Indholdsfortegnelse for 15-Feb-18 i Finweek - Afrikaans

met die wind van verandering wat op die gebied van politieke mag waai, is dit miskien ’n geskikte tyd om te besin oor die verandering wat elders ook nodig is, veral in die Suid-Afrikaanse sakewêreld. In hierdie kwartaal se uitgawe van Kollektiewe Insig ondersoek ’n aantal beleggingskundiges die uitdagings rondom eienaarskap van en deelname aan die Suid-Afrikaanse ekonomie, tesame met die behoefte aan ’n hervormde transformasiestrategie en waarom dit vir die sakewêreld belangrik is om meer as net korttermyn- finansiële opbrengste te oorweeg. Met werkloosheid op sy hoogste in 14 jaar en meer as 30 miljoen Suid- Afrikaners wat in armoede leef (byna 14 miljoen oorleef op minder as R411 per maand), moet breër gemeenskaplike kwessies ook gewig dra. Neem die sowat 150 maatskappye wat sekuriteitsdienste aan die Stad van…

d it is amper snaaks om te sien hoe die mynmaatskappye nou ewe gedweë belowe om nooit weer hul onlangse sondes te pleeg nie – naamlik hoofsaaklik die oorspanning van hul balansstate ten einde markaandeel te jaag eerder as om ekonomies verstandig op te tree. Nadat hulle goed oor die kole gehaal is, sit die mynbestuurders nou mooi stil en is gehoorsaam. Dit is die gevoel wat ontstaan uit die Mining Indaba, die Afrika-gefokusde hulpbronnesaamtrek wat weer in Kaapstad gehou is, waar die tekort aan die gewildste hulpbron, water, opmerklik was. “Ons het ’n verantwoordelikheid as bestuur en ons moet oortuig wees dat wat ons doen, iets is wat die aandeelhouers kan ondersteun,” het Norman Mbazima, adjunk-voorsitter van Anglo American South Africa, in ’n onderhoud met finweek by die indaba…

Ondanks ’n stewige prestasie in die vierde kwartaal, wat in November bekend gestel is en waarvolgens wins jaar-tot-jaar met 6% gestyg het, het Sappi se aandeel tussen die band van 7 945 sent per aandeel en 10 545 sent per aandeel vasgesteek. Dié produsent van papier en oploshoutpulp (POH) se herstel tussen 2009 en 2015 was ’n lang, moeilike pad – dit het hom ongeveer sewe jaar geneem om sy aandeelprys van 2 000 sent per aandeel tot 4 000 sent te verdubbel. In 2017 het hy die meeste van sy verliese verhaal en in Augustus 2017 selfs ’n hoogtepunt van 12 100 sent per aandeel bereik, gedeeltelik te danke aan sy vordering om sy skuldvlak beduidend te verlaag. In sy resultate vir die eerste kwartaal, vir die drie maande…

’n Vars bries waai deur ons samelewing, waar gewone mense hul kollektiewe stem vind en dit gebruik om die gesprek te verander. Weg is die dae van onderdanige gehoorsaamheid en afhanklikheid van die enkele beter ingeligtes om namens almal besluite te neem. Dit geld toenemend vir die millenniër-belegger, wat wil weet haar belegging tel en maak ’n verskil. Verlede jaar het ’n rits fiasko’s in verskeie aspekte van die beleggingswaardeketting ’n hoogtepunt bereik: van die gapende tekortkomings in die bestuurstoesig en aankope van sommige staatsondernemings en die impak daarvan op kredietmarkte, tot die onvermoë van ontleders om ongerymdhede in die boekhouding van maatskappye soos Steinhoff International raak te sien, tot die twyfelagtige uitkomste van meganismes soos SEB, wat in teorie veronderstel was om transformasie te bewerkstellig. Dit is vir professionele…

as lid van ’n aftreefonds moet jy besef dat beleggingsbesluite moeilik genoeg is vir jou trustee as die fonds en sy belanghebbendes al is wat sy moet oorweeg. Maar die groot klomp advies wat sy ontvang, maak die probleem veel moeiliker. Die trustee kry aanbevelings om die beginsels van maatskaplik verantwoordelike belegging in ag te neem, sowel as omgewings-, bestuurs- en maatskaplike faktore in die keuse van bates, en om te fokus op infrastruktuur of gemeenskapsontwikkeling, met voorkeur aan ondernemings in swart besit. Dit kan haar laat wonder wat dit beteken om volhoubaar of in die beste belang van alle Suid-Afrikaners te belê. Sy kan druk ervaar om politieke prioriteite te verstaan en dan ooreenkomstig te belê. Wat moet jy van haar en haar mede- trustees verwag as hulle namens…

wanneer ek sê dat ek in swart ekonomiese bemagtiging (SEB) werk en dit al 19 jaar lank doen, word ek dikwels gekonfronteer deur stories van hoe sleg dit vir die samelewing is en hoe sleg die model is. Ek word ook gevra hoe op dees aarde ek so ’n swak beleid kan steun. Ek sê altyd dat SEB twee soorte kritici het – diegene wat meen hulle moes meer daaruit gekry het en dié wat meen dat enige vorm van verandering ’n persoonlike bedreiging inhou. SEB en sy beginsel van plaaslike bemagtiging is nie uniek nie: talle maatskappye in buitelandse besit erken dat hulle elders in die wêreld soortgelyke kwessies moet aanpak. Australië, China, Maleisië, Namibië, Botswana, Mosambiek, Ghana en Zambië (saam met sowat 23 ander Afrika-state) het hul eie…

met Februarie wat reeds afgeskop het, skarrel baie beleggers om soveel as moontlik tot hulle uittree-annuïteite by te dra voor die einde van die finansiële jaar, en met goeie reg. Saam met die duidelike belastingvoordele wat met ’n uittree-annuïteit (UA) gepaardgaan, bied ’n UA ook ’n reeks ander voordele: Belastingdoeltreffend In gevolge die nuwe wetgewing wat sedert 1 Maart 2016 van krag is, was daar ’n toename in die persentasie van jou toelaatbare belastingaftrekbare bydrae (persoonlike inkomstebelasting) vanaf 15% tot 27,5% van jou belasbare inkomste of vergoeding (wat ook al die grootste is), tot ’n jaarlikse perk van R350 000. Dit beteken dat as jy ’n bestaande voorsieningsfonds by jou huidige werkgewer het waartoe jy 15% bydra, mag jy nou ’n bykomende 12,5 persentasiepunte as ’n toelaatbare belastingaftrekking in die…

Verlede jaar se plaaslike banksentimentindeks, wat BrandsEye in vennootskap met Julia Ahlfeldt, ’n gesertifiseerde kliëntervaringdeskundige, opgestel het, sonder Capitec uit as die markleier ten opsigte van kliëntsentiment. BrandsEye se sentimentontleding van die banke is gegrond op 1,8 miljoen sosialemedia-plasings wat tussen September 2016 en Augustus verlede jaar gepubliseer is. Capitec het vir die derde agtereenvolgende jaar die hoogste netto sentiment behaal en was die enigste bank wat positiewe netto sentiment volgehou het. Lae bankgelde is as sy grootste voordeel uitgesonder, terwyl gebruikseenvoud ook as ’n faktor geïdentifiseer is. Absa het die laagste netto sentiment van die vyf banke, met etiek wat as ’n negatiewe besprekingspunt uitgewys is. Meer as 30% van Absa se negatiewe sentiment hou verband met die openbare beskermer se omstrede verslag oor sy Bankorpreddingsaksie in die apartheidsera.…

dit begin alles daarmee om ’n opportunis te wees. Ons betree die mark gewoonlik met ’n slagoffermentaliteit, onseker of ons werklik daardie perfekte rol en/of perfekte maatskappy gaan vind. Werksoekers is ook uiters negatief oor al die spelers in die werwingsbedryf, insluitend personeelwerwers. Hou in gedagte dat dié deelnemers goed geld maak deur jou te plaas, en het daarom ’n baie sterk opportunistiese houding. Nou waarom sal jy nie ook so ’n benadering hê nie? Ek het al dikwels gesien dat ’n negatiewe houding veroorsaak word deur swak selfvertroue, veral as mens die arbeidsmark betree. Ek sien ook verborge kwessies (soos vorige swak loopbaanbesluite wat in ’n CV verskyn). Wat daarvan? Die meeste werksoekers het op ’n sekere stadium ’n fout gemaak. Hou op om daaroor te tob. Wanneer jy…

Tom Eaton @TomEatonSA Dinge wat Julius Malema gesê het, in chronologiese volgorde: - Jacob Zuma is ’n leier om voor te sterf - Venezuela se ekonomie is ’n model vir SA - Mkhwebane is ’n goeie keuse as Openbare Beskermer - Ramaphosa sal nie president word nie Nee, gaan asseblief voort. Regtig. Swedish Canary @SwedishCanary Ons moet politici tot twee termyne beperk – een in die amp en een in die tronk. Mark Robson @kramnosbor Maak Zuma die Proteas se aanvangskolwer. Hulle sal hom nooit uitkry nie. Greg Davies @greg46011313 Het Viceroy ’n verkoopopsie op Allister Coetzee uitgeneem? The Motley Fool @themotleyfool “Maak nie saak hoe briljant jou denke of strategie is nie, as jy ’n solospel gaan speel, gaan jy altyd teen ’n span verloor” – Reid Hoffman VeryBritishProblems…

’n Sosiale revolusie is aan die gang waarvan die meeste van ons salig onbewus is. Die oorsake is vaag, maar die gevolge kan belangrik wees: dit kan verander hoe ons werk, met wie ons trou, hoeveel kinders ons het en kan selfs, in uiterste gevalle, die moontlikheid van konflik verhoog. Dit is ’n relatief onlangse verskynsel wat slegs in die afgelope twee dekades kop uitgesteek het, maar teen ’n vinnige pas versnel. Welkom by die era van die groter wordende gaping in opvoeding tussen geslagte. Jong vroue vaar deesdae teen ’n verstommende tempo beter as seuns op skool en op universiteit. Twee nuwe studies, albei deur ekonome van die Universiteit Stellenbosch se navorsing in sosialebeleidseenheid, bevestig dit. ’n Studie deur Chris van Wyk, Anderson Gondwe en Pierre de Villiers het…

die vervanging van Robert Mugabe as president van Zimbabwe deur sy teenstander in die regerende party, Emmerson Mnangagwa, het klaarblykblik verskeie Suid-Afrikaanse mynboumaatskappye se belangstelling in dié land opnuut geprikkel in die hoop om teen lae koste daarheen te kan uitbrei. Die afgelope weke het die JSE-genoteerde goudprodusent Pan African Resources sowel as Tharisa, ’n Brits-genoteerde chroom en platinumgroepmetalemaatskappy (PGM) wat sy hoofkantoor en bedrywighede in Suid-Afrika, aangedui dat hulle moontlik bates in Zimbabwe sal aanskaf. Dit volg nadat nog ’n JSE-genoteerde maatskappy, Pallinghurst Resources, verlede jaar aangekondig het dat hy ’n ooreenkoms met die Mugabe-administrasie bereik het om sy doelgemaakte platinumverwerkingstegnologie daar te installeer, met die verpligting om dit aan ’n paar PGM-produsente in Zimbabwe beskikbaar te stel. Arne Frandsen, uitvoerende hoof van Pallinghurst, sê die ooreenkoms bly geldig…

vodacom, waarin Vodafone ’n meerderheidsbelang het, het bedrywighede in Lesotho, Mosambiek, Tanzanië en die Demokratiese Republiek van die Kongo. Sy koop van Vodafone se belang in Safricom verlede jaar vir R35 miljard het tot ’n daling in Vodacom se tussentydse dividend gelei. Dit het Vodafone ook verplig om aandele te verkoop om te voldoen aan die JSE se vereiste van 20%-vrye swewing, wat afwaartse druk op die aandeelprys geplaas het. Huidige vooruitsig: Na Vodacom steun op 13 000 sent per aandeel gehandhaaf het, het hy gekonsolideer en sy vorige bultendens hervat. Sentiment het lewendig herstel, veral na die groep sterk resultate vir die Desember-kwartaal aangekondig het. Sy aktiewe klante het jaar-tot-jaar met 13% tot 73,6 miljoen gegroei met groepinkomste met 6,7% tot R22,6 miljard hoër. Die grafieke: Vodacom het sy…

WOOLWORTHS Oorbetaling vir David Jones In die vorige uitgawe (1 Februarie) het ek gesê dat Woolworths* ’n afwaartse waardasie van die David Jones-waarde as ’n nie-kontantitem sou verklaar, en dis presies wat gebeur het – tot ’n waarde van ongeveer R7 miljard (10% van sy markkapitalisasie). Dit het die potensiaal om uitvoerende amptenare se bonusse te verhoog, maar belangriker is dat dit die skaal van die oorbetaling vir David Jones toon – hierdie waardasie is ongeveer ’n derde van die koopprys. Weer eens opper dit die vraag of groot transaksies werklik verstandig en die moeite werd is. Waarskynlik nie, want hulle is selde suksesvol. ASCENDIS HEALTH Twyfelagtige metodologie Ascendis Health het ’n handelsverslag uitgereik wat drie verskillende verdienstes (genormaliseerde, wesens- en regstreekse verdienste) verstrek het. Die volgende dag het hulle…

Sameroeper Anne Cabot-Alletzhauser Hoof van die Alexander Forbes-navorsingsinstituut Redaksionele advieskomitee Lindelwa Farisani Hoof van ekwiteitsverkope: Suid-Afrika, UBS Investment Bank Delphine Govender Beleggingshoof, Perpetua Investment Managers Petri Greeff Bestuurshoof, RisCura Patrice Rassou Aandelehoof, Sanlam Investment Management Heidi Raubenheimer Fakulteitslid, Universiteit Stellenbosch Bestuurskool Murray Anderson Hoof: Privaatbeleggers & Fondsbestuur, Ashburton Investments Di Turpin Onafhanklike konsultant Nerina Visser ETF-strateeg en -adviseur…

daar is nie ’n duidelike wenner tussen ’n breë en ’n gekonsentreerde beleggingsbasis nie. Daar is voordele en nadele verbonde aan albei modelle. ’n Gekonsentreerde eienaarskapsbasis het die voordeel van gevestigde belange en ’n groter getal ingeligte mense wat ’n oog hou oor die bedrywighede van die firma (maar natuurlik is daar minder van hulle), terwyl ’n breër eienaarskapsbasis meer belanghebbendes beteken (maar nie noodwendig met soveel gevestigde belange in die besigheid nie). Eienaarstrukture is nie noodwendig voorafbepaal nie Ons moet onthou dat eienaarskapstrukture nie voorafbepaalde uitkomste van die een of ander groot plan is nie, maar eerder die gevolg is van toevallige historiese ontwikkeling. Internasionale finansiële stelsels het ontwikkel met elke afsonderlike land se unieke geskiedenis wat sy eie besondere struktuur beïnvloed. Finansiële stelsels verskil van mekaar, maar elkeen…

geagte uitvoerende hoof, Namate BlackRock sy dertigste verjaarsdag nader, het ek die geleentheid gehad om te dink oor die dringendste sake wat beleggers vandag in die gesig staar en hoe BlackRock moet aanpas om ons kliënte doeltreffender te bedien. As ’n fidusiêre entiteit, skakel BlackRock met maatskappye om die volhoubare, langtermyngroei aan te dryf wat ons kliënte benodig ten einde hul doelwitte te haal. In 2017 het ekwiteite ’n bogemiddelde lopie gehad met rekordhoogtepunte oor ’n groot verskeidenheid sektore. Tog het algemene frustrasie en angs oor die toekoms terselfdertyd nuwe hoogtes bereik. Ons sien ’n paradoks van hoë opbrengste en hoë angstigheid. Sedert die finansiële krisis het diegene met geld enorme voordele beleef. Terselfdertyd staar ’n kombinasie van lae koerse, lae salarisgroei en onvoldoende aftreestelsels talle individue wêreldwyd in die…

Capitec se aandeelprys verduur kwaai druk nadat ’n omstrede verslag deur die Amerikaanse maatskappy Viceroy Research op 30 Januarie tot geweldige verkope van die bank se aandele gelei het. (Lees ook bladsy 34.) Die aandeelprys het by die skryf hiervan op 6 Februarie teen R823,61 verhandel – 23% minder as sy maandhoogtepunt van R1 069,30 op 25 Januarie, volgens IRESS-data. Die aandele het ná die uitreiking van die verslag teen so laag as R705 verhandel. Luidens die Viceroy-verslag, wat Capitec en sommige fondsbestuurders en ontleders intussen verwerp het, is Capitec ’n uitbuiter wat sy leningsboek minstens R10 miljard te hoog aangee. Hy het die Suid-Afrikaanse Reserwebank versoek om Capitec onder kuratorskap te plaas en gesê sy “balansstaat en inkomste- en solvensiesyfers is onbetroubaar”. Luidens ’n tweede Viceroy-verslag, wat op 5…

1 Reg of verkeerd? Die vlag van Zambië beeld ’n leeu uit. 2 Watter span het onlangs die Super Bowl gewen? ▪ Denver Wolves ▪ Philadelphia Eagles ▪ Chicago Warriors 3 Wat was die naam van die maatskappy wat ’n “skadelike” ontledersverslag oor Naspers vrygestel het, wat die aandeelprys skerp laat daal het? 4 In watter land is die prehistoriese monument Stonehenge geleë? 5 Reg of verkeerd? Caroline Motsepe is die uitvoerende hoof van Finbond. 6 Wat is die naam van die ANC se hoofkantoor? 7 Reg of verkeerd? Die Openbare Beleggingskorporasie gaan Eskom R6 miljard leen. 8 Wat is die naam van die rivier wat deur Parys, Frankryk, vloei? 9 Reg of verkeerd? Hoërskool Overvaal, waar protes plaasgevind het weens ’n besluit dat hy nie plek vir Engelssprekende leerlinge…

“BLY KALM!” – Die boodskap wat op die paneelbord van die Tesla Roadster van $100 000 gedruk is wat Falcon Heavy, nou die kragtigste werkende vuurpyl, die ruimte in gestuur het. Die Falcon, wat deur Elon Musk se SpaceX gebou is, is op 6 Februarie teen ’n koste van $90 miljoen by Cape Canaveral in Florida gelanseer. As alles goed afloop, sal die rooi Roadster, met sy afslaankap af en David Bowie wat uit die luidsprekers brul, om Mars wentel, berig theguardian.com. “ ’N KOMBINASIE VAN ’N BORREL, ’N PONZI-SKEMA EN ’N OMGEWINGSRAMP.” – ’n Beskrywing van bitcoin deur Agustín Carstens, hoofbestuurder van Bank for International Settlements (BIS). Carstens het aan ft.com gesê sentrale banke moet bitcoin vasvat en keer dat kriptogeldeenhede op die rug van hoofstroominstellings ry en ’n…

Op die laaste handelsdag van 2017 het Capitec net benede R1 100 verhandel – meer as 50% hoër oor die afgelope jaar en bykans 300% oor die afgelope twee jaar. As aandeelhouer het dit my gelukkig én bekommerd laat voel. Gelukkig omdat ek soos die meeste mense daarvan hou om ’n wins te maak en bekommerd omdat die aandeel weer eens grootliks oorgewig in my portefeulje was. Dus moes ek daarvan verkoop om dit weer in lyn te bring. Toe land Viceroy se verslag en ek raak ontslae van die helfte van my posisie teen ’n gelukkige R911. Op bladsy 34, skryf ek oor die reaksie op die Viceroy-verslag, wat met betrekking tot Capitec hoofsaaklik ou kwessies dek wat al jare lank deur beleggers en die bestuur geopper is. Die…

in 2018 is daar ’n warrelwind van nuwe beursverhandelde fondse (ETF’s) wat mark toe kom. Minstens drie uitreikers betree die mark en noteer nuwe ETF’s in Februarie en Maart. Ons het 63 genoteerde ETF’s (15 wat verlede jaar bygekom het) en 22 beursverhandelde notas (ETN’s). Die nuwe ETF-noterings behoort minstens 11 nuwe ETF’s by te voeg, wat dié landskap nog meer kompleks maak. 63 genoteerde ETF’s (15 wat verlede jaar bygekom het) en 22 beursverhandelde notas (ETN’s). Die nuwe ETF-noterings behoort minstens 11 nuwe ETF’s by te voeg. Keuses, keuses Dié kompleksiteit vind op twee vlakke plaas, waarvan die eerste keuse is. Ons het tans vier gewone Top40-ETF’s, drie ETF’s wat die S&P 500 volg en twee wat die MSCI World Index volg. Keuse is altyd wonderlik. Ons koop eenvoudig…

die onlangse vergadering van die Wêreld- Ekonomiese Forum (WEF) in Davos, het ons weer aan ons ergerlike potensiaal herinner deur op ons talle mislukkings te wys. Volgens die WEF-indeks van inklusiewe ontwikkeling is Suid-Afrika maar 69ste uit 103 lande. Die onlangse verslag lui: “Suid-Afrika moet nog ’n meer inklusiewe groeimodel ontwikkel en beter werksgeleenthede aan ’n groter deel van sy bevolking bied.” Daar is vroeë tekens dat die land hernuwing kan aanpak. Die sakesektor in die algemeen het ná Nenegate uiteindelik weerstand teen staatskaping begin bied en gesamentlik invloed begin uitoefen om verandering aan te bring. Nou is ’n verskuiwing nodig soortgelyk aan wat gebeur het toe anti-apartheid-sanksiebewegings in die vroeë 1990’s na pro-Suid-Afrikaanse beleggingstrategieë omgeskakel het. Ons moenie met ’n “ongemaklike bondgenoot- -skap” tussen die regering en beleggers tevrede…

die twee goed wat die meeste spanning en misverstand in Suid-Afrika veroorsaak, is ras en geld. Die agenda vir die inwerkingstelling van SEB is ’n rasgebaseerde strategie wat die billike oordrag van ekonomiese deelname en eienaarskap wil aanhelp. Diegene wat oor die voorreg van besluitneming beskik maar terselfdertyd voor die mag van beleidmakers moet buig, kan dit gevolglik nogal moeilik vind om aan dié stukkie wetgewing te voldoen. Volgens Megan Boler in haar boek Feeling Power, teoretiseer die pedagogiek van ongemak oor die hantering van moeilike kwessies, soos maatskaplike ongeregtigheid. Aangesien SEB remediërend van aard is, kan die ongemak wat dit veroorsaak heraangespreek en beter aangewend word om verskille beter te verstaan en dus doeltreffender te reageer. Feit is, ons het die kommunikasie oor transformasie verkeerd hanteer en dit het…

vier nuwe banke sal na verwagting vanjaar in Suid-Afrika begin sake doen: TymeDigital, Discovery Bank, Bank Zero en die nuwe Postbank. Hulle sal na verwagting almal teen hierdie tyd aanstaande jaar in bedryf wees. Niemand verwag dat dié beginners vanjaar groot dinge gaan bereik nie; dit sal moeilik wees om kliënte te lok in die banksektor, waar traagheid onder kliënte ’n reusefaktor is. Die sukses van Capitec, wat sedert sy instelling in 2001 vinnig gegroei het om die land se tweede grootste bank volgens kliëntetal te word, het reeds vir plaaslike verbruikers gewys dat groter mededinging tot goedkoper en beter dienste kan lei. (Lees die kassie op bladsy 40 vir meer oor Viceroy Research se verslag rakende Capitec.) Mededinging in die banksektor lei tradisioneel onder hoë toegangsversperrings, soos die koste…

ná ’n moeilike 2017 uit ’n ekonomiese en politieke oogpunt, waartydens die onafhanklikheid en die mandaat van die Reserwebank onder skoot gekom het, beloof 2018 om ’n puik jaar vir die president van die Reserwebank, Lesetja Kganyago, te wees. In Januarie is hy vereer as sentrale bankier van die jaar deur die spesialis-uitgewers Central Banking en is hy verkies tot voorsitter van die Internasionale Monetêre Fonds se komitee op monetêre en finansiële sake wat die fonds se bestuursraad van advies dien. Hy is die eerste persoon uit Afrika suid van die Sahara om as voorsitter te dien van die komitee wat uit 24 lede – ministers van finansies en presidente van sentrale banke – bestaan. En as Kganyago slapelose nagte het oor die stand van Capitec of die breër ekonomie,…

Planmaker Laat een aand ry ’n man heelwat vinniger as die toegelate snelheid. ’n Polisiekonstabel sien dit en trek hom van die pad af. “Besef jy hoe vinnig jy gery het?” vra hy vir die man. Die man antwoord: “Ja, ek weet. Ek probeer wegkom van ’n rooftog waarin ek betrokke was.” Die konstabel kyk hom agterdogtig aan en vra: “Is jy die een wat beroof is?” Die man antwoord kalmpies: “Nee, ek het die roof gepleeg.” Die konstabel lyk geskok dat die man dit erken. “Wil jy my vertel jy het te vinnig gery... én ’n roof gepleeg?” “Ja,” sê die man kalm. “Ek het die gesteelde goedere in die kattebak.” Nou raak die konstabel kwaai. “Meneer, ek sal jou moet arresteer.” Hy steek sy arm deur die venster…