook moontlike skaliegaseksplorasie en uraanontginning. Opnames van plante, soogdiere, visse, voëls, amfibieë, reptiele, bye, naaldekokers, sprinkane, skerpioene, skoenlappers en spinnekoppe is gedoen. Benewens uitgebreide veldwerk is inligting en foto’s in museums en herbariums gedigitaliseer, genetiese studies onderneem en inligting oor spesies saamgestel. Opnames oor sekere bedreigde rooilysspesies is ook gedoen. Dit is moontlik gemaak danksy die betrokkenheid van grondeienaars, wetenskaplikes, museumkundiges en ander kenners. Die projek is deur die Global Change Navorsingsplan van FBIP, die Foundational Biodiversity Information Programme van die departement van wetenskap en innovasie, gefinansier. Digby 20 navorsingsinstellings en…

WAAROM VERKIES JY BONSMARAS? Die Bonsmara is geteel vir Suid-Afrikaanse toestande. Die beeste is goed aangepas. Ek glo egter mense moet boer met beeste waarvan hulle hou. Daar is plek vir elke ras. WAT INSPIREER JOU DIE MEESTE? Herlewingsboerdery bied ’n teenwig vir klimaatverandering deur grond lewend te maak en koolstof terug te plaas in die grond. WAT IS DIE BESTE VIDEO’S OOR HERLEWINGSLANDBOU? ■ Die restourasie van die Loessplato in China: https://www.youtube.com/ watch?v=sK8JNXHcBMA ■ Mnr. Gabe Brown praat oor dekgewasse vir beweiding: https://www.youtube.com/ watch?v=tuwwfL2o9d4&t=9s ■ Mnr. Ray Archuletta praat oor dekgewasse en grondgesondheid: https://www.youtube.com/ watch?v=OBnsgzeNIng&t=148s ■ Mnr. Buz Kloot se praatjie oor die nodigheid om grondversteuring te verminder: https://www.youtube.com/ watch?v=kD5iSEn3U88 ■ Mnr. Walter Jehne praat oor die grondkoolstofspons, klimaatoplossings en gesonde watersiklusse: https://www.youtube.com/ watch?v=123y7jDdbfY&t=97 ■ Me. Christene Jones se…

Wat aanvanklik begin het as ’n stokperdjie en liefde vir die veld en jag vir mnr. Ben Bruwer van Kimberley in die Noord-Kaap, is vandag ’n volwaardige besigheid met 18 heeltydse werkers. Die Vasvat Skietspan is een van die grootste verskaffers van wildsvleis aan die Mosstrich-wildsvleisabbatoir. Die Mosstrich Groep (nou Cape Karoo International nadat Mosstrich en Klein Karoo International saamgesmelt het) is een van die groot groepe in die wildsvleiswaardeketting in Suid-Afrika en Europa, en van sy aanlegte op Mosselbaai, Oudtshoorn, De Aar en Graaff-Reinet word Suid-Afrikaanse wild- en volstruisvleis reg oor die wêreld versprei. Die uitbreking van bek-en-klouseer in 2019 het uitvoer van wildsvleis ’n nekslag toegedien en alle belanghebbendes in die bedryf moes noodgedwonge hulle klem meer op die binnelandse markte vestig. “Hoewel daar tans nog ’n verbod…

Almal weet teen hierdie tyd dat vanjaar anders is as enige ander jaar. Die twee geleenthede waarna graanboere jaarliks uitsien, die Nampo-oesdag by Bothaville in die Vrystaat en Nampo Kaap by Bredasdorp in die Overberg in die Wes-Kaap, is afgelas weens inperkingsmaatreëls. Nampo sal daarom vanjaar in ’n virtuele formaat aangebied word. Dit is ’n nuwe manier waarop dinge gedoen word, maar die meeste graanprodusente het baie om te vier, sê dr. Dirk Strydom, bestuurder van graanekonomie en bemarking by Graan SA. “Nampo Virtueel is ’n vernuwende projek en ’n alternatief vir die omstandighede waarin ons onsself bevind. Produsente sal daar kan sien wat die toekoms bied, hulp met oplossings kry en ook die jongste tegnologie kan ervaar,” sê Strydom. BIELIE MIELIE-OES Die landbou is een van die min bedrywe…

Vertel meer van jul boerdery. Dis nou ons derde jaar hier en ons het 1 ha uie en 5 ha knoffel geplant. Ons is tans besig met grondvoorbereiding om vrugteboorde te vestig. Knoffel en uie sal in die toekoms net sowat 10-15% van ons boerdery uitmaak. Hoekom het julle op knoffel besluit? Ons het gesoek na gewasse om mee te boer wat anders is as die gewone. Die knoffel het toe sommer uitgedop ná iemand anders te veel saad, maar nie genoeg grond gehad nie. Ons het toe besluit om dit te probeer, want die knoffel het die belofte van goeie geld. Daar was ’n geleentheid vir ons en ons het ’n bietjie saad en ’n klompie saailinge geplant. Het julle toe ’n goeie oes gehad? Die knoffel het goed…

1. SASOL VOËLS VAN SUIDER-AFRIKA deur Ian Sinclair en ander. Struik Nature. Prys: R370 Sasol se gewilde voëlgids is in 1993 die eerste keer uitgegee en sedertdien het dié boek homself gevestig onder die topverkopers. ’n Nuwe, bygewerkte uitgawe van die ikoniese Sasol Voëls van Suider-Afrika is pas bekend gestel. Dié vyfde uitgawe is in vele opsigte beter as die voriges. Een van die opwindendste veranderinge is die strepieskodes, wat met ’n gratis selfoontoepassing geskandeer word om voëlgeluide te speel. Die boek bevat ook meer as 800 nuwe illustrasies, bygewerkte inligting en die jongste spesierekords, verspreidingskaarte en plaatbyskrifte. 2. FIELD GUIDE TO RENOSTERVELD OF THE OVERBERG deur Odette Curtis-Scott, Mike Goulding, Nick Helme, Rhoda McMaster, Sean Privett en Charles Stirton. Struik Nature.…

Die volgende ontleding van grondverkope in Suid-Afrika is van transaksies vir grond van meer as 10 ha in die Wes-Kaap vanaf verlede Julie tot Junie vanjaar. Die registrasie van transaksies is erg deur die inperkinge van die Covid-19-pandemie in dié provinsie geraak. Daar was slegs twee registrasies in afgelope drie maande. In die 12 maande tot Julie is 330 ooreenkomste (27,6% minder as die vergelykende vorige 12 maande) in 26 distrikte gesluit. In die proses is 209 773 ha teen R3,067 miljard verhandel. In 16 (61%) van die distrikte word gunstige prysneigings waargeneem. Veral by Tulbagh (23,8%), Swellendam (20,1%) en Mosselbaai (13,6%) het pryse skerp gestyg. Transaksies vir grond van 450-600 ha het gestyg met 5,9%. Verhandelinge vir grond kleiner as 50 ha is 31,3% minder, vir grond van 50-150…

Veilings wat deur tegnologiese hulpmiddels aangevul word, vaar verbasend goed – ten spyte van die beperkings wat die Covid-19-pandemie meegebring het. Mnr. Gert Jordaan, bestuurder van digitale veilings en naspeurbaarheid by BKB, sê sy maatskappy benut die Amerikaanse Xcira-veilingstelsel nadat BKB sowat vier jaar gelede oor sy voortgesette betrokkenheid in die veebedryf begin beraadslaag het. Sedert Februarie vanjaar, toe BKB sy eerste digitale stoetveiling aangebied het, is tot dusver 17 stoorlamveilings weekliks afgehandel – met die vooruitsig van sowat 70 produksieveilings in die seisoen. Volgens Jordaan ding sowat 31 tot 39 geregistreerde kopers op die weeklikse veilings mee om die gemiddelde aanbod van sowat 5 000 lammers. Van 130 tot 190 belangstellendes volg dié veiligs aanlyn. Die gemiddelde prys van die stoorlammers was in die laaste week van Julie op…

Suid-Afrika het in die eerste drie en ’n half maande van die huidige boekjaar meer belastinginkomste verloor as die totale hoeveelheid geld wat hy by die Internasionale Monetêre Fonds en die Nuwe Ontwikkelingsbank kon leen! Verder het die wêreld se grootste brouery, ABInBev, besluit om ’n kapitaalbelegging van R5 miljard in Suid-Afrika op te skort ná die verbysterende verlies wat die maatskappy weens die maande lange alkoholverbod gely het. Dit was net een week se onstellendste nuus namate die Covid-19-inperking en die meegaande staatsregulasies Suid-Afrika se ekonomie aan flarde ruk en miljoene werkgeleenthede verbrysel. Maar dan, te midde van al die terneerdrukkende nuus, is daar die land se sitrusuitvoer. Vanjaar gaan Suid-Afrika 60 000 ton sitrus na Amerika uitvoer. Dit is ’n stewige verbetering van 9% op die vorige rekord…

VERDAGTE SES JAAR NÁ PLAASMOORD IN HEGTENIS GENEEM Presies ses jaar ná plaaswerkers me. Christine Robinson se lyk op haar plaas by Northam naby Thabazimbi in Limpopo gevind het, is die verdagte wat van haar verkragting en moord beskuldig word, in Johannesburg in hegtenis geneem. Forensiese bewyse is gebruik om die verdagte te identifiseer nadat Robinson se lyk op 31 Julie 2014 gevind is. Ondersoeke het egter bevind die verdagte het landuit gevlug. Danksy inligting wat die publiek aan die polisie gegee het, het die polisie in Garsfontein op 30 Julie in Brixton op die verdagte toegeslaan en hom in hegtenis geneem. “Hierdie inhegtenisneming spruit uit samewerking tussen die gemeenskap en die polisie, en behoort ’n waarskuwing vir misdadigers te wees dat hulle kan vlug, maar dat die gereg hulle…

SWAK samewerking tussen die Suid-Afrikaanse polisie, sy eweknie in Lesotho en Interpol is glo die rede waarom een van die verdagtes wat beskuldig word van die aanval op me. Daleen van der Hoven (82), ’n boervrou van Zastron, vrygelaat is. Netwerk24 berig die polisie wou die verdagte ná drie weke in aanhouding in Lesotho nie gaan haal of die nodige dokumente vir sy uitlewering inhandig nie. Van den Hoven is vroeg in Julie in die nag uit haar plaashuis in die Zastron-omgewing ontvoer. Die aanvallers het vuurwapens gebuit, haar in haar voertuig ontvoer en op die Lesothogrens afgelaai by ’n FM-toring waar Lesotho-burgers die grens glo onwettig oorsteek. Mnr. Ian Cameron, voormalige hoof van gemeenskapsveiligheid by AfriForum, sê die swak samewerking tussen Interpol, die SAPD en die nasionale vervolgingsgesag (NVG)…

HOE mense in afgeleë gebiede dit gaan regkry om kommentaar te lewer op die wysigings van die Wet op die Opgradering van Grondbesit (Wet 112 van 1991) is vir die parlement ’n tameletjie. Die inperkings weens Covid-19 maak dit onmoontlik vir die parlement om soos gewoonlik openbare verhore in die provinsies te hou. Die Grondwethof het in 2018 die wet ongeldig verklaar en die parlement moet die wysigings teen 30 April 2021 afhandel. Die wet, ook bekend as ULTRA, is ongeldig verklaar omdat dit slegs mans as die hoofde van ’n familie erken en dus slegs mans bevoordeel waar grondbesitregte outomaties omgeskakel word in eienaarskap. Die komitee het vroeër besluit skriftelike insette sal die beste opsie wees, maar dit vorder traag, en ander opsies word nou oorweeg. Dit sluit in…

’N VYFDE minder hoendervleis is in Mei vanjaar as Mei verlede jaar ingevoer, maar die bedryf blý bekommerd oor invoerbedreigings op langer termyn. Mnr. Izaak Breitenbach, hoofbestuurder van die braaihoenderorganisasie van die Suid-Afrikaanse Pluimveevereniging (SAPV), sê daar is verskillende redes vir die afname in invoer. Veranderinge in internasionale handel speel ’n belangrike rol. China het weens dieresiektes ’n tekort aan diereproteïen, en weens die spanning tussen Amerika en China, voer China nou baie hoendervleis uit Brasilië in. Verder is die rand swakker as die Brasiliaanse real en dié twee redes het tot ’n daling in Brasilië se uitvoer na Suid-Afrika gelei. Brasilië bly egter, met byna 70%, die land van waar die meeste ingevoerde hoendervleis in Suid-Afrika kom. Breitenbach sê ’n verdere rede vir die daling van 20%, in gewig,…

Sojabone met sy hoë proteïeninhoud help baie om voedselsekerheid in Afrika suid van die Sahara te verbeter, maar met die uitbreiding in sojaboonproduksie neem die risiko terselfdertyd toe dat hierdie waardevolle gewas toenemend aan siektes en plae blootgestel word. Hieronder tel veral plantparasitiese aalwurms, soos Meloidogyne en Pratylenchus spp., verskeie insekte wat op die plante se stamme voed, asook ’n reeks patogeniese bakteriese en swamsiektes, soos roesswamsiektes. Kommer daaroor het mnr. Gerhard Engelbrecht, ’n heeltydse PhD-student aan die Noordwes-Universiteit se Potchefstroomkampus, laat besluit om een van die hoofstukke van sy proefskrif aan dié onderwerp te wy, met finansiering van die Mielietrust. Sy verhandeling handel hoofsaaklik oor die identifisering van die plantparasitiese aalwurmbevolkings by sojabone in Mpumalanga, asook die identifikasie van inheemse bakterieë en swamme wat vir biologiese bekamping gebruik kan…